မႃႇၵူႉ 12
12
ၵႂၢမ်းဢူႉပမႃႇလွင်ႈၵူၼ်းႁဵတ်းသူၼ်
(တူၺ်း၊ မၢတ်ႈ 21:33-46။ လူႉ 20:9-19)
1မိူဝ်ႈၼၼ်ႉ မၼ်းၸဝ်ႈ ဢဝ်ၵႂၢမ်းဢူႉပမႃႇ လၢတ်ႈတီႈၶဝ်ၼၼ်ႉလႄႈဝႃႈၸမ်ႉ၊ ၵူၼ်းၵေႃႉၼိုင်ႈ ၽုၵ်ႇသူၼ်မၢၵ်ႇၸပိတ်ႈလႄႈ ႁဵတ်းႁူဝ်ႉလွမ်ႉႁွပ်ႈဝႆႉ၊ ၶုတ်းႁၢင်းတီႈဢၼ်တၵ်းယဵပ်ႇမၢၵ်ႇၸပိတ်ႈလႄႈ ပူၵ်းထဵင်လၢင်းဝႆႉယဝ်ႉၸင်ႇ၊ ၶၢတ်ႈပၼ်သူၼ်ၼၼ်ႉ တီႈၶဝ်ၸိူဝ်းဢၼ်ႁဵတ်းသူၼ်တင်းလၢႆလႄႈ ၵႂႃႇတၢင်ႇဝၢၼ်ႈတၢင်ႇမိူင်းသေဢေႃႈ။- 2မိူဝ်ႈဢၼ်ၶိင်ႇမၼ်းႁွတ်ႈထိုင်ၸိုင်၊ မၼ်းပွႆႇၸႂ်ႉၵူၼ်းဢွၼ်ႇၵႂႃႇၵႃႈတီႈဢၼ် ၶဝ်ၸိူဝ်းဢၼ်ႁဵတ်းသူၼ်ၼၼ်ႉ မီးၼၼ်ႉႁႂ်ႈလႆႈၶၢမ်ႇဢဝ်မၢၵ်ႇၸပိတ်ႈၵႃႈၼႂ်းသူၼ်ၼၼ်ႉ ၵႃႈတီႈၶဝ်ၸိူဝ်းဢၼ် ႁဵတ်းသူၼ်ၼၼ်ႉဢေႃႈ။- 3ၶဝ်ၼၼ်ႉ တီႉဢဝ်ၵူၼ်းဢွၼ်ႇၼၼ်ႉလႄႈ ပေႃႉယႅၼ်ႉယဝ်ႉၸင်ႇ၊ ပွႆႇပႅတ်ႈတိၼ်လၢႆမိုဝ်းပဝ်ႇသေဢေႃႈ။- 4လိုၼ်းၼၼ်ႉ မၼ်းသမ်ႉပွႆႇၸႂ်ႉၵူၼ်းဢွၼ်ႇတၢင်ႇၵေႃႉ ၵႂႃႇၵႃႈတီႈ ဢၼ်ၶဝ်မီးၼၼ်ႉထႅင်ႈသေယဝ်ႉ၊ ၶဝ်ၼၼ်ႉ ဢဝ်မၢၵ်ႇႁိၼ်ထိမ်ႈၸပ်းႁူဝ်မၼ်းလႄႈ ယႃႉသရေႇမၼ်းယဝ်ႉၸင်ႇ၊ ပွႆႇပႅတ်ႈသေဢေႃႈ။- 5မၼ်းသမ်ႉပွႆႇၸႂ်ႉၵူၼ်းဢွၼ်ႇတၢင်ႇၵေႃႉ ၵႂႃႇထႅင်ႈသေယဝ်ႉ၊ ၶဝ်ဢဝ်မၼ်းတၢႆသေဢေႃႈ။ ၼႂ်းၵူၼ်းဢွၼ်ႇတၢင်ႇၵေႃႉၼမ်ၼႃႇ၊ ၶဝ်ပေႃႉယႅၼ်ႉၵမ်ႈၽွင်ႈဢေႃႈ။ ၶဝ်ဢဝ်တၢႆၵမ်ႈၽွင်ႈဢေႃႈ။- 6ပိူဝ်ႈဢၼ် မၼ်းယင်းမီးလုၵ်ႈၸၢႆးဢၼ်ႁၵ်ႉၼႃႇ တီႈတူဝ်ၸဝ်ႈၵဝ်ႇၼၼ်ႉ ၵေႃႉၼိုင်ႈၵူၺ်းလႄႈ မၼ်းပွႆႇၸႂ်ႉလုၵ်ႈၸၢႆးတူဝ်ၸဝ်ႈၵဝ်ႇၼၼ်ႉၵႂႃႇ ပွၵ်ႈလိုၼ်းလင်သုတ်းလႄႈဝႃႈ၊ ၶဝ်ၼၼ်ႉ တၵ်းဢႃးၼႃႇလုၵ်ႈၸၢႆးၵဝ်ဢေႃႈ၊ ဝႃႈၼင်ႇၼႆဢေႃႈ။- 7ၶဝ်ၸိူဝ်းဢၼ် ႁဵတ်းသူၼ်ၼၼ်ႉၵေႃႉၼိုင်ႈလႄႈၵေႃႉၼိုင်ႈ တိူင်ႇပၢင်ႇလၢတ်ႈၸႃၵၼ်လႄႈဝႃႈ၊ ၵေႃႉၼႆႉပဵၼ်ၵေႃႉဢၼ်ၶၢမ်ႇဢမူၺ်ႇဢေႃႈ။ မႃးလႄႈ ဢဝ်မၼ်းတၢႆတႃႉႁဝ်း။ ႁဝ်းတၵ်းလႆႈဢမူၺ်ႇမၼ်းဢေႃႈ၊ ဝႃႈၼင်ႇၼႆသေလႄႈ၊- 8တီႉဢဝ်မၼ်း ယဝ်ႉၸင်ႇ၊ ဢဝ်တၢႆလႄႈ ဢဝ်ဢွၵ်ႇပႅတ်ႈၵႃႈၼွၵ်ႈသူၼ်သေဢေႃႈ။- 9ပေႃးပဵၼ်ၸိူဝ်ႉၼင်ႇၼႆၸိုင်၊ ၸဝ်ႈသူၼ်တၵ်းႁဵတ်းၸိူဝ်ႉၼင်ႇႁိုဝ်။ မၼ်းတၵ်းမႃးလႄႈ ယႃႉပႅတ်ႈၽဵဝ်ႈပႅတ်ႈၶဝ်ၸိူဝ်းဢၼ် ႁဵတ်းသူၼ်ၼၼ်ႉယဝ်ႉၸင်ႇ၊ တၵ်းဢဝ်သူၼ်ၼၼ်ႉ ပၼ်တီႈပိူၼ်ႈတၢင်ႇၵေႃႉဢေႃႈ။- 10သူဢမ်ႇယၢမ်ႈလႆႈၽတ်းၵႂၢမ်းၼႂ်းၵျၢမ်းလိၵ်ႈဢၼ်ဝႃႈ မၢၵ်ႇႁိၼ်ဢၼ်ၶဝ်ၸိူဝ်းဢၼ် ႁဵတ်းတိူၵ်ႈပႅတ်ႈဝႆႉၼၼ်ႉ ၵမ်းလိုၼ်း ပဵၼ်ႁူဝ်ၸဵင်ႇတိူၵ်ႈဢေႃႈ။- 11လွင်ႈတီႈႁဵင်းၼႆႉ ပဵၼ်တီႈဢၼ် ထႃႇဝရႃႉၽြႃးႁဵတ်းဝႆႉဢေႃႈ။ ၵႃႈတႂ်ႈတႃႁဝ်းၼႆႉၵေႃႈ ပဵၼ်ဢၼ်လီဢၢမ်းဢေႃႈ၊ ဝႃႈၼင်ႇၼႆၼၼ်ႉႁိုဝ်။- 12ၶဝ်ၼၼ်ႉ ပိူဝ်ႈဢၼ်ႁူႉလွင်ႈဢၼ်မၼ်းၸဝ်ႈႁေႃးလၢတ်ႈ ၵႂၢမ်းဢူႉပမႃႇ တႅၵ်ႈၶဝ်ၼၼ်ႉလႄႈ ၵျၢမ်ႇႁႃႁႂ်ႈလႆႈတီႉဢဝ်မၼ်းၸဝ်ႈဢေႃႈ။ ၼႂ်းဝႃႈၼၼ်သေၵေႃႈ ပိူဝ်ႈဢၼ်ၶဝ်ၵူဝ်ၵူၼ်းဢၼ်ၸူႉဢၼ်တုမ်တင်းလၢႆလႄႈ၊ ဢွၵ်ႇၵႂႃႇသေၵႃႈတီႈမၼ်းၸဝ်ႈၼၼ်ႉဢေႃႈ။
လွင်ႈထၢမ်းၶွၼ်ႇ
(တူၺ်း၊ မၢတ်ႈ 22:15-22။ လူႉ 20:20-26)
13လိုၼ်းၼၼ်ႉၸင်ႇ၊ ၶဝ်ပွႆႇၸႂ်ႉ ၽႃႇရီႉသႄး ဢိၵ်ႇတင်းတပႄးႁေႇရူတ်ႈၵမ်ႈၽွင်ႈ ၵႂႃႇတီႈမၼ်းၸဝ်ႈ ႁႂ်ႈလႆႈဢဝ်တင်းၵႂၢမ်းၵၢင်ဢဝ်မၼ်းၸဝ်ႈဢေႃႈ။- 14ၶဝ်ၼၼ်ႉ သုတ်ႉၸပ်းသုတ်ႉၸူးသေလႄႈ လဝ်ႊထၢမ်လႄႈဝႃႈ၊ သြႃႇၸဝ်ႈ၊ ႁဝ်းၶႃႈႁူႉလွင်ႈဢၼ် ၸဝ်ႈႁဝ်းမီးသဵတ်ႈၸႃႇယူႇ၊ လွင်ႈဢၼ်ၸဝ်ႈႁဝ်း ဢမ်ႇၵူဝ်ၽူႈလႂ်သေၵေႃႉသေၵူၼ်း၊ လွင်ႈဢၼ်ၸဝ်ႈႁဝ်းယင်းဢမ်ႇထွၵ်ႈလူၺ်ႈၼႃႈၵူၼ်းလႄႈ ၼႄပျႃးသဵၼ်ႈတၢင်းၽြႃးပဵၼ်ၸဝ်ႈ ၸိုဝ်ႈၸိုဝ်ႈၸႂ်ႈၸႂ်ႈၼၼ်ႉယူႇၶႃႈဢေႃႈ။ ထုၵ်ႇလီပၼ်ၶွၼ်ႇတီႈၶုၼ်ႁေႃၶမ်းၵေႇသႃႇၶႃႈႁိုဝ်။ ဢမ်ႇထုၵ်ႇလီပၼ်ၶႃႈႁိုဝ်။ တၵ်းလႆႈပၼ်ၶႃႈႁိုဝ်။ တၵ်းဢမ်ႇလႆႈပၼ်ၶႃႈႁိုဝ်။ ဝႃႈၼင်ႇၼႆဢေႃႈ။- 15မၼ်းၸဝ်ႈႁူႉႁၼ် တၢင်းဢၼ်ၵူတ်ႉဢၼ်လိင်ႇၶဝ်ၼၼ်ႉ ယူႇလႄႈလၢတ်ႈဝႃႈ၊ ႁဵတ်းသင်လႄႈ သူၸၢမ်းတူၺ်းယႃႉယူၵ်ႉၵဝ်ၼင်ႇႁိုဝ်။ ပုၼ်ႈဢၼ်ၵဝ်တၵ်းလႆႈတူၺ်းၸိုင်၊ ဢဝ်တေႇၼႃႇရီႇၶႅပ်းၼိုင်ႈမႃးတႃႉ၊ မိူဝ်ႈဢၼ်ဝႃႈၼင်ႇၼႆၸိုင်၊- 16ၶဝ်ၼၼ်ႉ ဢဝ်မႃးဢေႃႈ။ မၼ်းၸဝ်ႈၵေႃႈထၢမ်လႄႈဝႃႈ၊ ႁၢင်ႈၼႆႉ၊ လိၵ်ႈၼႆႉၸမ်ႉ ပဵၼ်ႁၢင်ႈၽူႈလႂ်၊ ပဵၼ်လိၵ်ႈၽူႈလႂ်၊ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၼၼ်ႉ လဝ်ႊလၢတ်ႈလႄႈဝႃႈ၊ ပဵၼ်ႁၢင်ႈပဵၼ်လိၵ်ႈၶုၼ်ႁေႃၶမ်းၵေႇသႃႇၶႃႈဢေႃႈ၊ ဝႃႈၼင်ႇၼႆဢေႃႈ။- 17ယေႇသူႉၵေႃႈ လၢတ်ႈလႄႈဝႃႈ၊ ဢဝ်ၶွင်ၶုၼ်ႁေႃၶမ်းၵေႇသႃႇ ပၼ်တီႈၶုၼ်ႁေႃၶမ်းၵေႇသႃႇတႃႉ။ ၶွင်ၽြႃးပဵၼ်ၸဝ်ႈၵေႃႈ ဢဝ်ပၼ်တီႈၽြႃးပဵၼ်ၸဝ်ႈတႃႉ၊ ဝႃႈၼင်ႇၼႆဢေႃႈ။ ၶဝ်ဢၢမ်းမၼ်းၸဝ်ႈၼႃႇလူင်လၢင်ဢေႃႈ။
လွင်ႈလုၵ်ႉၶိုၼ်းလိပ်း
(တူၺ်း၊ မၢတ်ႈ 22:23-33။ လူႉ 20:27-40)
18 ၸတ်ႉတူႉၵႄးဢၼ်ဝႃႈ၊ တၢင်းဢၼ်လုၵ်ႉၶိုၼ်းလိပ်းဢမ်ႇမီး၊ ဝႃႈၼင်ႇၼႆၸိူဝ်းၼၼ်ႉ သုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈ လဝ်ႊထၢမ်လႄႈဝႃႈ၊- 19သြႃႇၸဝ်ႈ၊ မူဝ်းသေႇ ၸီႇယၢင်ႇတႅမ်ႈဝႆႉတီႈႁဝ်းၶႃႈလႄႈဝႃႈ၊ ပေႃးပီႈၸၢႆးယင်းဢမ်ႇမီးလုၵ်ႈမီးလၢင်းတၢႆၵႂႃႇလႄႈ မေးမၼ်းၵိုတ်းဝႆႉယူႇၸိုင်၊ ၼွင်ႉၸၢႆးမၼ်းတၵ်းလႆႈသိမ်းဢဝ် မေးမၼ်းၼၼ်ႉသေလႄႈ ႁႂ်ႈၸိူဝ်ႉၶိူဝ်းပီႈၸၢႆးမၼ်း သိုပ်ႇၵႂႃႇဢမ်ႇၶၢတ်ႇ၊ ဝႃႈၼင်ႇၼႆဝႆႉတီႈႁဝ်းၶႃႈယဝ်ႉၶႃႈယဝ်ႉ။- 20မီးပီႈၼွင်ႉၸဵတ်းၵေႃႉၶႃႈဢေႃႈ။ ပီႈၸၢႆးၵေႃႉယႂ်ႇဢဝ်မေးလႄႈ ယင်းဢမ်ႇမီးလုၵ်ႈမီးလၢင်း၊ တၢႆၵႂႃႇၶႃႈဢေႃႈ။- 21ၼွင်ႉၸၢႆးမၼ်းၵေႃႉယႂ်ႇ သိမ်းဢဝ်မေးမၼ်းၼၼ်ႉလႄႈ ယင်းဢမ်ႇမီးလုၵ်ႈမီးလၢင်း သမ်ႉတၢႆၵႂႃႇၶႃႈဢေႃႈ။- 22မိူၼ်ၼင်ႇၼၼ် ၸႃႉၸဵမ်ၵေႃႉတႃႉတီႉယႃႉၵေႃႉၼိုင်ႈယဝ်ႉၵေႃႉၼိုင်ႈ ၶဝ်ပီႈၼွင်ႉၸဵတ်းၵေႃႉ ဢဝ်မႄႈယိင်းၼၼ်ႉလႄႈ လုၵ်ႈလၢင်းဢမ်ႇၵိုတ်းဝႆႉၶႃႈ။ လိုၼ်းၼၼ်ႉ မႄႈယိင်းၼၼ်ႉၵေႃႈ တၢႆၵႂႃႇၶႃႈဢေႃႈ။- 23ပိူဝ်ႈၼႆလႄႈ ၼႂ်းၶိင်ႇၵႃႇလႃႉဢၼ်တၵ်းလႆႈလုၵ်ႉၶိုၼ်းၼၼ်ႉ၊ မိူဝ်ႈဢၼ်ၶဝ်လုၵ်ႉမႃးၸိုင်၊ မႄႈယိင်းၼၼ်ႉ တၵ်းပဵၼ်မေးၽူႈလႂ်ၶႃႈ။ ၶဝ်ၸဵတ်းၵေႃႉ လႆႈဢဝ်မႄႈယိင်းၼၼ်ႉ ၼင်ႇၵၼ်ယဝ်ႉၶႃႈဢေႃႈ၊ ဝႃႈၼင်ႇၼႆဢေႃႈ။- 24ယေႇသူႉၵေႃႈ ၶိုၼ်းလၢတ်ႈလႄႈဝႃႈ၊ ပိူဝ်ႈဢၼ်သူဢမ်ႇႁူႉၵျၢမ်းလိၵ်ႈ ဢိၵ်ႇတင်းတၼ်းၶူဝ်းၽြႃးပဵၼ်ၸဝ်ႈလႄႈ သူၽိတ်းပိူင်ႈဢမ်ႇၸႂ်ႈႁိုဝ်။- 25လွင်ႈမၼ်းၸမ်ႉ မိူဝ်ႈဢၼ်လုၵ်ႉၵႃႈတၢင်းတၢႆၶိုၼ်းလိပ်းၼၼ်ႉၸိုင်၊ ဢမ်ႇၸၢင်ႈႁဵတ်းတၢင်းဢၼ်ဢဝ်မေး၊ တၢင်းဢၼ်ဢဝ်ဢၢပ်ႈပၼ်ၵၼ်လႄႈ ပဵၼ်ၸိူဝ်ႉၼင်ႇတမၢၼ်ႇၵၢင်ႁၢဝ်တင်းလၢႆၼၼ်ႉဢေႃႈ။- 26လိူဝ်သေၼၼ်ႉ၊ လွင်ႈဢၼ်ၶဝ်ၸိူဝ်းဢၼ်တၢႆယဝ်ႉတင်းလၢႆ တၵ်းလုၵ်ႉၶိုၼ်းၼၼ်ႉၸိုင်၊ သူဢမ်ႇယၢမ်ႈလႆႈၽတ်းၼႂ်း ၵျၢမ်းမူဝ်းသေႇၵႃႈတီႈပုၵ်ႈဢၼ် လၢတ်ႈလူၺ်ႈလွင်ႈယုမ်းမႆႉၼၼ်ႉ ဢၼ်ဝႃႈ လွင်ႈဢၼ်ၽြႃးပဵၼ်ၸဝ်ႈမီးဢမိင်ႉတီႈမၼ်းလႄႈဝႃႈ၊ ၵဝ်ပဵၼ်ၽြႃးဢႃႇပြႃႇႁၢမ်ႇ၊ ၽြႃးဢီႉၸၢၵ်ႈ၊ ၽြႃးယႃႇၵုပ်ႈဢေႃႈ၊ ဝႃႈၼင်ႇၼႆၼၼ်ႉႁိုဝ်။- 27ၽြႃးပဵၼ်ၸဝ်ႈ ပဵၼ်ၽြႃးၶဝ်ၸိူဝ်းဢၼ် တၢႆယဝ်ႉဢမ်ႇၸႂ်ႈ၊ ပဵၼ်ၽြႃးၶဝ်ၸိူဝ်းဢၼ်ဢသၢၵ်ႈလိပ်းယူႇဢေႃႈ။ ပိူဝ်ႈၼႆလႄႈ သူၽိတ်းပိူင်ႈၼႃႇလူင်လၢင်ဢေႃႈ၊ ဝႃႈၼင်ႇၼႆဢေႃႈ။
ပိင်းၺၢပ်ႈတြႃးဢၼ်ယႂ်ႇမျၢတ်ႈ
(တူၺ်း၊ မၢတ်ႈ 22:34-40။ လူႉ 10:25-28)
28ၵူၼ်းထုတ်ႇၵျၢမ်းၵေႃႉၼိုင်ႈ မိူဝ်ႈဢၼ်ငိၼ်းၶဝ်လၢတ်ႈၸႃ ထဵင်ၵၼ်ယူႇၸိူဝ်ႉၼင်ႇၼၼ်ႉလႄႈ ႁူႉႁၼ်လွင်ႈဢၼ် မၼ်းၸဝ်ႈၶိုၼ်းလၢတ်ႈပၼ် လီလီငၢမ်းငၢမ်းၼၼ်ႉၸိုင်၊ သုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈ လဝ်ႊထၢမ်လႄႈဝႃႈ၊ ၼႂ်းပိင်းၺၢပ်ႈၵႃႈမီးတင်းသဵင်ႈတင်းလူင်ၼၼ်ႉ၊ ပိင်းၺၢပ်ႈဢၼ်လႂ် ယဵင်ႈၶႅၼ်းယႂ်ႇမျၢတ်ႈၼႃႇသေပိူၼ်ႈၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 29ယေႇသူႉၶိုၼ်းလၢတ်ႈလႄႈဝႃႈ၊ ၼႂ်းပိင်းၺၢပ်ႈၵႃႈမီး တင်းသဵင်ႈတင်းလူင်ၼၼ်ႉ၊ ပိင်းၺၢပ်ႈဢၼ်ယႂ်ႇမျၢတ်ႈၼႃႇသေပိူၼ်ႈၸမ်ႉ၊ မဵဝ်းဢီႉသရေႇလႃႉဢိူၺ်း၊ ထွမ်ႇငိၼ်းတႃႉ။ ထႃႇဝရႃႉၽြႃး ပဵၼ်ၽြႃးပဵၼ်ၸဝ်ႈႁဝ်းဢေႃႈ။ ထႃႇဝရႃႉၽြႃး ပဵၼ်သူႇလဵဝ်ၵူၺ်းဢေႃႈ။- 30ၽြႃးပဵၼ်ၸဝ်ႈမႂ်း ထႃႇဝရႃႉၽြႃးၸိုင်၊ မႂ်းတၵ်းလႆႈပႃးတင်းႁူဝ်ၸႂ်သဵင်ႈသဵင်ႈ၊ တင်းဝီႉၺိၺ်ႇသဵင်ႈသဵင်ႈ၊ တင်းၺၢၼ်ႇၵႃႈဢၼ်မီးတင်းသဵင်ႈတင်းလူင်၊ တင်းၵႃႈဢၼ်ၵတ်ႉဢၼ်ၶၼ် တင်းသဵင်ႈတင်းလူင်သေလႄႈ ႁၵ်ႉဢေႃႈဝႃႈၼႆ၊ ပိင်းၺၢပ်ႈဢၼ်ဝႃႈၼင်ႇၼႆၼၼ်ႉ ပဵၼ်ပထမႃႉ ပိင်းၺၢပ်ႈဢေႃႈ။- 31လိူဝ်သေၼၼ်ႉ တူႉတီႉယႃႉပိင်းၺၢပ်ႈဢၼ်ဝႃႈ၊ ၵေႃႉဢၼ်ၸၢပ်ႈသႅင်ႇၵၼ်တင်း တူဝ်ၸဝ်ႈၵဝ်ႇၼၼ်ႉၸိုင် မႂ်းတၵ်းလႆႈႁၵ်ႉမိူၼ်ၸိူဝ်ႉၼင်ႇ တူဝ်ၸဝ်ႈၵဝ်ႇဢေႃႈ၊ ဝႃႈၼင်ႇၼႆၼၼ်ႉ မိူၼ်ၸိူဝ်ႉၼင်ႇ ပထမႃႉပိင်းၺၢပ်ႈဢေႃႈ။ ပိင်းၺၢပ်ႈဢၼ်ယႂ်ႇမျၢတ်ႈၼႃႇသေပိင်းၺၢပ်ႈၸိူဝ်းၼႆႉ ဢမ်ႇမီးယဝ်ႉ၊ ဝႃႈၼင်ႇၼႆဢေႃႈ။- 32ၵူၼ်းထုတ်ႇၵျၢမ်းၼၼ်ႉၵေႃႈ လဝ်ႊလၢတ်ႈလႄႈဝႃႈ၊ လီၶႃႈယဝ်ႉ။ သြႃႇၸဝ်ႈ၊ ၸဝ်ႈႁဝ်းလၢတ်ႈပၼ် ၸိုဝ်ႈၸိုဝ်ႈၸႂ်ႈၸႂ်ႈၶႃႈယဝ်ႉ။ ၽြႃးပဵၼ်ၸဝ်ႈ မီးသူႇလဵဝ်ၵူၺ်းၶႃႈဢေႃႈ။ လိူဝ်သေမၼ်းၸဝ်ႈၼၼ်ႉ၊ ၽြႃးပဵၼ်ၸဝ်ႈ တၢင်ႇတီႈတၢင်ႇပႃး ဢမ်ႇမီးၶႃႈ။- 33တၢင်းဢၼ်ပႃးတင်း ႁူဝ်ၸႂ်သဵင်ႈသဵင်ႈ၊ တင်းၺၢၼ်ႇၵႃႈဢၼ်မီး တင်းသဵင်ႈတင်းလူင်၊ တင်းဝီႉၺိၺ်ႇသဵင်ႈသဵင်ႈ၊ တင်းၵႃႈဢၼ်ၵတ်ႉဢၼ်ၶၼ် တင်းသဵင်ႈတင်းလူင်သေလႄႈ ႁၵ်ႉမၼ်းၸဝ်ႈ၊ ဢိၵ်ႇတင်းတၢင်းဢၼ်ႁၵ်ႉ ၵေႃႉဢၼ် ၸၢပ်ႈသႅင်ႇၵၼ်တင်းတူဝ်ၸဝ်ႈၵဝ်ႇ မိူၼ်ၸိူဝ်ႉၼင်ႇတူဝ်ၸဝ်ႈၵဝ်ႇၼၼ်ႉ ယဵင်ႈၶႅၼ်းမျၢတ်ႈလီၼႃႇသေ တၢင်းဢၼ်ပုၵ်ႈၸေႃႇ ၸႃႉၸဵမ်တူဝ်ယိတ်ႈတင်းလၢႆ ဢၼ်ဢဝ်ၽႆးတုတ်ႇ ဢိၵ်ႇတင်းယိတ်ႈၵူႈၸိူဝ်ႉၵူႈပိူင်ၼၼ်ႉၶႃႈဢေႃႈ၊ ဝႃႈၼင်ႇၼႆဢေႃႈ။- 34မိူဝ်ႈဢၼ် ယေႇသူႉႁူႉႁၼ် လွင်ႈဢၼ်မၼ်းဢဝ်တင်း ပိင်ႇၺႃႇသတီႉ ၶိုၼ်းလဝ်ႊလၢတ်ႈၸိူဝ်ႉၼင်ႇၼၼ်ၼၼ်ႉၸိုင် မၼ်းၸဝ်ႈလၢတ်ႈလႄႈဝႃႈ၊ မႂ်းၼႆႉ ဢမ်ႇၵႆၵၼ်တင်းမိူင်းၽြႃးပဵၼ်ၸဝ်ႈယဝ်ႉ၊ ဝႃႈၼင်ႇၼႆဢေႃႈ။ လိုၼ်းၼၼ်ႉ ၽူႈလႂ်ဢမ်ႇႁတ်းလဝ်ႊႁတ်းထၢမ်တီႈမၼ်းၸဝ်ႈ သေၵေႃႉသေၵူၼ်း။
ၸဝ်ႈၶရိၸ်ႈပဵၼ်ၸဝ်ႈၸိူဝ်ႉၼင်ႇႁိုဝ်
(တူၺ်း၊ မၢတ်ႈ 22:41-46။ လူႉ 20:41-44)
35မိူဝ်ႈၼၼ်ႉ ၼႂ်းမိူဝ်ႈဢၼ် ယေႇသူႉသင်ႇသွၼ်သုင်းမႃႉပၼ် ၵႃႈၼႂ်းပိၵ်ႈမၢၼ်ႇၸဝ်ႈယူႇၼၼ်ႉၸိုင်၊ မၼ်းၸဝ်ႈလၢတ်ႈလႄႈဝႃႈ၊ ၸဝ်ႈၶရိၸ်ႈ ပဵၼ်လုၵ်ႈ တႃႇဝိတ်ႈဢေႃႈဝႃႈၼႆ၊ ႁဵတ်းႁိုဝ်လႄႈ ၵူၼ်းထုတ်ႇၵျၢမ်းတင်းလၢႆ ဝႃႈၼင်ႇႁိုဝ်။- 36တႃႇဝိတ်ႈၼၼ်ႉ ပႃးတင်းဝီႉၺိၺ်ႇဢၼ်မူတ်းၸၢင်ႇၸဝ်ႈသေလႄႈဝႃႈၸမ်ႉ၊ ထႃႇဝရႃႉၽြႃး လၢတ်ႈတီႈၸဝ်ႈၵဝ်ၶႃႈလႄႈဝႃႈ၊ ၸူဝ်ႈဢၼ်ၵဝ် ဢမ်ႇပႆႇဢဝ်ရၢၼ်ႇသူႇမႂ်းတင်းလၢႆ ၶျႃးဝႆႉႁႂ်ႈပဵၼ်တီႈတၢင်ႇတိၼ်မႂ်းၼၼ်ႉၸိုင်၊ ၼင်ႈယူႇၵႃႈတီႈၽၢႆႇၶႂႃၵဝ်တႃႉ၊ ဝႃႈၼင်ႇၼႆဢေႃႈ။- 37ပိူဝ်ႈၼႆလႄႈ ၸဝ်ႈၶရိၸ်ႈၼၼ်ႉ၊ ပေႃးတႃႇဝိတ်ႈႁွင်ႉဝႃႈ၊ ၸဝ်ႈႁဝ်း၊ ဝႃႈၼင်ႇၼႆၸိုင်၊ ပဵၼ်လုၵ်ႈမၼ်းၸိူဝ်ႉၼင်ႇႁိုဝ်။ မၼ်းၸဝ်ႈ ဝႃႈၼင်ႇၼႆဢေႃႈ။ ၵူၼ်းဢၼ်ၸူႉဢၼ်တုမ်ၼမ်ၼႃႇ မီးတင်းၸႂ်ဢၼ်သိူဝ်းဢၼ်ပျေႃႇ ထွမ်ႇငိၼ်းၵႂၢမ်းမၼ်းၸဝ်ႈဢေႃႈ။
ၸဝ်ႈယေႇသူႉႁႂ်ႈဝႄႈပႅတ်ႈသြႃႇမေႃၵျၢမ်း
(တူၺ်း၊ မၢတ်ႈ 23:1-36။ လူႉ 20:45-47)
38ၼႂ်းမိူဝ်ႈဢၼ် မၼ်းၸဝ်ႈသင်ႇသွၼ်သုင်းမႃႉပၼ်ယူႇ ၸိူဝ်ႉၼင်ႇၼၼ်ယူႇၼၼ်ႉၸိုင်၊ မၼ်းၸဝ်ႈသမ်ႉလၢတ်ႈထႅင်ႈလႄႈဝႃႈၸမ်ႉ၊ ဝႄႈပႅတ်ႈ ၵူၼ်းထုတ်ႇၵျၢမ်းတင်းလၢႆတႃႉ။ ၶဝ်ၼၼ်ႉ ထုၵ်ႇၸႂ်ၵျိူၵ်ႈၸႂ်တၢင်းဢၼ် ၼုင်ႈသိူဝ်ႈဢၼ်ယၢဝ်းသေလႄႈ ၵႂႃႇလႄႇၵႂႃႇလၢဝ်းလႂ်၊ တၢင်းဢၼ်ပိူၼ်ႈႁဵတ်းရူဝ်ႇသေႇၵူဝ်ယမ်လႄႈ တၵ်ႉလၢတ်ႈၵႃႈၼႂ်းၵၢတ်ႇလႂ်၊- 39တီႈၼင်ႈဢၼ်သုင်ဢၼ်မျၢတ်ႈ ၼႂ်းၸရွပ်ႈႁေႃးတြႃးလႂ်၊ တီႈဢိင်ဢၼ်လီဢၼ်မျၢတ်ႈ ၵႃႈႁိမ်းတီႈၵိၼ်ၵႃႈၼႂ်းပွႆးလႂ် ၸိူဝ်းၼၼ်ႉဢေႃႈ။- 40ၶဝ်ၼၼ်ႉ ၸၢင်ႈႁိမ်ႁူင်ႇသိမ်းပႅင်းၵိၼ်ႁိူၼ်းမႄႈမူၵ်းမႄႈမၢႆႈတင်းလၢႆလႄႈ ႁဵတ်းၼင်ႇႁၢင်ႈ ပဵၼ်ဢၼ်လီဢၼ်ငၢမ်းသေလႄႈ ဢဝ်တင်းၵႂၢမ်းဢၼ်ယၢဝ်းၼႃႇလူင်လၢင် သူးတွင်းဢေႃႈ။ ၶဝ်ၼၼ်ႉ ယဵင်ႈၶႅၼ်းတၵ်းလႆႈၶၢမ်ႇတၢမ်ႇဢၼ်ယႂ်ႇၼႃႇဢေႃႈ၊ ဝႃႈၼင်ႇၼႆဢေႃႈ။
တႃႇၼႃႉတၢင်းလူႇမႄႈမၢႆႈ
(တူၺ်း၊ လူႉ 21:1-4)
41လိုၼ်းၼၼ်ႉ မၼ်းၸဝ်ႈၼင်ႈယူႇ ၵႃႈတီႈၽၢႆႇပႃႈၼႃႈ တိူၵ်ႈၽၼ်ႇတႃႇၸဝ်ႈသေယဝ်ႉ၊ တူၺ်းၵူၼ်းဢၼ်ၸူႉဢၼ်တုမ်တင်းလၢႆ ဢဝ်ငိုၼ်းဢဝ်တွင်း သႂ်ႇၵႃႈၼႂ်းတိူၵ်ႈၽၼ်ႇတႃႇၸဝ်ႈယူႇၼၼ်ႉဢေႃႈ။ ၵူၼ်းမၢၵ်ႈၵူၼ်းမီးၼမ်ၼႃႇ ဢဝ်သႂ်ႇ ၼမ်ၼႃႇဢေႃႈ။- 42မႄႈမူၵ်းမႄႈမၢႆႈဢၼ်ၽၢၼ်ၵေႃႉၼိုင်ႈမႃးလႄႈ ဢဝ်တွင်းလႅင်သွင်ၶႅပ်း ဢၼ်ၵႃႈမၼ်း တူၵ်းပႅၵ်ႉသၢၼ်ႇ ၶႅပ်းၼိုင်ႈၸမ်ၸမ်ၼၼ်ႉ သႂ်ႇဢေႃႈ။- 43မၼ်းၸဝ်ႈႁွင်ႉဢဝ်တပႄးၸဝ်ႈတင်းလၢႆလႄႈလၢတ်ႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ မႄႈမူၵ်းမႄႈမၢႆႈဢၼ်ၽၢၼ်ၼႆႉ ယဵင်ႈၶႅၼ်းသႂ်ႇၼမ်ၼႃႇသေ ၶဝ်ၸိူဝ်းဢၼ် သႂ်ႇၵႃႈၼႂ်းတိူၵ်ႈၽၼ်ႇတႃႇၸဝ်ႈ တင်းသဵင်ႈတင်းလူင်ၼၼ်ႉဢေႃႈ။- 44လွင်ႈမၼ်းၸမ်ႉ ၶဝ်တင်းသဵင်ႈတင်းလူင် ၸိူဝ်းၼၼ်ႉ ၼုၵ်ႈဢဝ်ၵႃႈၼႂ်းၸေးၸိမ်ႇဢၼ် ၶဝ်မီးၼမ်ၼႃႇၼၼ်ႉသေလႄႈ သႂ်ႇဢေႃႈ။ မႄႈယိင်းၼႆႉၸမ်ႉ၊ ၼုၵ်ႈဢဝ် ၵႃႈၼႂ်းတၢင်းၽၢၼ်မၼ်းသေလႄႈ ဢဝ်ပုၼ်ႈဢၼ်တၵ်းလဵင်ႉဢသၢၵ်ႈ ၵႃႈဢၼ်မၼ်းမီးၼၼ်ႉ သႂ်ႇယဝ်ႉ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
မႃႇၵူႉ 12: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မႃႇၵူႉ 12
12
ၵႂၢမ်းဢူႉပမႃႇလွင်ႈၵူၼ်းႁဵတ်းသူၼ်
(တူၺ်း၊ မၢတ်ႈ 21:33-46။ လူႉ 20:9-19)
1မိူဝ်ႈၼၼ်ႉ မၼ်းၸဝ်ႈ ဢဝ်ၵႂၢမ်းဢူႉပမႃႇ လၢတ်ႈတီႈၶဝ်ၼၼ်ႉလႄႈဝႃႈၸမ်ႉ၊ ၵူၼ်းၵေႃႉၼိုင်ႈ ၽုၵ်ႇသူၼ်မၢၵ်ႇၸပိတ်ႈလႄႈ ႁဵတ်းႁူဝ်ႉလွမ်ႉႁွပ်ႈဝႆႉ၊ ၶုတ်းႁၢင်းတီႈဢၼ်တၵ်းယဵပ်ႇမၢၵ်ႇၸပိတ်ႈလႄႈ ပူၵ်းထဵင်လၢင်းဝႆႉယဝ်ႉၸင်ႇ၊ ၶၢတ်ႈပၼ်သူၼ်ၼၼ်ႉ တီႈၶဝ်ၸိူဝ်းဢၼ်ႁဵတ်းသူၼ်တင်းလၢႆလႄႈ ၵႂႃႇတၢင်ႇဝၢၼ်ႈတၢင်ႇမိူင်းသေဢေႃႈ။- 2မိူဝ်ႈဢၼ်ၶိင်ႇမၼ်းႁွတ်ႈထိုင်ၸိုင်၊ မၼ်းပွႆႇၸႂ်ႉၵူၼ်းဢွၼ်ႇၵႂႃႇၵႃႈတီႈဢၼ် ၶဝ်ၸိူဝ်းဢၼ်ႁဵတ်းသူၼ်ၼၼ်ႉ မီးၼၼ်ႉႁႂ်ႈလႆႈၶၢမ်ႇဢဝ်မၢၵ်ႇၸပိတ်ႈၵႃႈၼႂ်းသူၼ်ၼၼ်ႉ ၵႃႈတီႈၶဝ်ၸိူဝ်းဢၼ် ႁဵတ်းသူၼ်ၼၼ်ႉဢေႃႈ။- 3ၶဝ်ၼၼ်ႉ တီႉဢဝ်ၵူၼ်းဢွၼ်ႇၼၼ်ႉလႄႈ ပေႃႉယႅၼ်ႉယဝ်ႉၸင်ႇ၊ ပွႆႇပႅတ်ႈတိၼ်လၢႆမိုဝ်းပဝ်ႇသေဢေႃႈ။- 4လိုၼ်းၼၼ်ႉ မၼ်းသမ်ႉပွႆႇၸႂ်ႉၵူၼ်းဢွၼ်ႇတၢင်ႇၵေႃႉ ၵႂႃႇၵႃႈတီႈ ဢၼ်ၶဝ်မီးၼၼ်ႉထႅင်ႈသေယဝ်ႉ၊ ၶဝ်ၼၼ်ႉ ဢဝ်မၢၵ်ႇႁိၼ်ထိမ်ႈၸပ်းႁူဝ်မၼ်းလႄႈ ယႃႉသရေႇမၼ်းယဝ်ႉၸင်ႇ၊ ပွႆႇပႅတ်ႈသေဢေႃႈ။- 5မၼ်းသမ်ႉပွႆႇၸႂ်ႉၵူၼ်းဢွၼ်ႇတၢင်ႇၵေႃႉ ၵႂႃႇထႅင်ႈသေယဝ်ႉ၊ ၶဝ်ဢဝ်မၼ်းတၢႆသေဢေႃႈ။ ၼႂ်းၵူၼ်းဢွၼ်ႇတၢင်ႇၵေႃႉၼမ်ၼႃႇ၊ ၶဝ်ပေႃႉယႅၼ်ႉၵမ်ႈၽွင်ႈဢေႃႈ။ ၶဝ်ဢဝ်တၢႆၵမ်ႈၽွင်ႈဢေႃႈ။- 6ပိူဝ်ႈဢၼ် မၼ်းယင်းမီးလုၵ်ႈၸၢႆးဢၼ်ႁၵ်ႉၼႃႇ တီႈတူဝ်ၸဝ်ႈၵဝ်ႇၼၼ်ႉ ၵေႃႉၼိုင်ႈၵူၺ်းလႄႈ မၼ်းပွႆႇၸႂ်ႉလုၵ်ႈၸၢႆးတူဝ်ၸဝ်ႈၵဝ်ႇၼၼ်ႉၵႂႃႇ ပွၵ်ႈလိုၼ်းလင်သုတ်းလႄႈဝႃႈ၊ ၶဝ်ၼၼ်ႉ တၵ်းဢႃးၼႃႇလုၵ်ႈၸၢႆးၵဝ်ဢေႃႈ၊ ဝႃႈၼင်ႇၼႆဢေႃႈ။- 7ၶဝ်ၸိူဝ်းဢၼ် ႁဵတ်းသူၼ်ၼၼ်ႉၵေႃႉၼိုင်ႈလႄႈၵေႃႉၼိုင်ႈ တိူင်ႇပၢင်ႇလၢတ်ႈၸႃၵၼ်လႄႈဝႃႈ၊ ၵေႃႉၼႆႉပဵၼ်ၵေႃႉဢၼ်ၶၢမ်ႇဢမူၺ်ႇဢေႃႈ။ မႃးလႄႈ ဢဝ်မၼ်းတၢႆတႃႉႁဝ်း။ ႁဝ်းတၵ်းလႆႈဢမူၺ်ႇမၼ်းဢေႃႈ၊ ဝႃႈၼင်ႇၼႆသေလႄႈ၊- 8တီႉဢဝ်မၼ်း ယဝ်ႉၸင်ႇ၊ ဢဝ်တၢႆလႄႈ ဢဝ်ဢွၵ်ႇပႅတ်ႈၵႃႈၼွၵ်ႈသူၼ်သေဢေႃႈ။- 9ပေႃးပဵၼ်ၸိူဝ်ႉၼင်ႇၼႆၸိုင်၊ ၸဝ်ႈသူၼ်တၵ်းႁဵတ်းၸိူဝ်ႉၼင်ႇႁိုဝ်။ မၼ်းတၵ်းမႃးလႄႈ ယႃႉပႅတ်ႈၽဵဝ်ႈပႅတ်ႈၶဝ်ၸိူဝ်းဢၼ် ႁဵတ်းသူၼ်ၼၼ်ႉယဝ်ႉၸင်ႇ၊ တၵ်းဢဝ်သူၼ်ၼၼ်ႉ ပၼ်တီႈပိူၼ်ႈတၢင်ႇၵေႃႉဢေႃႈ။- 10သူဢမ်ႇယၢမ်ႈလႆႈၽတ်းၵႂၢမ်းၼႂ်းၵျၢမ်းလိၵ်ႈဢၼ်ဝႃႈ မၢၵ်ႇႁိၼ်ဢၼ်ၶဝ်ၸိူဝ်းဢၼ် ႁဵတ်းတိူၵ်ႈပႅတ်ႈဝႆႉၼၼ်ႉ ၵမ်းလိုၼ်း ပဵၼ်ႁူဝ်ၸဵင်ႇတိူၵ်ႈဢေႃႈ။- 11လွင်ႈတီႈႁဵင်းၼႆႉ ပဵၼ်တီႈဢၼ် ထႃႇဝရႃႉၽြႃးႁဵတ်းဝႆႉဢေႃႈ။ ၵႃႈတႂ်ႈတႃႁဝ်းၼႆႉၵေႃႈ ပဵၼ်ဢၼ်လီဢၢမ်းဢေႃႈ၊ ဝႃႈၼင်ႇၼႆၼၼ်ႉႁိုဝ်။- 12ၶဝ်ၼၼ်ႉ ပိူဝ်ႈဢၼ်ႁူႉလွင်ႈဢၼ်မၼ်းၸဝ်ႈႁေႃးလၢတ်ႈ ၵႂၢမ်းဢူႉပမႃႇ တႅၵ်ႈၶဝ်ၼၼ်ႉလႄႈ ၵျၢမ်ႇႁႃႁႂ်ႈလႆႈတီႉဢဝ်မၼ်းၸဝ်ႈဢေႃႈ။ ၼႂ်းဝႃႈၼၼ်သေၵေႃႈ ပိူဝ်ႈဢၼ်ၶဝ်ၵူဝ်ၵူၼ်းဢၼ်ၸူႉဢၼ်တုမ်တင်းလၢႆလႄႈ၊ ဢွၵ်ႇၵႂႃႇသေၵႃႈတီႈမၼ်းၸဝ်ႈၼၼ်ႉဢေႃႈ။
လွင်ႈထၢမ်းၶွၼ်ႇ
(တူၺ်း၊ မၢတ်ႈ 22:15-22။ လူႉ 20:20-26)
13လိုၼ်းၼၼ်ႉၸင်ႇ၊ ၶဝ်ပွႆႇၸႂ်ႉ ၽႃႇရီႉသႄး ဢိၵ်ႇတင်းတပႄးႁေႇရူတ်ႈၵမ်ႈၽွင်ႈ ၵႂႃႇတီႈမၼ်းၸဝ်ႈ ႁႂ်ႈလႆႈဢဝ်တင်းၵႂၢမ်းၵၢင်ဢဝ်မၼ်းၸဝ်ႈဢေႃႈ။- 14ၶဝ်ၼၼ်ႉ သုတ်ႉၸပ်းသုတ်ႉၸူးသေလႄႈ လဝ်ႊထၢမ်လႄႈဝႃႈ၊ သြႃႇၸဝ်ႈ၊ ႁဝ်းၶႃႈႁူႉလွင်ႈဢၼ် ၸဝ်ႈႁဝ်းမီးသဵတ်ႈၸႃႇယူႇ၊ လွင်ႈဢၼ်ၸဝ်ႈႁဝ်း ဢမ်ႇၵူဝ်ၽူႈလႂ်သေၵေႃႉသေၵူၼ်း၊ လွင်ႈဢၼ်ၸဝ်ႈႁဝ်းယင်းဢမ်ႇထွၵ်ႈလူၺ်ႈၼႃႈၵူၼ်းလႄႈ ၼႄပျႃးသဵၼ်ႈတၢင်းၽြႃးပဵၼ်ၸဝ်ႈ ၸိုဝ်ႈၸိုဝ်ႈၸႂ်ႈၸႂ်ႈၼၼ်ႉယူႇၶႃႈဢေႃႈ။ ထုၵ်ႇလီပၼ်ၶွၼ်ႇတီႈၶုၼ်ႁေႃၶမ်းၵေႇသႃႇၶႃႈႁိုဝ်။ ဢမ်ႇထုၵ်ႇလီပၼ်ၶႃႈႁိုဝ်။ တၵ်းလႆႈပၼ်ၶႃႈႁိုဝ်။ တၵ်းဢမ်ႇလႆႈပၼ်ၶႃႈႁိုဝ်။ ဝႃႈၼင်ႇၼႆဢေႃႈ။- 15မၼ်းၸဝ်ႈႁူႉႁၼ် တၢင်းဢၼ်ၵူတ်ႉဢၼ်လိင်ႇၶဝ်ၼၼ်ႉ ယူႇလႄႈလၢတ်ႈဝႃႈ၊ ႁဵတ်းသင်လႄႈ သူၸၢမ်းတူၺ်းယႃႉယူၵ်ႉၵဝ်ၼင်ႇႁိုဝ်။ ပုၼ်ႈဢၼ်ၵဝ်တၵ်းလႆႈတူၺ်းၸိုင်၊ ဢဝ်တေႇၼႃႇရီႇၶႅပ်းၼိုင်ႈမႃးတႃႉ၊ မိူဝ်ႈဢၼ်ဝႃႈၼင်ႇၼႆၸိုင်၊- 16ၶဝ်ၼၼ်ႉ ဢဝ်မႃးဢေႃႈ။ မၼ်းၸဝ်ႈၵေႃႈထၢမ်လႄႈဝႃႈ၊ ႁၢင်ႈၼႆႉ၊ လိၵ်ႈၼႆႉၸမ်ႉ ပဵၼ်ႁၢင်ႈၽူႈလႂ်၊ ပဵၼ်လိၵ်ႈၽူႈလႂ်၊ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၼၼ်ႉ လဝ်ႊလၢတ်ႈလႄႈဝႃႈ၊ ပဵၼ်ႁၢင်ႈပဵၼ်လိၵ်ႈၶုၼ်ႁေႃၶမ်းၵေႇသႃႇၶႃႈဢေႃႈ၊ ဝႃႈၼင်ႇၼႆဢေႃႈ။- 17ယေႇသူႉၵေႃႈ လၢတ်ႈလႄႈဝႃႈ၊ ဢဝ်ၶွင်ၶုၼ်ႁေႃၶမ်းၵေႇသႃႇ ပၼ်တီႈၶုၼ်ႁေႃၶမ်းၵေႇသႃႇတႃႉ။ ၶွင်ၽြႃးပဵၼ်ၸဝ်ႈၵေႃႈ ဢဝ်ပၼ်တီႈၽြႃးပဵၼ်ၸဝ်ႈတႃႉ၊ ဝႃႈၼင်ႇၼႆဢေႃႈ။ ၶဝ်ဢၢမ်းမၼ်းၸဝ်ႈၼႃႇလူင်လၢင်ဢေႃႈ။
လွင်ႈလုၵ်ႉၶိုၼ်းလိပ်း
(တူၺ်း၊ မၢတ်ႈ 22:23-33။ လူႉ 20:27-40)
18 ၸတ်ႉတူႉၵႄးဢၼ်ဝႃႈ၊ တၢင်းဢၼ်လုၵ်ႉၶိုၼ်းလိပ်းဢမ်ႇမီး၊ ဝႃႈၼင်ႇၼႆၸိူဝ်းၼၼ်ႉ သုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈ လဝ်ႊထၢမ်လႄႈဝႃႈ၊- 19သြႃႇၸဝ်ႈ၊ မူဝ်းသေႇ ၸီႇယၢင်ႇတႅမ်ႈဝႆႉတီႈႁဝ်းၶႃႈလႄႈဝႃႈ၊ ပေႃးပီႈၸၢႆးယင်းဢမ်ႇမီးလုၵ်ႈမီးလၢင်းတၢႆၵႂႃႇလႄႈ မေးမၼ်းၵိုတ်းဝႆႉယူႇၸိုင်၊ ၼွင်ႉၸၢႆးမၼ်းတၵ်းလႆႈသိမ်းဢဝ် မေးမၼ်းၼၼ်ႉသေလႄႈ ႁႂ်ႈၸိူဝ်ႉၶိူဝ်းပီႈၸၢႆးမၼ်း သိုပ်ႇၵႂႃႇဢမ်ႇၶၢတ်ႇ၊ ဝႃႈၼင်ႇၼႆဝႆႉတီႈႁဝ်းၶႃႈယဝ်ႉၶႃႈယဝ်ႉ။- 20မီးပီႈၼွင်ႉၸဵတ်းၵေႃႉၶႃႈဢေႃႈ။ ပီႈၸၢႆးၵေႃႉယႂ်ႇဢဝ်မေးလႄႈ ယင်းဢမ်ႇမီးလုၵ်ႈမီးလၢင်း၊ တၢႆၵႂႃႇၶႃႈဢေႃႈ။- 21ၼွင်ႉၸၢႆးမၼ်းၵေႃႉယႂ်ႇ သိမ်းဢဝ်မေးမၼ်းၼၼ်ႉလႄႈ ယင်းဢမ်ႇမီးလုၵ်ႈမီးလၢင်း သမ်ႉတၢႆၵႂႃႇၶႃႈဢေႃႈ။- 22မိူၼ်ၼင်ႇၼၼ် ၸႃႉၸဵမ်ၵေႃႉတႃႉတီႉယႃႉၵေႃႉၼိုင်ႈယဝ်ႉၵေႃႉၼိုင်ႈ ၶဝ်ပီႈၼွင်ႉၸဵတ်းၵေႃႉ ဢဝ်မႄႈယိင်းၼၼ်ႉလႄႈ လုၵ်ႈလၢင်းဢမ်ႇၵိုတ်းဝႆႉၶႃႈ။ လိုၼ်းၼၼ်ႉ မႄႈယိင်းၼၼ်ႉၵေႃႈ တၢႆၵႂႃႇၶႃႈဢေႃႈ။- 23ပိူဝ်ႈၼႆလႄႈ ၼႂ်းၶိင်ႇၵႃႇလႃႉဢၼ်တၵ်းလႆႈလုၵ်ႉၶိုၼ်းၼၼ်ႉ၊ မိူဝ်ႈဢၼ်ၶဝ်လုၵ်ႉမႃးၸိုင်၊ မႄႈယိင်းၼၼ်ႉ တၵ်းပဵၼ်မေးၽူႈလႂ်ၶႃႈ။ ၶဝ်ၸဵတ်းၵေႃႉ လႆႈဢဝ်မႄႈယိင်းၼၼ်ႉ ၼင်ႇၵၼ်ယဝ်ႉၶႃႈဢေႃႈ၊ ဝႃႈၼင်ႇၼႆဢေႃႈ။- 24ယေႇသူႉၵေႃႈ ၶိုၼ်းလၢတ်ႈလႄႈဝႃႈ၊ ပိူဝ်ႈဢၼ်သူဢမ်ႇႁူႉၵျၢမ်းလိၵ်ႈ ဢိၵ်ႇတင်းတၼ်းၶူဝ်းၽြႃးပဵၼ်ၸဝ်ႈလႄႈ သူၽိတ်းပိူင်ႈဢမ်ႇၸႂ်ႈႁိုဝ်။- 25လွင်ႈမၼ်းၸမ်ႉ မိူဝ်ႈဢၼ်လုၵ်ႉၵႃႈတၢင်းတၢႆၶိုၼ်းလိပ်းၼၼ်ႉၸိုင်၊ ဢမ်ႇၸၢင်ႈႁဵတ်းတၢင်းဢၼ်ဢဝ်မေး၊ တၢင်းဢၼ်ဢဝ်ဢၢပ်ႈပၼ်ၵၼ်လႄႈ ပဵၼ်ၸိူဝ်ႉၼင်ႇတမၢၼ်ႇၵၢင်ႁၢဝ်တင်းလၢႆၼၼ်ႉဢေႃႈ။- 26လိူဝ်သေၼၼ်ႉ၊ လွင်ႈဢၼ်ၶဝ်ၸိူဝ်းဢၼ်တၢႆယဝ်ႉတင်းလၢႆ တၵ်းလုၵ်ႉၶိုၼ်းၼၼ်ႉၸိုင်၊ သူဢမ်ႇယၢမ်ႈလႆႈၽတ်းၼႂ်း ၵျၢမ်းမူဝ်းသေႇၵႃႈတီႈပုၵ်ႈဢၼ် လၢတ်ႈလူၺ်ႈလွင်ႈယုမ်းမႆႉၼၼ်ႉ ဢၼ်ဝႃႈ လွင်ႈဢၼ်ၽြႃးပဵၼ်ၸဝ်ႈမီးဢမိင်ႉတီႈမၼ်းလႄႈဝႃႈ၊ ၵဝ်ပဵၼ်ၽြႃးဢႃႇပြႃႇႁၢမ်ႇ၊ ၽြႃးဢီႉၸၢၵ်ႈ၊ ၽြႃးယႃႇၵုပ်ႈဢေႃႈ၊ ဝႃႈၼင်ႇၼႆၼၼ်ႉႁိုဝ်။- 27ၽြႃးပဵၼ်ၸဝ်ႈ ပဵၼ်ၽြႃးၶဝ်ၸိူဝ်းဢၼ် တၢႆယဝ်ႉဢမ်ႇၸႂ်ႈ၊ ပဵၼ်ၽြႃးၶဝ်ၸိူဝ်းဢၼ်ဢသၢၵ်ႈလိပ်းယူႇဢေႃႈ။ ပိူဝ်ႈၼႆလႄႈ သူၽိတ်းပိူင်ႈၼႃႇလူင်လၢင်ဢေႃႈ၊ ဝႃႈၼင်ႇၼႆဢေႃႈ။
ပိင်းၺၢပ်ႈတြႃးဢၼ်ယႂ်ႇမျၢတ်ႈ
(တူၺ်း၊ မၢတ်ႈ 22:34-40။ လူႉ 10:25-28)
28ၵူၼ်းထုတ်ႇၵျၢမ်းၵေႃႉၼိုင်ႈ မိူဝ်ႈဢၼ်ငိၼ်းၶဝ်လၢတ်ႈၸႃ ထဵင်ၵၼ်ယူႇၸိူဝ်ႉၼင်ႇၼၼ်ႉလႄႈ ႁူႉႁၼ်လွင်ႈဢၼ် မၼ်းၸဝ်ႈၶိုၼ်းလၢတ်ႈပၼ် လီလီငၢမ်းငၢမ်းၼၼ်ႉၸိုင်၊ သုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈ လဝ်ႊထၢမ်လႄႈဝႃႈ၊ ၼႂ်းပိင်းၺၢပ်ႈၵႃႈမီးတင်းသဵင်ႈတင်းလူင်ၼၼ်ႉ၊ ပိင်းၺၢပ်ႈဢၼ်လႂ် ယဵင်ႈၶႅၼ်းယႂ်ႇမျၢတ်ႈၼႃႇသေပိူၼ်ႈၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 29ယေႇသူႉၶိုၼ်းလၢတ်ႈလႄႈဝႃႈ၊ ၼႂ်းပိင်းၺၢပ်ႈၵႃႈမီး တင်းသဵင်ႈတင်းလူင်ၼၼ်ႉ၊ ပိင်းၺၢပ်ႈဢၼ်ယႂ်ႇမျၢတ်ႈၼႃႇသေပိူၼ်ႈၸမ်ႉ၊ မဵဝ်းဢီႉသရေႇလႃႉဢိူၺ်း၊ ထွမ်ႇငိၼ်းတႃႉ။ ထႃႇဝရႃႉၽြႃး ပဵၼ်ၽြႃးပဵၼ်ၸဝ်ႈႁဝ်းဢေႃႈ။ ထႃႇဝရႃႉၽြႃး ပဵၼ်သူႇလဵဝ်ၵူၺ်းဢေႃႈ။- 30ၽြႃးပဵၼ်ၸဝ်ႈမႂ်း ထႃႇဝရႃႉၽြႃးၸိုင်၊ မႂ်းတၵ်းလႆႈပႃးတင်းႁူဝ်ၸႂ်သဵင်ႈသဵင်ႈ၊ တင်းဝီႉၺိၺ်ႇသဵင်ႈသဵင်ႈ၊ တင်းၺၢၼ်ႇၵႃႈဢၼ်မီးတင်းသဵင်ႈတင်းလူင်၊ တင်းၵႃႈဢၼ်ၵတ်ႉဢၼ်ၶၼ် တင်းသဵင်ႈတင်းလူင်သေလႄႈ ႁၵ်ႉဢေႃႈဝႃႈၼႆ၊ ပိင်းၺၢပ်ႈဢၼ်ဝႃႈၼင်ႇၼႆၼၼ်ႉ ပဵၼ်ပထမႃႉ ပိင်းၺၢပ်ႈဢေႃႈ။- 31လိူဝ်သေၼၼ်ႉ တူႉတီႉယႃႉပိင်းၺၢပ်ႈဢၼ်ဝႃႈ၊ ၵေႃႉဢၼ်ၸၢပ်ႈသႅင်ႇၵၼ်တင်း တူဝ်ၸဝ်ႈၵဝ်ႇၼၼ်ႉၸိုင် မႂ်းတၵ်းလႆႈႁၵ်ႉမိူၼ်ၸိူဝ်ႉၼင်ႇ တူဝ်ၸဝ်ႈၵဝ်ႇဢေႃႈ၊ ဝႃႈၼင်ႇၼႆၼၼ်ႉ မိူၼ်ၸိူဝ်ႉၼင်ႇ ပထမႃႉပိင်းၺၢပ်ႈဢေႃႈ။ ပိင်းၺၢပ်ႈဢၼ်ယႂ်ႇမျၢတ်ႈၼႃႇသေပိင်းၺၢပ်ႈၸိူဝ်းၼႆႉ ဢမ်ႇမီးယဝ်ႉ၊ ဝႃႈၼင်ႇၼႆဢေႃႈ။- 32ၵူၼ်းထုတ်ႇၵျၢမ်းၼၼ်ႉၵေႃႈ လဝ်ႊလၢတ်ႈလႄႈဝႃႈ၊ လီၶႃႈယဝ်ႉ။ သြႃႇၸဝ်ႈ၊ ၸဝ်ႈႁဝ်းလၢတ်ႈပၼ် ၸိုဝ်ႈၸိုဝ်ႈၸႂ်ႈၸႂ်ႈၶႃႈယဝ်ႉ။ ၽြႃးပဵၼ်ၸဝ်ႈ မီးသူႇလဵဝ်ၵူၺ်းၶႃႈဢေႃႈ။ လိူဝ်သေမၼ်းၸဝ်ႈၼၼ်ႉ၊ ၽြႃးပဵၼ်ၸဝ်ႈ တၢင်ႇတီႈတၢင်ႇပႃး ဢမ်ႇမီးၶႃႈ။- 33တၢင်းဢၼ်ပႃးတင်း ႁူဝ်ၸႂ်သဵင်ႈသဵင်ႈ၊ တင်းၺၢၼ်ႇၵႃႈဢၼ်မီး တင်းသဵင်ႈတင်းလူင်၊ တင်းဝီႉၺိၺ်ႇသဵင်ႈသဵင်ႈ၊ တင်းၵႃႈဢၼ်ၵတ်ႉဢၼ်ၶၼ် တင်းသဵင်ႈတင်းလူင်သေလႄႈ ႁၵ်ႉမၼ်းၸဝ်ႈ၊ ဢိၵ်ႇတင်းတၢင်းဢၼ်ႁၵ်ႉ ၵေႃႉဢၼ် ၸၢပ်ႈသႅင်ႇၵၼ်တင်းတူဝ်ၸဝ်ႈၵဝ်ႇ မိူၼ်ၸိူဝ်ႉၼင်ႇတူဝ်ၸဝ်ႈၵဝ်ႇၼၼ်ႉ ယဵင်ႈၶႅၼ်းမျၢတ်ႈလီၼႃႇသေ တၢင်းဢၼ်ပုၵ်ႈၸေႃႇ ၸႃႉၸဵမ်တူဝ်ယိတ်ႈတင်းလၢႆ ဢၼ်ဢဝ်ၽႆးတုတ်ႇ ဢိၵ်ႇတင်းယိတ်ႈၵူႈၸိူဝ်ႉၵူႈပိူင်ၼၼ်ႉၶႃႈဢေႃႈ၊ ဝႃႈၼင်ႇၼႆဢေႃႈ။- 34မိူဝ်ႈဢၼ် ယေႇသူႉႁူႉႁၼ် လွင်ႈဢၼ်မၼ်းဢဝ်တင်း ပိင်ႇၺႃႇသတီႉ ၶိုၼ်းလဝ်ႊလၢတ်ႈၸိူဝ်ႉၼင်ႇၼၼ်ၼၼ်ႉၸိုင် မၼ်းၸဝ်ႈလၢတ်ႈလႄႈဝႃႈ၊ မႂ်းၼႆႉ ဢမ်ႇၵႆၵၼ်တင်းမိူင်းၽြႃးပဵၼ်ၸဝ်ႈယဝ်ႉ၊ ဝႃႈၼင်ႇၼႆဢေႃႈ။ လိုၼ်းၼၼ်ႉ ၽူႈလႂ်ဢမ်ႇႁတ်းလဝ်ႊႁတ်းထၢမ်တီႈမၼ်းၸဝ်ႈ သေၵေႃႉသေၵူၼ်း။
ၸဝ်ႈၶရိၸ်ႈပဵၼ်ၸဝ်ႈၸိူဝ်ႉၼင်ႇႁိုဝ်
(တူၺ်း၊ မၢတ်ႈ 22:41-46။ လူႉ 20:41-44)
35မိူဝ်ႈၼၼ်ႉ ၼႂ်းမိူဝ်ႈဢၼ် ယေႇသူႉသင်ႇသွၼ်သုင်းမႃႉပၼ် ၵႃႈၼႂ်းပိၵ်ႈမၢၼ်ႇၸဝ်ႈယူႇၼၼ်ႉၸိုင်၊ မၼ်းၸဝ်ႈလၢတ်ႈလႄႈဝႃႈ၊ ၸဝ်ႈၶရိၸ်ႈ ပဵၼ်လုၵ်ႈ တႃႇဝိတ်ႈဢေႃႈဝႃႈၼႆ၊ ႁဵတ်းႁိုဝ်လႄႈ ၵူၼ်းထုတ်ႇၵျၢမ်းတင်းလၢႆ ဝႃႈၼင်ႇႁိုဝ်။- 36တႃႇဝိတ်ႈၼၼ်ႉ ပႃးတင်းဝီႉၺိၺ်ႇဢၼ်မူတ်းၸၢင်ႇၸဝ်ႈသေလႄႈဝႃႈၸမ်ႉ၊ ထႃႇဝရႃႉၽြႃး လၢတ်ႈတီႈၸဝ်ႈၵဝ်ၶႃႈလႄႈဝႃႈ၊ ၸူဝ်ႈဢၼ်ၵဝ် ဢမ်ႇပႆႇဢဝ်ရၢၼ်ႇသူႇမႂ်းတင်းလၢႆ ၶျႃးဝႆႉႁႂ်ႈပဵၼ်တီႈတၢင်ႇတိၼ်မႂ်းၼၼ်ႉၸိုင်၊ ၼင်ႈယူႇၵႃႈတီႈၽၢႆႇၶႂႃၵဝ်တႃႉ၊ ဝႃႈၼင်ႇၼႆဢေႃႈ။- 37ပိူဝ်ႈၼႆလႄႈ ၸဝ်ႈၶရိၸ်ႈၼၼ်ႉ၊ ပေႃးတႃႇဝိတ်ႈႁွင်ႉဝႃႈ၊ ၸဝ်ႈႁဝ်း၊ ဝႃႈၼင်ႇၼႆၸိုင်၊ ပဵၼ်လုၵ်ႈမၼ်းၸိူဝ်ႉၼင်ႇႁိုဝ်။ မၼ်းၸဝ်ႈ ဝႃႈၼင်ႇၼႆဢေႃႈ။ ၵူၼ်းဢၼ်ၸူႉဢၼ်တုမ်ၼမ်ၼႃႇ မီးတင်းၸႂ်ဢၼ်သိူဝ်းဢၼ်ပျေႃႇ ထွမ်ႇငိၼ်းၵႂၢမ်းမၼ်းၸဝ်ႈဢေႃႈ။
ၸဝ်ႈယေႇသူႉႁႂ်ႈဝႄႈပႅတ်ႈသြႃႇမေႃၵျၢမ်း
(တူၺ်း၊ မၢတ်ႈ 23:1-36။ လူႉ 20:45-47)
38ၼႂ်းမိူဝ်ႈဢၼ် မၼ်းၸဝ်ႈသင်ႇသွၼ်သုင်းမႃႉပၼ်ယူႇ ၸိူဝ်ႉၼင်ႇၼၼ်ယူႇၼၼ်ႉၸိုင်၊ မၼ်းၸဝ်ႈသမ်ႉလၢတ်ႈထႅင်ႈလႄႈဝႃႈၸမ်ႉ၊ ဝႄႈပႅတ်ႈ ၵူၼ်းထုတ်ႇၵျၢမ်းတင်းလၢႆတႃႉ။ ၶဝ်ၼၼ်ႉ ထုၵ်ႇၸႂ်ၵျိူၵ်ႈၸႂ်တၢင်းဢၼ် ၼုင်ႈသိူဝ်ႈဢၼ်ယၢဝ်းသေလႄႈ ၵႂႃႇလႄႇၵႂႃႇလၢဝ်းလႂ်၊ တၢင်းဢၼ်ပိူၼ်ႈႁဵတ်းရူဝ်ႇသေႇၵူဝ်ယမ်လႄႈ တၵ်ႉလၢတ်ႈၵႃႈၼႂ်းၵၢတ်ႇလႂ်၊- 39တီႈၼင်ႈဢၼ်သုင်ဢၼ်မျၢတ်ႈ ၼႂ်းၸရွပ်ႈႁေႃးတြႃးလႂ်၊ တီႈဢိင်ဢၼ်လီဢၼ်မျၢတ်ႈ ၵႃႈႁိမ်းတီႈၵိၼ်ၵႃႈၼႂ်းပွႆးလႂ် ၸိူဝ်းၼၼ်ႉဢေႃႈ။- 40ၶဝ်ၼၼ်ႉ ၸၢင်ႈႁိမ်ႁူင်ႇသိမ်းပႅင်းၵိၼ်ႁိူၼ်းမႄႈမူၵ်းမႄႈမၢႆႈတင်းလၢႆလႄႈ ႁဵတ်းၼင်ႇႁၢင်ႈ ပဵၼ်ဢၼ်လီဢၼ်ငၢမ်းသေလႄႈ ဢဝ်တင်းၵႂၢမ်းဢၼ်ယၢဝ်းၼႃႇလူင်လၢင် သူးတွင်းဢေႃႈ။ ၶဝ်ၼၼ်ႉ ယဵင်ႈၶႅၼ်းတၵ်းလႆႈၶၢမ်ႇတၢမ်ႇဢၼ်ယႂ်ႇၼႃႇဢေႃႈ၊ ဝႃႈၼင်ႇၼႆဢေႃႈ။
တႃႇၼႃႉတၢင်းလူႇမႄႈမၢႆႈ
(တူၺ်း၊ လူႉ 21:1-4)
41လိုၼ်းၼၼ်ႉ မၼ်းၸဝ်ႈၼင်ႈယူႇ ၵႃႈတီႈၽၢႆႇပႃႈၼႃႈ တိူၵ်ႈၽၼ်ႇတႃႇၸဝ်ႈသေယဝ်ႉ၊ တူၺ်းၵူၼ်းဢၼ်ၸူႉဢၼ်တုမ်တင်းလၢႆ ဢဝ်ငိုၼ်းဢဝ်တွင်း သႂ်ႇၵႃႈၼႂ်းတိူၵ်ႈၽၼ်ႇတႃႇၸဝ်ႈယူႇၼၼ်ႉဢေႃႈ။ ၵူၼ်းမၢၵ်ႈၵူၼ်းမီးၼမ်ၼႃႇ ဢဝ်သႂ်ႇ ၼမ်ၼႃႇဢေႃႈ။- 42မႄႈမူၵ်းမႄႈမၢႆႈဢၼ်ၽၢၼ်ၵေႃႉၼိုင်ႈမႃးလႄႈ ဢဝ်တွင်းလႅင်သွင်ၶႅပ်း ဢၼ်ၵႃႈမၼ်း တူၵ်းပႅၵ်ႉသၢၼ်ႇ ၶႅပ်းၼိုင်ႈၸမ်ၸမ်ၼၼ်ႉ သႂ်ႇဢေႃႈ။- 43မၼ်းၸဝ်ႈႁွင်ႉဢဝ်တပႄးၸဝ်ႈတင်းလၢႆလႄႈလၢတ်ႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ မႄႈမူၵ်းမႄႈမၢႆႈဢၼ်ၽၢၼ်ၼႆႉ ယဵင်ႈၶႅၼ်းသႂ်ႇၼမ်ၼႃႇသေ ၶဝ်ၸိူဝ်းဢၼ် သႂ်ႇၵႃႈၼႂ်းတိူၵ်ႈၽၼ်ႇတႃႇၸဝ်ႈ တင်းသဵင်ႈတင်းလူင်ၼၼ်ႉဢေႃႈ။- 44လွင်ႈမၼ်းၸမ်ႉ ၶဝ်တင်းသဵင်ႈတင်းလူင် ၸိူဝ်းၼၼ်ႉ ၼုၵ်ႈဢဝ်ၵႃႈၼႂ်းၸေးၸိမ်ႇဢၼ် ၶဝ်မီးၼမ်ၼႃႇၼၼ်ႉသေလႄႈ သႂ်ႇဢေႃႈ။ မႄႈယိင်းၼႆႉၸမ်ႉ၊ ၼုၵ်ႈဢဝ် ၵႃႈၼႂ်းတၢင်းၽၢၼ်မၼ်းသေလႄႈ ဢဝ်ပုၼ်ႈဢၼ်တၵ်းလဵင်ႉဢသၢၵ်ႈ ၵႃႈဢၼ်မၼ်းမီးၼၼ်ႉ သႂ်ႇယဝ်ႉ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship