မၢတ်ႈထႄႇ 14

သြႃႇယူဝ်းႁၢၼ်ႇလႆႈၶၢမ်ႇတၢႆ

(တူၺ်း၊ မႃႇ 6:14-29။ လူႉ 9:7-9)

1မိူဝ်ႈၼၼ်ႉ ၸဝ်ႈၽႃႉႁေႇရူတ်ႈငိၼ်းသတၢင်းသဵင်ၶၢဝ်ႇလွင်ႈယေႇသူႉလႄႈ လၢတ်ႈတီႈၵူၼ်းဢွၼ်ႇတူဝ်ၸဝ်ႈၵဝ်ႇတင်းလၢႆလႄႈဝႃႈ၊- 2ၵေႃႉၼႆႉၸမ်ႉ၊ ပဵၼ်ယူဝ်းႁၢၼ်ႇဢၼ်ပၼ် ပပ်ႉတီႉၸမ်ႇၼၼ်ႉဢေႃႈ။ မၼ်းလုၵ်ႉၵႃႈတၢင်းတၢႆၶိုၼ်းလိပ်းယဝ်ႉ။ ပိူဝ်ႈၼႆၸင်ႇ တၼ်းၶူဝ်းၼမ်ၼႃႇၼႆႉ ၸၢင်ႈႁဵတ်းပွင်ယူႇၵႃႈၼႂ်းမၼ်းဢေႃႈ၊ ဝႃႈၼင်ႇၼႆဢေႃႈ။- 3မိူဝ်ႈဢွၼ်တၢင်းၼၼ်ႉ ၶုၼ်လူင်ႁေႇရူတ်ႈၼၼ်ႉ တီႉမတ်ႉဢဝ်ယူဝ်းႁၢၼ်ႇၵွပ်ႈပိူဝ်ႈ ႁေႇရူဝ်းတီႉ မေးၼွင်ႉၸၢႆးမၼ်း ၽီႉလိပ်ႉပူႉၼၼ်ႉလႄႈ ၶင်ဝႆႉၵႃႈၼႂ်းထွင်ႇဢေႃႈ။- 4လွင်ႈမၼ်းၸမ်ႉ ယူဝ်းႁၢၼ်ႇလၢတ်ႈတီႈၶုၼ်လူင်ႁေႇရူတ်ႈလႄႈဝႃႈ၊ ၸဝ်ႈႁဝ်းဢမ်ႇလီသိမ်းဢဝ်မႄႈယိင်းၼၼ်ႉ၊ ဝႃႈၼင်ႇၼႆၼၼ်ႉယဝ်ႉ။- 5ပိၵ်ႉသမ်ႉမၼ်းၸဝ်ႈမီးဢလူဝ်ႇၶႂ်ႈဢဝ်ယူဝ်းႁၢၼ်ႇတၢႆသေၵေႃႈ မၼ်းၸဝ်ႈၵူဝ်ၵူၼ်းတင်းသဵင်ႈတင်းလူင်ဢေႃႈ။ လွင်ႈမၼ်းၸမ်ႉ ၶဝ်ၼၼ်ႉ ထၢင်ႇယူဝ်းႁၢၼ်ႇပဵၼ်ၸိူဝ်ႉၼင်ႇပရေႃးၽႅတ်ႈဢေႃႈ။

6ၼႂ်းမိူဝ်ႈဢၼ်ၶၢမ်ႇပွႆးဢၸႅၼ်ႇ ဝၼ်းဢၼ်ပဵၼ်ဝၼ်းၶုၼ်လူင်ႁေႇရူတ်ႈၵိူတ်ႇလဵင်ႉမႃးၼၼ်ႉယူႇၼၼ်ႉၸိုင် လုၵ်ႈယိင်းႁေႇရူဝ်းတီႉ ၵႃႈယူႇၵႃႈၼႂ်းၵၢင်ပွႆးလႄႈ ၶုၼ်လူင်ႁေႇရူတ်ႈ ထုၵ်ႇၸႂ်ၵျိူၵ်ႈၸႂ်ၼႃႇဢေႃႈ။- 7ၵွပ်ႈႁွႆးၼႆႉလႄႈ မၼ်းၸဝ်ႈၵိၼ်ႇလၢတ်ႈလႄႈဝႃႈ၊ ၵဝ်တၵ်းပၼ်ၵႃႈဢၼ်မႂ်းယွၼ်းဢေႃႈ၊ ဝႃႈၼင်ႇၼႆဢေႃႈ။- 8မႄႈယိင်းဢွၼ်ႇၵေႃႈ လဝ်ႊလၢတ်ႈၸွမ်းၵႃႈၼင်ႇဢၼ် မႄႈမၼ်းတိုၵ်းယူင်းၼၼ်ႉလႄႈဝႃႈ၊ ဢဝ်ႁူဝ်ယူဝ်းႁၢၼ်ႇ ဢၼ်ပၼ်ပပ်ႉတီႉၸမ်ႇၼၼ်ႉ သႂ်ႇၼႂ်းလၢင်ႇပၢၼ်း#14:8 လၢင်ႇပၢၼ်း ၶႂ်ႈဝႃႈ ပၢၼ်ႉသေလႄႈ ပၼ်တီႈၵဝ်ၶႃႈၵႃႈတီႈၼႆႈသေၵမ်းတီႈၶႃႈ၊ ဝႃႈၼင်ႇၼႆဢေႃႈ။- 9ၶုၼ်လူင်ၼၼ်ႉ ပိၵ်ႉသမ်ႉၸႂ်လဵၵ်ႉၼႃႇသေၵေႃႈ ၵွပ်ႈပိူဝ်ႈတၢင်းဢၼ်မၼ်းၸဝ်ႈ လႆႈၵိၼ်ႇလႆႈဝႃႈ ဢိၵ်ႇတင်းၵွပ်ႈပိူဝ်ႈၶဝ်ၸိူဝ်းဢၼ် ဢိင်ယူႇၵႃႈတီႈႁိမ်းတီႈၵိၼ်လူၺ်ႈၵၼ်တင်းမၼ်းၸဝ်ႈၼၼ်ႉလႄႈ မီးဢမိင်ႉႁႂ်ႈပၼ်လႄႈ- 10ပွႆႇၸႂ်ႉၵႂႃႇတႅပ်းဢဝ်ႁူဝ်ယူဝ်းႁၢၼ်ႇ ၵႃႈၼႂ်းထွင်ႇဢေႃႈ။- 11ၶဝ်ဢဝ်ႁူဝ်မၼ်းသႂ်ႇ ၵႃႈၼႂ်းလၢင်ႇပၢၼ်းမႃးလႄႈ ပၼ်တီႈမႄႈယိင်းဢွၼ်ႇယဝ်ႉၸင်ႇ မၼ်းၵေႃႈဢဝ်ၵႂႃႇၸူးၵႃႈတီႈမႄႈမၼ်းဢေႃႈ။- 12တပႄးယူဝ်းႁၢၼ်ႇတင်းလၢႆၵေႃႈ မႃးဢဝ်တူဝ်တၢႆမၼ်းလႄႈ သၢင်းၵျူဝ်ႇယဝ်ႉၸင်ႇ ၵႂႃႇလဝ်ႊလၢတ်ႈတီႈယေႇသူႉဢေႃႈ။

ၸဝ်ႈယေႇသူႉလဵင်ႉလူၵူၼ်းႁႃႈႁဵင်

(တူၺ်း၊ မႃႇ 6:30-44။ လူႉ 9:10-17။ ယူဝ်း 6:1-14)

13 ယေႇသူႉႁူႉငိၼ်းသေယဝ်ႉ ဢွၵ်ႇသေၵႃႈတီႈၼၼ်ႈလႄႈ ၶီႇႁိူဝ်းၵႂႃႇၵႃႈတီႈၼႂ်းထိူၼ်ႇ တီႈဢၼ်ပိူၼ်ႈဢမ်ႇမီးၼၼ်ႉဢေႃႈ။ မိူဝ်ႈဢၼ်ၵူၼ်းဢၼ်ၸူႉဢၼ်တုမ်ငိၼ်းၸိုင် ၶဝ်ဢွၵ်ႇသေၵႃႈတီႈၼႂ်းဝဵင်းၸိူဝ်းၼၼ်ႉလႄႈ ပႆတိၼ်ၸွမ်းမၼ်းၸဝ်ႈၵႂႃႇဢေႃႈ။

14မၼ်းၸဝ်ႈဢွၵ်ႇၵႂႃႇလႄႈ ထူပ်းႁၼ်ၵူၼ်းဢၼ်ၸူႉဢၼ်တုမ်ၼမ်ၼႃႇ ၸိူဝ်းၼၼ်ႉသေယဝ်ႉ၊ မီးၸႂ်ဢၼ်ဢဵတ်းလူၶဝ်လႄႈ ႁႂ်ႈၵူၼ်းၶႆႈၵူၼ်းပဵၼ် ၵႃႈမီးတင်းသဵင်ႈတင်းလူင်ၶႅၼ်းမႃးဢေႃႈ။

15မိူဝ်ႈဢၼ်ႁွတ်ႈထိုင်ၶိင်ႇႁူဝ်ၶမ်ႈၸိုင် တပႄးၸဝ်ႈတင်းလၢႆ သုတ်ႉၸပ်းသုတ်ႉၸူးတီႈမၼ်းၸဝ်ႈလႄႈ လဝ်ႊလၢတ်ႈဝႃႈ၊ ၵႃႈတီႈၼႆႈပဵၼ်တီႈထိူၼ်ႇၶႃႈဢေႃႈ။ ၶိင်ႇၵေႃႈသဵင်ႈတေႃႈလဵဝ်ၶႃႈယဝ်ႉ။ ၼင်ႇႁိုဝ်ၵူၼ်းဢၼ်ၸူႉဢၼ်တုမ်ၸိူဝ်းၼႆႉ တၵ်းလႆႈၵႂႃႇၵႃႈတီႈဝၢၼ်ႈတင်းလၢႆလႄႈ သိုဝ်ႉဢဝ်တၢင်းၵိၼ်ၸိုင်၊ ၸဝ်ႈႁဝ်းပွႆႇၵႂႃႇသေၵမ်းၶႃႈ၊ ဝႃႈၼင်ႇၼႆဢေႃႈ။- 16ယေႇသူႉၵေႃႈလၢတ်ႈလႄႈဝႃႈ၊ လွင်ႈဢၼ်တၵ်းလႆႈၵႂႃႇဢမ်ႇမီး။ သူပၼ်ပုၼ်ႈဢၼ်ၶဝ်တၵ်းၵိၼ်တႃႉ၊ ဝႃႈၼင်ႇၼႆဢေႃႈ။- 17ၶဝ်ၵေႃႈၶိုၼ်းလဝ်ႊလၢတ်ႈလႄႈဝႃႈ၊ တီႈႁဝ်းၶႃႈၵႃႈတီႈၼႆႈ၊ လိူဝ်သေၶဝ်ႈမုၼ်းႁႃႈႁူၺ်ႇ တင်းပႃသွင်တူဝ်ၵူၺ်း ဢမ်ႇမီးၵႃႈသင်ၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 18မၼ်းၸဝ်ႈၵေႃႈလၢတ်ႈလႄႈဝႃႈ၊ ဢဝ်ၸိူဝ်းၼၼ်ႉမႃးၵႃႈတီႈၼႆႈတႃႉ၊ ဝႃႈၼင်ႇၼႆဢေႃႈ။- 19မိူဝ်ႈၼၼ်ႉ မၼ်းၸဝ်ႈပၼ်ဢမိင်ႉႁႂ်ႈၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉ ဢိင်ယူႇၵႃႈၼိူဝ်ယိူဝ်ႈယႃႈသေယဝ်ႉ ဢဝ်ၶဝ်ႈမုၼ်းႁႃႈႁူၺ်ႇ တင်းပႃသွင်တူဝ်ၼၼ်ႉ ႁႅၼ်တူၺ်းၵႃႈၼိူဝ်ၵၢင်ႁၢဝ်လႄႈ ယွင်ႈယေႃးၵျေးၸူးၸဝ်ႈယဝ်ႉၸင်ႇ ဝိတ်းၶဝ်ႈမုၼ်းလႄႈ ပၼ်တီႈတပႄးၸဝ်ႈတင်းလၢႆဢေႃႈ။ တပႄးၸဝ်ႈၸိူဝ်းၼၼ်ႉၵေႃႈ ပၼ်တီႈၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉဢေႃႈ။- 20ၵူၼ်းတင်းသဵင်ႈတင်းလူင်ၸိူဝ်းၼၼ်ႉ ၵိၼ်လႄႈဢိမ်ႇယဝ်ႉၸင်ႇ ၵဵပ်းသိမ်းဢဝ် ဢၼ်ၵိုတ်းဢၼ်ႁၵ်းဢၼ်ႁဵၵ်းမၼ်းလႄႈ လႆႈတဵမ်သိပ်းသွင်ပဵတ်ႈဢေႃႈ။- 21ၵူၼ်းဢၼ်ၵိၼ်ၸိူဝ်းၼၼ်ႉၸမ်ႉ၊ မႄႈယိင်းတင်းလုၵ်ႈဢွၼ်ႇဢမ်ႇဝႃႈ၊ ၵူၼ်းၸၢႆးမီးသေ ႁႃႈႁဵင်ၼိုင်ႈၸမ်ၸမ်ဢေႃႈ။

ၸဝ်ႈယေႇသူႉပႆၼိူဝ်ၽိဝ်ၼမ်ႉ

(တူၺ်း၊ မႃႇ 6:45-52။ ယူဝ်း 6:15-21)

22မၼ်းၸဝ်ႈၼၼ်ႉ၊ ၼႂ်းမိူဝ်ႈဢၼ်ပွႆႇၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉယူႇၼၼ်ႉၸိုင်၊ တိုၵ်းယူင်းတပႄးၸဝ်ႈတင်းလၢႆ ႁႂ်ႈၶီႇႁိူဝ်းၵႂႃႇၵႃႈတီႈၽင်ႇၼမ်ႉၽၢႆႇပုၼ်ႉဢွၼ်တၢင်းမၼ်းၸဝ်ႈၵမ်းလဵဝ်ဢေႃႈ၊- 23မၼ်းၸဝ်ႈပွႆႇၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉယဝ်ႉၸင်ႇ ၶိုၼ်ႈၵႂႃႇၵႃႈၼိူဝ်လွႆ တီႈဢၼ်ပိူၼ်ႈဢမ်ႇမီးၼၼ်ႉ ႁႂ်ႈလႆႈသူးတွင်းႁဵတ်းပထၼႃႇလႄႈ မိူဝ်ႈဢၼ်ႁွတ်ႈထိုင်ၶိင်ႇၵၢင်ၶိုၼ်းၸိုင် မီးယူႇပႃးလဵဝ်ၵူၺ်းမၼ်းၸဝ်ႈဢေႃႈ။- 24ႁိူဝ်းၼၼ်ႉၸမ်ႉ မီးယူႇၵႃႈၼႂ်းၵၢင်ၼွင်လႄႈ ၵွပ်ႈပိူဝ်ႈဢၼ် လူမ်းဢမ်ႇထုၵ်ႇၼၼ်ႉ လႆႈၶၢမ်ႇတၢင်းဢၼ်လႅင်းၼမ်ႉပိူပ်ႈၼမ်ႉ ၶွၼ်းၶႅၼ်းလွၵ်းလႅၵ်းၼႃႇလူင်လၢင်ဢေႃႈ။- 25ၵၢင်ၶိုၼ်းၶိင်ႇဢၼ်ႁႆႇသၢမ်မွင်းလိူဝ်ၼၼ်ႉ မၼ်းၸဝ်ႈပႆၵႃႈၼိူဝ်ၼမ်ႉၼွင် ၵႂႃႇၵႃႈတီႈဢၼ်တပႄးၸဝ်ႈတင်းလၢႆမီးၼၼ်ႉဢေႃႈ။- 26မိူဝ်ႈဢၼ်တပႄးၸဝ်ႈတင်းလၢႆႁၼ်မၼ်းၸဝ်ႈ ပႆၵႃႈၼိူဝ်ၼမ်ႉၼွင်ၸိူဝ်ႉၼင်ႇၼၼ်ၼၼ်ႉၸိုင်၊ ၶဝ်တူၵ်းၸႂ်လႄႈဝႃႈ ပဵၼ်ၽဵတ်ႇ၊ ဝႃႈၼင်ႇၼႆလႄႈ မီးတင်းၸႂ်ဢၼ်ၵူဝ်ၼႃႇႁွင်ႉသႅၼ်ႇဢေႃႈ။- 27ယေႇသူႉတၵ်ႉလၢတ်ႈၶဝ် ၵမ်းလဵဝ်လႄႈဝႃႈ၊ ႁႂ်ႈမီးၸႂ်ဢၼ်မၼ်ႈၶိူင်ႇတႃႉ။ ပဵၼ်ၵဝ်လႆ။ ယႃႇပေၵူဝ်ပေႁႄ၊ ဝႃႈၼင်ႇၼႆဢေႃႈ။- 28ပေႇတရူႉၵေႃႈလဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ ပေႃးပဵၼ်ၸဝ်ႈႁဝ်းၸိုင်၊ ၸဝ်ႈႁဝ်းမီးဢမိင်ႉႁႂ်ႈၵဝ်ၶႃႈလႆႈပႆၵႃႈၼိူဝ်ၼမ်ႉ ၵႂႃႇၸူးၵႃႈတီႈၸဝ်ႈႁဝ်းၼၼ်ႉသေၵမ်းၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 29မၼ်းၸဝ်ႈၵေႃႈလၢတ်ႈလႄႈဝႃႈ၊ မႃးတႃႉ၊ ဝႃႈၼင်ႇၼႆဢေႃႈ။ ပေႇတရူႉလူင်းသေၵႃႈၼိူဝ်ႁိူဝ်းလႄႈ ပႆၵႃႈၼိူဝ်ၼမ်ႉၵႂႃႇ ႁႂ်ႈလႆႈႁွတ်ႈထိုင်ၵႃႈတီႈယေႇသူႉဢေႃႈ။- 30မၼ်းၼၼ်ႉ မိူဝ်ႈဢၼ်ႁၼ်လူမ်းႁႅင်းယႂ်ႇၼႃႇလူင်လၢင်ၼၼ်ႉၸိုင်၊ ၵူဝ်လႄႈၸႃႉငႃတၵ်းၸူမ်ၶဝ်ႈၵႃႈၼႂ်းၼမ်ႉသေယဝ်ႉ၊ ႁွင်ႉသႅၼ်ႇလႄႈဝႃႈ၊ ၶႅၼ်းတေႃႈၵႄႇသႄႇဢဝ်သေၵမ်းၶႃႈ၊ ဝႃႈၼင်ႇၼႆဢေႃႈ။- 31ယေႇသူႉယိုၼ်ႈမိုဝ်းၵမ်းလဵဝ်လႄႈ ယိပ်းၵမ်ဢဝ်မၼ်းယဝ်ႉၸင်ႇ၊ ထၢမ်လႄႈဝႃႈ၊ ၵေႃႉဢၼ်ယုမ်ႇမၢတ်ႈၵေႇၼႆႉဢိူၺ်း၊ ႁဵတ်းသင်လႄႈယုမ်ႇၶိုင်ႈၼိုင်ႈ ဢမ်ႇယုမ်ႇၶိုင်ႈၼိုင်ႈယူႇၼင်ႇႁိုဝ်။ ဝႃႈၼင်ႇၼႆဢေႃႈ။- 32မိူဝ်ႈဢၼ်ၶဝ်ႁွတ်ႈထိုင်ၵႃႈၼိူဝ်ႁိူဝ်းၸိုင်၊ လူမ်းၼၼ်ႉယဵၼ်ၵႂႃႇဢေႃႈ။- 33ၶဝ်ၸိူဝ်းဢၼ် မီးယူႇၵႃႈၼႂ်းႁိူဝ်းၼၼ်ႉ သုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈ ၶုပ်ႉမူပ်ႇလဝ်ႊလၢတ်ႈလႄႈဝႃႈ၊ ၸဝ်ႈႁဝ်းၼႆႉ ပဵၼ်လုၵ်ႈၽြႃးပဵၼ်ၸဝ်ႈဢမၢၼ်ႇၶၼ်ပဵၼ်ၶႃႈဢေႃႈ၊ ဝႃႈၼင်ႇၼႆဢေႃႈ။

ၸဝ်ႈယေႇသူႉႁႂ်ႈၵူၼ်းပဵၼ်မိူင်းၵိၼ်ႇၼီႇသရႅတ်ႉႁၢႆ

(တူၺ်း၊ မႃႇ 6:53-56)

34ၶဝ်ၼၼ်ႉ ၶၢမ်ႈၵႂႃႇၵႃႈတီႈၽင်ႇၼမ်ႉၽၢႆႇပုၼ်ႉသေယဝ်ႉ ႁွတ်ႈထိုင်ၵႃႈတီႈမိူင်း ၵိၼ်ႇၼီႇသရႅတ်ႉဢေႃႈ။- 35ၵူၼ်းဢၼ်ယူႇၵႃႈတီႈၼၼ်ႈတင်းလၢႆ မိူဝ်ႈဢၼ်ႁူႉပဵၼ်မၼ်းၸဝ်ႈၸိုင်၊ ပွႆႇၸႂ်ႉၵူၼ်းၵႂႃႇၵႃႈတီႈႁိမ်းႁွမ်းၸိူဝ်းၼၼ်ႉ ၵူႈတီႈၵူႈလႅၼ် ဢဝ်ၵူၼ်းၶႆႈၵူၼ်းပဵၼ်ၵႃႈမီးတင်းသဵင်ႈတင်းလူင် မႃးတီႈမၼ်းၸဝ်ႈလႄႈ၊- 36ဢွၼ်ၵၼ်ယွၼ်းဢၶႂၢင်ႉ ႁႂ်ႈၶဝ်လႆႈတိူဝ်ႉလႆႈယိပ်းပူႈၶူဝ်း မၼ်းၸဝ်ႈၵူၺ်းဢေႃႈ။ ၵူၼ်းဢၼ်လႆႈတိူဝ်ႉလႆႈယိပ်းၵႃႈမီးတင်းသဵင်ႈတင်းလူင်ၸိူဝ်းၼၼ်ႉၵေႃႈ လႆႈၵတ်းယဵၼ်ၶျၢမ်းသႃႇဢေႃႈ။

നിലവിൽ തിരഞ്ഞെടുത്തിരിക്കുന്നു:

မၢတ်ႈထႄႇ 14: CBMS

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

သမ်ႇမႃႇၵျၢမ်းလိၵ်ႈ ထႃႇဝရႃႉၽြႂး നെക്കുറിച്ച് കൂടുതലറിയുക