မႃႇၵူႉ 11
11
ၸဝ်ႈယေႇသူႉပဵၼ်ၸဝ်ႈၶရိၸ်ႈ
(တူၺ်း၊ မၢတ်ႈ 21:1-11။ လူႉ 19:28-40။ ယူဝ်း 12:12-19)
1မိူဝ်ႈဢၼ်ၶဝ်ႁွတ်ႈၸမ်ဝဵင်းယေႇရူႉသလႅမ်ႇ တီႈဝၢၼ်ႈပႅတ်ႉၽႃႇၵေး တင်းဝၢၼ်ႈပေႇထၼီႉ ၵႃႈတီႈလွႆသၢၼ်ႇလုၼ်ႇၼၼ်ႉၸိုင်၊ မၼ်းၸဝ်ႈပွႆႇၸႂ်ႉတပႄးၸဝ်ႈသွင်ၵေႃႉ ၵႂႃႇလႄႈသင်ႇလၢတ်ႈဝႃႈ၊- 2ၵႂႃႇၵႃႈတီႈဝၢၼ်ႈဢၼ်မီးပႃႈၼႃႈသူပုၼ်ႉတႃႉ။ မိူဝ်ႈဢၼ်ႁွတ်ႈထိုင်ၵႃႈတီႈဝၢၼ်ႈၼၼ်ႉၸိုင်၊ သူတၵ်းထူပ်းႁၼ်လီႈဢွၼ်ႇ ဢၼ်ၽူႈလႂ်ဢမ်ႇပႆႇၶီႇသေပွၵ်ႈၼၼ်ႉ မတ်ႉဝႆႉလႄႈ မီးယူႇၼၼ်ႉၵမ်းလဵဝ်ဢေႃႈ။ ၵႄႈလႄႈဢဝ်မႃးတႃႉ။- 3ပေႃးပိူၼ်ႈထၢမ်တီႈသူလႄႈဝႃႈ၊ ႁဵတ်းသင်လႄႈႁဵတ်းၸိူဝ်ႉၼင်ႇၼႆၼင်ႇႁိုဝ်။ ဝႃႈၼင်ႇၼႆၸိုင်၊ ၶိုၼ်းလၢတ်ႈလႄႈဝႃႈ၊ ၸဝ်ႈမီးဢလူဝ်ႇဢေႃႈ၊ ဝႃႈၼင်ႇၼႆတႃႉ။ ၵေႃႉၼၼ်ႉတၵ်းပၼ်မႃးၵႃႈတီႈၼႆႈၵမ်းလဵဝ်ဢေႃႈ၊ ဝႃႈၼင်ႇၼႆဢေႃႈ။
4ၶဝ်ၼၼ်ႉၵႂႃႇလႄႈ ထူပ်းႁၼ်လီႈဢွၼ်ႇဢၼ်မတ်ႉဝႆႉ ၽၢႆႇၼွၵ်ႈၽၵ်းတူ ၵႃႈတီႈၵၢင်တၢင်းၼၼ်ႉသေယဝ်ႉ၊ ၵႄႈဢဝ်လီႈဢွၼ်ႇၼၼ်ႉဢေႃႈ။- 5ၶဝ်ၸိူဝ်းဢၼ်ၸုၵ်းယူႇၵႃႈတီႈၼၼ်ႈၵမ်ႈၽွင်ႈထၢမ်လႄႈဝႃႈ၊ ႁဵတ်းၸိူဝ်ႉႁိုဝ်လႄႈ ၵႄႈလီႈဢွၼ်ႇၼႆႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 6တပႄးၸဝ်ႈၸိူဝ်းၼၼ်ႉ ၶိုၼ်းလၢတ်ႈၸိူဝ်ႉၼင်ႇဢၼ်ယေႇသူႉ သင်ႇလၢတ်ႈဝႆႉၼၼ်ႉယဝ်ႉၸင်ႇ၊ ၶဝ်ၼၼ်ႉပၼ်ဢၶႂၢင်ႉဢေႃႈ။- 7ၶဝ်ဢဝ်လီႈဢွၼ်ႇၼၼ်ႉ မႃးတီႈယေႇသူႉလႄႈ ဢဝ်ၶူဝ်းၼုင်ႈၶဝ်တၢင်ႇသႂ်ႇၵႃႈၼိူဝ်လင်မၼ်းယဝ်ႉၸင်ႇ၊ မၼ်းၸဝ်ႈၼင်ႈယူႇၵႃႈၼိူဝ်မၼ်းၼၼ်ႉဢေႃႈ။- 8ၵူၼ်းၼမ်ၼႃႇ ဢဝ်ၶူဝ်းၼုင်ႈၶဝ် သိူဝ်ႇဝႆႉပူဝႆႉ ၵႃႈၼႂ်းသဵၼ်ႈတၢင်းဢေႃႈ။ ၵမ်ႈၽွင်ႈၵေႃႈဢွၵ်ႇၵႃႈၼွၵ်ႈတၢင်းသေလႄႈ ၽၼ်းၵိင်ႇမႆႉၶူဝ်ႈမႆႉလႄႈ ဢဝ်သိူဝ်ႇဝႆႉပူဝႆႉၵႃႈၼႂ်းသဵၼ်ႈတၢင်းဢေႃႈ။- 9ၵူၼ်းဢၼ်ၵႂႃႇပႃႈၼႃႈလႂ် ၵူၼ်းဢၼ်ၸွမ်းပႃႈလင်လႂ် ၸိူဝ်းၼၼ်ႉၵေႃႈႁွင်ႉသႅၼ်ႇလႄႈဝႃႈ၊ ႁႂ်ႈပဵၼ် ႁူဝ်းသၼ်ႇၼႃႉ သေၵမ်းလူၺ်ႈ။ ႁႂ်ႈၸဝ်ႈဢၼ် ပႃးတင်းဢၶႂၢင်ႉထႃႇဝရႃႉၽြႃးမႃးၼႆႉ မီးမင်ႇၵလႃႇသေၵမ်းလူၺ်ႈ။- 10ႁႂ်ႈမိူင်းပေႃႈႁဝ်းတႃႇဝိတ်ႈ ဢၼ်တႄႇပဵၼ်မႃးယူႇၼႆႉ မီးမင်ႇၵလႃႇသေၵမ်းလူၺ်ႈ။ ႁႂ်ႈပဵၼ် ႁူဝ်းသၼ်ႇၼႃႉ ၵႃႈၼိူဝ်ၸိၵ်းၸွမ်ၵၢင်ႁၢဝ်ပုၼ်ႉ သေၵမ်းလူၺ်ႈ၊ ဝႃႈၼင်ႇၼႆဢေႃႈ။- 11မၼ်းၸဝ်ႈၶဝ်ႈၼႂ်း ဝဵင်းယေႇရူႉသလႅမ်ႇ ၵႃႈတီႈၼႂ်း ပိၵ်ႈမၢၼ်ႇၸဝ်ႈလႄႈ လူတူၺ်းၵူႈၸိူဝ်ႉၵူႈပိူင်ယဝ်ႉၸင်ႇ၊ ပိူဝ်ႈဢၼ်ၵၢင်ဝၼ်းတူၵ်းလႄႈ ဢိၵ်ႇလူၺ်ႈၵၼ်တင်းသိပ်းသွင်ပႃး ဢွၵ်ႇၵႂႃႇၵႃႈတီႈ ဝၢၼ်ႈပေႇထၼီႉ ပုၼ်ႉသေဢေႃႈ။
ၸဝ်ႈယေႇသူႉၵိၼ်ႇဝႃႈတီႈတူၼ်ႈမၢၵ်ႇလိူဝ်ႇ
(တူၺ်း၊ မၢတ်ႈ 21:18-19)
12ဝၼ်းမိူဝ်ႈၽုၵ်ႈ မိူဝ်ႈဢၼ်ၶဝ်ဢွၵ်ႇသေၵႃႈၼႂ်း ဝၢၼ်ႈပေႇထၼီႉ မႃးယူႇၼၼ်ႉၸိုင်၊ မၼ်းၸဝ်ႈတွင်ႉမႆႈဢေႃႈ။- 13မၼ်းၸဝ်ႈယူႇတီႈဢၼ်ၵႆလႄႈ မုင်ႈႁၼ်တူၼ်ႈမၢၵ်ႇလိူဝ်ႇသၢင်းၽေႃးတူၼ်ႈၼိုင်ႈ ဢၼ်မႂ်မၼ်း တဵမ်ဝႆႉယူႇၼၼ်ႉသေယဝ်ႉ၊ ၸၢင်ႈၶႄးတၵ်းထူပ်းမၢၵ်ႇမၼ်း ၵႃႈတီႈတူၼ်ႈၼၼ်ႉ ဝႃႈၼႆ၊ ၵႂႃႇၸူးလႄႈမိူဝ်ႈဢၼ်ႁွတ်ႈထိုင်ၵႃႈတီႈတူၼ်ႈၼၼ်ႉၸိုင်၊ ပိူဝ်ႈဢၼ်ၶိင်ႇမၢၵ်ႇလိူဝ်ႇသၢင်းၽေႃး ဢမ်ႇပႆႇႁွတ်ႈပႆႇထိုင်လႄႈ လႆႈထူပ်းႁၼ်မႂ်မၼ်းၵူၺ်းၵူၺ်းသေယဝ်ႉ၊- 14လၢတ်ႈတီႈတူၼ်ႈၼၼ်ႉလႄႈဝႃႈ၊ ၸႃႉၸဵမ်မိူဝ်ႈလဵဝ်ၼႆႉၵႂႃႇတႃႇသေႇဢမ်ႇထၢတ်ႇ၊ ယႃႇပေႁႂ်ႈၽူႈလႂ်သေၵေႃႉသေၵူၼ်း လႆႈၵိၼ်မၢၵ်ႇမႂ်း၊ ဝႃႈၼင်ႇၼႆဢေႃႈ။ တပႄးၸဝ်ႈၸိူဝ်းၼၼ်ႉၵေႃႈ ငိၼ်းဢေႃႈ။
ၸဝ်ႈယေႇသူႉၶဝ်ႈၵႃႈၼႂ်းၵျွင်းပိၵ်ႈမၢၼ်ႇၸဝ်ႈ
(တူၺ်း၊ မၢတ်ႈ 21:12-17။ လူႉ 19:45-48။ ယူဝ်း 2:13-22)
15မိူဝ်ႈဢၼ်ၶဝ်ႁွတ်ႈထိုင် ၵႃႈတီႈဝဵင်းယေႇရူႉသလႅမ်ႇၼၼ်ႉၸိုင်၊ မၼ်းၸဝ်ႈၶဝ်ၼႂ်းပိၵ်ႈမၢၼ်ႇၸဝ်ႈသေယဝ်ႉ၊ ႁေႃႈၶဝ်ၸိူဝ်းဢၼ်သိုဝ်ႉဢၼ်ၶၢႆ ၼႂ်းပိၵ်ႈမၢၼ်ႇၸဝ်ႈၼၼ်ႉဢွၵ်ႇပႅတ်ႈလႄႈ ဢီးလူမ်ႉၶူင်ႇၶဝ်ၸိူဝ်းဢၼ်လႅၵ်ႈငိုၼ်း ဢိၵ်ႇတင်းတီႈၼင်ႈၶဝ်ၸိူဝ်းဢၼ် ၶၢႆၼူၵ်ႉတူႈၸိူဝ်းၼၼ်ႉပႅတ်ႈသေလႄႈ၊- 16ႁၢမ်ႈတၢပ်ႈႁႄႉၶႅၼ် ဢမ်ႇႁႂ်ႈၽူႈလႂ်သေၵေႃႉသေၵူၼ်း လႆႈဢဝ်ၶိူင်ႈပိူင်သေၸိူဝ်ႉသေပိူင် ၽႃႇလတ်းၵႂႃႇၵႃႈၼႂ်းပိၵ်ႈမၢၼ်ႇၸဝ်ႈလႄႈ၊- 17သင်ႇသွၼ်ပၼ်လႄႈဝႃႈ၊ ႁိူၼ်းၵဝ်ၸိုင် တၵ်းလႆႈၶၢမ်ႇတၢင်းဢၼ်ႁွင်ႉႁဵၵ်ႈ ႁိူၼ်းတီႈဢၼ်ၵူၼ်းၵူႈၸိူဝ်ႉၵူႈမဵဝ်းသူးတွင်းဢေႃႈ။ ၼႂ်းဝႃႈၼၼ်သေၵေႃႈ သူႁႂ်ႈမၼ်းပဵၼ်ထမ်ႈၸူၼ် ယူႇလူင်ပႄႇ ဝႃႈၼႆ၊ တႅမ်ႈဝႆႉၼႂ်းၵျၢမ်းလိၵ်ႈၸိူဝ်ႉၼင်ႇၼႆယဝ်ႉဢမ်ႇၸႂ်ႈႁိုဝ်။ ဝႃႈၼင်ႇၼႆဢေႃႈ။- 18ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်းတင်းလၢႆ ငိၼ်းလႄႈ ၵျၢမ်ႇႁႃ ႁႂ်ႈလႆႈဢဝ်မၼ်းၸဝ်ႈတၢႆဢေႃႈ။ ပိူဝ်ႈဢၼ်ၵူၼ်းဢၼ်ၸူႉဢၼ်တုမ် တင်းသဵင်ႈတင်းလူင် ၵႂင်ၸႂ်ယုင်ႈၸႂ် ဢၢမ်းလူၺ်ႈလွင်ႈတၢင်းဢၼ်မၼ်းၸဝ်ႈသင်ႇသွၼ်ပၼ်ၼၼ်ႉ ယူႇလႄႈ ၶဝ်ၼၼ်ႉ ၵူဝ်မၼ်းၸဝ်ႈဢေႃႈ။- 19မိူဝ်ႈဢၼ် ႁွတ်ႈထိုင် ၶိင်ႇၵၢင်ၶမ်ႈၸိုင်၊ မၼ်းၸဝ်ႈဢွၵ်ႇၵႂႃႇ ၵႃႈၼွၵ်ႈဝဵင်းသေဢေႃႈ။
တၢင်းဢၼ်သွၼ်ဢဝ်တီႈတူၼ်ႈမၢၵ်ႇလိူဝ်ႇ
(တူၺ်း၊ မၢတ်ႈ 21:20-22)
20ၶိင်ႇၵၢင်ၼႂ်၊ ၼႂ်းမိူဝ်ႈဢၼ် ၶဝ်ၵႂႃႇတၢင်းယူႇၼၼ်ႉၸိုင်၊ ၶဝ်လႆႈႁၼ် တူၼ်ႈမၢၵ်ႇလိူဝ်ႇသၢင်းၽေႃးၼၼ်ႉ ၸႃႉၸဵမ်ႁၢၵ်ႈမၼ်းလႄႈ ႁဵဝ်ႇႁႅင်ႈၵႂႃႇယဝ်ႉၼၼ်ႉဢေႃႈ။- 21ပေႇတရူႉ ၶုၵ်းၸႂ်လႆႈၶႆႈၸႂ်ထူပ်းလႄႈ လဝ်ႊလၢတ်ႈဝႃႈ၊ ၸဝ်ႈႁဝ်း၊ တူၺ်းသေၵမ်းၶႃႈ။ တူၼ်ႈမၢၵ်ႇလိူဝ်ႇသၢင်းၽေႃး ဢၼ်ၸဝ်ႈႁဝ်းၵိၼ်ႇဝႃႈၼၼ်ႉ ႁဵဝ်ႇႁႅင်ႈၵႂႃႇယဝ်ႉၶႃႈဢေႃႈ၊ ဝႃႈၼင်ႇၼႆဢေႃႈ။- 22ယေႇသူႉၵေႃႈ ၶိုၼ်းလၢတ်ႈလႄႈဝႃႈ၊ သူမီးတၢင်းဢၼ်ယုမ်ႇမၢတ်ႈ ၵႃႈၼႂ်းၽြႃးပဵၼ်ၸဝ်ႈတႃႉ။- 23ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်ႉ၊ ၽူႈလႂ်သေဢမ်ႇဝႃႈ၊ ၵေႃႉဢၼ်လၢတ်ႈတီႈလွႆၼႆႉလႄႈဝႃႈ၊ ၶၢႆႉတီႈမႂ်းတႃႉ။ တူၵ်းၵႃႈၼႂ်းပၢင်ႇလၢႆႇပုၼ်ႉတႃႉ၊ ဝႃႈၼင်ႇၼႆၼၼ်ႉလႄႈ ၵၢင်းလွတ်ႈတင်းၸႂ်ဢၼ် ယုမ်ႇၶိုင်ႈၼိုင်ႈဢမ်ႇယုမ်ႇၶိုင်ႈၼိုင်ႈသေလႄႈ ယုမ်ႇမၢတ်ႈတၵ်းပဵၼ်ၸိူဝ်ႉၼင်ႇဢၼ်တူဝ်ၸဝ်ႈၵဝ်ႇဝႃႈၼၼ်ႉၸိုင်၊ တီႈၵေႃႉၼၼ်ႉ တၵ်းပဵၼ်ၸိူဝ်ႉၼင်ႇဢၼ်မၼ်းဝႃႈၼၼ်ႉဢေႃႈ။- 24ပိူဝ်ႈၼႆလႄႈ ၵဝ်ဝႃႈတီႈသူၸမ်ႉ၊ ၵႃႈဢၼ်သူ သူးတွင်းယွၼ်းတင်းသဵင်ႈတင်းလူင်ၼၼ်ႉ ပေႃးသူယုမ်ႇမၢတ်ႈလႄႈဝႃႈ၊ တၵ်းလႆႈဢေႃႈ၊ ဝႃႈၼင်ႇၼႆၸိုင်၊ သူတၵ်းလႆႈဢေႃႈ။
25မိူဝ်ႈဢၼ်သူၸုၵ်းယူႇသေလႄႈသူးတွင်းၼၼ်ႉ၊ ပေႃးသူမီးတီႈဢၼ် တၵ်းတၢင်ႇဢပႅတ်ႈ တီႈပိူၼ်ႈတၢင်ႇၵေႃႉၸိုင်၊ ပွႆႇလွတ်ႈဢပႅတ်ႈမၼ်းၼၼ်ႉတႃႉ။ ပေႃးသူပွႆႇလွတ်ႈၸိုင်၊ ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉ တၵ်းပွႆႇလွတ်ႈဢပႅတ်ႈသူဢေႃႈ။- 26ပေႃးသူဢမ်ႇပွႆႇလွတ်ႈဢပႅတ်ႈပိူၼ်ႈတၢင်ႇၵေႃႉၸိုင်၊ ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉ တၵ်းဢမ်ႇပွႆႇလွတ်ႈဢပႅတ်ႈသူ၊ ဝႃႈၼင်ႇၼႆဢေႃႈ။
ဢႃႇၼႃႇတၼ်းၶူဝ်းၸဝ်ႈယေႇသူႉ
(တူၺ်း၊ မၢတ်ႈ 21:23-27။ လူႉ 20:1-8)
27ၶဝ်သမ်ႉၶိုၼ်းႁွတ်ႈထိုင်ၵႃႈတီႈဝဵင်း ယေႇရူႉသလႅမ်ႇ ယဝ်ႉၸင်ႇ၊ ၼႂ်းမိူဝ်ႈဢၼ် မၼ်းၸဝ်ႈၽၢႆႈသၢင်းၵျၢၼ်ႇ#11:27 ၽၢႆႈသၢင်းၵျၢၼ်ႇ - ပႆၵႂႃႇပႆမႃး ၵႃႈၼႂ်းပိၵ်ႈမၢၼ်ႇၸဝ်ႈယူႇၼၼ်ႉၸိုင်၊ ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်း တင်းၵူၼ်းဢၼ်ပဵၼ်ၵႄႇပဵၼ်ႁူဝ် တင်းလၢႆ သုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈ၊- 28လဝ်ႊထၢမ်လႄႈဝႃႈ၊ ၸဝ်ႈႁဝ်းဢဝ်တင်းဢၶႂၢင်ႉဢၼ်လႂ် ႁဵတ်းလွင်ႈတၢင်းၸိူဝ်းၼႆႉၶႃႈ။ ၽူႈလႂ် ပၼ်ဢၶႂၢင်ႉ ႁႂ်ႈလႆႈႁဵတ်းလွင်ႈတၢင်းၸိူဝ်းၼႆႉၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 29ယေႇသူႉၵေႃႈ လၢတ်ႈလႄႈဝႃႈ၊ ၵဝ်တၵ်းထၢမ်သေၸိူဝ်ႉသေပိူင် တီႈသူ လူးၵွၼ်ႇဢေႃႈ။ သူၶိုၼ်းလၢတ်ႈပၼ်တႃႉ။ ပေႃးသူၶိုၼ်းလၢတ်ႈပၼ်ၸိုင်၊ ၵဝ်တၵ်းလၢတ်ႈပၼ်လွင်ႈဢၼ် ၵဝ်ဢဝ်တင်းဢၶႂၢင်ႉဢၼ်လႂ် ႁဵတ်းလွင်ႈတၢင်းၸိူဝ်းၼႆႉၼၼ်ႉ တီႈသူဢေႃႈ။- 30ပပ်ႉတီႉၸမ်ႇယူဝ်းႁၢၼ်ႇၼၼ်ႉ ပဵၼ်မႃးၵႃႈတီႈၵၢင်ႁၢဝ်ႁိုဝ်။ ပဵၼ်မႃးၵႃႈတီႈၵူၼ်းႁိုဝ်။ သူၶိုၼ်းလၢတ်ႈပၼ်တႃႉ၊ ဝႃႈၼင်ႇၼႆဢေႃႈ။- 31ၶဝ်ၼၼ်ႉ ၼင်ႇၵၼ်ၵၼ် ၽွမ်ႉၵၼ်ၶႆႈၸႂ်လႄႈဝႃႈ၊ ပေႃးႁဝ်းဝႃႈ၊ ပဵၼ်မႃးၵႃႈတီႈၵၢင်ႁၢဝ်ဢေႃႈ၊ ဝႃႈၼင်ႇၼႆၸိုင်၊ မၼ်းၸဝ်ႈတၵ်းထၢမ်လႄႈဝႃႈ၊ ႁဵတ်းသင်လႄႈ သူဢမ်ႇယုမ်ႇမၢတ်ႈမၼ်းၼၼ်ႉ ၼင်ႇႁိုဝ်။ ဝႃႈၼင်ႇၼႆဢေႃႈ။- 32ပဵၼ်မႃး ၵႃႈတီႈၵူၼ်းဝႃႈၼႆ၊ ႁဝ်းတၵ်းလႆႈဝႃႈႁိုဝ်။ ဝႃႈၼင်ႇၼႆဢေႃႈ။ ၶဝ်ၼၼ်ႉ ၵူဝ်ၵူၼ်းတင်းလၢႆယူႇဢေႃႈ။ လွင်ႈမၼ်းၸမ်ႉ ၵူၼ်းတင်းသဵင်ႈတင်းလူင် ထၢင်ႇယူဝ်းႁၢၼ်ႇ ပဵၼ်ပရေႃးၽႅတ်ႈဢေႃႈ။- 33ၶဝ်ၼၼ်ႉ ၶိုၼ်းလဝ်ႊလၢတ်ႈတီႈယေႇသူႉလႄႈဝႃႈ၊ ႁဝ်းၶႃႈဢမ်ႇႁူႉၶႃႈ၊ ဝႃႈၼင်ႇၼႆယဝ်ႉၸင်ႇ၊ ယေႇသူႉၵေႃႈ လၢတ်ႈလႄႈဝႃႈ၊ ၵဝ်ဢမ်ႇလၢတ်ႈပၼ် လွင်ႈဢၼ်ၵဝ်ဢဝ်တင်းဢၶႂၢင်ႉဢၼ်လႂ် ႁဵတ်းလွင်ႈတၢင်းၸိူဝ်းၼႆႉၼၼ်ႉတီႈသူ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
မႃႇၵူႉ 11: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မႃႇၵူႉ 11
11
ၸဝ်ႈယေႇသူႉပဵၼ်ၸဝ်ႈၶရိၸ်ႈ
(တူၺ်း၊ မၢတ်ႈ 21:1-11။ လူႉ 19:28-40။ ယူဝ်း 12:12-19)
1မိူဝ်ႈဢၼ်ၶဝ်ႁွတ်ႈၸမ်ဝဵင်းယေႇရူႉသလႅမ်ႇ တီႈဝၢၼ်ႈပႅတ်ႉၽႃႇၵေး တင်းဝၢၼ်ႈပေႇထၼီႉ ၵႃႈတီႈလွႆသၢၼ်ႇလုၼ်ႇၼၼ်ႉၸိုင်၊ မၼ်းၸဝ်ႈပွႆႇၸႂ်ႉတပႄးၸဝ်ႈသွင်ၵေႃႉ ၵႂႃႇလႄႈသင်ႇလၢတ်ႈဝႃႈ၊- 2ၵႂႃႇၵႃႈတီႈဝၢၼ်ႈဢၼ်မီးပႃႈၼႃႈသူပုၼ်ႉတႃႉ။ မိူဝ်ႈဢၼ်ႁွတ်ႈထိုင်ၵႃႈတီႈဝၢၼ်ႈၼၼ်ႉၸိုင်၊ သူတၵ်းထူပ်းႁၼ်လီႈဢွၼ်ႇ ဢၼ်ၽူႈလႂ်ဢမ်ႇပႆႇၶီႇသေပွၵ်ႈၼၼ်ႉ မတ်ႉဝႆႉလႄႈ မီးယူႇၼၼ်ႉၵမ်းလဵဝ်ဢေႃႈ။ ၵႄႈလႄႈဢဝ်မႃးတႃႉ။- 3ပေႃးပိူၼ်ႈထၢမ်တီႈသူလႄႈဝႃႈ၊ ႁဵတ်းသင်လႄႈႁဵတ်းၸိူဝ်ႉၼင်ႇၼႆၼင်ႇႁိုဝ်။ ဝႃႈၼင်ႇၼႆၸိုင်၊ ၶိုၼ်းလၢတ်ႈလႄႈဝႃႈ၊ ၸဝ်ႈမီးဢလူဝ်ႇဢေႃႈ၊ ဝႃႈၼင်ႇၼႆတႃႉ။ ၵေႃႉၼၼ်ႉတၵ်းပၼ်မႃးၵႃႈတီႈၼႆႈၵမ်းလဵဝ်ဢေႃႈ၊ ဝႃႈၼင်ႇၼႆဢေႃႈ။
4ၶဝ်ၼၼ်ႉၵႂႃႇလႄႈ ထူပ်းႁၼ်လီႈဢွၼ်ႇဢၼ်မတ်ႉဝႆႉ ၽၢႆႇၼွၵ်ႈၽၵ်းတူ ၵႃႈတီႈၵၢင်တၢင်းၼၼ်ႉသေယဝ်ႉ၊ ၵႄႈဢဝ်လီႈဢွၼ်ႇၼၼ်ႉဢေႃႈ။- 5ၶဝ်ၸိူဝ်းဢၼ်ၸုၵ်းယူႇၵႃႈတီႈၼၼ်ႈၵမ်ႈၽွင်ႈထၢမ်လႄႈဝႃႈ၊ ႁဵတ်းၸိူဝ်ႉႁိုဝ်လႄႈ ၵႄႈလီႈဢွၼ်ႇၼႆႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 6တပႄးၸဝ်ႈၸိူဝ်းၼၼ်ႉ ၶိုၼ်းလၢတ်ႈၸိူဝ်ႉၼင်ႇဢၼ်ယေႇသူႉ သင်ႇလၢတ်ႈဝႆႉၼၼ်ႉယဝ်ႉၸင်ႇ၊ ၶဝ်ၼၼ်ႉပၼ်ဢၶႂၢင်ႉဢေႃႈ။- 7ၶဝ်ဢဝ်လီႈဢွၼ်ႇၼၼ်ႉ မႃးတီႈယေႇသူႉလႄႈ ဢဝ်ၶူဝ်းၼုင်ႈၶဝ်တၢင်ႇသႂ်ႇၵႃႈၼိူဝ်လင်မၼ်းယဝ်ႉၸင်ႇ၊ မၼ်းၸဝ်ႈၼင်ႈယူႇၵႃႈၼိူဝ်မၼ်းၼၼ်ႉဢေႃႈ။- 8ၵူၼ်းၼမ်ၼႃႇ ဢဝ်ၶူဝ်းၼုင်ႈၶဝ် သိူဝ်ႇဝႆႉပူဝႆႉ ၵႃႈၼႂ်းသဵၼ်ႈတၢင်းဢေႃႈ။ ၵမ်ႈၽွင်ႈၵေႃႈဢွၵ်ႇၵႃႈၼွၵ်ႈတၢင်းသေလႄႈ ၽၼ်းၵိင်ႇမႆႉၶူဝ်ႈမႆႉလႄႈ ဢဝ်သိူဝ်ႇဝႆႉပူဝႆႉၵႃႈၼႂ်းသဵၼ်ႈတၢင်းဢေႃႈ။- 9ၵူၼ်းဢၼ်ၵႂႃႇပႃႈၼႃႈလႂ် ၵူၼ်းဢၼ်ၸွမ်းပႃႈလင်လႂ် ၸိူဝ်းၼၼ်ႉၵေႃႈႁွင်ႉသႅၼ်ႇလႄႈဝႃႈ၊ ႁႂ်ႈပဵၼ် ႁူဝ်းသၼ်ႇၼႃႉ သေၵမ်းလူၺ်ႈ။ ႁႂ်ႈၸဝ်ႈဢၼ် ပႃးတင်းဢၶႂၢင်ႉထႃႇဝရႃႉၽြႃးမႃးၼႆႉ မီးမင်ႇၵလႃႇသေၵမ်းလူၺ်ႈ။- 10ႁႂ်ႈမိူင်းပေႃႈႁဝ်းတႃႇဝိတ်ႈ ဢၼ်တႄႇပဵၼ်မႃးယူႇၼႆႉ မီးမင်ႇၵလႃႇသေၵမ်းလူၺ်ႈ။ ႁႂ်ႈပဵၼ် ႁူဝ်းသၼ်ႇၼႃႉ ၵႃႈၼိူဝ်ၸိၵ်းၸွမ်ၵၢင်ႁၢဝ်ပုၼ်ႉ သေၵမ်းလူၺ်ႈ၊ ဝႃႈၼင်ႇၼႆဢေႃႈ။- 11မၼ်းၸဝ်ႈၶဝ်ႈၼႂ်း ဝဵင်းယေႇရူႉသလႅမ်ႇ ၵႃႈတီႈၼႂ်း ပိၵ်ႈမၢၼ်ႇၸဝ်ႈလႄႈ လူတူၺ်းၵူႈၸိူဝ်ႉၵူႈပိူင်ယဝ်ႉၸင်ႇ၊ ပိူဝ်ႈဢၼ်ၵၢင်ဝၼ်းတူၵ်းလႄႈ ဢိၵ်ႇလူၺ်ႈၵၼ်တင်းသိပ်းသွင်ပႃး ဢွၵ်ႇၵႂႃႇၵႃႈတီႈ ဝၢၼ်ႈပေႇထၼီႉ ပုၼ်ႉသေဢေႃႈ။
ၸဝ်ႈယေႇသူႉၵိၼ်ႇဝႃႈတီႈတူၼ်ႈမၢၵ်ႇလိူဝ်ႇ
(တူၺ်း၊ မၢတ်ႈ 21:18-19)
12ဝၼ်းမိူဝ်ႈၽုၵ်ႈ မိူဝ်ႈဢၼ်ၶဝ်ဢွၵ်ႇသေၵႃႈၼႂ်း ဝၢၼ်ႈပေႇထၼီႉ မႃးယူႇၼၼ်ႉၸိုင်၊ မၼ်းၸဝ်ႈတွင်ႉမႆႈဢေႃႈ။- 13မၼ်းၸဝ်ႈယူႇတီႈဢၼ်ၵႆလႄႈ မုင်ႈႁၼ်တူၼ်ႈမၢၵ်ႇလိူဝ်ႇသၢင်းၽေႃးတူၼ်ႈၼိုင်ႈ ဢၼ်မႂ်မၼ်း တဵမ်ဝႆႉယူႇၼၼ်ႉသေယဝ်ႉ၊ ၸၢင်ႈၶႄးတၵ်းထူပ်းမၢၵ်ႇမၼ်း ၵႃႈတီႈတူၼ်ႈၼၼ်ႉ ဝႃႈၼႆ၊ ၵႂႃႇၸူးလႄႈမိူဝ်ႈဢၼ်ႁွတ်ႈထိုင်ၵႃႈတီႈတူၼ်ႈၼၼ်ႉၸိုင်၊ ပိူဝ်ႈဢၼ်ၶိင်ႇမၢၵ်ႇလိူဝ်ႇသၢင်းၽေႃး ဢမ်ႇပႆႇႁွတ်ႈပႆႇထိုင်လႄႈ လႆႈထူပ်းႁၼ်မႂ်မၼ်းၵူၺ်းၵူၺ်းသေယဝ်ႉ၊- 14လၢတ်ႈတီႈတူၼ်ႈၼၼ်ႉလႄႈဝႃႈ၊ ၸႃႉၸဵမ်မိူဝ်ႈလဵဝ်ၼႆႉၵႂႃႇတႃႇသေႇဢမ်ႇထၢတ်ႇ၊ ယႃႇပေႁႂ်ႈၽူႈလႂ်သေၵေႃႉသေၵူၼ်း လႆႈၵိၼ်မၢၵ်ႇမႂ်း၊ ဝႃႈၼင်ႇၼႆဢေႃႈ။ တပႄးၸဝ်ႈၸိူဝ်းၼၼ်ႉၵေႃႈ ငိၼ်းဢေႃႈ။
ၸဝ်ႈယေႇသူႉၶဝ်ႈၵႃႈၼႂ်းၵျွင်းပိၵ်ႈမၢၼ်ႇၸဝ်ႈ
(တူၺ်း၊ မၢတ်ႈ 21:12-17။ လူႉ 19:45-48။ ယူဝ်း 2:13-22)
15မိူဝ်ႈဢၼ်ၶဝ်ႁွတ်ႈထိုင် ၵႃႈတီႈဝဵင်းယေႇရူႉသလႅမ်ႇၼၼ်ႉၸိုင်၊ မၼ်းၸဝ်ႈၶဝ်ၼႂ်းပိၵ်ႈမၢၼ်ႇၸဝ်ႈသေယဝ်ႉ၊ ႁေႃႈၶဝ်ၸိူဝ်းဢၼ်သိုဝ်ႉဢၼ်ၶၢႆ ၼႂ်းပိၵ်ႈမၢၼ်ႇၸဝ်ႈၼၼ်ႉဢွၵ်ႇပႅတ်ႈလႄႈ ဢီးလူမ်ႉၶူင်ႇၶဝ်ၸိူဝ်းဢၼ်လႅၵ်ႈငိုၼ်း ဢိၵ်ႇတင်းတီႈၼင်ႈၶဝ်ၸိူဝ်းဢၼ် ၶၢႆၼူၵ်ႉတူႈၸိူဝ်းၼၼ်ႉပႅတ်ႈသေလႄႈ၊- 16ႁၢမ်ႈတၢပ်ႈႁႄႉၶႅၼ် ဢမ်ႇႁႂ်ႈၽူႈလႂ်သေၵေႃႉသေၵူၼ်း လႆႈဢဝ်ၶိူင်ႈပိူင်သေၸိူဝ်ႉသေပိူင် ၽႃႇလတ်းၵႂႃႇၵႃႈၼႂ်းပိၵ်ႈမၢၼ်ႇၸဝ်ႈလႄႈ၊- 17သင်ႇသွၼ်ပၼ်လႄႈဝႃႈ၊ ႁိူၼ်းၵဝ်ၸိုင် တၵ်းလႆႈၶၢမ်ႇတၢင်းဢၼ်ႁွင်ႉႁဵၵ်ႈ ႁိူၼ်းတီႈဢၼ်ၵူၼ်းၵူႈၸိူဝ်ႉၵူႈမဵဝ်းသူးတွင်းဢေႃႈ။ ၼႂ်းဝႃႈၼၼ်သေၵေႃႈ သူႁႂ်ႈမၼ်းပဵၼ်ထမ်ႈၸူၼ် ယူႇလူင်ပႄႇ ဝႃႈၼႆ၊ တႅမ်ႈဝႆႉၼႂ်းၵျၢမ်းလိၵ်ႈၸိူဝ်ႉၼင်ႇၼႆယဝ်ႉဢမ်ႇၸႂ်ႈႁိုဝ်။ ဝႃႈၼင်ႇၼႆဢေႃႈ။- 18ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်းတင်းလၢႆ ငိၼ်းလႄႈ ၵျၢမ်ႇႁႃ ႁႂ်ႈလႆႈဢဝ်မၼ်းၸဝ်ႈတၢႆဢေႃႈ။ ပိူဝ်ႈဢၼ်ၵူၼ်းဢၼ်ၸူႉဢၼ်တုမ် တင်းသဵင်ႈတင်းလူင် ၵႂင်ၸႂ်ယုင်ႈၸႂ် ဢၢမ်းလူၺ်ႈလွင်ႈတၢင်းဢၼ်မၼ်းၸဝ်ႈသင်ႇသွၼ်ပၼ်ၼၼ်ႉ ယူႇလႄႈ ၶဝ်ၼၼ်ႉ ၵူဝ်မၼ်းၸဝ်ႈဢေႃႈ။- 19မိူဝ်ႈဢၼ် ႁွတ်ႈထိုင် ၶိင်ႇၵၢင်ၶမ်ႈၸိုင်၊ မၼ်းၸဝ်ႈဢွၵ်ႇၵႂႃႇ ၵႃႈၼွၵ်ႈဝဵင်းသေဢေႃႈ။
တၢင်းဢၼ်သွၼ်ဢဝ်တီႈတူၼ်ႈမၢၵ်ႇလိူဝ်ႇ
(တူၺ်း၊ မၢတ်ႈ 21:20-22)
20ၶိင်ႇၵၢင်ၼႂ်၊ ၼႂ်းမိူဝ်ႈဢၼ် ၶဝ်ၵႂႃႇတၢင်းယူႇၼၼ်ႉၸိုင်၊ ၶဝ်လႆႈႁၼ် တူၼ်ႈမၢၵ်ႇလိူဝ်ႇသၢင်းၽေႃးၼၼ်ႉ ၸႃႉၸဵမ်ႁၢၵ်ႈမၼ်းလႄႈ ႁဵဝ်ႇႁႅင်ႈၵႂႃႇယဝ်ႉၼၼ်ႉဢေႃႈ။- 21ပေႇတရူႉ ၶုၵ်းၸႂ်လႆႈၶႆႈၸႂ်ထူပ်းလႄႈ လဝ်ႊလၢတ်ႈဝႃႈ၊ ၸဝ်ႈႁဝ်း၊ တူၺ်းသေၵမ်းၶႃႈ။ တူၼ်ႈမၢၵ်ႇလိူဝ်ႇသၢင်းၽေႃး ဢၼ်ၸဝ်ႈႁဝ်းၵိၼ်ႇဝႃႈၼၼ်ႉ ႁဵဝ်ႇႁႅင်ႈၵႂႃႇယဝ်ႉၶႃႈဢေႃႈ၊ ဝႃႈၼင်ႇၼႆဢေႃႈ။- 22ယေႇသူႉၵေႃႈ ၶိုၼ်းလၢတ်ႈလႄႈဝႃႈ၊ သူမီးတၢင်းဢၼ်ယုမ်ႇမၢတ်ႈ ၵႃႈၼႂ်းၽြႃးပဵၼ်ၸဝ်ႈတႃႉ။- 23ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်ႉ၊ ၽူႈလႂ်သေဢမ်ႇဝႃႈ၊ ၵေႃႉဢၼ်လၢတ်ႈတီႈလွႆၼႆႉလႄႈဝႃႈ၊ ၶၢႆႉတီႈမႂ်းတႃႉ။ တူၵ်းၵႃႈၼႂ်းပၢင်ႇလၢႆႇပုၼ်ႉတႃႉ၊ ဝႃႈၼင်ႇၼႆၼၼ်ႉလႄႈ ၵၢင်းလွတ်ႈတင်းၸႂ်ဢၼ် ယုမ်ႇၶိုင်ႈၼိုင်ႈဢမ်ႇယုမ်ႇၶိုင်ႈၼိုင်ႈသေလႄႈ ယုမ်ႇမၢတ်ႈတၵ်းပဵၼ်ၸိူဝ်ႉၼင်ႇဢၼ်တူဝ်ၸဝ်ႈၵဝ်ႇဝႃႈၼၼ်ႉၸိုင်၊ တီႈၵေႃႉၼၼ်ႉ တၵ်းပဵၼ်ၸိူဝ်ႉၼင်ႇဢၼ်မၼ်းဝႃႈၼၼ်ႉဢေႃႈ။- 24ပိူဝ်ႈၼႆလႄႈ ၵဝ်ဝႃႈတီႈသူၸမ်ႉ၊ ၵႃႈဢၼ်သူ သူးတွင်းယွၼ်းတင်းသဵင်ႈတင်းလူင်ၼၼ်ႉ ပေႃးသူယုမ်ႇမၢတ်ႈလႄႈဝႃႈ၊ တၵ်းလႆႈဢေႃႈ၊ ဝႃႈၼင်ႇၼႆၸိုင်၊ သူတၵ်းလႆႈဢေႃႈ။
25မိူဝ်ႈဢၼ်သူၸုၵ်းယူႇသေလႄႈသူးတွင်းၼၼ်ႉ၊ ပေႃးသူမီးတီႈဢၼ် တၵ်းတၢင်ႇဢပႅတ်ႈ တီႈပိူၼ်ႈတၢင်ႇၵေႃႉၸိုင်၊ ပွႆႇလွတ်ႈဢပႅတ်ႈမၼ်းၼၼ်ႉတႃႉ။ ပေႃးသူပွႆႇလွတ်ႈၸိုင်၊ ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉ တၵ်းပွႆႇလွတ်ႈဢပႅတ်ႈသူဢေႃႈ။- 26ပေႃးသူဢမ်ႇပွႆႇလွတ်ႈဢပႅတ်ႈပိူၼ်ႈတၢင်ႇၵေႃႉၸိုင်၊ ပေႃႈသူဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉ တၵ်းဢမ်ႇပွႆႇလွတ်ႈဢပႅတ်ႈသူ၊ ဝႃႈၼင်ႇၼႆဢေႃႈ။
ဢႃႇၼႃႇတၼ်းၶူဝ်းၸဝ်ႈယေႇသူႉ
(တူၺ်း၊ မၢတ်ႈ 21:23-27။ လူႉ 20:1-8)
27ၶဝ်သမ်ႉၶိုၼ်းႁွတ်ႈထိုင်ၵႃႈတီႈဝဵင်း ယေႇရူႉသလႅမ်ႇ ယဝ်ႉၸင်ႇ၊ ၼႂ်းမိူဝ်ႈဢၼ် မၼ်းၸဝ်ႈၽၢႆႈသၢင်းၵျၢၼ်ႇ#11:27 ၽၢႆႈသၢင်းၵျၢၼ်ႇ - ပႆၵႂႃႇပႆမႃး ၵႃႈၼႂ်းပိၵ်ႈမၢၼ်ႇၸဝ်ႈယူႇၼၼ်ႉၸိုင်၊ ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်း တင်းၵူၼ်းဢၼ်ပဵၼ်ၵႄႇပဵၼ်ႁူဝ် တင်းလၢႆ သုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈ၊- 28လဝ်ႊထၢမ်လႄႈဝႃႈ၊ ၸဝ်ႈႁဝ်းဢဝ်တင်းဢၶႂၢင်ႉဢၼ်လႂ် ႁဵတ်းလွင်ႈတၢင်းၸိူဝ်းၼႆႉၶႃႈ။ ၽူႈလႂ် ပၼ်ဢၶႂၢင်ႉ ႁႂ်ႈလႆႈႁဵတ်းလွင်ႈတၢင်းၸိူဝ်းၼႆႉၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 29ယေႇသူႉၵေႃႈ လၢတ်ႈလႄႈဝႃႈ၊ ၵဝ်တၵ်းထၢမ်သေၸိူဝ်ႉသေပိူင် တီႈသူ လူးၵွၼ်ႇဢေႃႈ။ သူၶိုၼ်းလၢတ်ႈပၼ်တႃႉ။ ပေႃးသူၶိုၼ်းလၢတ်ႈပၼ်ၸိုင်၊ ၵဝ်တၵ်းလၢတ်ႈပၼ်လွင်ႈဢၼ် ၵဝ်ဢဝ်တင်းဢၶႂၢင်ႉဢၼ်လႂ် ႁဵတ်းလွင်ႈတၢင်းၸိူဝ်းၼႆႉၼၼ်ႉ တီႈသူဢေႃႈ။- 30ပပ်ႉတီႉၸမ်ႇယူဝ်းႁၢၼ်ႇၼၼ်ႉ ပဵၼ်မႃးၵႃႈတီႈၵၢင်ႁၢဝ်ႁိုဝ်။ ပဵၼ်မႃးၵႃႈတီႈၵူၼ်းႁိုဝ်။ သူၶိုၼ်းလၢတ်ႈပၼ်တႃႉ၊ ဝႃႈၼင်ႇၼႆဢေႃႈ။- 31ၶဝ်ၼၼ်ႉ ၼင်ႇၵၼ်ၵၼ် ၽွမ်ႉၵၼ်ၶႆႈၸႂ်လႄႈဝႃႈ၊ ပေႃးႁဝ်းဝႃႈ၊ ပဵၼ်မႃးၵႃႈတီႈၵၢင်ႁၢဝ်ဢေႃႈ၊ ဝႃႈၼင်ႇၼႆၸိုင်၊ မၼ်းၸဝ်ႈတၵ်းထၢမ်လႄႈဝႃႈ၊ ႁဵတ်းသင်လႄႈ သူဢမ်ႇယုမ်ႇမၢတ်ႈမၼ်းၼၼ်ႉ ၼင်ႇႁိုဝ်။ ဝႃႈၼင်ႇၼႆဢေႃႈ။- 32ပဵၼ်မႃး ၵႃႈတီႈၵူၼ်းဝႃႈၼႆ၊ ႁဝ်းတၵ်းလႆႈဝႃႈႁိုဝ်။ ဝႃႈၼင်ႇၼႆဢေႃႈ။ ၶဝ်ၼၼ်ႉ ၵူဝ်ၵူၼ်းတင်းလၢႆယူႇဢေႃႈ။ လွင်ႈမၼ်းၸမ်ႉ ၵူၼ်းတင်းသဵင်ႈတင်းလူင် ထၢင်ႇယူဝ်းႁၢၼ်ႇ ပဵၼ်ပရေႃးၽႅတ်ႈဢေႃႈ။- 33ၶဝ်ၼၼ်ႉ ၶိုၼ်းလဝ်ႊလၢတ်ႈတီႈယေႇသူႉလႄႈဝႃႈ၊ ႁဝ်းၶႃႈဢမ်ႇႁူႉၶႃႈ၊ ဝႃႈၼင်ႇၼႆယဝ်ႉၸင်ႇ၊ ယေႇသူႉၵေႃႈ လၢတ်ႈလႄႈဝႃႈ၊ ၵဝ်ဢမ်ႇလၢတ်ႈပၼ် လွင်ႈဢၼ်ၵဝ်ဢဝ်တင်းဢၶႂၢင်ႉဢၼ်လႂ် ႁဵတ်းလွင်ႈတၢင်းၸိူဝ်းၼႆႉၼၼ်ႉတီႈသူ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship