မၢတ်ႈထႄႇ 10
10
တမၢၼ်ႇၸဝ်ႈသိပ်းသွင်ပႃး
(တူၺ်း၊ မႃႇ 3:13-19။ လူႉ 6:12-16)
1မၼ်းၸဝ်ႈႁွင်ႉဢဝ်တပႄးၸဝ်ႈ သိပ်းသွင်ပႃးယဝ်ႉၸင်ႇ၊ ဢၢပ်ႈပၼ်တၼ်းၶူဝ်းတီႈၶဝ် ႁႂ်ႈၶဝ်လႆႈႁေႃႈၽီႁၢႆႉတင်းလၢႆဢွၵ်ႇပႅတ်ႈ ဢိၵ်ႇတင်းႁႂ်ႈၶဝ်လႆႈႁႂ်ႈတၢင်းၶႆႈတၢင်းပဵၼ်ၵူႈၸိူဝ်ႉၵူႈပိူင်ႁၢႆဢေႃႈ။
2ၸိုဝ်ႈသဵင်တပႄးၸဝ်ႈသိပ်းသွင်ပႃးၼၼ်ႉၸမ်ႉ၊ ပထမႃႉ ပဵၼ်သီႉမုၼ်ႇဢၼ်လႆႈႁွင်ႉ ပေႇတရူႉ တင်းၼွင်ႉၸၢႆးမၼ်း ဢၼ်ႇတရေႇ၊- 3ယႃႇၵုပ်ႈ လုၵ်ႈၸၢႆးၸေႇပေႇတႄး တင်းၼွင်ႉၸၢႆးမၼ်း ယူဝ်းႁၢၼ်ႇ၊ ၽီႉလိပ်ႉပူႉ တင်းပႃႇထေႃးလမႄး၊ ထူဝ်းမႃႉ တင်းၵူၼ်းၵဵပ်းၶွၼ်ႇမၢတ်ႈထႄႇ၊ ယႃႇၵုပ်ႈလုၵ်ႈၸၢႆး ဢႃႇလၽႄး တင်းလေႇပေႇ ဢၼ်လႆႈၸိုဝ်ႈဢၼ်မႂ်ႇ ထတ်ႉတေႇ၊- 4သီႉမုၼ်ႇ ၵူၼ်းၵႃႇၼၼိတ်ႉ တင်းယူႉတႃႉဢီႉသၵႃႇရေႇဢုတ်ႈ ဢၼ်ဢဝ်မၼ်းၸဝ်ႈဢၢပ်ႈၼၼ်ႉဢေႃႈ။
ၵၢၼ်သႃႇသၼႃႇတမၢၼ်ႇၸဝ်ႈသိပ်းသွင်ပႃး
(တူၺ်း၊ မႃႇ 6:7-13။ လူႉ 9:1-6)
5 ယေႇသူႉပွႆႇၸႂ်ႉသိပ်းသွင်ပႃးၸိူဝ်းၼၼ်ႉ ၵႂႃႇလႄႈသင်ႇလၢတ်ႈလႄႈဝႃႈ၊ သူယႃႇပေၵႂႃႇၵႃႈတီႈဢၼ် ၵူၼ်းတၢင်ႇၸိူဝ်ႉတၢင်ႇၶိူဝ်းမီးပုၼ်ႉ။ ယႃႇပေၶဝ်ႈၵႃႈၼႂ်းဝၢၼ်ႈၼႂ်းဝဵင်းၵူၼ်းသမႃႇရီႉ ပုၼ်ႉ။- 6ၵႂႃႇၵႃႈတီႈဢၼ်သူဝ်းဢၼ်ႁၢႆၵႂႃႇ ဢၼ်ဝႃႈၸိူဝ်ႉၶိူဝ်းဢီႉသရေႇလႃႉ မီးၼၼ်ႉဢွၼ်တၢင်းတႃႉ။- 7ၼႂ်းမိူဝ်ႈဢၼ်သူယင်းတိုၵ်ႉၵႂႃႇယူႇၼၼ်ႉၸိုင်၊ မိူင်းၵၢင်ႁၢဝ်ၸဝ်ႈ ၸမ်တၵ်းတႄႇပဵၼ်ယဝ်ႉဝႃႈၼႆ မွၵ်ႇလၢတ်ႈတႃႉ။- 8ႁႂ်ႈၶဝ်ၸိူဝ်းဢၼ်ၸဵပ်းဢၼ်သႅပ်ႇၼၼ်ႉ ၶႅၼ်းမႃးတႃႉ။ ႁႂ်ႈၶဝ်ၸိူဝ်းဢၼ်ပဵၼ်တုတ်ႈၼၼ်ႉ မူတ်းသႂ်တႃႉ။ ႁႂ်ႈၶဝ်ၸိူဝ်းဢၼ်တၢႆၼၼ်ႉ လုၵ်ႉၶိုၼ်းတႃႉ။ ႁေႃႈၽီႁၢႆႉတင်းလၢႆဢွၵ်ႇပႅတ်ႈတႃႉ။ သူယင်းဢမ်ႇပၼ် ၵႃႈမၼ်းၶၼ်မၼ်းလႄႈ လႆႈၶၢမ်ႇဢဝ်ယဝ်ႉ။ ယင်းဢမ်ႇဢဝ်ၵႃႈမၼ်းၶၼ်မၼ်းလႄႈပၼ်တႃႉ။- 9ယႃႇပေဢဝ်ၶမ်း၊ ငိုၼ်း၊ တွင်း သႂ်ႇၼႂ်းသၢႆဢႅဝ်။- 10ပုၼ်ႈဢၼ်တၵ်းၵႂႃႇတၢင်းၸိုင်၊ ယႃႇပေဢဝ်ထူင်ပႃး၊ သိူဝ်ႈသွင်ၽိုၼ်၊ သွၵ်းတိၼ်၊ ၶွၼ်ႉတဝ်ႉတင်းလၢႆၵႂႃႇ။ လွင်ႈမၼ်းၸမ်ႉ ၵေႃႉဢၼ်ႁဵတ်းတၢင်းႁဵတ်းၼၼ်ႉ ထိူၵ်ႈၶၢမ်ႇတၢင်းဢၼ်လဵင်ႉဢၼ်လူဢေႃႈ။
11မိူဝ်ႈဢၼ်သူၶဝ်ႈၵႃႈၼႂ်းဝၢၼ်ႈလႂ် ဝဵင်းလႂ်သေဢမ်ႇဝႃႈ၊ ၵႃႈၼႂ်းဝၢၼ်ႈ ၼႂ်းဝဵင်းၼၼ်ႉ ၽူႈလႂ်တၵ်းၵိုင်ႇတၵ်းထိူၵ်ႈဝႃႈၼႆ၊ တွင်ႈထၢမ်လႄႈ၊ ၸူဝ်ႈဢၼ်ဢမ်ႇပႆႇဢွၵ်ႇၵႂႃႇသေၵႃႈၼႂ်းဝၢၼ်ႈၼႂ်းဝဵင်းၼၼ်ႉၸိုင်၊ ယူႇၵႃႈတီႈၵေႃႉၼၼ်ႉတႃႉ။- 12မိူဝ်ႈဢၼ်ၶဝ်ႈၵႃႈၼႂ်းႁိူၼ်းၸိုင် တၵ်ႉလၢတ်ႈတႃႉ။- 13ပေႃးႁိူၼ်းၼၼ်ႉၵိုင်ႇထိူၵ်ႈၸိုင် ႁႂ်ႈမင်ႇၵလႃႇဢၼ်သူဝႃႈၼၼ်ႉ ႁွတ်ႈထိုင်ၵႃႈၼိူဝ်မၼ်းတႃႉ။ ပေႃးဢမ်ႇၵိုင်ႇဢမ်ႇထိူၵ်ႈၸိုင် ႁႂ်ႈမင်ႇၵလႃႇဢၼ်သူဝႃႈၼၼ်ႉ ၶိုၼ်းမႃးတီႈသူတႃႉ။- 14ၽူႈလႂ်သေဢမ်ႇဝႃႈ၊ ၵေႃႉဢၼ်ဢမ်ႇႁပ်ႉတုင်းဢဝ်သူ၊ ဢမ်ႇထွမ်ႇဢဝ်ၵႂၢမ်းသူၼၼ်ႉ၊ ၼႂ်းမိူဝ်ႈဢၼ်သူယင်းတိုၵ်ႉဢွၵ်ႇၵႃႈတီႈႁိူၼ်းၵေႃႉၼၼ်ႉ ဢိၵ်ႇတင်းၵႃႈတီႈဝဵင်းၼၼ်ႉၵႂႃႇယူႇၼၼ်ႉၸိုင်၊ သၼ်ႇမုၼ်ႈလိၼ်ဢၼ်ၸပ်းတိၼ်သူၼၼ်ႉပႅတ်ႈသေတႃႉ။- 15ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၼႂ်းဝၼ်းဢၼ်ၸီႇယၢင်ႇတြႃးၼၼ်ႉ ဝဵင်းၼၼ်ႉ တၵ်းလႆႈၶၢမ်ႇၼႃႇသေဝဵင်းသေႃးတုမ်ႇတင်းဝဵင်း ၵေႃးမေႃးရႃႉဢေႃႈ။
လွင်ႈလႆႈၶၢမ်ႇတၢင်းဢၼ်ၼိၵ်ႈၸၢၵ်ႈ
(တူၺ်း၊ မႃႇ 13:9-13။ လူႉ 21:12-17)
16ၵဝ်ပွႆႇၸႂ်ႉသူၵႂႃႇၸိူဝ်ႉၼင်ႇဢၼ် ပွႆႇၸႂ်ႉသူဝ်းၵႂႃႇၵႃႈၼႂ်းၽုင်မႃထိူၼ်ႇၼၼ်ႉဢေႃႈ။ ပိူဝ်ႈၼႆလႄႈ သူမီးတၢင်းဢၼ် လၵ်းလႅမ်ၸိူဝ်ႉၼင်ႇငူးတႃႉ။ မီးတၢင်းဢၼ် ၸႂ်မူတ်းသႂ် ၸိူဝ်ႉၼင်ႇၼူၵ်ႉတူႈတႃႉ။- 17ႁဵတ်းသတီႉလွင်ႈၵူၼ်းတင်းလၢႆတႃႉ။ လွင်ႈမၼ်းၸမ်ႉ ၶဝ်တၵ်းဢဝ်သူ ဢၢပ်ႈၵႃႈတီႈလုမ်းလူင်ဢေႃႈ။ တၵ်းပေႃႉယႅၼ်ႉသူ ၵႃႈၼႂ်းၸရွပ်ႈႁေႃးတြႃးတင်းလၢႆဢေႃႈ။- 18ၵွပ်ႈပိူဝ်ႈၵဝ်လႄႈ တၵ်းဢဝ်သူၵႂႃႇသူင်ႇၵႃႈတီႈၶုၼ်လူင်တင်းၶုၼ်ႁေႃၶမ်းတင်းလၢႆ ႁႂ်ႈပဵၼ်သၢၵ်ႈသေႇဝႆႉတီႈၶဝ် တင်းၵူၼ်း တၢင်ႇၸိူဝ်ႉတၢင်ႇၶိူဝ်းတင်းလၢႆဢေႃႈ။- 19မိူဝ်ႈဢၼ်ၶဝ်ဢဝ်သူဢၢပ်ႈၼၼ်ႉ၊ တၵ်းလႆႈၶိုၼ်းလၢတ်ႈၸိူဝ်ႉၼင်ႇႁိုဝ်။ တၵ်းလႆႈလၢတ်ႈၵႃႈသင်ဝႃႈၼႆ၊ ယႃႇပေမႆႈၸႂ်။ ၵႂၢမ်းဢၼ်တၵ်းလႆႈလၢတ်ႈၼၼ်ႉၸိုင် တၵ်းလႆႈမိူဝ်ႈၼၼ်ႉၵမ်းလဵဝ်ဢေႃႈ။- 20လွင်ႈမၼ်းၸမ်ႉ ပဵၼ်သူလၢတ်ႈၵူၺ်းဢမ်ႇၸႂ်ႈ၊ ပဵၼ်ဝီႉၺိၺ်ႇပေႃႈသူလၢတ်ႈၵႃႈၼႂ်းသူဢေႃႈ။- 21မိူဝ်ႈၼၼ်ႉ ပီႈၼွင်ႉၵၼ်ၵေႃႉၼိုင်ႈလႄႈၵေႃႉၼိုင်ႈ တၵ်းဢဝ်ၵၼ်ဢၢပ်ႈႁႂ်ႈလႆႈတၢႆဢေႃႈ။ ပေႃႈၵေႃႈတၵ်းဢဝ်လုၵ်ႈလၢင်း ဢၢပ်ႈဢေႃႈ။ လုၵ်ႈလၢင်းတင်းလၢႆၵေႃႈ တၵ်းႁဵတ်းတၢင်းၽိတ်းသႂ်ႇ တီႈပေႃႈမႄႈလႄႈ ႁႂ်ႈတၢႆဢေႃႈ။- 22ၵူၼ်းတင်းသဵင်ႈတင်းလူင်ၵေႃႈ တၵ်းၸင်းသူၵွပ်ႈပိူဝ်ႈ ၼႃႇမႃႉၸိုဝ်ႈသဵင်ၵဝ်ဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ် မၼ်ႈၶိူင်ႇတေႃႇထိုင်ႁွတ်ႈတီႈသုတ်းပုၼ်ႉၼၼ်ႉ၊ ၵေႃႉၼၼ်ႉ တၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ဢေႃႈ။
23ပေႃးၶဝ်ၼိၵ်ႈၸၢၵ်ႈငႅၼ်းသႄးသူ ၵႃႈၼႂ်းဝဵင်း ဝဵင်းၼိုင်ႈၸိုင်၊ ပၢႆႈၵႂႃႇၵႃႈတီႈတၢင်ႇဝဵင်းသေတႃႉ။ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၸူဝ်ႈဢၼ်သူလႄႇလဵပ်ႈၵႃႈၼႂ်းဝၢၼ်ႈၼႂ်းဝဵင်း ဢီႉသရေႇလႃႉၵႃႈမီးတင်းသဵင်ႈတင်းလူင်ဢမ်ႇပႆႇၸေး ပႆႇၸွတ်ႇၼၼ်ႉၸိုင်၊ လုၵ်ႈၵူၼ်းတၵ်းမႃးဢေႃႈ။
24တပႄးဢမ်ႇပူၼ်ႉလိူဝ်သေသြႃႇ။ ၶႃႈဢမ်ႇပူၼ်ႉလိူဝ်သေၸဝ်ႈ။- 25ပေႃးတပႄးပဵၼ်ၸိူဝ်ႉၼင်ႇသြႃႇ၊ ၶႃႈပဵၼ်ၸိူဝ်ႉၼင်ႇၸဝ်ႈၸိုင်၊ တိုၵ်ႉပေႃးတိုၵ်ႉထုၵ်ႇယဝ်ႉဢေႃႈ။ ပေႃးႁွင်ႉၸဝ်ႈႁိူၼ်းလႄႈဝႃႈ ပေႇလႃႉၸေႇပူႉလႃႉ၊ ဝႃႈၼင်ႇၼႆၸိုင်၊ ယဵင်ႈၶႅၼ်းတၵ်းႁွင်ႉၵူၼ်းႁိူၼ်းၵူၼ်းယေးမၼ်း တင်းလၢႆဢေႃႈ။
လွင်ႈၵေႃႉဢၼ်ထိူၵ်ႈလီၵူဝ်လီႁႄ
(တူၺ်း၊ လူႉ 12:2-7)
26ပိူဝ်ႈၼႆလႄႈ ယႃႇပေၵူဝ်ၶဝ်။ လွင်ႈတၢင်းဢၼ်ႁူမ်ႇဝႆႉယဝ်ႉ တင်းသဵင်ႈတင်းလူင် ဢၼ်တၵ်းဢမ်ႇလႆႈၶၢမ်ႇ တၢင်းဢၼ် ပိုတ်ႇဢွၵ်ႇၼႄပျႃးၼၼ်ႉ ဢမ်ႇမီးသေၸိူဝ်ႉသေပိူင်။ လွင်ႈတၢင်းဢၼ်သိူင်ႇဝႆႉ လပ်ႉဝႆႉယဝ်ႉတင်းသဵင်ႈတင်းလူင် ဢၼ်တၵ်းဢမ်ႇလႆႈၶၢမ်ႇတၢင်းဢၼ် လႆႈႁူႉလႆႈႁၼ်ၼၼ်ႉ ဢမ်ႇမီးသေၸိူဝ်ႉသေပိူင်၊- 27လွင်ႈဢၼ်ၵဝ်လၢတ်ႈတီႈသူၵႃႈၼႂ်း ဢၼ်လပ်းသိင်ႇၼၼ်ႉၸိုင်၊ ၵႂႃႇလၢတ်ႈၵႃႈတီႈၼႂ်းဢၼ်လႅင်းတႃႉ။ လွင်ႈတၢင်းဢၼ်သူငိၼ်းႁိမ်းႁူၼၼ်ႉၸိုင်ႁွင်ႉသႅၼ်ႇၵႃႈၼိူဝ်ၸွမ်ႁိူၼ်းတႃႉ။
28ပိူင်ၼိုင်ႈၸမ်ႉ၊ ၶဝ်ၸိူဝ်းဢၼ်ဢဝ်တူဝ်ၶၼ်ႇထႃႇတၢႆၵူၺ်းလႄႈ ဢမ်ႇဢဝ်ၸႂ်ဝီႉၺိၺ်ႇတၢႆလႆႈၼၼ်ႉၸိုင် ယႃႇပေၵူဝ်။ ၵူဝ်ၵေႃႉဢၼ် ယႃႉပႅတ်ႈၸႂ်ဝီႉၺိၺ်ႇတင်းတူဝ်ၶၼ်ႇထႃႇ ၵႃႈၼႂ်းငရၢႆးလႆႈၼၼ်ႉတႃႉ။- 29ဢဝ်တင်းၵႃႈမၼ်းၶၼ်မၼ်း ဢႃႇသရီႉၶႅပ်းၼိုင်ႈသိုဝ်ႉဢဝ် ၼူၵ်ႉဢႅၼ်ႇၽႃႉလႆႈသွင်တူဝ်ဢမ်ႇၸႂ်ႈႁိုဝ်။ ပေႃးဢၶႂၢင်ႉပေႃႈသူ ဢမ်ႇမီးၸိုင်၊ ၼူၵ်ႉၸိူဝ်းၼၼ်ႉဢမ်ႇလႆႈတူၵ်းၵႃႈၼိူဝ်လိၼ်သေတူဝ်။- 30ၶူၼ်ႁူဝ်သူၵေႃႈၼပ်ႉဢၢၼ်ႇဝႆႉတင်းသဵင်ႈတင်းလူင်ယဝ်ႉဢေႃႈ။- 31ပိူဝ်ႈၼႆလႄႈ ယႃႇပေၵူဝ်။ သူယဵင်ႈၶႅၼ်းမျၢတ်ႈၼႃႇသေၼူၵ်ႉဢႅၼ်ႇၽႃႉတင်းလၢႆၼၼ်ႉ ၼမ်ၼႃႇဢေႃႈ။
လွင်ႈႁပ်ႉတုင်းဢဝ်ၸဝ်ႈၶရိၸ်ႈ
(တူၺ်း၊ လူႉ 12:8-9)
32ၽူႈလႂ်သေဢမ်ႇဝႃႈ၊ ၵေႃႉဢၼ်ႁပ်ႉတုင်းဢဝ် ၵဝ်ၵႃႈတီႈၽၢႆႇၼႃႈ ၵူၼ်းတင်းလၢႆၼၼ်ႉ၊ ၵေႃႉၼၼ်ႉၸိုင်ၵဝ်တၵ်းႁပ်ႉတုင်းဢဝ်ၵႃႈတီႈၽၢႆႇၼႃႈပေႃႈၵဝ် ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉဢေႃႈ။- 33ၽူႈလႂ်သေဢမ်ႇဝႃႈ ၵေႃႉဢၼ်ထဵင်ပႅတ်ႈၵဝ် ၵႃႈတီႈၽၢႆႇၼႃႈၵူၼ်းတင်းလၢႆၼၼ်ႉ၊ ၵေႃႉၼၼ်ႉၸိုင်ၵဝ်တၵ်းထဵင်ပႅတ်ႈ ၵႃႈတီႈၽၢႆႇၼႃႈပေႃႈၵဝ် ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉဢေႃႈ။
ဢမ်ႇပၼ်တၢင်းၼိမ်၊မႃးပၼ်တုၵ်ႉၶႃႉ
(တူၺ်း၊ လူႉ 12:51-53။ လူႉ 14:26-27)
34သူယႃႇပေထၢင်ႇၵဝ်မႃး ႁႂ်ႈလႆႈပွႆႇၸႂ်ႉတၢင်းၼိမ်ၵႃႈၼိူဝ်လိၼ်မိူင်းၼႆႉ။ ၵဝ်မႃးႁႂ်ႈလႆႈပွႆႇၸႂ်ႉတၢင်းၼိမ်ဢမ်ႇၸႂ်ႈ။ ၵဝ်မႃးႁႂ်ႈလႆႈပွႆႇၸႂ်ႉလၢပ်ႇၸႂ်ႉလႅဝ်းဢေႃႈ။- 35ၵဝ်မႃးႁႂ်ႈပေႃႈတင်းလုၵ်ႈၸၢႆး၊ မႄႈတင်းလုၵ်ႈယိင်း၊ ဢွၵ်ႇၼၢႆးတင်းလုၵ်ႈပႂ်ႉ ၽၢတ်ႇၵၼ်ၽႄၵၼ်ဢေႃႈ။- 36ရၢၼ်ႇသူႇတူဝ်ၸဝ်ႈၵဝ်ႇတင်းလၢႆၼၼ်ႉ တၵ်းပဵၼ်ၶဝ်ၸိူဝ်းဢၼ် ပဵၼ်ၵူၼ်းႁိူၼ်းၵူၼ်းယေးတူဝ်ၸဝ်ႈၵဝ်ႇဢေႃႈ။
37ၵေႃႉဢၼ်ႁၵ်ႉပေႃႈမႄႈမၼ်းၼႃႇသေၵဝ်ၼၼ်ႉ ဢမ်ႇၵိုင်ႇထိူၵ်ႈၵၼ်တင်းၵဝ်။ ၵေႃႉဢၼ်ႁၵ်ႉလုၵ်ႈႁၵ်ႉလၢင်း ၼႃႇသေၵဝ်ၼၼ်ႉ ဢမ်ႇၵိုင်ႇထိူၵ်ႈၵၼ်တင်းၵဝ်။- 38ၵေႃႉဢၼ်ဢမ်ႇႁၢပ်ႇပႃးဢဝ် သဝ်လၵ်းဝႃးၵၢပ်ႈတူဝ်ၸဝ်ႈၵဝ်ႇသေလႄႈ ၸွမ်းပႃႈလင်ၵဝ်ၼၼ်ႉ ဢမ်ႇၵိုင်ႇထိူၵ်ႈၵၼ်တင်းၵဝ်။- 39ၵေႃႉဢၼ်ထူပ်းဢသၢၵ်ႈတူဝ်ၸဝ်ႈၵဝ်ႇၼၼ်ႉ တၵ်းၶၢမ်ႇတၢင်းဢၼ် ဢသၢၵ်ႈသုမ်းဢေႃႈ။ ၵေႃႉဢၼ်ၶၢမ်ႇတၢင်းဢၼ် ဢသၢၵ်ႈတူဝ်ၸဝ်ႈၵဝ်ႇသုမ်းၵွပ်ႈပိူဝ်ႈၵဝ်ၼၼ်ႉၸမ်ႉ၊ တၵ်းထူပ်းဢသၢၵ်ႈဢေႃႈ။
ဢၵျူဝ်းဢၼ်လႆႈၶၢမ်ႇဢဝ်
(တူၺ်း၊ မႃႇ 9:41)
40ၵေႃႉဢၼ်ႁပ်ႉတုင်းဢဝ်သူၼၼ်ႉ ႁပ်ႉတုင်းဢဝ်ၵဝ်ဢေႃႈ။ ၵေႃႉဢၼ်ႁပ်ႉတုင်းဢဝ်ၵဝ်ၼၼ်ႉ ႁပ်ႉတုင်းဢဝ်ၵေႃႉဢၼ်ပွႆႇၸႂ်ႉၵဝ်မႃးၼၼ်ႉဢေႃႈ။- 41ၵေႃႉဢၼ်ဢိင်ၸိုဝ်ႈသဵင်ပရေႃးၽႅတ်ႈသေလႄႈ ႁပ်ႉတုင်းဢဝ်ပရေႃးၽႅတ်ႈၼၼ်ႉ တၵ်းၶၢမ်ႇဢၵျူဝ်းပရေႃးၽႅတ်ႈဢေႃႈ။ ၵေႃႉဢၼ် ဢိင်ၸိုဝ်ႈသဵင်ၵူၼ်းသိုဝ်ႈတေႃႇသေလႄႈ ႁပ်ႉတုင်းဢဝ်ၵူၼ်းသိုဝ်ႈတေႃႇၼၼ်ႉ တၵ်းၶၢမ်ႇဢၵျူဝ်းၵူၼ်းသိုဝ်ႈတေႃႇဢေႃႈ။- 42ၽူႈလႂ်သေဢမ်ႇဝႃႈ၊ ၵေႃႉဢၼ်ဢိင်ၸိုဝ်ႈသဵင် တပႄးၸဝ်ႈသေလႄႈပၼ်ၼမ်ႉၵတ်း ၵွၵ်းၼိုင်ႈၵူၺ်း တီႈၵူၼ်းဢွၼ်ႇၸိူဝ်းၼႆႉသေၵေႃႉသေၵူၼ်းၼၼ်ႉ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၵေႃႉၼၼ်ႉ ယင်းဢမ်ႇလႆႈၶၢမ်ႇဢၵျူဝ်းလႄႈတၵ်းဢမ်ႇလႆႈယူႇ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
မၢတ်ႈထႄႇ 10: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မၢတ်ႈထႄႇ 10
10
တမၢၼ်ႇၸဝ်ႈသိပ်းသွင်ပႃး
(တူၺ်း၊ မႃႇ 3:13-19။ လူႉ 6:12-16)
1မၼ်းၸဝ်ႈႁွင်ႉဢဝ်တပႄးၸဝ်ႈ သိပ်းသွင်ပႃးယဝ်ႉၸင်ႇ၊ ဢၢပ်ႈပၼ်တၼ်းၶူဝ်းတီႈၶဝ် ႁႂ်ႈၶဝ်လႆႈႁေႃႈၽီႁၢႆႉတင်းလၢႆဢွၵ်ႇပႅတ်ႈ ဢိၵ်ႇတင်းႁႂ်ႈၶဝ်လႆႈႁႂ်ႈတၢင်းၶႆႈတၢင်းပဵၼ်ၵူႈၸိူဝ်ႉၵူႈပိူင်ႁၢႆဢေႃႈ။
2ၸိုဝ်ႈသဵင်တပႄးၸဝ်ႈသိပ်းသွင်ပႃးၼၼ်ႉၸမ်ႉ၊ ပထမႃႉ ပဵၼ်သီႉမုၼ်ႇဢၼ်လႆႈႁွင်ႉ ပေႇတရူႉ တင်းၼွင်ႉၸၢႆးမၼ်း ဢၼ်ႇတရေႇ၊- 3ယႃႇၵုပ်ႈ လုၵ်ႈၸၢႆးၸေႇပေႇတႄး တင်းၼွင်ႉၸၢႆးမၼ်း ယူဝ်းႁၢၼ်ႇ၊ ၽီႉလိပ်ႉပူႉ တင်းပႃႇထေႃးလမႄး၊ ထူဝ်းမႃႉ တင်းၵူၼ်းၵဵပ်းၶွၼ်ႇမၢတ်ႈထႄႇ၊ ယႃႇၵုပ်ႈလုၵ်ႈၸၢႆး ဢႃႇလၽႄး တင်းလေႇပေႇ ဢၼ်လႆႈၸိုဝ်ႈဢၼ်မႂ်ႇ ထတ်ႉတေႇ၊- 4သီႉမုၼ်ႇ ၵူၼ်းၵႃႇၼၼိတ်ႉ တင်းယူႉတႃႉဢီႉသၵႃႇရေႇဢုတ်ႈ ဢၼ်ဢဝ်မၼ်းၸဝ်ႈဢၢပ်ႈၼၼ်ႉဢေႃႈ။
ၵၢၼ်သႃႇသၼႃႇတမၢၼ်ႇၸဝ်ႈသိပ်းသွင်ပႃး
(တူၺ်း၊ မႃႇ 6:7-13။ လူႉ 9:1-6)
5 ယေႇသူႉပွႆႇၸႂ်ႉသိပ်းသွင်ပႃးၸိူဝ်းၼၼ်ႉ ၵႂႃႇလႄႈသင်ႇလၢတ်ႈလႄႈဝႃႈ၊ သူယႃႇပေၵႂႃႇၵႃႈတီႈဢၼ် ၵူၼ်းတၢင်ႇၸိူဝ်ႉတၢင်ႇၶိူဝ်းမီးပုၼ်ႉ။ ယႃႇပေၶဝ်ႈၵႃႈၼႂ်းဝၢၼ်ႈၼႂ်းဝဵင်းၵူၼ်းသမႃႇရီႉ ပုၼ်ႉ။- 6ၵႂႃႇၵႃႈတီႈဢၼ်သူဝ်းဢၼ်ႁၢႆၵႂႃႇ ဢၼ်ဝႃႈၸိူဝ်ႉၶိူဝ်းဢီႉသရေႇလႃႉ မီးၼၼ်ႉဢွၼ်တၢင်းတႃႉ။- 7ၼႂ်းမိူဝ်ႈဢၼ်သူယင်းတိုၵ်ႉၵႂႃႇယူႇၼၼ်ႉၸိုင်၊ မိူင်းၵၢင်ႁၢဝ်ၸဝ်ႈ ၸမ်တၵ်းတႄႇပဵၼ်ယဝ်ႉဝႃႈၼႆ မွၵ်ႇလၢတ်ႈတႃႉ။- 8ႁႂ်ႈၶဝ်ၸိူဝ်းဢၼ်ၸဵပ်းဢၼ်သႅပ်ႇၼၼ်ႉ ၶႅၼ်းမႃးတႃႉ။ ႁႂ်ႈၶဝ်ၸိူဝ်းဢၼ်ပဵၼ်တုတ်ႈၼၼ်ႉ မူတ်းသႂ်တႃႉ။ ႁႂ်ႈၶဝ်ၸိူဝ်းဢၼ်တၢႆၼၼ်ႉ လုၵ်ႉၶိုၼ်းတႃႉ။ ႁေႃႈၽီႁၢႆႉတင်းလၢႆဢွၵ်ႇပႅတ်ႈတႃႉ။ သူယင်းဢမ်ႇပၼ် ၵႃႈမၼ်းၶၼ်မၼ်းလႄႈ လႆႈၶၢမ်ႇဢဝ်ယဝ်ႉ။ ယင်းဢမ်ႇဢဝ်ၵႃႈမၼ်းၶၼ်မၼ်းလႄႈပၼ်တႃႉ။- 9ယႃႇပေဢဝ်ၶမ်း၊ ငိုၼ်း၊ တွင်း သႂ်ႇၼႂ်းသၢႆဢႅဝ်။- 10ပုၼ်ႈဢၼ်တၵ်းၵႂႃႇတၢင်းၸိုင်၊ ယႃႇပေဢဝ်ထူင်ပႃး၊ သိူဝ်ႈသွင်ၽိုၼ်၊ သွၵ်းတိၼ်၊ ၶွၼ်ႉတဝ်ႉတင်းလၢႆၵႂႃႇ။ လွင်ႈမၼ်းၸမ်ႉ ၵေႃႉဢၼ်ႁဵတ်းတၢင်းႁဵတ်းၼၼ်ႉ ထိူၵ်ႈၶၢမ်ႇတၢင်းဢၼ်လဵင်ႉဢၼ်လူဢေႃႈ။
11မိူဝ်ႈဢၼ်သူၶဝ်ႈၵႃႈၼႂ်းဝၢၼ်ႈလႂ် ဝဵင်းလႂ်သေဢမ်ႇဝႃႈ၊ ၵႃႈၼႂ်းဝၢၼ်ႈ ၼႂ်းဝဵင်းၼၼ်ႉ ၽူႈလႂ်တၵ်းၵိုင်ႇတၵ်းထိူၵ်ႈဝႃႈၼႆ၊ တွင်ႈထၢမ်လႄႈ၊ ၸူဝ်ႈဢၼ်ဢမ်ႇပႆႇဢွၵ်ႇၵႂႃႇသေၵႃႈၼႂ်းဝၢၼ်ႈၼႂ်းဝဵင်းၼၼ်ႉၸိုင်၊ ယူႇၵႃႈတီႈၵေႃႉၼၼ်ႉတႃႉ။- 12မိူဝ်ႈဢၼ်ၶဝ်ႈၵႃႈၼႂ်းႁိူၼ်းၸိုင် တၵ်ႉလၢတ်ႈတႃႉ။- 13ပေႃးႁိူၼ်းၼၼ်ႉၵိုင်ႇထိူၵ်ႈၸိုင် ႁႂ်ႈမင်ႇၵလႃႇဢၼ်သူဝႃႈၼၼ်ႉ ႁွတ်ႈထိုင်ၵႃႈၼိူဝ်မၼ်းတႃႉ။ ပေႃးဢမ်ႇၵိုင်ႇဢမ်ႇထိူၵ်ႈၸိုင် ႁႂ်ႈမင်ႇၵလႃႇဢၼ်သူဝႃႈၼၼ်ႉ ၶိုၼ်းမႃးတီႈသူတႃႉ။- 14ၽူႈလႂ်သေဢမ်ႇဝႃႈ၊ ၵေႃႉဢၼ်ဢမ်ႇႁပ်ႉတုင်းဢဝ်သူ၊ ဢမ်ႇထွမ်ႇဢဝ်ၵႂၢမ်းသူၼၼ်ႉ၊ ၼႂ်းမိူဝ်ႈဢၼ်သူယင်းတိုၵ်ႉဢွၵ်ႇၵႃႈတီႈႁိူၼ်းၵေႃႉၼၼ်ႉ ဢိၵ်ႇတင်းၵႃႈတီႈဝဵင်းၼၼ်ႉၵႂႃႇယူႇၼၼ်ႉၸိုင်၊ သၼ်ႇမုၼ်ႈလိၼ်ဢၼ်ၸပ်းတိၼ်သူၼၼ်ႉပႅတ်ႈသေတႃႉ။- 15ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၼႂ်းဝၼ်းဢၼ်ၸီႇယၢင်ႇတြႃးၼၼ်ႉ ဝဵင်းၼၼ်ႉ တၵ်းလႆႈၶၢမ်ႇၼႃႇသေဝဵင်းသေႃးတုမ်ႇတင်းဝဵင်း ၵေႃးမေႃးရႃႉဢေႃႈ။
လွင်ႈလႆႈၶၢမ်ႇတၢင်းဢၼ်ၼိၵ်ႈၸၢၵ်ႈ
(တူၺ်း၊ မႃႇ 13:9-13။ လူႉ 21:12-17)
16ၵဝ်ပွႆႇၸႂ်ႉသူၵႂႃႇၸိူဝ်ႉၼင်ႇဢၼ် ပွႆႇၸႂ်ႉသူဝ်းၵႂႃႇၵႃႈၼႂ်းၽုင်မႃထိူၼ်ႇၼၼ်ႉဢေႃႈ။ ပိူဝ်ႈၼႆလႄႈ သူမီးတၢင်းဢၼ် လၵ်းလႅမ်ၸိူဝ်ႉၼင်ႇငူးတႃႉ။ မီးတၢင်းဢၼ် ၸႂ်မူတ်းသႂ် ၸိူဝ်ႉၼင်ႇၼူၵ်ႉတူႈတႃႉ။- 17ႁဵတ်းသတီႉလွင်ႈၵူၼ်းတင်းလၢႆတႃႉ။ လွင်ႈမၼ်းၸမ်ႉ ၶဝ်တၵ်းဢဝ်သူ ဢၢပ်ႈၵႃႈတီႈလုမ်းလူင်ဢေႃႈ။ တၵ်းပေႃႉယႅၼ်ႉသူ ၵႃႈၼႂ်းၸရွပ်ႈႁေႃးတြႃးတင်းလၢႆဢေႃႈ။- 18ၵွပ်ႈပိူဝ်ႈၵဝ်လႄႈ တၵ်းဢဝ်သူၵႂႃႇသူင်ႇၵႃႈတီႈၶုၼ်လူင်တင်းၶုၼ်ႁေႃၶမ်းတင်းလၢႆ ႁႂ်ႈပဵၼ်သၢၵ်ႈသေႇဝႆႉတီႈၶဝ် တင်းၵူၼ်း တၢင်ႇၸိူဝ်ႉတၢင်ႇၶိူဝ်းတင်းလၢႆဢေႃႈ။- 19မိူဝ်ႈဢၼ်ၶဝ်ဢဝ်သူဢၢပ်ႈၼၼ်ႉ၊ တၵ်းလႆႈၶိုၼ်းလၢတ်ႈၸိူဝ်ႉၼင်ႇႁိုဝ်။ တၵ်းလႆႈလၢတ်ႈၵႃႈသင်ဝႃႈၼႆ၊ ယႃႇပေမႆႈၸႂ်။ ၵႂၢမ်းဢၼ်တၵ်းလႆႈလၢတ်ႈၼၼ်ႉၸိုင် တၵ်းလႆႈမိူဝ်ႈၼၼ်ႉၵမ်းလဵဝ်ဢေႃႈ။- 20လွင်ႈမၼ်းၸမ်ႉ ပဵၼ်သူလၢတ်ႈၵူၺ်းဢမ်ႇၸႂ်ႈ၊ ပဵၼ်ဝီႉၺိၺ်ႇပေႃႈသူလၢတ်ႈၵႃႈၼႂ်းသူဢေႃႈ။- 21မိူဝ်ႈၼၼ်ႉ ပီႈၼွင်ႉၵၼ်ၵေႃႉၼိုင်ႈလႄႈၵေႃႉၼိုင်ႈ တၵ်းဢဝ်ၵၼ်ဢၢပ်ႈႁႂ်ႈလႆႈတၢႆဢေႃႈ။ ပေႃႈၵေႃႈတၵ်းဢဝ်လုၵ်ႈလၢင်း ဢၢပ်ႈဢေႃႈ။ လုၵ်ႈလၢင်းတင်းလၢႆၵေႃႈ တၵ်းႁဵတ်းတၢင်းၽိတ်းသႂ်ႇ တီႈပေႃႈမႄႈလႄႈ ႁႂ်ႈတၢႆဢေႃႈ။- 22ၵူၼ်းတင်းသဵင်ႈတင်းလူင်ၵေႃႈ တၵ်းၸင်းသူၵွပ်ႈပိူဝ်ႈ ၼႃႇမႃႉၸိုဝ်ႈသဵင်ၵဝ်ဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ် မၼ်ႈၶိူင်ႇတေႃႇထိုင်ႁွတ်ႈတီႈသုတ်းပုၼ်ႉၼၼ်ႉ၊ ၵေႃႉၼၼ်ႉ တၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ဢေႃႈ။
23ပေႃးၶဝ်ၼိၵ်ႈၸၢၵ်ႈငႅၼ်းသႄးသူ ၵႃႈၼႂ်းဝဵင်း ဝဵင်းၼိုင်ႈၸိုင်၊ ပၢႆႈၵႂႃႇၵႃႈတီႈတၢင်ႇဝဵင်းသေတႃႉ။ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၸူဝ်ႈဢၼ်သူလႄႇလဵပ်ႈၵႃႈၼႂ်းဝၢၼ်ႈၼႂ်းဝဵင်း ဢီႉသရေႇလႃႉၵႃႈမီးတင်းသဵင်ႈတင်းလူင်ဢမ်ႇပႆႇၸေး ပႆႇၸွတ်ႇၼၼ်ႉၸိုင်၊ လုၵ်ႈၵူၼ်းတၵ်းမႃးဢေႃႈ။
24တပႄးဢမ်ႇပူၼ်ႉလိူဝ်သေသြႃႇ။ ၶႃႈဢမ်ႇပူၼ်ႉလိူဝ်သေၸဝ်ႈ။- 25ပေႃးတပႄးပဵၼ်ၸိူဝ်ႉၼင်ႇသြႃႇ၊ ၶႃႈပဵၼ်ၸိူဝ်ႉၼင်ႇၸဝ်ႈၸိုင်၊ တိုၵ်ႉပေႃးတိုၵ်ႉထုၵ်ႇယဝ်ႉဢေႃႈ။ ပေႃးႁွင်ႉၸဝ်ႈႁိူၼ်းလႄႈဝႃႈ ပေႇလႃႉၸေႇပူႉလႃႉ၊ ဝႃႈၼင်ႇၼႆၸိုင်၊ ယဵင်ႈၶႅၼ်းတၵ်းႁွင်ႉၵူၼ်းႁိူၼ်းၵူၼ်းယေးမၼ်း တင်းလၢႆဢေႃႈ။
လွင်ႈၵေႃႉဢၼ်ထိူၵ်ႈလီၵူဝ်လီႁႄ
(တူၺ်း၊ လူႉ 12:2-7)
26ပိူဝ်ႈၼႆလႄႈ ယႃႇပေၵူဝ်ၶဝ်။ လွင်ႈတၢင်းဢၼ်ႁူမ်ႇဝႆႉယဝ်ႉ တင်းသဵင်ႈတင်းလူင် ဢၼ်တၵ်းဢမ်ႇလႆႈၶၢမ်ႇ တၢင်းဢၼ် ပိုတ်ႇဢွၵ်ႇၼႄပျႃးၼၼ်ႉ ဢမ်ႇမီးသေၸိူဝ်ႉသေပိူင်။ လွင်ႈတၢင်းဢၼ်သိူင်ႇဝႆႉ လပ်ႉဝႆႉယဝ်ႉတင်းသဵင်ႈတင်းလူင် ဢၼ်တၵ်းဢမ်ႇလႆႈၶၢမ်ႇတၢင်းဢၼ် လႆႈႁူႉလႆႈႁၼ်ၼၼ်ႉ ဢမ်ႇမီးသေၸိူဝ်ႉသေပိူင်၊- 27လွင်ႈဢၼ်ၵဝ်လၢတ်ႈတီႈသူၵႃႈၼႂ်း ဢၼ်လပ်းသိင်ႇၼၼ်ႉၸိုင်၊ ၵႂႃႇလၢတ်ႈၵႃႈတီႈၼႂ်းဢၼ်လႅင်းတႃႉ။ လွင်ႈတၢင်းဢၼ်သူငိၼ်းႁိမ်းႁူၼၼ်ႉၸိုင်ႁွင်ႉသႅၼ်ႇၵႃႈၼိူဝ်ၸွမ်ႁိူၼ်းတႃႉ။
28ပိူင်ၼိုင်ႈၸမ်ႉ၊ ၶဝ်ၸိူဝ်းဢၼ်ဢဝ်တူဝ်ၶၼ်ႇထႃႇတၢႆၵူၺ်းလႄႈ ဢမ်ႇဢဝ်ၸႂ်ဝီႉၺိၺ်ႇတၢႆလႆႈၼၼ်ႉၸိုင် ယႃႇပေၵူဝ်။ ၵူဝ်ၵေႃႉဢၼ် ယႃႉပႅတ်ႈၸႂ်ဝီႉၺိၺ်ႇတင်းတူဝ်ၶၼ်ႇထႃႇ ၵႃႈၼႂ်းငရၢႆးလႆႈၼၼ်ႉတႃႉ။- 29ဢဝ်တင်းၵႃႈမၼ်းၶၼ်မၼ်း ဢႃႇသရီႉၶႅပ်းၼိုင်ႈသိုဝ်ႉဢဝ် ၼူၵ်ႉဢႅၼ်ႇၽႃႉလႆႈသွင်တူဝ်ဢမ်ႇၸႂ်ႈႁိုဝ်။ ပေႃးဢၶႂၢင်ႉပေႃႈသူ ဢမ်ႇမီးၸိုင်၊ ၼူၵ်ႉၸိူဝ်းၼၼ်ႉဢမ်ႇလႆႈတူၵ်းၵႃႈၼိူဝ်လိၼ်သေတူဝ်။- 30ၶူၼ်ႁူဝ်သူၵေႃႈၼပ်ႉဢၢၼ်ႇဝႆႉတင်းသဵင်ႈတင်းလူင်ယဝ်ႉဢေႃႈ။- 31ပိူဝ်ႈၼႆလႄႈ ယႃႇပေၵူဝ်။ သူယဵင်ႈၶႅၼ်းမျၢတ်ႈၼႃႇသေၼူၵ်ႉဢႅၼ်ႇၽႃႉတင်းလၢႆၼၼ်ႉ ၼမ်ၼႃႇဢေႃႈ။
လွင်ႈႁပ်ႉတုင်းဢဝ်ၸဝ်ႈၶရိၸ်ႈ
(တူၺ်း၊ လူႉ 12:8-9)
32ၽူႈလႂ်သေဢမ်ႇဝႃႈ၊ ၵေႃႉဢၼ်ႁပ်ႉတုင်းဢဝ် ၵဝ်ၵႃႈတီႈၽၢႆႇၼႃႈ ၵူၼ်းတင်းလၢႆၼၼ်ႉ၊ ၵေႃႉၼၼ်ႉၸိုင်ၵဝ်တၵ်းႁပ်ႉတုင်းဢဝ်ၵႃႈတီႈၽၢႆႇၼႃႈပေႃႈၵဝ် ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉဢေႃႈ။- 33ၽူႈလႂ်သေဢမ်ႇဝႃႈ ၵေႃႉဢၼ်ထဵင်ပႅတ်ႈၵဝ် ၵႃႈတီႈၽၢႆႇၼႃႈၵူၼ်းတင်းလၢႆၼၼ်ႉ၊ ၵေႃႉၼၼ်ႉၸိုင်ၵဝ်တၵ်းထဵင်ပႅတ်ႈ ၵႃႈတီႈၽၢႆႇၼႃႈပေႃႈၵဝ် ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉဢေႃႈ။
ဢမ်ႇပၼ်တၢင်းၼိမ်၊မႃးပၼ်တုၵ်ႉၶႃႉ
(တူၺ်း၊ လူႉ 12:51-53။ လူႉ 14:26-27)
34သူယႃႇပေထၢင်ႇၵဝ်မႃး ႁႂ်ႈလႆႈပွႆႇၸႂ်ႉတၢင်းၼိမ်ၵႃႈၼိူဝ်လိၼ်မိူင်းၼႆႉ။ ၵဝ်မႃးႁႂ်ႈလႆႈပွႆႇၸႂ်ႉတၢင်းၼိမ်ဢမ်ႇၸႂ်ႈ။ ၵဝ်မႃးႁႂ်ႈလႆႈပွႆႇၸႂ်ႉလၢပ်ႇၸႂ်ႉလႅဝ်းဢေႃႈ။- 35ၵဝ်မႃးႁႂ်ႈပေႃႈတင်းလုၵ်ႈၸၢႆး၊ မႄႈတင်းလုၵ်ႈယိင်း၊ ဢွၵ်ႇၼၢႆးတင်းလုၵ်ႈပႂ်ႉ ၽၢတ်ႇၵၼ်ၽႄၵၼ်ဢေႃႈ။- 36ရၢၼ်ႇသူႇတူဝ်ၸဝ်ႈၵဝ်ႇတင်းလၢႆၼၼ်ႉ တၵ်းပဵၼ်ၶဝ်ၸိူဝ်းဢၼ် ပဵၼ်ၵူၼ်းႁိူၼ်းၵူၼ်းယေးတူဝ်ၸဝ်ႈၵဝ်ႇဢေႃႈ။
37ၵေႃႉဢၼ်ႁၵ်ႉပေႃႈမႄႈမၼ်းၼႃႇသေၵဝ်ၼၼ်ႉ ဢမ်ႇၵိုင်ႇထိူၵ်ႈၵၼ်တင်းၵဝ်။ ၵေႃႉဢၼ်ႁၵ်ႉလုၵ်ႈႁၵ်ႉလၢင်း ၼႃႇသေၵဝ်ၼၼ်ႉ ဢမ်ႇၵိုင်ႇထိူၵ်ႈၵၼ်တင်းၵဝ်။- 38ၵေႃႉဢၼ်ဢမ်ႇႁၢပ်ႇပႃးဢဝ် သဝ်လၵ်းဝႃးၵၢပ်ႈတူဝ်ၸဝ်ႈၵဝ်ႇသေလႄႈ ၸွမ်းပႃႈလင်ၵဝ်ၼၼ်ႉ ဢမ်ႇၵိုင်ႇထိူၵ်ႈၵၼ်တင်းၵဝ်။- 39ၵေႃႉဢၼ်ထူပ်းဢသၢၵ်ႈတူဝ်ၸဝ်ႈၵဝ်ႇၼၼ်ႉ တၵ်းၶၢမ်ႇတၢင်းဢၼ် ဢသၢၵ်ႈသုမ်းဢေႃႈ။ ၵေႃႉဢၼ်ၶၢမ်ႇတၢင်းဢၼ် ဢသၢၵ်ႈတူဝ်ၸဝ်ႈၵဝ်ႇသုမ်းၵွပ်ႈပိူဝ်ႈၵဝ်ၼၼ်ႉၸမ်ႉ၊ တၵ်းထူပ်းဢသၢၵ်ႈဢေႃႈ။
ဢၵျူဝ်းဢၼ်လႆႈၶၢမ်ႇဢဝ်
(တူၺ်း၊ မႃႇ 9:41)
40ၵေႃႉဢၼ်ႁပ်ႉတုင်းဢဝ်သူၼၼ်ႉ ႁပ်ႉတုင်းဢဝ်ၵဝ်ဢေႃႈ။ ၵေႃႉဢၼ်ႁပ်ႉတုင်းဢဝ်ၵဝ်ၼၼ်ႉ ႁပ်ႉတုင်းဢဝ်ၵေႃႉဢၼ်ပွႆႇၸႂ်ႉၵဝ်မႃးၼၼ်ႉဢေႃႈ။- 41ၵေႃႉဢၼ်ဢိင်ၸိုဝ်ႈသဵင်ပရေႃးၽႅတ်ႈသေလႄႈ ႁပ်ႉတုင်းဢဝ်ပရေႃးၽႅတ်ႈၼၼ်ႉ တၵ်းၶၢမ်ႇဢၵျူဝ်းပရေႃးၽႅတ်ႈဢေႃႈ။ ၵေႃႉဢၼ် ဢိင်ၸိုဝ်ႈသဵင်ၵူၼ်းသိုဝ်ႈတေႃႇသေလႄႈ ႁပ်ႉတုင်းဢဝ်ၵူၼ်းသိုဝ်ႈတေႃႇၼၼ်ႉ တၵ်းၶၢမ်ႇဢၵျူဝ်းၵူၼ်းသိုဝ်ႈတေႃႇဢေႃႈ။- 42ၽူႈလႂ်သေဢမ်ႇဝႃႈ၊ ၵေႃႉဢၼ်ဢိင်ၸိုဝ်ႈသဵင် တပႄးၸဝ်ႈသေလႄႈပၼ်ၼမ်ႉၵတ်း ၵွၵ်းၼိုင်ႈၵူၺ်း တီႈၵူၼ်းဢွၼ်ႇၸိူဝ်းၼႆႉသေၵေႃႉသေၵူၼ်းၼၼ်ႉ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၵေႃႉၼၼ်ႉ ယင်းဢမ်ႇလႆႈၶၢမ်ႇဢၵျူဝ်းလႄႈတၵ်းဢမ်ႇလႆႈယူႇ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship