မၢတ်ႈထႄႇ 11
11
တပႄးသြႃႇယူဝ်းႁၢၼ်ႇမႃးတီႈၸဝ်ႈယေႇသူႉ
(တူၺ်း၊ လူႉ 7:18-35)
1မၼ်းၸဝ်ႈသင်ႇလၢတ်ႈဝႆႉတင်းသဵင်ႈတင်းမူတ်း တီႈတပႄးၸဝ်ႈသိပ်းသွင်ပႃးၸိူဝ်းၼၼ်ႉယဝ်ႉၸင်ႇ၊ ဢွၵ်ႇသေၵႃႈတီႈၼၼ်ႈၵႂႃႇ ႁႂ်ႈလႆႈသင်ႇသွၼ်သုင်းမႃႉပၼ်လႄႈ ႁေႃးလၢတ်ႈတြႃး ၵႃႈၼႂ်းဝၢၼ်ႈၼႂ်းဝဵင်းၶဝ်တင်းလၢႆၼၼ်ႉဢေႃႈ။
2မိူဝ်ႈဢၼ်ယူဝ်းႁၢၼ်ႇ ယူႇၵႃႈတီႈၼႂ်းထွင်ႇလႄႈ လႆႈငိၼ်းလွင်ႈဢၼ်ၸဝ်ႈၶရိၸ်ႈႁဵတ်းၸိူဝ်းၼၼ်ႉၸိုင် မၼ်းပွႆႇၸႂ်ႉတပႄးမၼ်းတင်းလၢႆၵႂႃႇလႄႈ၊- 3ႁႂ်ႈလဝ်ႊထၢမ်လႄႈဝႃႈ၊ ၸဝ်ႈႁဝ်းပဵၼ်ၸဝ်ႈဢၼ် တၵ်းမႃးၼၼ်ႉၶႃႈႁိုဝ်။ ဢမ်ႇၼၼ်လႄႈ တၵ်းလႆႈမုင်ႈထႃႈမွင်းထႃႈတၢင်ႇၵေႃႉလူးၵွၼ်ႇၶႃႈႁိုဝ်။ ဝႃႈၼင်ႇၼႆဢေႃႈ။- 4ယေႇသူႉၵေႃႈ ၶိုၼ်းလၢတ်ႈဝႃႈ၊ သူၵႂႃႇလႄႈ လဝ်ႊလၢတ်ႈတီႈယူဝ်းႁၢၼ်ႇ ၵႃႈဢၼ်သူလႆႈငိၼ်း၊ ၵႃႈဢၼ်သူလႆႈႁၼ်တင်းလၢႆၼႆႉတႃႉ။- 5ၶဝ်ၸိူဝ်းဢၼ်တႃမွတ်ႇၼၼ်ႉ လႆႈႁၼ်မႃးဢေႃႈ။ ၶဝ်ၸိူဝ်းဢၼ်တိၼ်လူႉၼၼ်ႉလႆႈပႆတၢင်းၵႂႃႇဢေႃႈ။ ၶဝ်ၸိူဝ်းဢၼ်ပဵၼ်တုတ်ႈၼၼ်ႉ လႆႈႁွတ်ႈတၢင်းဢၼ်မူတ်းသႂ်ဢေႃႈ။ ၶဝ်ၸိူဝ်းဢၼ်ႁူၼူၵ်ႇၼၼ်ႉ လႆႈငိၼ်းမႃးဢေႃႈ။ ၶဝ်ၸိူဝ်းဢၼ်တၢႆယဝ်ႉၼၼ်ႉ လႆႈႁွတ်ႈထိုင်တၢင်းဢၼ်လုၵ်ႉၶိုၼ်းဢေႃႈ။ ၶဝ်ၸိူဝ်းဢၼ်ၽၢၼ်ၼၼ်ႉၵေႃႈ လႆႈငိၼ်းသတၢင်းသိူဝ်းပျေႃႇဢေႃႈ။- 6ၵွပ်ႈပိူဝ်ႈၵဝ်လႄႈ ၵေႃႉဢၼ်ၸႂ်ဢမ်ႇလူႉၼၼ်ႉ မီးမင်ႇၵလႃႇဢေႃႈ၊ ဝႃႈၼင်ႇၼႆဢေႃႈ။
7ဝၢႆးလင်ၶဝ်ၸိူဝ်းၼၼ်ႉၵႂႃႇသေယဝ်ႉ၊ ယေႇသူႉဢဝ်လွင်ႈ ယူဝ်းႁၢၼ်ႇ လၢတ်ႈတီႈပရဵၵ်ႈသၢတ်ႈတင်းလၢႆလႄႈဝႃႈ၊ သူဢွၵ်ႇၵႂႃႇၵႃႈတီႈၼႂ်းထိူၼ်ႇပုၼ်ႉ ႁႂ်ႈလႆႈလူလႆႈတူၺ်းလွင်ႈၸိူဝ်ႉႁိုဝ်။ ဢွၵ်ႇၵႂႃႇႁႂ်ႈလႆႈလူလႆႈတူၺ်း မႆႉဢေႃႈဢၼ်လူမ်းထူဝ်းႁိုဝ်။- 8ဢမ်ႇၼၼ်လႄႈ သူဢွၵ်ႇၵႂႃႇႁႂ်ႈလႆႈလူလႆႈတူၺ်းလွင်ႈၸိူဝ်ႉႁိုဝ်။ ဢွၵ်ႇၵႂႃႇႁႂ်ႈလႆႈလူလႆႈတူၺ်းၶဝ်ၸိူဝ်းဢၼ် ၼုင်ႈမႆၶူဝ်းလဵင်းဢၼ်ဢူၼ်ႈဢၼ်ဢွၼ်ႇႁိုဝ်။ ၶဝ်ၸိူဝ်းဢၼ် ၼုင်ႈမႆၶူဝ်းလဵင်းဢၼ်ဢူၼ်ႈဢၼ်ဢွၼ်ႇၼၼ်ႉ ၸၢင်ႈယူႇၵႃႈၼႂ်းႁိူၼ်းၶုၼ်ဢေႃႈ။- 9ဢမ်ႇၼၼ်လႄႈ သူဢွၵ်ႇၵႂႃႇႁႂ်ႈလႆႈလူလႆႈတူၺ်းလွင်ႈၸိူဝ်ႉႁိုဝ်။ ဢွၵ်ႇၵႂႃႇႁႂ်ႈလႆႈလူလႆႈတူၺ်းပရေႃးၽႅတ်ႈႁိုဝ်။ ၸႂ်ႈယဝ်ႉ။ ၵဝ်ဝႃႈၸမ်ႉ၊ ပဵၼ်ၵေႃႉဢၼ်ယႂ်ႇမျၢတ်ႈၼႃႇသေပရေႃးၽႅတ်ႈဢေႃႈ။- 10ဢၼ်မႃးၼႂ်းၵျၢမ်းလိၵ်ႈၸမ်ႉ၊ တူၺ်းလူး၊ ၵဝ်တၵ်းပွႆႇၸႂ်ႉတမၢၼ်ႇၵဝ်ဢၼ်တၵ်းမႄးတၢင်းဢၼ်မႂ်းၵႂႃႇၼၼ်ႉ ၵႃႈတီႈၽၢႆႇၼႃႈမႂ်းဢေႃႈ၊ ဢၼ်ဝႃႈၼင်ႇၼႆၼၼ်ႉၶႂ်ႈဝႃႈၵေႃႉၼၼ်ႉဢေႃႈ။
11ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၼႂ်းၶဝ်ၸိူဝ်းဢၼ်ၵိူတ်ႇလဵင်ႉမႃးၵႃႈတီႈမႄႈယိင်းတင်းလၢႆၼၼ်ႉ၊ ၵေႃႉဢၼ်ယႂ်ႇမျၢတ်ႈၼႃႇသေယူဝ်းႁၢၼ်ႇဢၼ်ပၼ်ပပ်ႉတီႉၸမ်ႇၼၼ်ႉ ဢမ်ႇပႆႇပေႃႇမႃးသေၵေႃႉသေၵူၼ်း။ ၼႂ်းဝႃႈၼၼ်သေၵေႃႈ ၵေႃႉဢၼ်လဵၵ်ႉသေပိူၼ်ႈၵႃႈၼႂ်းမိူင်းၵၢင်ႁၢဝ်ၸဝ်ႈၼၼ်ႉ ယႂ်ႇမျၢတ်ႈၼႃႇသေၵေႃႉၼၼ်ႉဢေႃႈ။- 12ၸႃႉၸဵမ်ၸူဝ်ႈပၢၼ်ယူဝ်းႁၢၼ်ႇဢၼ်ပၼ် ပပ်ႉတီႉၸမ်ႇၼၼ်ႉ တေႃႇထိုင်ႁွတ်ႈမိူဝ်ႈလဵဝ်ၼႆႉ၊ မိူင်းၵၢင်ႁၢဝ်ၸဝ်ႈ လႆႈၶၢမ်ႇတၢင်းဢၼ်ႁဵတ်းပႄႉႁဵတ်းၼႅင်ႇဢေႃႈ။ ၶဝ်ၸိူဝ်းဢၼ် ႁဵတ်းပႄႉႁဵတ်းၼႅင်ႇၼၼ်ႉၵေႃႈ လႆႈႁိမ်ဢဝ်လႄႈၶဝ်ႈယူႇဢေႃႈ။- 13ၸူဝ်ႈဢၼ် ယူဝ်းႁၢၼ်ႇဢမ်ႇပႆႇၽႅဝ်မႃးၼၼ်ႉၸိုင်၊ ၵျၢမ်းပိင်းၺၢပ်ႈတီႉ တင်းၵျၢမ်းဢၼႃႇၵၢတ်ႈတီႉၵႃႈမီး တင်းသဵင်ႈတင်းလူင် သင်ႇသွၼ်သုင်းမႃႉပၼ်ယူႇဢေႃႈ။- 14ပေႃးသူၶႂ်ႈၶၢမ်ႇဢဝ်ၵႂၢမ်းၼႆႉၸိုင်၊ ၵေႃႉၼၼ်ႉၸမ်ႉ၊ ပဵၼ်ဢေးလီႉယႃႉ ဢၼ်တၵ်းမႃးၼၼ်ႉဢေႃႈ။- 15ၵေႃႉဢၼ်မီးႁူဢၼ်လီငိၼ်းၼၼ်ႉၸမ်ႉ၊ ႁႂ်ႈငိၼ်းတႃႉ။- 16ၵူၼ်းမဵဝ်းၼႆႉၸိုင် တၵ်းလႆႈၼႄပျႃးဢူႉပမႃႇပုင်ႇမၼ်းၸိူဝ်ႉၼင်ႇႁိုဝ်။ မိူၼ်ၸိူဝ်ႉၼင်ႇလုၵ်ႈဢွၼ်ႇတင်းလၢႆ ဢၼ်ၼင်ႈယူႇၵႃႈၼႂ်းၵၢတ်ႇသေလႄႈ ႁွင်ႉသႅၼ်ႇတီႈၵေႃႉသေႈၶဝ်လႄႈဝႃႈ၊- 17ပိၵ်ႉသမ်ႉႁဝ်းပဝ်ႇပီႇပဝ်ႇၼႄးတီႈသူသေၵေႃႈ သူဢမ်ႇၵႃႈဢမ်ႇဝႅၼ်။ ပိၵ်ႉသမ်ႉႁဝ်းထိုင်ၸႂ်ပွင်ႉၶၢင်းသေၵေႃႈ၊ သူဢမ်ႇတူပ်းဢူၵ်း၊ ဝႃႈၼင်ႇၼႆၼၼ်ႉဢေႃႈ။- 18လွင်ႈမၼ်းၸမ်ႉ ယူဝ်းႁၢၼ်ႇယင်းဢမ်ႇၵိၼ်ဢမ်ႇသူတ်ႉယူႇလႄႈ မႃးသေၵေႃႈ၊ ၶဝ်ဝႃႈ၊ ၵေႃႉၼႆႉပဵၼ်ၵူၼ်းဢၼ်ၽီႁၢႆႉၶဝ်ႈလူင်ပႄႇ၊ ဝႃႈၼင်ႇၼႆဢေႃႈ။- 19လုၵ်ႈၵူၼ်းယင်းၵိၼ်ယင်းသူတ်ႉယူႇလႄႈမႃးသေၵေႃႈ ၶဝ်သမ်ႉဝႃႈ၊ တူၺ်းလူး၊ ၵေႃႉၼႆႉပဵၼ်ၵူၼ်းဢၼ်ၵိၼ်ပူၼ်ႉၵိၼ်လိူဝ်၊ ၵူၼ်းဢၼ်သူတ်ႉၼမ်ႉၸပိတ်ႈ ပူၼ်ႉလိူဝ်၊ ၵူၼ်းဢၼ်ႁဵတ်းၵေႃႉႁဵတ်းသေႈလူၺ်ႈၵၼ်တင်း ၵူၼ်းၵဵပ်းၶွၼ်ႇ ဢိၵ်ႇတင်းၵူၼ်းႁၢႆႉတင်းလၢႆလူင်ပႄႇ၊ ဝႃႈၼင်ႇၼႆဢေႃႈ။ ၼႂ်းဝႃႈၼၼ်သေၵေႃႈ ပိင်ႇၺႃႇတြႃး လႆႈၶၢမ်ႇတၢင်းဢၼ်သိုဝ်ႈတေႃႇ ၼႂ်းလုၵ်ႈလၢင်းတူဝ်ၸဝ်ႈၵဝ်ႇတင်းလၢႆဢေႃႈ၊ ဝႃႈၼင်ႇၼႆဢေႃႈ။
လွင်ႈဝဵင်းၸိူဝ်းဢၼ်ဢမ်ႇယုမ်ႇမၢတ်ႈ
(တူၺ်း၊ လူႉ 10:13-15)
20မိူဝ်ႈၼၼ်ႉ ပိူဝ်ႈဢၼ်ဝဵင်းတင်းလၢႆ ဢၼ်မၼ်းၸဝ်ႈၼႄပျႃးတၼ်းၶူဝ်းၼမ်ၼႃႇၼၼ်ႉ ဢမ်ႇၶုၵ်းၸႂ်လႆႈမႆႈၸႂ်လႄႈ မၼ်းၸဝ်ႈသႄႉသွမ်းတၢင်ႇဢပႅတ်ႈတီႈဝဵင်းၸိူဝ်းၼၼ်ႉဢေႃႈ။- 21ဝဵင်းၶေႃးရၸႅၼ်ႇဢိူၺ်း၊ မႂ်းမီးဢႃႉမင်ႇၵလႃႇဢေႃႈ။ ဝဵင်းပႅတ်ႉၸေးတႃႉဢိူၺ်း၊ မႂ်းမီးဢႃႉမင်ႇၵလႃႇဢေႃႈ။ လွင်ႈမၼ်းၸမ်ႉ တၼ်းၶူဝ်းတင်းလၢႆဢၼ်ၼႄပျႃးၼႂ်းသူၼႆႉ၊ သင်ယၢမ်ႈလႆႈၼႄပျႃးၵႃႈၼႂ်းဝဵင်းတူႉရူႉတင်းဝဵင်းၸီႉတုမ်ႇၸိုင်၊ ဝဵင်းၸိူဝ်းၼၼ်ႉ တၵ်းၶုၵ်းၸႂ်လႆႈမႆႈၸႂ်ၼႂ်းၼင်ပေႃ တင်းတဝ်ႈမိူဝ်ႈၵႃႇလႃႉဢွၼ်ၼႆႉၼၼ်ႉဢေႃႈ။- 22ၵဝ်ဝႃႈၸမ်ႉ၊ ၼႂ်းဝၼ်းဢၼ်ၸီႇယၢင်ႇတြႃးၼၼ်ႉ၊ သူယဵင်ႈၶႅၼ်းတၵ်းလႆႈၶၢမ်ႇၼႃႇသေဝဵင်းတူႉရူႉ တင်းဝဵင်းၸီႉတုမ်ႇၼၼ်ႉဢေႃႈ။- 23ဝဵင်းၵပိူဝ်ႇၼေႇဢုမ်ႇဢိူၺ်း၊ မႂ်းၼႆႉ ပိၵ်ႉသမ်ႉလႆႈၶၢမ်ႇတၢင်းဢၼ် ယုၵ်ႉယွင်ႈတေႃႇထိုင်ႁွတ်ႈၼိူဝ်ၽႃႉၵၢင်ႁၢဝ်ပုၼ်ႉသေၵေႃႈ၊ တၵ်းလႆႈၶၢမ်ႇတၢင်းဢၼ်ၶျႃးတူၵ်းတီႈတႅမ်ႇ တေႃႇထိုင်ႁွတ်ႈမိူင်းမရၼႃႉပုၼ်ႉဢေႃႈ။ လွင်ႈမၼ်းၸမ်ႉ တၼ်းၶူဝ်းတင်းလၢႆ ဢၼ်ၼႄပျႃးၼႂ်းမႂ်းၼႆႉ၊ သင်ယၢမ်ႈလႆႈၼႄပျႃးၵႃႈၼႂ်းဝဵင်းသေႃးတုမ်ႇၸိုင်၊ ဝဵင်းၼၼ်ႉတၵ်းမီးယူႇတေႃႇထိုင်ႁွတ်ႈမိူဝ်ႈလဵဝ်ၼႆႉဢေႃႈ။- 24ၵဝ်ဝႃႈၸမ်ႉ၊ ၼႂ်းဝၼ်းဢၼ်ၸီႇယၢင်ႇတြႃးၼၼ်ႉ၊ မႂ်းၼႆႉယဵင်ႈၶႅၼ်းတၵ်းလႆႈၶၢမ်ႇၼႃႇသေ ဝဵင်းသေႃးတုမ်ႇၼၼ်ႉဢေႃႈ၊ ဝႃႈၼင်ႇၼႆဢေႃႈ။
လွင်ႈၽိတ်ႈႁွင်ႉႁႂ်ႈလိုဝ်ႈ
(တူၺ်း၊ လူႉ 10:21-22)
25မိူဝ်ႈၼၼ်ႉ ယေႇသူႉၵေႃႈလၢတ်ႈလႄႈဝႃႈ၊ ဢူဝ်းပေႃႈ၊ ၸဝ်ႈၵၢင်ႁၢဝ်တင်းလိၼ်မိူင်းတီႈၶႃႈ၊ လွင်ႈတၢင်းၸိူဝ်းၼႆႉၸိုင်၊ ပိူဝ်ႈဢၼ်ၸဝ်ႈႁဝ်းသိူင်ႇဝႆႉလပ်ႉဝႆႉတီႈၶဝ်ၸိူဝ်းဢၼ်မီးပိင်ႇၺႃႇ တၢင်းလၵ်းတၢင်းလႅမ်တင်းလၢႆၼၼ်ႉသေယဝ်ႉ၊ ၽုၺ်ႇဢွၵ်ႇၼႄပျႃးတီႈလုၵ်ႈဢွၼ်ႇတင်းလၢႆၵူၺ်းလႄႈ ၵဝ်ၶႃႈယွင်ႈယေႃးၵျေးၸူးၸဝ်ႈႁဝ်းတီႈၶႃႈဢေႃႈ။- 26ပိူဝ်ႈဢၼ်ၸဝ်ႈႁဝ်းမီးဢလူဝ်ႇၸိူဝ်ႉၼင်ႇၼၼ်ႉလႄႈ၊ ၸႂ်ႈတီႈၶႃႈယဝ်ႉ၊ ပေႃႈ။- 27ၸဝ်ႈပေႃႈၵဝ်ၼၼ်ႉ ဢဝ်ၵႃႈမီးတင်းသဵင်ႈတင်းလူင် ဢၢပ်ႈပၼ်တီႈၵဝ်ယဝ်ႉ။ လိူဝ်သေၸဝ်ႈပေႃႈၼၼ်ႉ၊ ၽူႈလႂ်ဢမ်ႇႁူႉလုၵ်ႈၸဝ်ႈ။ လိူဝ်သေလုၵ်ႈၸဝ်ႈ ဢိၵ်ႇတင်းၵေႃႉဢၼ်လုၵ်ႈၸဝ်ႈမီးဢလူဝ်ႇၶႂ်ႈၽုၺ်ႇဢွၵ်ႇၼႄပျႃးၼၼ်ႉ၊ ၽူႈလႂ်ဢမ်ႇႁူႉပေႃႈၸဝ်ႈ။
28သူၸိူဝ်းဢၼ်ယၢပ်ႇၸႂ်လႄႈ ၶူဝ်းၼၵ်းၼႃႇတင်းသဵင်ႈတင်းလူင်ၶဝ်ဢိူၺ်း၊ မႃးတီႈၵဝ်တႃႉ။ ၵဝ်တၵ်းပၼ်ၵတ်းယဵၼ်ၶျၢမ်းသႃႇဢေႃႈ။- 29ဢဝ်ၵၢၼ်းၵဝ်တၢင်ႇသေလႄႈႁၢပ်ႇတႃႉ။ ၶၢမ်ႇဢဝ်ၼႄးတီႈၵဝ်တႃႉ။ ၵဝ်မီးၸႂ်ဢၼ်ၼိမ်သိမ်ႇၶျႃးတႅမ်ႇဢေႃႈ။ ႁူဝ်ၸႂ်သူတၵ်းလႆႈတၢင်းဢၼ်သၢၵ်ႈသႃႇဢေႃႈ။- 30လွင်ႈမၼ်းၸမ်ႉ ၵၢၼ်းၵဝ်ၼႆႉ ႁၢပ်ႇငၢႆႈဢေႃႈ။ ၶူဝ်းၵဝ်ၼႆႉၵေႃႈမဝ်ဢေႃႈ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
မၢတ်ႈထႄႇ 11: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မၢတ်ႈထႄႇ 11
11
တပႄးသြႃႇယူဝ်းႁၢၼ်ႇမႃးတီႈၸဝ်ႈယေႇသူႉ
(တူၺ်း၊ လူႉ 7:18-35)
1မၼ်းၸဝ်ႈသင်ႇလၢတ်ႈဝႆႉတင်းသဵင်ႈတင်းမူတ်း တီႈတပႄးၸဝ်ႈသိပ်းသွင်ပႃးၸိူဝ်းၼၼ်ႉယဝ်ႉၸင်ႇ၊ ဢွၵ်ႇသေၵႃႈတီႈၼၼ်ႈၵႂႃႇ ႁႂ်ႈလႆႈသင်ႇသွၼ်သုင်းမႃႉပၼ်လႄႈ ႁေႃးလၢတ်ႈတြႃး ၵႃႈၼႂ်းဝၢၼ်ႈၼႂ်းဝဵင်းၶဝ်တင်းလၢႆၼၼ်ႉဢေႃႈ။
2မိူဝ်ႈဢၼ်ယူဝ်းႁၢၼ်ႇ ယူႇၵႃႈတီႈၼႂ်းထွင်ႇလႄႈ လႆႈငိၼ်းလွင်ႈဢၼ်ၸဝ်ႈၶရိၸ်ႈႁဵတ်းၸိူဝ်းၼၼ်ႉၸိုင် မၼ်းပွႆႇၸႂ်ႉတပႄးမၼ်းတင်းလၢႆၵႂႃႇလႄႈ၊- 3ႁႂ်ႈလဝ်ႊထၢမ်လႄႈဝႃႈ၊ ၸဝ်ႈႁဝ်းပဵၼ်ၸဝ်ႈဢၼ် တၵ်းမႃးၼၼ်ႉၶႃႈႁိုဝ်။ ဢမ်ႇၼၼ်လႄႈ တၵ်းလႆႈမုင်ႈထႃႈမွင်းထႃႈတၢင်ႇၵေႃႉလူးၵွၼ်ႇၶႃႈႁိုဝ်။ ဝႃႈၼင်ႇၼႆဢေႃႈ။- 4ယေႇသူႉၵေႃႈ ၶိုၼ်းလၢတ်ႈဝႃႈ၊ သူၵႂႃႇလႄႈ လဝ်ႊလၢတ်ႈတီႈယူဝ်းႁၢၼ်ႇ ၵႃႈဢၼ်သူလႆႈငိၼ်း၊ ၵႃႈဢၼ်သူလႆႈႁၼ်တင်းလၢႆၼႆႉတႃႉ။- 5ၶဝ်ၸိူဝ်းဢၼ်တႃမွတ်ႇၼၼ်ႉ လႆႈႁၼ်မႃးဢေႃႈ။ ၶဝ်ၸိူဝ်းဢၼ်တိၼ်လူႉၼၼ်ႉလႆႈပႆတၢင်းၵႂႃႇဢေႃႈ။ ၶဝ်ၸိူဝ်းဢၼ်ပဵၼ်တုတ်ႈၼၼ်ႉ လႆႈႁွတ်ႈတၢင်းဢၼ်မူတ်းသႂ်ဢေႃႈ။ ၶဝ်ၸိူဝ်းဢၼ်ႁူၼူၵ်ႇၼၼ်ႉ လႆႈငိၼ်းမႃးဢေႃႈ။ ၶဝ်ၸိူဝ်းဢၼ်တၢႆယဝ်ႉၼၼ်ႉ လႆႈႁွတ်ႈထိုင်တၢင်းဢၼ်လုၵ်ႉၶိုၼ်းဢေႃႈ။ ၶဝ်ၸိူဝ်းဢၼ်ၽၢၼ်ၼၼ်ႉၵေႃႈ လႆႈငိၼ်းသတၢင်းသိူဝ်းပျေႃႇဢေႃႈ။- 6ၵွပ်ႈပိူဝ်ႈၵဝ်လႄႈ ၵေႃႉဢၼ်ၸႂ်ဢမ်ႇလူႉၼၼ်ႉ မီးမင်ႇၵလႃႇဢေႃႈ၊ ဝႃႈၼင်ႇၼႆဢေႃႈ။
7ဝၢႆးလင်ၶဝ်ၸိူဝ်းၼၼ်ႉၵႂႃႇသေယဝ်ႉ၊ ယေႇသူႉဢဝ်လွင်ႈ ယူဝ်းႁၢၼ်ႇ လၢတ်ႈတီႈပရဵၵ်ႈသၢတ်ႈတင်းလၢႆလႄႈဝႃႈ၊ သူဢွၵ်ႇၵႂႃႇၵႃႈတီႈၼႂ်းထိူၼ်ႇပုၼ်ႉ ႁႂ်ႈလႆႈလူလႆႈတူၺ်းလွင်ႈၸိူဝ်ႉႁိုဝ်။ ဢွၵ်ႇၵႂႃႇႁႂ်ႈလႆႈလူလႆႈတူၺ်း မႆႉဢေႃႈဢၼ်လူမ်းထူဝ်းႁိုဝ်။- 8ဢမ်ႇၼၼ်လႄႈ သူဢွၵ်ႇၵႂႃႇႁႂ်ႈလႆႈလူလႆႈတူၺ်းလွင်ႈၸိူဝ်ႉႁိုဝ်။ ဢွၵ်ႇၵႂႃႇႁႂ်ႈလႆႈလူလႆႈတူၺ်းၶဝ်ၸိူဝ်းဢၼ် ၼုင်ႈမႆၶူဝ်းလဵင်းဢၼ်ဢူၼ်ႈဢၼ်ဢွၼ်ႇႁိုဝ်။ ၶဝ်ၸိူဝ်းဢၼ် ၼုင်ႈမႆၶူဝ်းလဵင်းဢၼ်ဢူၼ်ႈဢၼ်ဢွၼ်ႇၼၼ်ႉ ၸၢင်ႈယူႇၵႃႈၼႂ်းႁိူၼ်းၶုၼ်ဢေႃႈ။- 9ဢမ်ႇၼၼ်လႄႈ သူဢွၵ်ႇၵႂႃႇႁႂ်ႈလႆႈလူလႆႈတူၺ်းလွင်ႈၸိူဝ်ႉႁိုဝ်။ ဢွၵ်ႇၵႂႃႇႁႂ်ႈလႆႈလူလႆႈတူၺ်းပရေႃးၽႅတ်ႈႁိုဝ်။ ၸႂ်ႈယဝ်ႉ။ ၵဝ်ဝႃႈၸမ်ႉ၊ ပဵၼ်ၵေႃႉဢၼ်ယႂ်ႇမျၢတ်ႈၼႃႇသေပရေႃးၽႅတ်ႈဢေႃႈ။- 10ဢၼ်မႃးၼႂ်းၵျၢမ်းလိၵ်ႈၸမ်ႉ၊ တူၺ်းလူး၊ ၵဝ်တၵ်းပွႆႇၸႂ်ႉတမၢၼ်ႇၵဝ်ဢၼ်တၵ်းမႄးတၢင်းဢၼ်မႂ်းၵႂႃႇၼၼ်ႉ ၵႃႈတီႈၽၢႆႇၼႃႈမႂ်းဢေႃႈ၊ ဢၼ်ဝႃႈၼင်ႇၼႆၼၼ်ႉၶႂ်ႈဝႃႈၵေႃႉၼၼ်ႉဢေႃႈ။
11ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၼႂ်းၶဝ်ၸိူဝ်းဢၼ်ၵိူတ်ႇလဵင်ႉမႃးၵႃႈတီႈမႄႈယိင်းတင်းလၢႆၼၼ်ႉ၊ ၵေႃႉဢၼ်ယႂ်ႇမျၢတ်ႈၼႃႇသေယူဝ်းႁၢၼ်ႇဢၼ်ပၼ်ပပ်ႉတီႉၸမ်ႇၼၼ်ႉ ဢမ်ႇပႆႇပေႃႇမႃးသေၵေႃႉသေၵူၼ်း။ ၼႂ်းဝႃႈၼၼ်သေၵေႃႈ ၵေႃႉဢၼ်လဵၵ်ႉသေပိူၼ်ႈၵႃႈၼႂ်းမိူင်းၵၢင်ႁၢဝ်ၸဝ်ႈၼၼ်ႉ ယႂ်ႇမျၢတ်ႈၼႃႇသေၵေႃႉၼၼ်ႉဢေႃႈ။- 12ၸႃႉၸဵမ်ၸူဝ်ႈပၢၼ်ယူဝ်းႁၢၼ်ႇဢၼ်ပၼ် ပပ်ႉတီႉၸမ်ႇၼၼ်ႉ တေႃႇထိုင်ႁွတ်ႈမိူဝ်ႈလဵဝ်ၼႆႉ၊ မိူင်းၵၢင်ႁၢဝ်ၸဝ်ႈ လႆႈၶၢမ်ႇတၢင်းဢၼ်ႁဵတ်းပႄႉႁဵတ်းၼႅင်ႇဢေႃႈ။ ၶဝ်ၸိူဝ်းဢၼ် ႁဵတ်းပႄႉႁဵတ်းၼႅင်ႇၼၼ်ႉၵေႃႈ လႆႈႁိမ်ဢဝ်လႄႈၶဝ်ႈယူႇဢေႃႈ။- 13ၸူဝ်ႈဢၼ် ယူဝ်းႁၢၼ်ႇဢမ်ႇပႆႇၽႅဝ်မႃးၼၼ်ႉၸိုင်၊ ၵျၢမ်းပိင်းၺၢပ်ႈတီႉ တင်းၵျၢမ်းဢၼႃႇၵၢတ်ႈတီႉၵႃႈမီး တင်းသဵင်ႈတင်းလူင် သင်ႇသွၼ်သုင်းမႃႉပၼ်ယူႇဢေႃႈ။- 14ပေႃးသူၶႂ်ႈၶၢမ်ႇဢဝ်ၵႂၢမ်းၼႆႉၸိုင်၊ ၵေႃႉၼၼ်ႉၸမ်ႉ၊ ပဵၼ်ဢေးလီႉယႃႉ ဢၼ်တၵ်းမႃးၼၼ်ႉဢေႃႈ။- 15ၵေႃႉဢၼ်မီးႁူဢၼ်လီငိၼ်းၼၼ်ႉၸမ်ႉ၊ ႁႂ်ႈငိၼ်းတႃႉ။- 16ၵူၼ်းမဵဝ်းၼႆႉၸိုင် တၵ်းလႆႈၼႄပျႃးဢူႉပမႃႇပုင်ႇမၼ်းၸိူဝ်ႉၼင်ႇႁိုဝ်။ မိူၼ်ၸိူဝ်ႉၼင်ႇလုၵ်ႈဢွၼ်ႇတင်းလၢႆ ဢၼ်ၼင်ႈယူႇၵႃႈၼႂ်းၵၢတ်ႇသေလႄႈ ႁွင်ႉသႅၼ်ႇတီႈၵေႃႉသေႈၶဝ်လႄႈဝႃႈ၊- 17ပိၵ်ႉသမ်ႉႁဝ်းပဝ်ႇပီႇပဝ်ႇၼႄးတီႈသူသေၵေႃႈ သူဢမ်ႇၵႃႈဢမ်ႇဝႅၼ်။ ပိၵ်ႉသမ်ႉႁဝ်းထိုင်ၸႂ်ပွင်ႉၶၢင်းသေၵေႃႈ၊ သူဢမ်ႇတူပ်းဢူၵ်း၊ ဝႃႈၼင်ႇၼႆၼၼ်ႉဢေႃႈ။- 18လွင်ႈမၼ်းၸမ်ႉ ယူဝ်းႁၢၼ်ႇယင်းဢမ်ႇၵိၼ်ဢမ်ႇသူတ်ႉယူႇလႄႈ မႃးသေၵေႃႈ၊ ၶဝ်ဝႃႈ၊ ၵေႃႉၼႆႉပဵၼ်ၵူၼ်းဢၼ်ၽီႁၢႆႉၶဝ်ႈလူင်ပႄႇ၊ ဝႃႈၼင်ႇၼႆဢေႃႈ။- 19လုၵ်ႈၵူၼ်းယင်းၵိၼ်ယင်းသူတ်ႉယူႇလႄႈမႃးသေၵေႃႈ ၶဝ်သမ်ႉဝႃႈ၊ တူၺ်းလူး၊ ၵေႃႉၼႆႉပဵၼ်ၵူၼ်းဢၼ်ၵိၼ်ပူၼ်ႉၵိၼ်လိူဝ်၊ ၵူၼ်းဢၼ်သူတ်ႉၼမ်ႉၸပိတ်ႈ ပူၼ်ႉလိူဝ်၊ ၵူၼ်းဢၼ်ႁဵတ်းၵေႃႉႁဵတ်းသေႈလူၺ်ႈၵၼ်တင်း ၵူၼ်းၵဵပ်းၶွၼ်ႇ ဢိၵ်ႇတင်းၵူၼ်းႁၢႆႉတင်းလၢႆလူင်ပႄႇ၊ ဝႃႈၼင်ႇၼႆဢေႃႈ။ ၼႂ်းဝႃႈၼၼ်သေၵေႃႈ ပိင်ႇၺႃႇတြႃး လႆႈၶၢမ်ႇတၢင်းဢၼ်သိုဝ်ႈတေႃႇ ၼႂ်းလုၵ်ႈလၢင်းတူဝ်ၸဝ်ႈၵဝ်ႇတင်းလၢႆဢေႃႈ၊ ဝႃႈၼင်ႇၼႆဢေႃႈ။
လွင်ႈဝဵင်းၸိူဝ်းဢၼ်ဢမ်ႇယုမ်ႇမၢတ်ႈ
(တူၺ်း၊ လူႉ 10:13-15)
20မိူဝ်ႈၼၼ်ႉ ပိူဝ်ႈဢၼ်ဝဵင်းတင်းလၢႆ ဢၼ်မၼ်းၸဝ်ႈၼႄပျႃးတၼ်းၶူဝ်းၼမ်ၼႃႇၼၼ်ႉ ဢမ်ႇၶုၵ်းၸႂ်လႆႈမႆႈၸႂ်လႄႈ မၼ်းၸဝ်ႈသႄႉသွမ်းတၢင်ႇဢပႅတ်ႈတီႈဝဵင်းၸိူဝ်းၼၼ်ႉဢေႃႈ။- 21ဝဵင်းၶေႃးရၸႅၼ်ႇဢိူၺ်း၊ မႂ်းမီးဢႃႉမင်ႇၵလႃႇဢေႃႈ။ ဝဵင်းပႅတ်ႉၸေးတႃႉဢိူၺ်း၊ မႂ်းမီးဢႃႉမင်ႇၵလႃႇဢေႃႈ။ လွင်ႈမၼ်းၸမ်ႉ တၼ်းၶူဝ်းတင်းလၢႆဢၼ်ၼႄပျႃးၼႂ်းသူၼႆႉ၊ သင်ယၢမ်ႈလႆႈၼႄပျႃးၵႃႈၼႂ်းဝဵင်းတူႉရူႉတင်းဝဵင်းၸီႉတုမ်ႇၸိုင်၊ ဝဵင်းၸိူဝ်းၼၼ်ႉ တၵ်းၶုၵ်းၸႂ်လႆႈမႆႈၸႂ်ၼႂ်းၼင်ပေႃ တင်းတဝ်ႈမိူဝ်ႈၵႃႇလႃႉဢွၼ်ၼႆႉၼၼ်ႉဢေႃႈ။- 22ၵဝ်ဝႃႈၸမ်ႉ၊ ၼႂ်းဝၼ်းဢၼ်ၸီႇယၢင်ႇတြႃးၼၼ်ႉ၊ သူယဵင်ႈၶႅၼ်းတၵ်းလႆႈၶၢမ်ႇၼႃႇသေဝဵင်းတူႉရူႉ တင်းဝဵင်းၸီႉတုမ်ႇၼၼ်ႉဢေႃႈ။- 23ဝဵင်းၵပိူဝ်ႇၼေႇဢုမ်ႇဢိူၺ်း၊ မႂ်းၼႆႉ ပိၵ်ႉသမ်ႉလႆႈၶၢမ်ႇတၢင်းဢၼ် ယုၵ်ႉယွင်ႈတေႃႇထိုင်ႁွတ်ႈၼိူဝ်ၽႃႉၵၢင်ႁၢဝ်ပုၼ်ႉသေၵေႃႈ၊ တၵ်းလႆႈၶၢမ်ႇတၢင်းဢၼ်ၶျႃးတူၵ်းတီႈတႅမ်ႇ တေႃႇထိုင်ႁွတ်ႈမိူင်းမရၼႃႉပုၼ်ႉဢေႃႈ။ လွင်ႈမၼ်းၸမ်ႉ တၼ်းၶူဝ်းတင်းလၢႆ ဢၼ်ၼႄပျႃးၼႂ်းမႂ်းၼႆႉ၊ သင်ယၢမ်ႈလႆႈၼႄပျႃးၵႃႈၼႂ်းဝဵင်းသေႃးတုမ်ႇၸိုင်၊ ဝဵင်းၼၼ်ႉတၵ်းမီးယူႇတေႃႇထိုင်ႁွတ်ႈမိူဝ်ႈလဵဝ်ၼႆႉဢေႃႈ။- 24ၵဝ်ဝႃႈၸမ်ႉ၊ ၼႂ်းဝၼ်းဢၼ်ၸီႇယၢင်ႇတြႃးၼၼ်ႉ၊ မႂ်းၼႆႉယဵင်ႈၶႅၼ်းတၵ်းလႆႈၶၢမ်ႇၼႃႇသေ ဝဵင်းသေႃးတုမ်ႇၼၼ်ႉဢေႃႈ၊ ဝႃႈၼင်ႇၼႆဢေႃႈ။
လွင်ႈၽိတ်ႈႁွင်ႉႁႂ်ႈလိုဝ်ႈ
(တူၺ်း၊ လူႉ 10:21-22)
25မိူဝ်ႈၼၼ်ႉ ယေႇသူႉၵေႃႈလၢတ်ႈလႄႈဝႃႈ၊ ဢူဝ်းပေႃႈ၊ ၸဝ်ႈၵၢင်ႁၢဝ်တင်းလိၼ်မိူင်းတီႈၶႃႈ၊ လွင်ႈတၢင်းၸိူဝ်းၼႆႉၸိုင်၊ ပိူဝ်ႈဢၼ်ၸဝ်ႈႁဝ်းသိူင်ႇဝႆႉလပ်ႉဝႆႉတီႈၶဝ်ၸိူဝ်းဢၼ်မီးပိင်ႇၺႃႇ တၢင်းလၵ်းတၢင်းလႅမ်တင်းလၢႆၼၼ်ႉသေယဝ်ႉ၊ ၽုၺ်ႇဢွၵ်ႇၼႄပျႃးတီႈလုၵ်ႈဢွၼ်ႇတင်းလၢႆၵူၺ်းလႄႈ ၵဝ်ၶႃႈယွင်ႈယေႃးၵျေးၸူးၸဝ်ႈႁဝ်းတီႈၶႃႈဢေႃႈ။- 26ပိူဝ်ႈဢၼ်ၸဝ်ႈႁဝ်းမီးဢလူဝ်ႇၸိူဝ်ႉၼင်ႇၼၼ်ႉလႄႈ၊ ၸႂ်ႈတီႈၶႃႈယဝ်ႉ၊ ပေႃႈ။- 27ၸဝ်ႈပေႃႈၵဝ်ၼၼ်ႉ ဢဝ်ၵႃႈမီးတင်းသဵင်ႈတင်းလူင် ဢၢပ်ႈပၼ်တီႈၵဝ်ယဝ်ႉ။ လိူဝ်သေၸဝ်ႈပေႃႈၼၼ်ႉ၊ ၽူႈလႂ်ဢမ်ႇႁူႉလုၵ်ႈၸဝ်ႈ။ လိူဝ်သေလုၵ်ႈၸဝ်ႈ ဢိၵ်ႇတင်းၵေႃႉဢၼ်လုၵ်ႈၸဝ်ႈမီးဢလူဝ်ႇၶႂ်ႈၽုၺ်ႇဢွၵ်ႇၼႄပျႃးၼၼ်ႉ၊ ၽူႈလႂ်ဢမ်ႇႁူႉပေႃႈၸဝ်ႈ။
28သူၸိူဝ်းဢၼ်ယၢပ်ႇၸႂ်လႄႈ ၶူဝ်းၼၵ်းၼႃႇတင်းသဵင်ႈတင်းလူင်ၶဝ်ဢိူၺ်း၊ မႃးတီႈၵဝ်တႃႉ။ ၵဝ်တၵ်းပၼ်ၵတ်းယဵၼ်ၶျၢမ်းသႃႇဢေႃႈ။- 29ဢဝ်ၵၢၼ်းၵဝ်တၢင်ႇသေလႄႈႁၢပ်ႇတႃႉ။ ၶၢမ်ႇဢဝ်ၼႄးတီႈၵဝ်တႃႉ။ ၵဝ်မီးၸႂ်ဢၼ်ၼိမ်သိမ်ႇၶျႃးတႅမ်ႇဢေႃႈ။ ႁူဝ်ၸႂ်သူတၵ်းလႆႈတၢင်းဢၼ်သၢၵ်ႈသႃႇဢေႃႈ။- 30လွင်ႈမၼ်းၸမ်ႉ ၵၢၼ်းၵဝ်ၼႆႉ ႁၢပ်ႇငၢႆႈဢေႃႈ။ ၶူဝ်းၵဝ်ၼႆႉၵေႃႈမဝ်ဢေႃႈ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship