Amosi 1
1
1Agamba m’Amosi, ôm̃ori gôr’ivenjavenji y’ilemba y’inyam̃a yi Tekôa, ijeṉa s’ayenyô yè g’ômwanja w’Israèl, gw’egômbe z’Ôzyas, y’ôga wi Yuda, na gw’egômbe zi Yerôbôam, y’ômwaṉa wi Yôas, y’ôga w’Israèl, impum̃’imbaṉi ntye zugyazugyaga re. 2Awulyi yè inè: Yeôva e kungula avila gô Siyôn, e pang’inyôy nyè jogaṉô avila gô Yerusalèm. Alwaṉô m’ivenjavenji y’adombè mi re n’iwoga, n’esôsôlô zi Karmèl z’ajôm̃i.
3Yeṉo kambe Yeôva inè: G’ômwanja w’ibe tarô si Damas, na si nay kè, mi ze jôṉ’ivangi nyam̃, konde wi re jara pe Galaad n’imyanga yi nyiginya. 4Mi be tôm̃’ôgôṉi gô nagô y’Azaèl, ko wô pez’inagô s’aga si Bèn‐Adad. 5Mi be jôṉ’izape yi Damas, mi be jiliz’alwaṉi avila gô Bikat‐Avèn, n’ayè yi kôte nkogu y’ôga avila gô Bèt‐Edèn; n’iṉongo nyi Sirya nyi be kèndizô ikôte gô Tir, bulye Yeôva.
6Yeṉo kambe Yeôva, inè: G’ômwanja w’ibe tarô si Gaza, na si nay kè, mi ze jôṉ’ivangi nyam̃, konde wi re panga pe nkondo y’ikôte gô piṉa yô gw’Edom. 7Mi be tôm̃’ôgôṉi gw’ikômba si Gaza, ko wô pez’inagô s’aga sa yô. 8Mi be jiliz’alwaṉi avila gw’Asdod, n’ayè yi kôte nkogu y’ôga avila gw’Askalon; mi be keguny’ôgo wam̃ gô sir’Ekron, ni mbèy y’arigaṉi ya mongi Filiste yi be pera, bulye Rerè Yeôva.
9Yeṉo kambe Yeôva inè: G’ômwanja w’ibe tarô si Tir, na si nay kè, mi ze jôṉ’ivangi nyam̃, konde wi re piṉa pe nkondo y’ikôte gw’Edom, ko w’ayônginye njeka yi re awarera ko dwaṉa gô yô. 10Mi be tôm̃’ôgôṉi gw’ikômba si Tir, ko wô pez’inagô s’aga sa yô.
11Yeṉo kambe Yeôva inè: G’ômwanja w’ibe tarô s’Edom, na si nay kè, mi ze jôṉ’ivangi nyam̃, konde agombiz’awôngi yè n’ôkwara w’iwora, awal’ipôgiṉa sôdu, konde eguṉu zè zi sasuṉ’egômbe zôdu. 12Mi be tôm̃’ôgôṉi gô Teman, ko wô pez’inagô s’aga si Bozra.
13Yeṉo kambe Yeôva inè: G’ômwanja w’ibe tarô s’awaṉa w’Amon, na si nay kè, mi ze jôṉ’ivangi nyam̃, konde wi re jaruṉa p’ambum̃u m’antô wi re n’anyem̃e wi Galaad, ko waô pendize ntye yaô. 14Mi be bak’ôgôṉi gw’ikômba si Raba, ko wô pez’inagô s’aga, gô gare yi mbôgiṉa y’igoṽi gô ntyugu yi nwô igoṽi, na gô gare y’ôgulônkangwè gô ntyugu y’efwizagèngè; 15n’ôgi waô e be kènd’ôkôte, ayè n’ivangiṉi yè ta, bulye Yeôva.
നിലവിൽ തിരഞ്ഞെടുത്തിരിക്കുന്നു:
Amosi 1: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.