မႃႇၵူႉ 3
3
ၵူၼ်းဢၼ်မိုဝ်းႁဵဝ်ႇၶွၼ်ၼိုင်ႈ
(တူၺ်း၊ မၢတ်ႈ 12:9-14။ လူႉ 6:6-11)
1မၼ်းၸဝ်ႈသမ်ႉၶိုၼ်းၶဝ်ႈၵႂႃႇ ၵႃႈၼႂ်းၸရွပ်ႈႁေႃးတြႃးလႄႈ ၼႂ်းတီႈၼၼ်ႈ မီးၵူၼ်းဢၼ်မိုဝ်းႁဵဝ်ႇၶွၼ်ၼိုင်ႈၵေႃႉၼိုင်ႈဢေႃႈ။- 2ၼႂ်းဝၼ်းၵမ်သိၼ် မၼ်းၸဝ်ႈတၵ်းႁႂ်ႈတၢင်းၶႆႈတၢင်းပဵၼ်မၼ်းၼၼ်ႉႁၢႆႁိုဝ်။ တၵ်းဢမ်ႇႁႂ်ႈႁၢႆႁိုဝ်ဝႃႈၼႆ၊ ၶဝ်ၼၼ်ႉ ၼင်ႇႁိုဝ်တၵ်းမီးတီႈတၢင်ႇဢပႅတ်ႈ ၵႃႈၼိူဝ်မၼ်းၸဝ်ႈၸိုင် လွမ်တူၺ်းမၼ်းၸဝ်ႈယူႇဢေႃႈ။- 3မၼ်းၸဝ်ႈၵေႃႈ လၢတ်ႈတီႈၵူၼ်းဢၼ်မိုဝ်းႁဵဝ်ႇၶွၼ်ၼိုင်ႈၼၼ်ႉလႄႈဝႃႈ၊ လုၵ်ႉၸုၵ်းယူႇၼႂ်းၶိုင်ႈၵၢင်ၼႆႉတႃႉ၊ ဝႃႈၼင်ႇၼႆယဝ်ႉၸင်ႇ၊- 4မၼ်းၸဝ်ႈ သမ်ႉထၢမ်ၶဝ်ၼၼ်ႉလႄႈဝႃႈ၊ ဝၼ်းၵမ်သိၼ်ထုၵ်ႇလီႁဵတ်းၵျေးၸူးႁိုဝ်။ ထုၵ်ႇလီယႃႉ တၢင်းလီပိူၼ်ႈႁိုဝ်။ ထုၵ်ႇလီၶျွတ်ႈဢဝ်ဢသၢၵ်ႈႁိုဝ်။ ထုၵ်ႇလီဢဝ်တၢႆႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၼၼ်ႉ ယူႇတဵတ်ႇတဵတ်ႇယူႇဢေႃႈ။- 5မိူဝ်ႈၼၼ်ႉ မၼ်းၸဝ်ႈ ပႃးတင်း တၢင်းၸႂ်မႆႈၶႆႈၸႃႉ လူတူၺ်းလဵပ်ႈႁွပ်ႈသေလႄႈ မီးတၢင်းဢၼ်မႆႈၸႂ် ၵွပ်ႈပိူဝ်ႈဢၼ် ႁူဝ်ၸႂ်ၶဝ်ၵႅၼ်ႇၶႅင်ၼႃႇၼၼ်ႉလႄႈ လၢတ်ႈတီႈၵေႃႉၼၼ်ႉလႄႈဝႃႈ၊ ယဵတ်ႇမိုဝ်းမႂ်းတႃႉ၊ ဝႃႈၼင်ႇၼႆယဝ်ႉၸင်ႇ၊ ၵေႃႉၼၼ်ႉယဵတ်ႇမိုဝ်းမၼ်းလႄႈ မိုဝ်းမၼ်းၼၼ်ႉ လီမႃးဢေႃႈ။
6မိူဝ်ႈၼၼ်ႉ ၽႃႇရီႉသႄးၸိူဝ်းၼၼ်ႉ ဢွၵ်ႇၵႂႃႇသေလႄႈ၊ လွင်ႈဢၼ်တၵ်းလႆႈယႃႉမၼ်းၸဝ်ႈၸိူဝ်ႉၼင်ႇႁိုဝ်ၸိုင် တိူင်ႇပၢင်ႇလၢတ်ႈၸႃၵၼ်တင်း တပႄးႁေႇရူတ်ႈတင်းလၢႆၵမ်းလဵဝ်ဢေႃႈ။
မူႇၵူၼ်းၵႃႈတီႈႁိမ်းၼွင်
7 ယေႇသူႉ ဢိၵ်ႇတင်းတပႄးၸဝ်ႈတင်းလၢႆ ၶၢႆႉၵႂႃႇၵႃႈတီႈႁိမ်းၼွင်ပုၼ်ႉလႄႈ ၵူၼ်းၼမ်ၼႃႇဢၼ်လုၵ်ႉသေၵႃႈတီႈမိူင်း ၵႃႇလီႉလႄးမႃးၼၼ်ႉ ၸွမ်းမၼ်းၸဝ်ႈယူႇလႄႈ၊- 8ၸႃႉၸဵမ်ၵႃႈတီႈမိူင်းယူႉတႃႉ၊ ၵႃႈတီႈဝဵင်းယေႇရူႉသလႅမ်ႇ၊ ၵႃႈတီႈမိူင်းဢီႉတူႉမေႇ၊ ၵႃႈတီႈတၢင်းၽၢႆႇပုၼ်ႉၼမ်ႉႁွင်ႈ ယေႃးတၢၼ်ႇ၊ ၵႃႈတီႈႁိမ်း ဝဵင်းတူႉရူႉ တင်းဝဵင်းၸီႉတုမ်ႇတင်းလၢႆၸိူဝ်းၼၼ်ႉ ၵူၼ်းၼမ်ၼႃႇငိၼ်းလွင်ႈဢၼ် မၼ်းၸဝ်ႈႁဵတ်းၵႃႈမီးတင်းသဵင်ႈတင်းလူင်ၸိူဝ်းၼၼ်ႉလႄႈ မႃးၸူးမၼ်းၸဝ်ႈဢေႃႈ။- 9ၵွပ်ႈပိူဝ်ႈၵူၼ်းဢၼ်ၸူႉဢၼ်တုမ်ၼၼ်ႉလႄႈ လွင်ႈၼင်ႇႁိုဝ် ၶဝ်တၵ်းဢမ်ႇလႆႈၽိုတ်ႉလႆႈဢီးမၼ်းၸဝ်ႈၸိုင် မၼ်းၸဝ်ႈမီးဢမိင်ႉတီႈတပႄးၸဝ်ႈတင်းလၢႆ ႁႂ်ႈႁိူဝ်းဢွၼ်ႇလမ်းၼိုင်ႈ ပႂ်ႉယူႇႁိမ်းမၼ်းၸဝ်ႈဢေႃႈ။- 10လွင်ႈမၼ်းၸမ်ႉ ပိူဝ်ႈဢၼ်မၼ်းၸဝ်ႈပၼ် ၵတ်းယဵၼ်ၶျၢမ်းသႃႇတီႈၵူၼ်းၼမ်ၼႃႇလႄႈ ၶဝ်ၸိူဝ်းဢၼ်မီးတၢင်းၶႆႈတၢင်းပဵၼ်ၵႃႈမီးတင်းသဵင်ႈတင်းလူင် ၽိုတ်ႉဢီးၸူးမၼ်းၸဝ်ႈ ႁႂ်ႈလႆႈတိူဝ်ႉမၼ်းၸဝ်ႈဢေႃႈ။- 11ၽီႁၢႆႉဢၼ်ၵူဝ်ႈၵိူၵ်ႇတင်းလၢႆၵေႃႈ မိူဝ်ႈဢၼ်ႁၼ်မၼ်းၸဝ်ႈၸိုင်၊ ၶုပ်ႉမူပ်ႇသေလႄႈ ႁွင်ႉသႅၼ်ႇလႄႈဝႃႈ၊ ၸဝ်ႈႁဝ်းပဵၼ်လုၵ်ႈၽြႃးပဵၼ်ၸဝ်ႈၶႃႈဢေႃႈ၊ ဝႃႈၼင်ႇၼႆဢေႃႈ။- 12လွင်ႈၼင်ႇႁိုဝ် ၶဝ်ၼၼ်ႉ တၵ်းဢမ်ႇလႆႈႁႂ်ႈသတၢင်းသဵင်ၶၢဝ်ႇမၼ်းၸဝ်ႈဢွၵ်ႇၸိုင်၊ မၼ်းၸဝ်ႈသင်ႇလၢတ်ႈပၼ်တီႈၶဝ်ၼႃႇလူင်လၢင်ဢေႃႈ။
ၸဝ်ႈယေႇသူႉလိူၵ်ႈဢဝ်တမၢၼ်ႇၸဝ်ႈသိပ်းသွင်ပႃး
(တူၺ်း၊ မၢတ်ႈ 10:1-4။ လူႉ 6:12-16)
13မိူဝ်ႈၼၼ်ႉ မၼ်းၸဝ်ႈၶိုၼ်ႈၵႂႃႇၵႃႈၼိူဝ်လွႆပုၼ်ႉသေယဝ်ႉ၊ ႁွင်ႉဢဝ်ၶဝ်ၸိူဝ်းဢၼ် မၼ်းၸဝ်ႈမီးဢလူဝ်ႇတင်းလၢႆၼၼ်ႉလႄႈ၊ ၶဝ်ၼၼ်ႉၵေႃႈ မႃးၵႃႈတီႈ မၼ်းၸဝ်ႈဢေႃႈ။- 14မၼ်းၸဝ်ႈၶၢၼ်းဝႆႉၶဝ် သိပ်းသွင်ပႃး လွင်ႈၼင်ႇႁိုဝ် ၶဝ်တၵ်းမီးယူႇလူၺ်ႈၵၼ်တင်းမၼ်းၸဝ်ႈ ဢိၵ်ႇတင်းလွင်ႈၼင်ႇႁိုဝ်တၵ်းပွႆႇၸႂ်ႉၶဝ်ၵႂႃႇ ႁႂ်ႈလႆႈႁေႃးလၢတ်ႈတြႃးလႄႈ၊- 15မီးဢၶႂၢင်ႉဢၼ်တၵ်းႁႂ်ႈတၢင်းၶႆႈတၢင်းပဵၼ်ႁၢႆလႄႈ ႁေႃႈၽီႁၢႆႉတင်းလၢႆ ဢွၵ်ႇပႅတ်ႈဢေႃႈ။- 16သိပ်းသွင်ပႃးၼၼ်ႉၸမ်ႉ၊ ပဵၼ်သီႉမုၼ်ႇ ဢၼ်မၼ်းၸဝ်ႈပၼ်ၸိုဝ်ႈမႂ်ႇ ပေႇတရူႉ၊- 17တင်းယႃႇၵုပ်ႈ လုၵ်ႈၸၢႆးၸေႇပေႇတႄး တင်းၼွင်ႉၸၢႆးမၼ်း ယူဝ်းႁၢၼ်ႇသွင်ၶႃ၊ ဢၼ်မၼ်းၸဝ်ႈပၼ်ၸိုဝ်ႈမႂ်ႇ ၽူဝ်ႇဢၢၼ်ၼိူဝ်ႇၵိတ်ႉဢၼ်ဝႃႈလုၵ်ႈၽႃႉလင် ဝႃႈၼႆ၊- 18တင်းဢၼ်ႇတရေႇ တင်းၽီႉလိပ်ႉပူႉ တင်းပႃႇထေႃးလမႄး တင်းမၢတ်ႈထႄႇ တင်းထူဝ်းမႃႉ တင်းယႃႇၵုပ်ႈ လုၵ်ႈၸၢႆးဢႃႇလၽႄး တင်းထတ်ႉတေႇ တင်းသီႉမုၼ်ႇ ၵူၼ်းၵႃႇၼၼီႉ- 19တင်း ယူႉတႃႉ ဢီႉသၵႃႇရေႇဢုတ်ႈ ဢၼ်ဢဝ်မၼ်းၸဝ်ႈဢၢပ်ႈၼၼ်ႉဢေႃႈ။
ၸဝ်ႈယေႇသူႉတင်းပေႇလႃႉၸေႇပူႉလႃႉ
(တူၺ်း၊ မၢတ်ႈ 12:22-32။ လူႉ 11:14-23။ လူႉ 12:10)
20ၶဝ်ၼၼ်ႉ ၶဝ်ႈၵႂႃႇၵႃႈၼႂ်းႁိူၼ်း ႁိူၼ်းၼိုင်ႈလႄႈ ၵူၼ်းၼမ်ၼႃႇ သမ်ႉၸူႉၵၼ်တုမ်ၵၼ်ထႅင်ႈ တေႃႇထိုင်ႁွတ်ႈၶဝ်ထၼ်ႈပေႃး ဢမ်ႇၵိၼ်တၢင်းၵိၼ်လႆႈဢေႃႈ။- 21မိူဝ်ႈဢၼ်ပီႈၼွင်ႉမၼ်းၸဝ်ႈတင်းလၢႆ ငိၼ်းၼၼ်ႉၸိုင်၊ ၶဝ်ဢွၵ်ႇၵႂႃႇႁႂ်ႈလႆႈတီႉဢဝ်မၼ်းၸဝ်ႈဢေႃႈ။ လွင်ႈမၼ်းၸမ်ႉ ၶဝ်ၼၼ်ႉဝႃႈ၊ မၼ်းယွင်ႇၵႂႃႇယဝ်ႉ၊ ဝႃႈၼင်ႇၼႆဢေႃႈ။
22ၵူၼ်းထုတ်ႇၵျၢမ်းဢၼ်လုၵ်ႉသေၵႃႈတီႈ ဝဵင်းယေႇရူႉသလႅမ်ႇ မႃးၸိူဝ်းၼၼ်ႉၵေႃႈဝႃႈ၊ မၼ်းမီးပေႇလႃႉၸေႇပူႉလႃႉဢေႃႈ။ မၼ်းဢိင်ပိုင်ႈၶုၼ်ၽီႁၢႆႉၼၼ်ႉသေလႄႈ ႁေႃႈၽီႁၢႆႉတင်းလၢႆဢွၵ်ႇပႅတ်ႈယူႇဢေႃႈ၊ ဝႃႈၼင်ႇၼႆဢေႃႈ။- 23မၼ်းၸဝ်ႈႁွင်ႉၶဝ်မႃးသေလႄႈ ဢဝ်ၵႂၢမ်းဢူႉပမႃႇလၢတ်ႈလႄႈဝႃႈ၊ ၸႃႇတၢၼ်ႇႁေႃႈၸႃႇတၢၼ်ႇပႅတ်ႈလႆႈၸိူဝ်ႉၼင်ႇႁိုဝ်။- 24ပေႃးမိူင်းဢမ်ႇထုၵ်ႇဢမ်ႇပေႃးၵၼ် ၽၢတ်ႇၽႄၵၼ်တင်းတူဝ်ၸဝ်ႈၵဝ်ယူႇၸိုင် မိူင်းၼၼ်ႉ ဢမ်ႇမၼ်ႈဢမ်ႇၶိူင်ႇလႆႈ။- 25ႁိူၼ်းၵေႃႈပေႃးဢမ်ႇထုၵ်ႇဢမ်ႇပေႃးၵၼ် ၽၢတ်ႇၽႄၵၼ်တင်းတူဝ်ၸဝ်ႈၵဝ်ယူႇၸိုင် ႁိူၼ်းၼၼ်ႉ ဢမ်ႇမၼ်ႈဢမ်ႇၶိူင်ႇလႆႈ။- 26ၸႃႇတၢၼ်ႇၼၼ်ႉ ပေႃးလုၵ်ႉယူႇၽၢႆႇၼိုင်ႈလႄႈ ဢမ်ႇထုၵ်ႇဢမ်ႇပေႃးၵၼ် ၽၢတ်ႇၽႄၵၼ်တင်းတူဝ်ၸဝ်ႈၵဝ်ႇယူႇၸိုင်၊ ဢမ်ႇမၼ်ႈဢမ်ႇၶိူင်ႇလႆႈ။ တၵ်းႁွတ်ႈထိုင်တၢင်းဢၼ်သုတ်းဢၼ်သုမ်းဢေႃႈ။- 27ပေႃးဢမ်ႇမတ်ႉၽုၵ်ႇၵူၼ်းႁႅင်းဝႆႉဢွၼ်တၢင်းၸိုင်၊ ၽူႈလႂ်သေၵေႃႉသေၵူၼ်း ဢမ်ႇၶဝ်ႈၵႃႈၼႂ်းႁိူၼ်းၵူၼ်းႁႅင်းၼၼ်ႉသေလႄႈ ႁိမ်ဢဝ်ၶူဝ်းလဵင်းမၼ်းလႆႈ။ မတ်ႉၽုၵ်ႇၵူၼ်းႁႅင်းဝႆႉယဝ်ႉၸင်ႇ၊ ႁိမ်ဢဝ်ႁိူၼ်းမၼ်းၼၼ်ႉလႆႈဢေႃႈ။- 28ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ လုၵ်ႈၵူၼ်းတင်းလၢႆ တၵ်းႁွတ်ႈထိုင် တၢင်းဢၼ်ပွႆႇလွတ်ႈဢပႅတ်ႈ ဢၼ်ၽိတ်းပိူင်ႈၵူႈၸိူဝ်ႉၵူႈပိူင် တင်းဢပႅတ်ႈဢၼ်သႄႉသွမ်းၽြႃးပဵၼ်ၸဝ်ႈ ၵူႈၸိူဝ်ႉၵူႈပိူင်ၵႃႈမီးၸိူဝ်းၼၼ်ႉလႆႈယူႇဢေႃႈ။- 29ၵူၺ်းၵႃႈ ၽူႈလႂ်သေဢမ်ႇဝႃႈ၊ ၵေႃႉဢၼ်သႄႉသွမ်းဝီႉၺိၺ်ႇဢၼ်မူတ်းၸၢင်ႇၸဝ်ႈၼၼ်ႉ၊ ၵေႃႉၼၼ်ႉ ၶိင်ႇလႂ်သေဢမ်ႇဝႃႈ၊ တၵ်းဢမ်ႇ ႁွတ်ႈထိုင်တၢင်းဢၼ် ပွႆႇလွတ်ႈဢပႅတ်ႈလႆႈ။ ပဵၼ်ၵေႃႉဢၼ်လႆႈၶၢမ်ႇဢပႅတ်ႈတၢမ်ႇထႃႇဝရႃႉယဝ်ႉ၊ ဝႃႈၼင်ႇၼႆဢေႃႈ။- 30ႁဵတ်းႁိုဝ်လႄႈ၊ မၼ်းၸဝ်ႈဝႃႈၼင်ႇၼႆၸမ်ႉ၊ ၶဝ်ၼၼ်ႉဝႃႈ၊ မၼ်းၸဝ်ႈပဵၼ်ၵေႃႉဢၼ်ၽီၵူဝ်ႈၵိူၵ်ႇၶဝ်ႈဢေႃႈ၊ ဝႃႈၼင်ႇၼႆဢေႃႈ။
မႄႈၸဝ်ႈတင်းၼွင်ႉၸဝ်ႈယေႇသူႉ
(တူၺ်း၊ မၢတ်ႈ 12:46-50။ လူႉ 8:19-21)
31ၵမ်းၼၼ်ႉ မႄႈၸဝ်ႈဢိၵ်ႇတင်းၼွင်ႉၸဝ်ႈတင်းလၢႆမႃးလႄႈ ၸုၵ်းယူႇၵႃႈၼွၵ်ႈသေယဝ်ႉ၊ ပွႆႇၸႂ်ႉၵူၼ်းၵႂႃႇၵႃႈတီႈမၼ်းၸဝ်ႈလႄႈ ႁွင်ႉဢေႃႈ။- 32ၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉ ၼင်ႈလွမ်ႉႁွပ်ႈမၼ်းၸဝ်ႈယူႇသေလႄႈ လဝ်ႊလၢတ်ႈလႄႈဝႃႈ၊ တူၺ်းလူး၊ မႄႈၸဝ်ႈႁဝ်း ဢိၵ်ႇတင်းၼွင်ႉၸဝ်ႈႁဝ်းတင်းလၢႆၼၼ်ႉ မီးယူႇၵႃႈၼွၵ်ႈလႄႈ ႁႃၸဝ်ႈႁဝ်းယူႇၶႃႈဢေႃႈ၊ ဝႃႈၼင်ႇၼႆယဝ်ႉၸင်ႇ၊- 33မၼ်းၸဝ်ႈၵေႃႈ ထၢမ်လႄႈဝႃႈ၊ မႄႈၵဝ်၊ ၼွင်ႉၵဝ်တင်းလၢႆၸမ်ႉ၊ ပဵၼ်ၽူႈလႂ်၊ ဝႃႈၼင်ႇၼႆသေယဝ်ႉ၊- 34တူၺ်းလဵပ်ႈႁွပ်ႈၶဝ်ၸိူဝ်းဢၼ် ၼင်ႈလွမ်ႉမၼ်းၸဝ်ႈယူႇၼၼ်ႉသေလႄႈ သမ်ႉလၢတ်ႈထႅင်ႈလႄႈဝႃႈ၊ ၶဝ်ၸိူဝ်းၼႆႉ ပဵၼ်မႄႈၵဝ်၊ ၼွင်ႉၵဝ်ဢေႃႈ။- 35ၽူႈလႂ်သေဢမ်ႇဝႃႈ၊ ၵေႃႉဢၼ်ႁဵတ်းၸွမ်းဢလူဝ်ႇၽြႃးပဵၼ်ၸဝ်ႈၼၼ်ႉ၊ ၵေႃႉၼၼ်ႉ ပဵၼ်ၼွင်ႉၸၢႆးၵဝ်၊ ၼွင်ႉယိင်းၵဝ်၊ မႄႈၵဝ်ဢေႃႈ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
မႃႇၵူႉ 3: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မႃႇၵူႉ 3
3
ၵူၼ်းဢၼ်မိုဝ်းႁဵဝ်ႇၶွၼ်ၼိုင်ႈ
(တူၺ်း၊ မၢတ်ႈ 12:9-14။ လူႉ 6:6-11)
1မၼ်းၸဝ်ႈသမ်ႉၶိုၼ်းၶဝ်ႈၵႂႃႇ ၵႃႈၼႂ်းၸရွပ်ႈႁေႃးတြႃးလႄႈ ၼႂ်းတီႈၼၼ်ႈ မီးၵူၼ်းဢၼ်မိုဝ်းႁဵဝ်ႇၶွၼ်ၼိုင်ႈၵေႃႉၼိုင်ႈဢေႃႈ။- 2ၼႂ်းဝၼ်းၵမ်သိၼ် မၼ်းၸဝ်ႈတၵ်းႁႂ်ႈတၢင်းၶႆႈတၢင်းပဵၼ်မၼ်းၼၼ်ႉႁၢႆႁိုဝ်။ တၵ်းဢမ်ႇႁႂ်ႈႁၢႆႁိုဝ်ဝႃႈၼႆ၊ ၶဝ်ၼၼ်ႉ ၼင်ႇႁိုဝ်တၵ်းမီးတီႈတၢင်ႇဢပႅတ်ႈ ၵႃႈၼိူဝ်မၼ်းၸဝ်ႈၸိုင် လွမ်တူၺ်းမၼ်းၸဝ်ႈယူႇဢေႃႈ။- 3မၼ်းၸဝ်ႈၵေႃႈ လၢတ်ႈတီႈၵူၼ်းဢၼ်မိုဝ်းႁဵဝ်ႇၶွၼ်ၼိုင်ႈၼၼ်ႉလႄႈဝႃႈ၊ လုၵ်ႉၸုၵ်းယူႇၼႂ်းၶိုင်ႈၵၢင်ၼႆႉတႃႉ၊ ဝႃႈၼင်ႇၼႆယဝ်ႉၸင်ႇ၊- 4မၼ်းၸဝ်ႈ သမ်ႉထၢမ်ၶဝ်ၼၼ်ႉလႄႈဝႃႈ၊ ဝၼ်းၵမ်သိၼ်ထုၵ်ႇလီႁဵတ်းၵျေးၸူးႁိုဝ်။ ထုၵ်ႇလီယႃႉ တၢင်းလီပိူၼ်ႈႁိုဝ်။ ထုၵ်ႇလီၶျွတ်ႈဢဝ်ဢသၢၵ်ႈႁိုဝ်။ ထုၵ်ႇလီဢဝ်တၢႆႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၼၼ်ႉ ယူႇတဵတ်ႇတဵတ်ႇယူႇဢေႃႈ။- 5မိူဝ်ႈၼၼ်ႉ မၼ်းၸဝ်ႈ ပႃးတင်း တၢင်းၸႂ်မႆႈၶႆႈၸႃႉ လူတူၺ်းလဵပ်ႈႁွပ်ႈသေလႄႈ မီးတၢင်းဢၼ်မႆႈၸႂ် ၵွပ်ႈပိူဝ်ႈဢၼ် ႁူဝ်ၸႂ်ၶဝ်ၵႅၼ်ႇၶႅင်ၼႃႇၼၼ်ႉလႄႈ လၢတ်ႈတီႈၵေႃႉၼၼ်ႉလႄႈဝႃႈ၊ ယဵတ်ႇမိုဝ်းမႂ်းတႃႉ၊ ဝႃႈၼင်ႇၼႆယဝ်ႉၸင်ႇ၊ ၵေႃႉၼၼ်ႉယဵတ်ႇမိုဝ်းမၼ်းလႄႈ မိုဝ်းမၼ်းၼၼ်ႉ လီမႃးဢေႃႈ။
6မိူဝ်ႈၼၼ်ႉ ၽႃႇရီႉသႄးၸိူဝ်းၼၼ်ႉ ဢွၵ်ႇၵႂႃႇသေလႄႈ၊ လွင်ႈဢၼ်တၵ်းလႆႈယႃႉမၼ်းၸဝ်ႈၸိူဝ်ႉၼင်ႇႁိုဝ်ၸိုင် တိူင်ႇပၢင်ႇလၢတ်ႈၸႃၵၼ်တင်း တပႄးႁေႇရူတ်ႈတင်းလၢႆၵမ်းလဵဝ်ဢေႃႈ။
မူႇၵူၼ်းၵႃႈတီႈႁိမ်းၼွင်
7 ယေႇသူႉ ဢိၵ်ႇတင်းတပႄးၸဝ်ႈတင်းလၢႆ ၶၢႆႉၵႂႃႇၵႃႈတီႈႁိမ်းၼွင်ပုၼ်ႉလႄႈ ၵူၼ်းၼမ်ၼႃႇဢၼ်လုၵ်ႉသေၵႃႈတီႈမိူင်း ၵႃႇလီႉလႄးမႃးၼၼ်ႉ ၸွမ်းမၼ်းၸဝ်ႈယူႇလႄႈ၊- 8ၸႃႉၸဵမ်ၵႃႈတီႈမိူင်းယူႉတႃႉ၊ ၵႃႈတီႈဝဵင်းယေႇရူႉသလႅမ်ႇ၊ ၵႃႈတီႈမိူင်းဢီႉတူႉမေႇ၊ ၵႃႈတီႈတၢင်းၽၢႆႇပုၼ်ႉၼမ်ႉႁွင်ႈ ယေႃးတၢၼ်ႇ၊ ၵႃႈတီႈႁိမ်း ဝဵင်းတူႉရူႉ တင်းဝဵင်းၸီႉတုမ်ႇတင်းလၢႆၸိူဝ်းၼၼ်ႉ ၵူၼ်းၼမ်ၼႃႇငိၼ်းလွင်ႈဢၼ် မၼ်းၸဝ်ႈႁဵတ်းၵႃႈမီးတင်းသဵင်ႈတင်းလူင်ၸိူဝ်းၼၼ်ႉလႄႈ မႃးၸူးမၼ်းၸဝ်ႈဢေႃႈ။- 9ၵွပ်ႈပိူဝ်ႈၵူၼ်းဢၼ်ၸူႉဢၼ်တုမ်ၼၼ်ႉလႄႈ လွင်ႈၼင်ႇႁိုဝ် ၶဝ်တၵ်းဢမ်ႇလႆႈၽိုတ်ႉလႆႈဢီးမၼ်းၸဝ်ႈၸိုင် မၼ်းၸဝ်ႈမီးဢမိင်ႉတီႈတပႄးၸဝ်ႈတင်းလၢႆ ႁႂ်ႈႁိူဝ်းဢွၼ်ႇလမ်းၼိုင်ႈ ပႂ်ႉယူႇႁိမ်းမၼ်းၸဝ်ႈဢေႃႈ။- 10လွင်ႈမၼ်းၸမ်ႉ ပိူဝ်ႈဢၼ်မၼ်းၸဝ်ႈပၼ် ၵတ်းယဵၼ်ၶျၢမ်းသႃႇတီႈၵူၼ်းၼမ်ၼႃႇလႄႈ ၶဝ်ၸိူဝ်းဢၼ်မီးတၢင်းၶႆႈတၢင်းပဵၼ်ၵႃႈမီးတင်းသဵင်ႈတင်းလူင် ၽိုတ်ႉဢီးၸူးမၼ်းၸဝ်ႈ ႁႂ်ႈလႆႈတိူဝ်ႉမၼ်းၸဝ်ႈဢေႃႈ။- 11ၽီႁၢႆႉဢၼ်ၵူဝ်ႈၵိူၵ်ႇတင်းလၢႆၵေႃႈ မိူဝ်ႈဢၼ်ႁၼ်မၼ်းၸဝ်ႈၸိုင်၊ ၶုပ်ႉမူပ်ႇသေလႄႈ ႁွင်ႉသႅၼ်ႇလႄႈဝႃႈ၊ ၸဝ်ႈႁဝ်းပဵၼ်လုၵ်ႈၽြႃးပဵၼ်ၸဝ်ႈၶႃႈဢေႃႈ၊ ဝႃႈၼင်ႇၼႆဢေႃႈ။- 12လွင်ႈၼင်ႇႁိုဝ် ၶဝ်ၼၼ်ႉ တၵ်းဢမ်ႇလႆႈႁႂ်ႈသတၢင်းသဵင်ၶၢဝ်ႇမၼ်းၸဝ်ႈဢွၵ်ႇၸိုင်၊ မၼ်းၸဝ်ႈသင်ႇလၢတ်ႈပၼ်တီႈၶဝ်ၼႃႇလူင်လၢင်ဢေႃႈ။
ၸဝ်ႈယေႇသူႉလိူၵ်ႈဢဝ်တမၢၼ်ႇၸဝ်ႈသိပ်းသွင်ပႃး
(တူၺ်း၊ မၢတ်ႈ 10:1-4။ လူႉ 6:12-16)
13မိူဝ်ႈၼၼ်ႉ မၼ်းၸဝ်ႈၶိုၼ်ႈၵႂႃႇၵႃႈၼိူဝ်လွႆပုၼ်ႉသေယဝ်ႉ၊ ႁွင်ႉဢဝ်ၶဝ်ၸိူဝ်းဢၼ် မၼ်းၸဝ်ႈမီးဢလူဝ်ႇတင်းလၢႆၼၼ်ႉလႄႈ၊ ၶဝ်ၼၼ်ႉၵေႃႈ မႃးၵႃႈတီႈ မၼ်းၸဝ်ႈဢေႃႈ။- 14မၼ်းၸဝ်ႈၶၢၼ်းဝႆႉၶဝ် သိပ်းသွင်ပႃး လွင်ႈၼင်ႇႁိုဝ် ၶဝ်တၵ်းမီးယူႇလူၺ်ႈၵၼ်တင်းမၼ်းၸဝ်ႈ ဢိၵ်ႇတင်းလွင်ႈၼင်ႇႁိုဝ်တၵ်းပွႆႇၸႂ်ႉၶဝ်ၵႂႃႇ ႁႂ်ႈလႆႈႁေႃးလၢတ်ႈတြႃးလႄႈ၊- 15မီးဢၶႂၢင်ႉဢၼ်တၵ်းႁႂ်ႈတၢင်းၶႆႈတၢင်းပဵၼ်ႁၢႆလႄႈ ႁေႃႈၽီႁၢႆႉတင်းလၢႆ ဢွၵ်ႇပႅတ်ႈဢေႃႈ။- 16သိပ်းသွင်ပႃးၼၼ်ႉၸမ်ႉ၊ ပဵၼ်သီႉမုၼ်ႇ ဢၼ်မၼ်းၸဝ်ႈပၼ်ၸိုဝ်ႈမႂ်ႇ ပေႇတရူႉ၊- 17တင်းယႃႇၵုပ်ႈ လုၵ်ႈၸၢႆးၸေႇပေႇတႄး တင်းၼွင်ႉၸၢႆးမၼ်း ယူဝ်းႁၢၼ်ႇသွင်ၶႃ၊ ဢၼ်မၼ်းၸဝ်ႈပၼ်ၸိုဝ်ႈမႂ်ႇ ၽူဝ်ႇဢၢၼ်ၼိူဝ်ႇၵိတ်ႉဢၼ်ဝႃႈလုၵ်ႈၽႃႉလင် ဝႃႈၼႆ၊- 18တင်းဢၼ်ႇတရေႇ တင်းၽီႉလိပ်ႉပူႉ တင်းပႃႇထေႃးလမႄး တင်းမၢတ်ႈထႄႇ တင်းထူဝ်းမႃႉ တင်းယႃႇၵုပ်ႈ လုၵ်ႈၸၢႆးဢႃႇလၽႄး တင်းထတ်ႉတေႇ တင်းသီႉမုၼ်ႇ ၵူၼ်းၵႃႇၼၼီႉ- 19တင်း ယူႉတႃႉ ဢီႉသၵႃႇရေႇဢုတ်ႈ ဢၼ်ဢဝ်မၼ်းၸဝ်ႈဢၢပ်ႈၼၼ်ႉဢေႃႈ။
ၸဝ်ႈယေႇသူႉတင်းပေႇလႃႉၸေႇပူႉလႃႉ
(တူၺ်း၊ မၢတ်ႈ 12:22-32။ လူႉ 11:14-23။ လူႉ 12:10)
20ၶဝ်ၼၼ်ႉ ၶဝ်ႈၵႂႃႇၵႃႈၼႂ်းႁိူၼ်း ႁိူၼ်းၼိုင်ႈလႄႈ ၵူၼ်းၼမ်ၼႃႇ သမ်ႉၸူႉၵၼ်တုမ်ၵၼ်ထႅင်ႈ တေႃႇထိုင်ႁွတ်ႈၶဝ်ထၼ်ႈပေႃး ဢမ်ႇၵိၼ်တၢင်းၵိၼ်လႆႈဢေႃႈ။- 21မိူဝ်ႈဢၼ်ပီႈၼွင်ႉမၼ်းၸဝ်ႈတင်းလၢႆ ငိၼ်းၼၼ်ႉၸိုင်၊ ၶဝ်ဢွၵ်ႇၵႂႃႇႁႂ်ႈလႆႈတီႉဢဝ်မၼ်းၸဝ်ႈဢေႃႈ။ လွင်ႈမၼ်းၸမ်ႉ ၶဝ်ၼၼ်ႉဝႃႈ၊ မၼ်းယွင်ႇၵႂႃႇယဝ်ႉ၊ ဝႃႈၼင်ႇၼႆဢေႃႈ။
22ၵူၼ်းထုတ်ႇၵျၢမ်းဢၼ်လုၵ်ႉသေၵႃႈတီႈ ဝဵင်းယေႇရူႉသလႅမ်ႇ မႃးၸိူဝ်းၼၼ်ႉၵေႃႈဝႃႈ၊ မၼ်းမီးပေႇလႃႉၸေႇပူႉလႃႉဢေႃႈ။ မၼ်းဢိင်ပိုင်ႈၶုၼ်ၽီႁၢႆႉၼၼ်ႉသေလႄႈ ႁေႃႈၽီႁၢႆႉတင်းလၢႆဢွၵ်ႇပႅတ်ႈယူႇဢေႃႈ၊ ဝႃႈၼင်ႇၼႆဢေႃႈ။- 23မၼ်းၸဝ်ႈႁွင်ႉၶဝ်မႃးသေလႄႈ ဢဝ်ၵႂၢမ်းဢူႉပမႃႇလၢတ်ႈလႄႈဝႃႈ၊ ၸႃႇတၢၼ်ႇႁေႃႈၸႃႇတၢၼ်ႇပႅတ်ႈလႆႈၸိူဝ်ႉၼင်ႇႁိုဝ်။- 24ပေႃးမိူင်းဢမ်ႇထုၵ်ႇဢမ်ႇပေႃးၵၼ် ၽၢတ်ႇၽႄၵၼ်တင်းတူဝ်ၸဝ်ႈၵဝ်ယူႇၸိုင် မိူင်းၼၼ်ႉ ဢမ်ႇမၼ်ႈဢမ်ႇၶိူင်ႇလႆႈ။- 25ႁိူၼ်းၵေႃႈပေႃးဢမ်ႇထုၵ်ႇဢမ်ႇပေႃးၵၼ် ၽၢတ်ႇၽႄၵၼ်တင်းတူဝ်ၸဝ်ႈၵဝ်ယူႇၸိုင် ႁိူၼ်းၼၼ်ႉ ဢမ်ႇမၼ်ႈဢမ်ႇၶိူင်ႇလႆႈ။- 26ၸႃႇတၢၼ်ႇၼၼ်ႉ ပေႃးလုၵ်ႉယူႇၽၢႆႇၼိုင်ႈလႄႈ ဢမ်ႇထုၵ်ႇဢမ်ႇပေႃးၵၼ် ၽၢတ်ႇၽႄၵၼ်တင်းတူဝ်ၸဝ်ႈၵဝ်ႇယူႇၸိုင်၊ ဢမ်ႇမၼ်ႈဢမ်ႇၶိူင်ႇလႆႈ။ တၵ်းႁွတ်ႈထိုင်တၢင်းဢၼ်သုတ်းဢၼ်သုမ်းဢေႃႈ။- 27ပေႃးဢမ်ႇမတ်ႉၽုၵ်ႇၵူၼ်းႁႅင်းဝႆႉဢွၼ်တၢင်းၸိုင်၊ ၽူႈလႂ်သေၵေႃႉသေၵူၼ်း ဢမ်ႇၶဝ်ႈၵႃႈၼႂ်းႁိူၼ်းၵူၼ်းႁႅင်းၼၼ်ႉသေလႄႈ ႁိမ်ဢဝ်ၶူဝ်းလဵင်းမၼ်းလႆႈ။ မတ်ႉၽုၵ်ႇၵူၼ်းႁႅင်းဝႆႉယဝ်ႉၸင်ႇ၊ ႁိမ်ဢဝ်ႁိူၼ်းမၼ်းၼၼ်ႉလႆႈဢေႃႈ။- 28ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ လုၵ်ႈၵူၼ်းတင်းလၢႆ တၵ်းႁွတ်ႈထိုင် တၢင်းဢၼ်ပွႆႇလွတ်ႈဢပႅတ်ႈ ဢၼ်ၽိတ်းပိူင်ႈၵူႈၸိူဝ်ႉၵူႈပိူင် တင်းဢပႅတ်ႈဢၼ်သႄႉသွမ်းၽြႃးပဵၼ်ၸဝ်ႈ ၵူႈၸိူဝ်ႉၵူႈပိူင်ၵႃႈမီးၸိူဝ်းၼၼ်ႉလႆႈယူႇဢေႃႈ။- 29ၵူၺ်းၵႃႈ ၽူႈလႂ်သေဢမ်ႇဝႃႈ၊ ၵေႃႉဢၼ်သႄႉသွမ်းဝီႉၺိၺ်ႇဢၼ်မူတ်းၸၢင်ႇၸဝ်ႈၼၼ်ႉ၊ ၵေႃႉၼၼ်ႉ ၶိင်ႇလႂ်သေဢမ်ႇဝႃႈ၊ တၵ်းဢမ်ႇ ႁွတ်ႈထိုင်တၢင်းဢၼ် ပွႆႇလွတ်ႈဢပႅတ်ႈလႆႈ။ ပဵၼ်ၵေႃႉဢၼ်လႆႈၶၢမ်ႇဢပႅတ်ႈတၢမ်ႇထႃႇဝရႃႉယဝ်ႉ၊ ဝႃႈၼင်ႇၼႆဢေႃႈ။- 30ႁဵတ်းႁိုဝ်လႄႈ၊ မၼ်းၸဝ်ႈဝႃႈၼင်ႇၼႆၸမ်ႉ၊ ၶဝ်ၼၼ်ႉဝႃႈ၊ မၼ်းၸဝ်ႈပဵၼ်ၵေႃႉဢၼ်ၽီၵူဝ်ႈၵိူၵ်ႇၶဝ်ႈဢေႃႈ၊ ဝႃႈၼင်ႇၼႆဢေႃႈ။
မႄႈၸဝ်ႈတင်းၼွင်ႉၸဝ်ႈယေႇသူႉ
(တူၺ်း၊ မၢတ်ႈ 12:46-50။ လူႉ 8:19-21)
31ၵမ်းၼၼ်ႉ မႄႈၸဝ်ႈဢိၵ်ႇတင်းၼွင်ႉၸဝ်ႈတင်းလၢႆမႃးလႄႈ ၸုၵ်းယူႇၵႃႈၼွၵ်ႈသေယဝ်ႉ၊ ပွႆႇၸႂ်ႉၵူၼ်းၵႂႃႇၵႃႈတီႈမၼ်းၸဝ်ႈလႄႈ ႁွင်ႉဢေႃႈ။- 32ၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉ ၼင်ႈလွမ်ႉႁွပ်ႈမၼ်းၸဝ်ႈယူႇသေလႄႈ လဝ်ႊလၢတ်ႈလႄႈဝႃႈ၊ တူၺ်းလူး၊ မႄႈၸဝ်ႈႁဝ်း ဢိၵ်ႇတင်းၼွင်ႉၸဝ်ႈႁဝ်းတင်းလၢႆၼၼ်ႉ မီးယူႇၵႃႈၼွၵ်ႈလႄႈ ႁႃၸဝ်ႈႁဝ်းယူႇၶႃႈဢေႃႈ၊ ဝႃႈၼင်ႇၼႆယဝ်ႉၸင်ႇ၊- 33မၼ်းၸဝ်ႈၵေႃႈ ထၢမ်လႄႈဝႃႈ၊ မႄႈၵဝ်၊ ၼွင်ႉၵဝ်တင်းလၢႆၸမ်ႉ၊ ပဵၼ်ၽူႈလႂ်၊ ဝႃႈၼင်ႇၼႆသေယဝ်ႉ၊- 34တူၺ်းလဵပ်ႈႁွပ်ႈၶဝ်ၸိူဝ်းဢၼ် ၼင်ႈလွမ်ႉမၼ်းၸဝ်ႈယူႇၼၼ်ႉသေလႄႈ သမ်ႉလၢတ်ႈထႅင်ႈလႄႈဝႃႈ၊ ၶဝ်ၸိူဝ်းၼႆႉ ပဵၼ်မႄႈၵဝ်၊ ၼွင်ႉၵဝ်ဢေႃႈ။- 35ၽူႈလႂ်သေဢမ်ႇဝႃႈ၊ ၵေႃႉဢၼ်ႁဵတ်းၸွမ်းဢလူဝ်ႇၽြႃးပဵၼ်ၸဝ်ႈၼၼ်ႉ၊ ၵေႃႉၼၼ်ႉ ပဵၼ်ၼွင်ႉၸၢႆးၵဝ်၊ ၼွင်ႉယိင်းၵဝ်၊ မႄႈၵဝ်ဢေႃႈ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship