မႃႇၵူႉ 10
10
လွင်ႈၽူဝ်မေးပႅတ်ႈၵၼ်
(တူၺ်း၊ မၢတ်ႈ 19:1-12။ လူႉ 16:18)
1မၼ်းၸဝ်ႈလုၵ်ႉသေၵႃႈတီႈၼၼ်ႈလႄႈ ၵႂႃႇၵႃႈတီႈလႅၼ်လိၼ်မိူင်းယူႉတႃႉ ဢိၵ်ႇတင်းၵႃႈတီႈၽၢၵ်ႇပုၼ်ႉၼမ်ႉႁွင်ႈယေႃးတၢၼ်ႇဢေႃႈ။ ၵူၼ်းၼမ်ၼႃႇ သမ်ႉၶိုၼ်းၸူႉၵၼ်တုမ်ၵၼ်ၵႃႈတီႈမၼ်းၸဝ်ႈလႄႈ မၼ်းၸဝ်ႈသမ်ႉ ၶိုၼ်းသင်ႇသွၼ်သုင်းမႃႉပၼ် တီႈၶဝ်ၵႃႈၼင်ႇဢၼ် ထုင်းၸၢမ်ႇၸဝ်ႈမီးၼၼ်ႉထႅင်ႈဢေႃႈ။
2 ၽႃႇရီႉသႄးတင်းလၢႆ မႃးတီႈမၼ်းၸဝ်ႈသေလႄႈ၊ ၼင်ႇႁိုဝ်တၵ်းလႆႈၸၢမ်းတူၺ်းယႃႉယူၵ်ႉမၼ်းၸဝ်ႈၸိုင်၊ လဝ်ႊထၢမ်လႄႈဝႃႈ၊ ၵူၼ်းထုၵ်ႇလီပႅတ်ႈမေးမၼ်းၶႃႈႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 3မၼ်းၸဝ်ႈၵေႃႈ ၶိုၼ်းထၢမ်လႄႈဝႃႈ၊ မူဝ်းသေႇၸီႇယၢင်ႇဝႆႉတီႈသူၸိူဝ်ႉၼင်ႇႁိုဝ်။ ဝႃႈၼင်ႇၼႆယဝ်ႉၸင်ႇ၊- 4ၶဝ်ၵေႃႈလဝ်ႊလၢတ်ႈလႄႈဝႃႈ၊ မူဝ်းသေႇ ပၼ်ဢၶႂၢင်ႉဝႆႉႁႂ်ႈတႅမ်ႈလိၵ်ႈဢၼ်ပုတ်းဢၼ်ၶၢတ်ႇပၼ်သေလႄႈ ပႅတ်ႈမေးၶႃႈဢေႃႈ၊ ဝႃႈၼင်ႇၼႆဢေႃႈ။- 5ယေႇသူႉၵေႃႈ လၢတ်ႈလႄႈဝႃႈ၊ ပိူဝ်ႈဢၼ်ႁူဝ်ၸႂ်သူၵႅၼ်ႇၶႅင်လႄႈ၊ မူဝ်းသေႇၸင်ႇတႅမ်ႈပိင်းၺၢပ်ႈၼၼ်ႉဝႆႉဢေႃႈ။- 6မိူဝ်ႈၵေႃႇၸႃႉၽၢၼ်ႇသၢင်းႁဵတ်းပဵၼ်ၼၼ်ႉ၊ ၽြႃးပဵၼ်ၸဝ်ႈၽၢၼ်ႇသၢင်းႁဵတ်းပဵၼ် ၵူၼ်းၸၢႆးတင်းၵူၼ်းယိင်းသွင်ၵေႃႉၵူၺ်းဢေႃႈ။- 7ၵွပ်ႈပိူဝ်ႈလွင်ႈတၢင်းၼၼ်ႉလႄႈ၊ ၵူၼ်းၸၢႆးတၵ်းလႆႈၽၢတ်ႇၵၼ်တင်းပေႃႈမႄႈမၼ်းသေလႄႈ ၸပ်းၸွမ်းၽၢႆႇမေးမၼ်းဢေႃႈ။- 8ၶဝ်သွင်ၵေႃႉၼၼ်ႉ ပဵၼ်ၼိူဝ်ႉပဵၼ်လိူတ်ႈဢၼ်လဵဝ်ၵၼ်ဢေႃႈ။ ပိူဝ်ႈၼႆလႄႈ ၽူဝ်တင်းမေး ပဵၼ်သွင်ၵေႃႉဢမ်ႇၸႂ်ႈ၊ ပဵၼ်ၵေႃႉလဵဝ်ၵူၺ်းဢေႃႈ။- 9ၵူၼ်းယႃႇပေႁႂ်ႈဢဝ်လွင်ႈတၢင်းဢၼ်ၽြႃးပဵၼ်ၸဝ်ႈ ဢဝ်ၽၢၵ်ႈဢဝ်ႁွမ်းၵၼ်ၼၼ်ႉ ၽၢတ်ႇၵၼ်ယၢၼ်ၵၼ်၊ ဝႃႈၼင်ႇၼႆဢေႃႈ။
10လိုၼ်းၼၼ်ႉ ၼႂ်းမိူဝ်ႈဢၼ် မီးယူႇၵႃႈၼႂ်းႁိူၼ်းၼၼ်ႉၸိုင်၊ တပႄးၸဝ်ႈတင်းလၢႆ ၶိုၼ်းလဝ်ႊထၢမ်လွင်ႈတီႈႁဵင်းၼၼ်ႉထႅင်ႈဢေႃႈ။- 11မၼ်းၸဝ်ႈၵေႃႈလၢတ်ႈလႄႈဝႃႈ၊ ၵေႃႉဢၼ်ပႅတ်ႈမေးမၼ်းသေလႄႈ သမ်ႉဢဝ်တၢင်ႇၵေႃႉထႅင်ႈၼၼ်ႉ ၽိတ်းပိူင်ႈမေးမၼ်းဢေႃႈ။- 12မႄႈယိင်းၵေႃႈ ပေႃးပႅတ်ႈၽူဝ်မၼ်းသေလႄႈ သမ်ႉဢဝ်တၢင်ႇၵေႃႉထႅင်ႈၸိုင်၊ ႁွတ်ႈထိုင်တၢင်းဢၼ်ၽိတ်းပိူင်ႈဢေႃႈ။
ၸဝ်ႈယေႇသူႉပၼ်တၢင်းလီတီႈလုၵ်ႈဢွၼ်ႇ
(တူၺ်း၊ မၢတ်ႈ 19:13-15။ လူႉ 18:15-17)
13မိူဝ်ႈၼၼ်ႉ ၼင်ႇႁိုဝ်မၼ်းၸဝ်ႈတၵ်းဢဝ်မိုဝ်းတိူဝ်ႉၸိုင်၊ ၶဝ်ဢဝ်လုၵ်ႈဢွၼ်ႇတင်းလၢႆ မႃးတီႈမၼ်းၸဝ်ႈဢေႃႈ။ ၵူၺ်းၵႃႈ တပႄးၸဝ်ႈတင်းလၢႆ တၢင်ႇဢပႅတ်ႈတီႈၶဝ်ၸိူဝ်းဢၼ် ဢဝ်မႃးၼၼ်ႉဢေႃႈ။- 14ယေႇသူႉႁၼ်သေယဝ်ႉ၊ ၸႂ်မႆႈၶႆႈၸႃႉလႄႈလၢတ်ႈဝႃႈ၊ ပၼ်လုၵ်ႈဢွၼ်ႇၸိူဝ်းၼၼ်ႉ မႃးတီႈၵဝ်တႃႉ။ ယႃႇပေႁၢမ်ႈတၢပ်ႈႁႄႉၶႅၼ်ၶဝ်။ မိူင်းၽြႃးပဵၼ်ၸဝ်ႈ ပဵၼ်မိူင်းၶဝ်ၸိူဝ်ႉၼင်ႇၼႆၼၼ်ႉဢေႃႈ။- 15ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၽူႈလႂ်သေဢမ်ႇဝႃႈ၊ ၵေႃႉဢၼ်ဢမ်ႇၶၢမ်ႇဢဝ် မိူင်းၽြႃးပဵၼ်ၸဝ်ႈ မိူၼ်ၸိူဝ်ႉၼင်ႇလုၵ်ႈဢွၼ်ႇၼႆႉၼၼ်ႉ၊ ၵေႃႉၼၼ်ႉ ဢမ်ႇလႆႈၶဝ်ႈၵႃႈၼႂ်းမိူင်းၸဝ်ႈ၊ ဝႃႈၼင်ႇၼႆယဝ်ႉၸင်ႇ၊- 16ႁွပ်ႇဢဝ်လုၵ်ႈဢွၼ်ႇၸိူဝ်းၼၼ်ႉသေလႄႈ ဢဝ်မိုဝ်းမၼ်းၸဝ်ႈ တၢင်ႇၵႃႈၼိူဝ်ၶဝ်သေယဝ်ႉ၊ ပၼ်တၢင်းလီဢေႃႈ။
သထေးၵူၼ်းၼုမ်ႇၵေႃႉၼိုင်ႈ
(တူၺ်း၊ မၢတ်ႈ 19:16-30။ လူႉ 18:18-30)
17ၼႂ်းမိူဝ်ႈဢၼ်မၼ်းၸဝ်ႈ ၸွမ်းတၢင်းၵႂႃႇယူႇၼၼ်ႉၸိုင်၊ ၵူၼ်းၵေႃႉၼိုင်ႈလႅၼ်ႈမႃးၸူးတီႈမၼ်းၸဝ်ႈလႄႈ ၶုပ်ႉၶဝ်ႇသေယဝ်ႉ၊ လဝ်ႊထၢမ်လႄႈဝႃႈ၊ သြႃႇဢၼ်မျၢတ်ႈလီၶႃႈဢိူၺ်း၊ ၼင်ႇႁိုဝ်တၵ်းလႆႈၶၢမ်ႇဢမူၺ်ႇ ထႃႇဝရႃႉဢသၢၵ်ႈၸိုင်၊ ၵဝ်ၶႃႈ တၵ်းလႆႈႁဵတ်းၸိူဝ်ႉၼင်ႇႁိုဝ်ၶႃႈ၊ ဝႃႈၼင်ႇၼႆဢေႃႈ။- 18ယေႇသူႉၵေႃႈ လၢတ်ႈလႄႈဝႃႈ၊ ႁဵတ်းႁိုဝ်လႄႈမႂ်းႁွင်ႉဝႃႈၵဝ်ၼႆႉ မျၢတ်ႈလီၼင်ႇႁိုဝ်။ လိူဝ်သေၽြႃးပဵၼ်ၸဝ်ႈသူႇလဵဝ်ၼၼ်ႉၵူၺ်း ၽူႈလႂ်ဢမ်ႇမျၢတ်ႈဢမ်ႇလီသေၵေႃႉ။- 19မႂ်းႁူႉပိင်းၺၢပ်ႈၸဝ်ႈတင်းလၢႆယူႇဢမ်ႇၸႂ်ႈႁိုဝ်။ ယႃႇပေၽိတ်းပိူင်ႈမေးပိူၼ်ႈ။ ယႃႇပေဢဝ်ဢသၢၵ်ႈၵူၼ်းတၢႆ။ ယႃႇပေလၵ်ႉဢုၵ်ႉၸႃႇၶူဝ်းလဵင်းပိူၼ်ႈ။ ယႃႇပေၶၢမ်ႇသၢၵ်ႈသေႇဢၼ်ဢမ်ႇၸိုဝ်ႈဢမ်ႇၸႂ်ႈၼၼ်ႉ။ ယႃႇပေႁဵတ်းတၢင်းဢၼ်ဢမ်ႇတြႃးသေလႄႈ သိမ်းဢဝ်ၶွင်ပိူၼ်ႈ။ ႁဵတ်းရူဝ်ႇသေႇၵူဝ်ယမ်ပေႃႈမႄႈတႃႉ၊ ဝႃႈၼင်ႇၼႆသေယဝ်ႉ၊- 20ၵေႃႉၼၼ်ႉၵေႃႈ ၶိုၼ်းလဝ်ႊလၢတ်ႈလႄႈဝႃႈ၊ သြႃႇၸဝ်ႈ၊ ပိင်းၺၢပ်ႈၵႃႈမီးတင်းသဵင်ႈတင်းလူင်ၸိူဝ်းၼၼ်ႉၸိုင်၊ ၵဝ်ၶႃႈၵမ်ၵျၢင်ႉၸႃႉၸဵမ်မိူဝ်ႈဢၼ် ယင်းလဵၵ်ႉၶႃႈယဝ်ႉ၊ ဝႃႈၼင်ႇၼႆဢေႃႈ။- 21ယေႇသူႉတူၺ်းၵေႃႉၼၼ်ႉသေယဝ်ႉ၊ မီးၸႂ်ဢၼ်ႁၵ်ႉလႄႈဝႃႈ၊ မႂ်းလူဝ်ႇထႅင်ႈဢၼ်ၼိုင်ႈဢေႃႈ။ ၵႂႃႇၶၢႆဢုၵ်ႉၸႃႇၶူဝ်းလဵင်းမႂ်း ၵႃႈမီးတင်းသဵင်ႈတင်းလူင်သေလႄႈ ပၼ်တီႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်တင်းလၢႆၼၼ်ႉတႃႉ။ ပေႃးႁဵတ်းၸိူဝ်ႉၼင်ႇၼၼ်ၸိုင်၊ တၵ်းလႆႈၽၼ်ႇတႃႇ ၵႃႈၼိူဝ်မိူင်းၵၢင်ႁၢဝ်ပုၼ်ႉဢေႃႈ။ ႁဵတ်းၸိူဝ်ႉၼင်ႇၼၼ်ယဝ်ႉၸင်ႇ၊ မႃးႁၢပ်ႇသဝ်လၵ်းဝႃးၵၢပ်ႈသေလႄႈ ၸွမ်းပႃႈလင်ၵဝ်တႃႉ၊ ဝႃႈၼင်ႇၼႆဢေႃႈ။- 22ၵေႃႉၼၼ်ႉငိၼ်းၵႂၢမ်းၼၼ်ႉသေယဝ်ႉ၊ ပိူဝ်ႈဢၼ်မၼ်းပဵၼ်ၵေႃႉဢၼ်ၸၢင်ႈမီးဢုၵ်ႉၸႃႇၼမ်ၼႃႇလႄႈ၊ ၼႃႈလူႉလႄႈမီးတင်းၸႂ်ဢၼ် ဢမ်ႇသိူဝ်းဢမ်ႇပျေႃႇဢွၵ်ႇၵႂႃႇသေဢေႃႈ။
23 ယေႇသူႉၵေႃႈ တူၺ်းလဵပ်ႈႁွပ်ႈႁိမ်းၼၼ်ႉယူႇသေလႄႈ လၢတ်ႈတီႈတပႄးၸဝ်ႈတင်းလၢႆလႄႈဝႃႈ၊ ၶဝ်ၸိူဝ်းဢၼ်ၸၢင်ႈမၢၵ်ႈၸၢင်ႈမီးၼၼ်ႉ ၶဝ်ႈၼႂ်းမိူင်းၽြႃးပဵၼ်ၸဝ်ႈ ယၢပ်ႇလူင်ယၢပ်ႇလၢင်ဢေႃႈ၊ ဝႃႈၼင်ႇၼႆသေယဝ်ႉ၊- 24တပႄးၸဝ်ႈၸိူဝ်းၼၼ်ႉ ဢၢမ်းလွင်ႈၵႂၢမ်းၸိူဝ်းၼၼ်ႉဢေႃႈ။ ယေႇသူႉသမ်ႉၶိုၼ်းလၢတ်ႈလႄႈဝႃႈ၊ လုၵ်ႈၵဝ်တင်းလၢႆဢိူၺ်း၊ ၶဝ်ၸိူဝ်းဢၼ် ဢိင်ပိုင်ႈ ဢုၵ်ႉၸႃႇၶူဝ်းလဵင်းတူဝ်ၸဝ်ႈၵဝ်ႇၼၼ်ႉ ၶဝ်ႈၼႂ်းမိူင်းၽြႃးပဵၼ်ၸဝ်ႈ ယၢပ်ႇလူင်ယၢပ်ႇလၢင်ဢေႃႈ။- 25ၵလႃးဢုၵ်ႉလၼ်ႈႁူးၶဵမ် ငၢႆႈသေၵူၼ်းမၢၵ်ႈၵူၼ်းမီး ၶဝ်ႈၼႂ်းမိူင်းၽြႃးပဵၼ်ၸဝ်ႈၼၼ်ႉဢေႃႈ၊ ဝႃႈၼင်ႇၼႆဢေႃႈ။- 26ၶဝ်ၼၼ်ႉ ၵႂင်ၸႂ်ယုင်ႈၸႂ်ၼႃႇလူင်လၢင်လႄႈ ၵေႃႉၼိုင်ႈလႄႈၵေႃႉၼိုင်ႈ လၢတ်ႈၵၼ်လႄႈဝႃႈ၊ ၽူႈလႂ်တၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၼၼ်ႉလႆႈ၊ ဝႃႈၼင်ႇၼႆဢေႃႈ။- 27ယေႇသူႉၵေႃႈတူၺ်းၶဝ်သေလႄႈလၢတ်ႈလႄႈဝႃႈ၊ လွင်ႈတၢင်းၼႆႉၸိုင် ၵူၼ်းဢမ်ႇတၢတ်ႈၼိူင်ႇလႆႈ။ ၼႂ်းဝႃႈၼၼ်သေၵေႃႈ ၽြႃးပဵၼ်ၸဝ်ႈဢမ်ႇတၢတ်ႈၼိူင်ႇလႆႈဢမ်ႇၸႂ်ႈ၊ ၽြႃးပဵၼ်ၸဝ်ႈတၢတ်ႈၼိူင်ႇလွင်ႈတၢင်းတင်းသဵင်ႈတင်းလူင်လႆႈယူႇဢေႃႈ၊ ဝႃႈၼင်ႇၼႆဢေႃႈ။
28မိူဝ်ႈၼၼ်ႉ ပေႇတရူႉၵေႃႈလဝ်ႊလၢတ်ႈလႄႈဝႃႈ၊ ႁဝ်းၶႃႈၼႆႉ ၸုၼ်ႉပႅတ်ႈၵႃႈဢၼ်မီးတင်းသဵင်ႈတင်းလူင်သေလႄႈ ၸွမ်းပႃႈလင်ၸဝ်ႈႁဝ်းၶႃႈယဝ်ႉ၊ မိူဝ်ႈဢၼ်ဝႃႈၼင်ႇၼႆၸိုင်၊- 29ယေႇသူႉၵေႃႈ ၶိုၼ်းလၢတ်ႈလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၽူႈလႂ်သေဢမ်ႇဝႃႈ၊ ၵေႃႉဢၼ်ၸုၼ်ႉပႅတ်ႈႁိူၼ်း၊ ပီႈၼွင်ႉၸဵမ်ယိင်းၸဵမ်ၸၢႆး၊ ပေႃႈမႄႈ၊ မေး၊ လုၵ်ႈ၊ ႁႆႊၼႃးတင်းလၢႆ ၵွပ်ႈပိူဝ်ႈၵဝ်လႂ်၊ ၵွပ်ႈပိူဝ်ႈတြႃးသတၢင်းသိူဝ်းပျေႃႇလႂ်ၼၼ်ႉ၊- 30ၵေႃႉၼၼ်ႉ တၵ်းလႆႈၶၢမ်ႇဢၵျူဝ်းပၢၵ်ႇပုၼ်ႈ၊ ဢၼ်ဝႃႈၼႂ်းၶိင်ႇတေႃႈလဵဝ်ၼႆႉ ႁိူၼ်း၊ ပီႈၼွင်ႉ ၸဵမ်ယိင်းၸဵမ်ၸၢႆး၊ မႄႈ၊ လုၵ်ႈ၊ ႁႆႊၼႃး ဢိၵ်ႇတင်းတၢင်းဢၼ် ၼိၵ်ႈၸၢၵ်ႈငႅၼ်းသႄးလႂ် ၼႂ်းၸၢတ်ႈၼႃႈၼၼ်ႉ ဢသၢၵ်ႈထႃႇဝရႃႉလႂ်ၼၼ်ႉဢေႃႈ။- 31ၶဝ်ၸိူဝ်းဢၼ်တူၵ်းဢွၼ်တၢင်းၼမ်ၼႃႇ တၵ်းတူၵ်းလိုၼ်းဢေႃႈ။ ၶဝ်ၸိူဝ်းဢၼ်တူၵ်းလိုၼ်းၼမ်ၼႃႇ တၵ်းတူၵ်းဢွၼ်တၢင်းဢေႃႈ။
ၸဝ်ႈယေႇသူႉႁေႃးလၢတ်ႈတၢင်းတၢႆပွၵ်ႈသၢမ်
(တူၺ်း၊ မၢတ်ႈ 20:17-19။ လူႉ 18:31-34)
32ၼႂ်းမိူဝ်ႈဢၼ်ၶဝ်ၸွမ်းတၢင်းၶိုၼ်ႈၵႂႃႇ ၵႃႈတီႈဝဵင်းယေႇရူႉသလႅမ်ႇယူႇၼၼ်ႉၸိုင်၊ ယေႇသူႉဢွၼ်ႁူဝ်ၶဝ်ၵႂႃႇဢွၼ်တၢင်းလႄႈ၊ ၶဝ်ၼၼ်ႉ ၵႂင်ၸႂ်ယုင်ႈၸႂ်ယူႇသေလႄႈ မီးတင်းၸႂ်ဢၼ်ၵူဝ်ၼႃႇၸွမ်းၵႂႃႇဢေႃႈ။ မိူဝ်ႈၼၼ်ႉ မၼ်းၸဝ်ႈသမ်ႉၶိုၼ်းႁွင်ႉဢဝ်သိပ်းသွင်ပႃးၼၼ်ႉသေယဝ်ႉ၊ လၢတ်ႈပၼ်လွင်ႈတၢင်းဢၼ် တၵ်းလႆႈပဵၼ်မႃးၵႃႈတီႈတူဝ်ၸဝ်ႈၵဝ်ႇၼၼ်ႉလႄႈဝႃႈ၊- 33တေႃႈလဵဝ်ၼႆႉ ႁဝ်းၶိုၼ်ႈၵႂႃႇၵႃႈတီႈဝဵင်းယေႇရူႉသလႅမ်ႇယူႇဢေႃႈ။ လုၵ်ႈၵူၼ်း တၵ်းၶၢမ်ႇတၢင်းဢၼ်ဢၢပ်ႈတီႈယိတ်ႈပရေႃးႁဵၵ်ႈလူင် ဢိၵ်ႇတင်း ၵူၼ်းထုတ်ႇၵျၢမ်းတင်းလၢႆဢေႃႈ။ ၶဝ်ၼၼ်ႉ တၵ်းၸီႇယၢင်ႇႁႂ်ႈတၢႆဢေႃႈ။ ၶဝ်တၵ်းဢဝ်ဢၢပ်ႈပၼ်တီႈၵူၼ်းတၢင်ႇၸိူဝ်ႉတၢင်ႇၶိူဝ်း တင်းလၢႆဢေႃႈ။- 34ၶဝ်ၸိူဝ်းၼၼ်ႉၵေႃႈ တၵ်းႁဵတ်းပျၢၵ်ႈတီႈမၼ်း၊ တၵ်းယႅၼ်ႉတူပ်ႇမၼ်း၊ တၵ်းဢဝ်တင်းၼမ်ႉလၢႆးထူမ်ႇသႂ်ႇမၼ်းလႄႈ တၵ်းဢဝ်မၼ်းတၢႆဢေႃႈ။ ၼႂ်းဝၼ်းဢၼ်ထူၼ်ႈထိုင်သၢမ်ဝၼ်းၼၼ်ႉ မၼ်းတၵ်းလုၵ်ႉၶိုၼ်းလိပ်းဢေႃႈ၊ ဝႃႈၼင်ႇၼႆဢေႃႈ။
ယႃႇၵုပ်ႈတင်းယူဝ်းႁၢၼ်ႇလဝ်ႊယွၼ်း
(တူၺ်း၊ မၢတ်ႈ 20:20-28)
35မိူဝ်ႈၼၼ်ႉ ယႃႇၵုပ်ႈတင်းယူဝ်းႁၢၼ်ႇ လုၵ်ႈၸၢႆး ၸေႇပေႇတႄး သုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈ လဝ်ႊလၢတ်ႈလႄႈဝႃႈ၊ ႁဝ်းၶႃႈၶႂ်ႈႁႂ်ႈၸဝ်ႈႁဝ်း ႁဵတ်းၵႃႈဢၼ်ႁဝ်းၶႃႈယွၼ်းၼၼ်ႉၶႃႈဢေႃႈ၊ ဝႃႈၼင်ႇၼႆဢေႃႈ။- 36မၼ်းၸဝ်ႈၵေႃႈထၢမ်လႄႈဝႃႈ၊ ၶႂ်ႈႁႂ်ႈၵဝ်ႁဵတ်းတီႈသူၸိူဝ်ႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 37ၶဝ်ၵေႃႈလဝ်ႊလၢတ်ႈလႄႈဝႃႈ၊ ၸဝ်ႈႁဝ်း ၶႅၼ်းတေႃႈ ပၼ်ဢၶႂၢင်ႉ ႁႂ်ႈႁဝ်းၶႃႈၼႆႉလႆႈၼင်ႈၵႃႈတီႈၽၢႆႇၶႂႃၸဝ်ႈႁဝ်းၵေႃႉၼိုင်ႈ၊ ၵႃႈတီႈၽၢႆႇသၢႆႉၸဝ်ႈႁဝ်းၵေႃႉၼိုင်ႈ ၵႃႈၼႂ်းမုၼ်ၽုင်းၸဝ်ႈႁဝ်းပုၼ်ႉသေၵမ်းၶႃႈ၊ ဝႃႈၼင်ႇၼႆဢေႃႈ။- 38ယေႇသူႉၵေႃႈ လၢတ်ႈလႄႈဝႃႈ၊ သူဢမ်ႇႁူႉလွင်ႈဢၼ် သူယွၼ်းၼၼ်ႉ။ သူတၢတ်ႈၼိူင်ႇလႆႈ ႁႂ်ႈလႆႈၵိၼ်ၵွၵ်းဢၼ်ၵဝ်ၵိၼ်ၼၼ်ႉႁိုဝ်။ သူတၢတ်ႈၼိူင်ႇလႆႈ ႁႂ်ႈလႆႈၶၢမ်ႇပပ်ႉတီႉၸမ်ႇ ဢၼ်ၵဝ်ၶၢမ်ႇၼၼ်ႉႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 39ၶဝ်ၵေႃႈလဝ်ႊလၢတ်ႈလႄႈဝႃႈ၊ ႁဝ်းၶႃႈတၢတ်ႈၼိူင်ႇလႆႈယူႇၶႃႈဢေႃႈ၊ ဝႃႈၼင်ႇၼႆဢေႃႈ။ ယေႇသူႉၵေႃႈ လၢတ်ႈလႄႈဝႃႈ၊ ၵွၵ်းဢၼ်ၵဝ်ၵိၼ်ၼၼ်ႉၸိုင်၊ သူတၵ်းလႆႈၵိၼ်ဢေႃႈ။ ပပ်ႉတီႉၸမ်ႇ ဢၼ်ၵဝ်ၶၢမ်ႇၼၼ်ႉၵေႃႈ၊ သူတၵ်းလႆႈၶၢမ်ႇဢေႃႈ။- 40ၼႂ်းဝႃႈၼၼ်သေၵေႃႈ လွင်ႈဢၼ်တၵ်းလႆႈၼင်ႈ ၵႃႈတီႈၽၢႆႇၶႂႃၵဝ် ၵႃႈတီႈၽၢႆႇသၢႆႉၵဝ်ၼၼ်ႉၸမ်ႉ၊ ၵဝ်ဢမ်ႇပိူင်ႇပၼ်။ ၵူၺ်းၵႃႈ ပုၼ်ႈႁင်းၽူႈလႂ်သေဢမ်ႇဝႃႈ၊ ဢၼ်မႄးဝႆႉယဝ်ႉၼၼ်ႉ တၵ်းပဵၼ်ပုၼ်ႈႁင်းၶဝ်ၼၼ်ႉဢေႃႈ။
41တပႄးၸဝ်ႈသိပ်းပႃးၼၼ်ႉ ငိၼ်းသေယဝ်ႉ၊ ၸႂ်မႆႈၶႆႈၸႃႉ တီႈယႃႇၵုပ်ႈ တင်းယူဝ်းႁၢၼ်ႇၼၼ်ႉဢေႃႈ။- 42ယေႇသူႉႁွင်ႉဢဝ်ၶဝ်လႄႈလၢတ်ႈဝႃႈ၊ ၶဝ်ၸိူဝ်းဢၼ်ပိူၼ်ႈႁွင်ႉဝႃႈ ၶုၼ်ၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၼၼ်ႉ ၸၢင်ႈဢုပ်ႉၸၢင်ႈပိူင်ႇဢေႃႈ။ ၶဝ်ၸိူဝ်းဢၼ်ပဵၼ်ၵူၼ်းယႂ်ႇၵူၼ်းလူင်တင်းလၢႆၵေႃႈ ၸၢင်ႈဝႆႉဢႃႇၼႃႇဝႃႈၼႆ၊ သူႁူႉယူႇဢေႃႈ။- 43ၼႂ်းသူၸမ်ႉ၊ ဢမ်ႇလႆႈပဵၼ်ၸိူဝ်ႉၼင်ႇၼၼ်။ ၼႂ်းသူၼႆႉ ၽူႈလႂ်သေဢမ်ႇဝႃႈ၊ ၵေႃႉဢၼ်ၶႂ်ႈပဵၼ်ၵူၼ်းယႂ်ႇသူၼၼ်ႉ၊ ၵေႃႉၼၼ်ႉ တၵ်းလႆႈပဵၼ်ၵူၼ်းၸႂ်ႉၵူၼ်းသွႆသူဢေႃႈ။- 44ၼႂ်းသူၼႆႉ ၽူႈလႂ်သေဢမ်ႇဝႃႈ၊ ၵေႃႉဢၼ်ၶႂ်ႈပဵၼ်ႁူဝ်သူၼၼ်ႉၵေႃႈ၊ ၵေႃႉၼၼ်ႉ တၵ်းလႆႈပဵၼ်ၶႃႈသူ တင်းသဵင်ႈတင်းလူင်ဢေႃႈ။- 45လွင်ႈမၼ်းၸမ်ႉ လုၵ်ႈၵူၼ်းမႃး ႁႂ်ႈလႆႈၸႂ်ႉၵိၼ်ပိူၼ်ႈဢမ်ႇၸႂ်ႈ၊ မႃးႁႂ်ႈလႆႈၶၢမ်ႇတၢင်းဢၼ်ပိူၼ်ႈၸႂ်ႉ ဢိၵ်ႇတင်းႁႂ်ႈလႆႈၸုၼ်ႉဢသၢၵ်ႈတူဝ်ၸဝ်ႈၵဝ်ႇသေလႄႈ ထုတ်ႇဢဝ်ၵူၼ်းၼမ်ၼႃႇဢေႃႈ၊ ဝႃႈၼင်ႇၼႆဢေႃႈ။
ၸဝ်ႈယေႇသူႉၸွႆႈထႅမ်ၵူၼ်းတႃမွတ်ႇ
(တူၺ်း၊ မၢတ်ႈ 20:29-34။ လူႉ 18:35-43)
46ၶဝ်ႁွတ်ႈထိုင်ၵႃႈတီႈဝဵင်းယေႇရီႉၶူဝ်းသေယဝ်ႉ၊ ၼႂ်းမိူဝ်ႈဢၼ် မၼ်းၸဝ်ႈ ဢိၵ်ႇတင်းတပႄးၸဝ်ႈတင်းလၢႆ တင်းၵူၼ်းဢၼ်ၸူႉဢၼ်တုမ် ၼမ်ၼႃႇဢွၵ်ႇသေၵႃႈၼႂ်းဝဵင်းၼၼ်ႉၵႂႃႇယူႇၼၼ်ႉၸိုင်၊ ပႃႇတီႉမေး၊ ဢၼ်ပဵၼ်လုၵ်ႈၸၢႆး တီႉမေးလႄႈတႃမွတ်ႇၼၼ်ႉ ၵေႃႉၼိုင်ႈ ၼင်ႈယူႇၵႃႈတီႈႁိမ်းတၢင်းလႄႈ ယွၼ်းၵိၼ်ယူႇဢေႃႈ။- 47ၵေႃႉၼၼ်ႉ၊ မိူဝ်ႈဢၼ်လႆႈငိၼ်းလွင်ႈဢၼ် ယေႇသူႉၵူၼ်းဝဵင်းၼႃႇၸရႅတ်ႈ မီးၼၼ်ႉၸိုင်၊ ႁွင်ႉသႅၼ်ႇလႄႈဝႃႈ၊ ယေႇသူႉ လုၵ်ႈတႃႇဝိတ်ႈတီႈၶႃႈ၊ ဢဵတ်းလူၵဝ်ၶႃႈသေၵမ်းၶႃႈ၊ ဝႃႈၼင်ႇၼႆယူႇဢေႃႈ။- 48ပိၵ်ႉသမ်ႉၵူၼ်းၼမ်ၼႃႇႁိုတ်းဝႃႈ၊ ႁႂ်ႈၵေႃႉၼၼ်ႉ ယူႇတဵတ်ႇတဵတ်ႇယဵၼ်ယဵၼ်သေၵေႃႈ၊ ၵေႃႉၼၼ်ႉယဵင်ႈၶႅၼ်းႁွင်ႉသႅၼ်ႇထႅင်ႈလႄႈဝႃႈ၊ လုၵ်ႈတႃႇဝိတ်ႈတီႈၶႃႈ၊ ဢဵတ်းလူၵဝ်ၶႃႈသေၵမ်းၶႃႈ၊ ဝႃႈၼင်ႇၼႆယူႇဢေႃႈ။- 49ယေႇသူႉၸင်ႇ ၸုၵ်းၵိုတ်းယူႇသေလႄႈ မီးဢမိင်ႉလႄႈဝႃႈ၊ ႁွင်ႉမၼ်းၼၼ်ႉမႃးတႃႉ၊ ဝႃႈၼင်ႇၼႆဢေႃႈ။ ၶဝ်ၼၼ်ႉ ႁွင်ႉၵူၼ်းတႃမွတ်ႇၼၼ်ႉလႄႈဝႃႈ၊ ပျေႃႇၸႂ်လႄႈလုၵ်ႉတႃႉ။ မၼ်းၸဝ်ႈႁွင်ႉမႂ်းယဝ်ႉ၊ ဝႃႈၼင်ႇၼႆဢေႃႈ။- 50ၵေႃႉၼၼ်ႉပႅတ်ႈဝႆႉ ၽႃႈဝႆမၼ်းသေယဝ်ႉ၊ ၽုတ်းလုၵ်ႉလႄႈၵႂႃႇၸူးၵႃႈတီႈ ယေႇသူႉဢေႃႈ။- 51ယေႇသူႉၵေႃႈထၢမ်လႄႈဝႃႈ၊ ၶႂ်ႈႁႂ်ႈၵဝ်ႁဵတ်းတီႈမႂ်းၸိူဝ်ႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ ၵူၼ်းတႃမွတ်ႇၼၼ်ႉၵေႃႈ လဝ်ႊလၢတ်ႈလႄႈဝႃႈ၊ ၸဝ်ႈႁဝ်းႁဵတ်းႁႂ်ႈမၢၵ်ႇတႃၵဝ်ၶႃႈ ႁၼ်မႃးသေၵမ်းၶႃႈ၊ ဝႃႈၼင်ႇၼႆယဝ်ႉၸင်ႇ၊- 52ယေႇသူႉၵေႃႈ မီးဢမိင်ႉလႄႈဝႃႈ၊ ၵႂႃႇတႃႉ။ တၢင်းယုမ်ႇမၢတ်ႈမႂ်း ၵႄႇၶျွတ်ႈဢဝ်မႂ်းယဝ်ႉ၊ ဝႃႈၼင်ႇၼႆဢေႃႈ။ မိူဝ်ႈၼၼ်ႉၵမ်းလဵဝ်၊ ၵေႃႉၼၼ်ႉ မၢၵ်ႇတႃႁၼ်မႃးလႄႈ ၸွမ်းပႃႈလင်မၼ်းၸဝ်ႈၵႂႃႇ ၵႃႈတီႈၼႂ်းသဵၼ်ႈတၢင်းၼၼ်ႉဢေႃႈ။
നിലവിൽ തിരഞ്ഞെടുത്തിരിക്കുന്നു:
မႃႇၵူႉ 10: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မႃႇၵူႉ 10
10
လွင်ႈၽူဝ်မေးပႅတ်ႈၵၼ်
(တူၺ်း၊ မၢတ်ႈ 19:1-12။ လူႉ 16:18)
1မၼ်းၸဝ်ႈလုၵ်ႉသေၵႃႈတီႈၼၼ်ႈလႄႈ ၵႂႃႇၵႃႈတီႈလႅၼ်လိၼ်မိူင်းယူႉတႃႉ ဢိၵ်ႇတင်းၵႃႈတီႈၽၢၵ်ႇပုၼ်ႉၼမ်ႉႁွင်ႈယေႃးတၢၼ်ႇဢေႃႈ။ ၵူၼ်းၼမ်ၼႃႇ သမ်ႉၶိုၼ်းၸူႉၵၼ်တုမ်ၵၼ်ၵႃႈတီႈမၼ်းၸဝ်ႈလႄႈ မၼ်းၸဝ်ႈသမ်ႉ ၶိုၼ်းသင်ႇသွၼ်သုင်းမႃႉပၼ် တီႈၶဝ်ၵႃႈၼင်ႇဢၼ် ထုင်းၸၢမ်ႇၸဝ်ႈမီးၼၼ်ႉထႅင်ႈဢေႃႈ။
2 ၽႃႇရီႉသႄးတင်းလၢႆ မႃးတီႈမၼ်းၸဝ်ႈသေလႄႈ၊ ၼင်ႇႁိုဝ်တၵ်းလႆႈၸၢမ်းတူၺ်းယႃႉယူၵ်ႉမၼ်းၸဝ်ႈၸိုင်၊ လဝ်ႊထၢမ်လႄႈဝႃႈ၊ ၵူၼ်းထုၵ်ႇလီပႅတ်ႈမေးမၼ်းၶႃႈႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 3မၼ်းၸဝ်ႈၵေႃႈ ၶိုၼ်းထၢမ်လႄႈဝႃႈ၊ မူဝ်းသေႇၸီႇယၢင်ႇဝႆႉတီႈသူၸိူဝ်ႉၼင်ႇႁိုဝ်။ ဝႃႈၼင်ႇၼႆယဝ်ႉၸင်ႇ၊- 4ၶဝ်ၵေႃႈလဝ်ႊလၢတ်ႈလႄႈဝႃႈ၊ မူဝ်းသေႇ ပၼ်ဢၶႂၢင်ႉဝႆႉႁႂ်ႈတႅမ်ႈလိၵ်ႈဢၼ်ပုတ်းဢၼ်ၶၢတ်ႇပၼ်သေလႄႈ ပႅတ်ႈမေးၶႃႈဢေႃႈ၊ ဝႃႈၼင်ႇၼႆဢေႃႈ။- 5ယေႇသူႉၵေႃႈ လၢတ်ႈလႄႈဝႃႈ၊ ပိူဝ်ႈဢၼ်ႁူဝ်ၸႂ်သူၵႅၼ်ႇၶႅင်လႄႈ၊ မူဝ်းသေႇၸင်ႇတႅမ်ႈပိင်းၺၢပ်ႈၼၼ်ႉဝႆႉဢေႃႈ။- 6မိူဝ်ႈၵေႃႇၸႃႉၽၢၼ်ႇသၢင်းႁဵတ်းပဵၼ်ၼၼ်ႉ၊ ၽြႃးပဵၼ်ၸဝ်ႈၽၢၼ်ႇသၢင်းႁဵတ်းပဵၼ် ၵူၼ်းၸၢႆးတင်းၵူၼ်းယိင်းသွင်ၵေႃႉၵူၺ်းဢေႃႈ။- 7ၵွပ်ႈပိူဝ်ႈလွင်ႈတၢင်းၼၼ်ႉလႄႈ၊ ၵူၼ်းၸၢႆးတၵ်းလႆႈၽၢတ်ႇၵၼ်တင်းပေႃႈမႄႈမၼ်းသေလႄႈ ၸပ်းၸွမ်းၽၢႆႇမေးမၼ်းဢေႃႈ။- 8ၶဝ်သွင်ၵေႃႉၼၼ်ႉ ပဵၼ်ၼိူဝ်ႉပဵၼ်လိူတ်ႈဢၼ်လဵဝ်ၵၼ်ဢေႃႈ။ ပိူဝ်ႈၼႆလႄႈ ၽူဝ်တင်းမေး ပဵၼ်သွင်ၵေႃႉဢမ်ႇၸႂ်ႈ၊ ပဵၼ်ၵေႃႉလဵဝ်ၵူၺ်းဢေႃႈ။- 9ၵူၼ်းယႃႇပေႁႂ်ႈဢဝ်လွင်ႈတၢင်းဢၼ်ၽြႃးပဵၼ်ၸဝ်ႈ ဢဝ်ၽၢၵ်ႈဢဝ်ႁွမ်းၵၼ်ၼၼ်ႉ ၽၢတ်ႇၵၼ်ယၢၼ်ၵၼ်၊ ဝႃႈၼင်ႇၼႆဢေႃႈ။
10လိုၼ်းၼၼ်ႉ ၼႂ်းမိူဝ်ႈဢၼ် မီးယူႇၵႃႈၼႂ်းႁိူၼ်းၼၼ်ႉၸိုင်၊ တပႄးၸဝ်ႈတင်းလၢႆ ၶိုၼ်းလဝ်ႊထၢမ်လွင်ႈတီႈႁဵင်းၼၼ်ႉထႅင်ႈဢေႃႈ။- 11မၼ်းၸဝ်ႈၵေႃႈလၢတ်ႈလႄႈဝႃႈ၊ ၵေႃႉဢၼ်ပႅတ်ႈမေးမၼ်းသေလႄႈ သမ်ႉဢဝ်တၢင်ႇၵေႃႉထႅင်ႈၼၼ်ႉ ၽိတ်းပိူင်ႈမေးမၼ်းဢေႃႈ။- 12မႄႈယိင်းၵေႃႈ ပေႃးပႅတ်ႈၽူဝ်မၼ်းသေလႄႈ သမ်ႉဢဝ်တၢင်ႇၵေႃႉထႅင်ႈၸိုင်၊ ႁွတ်ႈထိုင်တၢင်းဢၼ်ၽိတ်းပိူင်ႈဢေႃႈ။
ၸဝ်ႈယေႇသူႉပၼ်တၢင်းလီတီႈလုၵ်ႈဢွၼ်ႇ
(တူၺ်း၊ မၢတ်ႈ 19:13-15။ လူႉ 18:15-17)
13မိူဝ်ႈၼၼ်ႉ ၼင်ႇႁိုဝ်မၼ်းၸဝ်ႈတၵ်းဢဝ်မိုဝ်းတိူဝ်ႉၸိုင်၊ ၶဝ်ဢဝ်လုၵ်ႈဢွၼ်ႇတင်းလၢႆ မႃးတီႈမၼ်းၸဝ်ႈဢေႃႈ။ ၵူၺ်းၵႃႈ တပႄးၸဝ်ႈတင်းလၢႆ တၢင်ႇဢပႅတ်ႈတီႈၶဝ်ၸိူဝ်းဢၼ် ဢဝ်မႃးၼၼ်ႉဢေႃႈ။- 14ယေႇသူႉႁၼ်သေယဝ်ႉ၊ ၸႂ်မႆႈၶႆႈၸႃႉလႄႈလၢတ်ႈဝႃႈ၊ ပၼ်လုၵ်ႈဢွၼ်ႇၸိူဝ်းၼၼ်ႉ မႃးတီႈၵဝ်တႃႉ။ ယႃႇပေႁၢမ်ႈတၢပ်ႈႁႄႉၶႅၼ်ၶဝ်။ မိူင်းၽြႃးပဵၼ်ၸဝ်ႈ ပဵၼ်မိူင်းၶဝ်ၸိူဝ်ႉၼင်ႇၼႆၼၼ်ႉဢေႃႈ။- 15ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၽူႈလႂ်သေဢမ်ႇဝႃႈ၊ ၵေႃႉဢၼ်ဢမ်ႇၶၢမ်ႇဢဝ် မိူင်းၽြႃးပဵၼ်ၸဝ်ႈ မိူၼ်ၸိူဝ်ႉၼင်ႇလုၵ်ႈဢွၼ်ႇၼႆႉၼၼ်ႉ၊ ၵေႃႉၼၼ်ႉ ဢမ်ႇလႆႈၶဝ်ႈၵႃႈၼႂ်းမိူင်းၸဝ်ႈ၊ ဝႃႈၼင်ႇၼႆယဝ်ႉၸင်ႇ၊- 16ႁွပ်ႇဢဝ်လုၵ်ႈဢွၼ်ႇၸိူဝ်းၼၼ်ႉသေလႄႈ ဢဝ်မိုဝ်းမၼ်းၸဝ်ႈ တၢင်ႇၵႃႈၼိူဝ်ၶဝ်သေယဝ်ႉ၊ ပၼ်တၢင်းလီဢေႃႈ။
သထေးၵူၼ်းၼုမ်ႇၵေႃႉၼိုင်ႈ
(တူၺ်း၊ မၢတ်ႈ 19:16-30။ လူႉ 18:18-30)
17ၼႂ်းမိူဝ်ႈဢၼ်မၼ်းၸဝ်ႈ ၸွမ်းတၢင်းၵႂႃႇယူႇၼၼ်ႉၸိုင်၊ ၵူၼ်းၵေႃႉၼိုင်ႈလႅၼ်ႈမႃးၸူးတီႈမၼ်းၸဝ်ႈလႄႈ ၶုပ်ႉၶဝ်ႇသေယဝ်ႉ၊ လဝ်ႊထၢမ်လႄႈဝႃႈ၊ သြႃႇဢၼ်မျၢတ်ႈလီၶႃႈဢိူၺ်း၊ ၼင်ႇႁိုဝ်တၵ်းလႆႈၶၢမ်ႇဢမူၺ်ႇ ထႃႇဝရႃႉဢသၢၵ်ႈၸိုင်၊ ၵဝ်ၶႃႈ တၵ်းလႆႈႁဵတ်းၸိူဝ်ႉၼင်ႇႁိုဝ်ၶႃႈ၊ ဝႃႈၼင်ႇၼႆဢေႃႈ။- 18ယေႇသူႉၵေႃႈ လၢတ်ႈလႄႈဝႃႈ၊ ႁဵတ်းႁိုဝ်လႄႈမႂ်းႁွင်ႉဝႃႈၵဝ်ၼႆႉ မျၢတ်ႈလီၼင်ႇႁိုဝ်။ လိူဝ်သေၽြႃးပဵၼ်ၸဝ်ႈသူႇလဵဝ်ၼၼ်ႉၵူၺ်း ၽူႈလႂ်ဢမ်ႇမျၢတ်ႈဢမ်ႇလီသေၵေႃႉ။- 19မႂ်းႁူႉပိင်းၺၢပ်ႈၸဝ်ႈတင်းလၢႆယူႇဢမ်ႇၸႂ်ႈႁိုဝ်။ ယႃႇပေၽိတ်းပိူင်ႈမေးပိူၼ်ႈ။ ယႃႇပေဢဝ်ဢသၢၵ်ႈၵူၼ်းတၢႆ။ ယႃႇပေလၵ်ႉဢုၵ်ႉၸႃႇၶူဝ်းလဵင်းပိူၼ်ႈ။ ယႃႇပေၶၢမ်ႇသၢၵ်ႈသေႇဢၼ်ဢမ်ႇၸိုဝ်ႈဢမ်ႇၸႂ်ႈၼၼ်ႉ။ ယႃႇပေႁဵတ်းတၢင်းဢၼ်ဢမ်ႇတြႃးသေလႄႈ သိမ်းဢဝ်ၶွင်ပိူၼ်ႈ။ ႁဵတ်းရူဝ်ႇသေႇၵူဝ်ယမ်ပေႃႈမႄႈတႃႉ၊ ဝႃႈၼင်ႇၼႆသေယဝ်ႉ၊- 20ၵေႃႉၼၼ်ႉၵေႃႈ ၶိုၼ်းလဝ်ႊလၢတ်ႈလႄႈဝႃႈ၊ သြႃႇၸဝ်ႈ၊ ပိင်းၺၢပ်ႈၵႃႈမီးတင်းသဵင်ႈတင်းလူင်ၸိူဝ်းၼၼ်ႉၸိုင်၊ ၵဝ်ၶႃႈၵမ်ၵျၢင်ႉၸႃႉၸဵမ်မိူဝ်ႈဢၼ် ယင်းလဵၵ်ႉၶႃႈယဝ်ႉ၊ ဝႃႈၼင်ႇၼႆဢေႃႈ။- 21ယေႇသူႉတူၺ်းၵေႃႉၼၼ်ႉသေယဝ်ႉ၊ မီးၸႂ်ဢၼ်ႁၵ်ႉလႄႈဝႃႈ၊ မႂ်းလူဝ်ႇထႅင်ႈဢၼ်ၼိုင်ႈဢေႃႈ။ ၵႂႃႇၶၢႆဢုၵ်ႉၸႃႇၶူဝ်းလဵင်းမႂ်း ၵႃႈမီးတင်းသဵင်ႈတင်းလူင်သေလႄႈ ပၼ်တီႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်တင်းလၢႆၼၼ်ႉတႃႉ။ ပေႃးႁဵတ်းၸိူဝ်ႉၼင်ႇၼၼ်ၸိုင်၊ တၵ်းလႆႈၽၼ်ႇတႃႇ ၵႃႈၼိူဝ်မိူင်းၵၢင်ႁၢဝ်ပုၼ်ႉဢေႃႈ။ ႁဵတ်းၸိူဝ်ႉၼင်ႇၼၼ်ယဝ်ႉၸင်ႇ၊ မႃးႁၢပ်ႇသဝ်လၵ်းဝႃးၵၢပ်ႈသေလႄႈ ၸွမ်းပႃႈလင်ၵဝ်တႃႉ၊ ဝႃႈၼင်ႇၼႆဢေႃႈ။- 22ၵေႃႉၼၼ်ႉငိၼ်းၵႂၢမ်းၼၼ်ႉသေယဝ်ႉ၊ ပိူဝ်ႈဢၼ်မၼ်းပဵၼ်ၵေႃႉဢၼ်ၸၢင်ႈမီးဢုၵ်ႉၸႃႇၼမ်ၼႃႇလႄႈ၊ ၼႃႈလူႉလႄႈမီးတင်းၸႂ်ဢၼ် ဢမ်ႇသိူဝ်းဢမ်ႇပျေႃႇဢွၵ်ႇၵႂႃႇသေဢေႃႈ။
23 ယေႇသူႉၵေႃႈ တူၺ်းလဵပ်ႈႁွပ်ႈႁိမ်းၼၼ်ႉယူႇသေလႄႈ လၢတ်ႈတီႈတပႄးၸဝ်ႈတင်းလၢႆလႄႈဝႃႈ၊ ၶဝ်ၸိူဝ်းဢၼ်ၸၢင်ႈမၢၵ်ႈၸၢင်ႈမီးၼၼ်ႉ ၶဝ်ႈၼႂ်းမိူင်းၽြႃးပဵၼ်ၸဝ်ႈ ယၢပ်ႇလူင်ယၢပ်ႇလၢင်ဢေႃႈ၊ ဝႃႈၼင်ႇၼႆသေယဝ်ႉ၊- 24တပႄးၸဝ်ႈၸိူဝ်းၼၼ်ႉ ဢၢမ်းလွင်ႈၵႂၢမ်းၸိူဝ်းၼၼ်ႉဢေႃႈ။ ယေႇသူႉသမ်ႉၶိုၼ်းလၢတ်ႈလႄႈဝႃႈ၊ လုၵ်ႈၵဝ်တင်းလၢႆဢိူၺ်း၊ ၶဝ်ၸိူဝ်းဢၼ် ဢိင်ပိုင်ႈ ဢုၵ်ႉၸႃႇၶူဝ်းလဵင်းတူဝ်ၸဝ်ႈၵဝ်ႇၼၼ်ႉ ၶဝ်ႈၼႂ်းမိူင်းၽြႃးပဵၼ်ၸဝ်ႈ ယၢပ်ႇလူင်ယၢပ်ႇလၢင်ဢေႃႈ။- 25ၵလႃးဢုၵ်ႉလၼ်ႈႁူးၶဵမ် ငၢႆႈသေၵူၼ်းမၢၵ်ႈၵူၼ်းမီး ၶဝ်ႈၼႂ်းမိူင်းၽြႃးပဵၼ်ၸဝ်ႈၼၼ်ႉဢေႃႈ၊ ဝႃႈၼင်ႇၼႆဢေႃႈ။- 26ၶဝ်ၼၼ်ႉ ၵႂင်ၸႂ်ယုင်ႈၸႂ်ၼႃႇလူင်လၢင်လႄႈ ၵေႃႉၼိုင်ႈလႄႈၵေႃႉၼိုင်ႈ လၢတ်ႈၵၼ်လႄႈဝႃႈ၊ ၽူႈလႂ်တၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၼၼ်ႉလႆႈ၊ ဝႃႈၼင်ႇၼႆဢေႃႈ။- 27ယေႇသူႉၵေႃႈတူၺ်းၶဝ်သေလႄႈလၢတ်ႈလႄႈဝႃႈ၊ လွင်ႈတၢင်းၼႆႉၸိုင် ၵူၼ်းဢမ်ႇတၢတ်ႈၼိူင်ႇလႆႈ။ ၼႂ်းဝႃႈၼၼ်သေၵေႃႈ ၽြႃးပဵၼ်ၸဝ်ႈဢမ်ႇတၢတ်ႈၼိူင်ႇလႆႈဢမ်ႇၸႂ်ႈ၊ ၽြႃးပဵၼ်ၸဝ်ႈတၢတ်ႈၼိူင်ႇလွင်ႈတၢင်းတင်းသဵင်ႈတင်းလူင်လႆႈယူႇဢေႃႈ၊ ဝႃႈၼင်ႇၼႆဢေႃႈ။
28မိူဝ်ႈၼၼ်ႉ ပေႇတရူႉၵေႃႈလဝ်ႊလၢတ်ႈလႄႈဝႃႈ၊ ႁဝ်းၶႃႈၼႆႉ ၸုၼ်ႉပႅတ်ႈၵႃႈဢၼ်မီးတင်းသဵင်ႈတင်းလူင်သေလႄႈ ၸွမ်းပႃႈလင်ၸဝ်ႈႁဝ်းၶႃႈယဝ်ႉ၊ မိူဝ်ႈဢၼ်ဝႃႈၼင်ႇၼႆၸိုင်၊- 29ယေႇသူႉၵေႃႈ ၶိုၼ်းလၢတ်ႈလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၽူႈလႂ်သေဢမ်ႇဝႃႈ၊ ၵေႃႉဢၼ်ၸုၼ်ႉပႅတ်ႈႁိူၼ်း၊ ပီႈၼွင်ႉၸဵမ်ယိင်းၸဵမ်ၸၢႆး၊ ပေႃႈမႄႈ၊ မေး၊ လုၵ်ႈ၊ ႁႆႊၼႃးတင်းလၢႆ ၵွပ်ႈပိူဝ်ႈၵဝ်လႂ်၊ ၵွပ်ႈပိူဝ်ႈတြႃးသတၢင်းသိူဝ်းပျေႃႇလႂ်ၼၼ်ႉ၊- 30ၵေႃႉၼၼ်ႉ တၵ်းလႆႈၶၢမ်ႇဢၵျူဝ်းပၢၵ်ႇပုၼ်ႈ၊ ဢၼ်ဝႃႈၼႂ်းၶိင်ႇတေႃႈလဵဝ်ၼႆႉ ႁိူၼ်း၊ ပီႈၼွင်ႉ ၸဵမ်ယိင်းၸဵမ်ၸၢႆး၊ မႄႈ၊ လုၵ်ႈ၊ ႁႆႊၼႃး ဢိၵ်ႇတင်းတၢင်းဢၼ် ၼိၵ်ႈၸၢၵ်ႈငႅၼ်းသႄးလႂ် ၼႂ်းၸၢတ်ႈၼႃႈၼၼ်ႉ ဢသၢၵ်ႈထႃႇဝရႃႉလႂ်ၼၼ်ႉဢေႃႈ။- 31ၶဝ်ၸိူဝ်းဢၼ်တူၵ်းဢွၼ်တၢင်းၼမ်ၼႃႇ တၵ်းတူၵ်းလိုၼ်းဢေႃႈ။ ၶဝ်ၸိူဝ်းဢၼ်တူၵ်းလိုၼ်းၼမ်ၼႃႇ တၵ်းတူၵ်းဢွၼ်တၢင်းဢေႃႈ။
ၸဝ်ႈယေႇသူႉႁေႃးလၢတ်ႈတၢင်းတၢႆပွၵ်ႈသၢမ်
(တူၺ်း၊ မၢတ်ႈ 20:17-19။ လူႉ 18:31-34)
32ၼႂ်းမိူဝ်ႈဢၼ်ၶဝ်ၸွမ်းတၢင်းၶိုၼ်ႈၵႂႃႇ ၵႃႈတီႈဝဵင်းယေႇရူႉသလႅမ်ႇယူႇၼၼ်ႉၸိုင်၊ ယေႇသူႉဢွၼ်ႁူဝ်ၶဝ်ၵႂႃႇဢွၼ်တၢင်းလႄႈ၊ ၶဝ်ၼၼ်ႉ ၵႂင်ၸႂ်ယုင်ႈၸႂ်ယူႇသေလႄႈ မီးတင်းၸႂ်ဢၼ်ၵူဝ်ၼႃႇၸွမ်းၵႂႃႇဢေႃႈ။ မိူဝ်ႈၼၼ်ႉ မၼ်းၸဝ်ႈသမ်ႉၶိုၼ်းႁွင်ႉဢဝ်သိပ်းသွင်ပႃးၼၼ်ႉသေယဝ်ႉ၊ လၢတ်ႈပၼ်လွင်ႈတၢင်းဢၼ် တၵ်းလႆႈပဵၼ်မႃးၵႃႈတီႈတူဝ်ၸဝ်ႈၵဝ်ႇၼၼ်ႉလႄႈဝႃႈ၊- 33တေႃႈလဵဝ်ၼႆႉ ႁဝ်းၶိုၼ်ႈၵႂႃႇၵႃႈတီႈဝဵင်းယေႇရူႉသလႅမ်ႇယူႇဢေႃႈ။ လုၵ်ႈၵူၼ်း တၵ်းၶၢမ်ႇတၢင်းဢၼ်ဢၢပ်ႈတီႈယိတ်ႈပရေႃးႁဵၵ်ႈလူင် ဢိၵ်ႇတင်း ၵူၼ်းထုတ်ႇၵျၢမ်းတင်းလၢႆဢေႃႈ။ ၶဝ်ၼၼ်ႉ တၵ်းၸီႇယၢင်ႇႁႂ်ႈတၢႆဢေႃႈ။ ၶဝ်တၵ်းဢဝ်ဢၢပ်ႈပၼ်တီႈၵူၼ်းတၢင်ႇၸိူဝ်ႉတၢင်ႇၶိူဝ်း တင်းလၢႆဢေႃႈ။- 34ၶဝ်ၸိူဝ်းၼၼ်ႉၵေႃႈ တၵ်းႁဵတ်းပျၢၵ်ႈတီႈမၼ်း၊ တၵ်းယႅၼ်ႉတူပ်ႇမၼ်း၊ တၵ်းဢဝ်တင်းၼမ်ႉလၢႆးထူမ်ႇသႂ်ႇမၼ်းလႄႈ တၵ်းဢဝ်မၼ်းတၢႆဢေႃႈ။ ၼႂ်းဝၼ်းဢၼ်ထူၼ်ႈထိုင်သၢမ်ဝၼ်းၼၼ်ႉ မၼ်းတၵ်းလုၵ်ႉၶိုၼ်းလိပ်းဢေႃႈ၊ ဝႃႈၼင်ႇၼႆဢေႃႈ။
ယႃႇၵုပ်ႈတင်းယူဝ်းႁၢၼ်ႇလဝ်ႊယွၼ်း
(တူၺ်း၊ မၢတ်ႈ 20:20-28)
35မိူဝ်ႈၼၼ်ႉ ယႃႇၵုပ်ႈတင်းယူဝ်းႁၢၼ်ႇ လုၵ်ႈၸၢႆး ၸေႇပေႇတႄး သုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈ လဝ်ႊလၢတ်ႈလႄႈဝႃႈ၊ ႁဝ်းၶႃႈၶႂ်ႈႁႂ်ႈၸဝ်ႈႁဝ်း ႁဵတ်းၵႃႈဢၼ်ႁဝ်းၶႃႈယွၼ်းၼၼ်ႉၶႃႈဢေႃႈ၊ ဝႃႈၼင်ႇၼႆဢေႃႈ။- 36မၼ်းၸဝ်ႈၵေႃႈထၢမ်လႄႈဝႃႈ၊ ၶႂ်ႈႁႂ်ႈၵဝ်ႁဵတ်းတီႈသူၸိူဝ်ႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 37ၶဝ်ၵေႃႈလဝ်ႊလၢတ်ႈလႄႈဝႃႈ၊ ၸဝ်ႈႁဝ်း ၶႅၼ်းတေႃႈ ပၼ်ဢၶႂၢင်ႉ ႁႂ်ႈႁဝ်းၶႃႈၼႆႉလႆႈၼင်ႈၵႃႈတီႈၽၢႆႇၶႂႃၸဝ်ႈႁဝ်းၵေႃႉၼိုင်ႈ၊ ၵႃႈတီႈၽၢႆႇသၢႆႉၸဝ်ႈႁဝ်းၵေႃႉၼိုင်ႈ ၵႃႈၼႂ်းမုၼ်ၽုင်းၸဝ်ႈႁဝ်းပုၼ်ႉသေၵမ်းၶႃႈ၊ ဝႃႈၼင်ႇၼႆဢေႃႈ။- 38ယေႇသူႉၵေႃႈ လၢတ်ႈလႄႈဝႃႈ၊ သူဢမ်ႇႁူႉလွင်ႈဢၼ် သူယွၼ်းၼၼ်ႉ။ သူတၢတ်ႈၼိူင်ႇလႆႈ ႁႂ်ႈလႆႈၵိၼ်ၵွၵ်းဢၼ်ၵဝ်ၵိၼ်ၼၼ်ႉႁိုဝ်။ သူတၢတ်ႈၼိူင်ႇလႆႈ ႁႂ်ႈလႆႈၶၢမ်ႇပပ်ႉတီႉၸမ်ႇ ဢၼ်ၵဝ်ၶၢမ်ႇၼၼ်ႉႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 39ၶဝ်ၵေႃႈလဝ်ႊလၢတ်ႈလႄႈဝႃႈ၊ ႁဝ်းၶႃႈတၢတ်ႈၼိူင်ႇလႆႈယူႇၶႃႈဢေႃႈ၊ ဝႃႈၼင်ႇၼႆဢေႃႈ။ ယေႇသူႉၵေႃႈ လၢတ်ႈလႄႈဝႃႈ၊ ၵွၵ်းဢၼ်ၵဝ်ၵိၼ်ၼၼ်ႉၸိုင်၊ သူတၵ်းလႆႈၵိၼ်ဢေႃႈ။ ပပ်ႉတီႉၸမ်ႇ ဢၼ်ၵဝ်ၶၢမ်ႇၼၼ်ႉၵေႃႈ၊ သူတၵ်းလႆႈၶၢမ်ႇဢေႃႈ။- 40ၼႂ်းဝႃႈၼၼ်သေၵေႃႈ လွင်ႈဢၼ်တၵ်းလႆႈၼင်ႈ ၵႃႈတီႈၽၢႆႇၶႂႃၵဝ် ၵႃႈတီႈၽၢႆႇသၢႆႉၵဝ်ၼၼ်ႉၸမ်ႉ၊ ၵဝ်ဢမ်ႇပိူင်ႇပၼ်။ ၵူၺ်းၵႃႈ ပုၼ်ႈႁင်းၽူႈလႂ်သေဢမ်ႇဝႃႈ၊ ဢၼ်မႄးဝႆႉယဝ်ႉၼၼ်ႉ တၵ်းပဵၼ်ပုၼ်ႈႁင်းၶဝ်ၼၼ်ႉဢေႃႈ။
41တပႄးၸဝ်ႈသိပ်းပႃးၼၼ်ႉ ငိၼ်းသေယဝ်ႉ၊ ၸႂ်မႆႈၶႆႈၸႃႉ တီႈယႃႇၵုပ်ႈ တင်းယူဝ်းႁၢၼ်ႇၼၼ်ႉဢေႃႈ။- 42ယေႇသူႉႁွင်ႉဢဝ်ၶဝ်လႄႈလၢတ်ႈဝႃႈ၊ ၶဝ်ၸိူဝ်းဢၼ်ပိူၼ်ႈႁွင်ႉဝႃႈ ၶုၼ်ၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၼၼ်ႉ ၸၢင်ႈဢုပ်ႉၸၢင်ႈပိူင်ႇဢေႃႈ။ ၶဝ်ၸိူဝ်းဢၼ်ပဵၼ်ၵူၼ်းယႂ်ႇၵူၼ်းလူင်တင်းလၢႆၵေႃႈ ၸၢင်ႈဝႆႉဢႃႇၼႃႇဝႃႈၼႆ၊ သူႁူႉယူႇဢေႃႈ။- 43ၼႂ်းသူၸမ်ႉ၊ ဢမ်ႇလႆႈပဵၼ်ၸိူဝ်ႉၼင်ႇၼၼ်။ ၼႂ်းသူၼႆႉ ၽူႈလႂ်သေဢမ်ႇဝႃႈ၊ ၵေႃႉဢၼ်ၶႂ်ႈပဵၼ်ၵူၼ်းယႂ်ႇသူၼၼ်ႉ၊ ၵေႃႉၼၼ်ႉ တၵ်းလႆႈပဵၼ်ၵူၼ်းၸႂ်ႉၵူၼ်းသွႆသူဢေႃႈ။- 44ၼႂ်းသူၼႆႉ ၽူႈလႂ်သေဢမ်ႇဝႃႈ၊ ၵေႃႉဢၼ်ၶႂ်ႈပဵၼ်ႁူဝ်သူၼၼ်ႉၵေႃႈ၊ ၵေႃႉၼၼ်ႉ တၵ်းလႆႈပဵၼ်ၶႃႈသူ တင်းသဵင်ႈတင်းလူင်ဢေႃႈ။- 45လွင်ႈမၼ်းၸမ်ႉ လုၵ်ႈၵူၼ်းမႃး ႁႂ်ႈလႆႈၸႂ်ႉၵိၼ်ပိူၼ်ႈဢမ်ႇၸႂ်ႈ၊ မႃးႁႂ်ႈလႆႈၶၢမ်ႇတၢင်းဢၼ်ပိူၼ်ႈၸႂ်ႉ ဢိၵ်ႇတင်းႁႂ်ႈလႆႈၸုၼ်ႉဢသၢၵ်ႈတူဝ်ၸဝ်ႈၵဝ်ႇသေလႄႈ ထုတ်ႇဢဝ်ၵူၼ်းၼမ်ၼႃႇဢေႃႈ၊ ဝႃႈၼင်ႇၼႆဢေႃႈ။
ၸဝ်ႈယေႇသူႉၸွႆႈထႅမ်ၵူၼ်းတႃမွတ်ႇ
(တူၺ်း၊ မၢတ်ႈ 20:29-34။ လူႉ 18:35-43)
46ၶဝ်ႁွတ်ႈထိုင်ၵႃႈတီႈဝဵင်းယေႇရီႉၶူဝ်းသေယဝ်ႉ၊ ၼႂ်းမိူဝ်ႈဢၼ် မၼ်းၸဝ်ႈ ဢိၵ်ႇတင်းတပႄးၸဝ်ႈတင်းလၢႆ တင်းၵူၼ်းဢၼ်ၸူႉဢၼ်တုမ် ၼမ်ၼႃႇဢွၵ်ႇသေၵႃႈၼႂ်းဝဵင်းၼၼ်ႉၵႂႃႇယူႇၼၼ်ႉၸိုင်၊ ပႃႇတီႉမေး၊ ဢၼ်ပဵၼ်လုၵ်ႈၸၢႆး တီႉမေးလႄႈတႃမွတ်ႇၼၼ်ႉ ၵေႃႉၼိုင်ႈ ၼင်ႈယူႇၵႃႈတီႈႁိမ်းတၢင်းလႄႈ ယွၼ်းၵိၼ်ယူႇဢေႃႈ။- 47ၵေႃႉၼၼ်ႉ၊ မိူဝ်ႈဢၼ်လႆႈငိၼ်းလွင်ႈဢၼ် ယေႇသူႉၵူၼ်းဝဵင်းၼႃႇၸရႅတ်ႈ မီးၼၼ်ႉၸိုင်၊ ႁွင်ႉသႅၼ်ႇလႄႈဝႃႈ၊ ယေႇသူႉ လုၵ်ႈတႃႇဝိတ်ႈတီႈၶႃႈ၊ ဢဵတ်းလူၵဝ်ၶႃႈသေၵမ်းၶႃႈ၊ ဝႃႈၼင်ႇၼႆယူႇဢေႃႈ။- 48ပိၵ်ႉသမ်ႉၵူၼ်းၼမ်ၼႃႇႁိုတ်းဝႃႈ၊ ႁႂ်ႈၵေႃႉၼၼ်ႉ ယူႇတဵတ်ႇတဵတ်ႇယဵၼ်ယဵၼ်သေၵေႃႈ၊ ၵေႃႉၼၼ်ႉယဵင်ႈၶႅၼ်းႁွင်ႉသႅၼ်ႇထႅင်ႈလႄႈဝႃႈ၊ လုၵ်ႈတႃႇဝိတ်ႈတီႈၶႃႈ၊ ဢဵတ်းလူၵဝ်ၶႃႈသေၵမ်းၶႃႈ၊ ဝႃႈၼင်ႇၼႆယူႇဢေႃႈ။- 49ယေႇသူႉၸင်ႇ ၸုၵ်းၵိုတ်းယူႇသေလႄႈ မီးဢမိင်ႉလႄႈဝႃႈ၊ ႁွင်ႉမၼ်းၼၼ်ႉမႃးတႃႉ၊ ဝႃႈၼင်ႇၼႆဢေႃႈ။ ၶဝ်ၼၼ်ႉ ႁွင်ႉၵူၼ်းတႃမွတ်ႇၼၼ်ႉလႄႈဝႃႈ၊ ပျေႃႇၸႂ်လႄႈလုၵ်ႉတႃႉ။ မၼ်းၸဝ်ႈႁွင်ႉမႂ်းယဝ်ႉ၊ ဝႃႈၼင်ႇၼႆဢေႃႈ။- 50ၵေႃႉၼၼ်ႉပႅတ်ႈဝႆႉ ၽႃႈဝႆမၼ်းသေယဝ်ႉ၊ ၽုတ်းလုၵ်ႉလႄႈၵႂႃႇၸူးၵႃႈတီႈ ယေႇသူႉဢေႃႈ။- 51ယေႇသူႉၵေႃႈထၢမ်လႄႈဝႃႈ၊ ၶႂ်ႈႁႂ်ႈၵဝ်ႁဵတ်းတီႈမႂ်းၸိူဝ်ႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ ၵူၼ်းတႃမွတ်ႇၼၼ်ႉၵေႃႈ လဝ်ႊလၢတ်ႈလႄႈဝႃႈ၊ ၸဝ်ႈႁဝ်းႁဵတ်းႁႂ်ႈမၢၵ်ႇတႃၵဝ်ၶႃႈ ႁၼ်မႃးသေၵမ်းၶႃႈ၊ ဝႃႈၼင်ႇၼႆယဝ်ႉၸင်ႇ၊- 52ယေႇသူႉၵေႃႈ မီးဢမိင်ႉလႄႈဝႃႈ၊ ၵႂႃႇတႃႉ။ တၢင်းယုမ်ႇမၢတ်ႈမႂ်း ၵႄႇၶျွတ်ႈဢဝ်မႂ်းယဝ်ႉ၊ ဝႃႈၼင်ႇၼႆဢေႃႈ။ မိူဝ်ႈၼၼ်ႉၵမ်းလဵဝ်၊ ၵေႃႉၼၼ်ႉ မၢၵ်ႇတႃႁၼ်မႃးလႄႈ ၸွမ်းပႃႈလင်မၼ်းၸဝ်ႈၵႂႃႇ ၵႃႈတီႈၼႂ်းသဵၼ်ႈတၢင်းၼၼ်ႉဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship