မႃႇၵူႉ 4
4
ၵႂၢမ်းဢူႉပမႃႇဝၢၼ်ႇၸိူဝ်ႉၽၼ်း
(တူၺ်း၊ မၢတ်ႈ 13:1-9။ လူႉ 8:4-8)
1လိုၼ်းၼၼ်ႉ မၼ်းၸဝ်ႈသင်ႇသွၼ်ပၼ်ယူႇ ၵႃႈတီႈႁိမ်းၼမ်ႉၼွင်ဢေႃႈ။ ၵူၼ်းဢၼ်ၸူႉဢၼ်တုမ်ၼမ်ၼႃႇ ၸူႉၵၼ်တုမ်ၵၼ်တီႈမၼ်းၸဝ်ႈထၼ်ႈပေႃး ႁႂ်ႈမၼ်းၸဝ်ႈၶဝ်ႈၵႃႈၼႂ်းႁိူဝ်းလႄႈ ၼင်ႈယူႇၵႃႈတီႈၼႂ်းၼွင်ၼၼ်ႉဢေႃႈ။ ပရဵၵ်ႈသၢတ်ႈ တင်းသဵင်ႈတင်းလူင် ယူႇၼိူဝ်ၵုင်းၵႃႈႁိမ်းၼွင်ၼၼ်ႉဢေႃႈ။- 2မိူဝ်ႈၼၼ်ႉ မၼ်းၸဝ်ႈဢဝ်ၵႂၢမ်းဢူႉပမႃႇသင်ႇသွၼ်ပၼ်ၼမ်ၼႃႇလႄႈ မွၵ်ႇလၢတ်ႈလႄႈဝႃႈၸမ်ႉ၊- 3ထွမ်ႇသေၵမ်း။ တူၺ်းလူး၊ ၵေႃႉဢၼ်ဝၢၼ်ႇၸိူဝ်ႉဝၢၼ်ႇၽၼ်းၼၼ်ႉ ဢွၵ်ႇၵႂႃႇႁႂ်ႈလႆႈဝၢၼ်ႇၸိူဝ်ႉဝၢၼ်ႇၽၼ်းဢေႃႈ။- 4ၼႂ်းတၢင်းဢၼ်မၼ်း ဝၢၼ်ႇၸိူဝ်ႉဝၢၼ်ႇၽၼ်းယူႇၼၼ်ႉ၊ မဵတ်ႉၵမ်ႈၽွင်ႈ တူၵ်းၵႃႈတီ ႁိမ်းတၢင်းလႄႈ ၼူၵ်ႉတင်းလၢႆ မႃးၵဵပ်းၵိၼ်သေဢေႃႈ။- 5မဵတ်ႉၵမ်ႈၽွင်ႈတူၵ်းၵႃႈၼႂ်းတီႈဢၼ်မၢၵ်ႇႁိၼ်ၼမ်ၼႃႇ လိၼ်ၵေႇၼၼ်ႉလႄႈ ၵွပ်ႈပိူဝ်ႈဢၼ်ဢမ်ႇမီးလိၼ်ဢၼ်လိုၵ်ႉၼၼ်ႉ၊ ပိၵ်ႉသမ်ႉဢွၵ်ႇတူၼ်ႈၵမ်းလဵဝ်သေၵေႃႈ၊- 6မိူဝ်ႈဢၼ်ၵၢင်ဝၼ်းဢွၵ်ႇမႃးၸိုင် မႆႈၼႃႇလူင်လၢင်လႄႈ၊ ၵွပ်ႈပိူဝ်ႈဢၼ်ႁၢၵ်ႈမၼ်းဢမ်ႇပေႃးမီးၼၼ်ႉ၊ ႁဵဝ်ႇႁႅင်ႈၵႂႃႇသေဢေႃႈ။- 7မဵတ်ႉၵမ်ႈၽွင်ႈတူၵ်းၵႃႈၼႂ်းတူၼ်ႈၼၢမ်လႄႈ တူၼ်ႈၼၢမ်ၸိူဝ်းၼၼ်ႉ ယႂ်ႇမႃးႁူမ်ႇမုင်း ငႅၼ်းသႄးလႄႈ ဢမ်ႇမၢၵ်ႇမၢၵ်ႇမၼ်း။- 8မဵတ်ႉၵမ်ႈၽွင်ႈတူၵ်းၵႃႈၼႂ်း တီႈဢၼ်လိၼ်လီလႄႈ ဢွၵ်ႇတူၼ်ႈသေယဝ်ႉ ယႂ်ႇမႃးယူႇသေလႄႈ မၢၵ်ႇမၢၵ်ႇမၼ်းမႃးသၢမ်သိပ်းပုၼ်ႈ၊ ႁူၵ်းသိပ်းပုၼ်ႈ၊ ပၢၵ်ႇပုၼ်ႈဢေႃႈ။- 9ၵေႃႉဢၼ်မီးႁူဢၼ်လီငိၼ်းၼၼ်ႉၸမ်ႉ၊ ႁႂ်ႈငိၼ်းသေၵမ်းလူၺ်ႈ၊ ဝႃႈၼင်ႇၼႆဢေႃႈ။
လွင်ႈဢဵၼ်းဢၢၼ်းၵႂၢမ်းဢူႉပမႃႇ
(တူၺ်း၊ မၢတ်ႈ 13:10-17။ လူႉ 8:9-10)
10မိူဝ်ႈဢၼ်မၼ်းၸဝ်ႈမီးယူႇ တီႈဢၼ်ပိူၼ်ႈဢမ်ႇမီးၼၼ်ႉၸိုင်၊ ၶဝ်ၸိူဝ်းဢၼ်လွမ်ႉႁွပ်ႈမၼ်းၸဝ်ႈ ဢိၵ်ႇတင်းသိပ်းသွင်ပႃးတင်းလၢႆၼၼ်ႉ လဝ်ႊထၢမ်လွင်ႈ ဢူႉပမႃႇၼၼ်ႉလႄႈ၊- 11မၼ်းၸဝ်ႈၵေႃႈ လၢတ်ႈတီႈၶဝ်လႄႈဝႃႈ၊ သူမီးဢၶႂၢင်ႉ ဢၼ်တၵ်းလႆႈႁူႉလွင်ႈတၢင်းဢၼ်လိုၵ်ႉဢၼ်လမ်ႇ မိူင်းၽြႃးပဵၼ်ၸဝ်ႈဢေႃႈ။ ၶဝ်ၸိူဝ်းဢၼ်မီးၵႃႈၼွၵ်ႈၼၼ်ႉၸမ်ႉ၊- 12ၵွပ်ႈပိူဝ်ႈဢၼ်ၵူဝ် တၢင်းၵမ်တၢင်းၵျၢင်ႉၶဝ် တၵ်းၶၢႆႉပုတ်ႈ၊ ဢပႅတ်ႈၶဝ်တၵ်းလွတ်ႈၼၼ်ႉ၊ ၶဝ်ႁၼ်ယူႇသေၵေႃႈ ၼင်ႇႁိုဝ်တၵ်းႁၼ် တၢင်းဢမ်ႇမၢတ်ႈဢမ်ႇတွင်း၊ ၶဝ်ငိၼ်းယူႇသေၵေႃႈ တၵ်းငိၼ်းတၢင်းဢမ်ႇႁူႉဢမ်ႇၸႅင်ႈၸိုင်၊ ၵႃႈဢၼ်ႁေႃးလၢတ်ႈတီႈၶဝ်ၼၼ်ႉ လႆႈဢဝ်တင်းဢူႉပမႃႇ ႁေႃးလၢတ်ႈဢေႃႈ၊ ဝႃႈၼင်ႇၼႆဢေႃႈ။
ဢထိၵ်ႈပႄႇၵႂၢမ်းဢူႉပမႃႇဝၢၼ်ႇၸိူဝ်ႉၽၼ်း
(တူၺ်း၊ မၢတ်ႈ 13:18-23။ လူႉ 8:11-15)
13မၼ်းၸဝ်ႈသမ်ႉလၢတ်ႈတီႈၶဝ်ထႅင်ႈလႄႈဝႃႈၸမ်ႉ၊ ပေႃးသူဢမ်ႇႁူႉဢူႉပမႃႇၼႆႉၸိုင်၊ သူတၵ်းႁူႉဢူႉပမႃႇၵႃႈမီးတင်းသဵင်ႈတင်းလူင်လႆႈၸိူဝ်ႉၼင်ႇႁိုဝ်။- 14ၵေႃႉဢၼ်ဝၢၼ်ႇၸိူဝ်ႉဝၢၼ်ႇၽၼ်းၼၼ်ႉ ဝၢၼ်ႇၵႂၢမ်းတြႃးဢေႃႈ။- 15လွင်ႈတၢင်းဢၼ်ဝၢၼ်ႇၸိူဝ်ႉဝၢၼ်ႇၽၼ်း ၵႃႈတီႈႁိမ်းတၢင်း ၼႂ်းတီႈဢၼ်ဝၢၼ်ႇၵႂၢမ်းတြႃးၼၼ်ႉၸမ်ႉ၊ မိူဝ်ႈဢၼ်ၶဝ်ငိၼ်းယဝ်ႉၼၼ်ႉ၊ ၸႃႇတၢၼ်ႇမႃး ၵမ်းလဵဝ်လႄႈ ထူၺ်ႈဢဝ်ၵႂၢမ်းတြႃးဢၼ်ဝၢၼ်ႇၵႃႈၼႂ်းၶဝ်ၼၼ်ႉဢွၵ်ႇပႅတ်ႈဢေႃႈ၊ ၶႂ်ႈဝႃႈၼင်ႇၼႆဢေႃႈ။- 16လွင်ႈတၢင်းဢၼ်ဝၢၼ်ႇၸိူဝ်ႉဝၢၼ်ႇၽၼ်း ၵႃႈၼႂ်းတီႈဢၼ်မၢၵ်ႇႁိၼ်ၼမ်ၼႃႇၼၼ်ႉၸမ်ႉ၊ မိူဝ်ႈဢၼ်ၶဝ်ငိၼ်းၵႂၢမ်းတြႃးယဝ်ႉၼၼ်ႉ၊ ပိၵ်ႉသမ်ႉမီးတင်းၸႂ်ဢၼ်သိူဝ်းၸူမ်းၼႃႇ ႁပ်ႉတုင်းဢဝ်ၵမ်းလဵဝ်သေၵေႃႈ၊- 17ဢမ်ႇမီးႁၢၵ်ႈမၼ်းၵႃႈၼႂ်းႁူဝ်ၸႂ်ၶဝ်လႄႈ တႄႇယူႇၵမ်းဢွၼ်ႇၼိုင်ႈၵူၺ်းသေယဝ်ႉ၊ မိူဝ်ႈဢၼ်လႆႈ ၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသႄး ၵွပ်ႈပိူဝ်ႈတြႃးၼၼ်ႉၸိုင်၊ ၸႂ်လူႉၵမ်းလဵဝ်ဢေႃႈ၊ ၶႂ်ႈဝႃႈၼင်ႇၼႆဢေႃႈ။- 18လွင်ႈတၢင်းဢၼ်ဝၢၼ်ႇၸိူဝ်ႉဝၢၼ်ႇၽၼ်း ၵႃႈၼႂ်းတူၼ်ႈၼၢမ်ၼၼ်ႉၸမ်ႉ၊ ပဵၼ်ၶဝ်ၸိူဝ်းဢၼ် လႆႈငိၼ်းၵႂၢမ်းတြႃးယဝ်ႉလႄႈ၊- 19တၢင်းဢၼ်မႆႈၸႂ်ၶီၸႂ်လူၺ်ႈလွင်ႈလေႃးၵီႇတင်းလၢႆ၊ တၢင်းဢၼ်ဢုၵ်ႉၸႃႇၸေးၸိမ်ႇပႅတ်ႉလႅၼ်၊ တၢင်းဢၼ် ၸႂ်ဢၼ်ၸပ်းဢၼ်ၸွႆး လွင်ႈဢၼ်ၵိုတ်းဢၼ်ၵျၢၼ်ႇတင်းလၢႆၸိူဝ်းၼၼ်ႉ ၶဝ်ႈၵႃႈၼႂ်းသေယဝ်ႉ၊ ႁူမ်ႇမုင်းငႅၼ်းသႄးၵႂၢမ်းတြႃးယူႇလႄႈ ဢမ်ႇမၢၵ်ႇမၢၵ်ႇမၼ်းလႆႈ၊ ၶႂ်ႈဝႃႈၼင်ႇၼႆဢေႃႈ။- 20လွင်ႈတၢင်းဢၼ်ဝၢၼ်ႇၸိူဝ်ႉဝၢၼ်ႇၽၼ်း ၵႃႈၼႂ်းတီႈဢၼ်လိၼ်လီၼၼ်ႉၸမ်ႉ၊ ပဵၼ်ၶဝ်ၸိူဝ်းဢၼ် လႆႈငိၼ်းၵႂၢမ်းတြႃးယဝ်ႉလႄႈ ႁပ်ႉတုင်းဢဝ်သေယဝ်ႉ၊ မၢၵ်ႇမၢၵ်ႇမၼ်းမႃး သၢမ်သိပ်းပုၼ်ႈ၊ ႁူၵ်းသိပ်းပုၼ်ႈ၊ ပၢၵ်ႇပုၼ်ႈဢေႃႈ၊ ၶႂ်ႈဝႃႈၼင်ႇၼႆဢေႃႈ။
ၵွၵ်းၽႆးဢၼ်တႆႈဝႆႉၼိူဝ်ၶူင်ႇတႆႈၽႆး
(တူၺ်း၊ လူႉ 8:16-18)
21လိူဝ်သေၼၼ်ႉ၊ ၸၢင်ႈဢဝ်ဝၢၼ်ႇၽႆးတဵၼ်းမႃး ႁႂ်ႈလႆႈႁူမ်ႇဝႆႉတႂ်ႈပဵတ်ႈတႂ်ႈၵူႇတီႈၼွၼ်းႁိုဝ်။ ၸၢင်ႈဢဝ်မႃး ႁႂ်ႈလႆႈတၢင်ႇဝႆႉၵႃႈၼိူဝ်ၶူင်ႇ တီႈတႆႈၽႆးဢမ်ႇၸႂ်ႈႁိုဝ်။- 22လွင်ႈတၢင်းဢၼ် မီးၼႂ်းတီႈဢၼ်လပ်ႉဢၼ်သိူင်ႇ ဢၼ်တၵ်းဢမ်ႇထၢင်ႇဢမ်ႇသႃးမႃးၼၼ်ႉ ဢမ်ႇမီးသေၸိူဝ်ႉသေပိူင်။ လွင်ႈတၢင်းဢၼ်ပဵၼ်မႃးလႄႈ သိူင်ႇဝႆႉမႅပ်ႉဝႆႉ ဢၼ်တၵ်းဢမ်ႇၶၢမ်ႇတၢင်းဢၼ်ပိုတ်ႇၼႄၼၼ်ႉ ဢမ်ႇမီးသေၸိူဝ်ႉသေပိူင်။- 23ပေႃးသေၵေႃႉသေၵူၼ်း မီးႁူဢၼ်လီငိၼ်းၸိုင်၊ ႁႂ်ႈငိၼ်းသေၵမ်းလူၺ်ႈ၊ ဝႃႈၼင်ႇၼႆဢေႃႈ။
24မၼ်းၸဝ်ႈသမ်ႉ လၢတ်ႈတီႈၶဝ်ထႅင်ႈလႄႈဝႃႈၸမ်ႉ၊ လွင်ႈဢၼ်သူလႆႈထွမ်ႇလႆႈငိၼ်းၸိူဝ်ႉၼင်ႇႁိုဝ်ၸိုင် ႁဵတ်းသတီႉတႃႉ။ သူပၼ်တီႈပိူၼ်ႈ ဢၼ်တူင်ဢၼ်တႅၵ်ႈၵႃႈႁိုဝ်သေဢမ်ႇဝႃႈ၊ တၵ်းလႆႈၶၢမ်ႇၵႃႈၼင်ႇဢၼ်တူင်ဢၼ်တႅၵ်ႈၼၼ်ႉဢေႃႈ။ တၵ်းလႆႈၶၢမ်ႇ ၸိူဝ်ႉၼင်ႇၼၼ်ဢမ်ႇၵႃး၊ တၵ်းလႆႈၶၢမ်ႇတၢင်းဢၼ် ထၢပ်ႈထႅင်ႈလိူဝ်တွၼ်းသေၼၼ်ႉဢေႃႈ။- 25ၽူႈလႂ်သေဢမ်ႇဝႃႈ၊ ၵေႃႉဢၼ်ၸၢင်ႈမီးၼၼ်ႉ၊ ၵႃႈတီႈၵေႃႉၼၼ်ႉ၊ တၵ်းပၼ်ထႅင်ႈလူးၵွၼ်ႇဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ်ဢမ်ႇၸၢင်ႈမီးၵႃႈသင်ၼၼ်ႉ၊ ၵႃႈတီႈၵေႃႉၼၼ်ႉ တၵ်းၼုၵ်ႈဢဝ်ၵႃႈဢၼ်မၼ်းမီးတင်းသဵင်ႈတင်းလူင်ၼၼ်ႉလူးၵွၼ်ႇဢေႃႈ။
ၵႂၢမ်းဢူႉပမႃႇမဵတ်ႉၽၼ်းဢၼ်တူဝ်းတွၼ်းမႃး
26လိူဝ်သေၼၼ်ႉ မိူင်းၽြႃးပဵၼ်ၸဝ်ႈ မိူၼ်ၸိူဝ်ႉၼင်ႇၵူၼ်းၵေႃႉၼိုင်ႈ ဝၢၼ်ႇၸိူဝ်ႉဝၢၼ်ႇၽၼ်း ၵႃႈၼႂ်းၼႃးယဝ်ႉၸင်ႇ၊- 27လိုၼ်းၼၼ်ႉ ပိၵ်ႉသမ်ႉတင်းဝၼ်းတင်းၶိုၼ်း ၼွၼ်းယူႇတိုၼ်ႇယူႇသေၵေႃႈ၊ လွင်ႈဢၼ်မဵတ်ႉၸိူဝ်းၼၼ်ႉ ဢွၵ်ႇတူၼ်ႈလႄႈယႂ်ႇမႃးၸိူဝ်ႉၼင်ႇႁိုဝ်ၸိုင် မၼ်းဢမ်ႇႁူႉ။- 28လိၼ်မိူင်းၸွမ်းၼင်ႇ ဢလူဝ်ႇတူဝ်ၸဝ်ႈၵဝ်ႇသေလႄႈၸၢင်ႈႁႂ်ႈမၢၵ်ႇမၼ်းမၢၵ်ႇမႃးလႄႈ၊ မိူဝ်ႈဢွၼ်တၢင်း ႁႂ်ႈပဵၼ်ငူင်းမၼ်း၊ ၵမ်းလိုၼ်းႁႂ်ႈပဵၼ်ႁူင်းမၼ်း၊ ၵမ်းလိုၼ်းၼၼ်ႉႁႂ်ႈပဵၼ်မဵတ်ႉဢၼ်မၢၵ်ႇၵႃႈၼႂ်းႁူင်းမၼ်းဢေႃႈ။- 29မိူဝ်ႈဢၼ်မၢၵ်ႇမၼ်းသုၵ်းယဝ်ႉၸိုင် ပိူဝ်ႈဢၼ်ၶိင်ႇဢၼ်လီပၢတ်ႇထိုင်မႃးလႄႈ ၸဝ်ႈၼႃးၸင်ႇႁႂ်ႈဢဝ်ၶဵဝ်းပၢတ်ႇၵမ်းလဵဝ်ဢေႃႈ၊ ဝႃႈၼင်ႇၼႆဢေႃႈ။
ၵႂၢမ်းဢူႉပမႃႇလွင်ႈၽၼ်းၽၵ်းၵၢတ်ႇ
(တူၺ်း၊ မၢတ်ႈ 13:31-32၊34။ လူႉ 13:18-19)
30လိူဝ်သေၼၼ်ႉ မိူင်းၽြႃးပဵၼ်ၸဝ်ႈၸိုင် တၵ်းလႆႈၼႄပျႃးပုင်ႇမၼ်းၸိူဝ်ႉၼင်ႇႁိုဝ်။ တၵ်းလႆႈဢဝ်ဢူႉပမႃႇ ဢၼ်လႂ်တႅၵ်ႈဝႃႈၼႆၸမ်ႉ၊ မိူၼ်ၸိူဝ်ႉၼင်ႇၽၼ်းၽၵ်းၵၢတ်ႇ မဵတ်ႉၼိုင်ႈဢေႃႈ။- 31ၽၼ်းၽၵ်းၵၢတ်ႇၼၼ်ႉ မိူဝ်ႈဢၼ်ၽုၵ်ႇသႂ်ႇ ၵႃႈၼႂ်းလိၼ်ၸိုင်၊ ပိၵ်ႉသမ်ႉလဵၵ်ႉၼႃႇသေမဵတ်ႉတင်းသဵင်ႈတင်းလူင် ဢၼ်မီးၵႃႈတီႈလိၼ်သေၵေႃႈ၊- 32ၽုၵ်ႇသႂ်ႇယဝ်ႉၸင်ႇ၊ ဢွၵ်ႇတူၼ်ႈလႄႈ ယႂ်ႇမႃးသေတူၼ်ႈယိူဝ်ႈတူၼ်ႈယႃႈတင်းသဵင်ႈတင်းလူင် ၸင်ႇပဵၼ်ၵိင်ႇလူင်ၶႃႊလူင် ဢၼ်ၼူၵ်ႉၵၢင်ႁၢဝ်တင်းလၢႆ ထၼ်ႈပေႃးလိုဝ်ႈပေႃးသဝ်းယူႇၵႃႈၼႂ်းႁူမ်ႈမၼ်းဢေႃႈ၊ ဝႃႈၼင်ႇၼႆဢေႃႈ။
33ၵႃႈၼင်ႇဢၼ် ပရဵၵ်ႈသၢတ်ႈတင်းလၢႆ လႆႈထွမ်ႇလႆႈငိၼ်းလႆႈၼၼ်ႉ၊ မၼ်းၸဝ်ႈဢဝ်ၵႂၢမ်းဢူႉပမႃႇၸိူဝ်ႉၼင်ႇၼၼ်ႉသေလႄႈ ႁေႃးလၢတ်ႈတြႃးၸဝ်ႈဢေႃႈ။- 34ၵူၺ်းၵႃႈ မၼ်းၸဝ်ႈဢမ်ႇႁေႃးဢမ်ႇလၢတ်ႈၵႂၢမ်းဢၼ် ၵၢင်းလွတ်ႈတင်း ဢူႉပမႃႇမၼ်းၸဝ်ႈ ၽုၺ်ႇၼႄလွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼၼ်ႉ တီႈတပႄးၸဝ်ႈတင်းလၢႆ ၼႂ်းတီႈဢၼ်ပိူၼ်ႈ ဢမ်ႇမီးၼၼ်ႉဢေႃႈ။
ၸဝ်ႈယေႇသူႉႁႂ်ႈလႅင်းၼမ်ႉထၢတ်ႇယဵၼ်
(တူၺ်း၊ မၢတ်ႈ 8:23-27။ လူႉ 8:22-25)
35ဝၼ်းၼၼ်ႉ မိူဝ်ႈဢၼ်ၵၢင်ဝၼ်းၶမ်ႈယဝ်ႉၸိုင်၊ မၼ်းၸဝ်ႈလၢတ်ႈတီႈၶဝ်လႄႈဝႃႈ၊ ၶၢမ်ႈၵႂႃႇၵႃႈတီႈၽင်ႇၼမ်ႉၽၢႆႇပုၼ်ႉတႃႉႁဝ်း၊ ဝႃႈၼင်ႇၼႆယဝ်ႉၸင်ႇ၊- 36ၶဝ်ၼၼ်ႉ ပွႆႇၵူၼ်းဢၼ်ၸူႉဢၼ်တုမ်သေလႄႈ ပႃးဢဝ်မၼ်းၸဝ်ႈ ဢၼ်မီးယူႇၵႃႈၼႂ်းႁိူဝ်းၼၼ်ႉၵႂႃႇဢေႃႈ။ ႁိူဝ်းတၢင်ႇတီႈတၢင်ႇဢၼ်တင်းလၢႆၵေႃႈပႃးဢေႃႈ။- 37ၵမ်းၼၼ်ႉ ပဵၼ်ၽူၼ်လူင်လူမ်းလူင်လႄႈ လႅင်းၼမ်ႉပိူပ်ႈၼမ်ႉ ထိပ်ႇၽၢင်ႈသႂ်ႇ ၼႂ်းႁိူဝ်းၼႃႇလူင်လၢင်ထၼ်ႈပေႃးႁိူဝ်းၼၼ်ႉ ၼမ်ႉယင်းတိုၵ်ႉတဵမ်ၶိုၼ်ႈမႃးယူႇဢေႃႈ။- 38မၼ်းၸဝ်ႈၵိင်းၼွၼ်းယူႇၼိူဝ်မွၼ်ႁူဝ်ၵႃႈတီႈႁၢင်ႁိူဝ်းဢေႃႈ။ ၶဝ်ၼၼ်ႉပူၵ်းမၼ်းၸဝ်ႈယဝ်ႉၸင်ႇ၊ လဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ လွင်ႈဢၼ်ႁဝ်းၶႃႈ တၵ်းႁွတ်ႈထိုင် တၢင်းလူႉတၢင်းလႅဝ်ၼႆႉၸိုင်၊ ဢမ်ႇမီးၸႂ်ဢၼ်ဢဵတ်းလူၶႃႈႁိုဝ်။ မိူဝ်ႈဢၼ်ဝႃႈၼင်ႇၼႆၼၼ်ႉၸိုင်၊- 39မၼ်းၸဝ်ႈလုၵ်ႉသေလႄႈသင်ႇသွၼ်လူမ်းသေယဝ်ႉ၊ လၢတ်ႈတီႈပၢင်ႇလၢႆႇလႄႈဝႃႈ၊ ယူႇတဵတ်ႇတဵတ်ႇတႃႉ။ ယူႇၼိမ်ၼိမ်တႃႉ၊ ဝႃႈၼင်ႇၼႆယဝ်ႉၸင်ႇ၊ လူမ်းယဵၼ်ၵႂႃႇလႄႈ၊ ပၢင်ႇလၢႆႇပၢင်ႇၸိုၼ်ႈၼိမ်လီမႃးၼႃႇလူင်လၢင်ဢေႃႈ။- 40မၼ်းၸဝ်ႈၵေႃႈ ထၢမ်လႄႈဝႃႈ၊ ႁဵတ်းသင်လႄႈ သူၵူဝ်ၼႃႇလူင်လၢင်ထၢၼ်ႇၼႆႉၼင်ႇႁိုဝ်။ ႁဵတ်းသင်လႄႈသူဢမ်ႇမီးၸႂ် ဢၼ်ယုမ်ႇမၢတ်ႈၼင်ႇႁိုဝ်။ ဝႃႈၼင်ႇၼႆသေယဝ်ႉ၊- 41ၶဝ်ၼၼ်ႉၵေႃႈ ၵူဝ်ၼႃႇလူင်လၢင်လႄႈ ၵေႃႉၼိုင်ႈလႄႈၵေႃႉၼိုင်ႈ လၢတ်ႈၵၼ်လႄႈဝႃႈ၊ ၵေႃႉၼႆႉၸမ်ႉ၊ ပဵၼ်ၽူႈလႂ်၊ လူမ်းတင်းပၢင်ႇလၢႆႇ ထွမ်ႇဢဝ်ၵႂၢမ်းမၼ်းလူင်ပႄႇ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
မႃႇၵူႉ 4: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မႃႇၵူႉ 4
4
ၵႂၢမ်းဢူႉပမႃႇဝၢၼ်ႇၸိူဝ်ႉၽၼ်း
(တူၺ်း၊ မၢတ်ႈ 13:1-9။ လူႉ 8:4-8)
1လိုၼ်းၼၼ်ႉ မၼ်းၸဝ်ႈသင်ႇသွၼ်ပၼ်ယူႇ ၵႃႈတီႈႁိမ်းၼမ်ႉၼွင်ဢေႃႈ။ ၵူၼ်းဢၼ်ၸူႉဢၼ်တုမ်ၼမ်ၼႃႇ ၸူႉၵၼ်တုမ်ၵၼ်တီႈမၼ်းၸဝ်ႈထၼ်ႈပေႃး ႁႂ်ႈမၼ်းၸဝ်ႈၶဝ်ႈၵႃႈၼႂ်းႁိူဝ်းလႄႈ ၼင်ႈယူႇၵႃႈတီႈၼႂ်းၼွင်ၼၼ်ႉဢေႃႈ။ ပရဵၵ်ႈသၢတ်ႈ တင်းသဵင်ႈတင်းလူင် ယူႇၼိူဝ်ၵုင်းၵႃႈႁိမ်းၼွင်ၼၼ်ႉဢေႃႈ။- 2မိူဝ်ႈၼၼ်ႉ မၼ်းၸဝ်ႈဢဝ်ၵႂၢမ်းဢူႉပမႃႇသင်ႇသွၼ်ပၼ်ၼမ်ၼႃႇလႄႈ မွၵ်ႇလၢတ်ႈလႄႈဝႃႈၸမ်ႉ၊- 3ထွမ်ႇသေၵမ်း။ တူၺ်းလူး၊ ၵေႃႉဢၼ်ဝၢၼ်ႇၸိူဝ်ႉဝၢၼ်ႇၽၼ်းၼၼ်ႉ ဢွၵ်ႇၵႂႃႇႁႂ်ႈလႆႈဝၢၼ်ႇၸိူဝ်ႉဝၢၼ်ႇၽၼ်းဢေႃႈ။- 4ၼႂ်းတၢင်းဢၼ်မၼ်း ဝၢၼ်ႇၸိူဝ်ႉဝၢၼ်ႇၽၼ်းယူႇၼၼ်ႉ၊ မဵတ်ႉၵမ်ႈၽွင်ႈ တူၵ်းၵႃႈတီ ႁိမ်းတၢင်းလႄႈ ၼူၵ်ႉတင်းလၢႆ မႃးၵဵပ်းၵိၼ်သေဢေႃႈ။- 5မဵတ်ႉၵမ်ႈၽွင်ႈတူၵ်းၵႃႈၼႂ်းတီႈဢၼ်မၢၵ်ႇႁိၼ်ၼမ်ၼႃႇ လိၼ်ၵေႇၼၼ်ႉလႄႈ ၵွပ်ႈပိူဝ်ႈဢၼ်ဢမ်ႇမီးလိၼ်ဢၼ်လိုၵ်ႉၼၼ်ႉ၊ ပိၵ်ႉသမ်ႉဢွၵ်ႇတူၼ်ႈၵမ်းလဵဝ်သေၵေႃႈ၊- 6မိူဝ်ႈဢၼ်ၵၢင်ဝၼ်းဢွၵ်ႇမႃးၸိုင် မႆႈၼႃႇလူင်လၢင်လႄႈ၊ ၵွပ်ႈပိူဝ်ႈဢၼ်ႁၢၵ်ႈမၼ်းဢမ်ႇပေႃးမီးၼၼ်ႉ၊ ႁဵဝ်ႇႁႅင်ႈၵႂႃႇသေဢေႃႈ။- 7မဵတ်ႉၵမ်ႈၽွင်ႈတူၵ်းၵႃႈၼႂ်းတူၼ်ႈၼၢမ်လႄႈ တူၼ်ႈၼၢမ်ၸိူဝ်းၼၼ်ႉ ယႂ်ႇမႃးႁူမ်ႇမုင်း ငႅၼ်းသႄးလႄႈ ဢမ်ႇမၢၵ်ႇမၢၵ်ႇမၼ်း။- 8မဵတ်ႉၵမ်ႈၽွင်ႈတူၵ်းၵႃႈၼႂ်း တီႈဢၼ်လိၼ်လီလႄႈ ဢွၵ်ႇတူၼ်ႈသေယဝ်ႉ ယႂ်ႇမႃးယူႇသေလႄႈ မၢၵ်ႇမၢၵ်ႇမၼ်းမႃးသၢမ်သိပ်းပုၼ်ႈ၊ ႁူၵ်းသိပ်းပုၼ်ႈ၊ ပၢၵ်ႇပုၼ်ႈဢေႃႈ။- 9ၵေႃႉဢၼ်မီးႁူဢၼ်လီငိၼ်းၼၼ်ႉၸမ်ႉ၊ ႁႂ်ႈငိၼ်းသေၵမ်းလူၺ်ႈ၊ ဝႃႈၼင်ႇၼႆဢေႃႈ။
လွင်ႈဢဵၼ်းဢၢၼ်းၵႂၢမ်းဢူႉပမႃႇ
(တူၺ်း၊ မၢတ်ႈ 13:10-17။ လူႉ 8:9-10)
10မိူဝ်ႈဢၼ်မၼ်းၸဝ်ႈမီးယူႇ တီႈဢၼ်ပိူၼ်ႈဢမ်ႇမီးၼၼ်ႉၸိုင်၊ ၶဝ်ၸိူဝ်းဢၼ်လွမ်ႉႁွပ်ႈမၼ်းၸဝ်ႈ ဢိၵ်ႇတင်းသိပ်းသွင်ပႃးတင်းလၢႆၼၼ်ႉ လဝ်ႊထၢမ်လွင်ႈ ဢူႉပမႃႇၼၼ်ႉလႄႈ၊- 11မၼ်းၸဝ်ႈၵေႃႈ လၢတ်ႈတီႈၶဝ်လႄႈဝႃႈ၊ သူမီးဢၶႂၢင်ႉ ဢၼ်တၵ်းလႆႈႁူႉလွင်ႈတၢင်းဢၼ်လိုၵ်ႉဢၼ်လမ်ႇ မိူင်းၽြႃးပဵၼ်ၸဝ်ႈဢေႃႈ။ ၶဝ်ၸိူဝ်းဢၼ်မီးၵႃႈၼွၵ်ႈၼၼ်ႉၸမ်ႉ၊- 12ၵွပ်ႈပိူဝ်ႈဢၼ်ၵူဝ် တၢင်းၵမ်တၢင်းၵျၢင်ႉၶဝ် တၵ်းၶၢႆႉပုတ်ႈ၊ ဢပႅတ်ႈၶဝ်တၵ်းလွတ်ႈၼၼ်ႉ၊ ၶဝ်ႁၼ်ယူႇသေၵေႃႈ ၼင်ႇႁိုဝ်တၵ်းႁၼ် တၢင်းဢမ်ႇမၢတ်ႈဢမ်ႇတွင်း၊ ၶဝ်ငိၼ်းယူႇသေၵေႃႈ တၵ်းငိၼ်းတၢင်းဢမ်ႇႁူႉဢမ်ႇၸႅင်ႈၸိုင်၊ ၵႃႈဢၼ်ႁေႃးလၢတ်ႈတီႈၶဝ်ၼၼ်ႉ လႆႈဢဝ်တင်းဢူႉပမႃႇ ႁေႃးလၢတ်ႈဢေႃႈ၊ ဝႃႈၼင်ႇၼႆဢေႃႈ။
ဢထိၵ်ႈပႄႇၵႂၢမ်းဢူႉပမႃႇဝၢၼ်ႇၸိူဝ်ႉၽၼ်း
(တူၺ်း၊ မၢတ်ႈ 13:18-23။ လူႉ 8:11-15)
13မၼ်းၸဝ်ႈသမ်ႉလၢတ်ႈတီႈၶဝ်ထႅင်ႈလႄႈဝႃႈၸမ်ႉ၊ ပေႃးသူဢမ်ႇႁူႉဢူႉပမႃႇၼႆႉၸိုင်၊ သူတၵ်းႁူႉဢူႉပမႃႇၵႃႈမီးတင်းသဵင်ႈတင်းလူင်လႆႈၸိူဝ်ႉၼင်ႇႁိုဝ်။- 14ၵေႃႉဢၼ်ဝၢၼ်ႇၸိူဝ်ႉဝၢၼ်ႇၽၼ်းၼၼ်ႉ ဝၢၼ်ႇၵႂၢမ်းတြႃးဢေႃႈ။- 15လွင်ႈတၢင်းဢၼ်ဝၢၼ်ႇၸိူဝ်ႉဝၢၼ်ႇၽၼ်း ၵႃႈတီႈႁိမ်းတၢင်း ၼႂ်းတီႈဢၼ်ဝၢၼ်ႇၵႂၢမ်းတြႃးၼၼ်ႉၸမ်ႉ၊ မိူဝ်ႈဢၼ်ၶဝ်ငိၼ်းယဝ်ႉၼၼ်ႉ၊ ၸႃႇတၢၼ်ႇမႃး ၵမ်းလဵဝ်လႄႈ ထူၺ်ႈဢဝ်ၵႂၢမ်းတြႃးဢၼ်ဝၢၼ်ႇၵႃႈၼႂ်းၶဝ်ၼၼ်ႉဢွၵ်ႇပႅတ်ႈဢေႃႈ၊ ၶႂ်ႈဝႃႈၼင်ႇၼႆဢေႃႈ။- 16လွင်ႈတၢင်းဢၼ်ဝၢၼ်ႇၸိူဝ်ႉဝၢၼ်ႇၽၼ်း ၵႃႈၼႂ်းတီႈဢၼ်မၢၵ်ႇႁိၼ်ၼမ်ၼႃႇၼၼ်ႉၸမ်ႉ၊ မိူဝ်ႈဢၼ်ၶဝ်ငိၼ်းၵႂၢမ်းတြႃးယဝ်ႉၼၼ်ႉ၊ ပိၵ်ႉသမ်ႉမီးတင်းၸႂ်ဢၼ်သိူဝ်းၸူမ်းၼႃႇ ႁပ်ႉတုင်းဢဝ်ၵမ်းလဵဝ်သေၵေႃႈ၊- 17ဢမ်ႇမီးႁၢၵ်ႈမၼ်းၵႃႈၼႂ်းႁူဝ်ၸႂ်ၶဝ်လႄႈ တႄႇယူႇၵမ်းဢွၼ်ႇၼိုင်ႈၵူၺ်းသေယဝ်ႉ၊ မိူဝ်ႈဢၼ်လႆႈ ၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသႄး ၵွပ်ႈပိူဝ်ႈတြႃးၼၼ်ႉၸိုင်၊ ၸႂ်လူႉၵမ်းလဵဝ်ဢေႃႈ၊ ၶႂ်ႈဝႃႈၼင်ႇၼႆဢေႃႈ။- 18လွင်ႈတၢင်းဢၼ်ဝၢၼ်ႇၸိူဝ်ႉဝၢၼ်ႇၽၼ်း ၵႃႈၼႂ်းတူၼ်ႈၼၢမ်ၼၼ်ႉၸမ်ႉ၊ ပဵၼ်ၶဝ်ၸိူဝ်းဢၼ် လႆႈငိၼ်းၵႂၢမ်းတြႃးယဝ်ႉလႄႈ၊- 19တၢင်းဢၼ်မႆႈၸႂ်ၶီၸႂ်လူၺ်ႈလွင်ႈလေႃးၵီႇတင်းလၢႆ၊ တၢင်းဢၼ်ဢုၵ်ႉၸႃႇၸေးၸိမ်ႇပႅတ်ႉလႅၼ်၊ တၢင်းဢၼ် ၸႂ်ဢၼ်ၸပ်းဢၼ်ၸွႆး လွင်ႈဢၼ်ၵိုတ်းဢၼ်ၵျၢၼ်ႇတင်းလၢႆၸိူဝ်းၼၼ်ႉ ၶဝ်ႈၵႃႈၼႂ်းသေယဝ်ႉ၊ ႁူမ်ႇမုင်းငႅၼ်းသႄးၵႂၢမ်းတြႃးယူႇလႄႈ ဢမ်ႇမၢၵ်ႇမၢၵ်ႇမၼ်းလႆႈ၊ ၶႂ်ႈဝႃႈၼင်ႇၼႆဢေႃႈ။- 20လွင်ႈတၢင်းဢၼ်ဝၢၼ်ႇၸိူဝ်ႉဝၢၼ်ႇၽၼ်း ၵႃႈၼႂ်းတီႈဢၼ်လိၼ်လီၼၼ်ႉၸမ်ႉ၊ ပဵၼ်ၶဝ်ၸိူဝ်းဢၼ် လႆႈငိၼ်းၵႂၢမ်းတြႃးယဝ်ႉလႄႈ ႁပ်ႉတုင်းဢဝ်သေယဝ်ႉ၊ မၢၵ်ႇမၢၵ်ႇမၼ်းမႃး သၢမ်သိပ်းပုၼ်ႈ၊ ႁူၵ်းသိပ်းပုၼ်ႈ၊ ပၢၵ်ႇပုၼ်ႈဢေႃႈ၊ ၶႂ်ႈဝႃႈၼင်ႇၼႆဢေႃႈ။
ၵွၵ်းၽႆးဢၼ်တႆႈဝႆႉၼိူဝ်ၶူင်ႇတႆႈၽႆး
(တူၺ်း၊ လူႉ 8:16-18)
21လိူဝ်သေၼၼ်ႉ၊ ၸၢင်ႈဢဝ်ဝၢၼ်ႇၽႆးတဵၼ်းမႃး ႁႂ်ႈလႆႈႁူမ်ႇဝႆႉတႂ်ႈပဵတ်ႈတႂ်ႈၵူႇတီႈၼွၼ်းႁိုဝ်။ ၸၢင်ႈဢဝ်မႃး ႁႂ်ႈလႆႈတၢင်ႇဝႆႉၵႃႈၼိူဝ်ၶူင်ႇ တီႈတႆႈၽႆးဢမ်ႇၸႂ်ႈႁိုဝ်။- 22လွင်ႈတၢင်းဢၼ် မီးၼႂ်းတီႈဢၼ်လပ်ႉဢၼ်သိူင်ႇ ဢၼ်တၵ်းဢမ်ႇထၢင်ႇဢမ်ႇသႃးမႃးၼၼ်ႉ ဢမ်ႇမီးသေၸိူဝ်ႉသေပိူင်။ လွင်ႈတၢင်းဢၼ်ပဵၼ်မႃးလႄႈ သိူင်ႇဝႆႉမႅပ်ႉဝႆႉ ဢၼ်တၵ်းဢမ်ႇၶၢမ်ႇတၢင်းဢၼ်ပိုတ်ႇၼႄၼၼ်ႉ ဢမ်ႇမီးသေၸိူဝ်ႉသေပိူင်။- 23ပေႃးသေၵေႃႉသေၵူၼ်း မီးႁူဢၼ်လီငိၼ်းၸိုင်၊ ႁႂ်ႈငိၼ်းသေၵမ်းလူၺ်ႈ၊ ဝႃႈၼင်ႇၼႆဢေႃႈ။
24မၼ်းၸဝ်ႈသမ်ႉ လၢတ်ႈတီႈၶဝ်ထႅင်ႈလႄႈဝႃႈၸမ်ႉ၊ လွင်ႈဢၼ်သူလႆႈထွမ်ႇလႆႈငိၼ်းၸိူဝ်ႉၼင်ႇႁိုဝ်ၸိုင် ႁဵတ်းသတီႉတႃႉ။ သူပၼ်တီႈပိူၼ်ႈ ဢၼ်တူင်ဢၼ်တႅၵ်ႈၵႃႈႁိုဝ်သေဢမ်ႇဝႃႈ၊ တၵ်းလႆႈၶၢမ်ႇၵႃႈၼင်ႇဢၼ်တူင်ဢၼ်တႅၵ်ႈၼၼ်ႉဢေႃႈ။ တၵ်းလႆႈၶၢမ်ႇ ၸိူဝ်ႉၼင်ႇၼၼ်ဢမ်ႇၵႃး၊ တၵ်းလႆႈၶၢမ်ႇတၢင်းဢၼ် ထၢပ်ႈထႅင်ႈလိူဝ်တွၼ်းသေၼၼ်ႉဢေႃႈ။- 25ၽူႈလႂ်သေဢမ်ႇဝႃႈ၊ ၵေႃႉဢၼ်ၸၢင်ႈမီးၼၼ်ႉ၊ ၵႃႈတီႈၵေႃႉၼၼ်ႉ၊ တၵ်းပၼ်ထႅင်ႈလူးၵွၼ်ႇဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ်ဢမ်ႇၸၢင်ႈမီးၵႃႈသင်ၼၼ်ႉ၊ ၵႃႈတီႈၵေႃႉၼၼ်ႉ တၵ်းၼုၵ်ႈဢဝ်ၵႃႈဢၼ်မၼ်းမီးတင်းသဵင်ႈတင်းလူင်ၼၼ်ႉလူးၵွၼ်ႇဢေႃႈ။
ၵႂၢမ်းဢူႉပမႃႇမဵတ်ႉၽၼ်းဢၼ်တူဝ်းတွၼ်းမႃး
26လိူဝ်သေၼၼ်ႉ မိူင်းၽြႃးပဵၼ်ၸဝ်ႈ မိူၼ်ၸိူဝ်ႉၼင်ႇၵူၼ်းၵေႃႉၼိုင်ႈ ဝၢၼ်ႇၸိူဝ်ႉဝၢၼ်ႇၽၼ်း ၵႃႈၼႂ်းၼႃးယဝ်ႉၸင်ႇ၊- 27လိုၼ်းၼၼ်ႉ ပိၵ်ႉသမ်ႉတင်းဝၼ်းတင်းၶိုၼ်း ၼွၼ်းယူႇတိုၼ်ႇယူႇသေၵေႃႈ၊ လွင်ႈဢၼ်မဵတ်ႉၸိူဝ်းၼၼ်ႉ ဢွၵ်ႇတူၼ်ႈလႄႈယႂ်ႇမႃးၸိူဝ်ႉၼင်ႇႁိုဝ်ၸိုင် မၼ်းဢမ်ႇႁူႉ။- 28လိၼ်မိူင်းၸွမ်းၼင်ႇ ဢလူဝ်ႇတူဝ်ၸဝ်ႈၵဝ်ႇသေလႄႈၸၢင်ႈႁႂ်ႈမၢၵ်ႇမၼ်းမၢၵ်ႇမႃးလႄႈ၊ မိူဝ်ႈဢွၼ်တၢင်း ႁႂ်ႈပဵၼ်ငူင်းမၼ်း၊ ၵမ်းလိုၼ်းႁႂ်ႈပဵၼ်ႁူင်းမၼ်း၊ ၵမ်းလိုၼ်းၼၼ်ႉႁႂ်ႈပဵၼ်မဵတ်ႉဢၼ်မၢၵ်ႇၵႃႈၼႂ်းႁူင်းမၼ်းဢေႃႈ။- 29မိူဝ်ႈဢၼ်မၢၵ်ႇမၼ်းသုၵ်းယဝ်ႉၸိုင် ပိူဝ်ႈဢၼ်ၶိင်ႇဢၼ်လီပၢတ်ႇထိုင်မႃးလႄႈ ၸဝ်ႈၼႃးၸင်ႇႁႂ်ႈဢဝ်ၶဵဝ်းပၢတ်ႇၵမ်းလဵဝ်ဢေႃႈ၊ ဝႃႈၼင်ႇၼႆဢေႃႈ။
ၵႂၢမ်းဢူႉပမႃႇလွင်ႈၽၼ်းၽၵ်းၵၢတ်ႇ
(တူၺ်း၊ မၢတ်ႈ 13:31-32၊34။ လူႉ 13:18-19)
30လိူဝ်သေၼၼ်ႉ မိူင်းၽြႃးပဵၼ်ၸဝ်ႈၸိုင် တၵ်းလႆႈၼႄပျႃးပုင်ႇမၼ်းၸိူဝ်ႉၼင်ႇႁိုဝ်။ တၵ်းလႆႈဢဝ်ဢူႉပမႃႇ ဢၼ်လႂ်တႅၵ်ႈဝႃႈၼႆၸမ်ႉ၊ မိူၼ်ၸိူဝ်ႉၼင်ႇၽၼ်းၽၵ်းၵၢတ်ႇ မဵတ်ႉၼိုင်ႈဢေႃႈ။- 31ၽၼ်းၽၵ်းၵၢတ်ႇၼၼ်ႉ မိူဝ်ႈဢၼ်ၽုၵ်ႇသႂ်ႇ ၵႃႈၼႂ်းလိၼ်ၸိုင်၊ ပိၵ်ႉသမ်ႉလဵၵ်ႉၼႃႇသေမဵတ်ႉတင်းသဵင်ႈတင်းလူင် ဢၼ်မီးၵႃႈတီႈလိၼ်သေၵေႃႈ၊- 32ၽုၵ်ႇသႂ်ႇယဝ်ႉၸင်ႇ၊ ဢွၵ်ႇတူၼ်ႈလႄႈ ယႂ်ႇမႃးသေတူၼ်ႈယိူဝ်ႈတူၼ်ႈယႃႈတင်းသဵင်ႈတင်းလူင် ၸင်ႇပဵၼ်ၵိင်ႇလူင်ၶႃႊလူင် ဢၼ်ၼူၵ်ႉၵၢင်ႁၢဝ်တင်းလၢႆ ထၼ်ႈပေႃးလိုဝ်ႈပေႃးသဝ်းယူႇၵႃႈၼႂ်းႁူမ်ႈမၼ်းဢေႃႈ၊ ဝႃႈၼင်ႇၼႆဢေႃႈ။
33ၵႃႈၼင်ႇဢၼ် ပရဵၵ်ႈသၢတ်ႈတင်းလၢႆ လႆႈထွမ်ႇလႆႈငိၼ်းလႆႈၼၼ်ႉ၊ မၼ်းၸဝ်ႈဢဝ်ၵႂၢမ်းဢူႉပမႃႇၸိူဝ်ႉၼင်ႇၼၼ်ႉသေလႄႈ ႁေႃးလၢတ်ႈတြႃးၸဝ်ႈဢေႃႈ။- 34ၵူၺ်းၵႃႈ မၼ်းၸဝ်ႈဢမ်ႇႁေႃးဢမ်ႇလၢတ်ႈၵႂၢမ်းဢၼ် ၵၢင်းလွတ်ႈတင်း ဢူႉပမႃႇမၼ်းၸဝ်ႈ ၽုၺ်ႇၼႄလွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼၼ်ႉ တီႈတပႄးၸဝ်ႈတင်းလၢႆ ၼႂ်းတီႈဢၼ်ပိူၼ်ႈ ဢမ်ႇမီးၼၼ်ႉဢေႃႈ။
ၸဝ်ႈယေႇသူႉႁႂ်ႈလႅင်းၼမ်ႉထၢတ်ႇယဵၼ်
(တူၺ်း၊ မၢတ်ႈ 8:23-27။ လူႉ 8:22-25)
35ဝၼ်းၼၼ်ႉ မိူဝ်ႈဢၼ်ၵၢင်ဝၼ်းၶမ်ႈယဝ်ႉၸိုင်၊ မၼ်းၸဝ်ႈလၢတ်ႈတီႈၶဝ်လႄႈဝႃႈ၊ ၶၢမ်ႈၵႂႃႇၵႃႈတီႈၽင်ႇၼမ်ႉၽၢႆႇပုၼ်ႉတႃႉႁဝ်း၊ ဝႃႈၼင်ႇၼႆယဝ်ႉၸင်ႇ၊- 36ၶဝ်ၼၼ်ႉ ပွႆႇၵူၼ်းဢၼ်ၸူႉဢၼ်တုမ်သေလႄႈ ပႃးဢဝ်မၼ်းၸဝ်ႈ ဢၼ်မီးယူႇၵႃႈၼႂ်းႁိူဝ်းၼၼ်ႉၵႂႃႇဢေႃႈ။ ႁိူဝ်းတၢင်ႇတီႈတၢင်ႇဢၼ်တင်းလၢႆၵေႃႈပႃးဢေႃႈ။- 37ၵမ်းၼၼ်ႉ ပဵၼ်ၽူၼ်လူင်လူမ်းလူင်လႄႈ လႅင်းၼမ်ႉပိူပ်ႈၼမ်ႉ ထိပ်ႇၽၢင်ႈသႂ်ႇ ၼႂ်းႁိူဝ်းၼႃႇလူင်လၢင်ထၼ်ႈပေႃးႁိူဝ်းၼၼ်ႉ ၼမ်ႉယင်းတိုၵ်ႉတဵမ်ၶိုၼ်ႈမႃးယူႇဢေႃႈ။- 38မၼ်းၸဝ်ႈၵိင်းၼွၼ်းယူႇၼိူဝ်မွၼ်ႁူဝ်ၵႃႈတီႈႁၢင်ႁိူဝ်းဢေႃႈ။ ၶဝ်ၼၼ်ႉပူၵ်းမၼ်းၸဝ်ႈယဝ်ႉၸင်ႇ၊ လဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ လွင်ႈဢၼ်ႁဝ်းၶႃႈ တၵ်းႁွတ်ႈထိုင် တၢင်းလူႉတၢင်းလႅဝ်ၼႆႉၸိုင်၊ ဢမ်ႇမီးၸႂ်ဢၼ်ဢဵတ်းလူၶႃႈႁိုဝ်။ မိူဝ်ႈဢၼ်ဝႃႈၼင်ႇၼႆၼၼ်ႉၸိုင်၊- 39မၼ်းၸဝ်ႈလုၵ်ႉသေလႄႈသင်ႇသွၼ်လူမ်းသေယဝ်ႉ၊ လၢတ်ႈတီႈပၢင်ႇလၢႆႇလႄႈဝႃႈ၊ ယူႇတဵတ်ႇတဵတ်ႇတႃႉ။ ယူႇၼိမ်ၼိမ်တႃႉ၊ ဝႃႈၼင်ႇၼႆယဝ်ႉၸင်ႇ၊ လူမ်းယဵၼ်ၵႂႃႇလႄႈ၊ ပၢင်ႇလၢႆႇပၢင်ႇၸိုၼ်ႈၼိမ်လီမႃးၼႃႇလူင်လၢင်ဢေႃႈ။- 40မၼ်းၸဝ်ႈၵေႃႈ ထၢမ်လႄႈဝႃႈ၊ ႁဵတ်းသင်လႄႈ သူၵူဝ်ၼႃႇလူင်လၢင်ထၢၼ်ႇၼႆႉၼင်ႇႁိုဝ်။ ႁဵတ်းသင်လႄႈသူဢမ်ႇမီးၸႂ် ဢၼ်ယုမ်ႇမၢတ်ႈၼင်ႇႁိုဝ်။ ဝႃႈၼင်ႇၼႆသေယဝ်ႉ၊- 41ၶဝ်ၼၼ်ႉၵေႃႈ ၵူဝ်ၼႃႇလူင်လၢင်လႄႈ ၵေႃႉၼိုင်ႈလႄႈၵေႃႉၼိုင်ႈ လၢတ်ႈၵၼ်လႄႈဝႃႈ၊ ၵေႃႉၼႆႉၸမ်ႉ၊ ပဵၼ်ၽူႈလႂ်၊ လူမ်းတင်းပၢင်ႇလၢႆႇ ထွမ်ႇဢဝ်ၵႂၢမ်းမၼ်းလူင်ပႄႇ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship