မၢတ်ႈထႄႇ 3

တြႃးဢၼ်သြႃႇယူဝ်းႁၢၼ်ႇႁေႃး

(တူၺ်း၊ မႃႇ 1:1-8။ လူႉ 3:1-18။ ယူဝ်း 1:19-28)

1မိူဝ်ႈၵႃႇလႃႉယၢမ်းၼၼ်ႉ၊ ယူဝ်းႁၢၼ်ႇဢၼ်ပၼ်ပပ်ႉတီႉၸမ်ႇၼၼ်ႉ ပေႃႇမႃးသေယဝ်ႉ၊ ႁေႃးလၢတ်ႈၵႃႈတီႈၼႂ်းထိူၼ်ႇမိူင်းယူႉတႃႉလႄႈဝႃႈ၊- 2ပိူဝ်ႈဢၼ် မိူင်းၵၢင်ႁၢဝ်ၸမ်တၵ်းတႄႇပဵၼ်ယဝ်ႉလႄႈ ၶုၵ်းၸႂ်လႆႈမႆႈၸႂ်တႃႉ၊ ဝႃႈၼင်ႇၼႆဢေႃႈ။- 3ပရေႃးၽႅတ်ႈ ဢီႉသႃႇယႃႉႁေႃးလၢတ်ႈဝႆႉၸမ်ႉ၊ သဵင်ၵေႃႉဢၼ်ႁွင်ႉသႅၼ်ႇၵႃႈၼႂ်းထိူၼ်ႇလႄႈဝႃႈ၊ မႄးသဵၼ်ႈတၢင်းထႃႇဝရႃႉၽြႃးတႃႉ။ ႁႂ်ႈသဵၼ်ႈတၢင်းမၼ်းၸဝ်ႈသိုဝ်ႈတႃႉ၊ ဝႃႈၼင်ႇၼႆၼၼ်ႉ ၶႂ်ႈဝႃႈယူဝ်းႁၢၼ်ႇၼၼ်ႉဢေႃႈ။- 4ယူဝ်းႁၢၼ်ႇၼၼ်ႉ ၼုင်ႈၶူဝ်းဢၼ်ဢဝ်ၶူၼ်ၵလႃးဢုၵ်ႉတေႃးႁဵတ်းၼၼ်ႉ၊ ၵႃႈတီႈဢႅဝ် ႁတ်ႉတင်းသၢႆၼင်သေလႄႈ ၵိၼ်မႅင်းၵႅင်းတင်းၼမ်ႉၽိုင်ႈ ဢၼ်မီးၵႃႈၼႂ်းထိူၼ်ႇဢေႃႈ။- 5မိူဝ်ႈၼၼ်ႉ ၸႃႉၸဵမ်ၵူၼ်းဝဵင်း ယေႇရူႉသလႅမ်ႇ၊ ၵူၼ်းမိူင်းယူႉတႃႉ၊ ၵူၼ်းဢၼ်ယူႇႁိမ်းႁွမ်းၼမ်ႉႁွင်ႈယေႃးတၢၼ်ႇ တင်းသဵင်ႈတင်းလူင်ၸိူဝ်းၼၼ်ႉ ဢွၵ်ႇၵႂႃႇၸူးၵႃႈတီႈယူဝ်းႁၢၼ်ႇပုၼ်ႉလႄႈ၊- 6ၽုၺ်ႇၼႄဢပႅတ်ႈ တူဝ်ၸဝ်ႈၵဝ်ႇတင်းလၢႆသေယဝ်ႉ၊ ၶၢမ်ႇပပ်ႉတီႉၸမ်ႇ ၼႂ်းၼမ်ႉႁွင်ႈယေႃးတၢၼ်ႇဢေႃႈ။

7 ယူဝ်းႁၢၼ်ႇၼၼ်ႉ မိူဝ်ႈဢၼ်ႁၼ် ၽႃႇရီႉသႄး ဢိၵ်ႇတင်းၸတ်ႉတူႉၵႄးၼမ်ၼႃႇ ၶႂ်ႈၶၢမ်ႇပပ်ႉတီႉၸမ်ႇလႄႈမႃးၼၼ်ႉၸိုင်၊ လၢတ်ႈလႄႈဝႃႈ၊ ၸိူဝ်ႉၶိူဝ်းငူးႁၢႆႉၶဝ်ဢိူၺ်း၊ ၼင်ႇႁိုဝ်သူတၵ်းလႅၼ်ႈပၢႆႈသေၵႃႈတီႈၽေးတၢမ်ႇ ဢၼ်တၵ်းႁွတ်ႈမႃးၼၼ်ႉၸိုင်၊ ၽူႈလႂ်ပၼ်သတီႉတီႈသူ။- 8မၢၵ်ႇဢၼ်ၵိုင်ႇၵၼ်တင်း တၢင်းဢၼ်ၶုၵ်းၸႂ်လႆႈမႆႈၸႂ်ၸိုင် မၢၵ်ႇတႃႉ။- 9ဢႃႇပြႃႇႁၢမ်ႇ ပဵၼ်ပေႃႈၵဝ်ဝႃႈၼႆ ယႃႇပေထၢင်ႇပေဝႃႈၼႂ်းၸႂ်။ ၽြႃးပဵၼ်ၸဝ်ႈ ဢဝ်ၼႂ်းမၢၵ်ႇႁိၼ်ၸိူဝ်းၼႆႉ ဢွၵ်ႇၽၢၼ်ႇသၢင်းႁဵတ်းပဵၼ် လုၵ်ႈဢႃႇပြႃႇႁၢမ်ႇ လႆႈယူႇဢေႃႈ။- 10တေႃႈလဵဝ်ၼႆႉ ဢဝ်တင်းတႃမၢတ်ႇဝႆႉ ၵႃႈတီႈႁိမ်းႁၢၵ်ႈတူၼ်ႈမႆႉယူႇလႄႈ တူၼ်ႈဢၼ်ဢမ်ႇမၢၵ်ႇမၢၵ်ႇဢၼ်လီ ၵႃႈမီးတင်းသဵင်ႈတင်းလူင်ၸိုင် ၽၼ်းလူမ်ႉလႄႈ ၶျႃးသႂ်ႇၵႃႈၼႂ်းၽႆးဢေႃႈ၊ ဝႃႈၼင်ႇၼႆဢေႃႈ။- 11ၵဝ်ဢဝ်သူပၼ် ပပ်ႉတီႉၸမ်ႇၼႂ်းၼမ်ႉ ပုၼ်ႈလွင်ႈၼင်ႇႁိုဝ် တၵ်းၶုၵ်းၸႂ်လႆႈ မႆႈၸႂ်ဢေႃႈ။ ၵေႃႉဢၼ်မႃးလိုၼ်းၵဝ်ၼၼ်ႉ ယႂ်ႇမျၢတ်ႈၼႃႇသေၵဝ်ဢေႃႈ။ ၵဝ်ၼႆႉ ယင်းဢမ်ႇထိူၵ်ႈပႃးထိူၵ်ႈဢဝ် ၶႅပ်းတိၼ်ၵေႃႉၼၼ်ႉ။ ၵေႃႉၼၼ်ႉ ၼႂ်းဝီႉၺိၺ်ႇဢၼ်မူတ်းၸၢင်ႇၸဝ်ႈလႄႈသင်၊ ၼႂ်းၽႆးလႄႈသင်၊ တၵ်းဢဝ်သူပၼ် ပပ်ႉတီႉၸမ်ႇဢေႃႈ။- 12ၼႂ်းမိုဝ်းမၼ်းၸဝ်ႈၼၼ်ႉ မီးလူင်ႈၽတ်းယူႇသေလႄႈ တၵ်းႁႂ်ႈ တလၢင်းယဵပ်ႇၶဝ်ႈတူဝ်ၸဝ်ႈၵဝ်ႇမူတ်းသႂ်ဢေႃႈ။ ၶဝ်ႈၵျုင်ႇတူဝ်ၸဝ်ႈၵဝ်ႇၸမ်ႉ၊ တၵ်းဢဝ်ၸူႉဢဝ်သိမ်းဝႆႉၼႂ်းယွင်ၼႂ်းယေးလႄႈ ၶဝ်ႈလိပ်ႈၸမ်ႉ၊ တၵ်းဢဝ်တင်းၽႆး ဢၼ်ဢမ်ႇမွတ်ႇလႆႈၼၼ်ႉ တုတ်ႇပႅတ်ႈဢေႃႈ၊ ဝႃႈၼင်ႇၼႆဢေႃႈ။

13မိူဝ်ႈၼၼ်ႉ ယေႇသူႉလုၵ်ႉသေၵႃႈတီႈမိူင်းၵႃႇလီႉလႄး လူင်းမႃးၸူးၵႃႈတီႈယူဝ်းႁၢၼ်ႇ ႁိမ်းၼမ်ႉႁွင်ႈယေႃးတၢၼ်ႇ ႁႂ်ႈလႆႈၶၢမ်ႇပပ်ႉတီႉၸမ်ႇဢေႃႈ။- 14ယူဝ်းႁၢၼ်ႇၵေႃႈ ႁၢမ်ႈတၢပ်ႈႁႄႉၶႅၼ် ယေႇသူႉလႄႈဝႃႈ၊ ၵဝ်ၶႃႈမီးလွင်ႈဢၼ် တၵ်းလႆႈၶၢမ်ႇပပ်ႉတီႉၸမ်ႇၵႃႈတီႈၸဝ်ႈႁဝ်းလႄႈ ၸဝ်ႈႁဝ်းမႃးၵႃႈတီႈၵဝ်ၶႃႈၼႆႉၶႃႈႁိုဝ်။ ဝႃႈၼင်ႇၼႆဢေႃႈ။- 15ယေႇသူႉၵေႃႈၶိုၼ်းလၢတ်ႈလႄႈဝႃႈ၊ ပိူဝ်ႈဢၼ်ထုၵ်ႇလီၵမ်ၵျၢင်ႉတြႃး တင်းသဵင်ႈတင်းမူတ်းလႄႈ တေႃႈလဵဝ်ၼႆႉ ပၼ်ဢၶႂၢင်ႉသေၵမ်း၊ ဝႃႈၼင်ႇၼႆဢေႃႈ။ မိူဝ်ႈၼၼ်ႉ ယူဝ်းႁၢၼ်ႇႁပ်ႉတုင်းဢဝ်မၼ်းၸဝ်ႈဢေႃႈ။- 16ယေႇသူႉၶၢမ်ႇပပ်ႉတီႉၸမ်ႇသေယဝ်ႉ၊ ၼႂ်းမိူဝ်ႈဢၼ်လုၵ်ႉသေၵႃႈၼႂ်းၼမ်ႉ ဢွၵ်ႇမႃးၵမ်းလဵဝ်ယူႇၼၼ်ႉ၊ ၵၢင်ႁၢဝ်ၽုၺ်ႇပိုတ်ႇသေလႄႈ လႆႈႁၼ်ဝီႉၺိၺ်ႇ ၽြႃးပဵၼ်ၸဝ်ႈလူင်းမႃးၸပ်းၵႃႈၼိူဝ်မၼ်းၸဝ်ႈၸိူဝ်ႉၼင်ႇၼူၵ်ႉတူႈလႄႈ သဵင်ၸဝ်ႈပဵၼ်မႃးၵႃႈၼိူဝ်ၵၢင်ႁၢဝ်လႄႈဝႃႈ၊- 17ၵေႃႉၼႆႉၸမ်ႉ၊ ပဵၼ်လုၵ်ႈဢၼ်ၵဝ်ႁၵ်ႉၼႃႇ၊ တီႈဢၼ်ၵဝ်ထုၵ်ႇၸႂ်ၵျိူၵ်ႈၸႂ်ၼႃႇဢေႃႈ၊ ဝႃႈၼင်ႇၼႆဢေႃႈ။

നിലവിൽ തിരഞ്ഞെടുത്തിരിക്കുന്നു:

မၢတ်ႈထႄႇ 3: CBMS

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

သမ်ႇမႃႇၵျၢမ်းလိၵ်ႈ ထႃႇဝရႃႉၽြႂး നെക്കുറിച്ച് കൂടുതലറിയുക