မႃႇၵူႉ 2
2
ၸဝ်ႈယေႇသူႉႁႂ်ႈၵူၼ်းတၢႆၽၢၵ်ႇႁၢႆၶႅၼ်း
(တူၺ်း၊ မၢတ်ႈ 9:1-8။ လူႉ 5:17-26)
1ဝၼ်းၼိုင်ႈ၊ လိုၼ်းၼၼ်ႉ မၼ်းၸဝ်ႈၶိုၼ်းၶဝ်ႈၵႂႃႇၵႃႈၼႂ်းဝဵင်းၵပိူဝ်ႇၼေႇဢုမ်ႇလႄႈ၊ မိူဝ်ႈဢၼ်ၶဝ်ငိၼ်းလွင်ႈဢၼ်မၼ်းၸဝ်ႈ မီးယူႇၵႃႈၼႂ်းႁိူၼ်း ႁိူၼ်းၼိုင်ႈၸိုင်၊- 2ၵူၼ်းၼမ်ၼႃႇ ၸူႉၵၼ်တုမ်ၵၼ်ၵမ်းလဵဝ် တေႃႇထိုင်ႁွတ်ႈႁိမ်းၼႃႈၽၵ်းတူထၼ်ႈပေႃးဢမ်ႇမီးတီႈယူႇလႆႈလႄႈ မၼ်းၸဝ်ႈႁေႃးလၢတ်ႈတြႃးတီႈၶဝ်ဢေႃႈ။
3မိူဝ်ႈၼၼ်ႉ ၶဝ်ဢဝ်ၵူၼ်းဢၼ်တိၼ်တၢႆမိုဝ်းတၢႆၵေႃႉၼိုင်ႈ ဢၼ်ၵူၼ်းသီႇၵေႃႉႁၢပ်ႇၼၼ်ႉ မႃးသူင်ႇၵႃႈတီႈမၼ်းၸဝ်ႈဢေႃႈ။- 4ၵွပ်ႈပိူဝ်ႈဢၼ် မီးၵူၼ်း ဢၼ်ၸူႉဢၼ်တုမ်ၼမ်ၼႃႇလႄႈ ၶဝ်ဢမ်ႇသုတ်ႉမႃးတီႈမၼ်းၸဝ်ႈလႆႈလႄႈ ၶုတ်းယႃႉဢၼ်မုင်းႁိူၼ်း ဢၼ်မီးၵႃႈၼိူဝ်မၼ်းၸဝ်ႈၼၼ်ႉယဝ်ႉၸင်ႇ၊ ဢဝ်ၵူႇတီႈၼွၼ်း တင်းၵေႃႉဢၼ် တိၼ်တၢႆမိုဝ်းတၢႆၼၼ်ႉ ယွၼ်ႇတူၵ်းၵူပ်ႉၵၼ်ဢေႃႈ။- 5ယေႇသူႉႁၼ်တၢင်းဢၼ်ယုမ်ႇမၢတ်ႈၶဝ်သေယဝ်ႉ၊ လၢတ်ႈတီႈၵေႃႉဢၼ်တိၼ်တၢႆမိုဝ်းတၢႆၼၼ်ႉလႄႈဝႃႈ၊ လုၵ်ႈၵဝ်ဢိူၺ်း၊ ဢပႅတ်ႈမႂ်းၸိုင် ပွႆႇလွတ်ႈယဝ်ႉ၊ ဝႃႈၼင်ႇၼႆဢေႃႈ။- 6ၵူၼ်းထုတ်ႇၵျၢမ်းၵမ်ႈၽွင်ႈ ဢၼ်ၼင်ႈယူႇၵႃႈတီႈၼၼ်ႈၼၼ်ႉ ထၢင်ႇၼႂ်းၸႂ်လႄႈဝႃႈ၊- 7ႁဵတ်းသင်လႄႈၵေႃႉၼႆႉ လၢတ်ႈၸိူဝ်ႉၼင်ႇၼႆၼင်ႇႁိုဝ်။ မၼ်းလၢတ်ႈပူၼ်ႉလၢတ်ႈလိူဝ်ၽြႃးပဵၼ်ၸဝ်ႈဢေႃႈ။ လိူဝ်သေၽြႃးပဵၼ်ၸဝ်ႈသူႇလဵဝ်ၵူၺ်း ၽူႈလႂ်ၸၢင်ႈပွႆႇလွတ်ႈဢပႅတ်ႈလႆႈ၊ ဝႃႈၼင်ႇၼႆဢေႃႈ။- 8ယေႇသူႉႁူႉႁၼ်လွင်ႈဢၼ် ၶဝ်ထၢင်ႇၼႂ်းၸႂ်လႄႈ ဝႃႈၼၼ်ႉၵႃႈၼႂ်းၸႂ်တူဝ်ၸဝ်ႈၵဝ်ၵမ်းလဵဝ်သေယဝ်ႉ၊ လၢတ်ႈတီႈၶဝ်လႄႈဝႃႈ၊ ၼႂ်းၸႂ်သူ ႁဵတ်းသင်လႄႈထၢင်ႇဝႃႈ ၸိူဝ်ႉၼင်ႇၼႆၼင်ႇႁိုဝ်။- 9ၵႂၢမ်းဢၼ်လႂ်ယဵင်ႈၶႅၼ်းလၢတ်ႈငၢႆႈ တီႈၵေႃႉဢၼ်တိၼ်တၢႆမိုဝ်းတၢႆၼၼ်ႉ။ ဢပႅတ်ႈမႂ်းၸိုင်ပွႆႇလွတ်ႈယဝ်ႉ၊ ဢၼ်ဝႃႈၼင်ႇၼႆၼၼ်ႉလၢတ်ႈငၢႆႈႁိုဝ်။ မႂ်းလုၵ်ႉဢဝ်တီႈၼွၼ်းမႂ်းလႄႈ ပႆတၢင်းၵႂႃႇတႃႉ၊ ဢၼ်ဝႃႈၼင်ႇၼႆၼၼ်ႉ၊ လၢတ်ႈငၢႆႈႁိုဝ်။- 10ၼင်ႇႁိုဝ်သူတၵ်းႁူႉလွင်ႈဢၼ် လုၵ်ႈၵူၼ်းပိူင်ႇပွႆႇလွတ်ႈဢပႅတ်ႈ ၵႃႈၼိူဝ်လိၼ်မိူင်းဝႃႈၼႆ၊ မၼ်းၸဝ်ႈသမ်ႉလၢတ်ႈတီႈၵေႃႉဢၼ် တိၼ်တၢႆမိုဝ်းတၢႆၼၼ်ႉထႅင်ႈလႄႈဝႃႈ၊- 11ၵဝ်ဝႃႈတီႈမႂ်း၊ လုၵ်ႉဢဝ်တီႈၼွၼ်းမႂ်းလႄႈ မိူဝ်းၵႂႃႇၵႃႈတီႈႁိူၼ်းမႂ်းပုၼ်ႉတႃႉ၊ ဝႃႈၼင်ႇၼႆဢေႃႈ။- 12ၵေႃႉၼၼ်ႉၵေႃႈ လုၵ်ႉဢဝ်တီႈၼွၼ်းမၼ်း ဢွၵ်ႇၵႂႃႇၵႃႈတီႈၽၢႆႇၼႃႈၵူၼ်းတင်းသဵင်ႈတင်းလူင်ၵမ်းလဵဝ်လႄႈ ၵူၼ်းတင်းသဵင်ႈတင်းလူင်ၸိူဝ်းၼၼ်ႉ ထၼ်ႈပေႃးၵႂင်ၸႂ်ယုင်ႈၸႂ်သေလႄႈ ယွင်ႈယေႃးၽြႃးပဵၼ်ၸဝ်ႈလႄႈဝႃႈ၊ ဢမ်ႇတွၼ်ႉႁၼ်ၸိူဝ်ႉၼင်ႇၼႆသေပွၵ်ႈ၊ ဝႃႈၼင်ႇၼႆဢေႃႈ။
ၸဝ်ႈယေႇသူႉႁွင်ႉဢဝ်လေႇဝီႉ
(တူၺ်း၊ မၢတ်ႈ 9:9-13။ လူႉ 5:27-32)
13လိုၼ်းၼၼ်ႉ မၼ်းၸဝ်ႈသမ်ႉ ၵႂႃႇၵႃႈတီႈႁိမ်းၽင်ႇၼွင်ထႅင်ႈလႄႈ ၵူၼ်းဢၼ်ၸူႉဢၼ်တုမ်ၵႃႈမီးတင်းသဵင်ႈတင်းလူင် မႃးတီႈမၼ်းၸဝ်ႈလႄႈ မၼ်းၸဝ်ႈသင်ႇသွၼ်ပၼ်ၶဝ်ဢေႃႈ။
14ၼႂ်းမိူဝ်ႈဢၼ် မၼ်းၸဝ်ႈၸွမ်းတၢင်းၵႂႃႇယူႇၼၼ်ႉၸိုင်၊ မၼ်းၸဝ်ႈထူပ်းႁၼ်လေႇဝီႉ လုၵ်ႈၸၢႆးဢႃႇလၽႄးၼၼ်ႉ ၼင်ႈယူႇၵႃႈတီႈသုမ်ႉထဵင်ၵဵပ်းၶွၼ်ႇလႄႈ လၢတ်ႈတီႈမၼ်းလႄႈဝႃႈ၊ ၸွမ်းပႃႈလင်ၵဝ်တႃႉ။ ဝႃႈၼင်ႇၼႆယဝ်ႉၸင်ႇ၊ ၵေႃႉၼၼ်ႉၵေႃႈ လုၵ်ႉၸွမ်းပႃႈလင်မၼ်းၸဝ်ႈၵႂႃႇဢေႃႈ။- 15လိုၼ်းၼၼ်ႉၸင်ႇ၊ ၼႂ်းမိူဝ်ႈဢၼ် မၼ်းၸဝ်ႈဢိင်ယူႇႁိမ်းတီႈၵိၼ်ၵႃႈၼႂ်းႁိူၼ်း ၵေႃႉၼၼ်ႉၸိုင် ၵူၼ်းၵဵပ်းၶွၼ်ႇတင်းၵူၼ်းႁၢႆႉၼမ်ၼႃႇ ဢိင်ယူႇလူၺ်ႈၵၼ်တင်းမၼ်းၸဝ်ႈ တင်းတပႄးၸဝ်ႈတင်းလၢႆ ႁိမ်းတီႈၵိၼ်ၼၼ်ႉဢေႃႈ။ ၶဝ်ၼၼ်ႉ ၼမ်ၼႃႇလႄႈ ဢွၼ်ၵၼ်ၸွမ်းပႃႈလင်မၼ်းၸဝ်ႈယူႇဢေႃႈ။- 16ၵူၼ်းထုတ်ႇၵျၢမ်း ဢိၵ်ႇတင်းၽႃႇရီႉသႄးတင်းလၢႆ၊ မိူဝ်ႈဢၼ်ႁၼ်မၼ်းၸဝ်ႈ ၵိၼ်လူၺ်ႈၵၼ်တင်း ၵူၼ်းၵဵပ်းၶွၼ်ႇတင်းၵူၼ်းႁၢႆႉၸိူဝ်းၼၼ်ႉၸိုင် လၢတ်ႈတီႈတပႄးၸဝ်ႈတင်းလၢႆလႄႈဝႃႈ၊ ႁဵတ်းသင်လႄႈမၼ်းၼၼ်ႉ ၵိၼ်လူၺ်ႈၵၼ်တင်းၵူၼ်းႁၢႆႉ တင်းၵူၼ်းၵဵပ်းၶွၼ်ႇ တင်းလၢႆၼင်ႇႁိုဝ်။ ဝႃႈၼင်ႇၼႆဢေႃႈ။- 17ယေႇသူႉၼၼ်ႉ မိူဝ်ႈဢၼ်ငိၼ်းၸိုင် လၢတ်ႈတီႈၶဝ်ၼၼ်ႉလႄႈဝႃႈ၊ ၶဝ်ၸိူဝ်းဢၼ်ယူႇလီၼၼ်ႉ ဢမ်ႇလူဝ်ႇမေႃယႃဢေႃႈ။ ၶဝ်ၸိူဝ်းဢၼ်မီးတၢင်းၶႆႈတၢင်းပဵၼ်ၼၼ်ႉၵူၺ်း လူဝ်ႇမေႃယႃဢေႃႈ။ ၵဝ်မႃးႁႂ်ႈလႆႈႁွင်ႉဢဝ် ၵူၼ်းသိုဝ်ႈတေႃႇတင်းလၢႆဢမ်ႇၸႂ်ႈ။ ၵဝ်မႃးႁႂ်ႈလႆႈႁွင်ႉဢဝ်ၵူၼ်းႁၢႆႉတင်းလၢႆဢေႃႈ၊ ဝႃႈၼင်ႇၼႆဢေႃႈ။
ၵႂၢမ်းထၢမ်လွင်ႈၵမ်တၢင်းၵိၼ်
(တူၺ်း၊ မၢတ်ႈ 9:14-17။ လူႉ 5:33-39)
18မိူဝ်ႈၼၼ်ႉ တပႄးၸဝ်ႈယူဝ်းႁၢၼ်ႇ ဢိၵ်ႇတင်းၽႃႇရီႉသႄးတင်းလၢႆ ယင်းတိုၵ်ႉၵမ်တၢင်းၵိၼ်ယူႇလႄႈ သုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈ လဝ်ႊထၢမ်လႄႈဝႃႈ၊ တပႄးယူဝ်းႁၢၼ်ႇ ဢိၵ်ႇတင်းၽႃႇရီႉသႄးတင်းလၢႆ ၵမ်တၢင်းၵိၼ်ယူႇဢေႃႈ။ ႁဵတ်းသင်လႄႈ တပႄးၸဝ်ႈႁဝ်းၸိူဝ်းၼႆႉ ဢမ်ႇၵမ်တၢင်းၵိၼ်ၼင်ႇႁိုဝ်ၶႃႈ၊ ဝႃႈၼင်ႇၼႆဢေႃႈ။- 19ယေႇသူႉၵေႃႈလၢတ်ႈလႄႈဝႃႈ၊ မိူဝ်ႈဢၼ်ၵေႃႉဢၼ်သွင်ႇမင်ႇၵလႃႇ မီးယူႇလူၺ်ႈၵၼ်တင်းၵေႃႉသေႈမၼ်းတင်းလၢႆၼၼ်ႉၸိုင်၊ ၶဝ်ၼၼ်ႉၸၢင်ႈၵမ်တၢင်းၵိၼ်ႁိုဝ်။ ၸူဝ်ႈဢၼ်မၼ်းမီးယူႇလူၺ်ႈၵၼ်တင်းၶဝ်ၸိုင် ၶဝ်ဢမ်ႇၸၢင်ႈၵမ်တၢင်းၵိၼ်။- 20ၶိင်ႇၵႃႇလႃႉဢၼ်တၵ်းလႆႈဢဝ်ၵေႃႉဢၼ် သွင်ႇမင်ႇၵလႃႇၼၼ်ႉ ၽၢတ်ႇၵၼ်တင်းၵေႃႉသေႈမၼ်းတင်းလၢႆၼၼ်ႉၸိုင် တၵ်းႁွတ်ႈမႃးဢေႃႈ။ ၶိင်ႇမိူဝ်ႈၼၼ်ႉ ၶဝ်တၵ်းၵမ်တၢင်းၵိၼ်ဢေႃႈ။- 21ၽူႈလႂ်ဢမ်ႇဢဝ် ၶူဝ်းမႂ်ႇၽုင်ၵုပ်းၶူဝ်းၵဝ်ႇ။ ပေႃးႁဵတ်းၸိူဝ်ႉၼင်ႇၼၼ်ၸိုင် ၶူဝ်းမႂ်ႇ ဢၼ်ၽုင်ၵုပ်းၼၼ်ႉ တၵ်းႁုတ်ႉၸၼ် ၶူဝ်းၵဝ်ႇလႄႈ ႁူးမၼ်းယဵင်ႈၶႅၼ်းတၵ်းႁၢႆႉဢေႃႈ။- 22ပိူင်လဵဝ်ၵၼ်၊ ၽူႈလႂ် ဢမ်ႇဢဝ်ၼမ်ႉၸပိတ်ႈဢၼ်မႂ်ႇ သႂ်ႇၼႂ်းထူင်ၼင်ဢၼ်ၵဝ်ႇ။ ပေႃးသႂ်ႇၸိုင်၊ ၼမ်ႉၸပိတ်ႈဢၼ်မႂ်ႇၼၼ်ႉ တၵ်းႁႂ်ႈထူင်ၼင်တႅၵ်ႇလႄႈ ၼမ်ႉၸပိတ်ႈတင်းထူင်ၼင်ၼၼ်ႉၵေႃႈ တၵ်းလူႉတၵ်းလႅဝ်ဢေႃႈ၊ ဝႃႈၼင်ႇၼႆဢေႃႈ။
လွင်ႈဝၼ်းၵမ်သိၼ်
(တူၺ်း၊ မၢတ်ႈ 12:1-8။ လူႉ 6:1-5)
23ၼႂ်းဝၼ်းၵမ်သိၼ်ဝၼ်းၼိုင်ႈ၊ မိူဝ်ႈဢၼ်မၼ်းၸဝ်ႈၽႃႇလတ်းၵႂႃႇ ၵႃႈၼႂ်းႁႆႊၶဝ်ႈၵျုင်ႇယူႇၼၼ်ႉၸိုင်၊ တပႄးၸဝ်ႈတင်းလၢႆ ပႆတၢင်းၵႂႃႇယူႇသေလႄႈ ယၵ်းဢဝ် ႁူင်းၶဝ်ႈၵျုင်ႇဢေႃႈ။- 24ၽႃႇရီႉသႄးတင်းလၢႆၵေႃႈ လဝ်ႊလၢတ်ႈတီႈမၼ်းၸဝ်ႈလႄႈဝႃႈ၊ တူၺ်းလူး၊ လွင်ႈဢၼ်ဢမ်ႇထုၵ်ႇလီႁဵတ်းၼႂ်းဝၼ်းၵမ်သိၼ်ၸိုင် ႁဵတ်းသင်လႄႈ ၶဝ်ၸိူဝ်းၼႆႉႁဵတ်းၼင်ႇႁိုဝ်။ ဝႃႈၼင်ႇၼႆဢေႃႈ။- 25မၼ်းၸဝ်ႈၵေႃႈ လၢတ်ႈလႄႈဝႃႈ၊ လွင်ႈဢၼ် တႃႇဝိတ်ႈႁဵတ်းၼႂ်းမိူဝ်ႈဢၼ်မၼ်း ဢိၵ်ႇတင်း ၶဝ်ၸိူဝ်းဢၼ် မီးလူၺ်ႈၵၼ်တင်းမၼ်းတင်းလၢႆ ဢိုပ်းတၢင်းၵိၼ်လႄႈ ဢမ်ႇယူႇလႆႈ ၼၼ်ႉ၊- 26ဢၼ်ဝႃႈလွင်ႈဢၼ်မၼ်းၶဝ်ႈၵႂႃႇ ၵႃႈၼႂ်းႁိူၼ်းၽြႃးပဵၼ်ၸဝ်ႈသေလႄႈ ၵိၼ်ၶဝ်ႈမုၼ်းၽၢႆႇၼႃႈၸဝ်ႈ ဢၼ်ယိတ်ႈပရေႃးႁဵၵ်ႈၵူၺ်းၵူၺ်း ထုၵ်ႇလီၵိၼ်ၼၼ်ႉလႄႈ သမ်ႉဢဝ်ပၼ်တီႈၶဝ်ၸိူဝ်းဢၼ် မီးလူၺ်ႈၵၼ်တင်းမၼ်း ၼႂ်းၸူဝ်ႈပၢၼ် ယိတ်ႈပရေႃးႁဵၵ်ႈလူင်ဢႃႇပျႃႇထႃႇၼၼ်ႉၸိုင်၊ သူဢမ်ႇယၢမ်ႈလႆႈၽတ်းႁိုဝ်။- 27လိူဝ်သေၼၼ်ႉ၊ ဝၼ်းၵမ်သိၼ်ပဵၼ်ပုၼ်ႈၵူၼ်းဢေႃႈ။ ၵူၼ်းပဵၼ်ပုၼ်ႈဝၼ်းၵမ်သိၼ်ဢမ်ႇၸႂ်ႈ။- 28ပိူဝ်ႈၼႆလႄႈ လုၵ်ႈၵူၼ်းပဵၼ်ၸဝ်ႈဝၼ်းၵမ်သိၼ်ဢေႃႈ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
မႃႇၵူႉ 2: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မႃႇၵူႉ 2
2
ၸဝ်ႈယေႇသူႉႁႂ်ႈၵူၼ်းတၢႆၽၢၵ်ႇႁၢႆၶႅၼ်း
(တူၺ်း၊ မၢတ်ႈ 9:1-8။ လူႉ 5:17-26)
1ဝၼ်းၼိုင်ႈ၊ လိုၼ်းၼၼ်ႉ မၼ်းၸဝ်ႈၶိုၼ်းၶဝ်ႈၵႂႃႇၵႃႈၼႂ်းဝဵင်းၵပိူဝ်ႇၼေႇဢုမ်ႇလႄႈ၊ မိူဝ်ႈဢၼ်ၶဝ်ငိၼ်းလွင်ႈဢၼ်မၼ်းၸဝ်ႈ မီးယူႇၵႃႈၼႂ်းႁိူၼ်း ႁိူၼ်းၼိုင်ႈၸိုင်၊- 2ၵူၼ်းၼမ်ၼႃႇ ၸူႉၵၼ်တုမ်ၵၼ်ၵမ်းလဵဝ် တေႃႇထိုင်ႁွတ်ႈႁိမ်းၼႃႈၽၵ်းတူထၼ်ႈပေႃးဢမ်ႇမီးတီႈယူႇလႆႈလႄႈ မၼ်းၸဝ်ႈႁေႃးလၢတ်ႈတြႃးတီႈၶဝ်ဢေႃႈ။
3မိူဝ်ႈၼၼ်ႉ ၶဝ်ဢဝ်ၵူၼ်းဢၼ်တိၼ်တၢႆမိုဝ်းတၢႆၵေႃႉၼိုင်ႈ ဢၼ်ၵူၼ်းသီႇၵေႃႉႁၢပ်ႇၼၼ်ႉ မႃးသူင်ႇၵႃႈတီႈမၼ်းၸဝ်ႈဢေႃႈ။- 4ၵွပ်ႈပိူဝ်ႈဢၼ် မီးၵူၼ်း ဢၼ်ၸူႉဢၼ်တုမ်ၼမ်ၼႃႇလႄႈ ၶဝ်ဢမ်ႇသုတ်ႉမႃးတီႈမၼ်းၸဝ်ႈလႆႈလႄႈ ၶုတ်းယႃႉဢၼ်မုင်းႁိူၼ်း ဢၼ်မီးၵႃႈၼိူဝ်မၼ်းၸဝ်ႈၼၼ်ႉယဝ်ႉၸင်ႇ၊ ဢဝ်ၵူႇတီႈၼွၼ်း တင်းၵေႃႉဢၼ် တိၼ်တၢႆမိုဝ်းတၢႆၼၼ်ႉ ယွၼ်ႇတူၵ်းၵူပ်ႉၵၼ်ဢေႃႈ။- 5ယေႇသူႉႁၼ်တၢင်းဢၼ်ယုမ်ႇမၢတ်ႈၶဝ်သေယဝ်ႉ၊ လၢတ်ႈတီႈၵေႃႉဢၼ်တိၼ်တၢႆမိုဝ်းတၢႆၼၼ်ႉလႄႈဝႃႈ၊ လုၵ်ႈၵဝ်ဢိူၺ်း၊ ဢပႅတ်ႈမႂ်းၸိုင် ပွႆႇလွတ်ႈယဝ်ႉ၊ ဝႃႈၼင်ႇၼႆဢေႃႈ။- 6ၵူၼ်းထုတ်ႇၵျၢမ်းၵမ်ႈၽွင်ႈ ဢၼ်ၼင်ႈယူႇၵႃႈတီႈၼၼ်ႈၼၼ်ႉ ထၢင်ႇၼႂ်းၸႂ်လႄႈဝႃႈ၊- 7ႁဵတ်းသင်လႄႈၵေႃႉၼႆႉ လၢတ်ႈၸိူဝ်ႉၼင်ႇၼႆၼင်ႇႁိုဝ်။ မၼ်းလၢတ်ႈပူၼ်ႉလၢတ်ႈလိူဝ်ၽြႃးပဵၼ်ၸဝ်ႈဢေႃႈ။ လိူဝ်သေၽြႃးပဵၼ်ၸဝ်ႈသူႇလဵဝ်ၵူၺ်း ၽူႈလႂ်ၸၢင်ႈပွႆႇလွတ်ႈဢပႅတ်ႈလႆႈ၊ ဝႃႈၼင်ႇၼႆဢေႃႈ။- 8ယေႇသူႉႁူႉႁၼ်လွင်ႈဢၼ် ၶဝ်ထၢင်ႇၼႂ်းၸႂ်လႄႈ ဝႃႈၼၼ်ႉၵႃႈၼႂ်းၸႂ်တူဝ်ၸဝ်ႈၵဝ်ၵမ်းလဵဝ်သေယဝ်ႉ၊ လၢတ်ႈတီႈၶဝ်လႄႈဝႃႈ၊ ၼႂ်းၸႂ်သူ ႁဵတ်းသင်လႄႈထၢင်ႇဝႃႈ ၸိူဝ်ႉၼင်ႇၼႆၼင်ႇႁိုဝ်။- 9ၵႂၢမ်းဢၼ်လႂ်ယဵင်ႈၶႅၼ်းလၢတ်ႈငၢႆႈ တီႈၵေႃႉဢၼ်တိၼ်တၢႆမိုဝ်းတၢႆၼၼ်ႉ။ ဢပႅတ်ႈမႂ်းၸိုင်ပွႆႇလွတ်ႈယဝ်ႉ၊ ဢၼ်ဝႃႈၼင်ႇၼႆၼၼ်ႉလၢတ်ႈငၢႆႈႁိုဝ်။ မႂ်းလုၵ်ႉဢဝ်တီႈၼွၼ်းမႂ်းလႄႈ ပႆတၢင်းၵႂႃႇတႃႉ၊ ဢၼ်ဝႃႈၼင်ႇၼႆၼၼ်ႉ၊ လၢတ်ႈငၢႆႈႁိုဝ်။- 10ၼင်ႇႁိုဝ်သူတၵ်းႁူႉလွင်ႈဢၼ် လုၵ်ႈၵူၼ်းပိူင်ႇပွႆႇလွတ်ႈဢပႅတ်ႈ ၵႃႈၼိူဝ်လိၼ်မိူင်းဝႃႈၼႆ၊ မၼ်းၸဝ်ႈသမ်ႉလၢတ်ႈတီႈၵေႃႉဢၼ် တိၼ်တၢႆမိုဝ်းတၢႆၼၼ်ႉထႅင်ႈလႄႈဝႃႈ၊- 11ၵဝ်ဝႃႈတီႈမႂ်း၊ လုၵ်ႉဢဝ်တီႈၼွၼ်းမႂ်းလႄႈ မိူဝ်းၵႂႃႇၵႃႈတီႈႁိူၼ်းမႂ်းပုၼ်ႉတႃႉ၊ ဝႃႈၼင်ႇၼႆဢေႃႈ။- 12ၵေႃႉၼၼ်ႉၵေႃႈ လုၵ်ႉဢဝ်တီႈၼွၼ်းမၼ်း ဢွၵ်ႇၵႂႃႇၵႃႈတီႈၽၢႆႇၼႃႈၵူၼ်းတင်းသဵင်ႈတင်းလူင်ၵမ်းလဵဝ်လႄႈ ၵူၼ်းတင်းသဵင်ႈတင်းလူင်ၸိူဝ်းၼၼ်ႉ ထၼ်ႈပေႃးၵႂင်ၸႂ်ယုင်ႈၸႂ်သေလႄႈ ယွင်ႈယေႃးၽြႃးပဵၼ်ၸဝ်ႈလႄႈဝႃႈ၊ ဢမ်ႇတွၼ်ႉႁၼ်ၸိူဝ်ႉၼင်ႇၼႆသေပွၵ်ႈ၊ ဝႃႈၼင်ႇၼႆဢေႃႈ။
ၸဝ်ႈယေႇသူႉႁွင်ႉဢဝ်လေႇဝီႉ
(တူၺ်း၊ မၢတ်ႈ 9:9-13။ လူႉ 5:27-32)
13လိုၼ်းၼၼ်ႉ မၼ်းၸဝ်ႈသမ်ႉ ၵႂႃႇၵႃႈတီႈႁိမ်းၽင်ႇၼွင်ထႅင်ႈလႄႈ ၵူၼ်းဢၼ်ၸူႉဢၼ်တုမ်ၵႃႈမီးတင်းသဵင်ႈတင်းလူင် မႃးတီႈမၼ်းၸဝ်ႈလႄႈ မၼ်းၸဝ်ႈသင်ႇသွၼ်ပၼ်ၶဝ်ဢေႃႈ။
14ၼႂ်းမိူဝ်ႈဢၼ် မၼ်းၸဝ်ႈၸွမ်းတၢင်းၵႂႃႇယူႇၼၼ်ႉၸိုင်၊ မၼ်းၸဝ်ႈထူပ်းႁၼ်လေႇဝီႉ လုၵ်ႈၸၢႆးဢႃႇလၽႄးၼၼ်ႉ ၼင်ႈယူႇၵႃႈတီႈသုမ်ႉထဵင်ၵဵပ်းၶွၼ်ႇလႄႈ လၢတ်ႈတီႈမၼ်းလႄႈဝႃႈ၊ ၸွမ်းပႃႈလင်ၵဝ်တႃႉ။ ဝႃႈၼင်ႇၼႆယဝ်ႉၸင်ႇ၊ ၵေႃႉၼၼ်ႉၵေႃႈ လုၵ်ႉၸွမ်းပႃႈလင်မၼ်းၸဝ်ႈၵႂႃႇဢေႃႈ။- 15လိုၼ်းၼၼ်ႉၸင်ႇ၊ ၼႂ်းမိူဝ်ႈဢၼ် မၼ်းၸဝ်ႈဢိင်ယူႇႁိမ်းတီႈၵိၼ်ၵႃႈၼႂ်းႁိူၼ်း ၵေႃႉၼၼ်ႉၸိုင် ၵူၼ်းၵဵပ်းၶွၼ်ႇတင်းၵူၼ်းႁၢႆႉၼမ်ၼႃႇ ဢိင်ယူႇလူၺ်ႈၵၼ်တင်းမၼ်းၸဝ်ႈ တင်းတပႄးၸဝ်ႈတင်းလၢႆ ႁိမ်းတီႈၵိၼ်ၼၼ်ႉဢေႃႈ။ ၶဝ်ၼၼ်ႉ ၼမ်ၼႃႇလႄႈ ဢွၼ်ၵၼ်ၸွမ်းပႃႈလင်မၼ်းၸဝ်ႈယူႇဢေႃႈ။- 16ၵူၼ်းထုတ်ႇၵျၢမ်း ဢိၵ်ႇတင်းၽႃႇရီႉသႄးတင်းလၢႆ၊ မိူဝ်ႈဢၼ်ႁၼ်မၼ်းၸဝ်ႈ ၵိၼ်လူၺ်ႈၵၼ်တင်း ၵူၼ်းၵဵပ်းၶွၼ်ႇတင်းၵူၼ်းႁၢႆႉၸိူဝ်းၼၼ်ႉၸိုင် လၢတ်ႈတီႈတပႄးၸဝ်ႈတင်းလၢႆလႄႈဝႃႈ၊ ႁဵတ်းသင်လႄႈမၼ်းၼၼ်ႉ ၵိၼ်လူၺ်ႈၵၼ်တင်းၵူၼ်းႁၢႆႉ တင်းၵူၼ်းၵဵပ်းၶွၼ်ႇ တင်းလၢႆၼင်ႇႁိုဝ်။ ဝႃႈၼင်ႇၼႆဢေႃႈ။- 17ယေႇသူႉၼၼ်ႉ မိူဝ်ႈဢၼ်ငိၼ်းၸိုင် လၢတ်ႈတီႈၶဝ်ၼၼ်ႉလႄႈဝႃႈ၊ ၶဝ်ၸိူဝ်းဢၼ်ယူႇလီၼၼ်ႉ ဢမ်ႇလူဝ်ႇမေႃယႃဢေႃႈ။ ၶဝ်ၸိူဝ်းဢၼ်မီးတၢင်းၶႆႈတၢင်းပဵၼ်ၼၼ်ႉၵူၺ်း လူဝ်ႇမေႃယႃဢေႃႈ။ ၵဝ်မႃးႁႂ်ႈလႆႈႁွင်ႉဢဝ် ၵူၼ်းသိုဝ်ႈတေႃႇတင်းလၢႆဢမ်ႇၸႂ်ႈ။ ၵဝ်မႃးႁႂ်ႈလႆႈႁွင်ႉဢဝ်ၵူၼ်းႁၢႆႉတင်းလၢႆဢေႃႈ၊ ဝႃႈၼင်ႇၼႆဢေႃႈ။
ၵႂၢမ်းထၢမ်လွင်ႈၵမ်တၢင်းၵိၼ်
(တူၺ်း၊ မၢတ်ႈ 9:14-17။ လူႉ 5:33-39)
18မိူဝ်ႈၼၼ်ႉ တပႄးၸဝ်ႈယူဝ်းႁၢၼ်ႇ ဢိၵ်ႇတင်းၽႃႇရီႉသႄးတင်းလၢႆ ယင်းတိုၵ်ႉၵမ်တၢင်းၵိၼ်ယူႇလႄႈ သုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈ လဝ်ႊထၢမ်လႄႈဝႃႈ၊ တပႄးယူဝ်းႁၢၼ်ႇ ဢိၵ်ႇတင်းၽႃႇရီႉသႄးတင်းလၢႆ ၵမ်တၢင်းၵိၼ်ယူႇဢေႃႈ။ ႁဵတ်းသင်လႄႈ တပႄးၸဝ်ႈႁဝ်းၸိူဝ်းၼႆႉ ဢမ်ႇၵမ်တၢင်းၵိၼ်ၼင်ႇႁိုဝ်ၶႃႈ၊ ဝႃႈၼင်ႇၼႆဢေႃႈ။- 19ယေႇသူႉၵေႃႈလၢတ်ႈလႄႈဝႃႈ၊ မိူဝ်ႈဢၼ်ၵေႃႉဢၼ်သွင်ႇမင်ႇၵလႃႇ မီးယူႇလူၺ်ႈၵၼ်တင်းၵေႃႉသေႈမၼ်းတင်းလၢႆၼၼ်ႉၸိုင်၊ ၶဝ်ၼၼ်ႉၸၢင်ႈၵမ်တၢင်းၵိၼ်ႁိုဝ်။ ၸူဝ်ႈဢၼ်မၼ်းမီးယူႇလူၺ်ႈၵၼ်တင်းၶဝ်ၸိုင် ၶဝ်ဢမ်ႇၸၢင်ႈၵမ်တၢင်းၵိၼ်။- 20ၶိင်ႇၵႃႇလႃႉဢၼ်တၵ်းလႆႈဢဝ်ၵေႃႉဢၼ် သွင်ႇမင်ႇၵလႃႇၼၼ်ႉ ၽၢတ်ႇၵၼ်တင်းၵေႃႉသေႈမၼ်းတင်းလၢႆၼၼ်ႉၸိုင် တၵ်းႁွတ်ႈမႃးဢေႃႈ။ ၶိင်ႇမိူဝ်ႈၼၼ်ႉ ၶဝ်တၵ်းၵမ်တၢင်းၵိၼ်ဢေႃႈ။- 21ၽူႈလႂ်ဢမ်ႇဢဝ် ၶူဝ်းမႂ်ႇၽုင်ၵုပ်းၶူဝ်းၵဝ်ႇ။ ပေႃးႁဵတ်းၸိူဝ်ႉၼင်ႇၼၼ်ၸိုင် ၶူဝ်းမႂ်ႇ ဢၼ်ၽုင်ၵုပ်းၼၼ်ႉ တၵ်းႁုတ်ႉၸၼ် ၶူဝ်းၵဝ်ႇလႄႈ ႁူးမၼ်းယဵင်ႈၶႅၼ်းတၵ်းႁၢႆႉဢေႃႈ။- 22ပိူင်လဵဝ်ၵၼ်၊ ၽူႈလႂ် ဢမ်ႇဢဝ်ၼမ်ႉၸပိတ်ႈဢၼ်မႂ်ႇ သႂ်ႇၼႂ်းထူင်ၼင်ဢၼ်ၵဝ်ႇ။ ပေႃးသႂ်ႇၸိုင်၊ ၼမ်ႉၸပိတ်ႈဢၼ်မႂ်ႇၼၼ်ႉ တၵ်းႁႂ်ႈထူင်ၼင်တႅၵ်ႇလႄႈ ၼမ်ႉၸပိတ်ႈတင်းထူင်ၼင်ၼၼ်ႉၵေႃႈ တၵ်းလူႉတၵ်းလႅဝ်ဢေႃႈ၊ ဝႃႈၼင်ႇၼႆဢေႃႈ။
လွင်ႈဝၼ်းၵမ်သိၼ်
(တူၺ်း၊ မၢတ်ႈ 12:1-8။ လူႉ 6:1-5)
23ၼႂ်းဝၼ်းၵမ်သိၼ်ဝၼ်းၼိုင်ႈ၊ မိူဝ်ႈဢၼ်မၼ်းၸဝ်ႈၽႃႇလတ်းၵႂႃႇ ၵႃႈၼႂ်းႁႆႊၶဝ်ႈၵျုင်ႇယူႇၼၼ်ႉၸိုင်၊ တပႄးၸဝ်ႈတင်းလၢႆ ပႆတၢင်းၵႂႃႇယူႇသေလႄႈ ယၵ်းဢဝ် ႁူင်းၶဝ်ႈၵျုင်ႇဢေႃႈ။- 24ၽႃႇရီႉသႄးတင်းလၢႆၵေႃႈ လဝ်ႊလၢတ်ႈတီႈမၼ်းၸဝ်ႈလႄႈဝႃႈ၊ တူၺ်းလူး၊ လွင်ႈဢၼ်ဢမ်ႇထုၵ်ႇလီႁဵတ်းၼႂ်းဝၼ်းၵမ်သိၼ်ၸိုင် ႁဵတ်းသင်လႄႈ ၶဝ်ၸိူဝ်းၼႆႉႁဵတ်းၼင်ႇႁိုဝ်။ ဝႃႈၼင်ႇၼႆဢေႃႈ။- 25မၼ်းၸဝ်ႈၵေႃႈ လၢတ်ႈလႄႈဝႃႈ၊ လွင်ႈဢၼ် တႃႇဝိတ်ႈႁဵတ်းၼႂ်းမိူဝ်ႈဢၼ်မၼ်း ဢိၵ်ႇတင်း ၶဝ်ၸိူဝ်းဢၼ် မီးလူၺ်ႈၵၼ်တင်းမၼ်းတင်းလၢႆ ဢိုပ်းတၢင်းၵိၼ်လႄႈ ဢမ်ႇယူႇလႆႈ ၼၼ်ႉ၊- 26ဢၼ်ဝႃႈလွင်ႈဢၼ်မၼ်းၶဝ်ႈၵႂႃႇ ၵႃႈၼႂ်းႁိူၼ်းၽြႃးပဵၼ်ၸဝ်ႈသေလႄႈ ၵိၼ်ၶဝ်ႈမုၼ်းၽၢႆႇၼႃႈၸဝ်ႈ ဢၼ်ယိတ်ႈပရေႃးႁဵၵ်ႈၵူၺ်းၵူၺ်း ထုၵ်ႇလီၵိၼ်ၼၼ်ႉလႄႈ သမ်ႉဢဝ်ပၼ်တီႈၶဝ်ၸိူဝ်းဢၼ် မီးလူၺ်ႈၵၼ်တင်းမၼ်း ၼႂ်းၸူဝ်ႈပၢၼ် ယိတ်ႈပရေႃးႁဵၵ်ႈလူင်ဢႃႇပျႃႇထႃႇၼၼ်ႉၸိုင်၊ သူဢမ်ႇယၢမ်ႈလႆႈၽတ်းႁိုဝ်။- 27လိူဝ်သေၼၼ်ႉ၊ ဝၼ်းၵမ်သိၼ်ပဵၼ်ပုၼ်ႈၵူၼ်းဢေႃႈ။ ၵူၼ်းပဵၼ်ပုၼ်ႈဝၼ်းၵမ်သိၼ်ဢမ်ႇၸႂ်ႈ။- 28ပိူဝ်ႈၼႆလႄႈ လုၵ်ႈၵူၼ်းပဵၼ်ၸဝ်ႈဝၼ်းၵမ်သိၼ်ဢေႃႈ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship