မၢတ်ႈထႄႇ 12
12
လွင်ႈဝၼ်းၵမ်သိၼ်
(တူၺ်း၊ မႃႇ 2:23-28။ လူႉ 6:1-5)
1ၶိင်ႇၵႃႇလႃႉၼၼ်ႉ၊ ယေႇသူႉၽႃႇလတ်းၵႂႃႇ ၵႃႈၼႂ်းႁႆႊၶဝ်ႈၵျုင်ႇဝၼ်းၵမ်သိၼ်လႄႈ တပႄးၸဝ်ႈတင်းလၢႆ ပိူဝ်ႈဢၼ်တွင်ႉမႆႈလႄႈ ယၵ်းဢဝ်ႁူင်းၶဝ်ႈၵျုင်ႇသေလႄႈၵိၼ်ဢေႃႈ။- 2ၽႃႇရီႉသႄးတင်းလၢႆႁၼ်သေယဝ်ႉ၊ လဝ်ႊလၢတ်ႈလႄႈဝႃႈ၊ တူၺ်းလူး၊ လွင်ႈဢၼ်ဢမ်ႇထုၵ်ႇလီႁဵတ်းၼႂ်းဝၼ်းၵမ်သိၼ်ၸိုင်၊ တပႄးၸဝ်ႈႁဝ်းၸိူဝ်းၼႆႉ ႁဵတ်းလူင်ပႄႇ၊ ဝႃႈၼင်ႇၼႆဢေႃႈ။- 3မၼ်းၸဝ်ႈၵေႃႈလၢတ်ႈလႄႈဝႃႈ၊ လွင်ႈဢၼ်တႃႇဝိတ်ႈႁဵတ်းၼႂ်းမိူဝ်ႈဢၼ် မၼ်းဢိၵ်ႇတင်းၶဝ်ၸိူဝ်းဢၼ်မီးလူၺ်ႈၵၼ်တင်းမၼ်းတင်းလၢႆ ဢိုပ်းတၢင်းၵိၼ်ၼၼ်ႉ၊- 4ဢၼ်ဝႃႈလွင်ႈဢၼ်မၼ်းၶဝ်ႈၵႂႃႇၵႃႈၼႂ်းႁိူၼ်းၽြႃးပဵၼ်ၸဝ်ႈသေလႄႈ ဢဝ်ၶဝ်ႈမုၼ်းၽၢႆႇၼႃႈၸဝ်ႈ ဢၼ်မၼ်းဢမ်ႇထုၵ်ႇလီၵိၼ်၊ ဢၼ်ၶဝ်ၸိူဝ်းဢၼ်မီးလူၺ်ႈၵၼ်တင်းမၼ်း ဢမ်ႇထုၵ်ႇလီၵိၼ်၊ ဢၼ်ယိတ်ႈပရေႃးႁဵၵ်ႈၵူၺ်းၵူၺ်းထုၵ်ႇလီၵိၼ်ၼၼ်ႉ ၵိၼ်ၼၼ်ႉၸိုင်၊ သူဢမ်ႇယၢမ်ႈလႆႈၽတ်းႁိုဝ်။- 5လွင်ႈဢၼ်ယိတ်ႈပရေႃးႁဵၵ်ႈတင်းလၢႆ၊ ပိၵ်ႉသမ်ႉသိၼ်လူႉၼႂ်းပိၵ်ႈမၢၼ်ႇၸဝ်ႈဝၼ်းၵမ်သိၼ်သေၵေႃႈ၊ ဢမ်ႇထုၵ်ႇဢပႅတ်ႈၼၼ်ႉၸိုင်၊ သူဢမ်ႇယၢမ်ႈလႆႈၽတ်းၼႂ်းၵျၢမ်းပိင်းၺၢပ်ႈတီႉႁိုဝ်။- 6ၵဝ်ဝႃႈၸမ်ႉ၊ ဢၼ်ယႂ်ႇမျၢတ်ႈၼႃႇသေပိၵ်ႈမၢၼ်ႇၸဝ်ႈၼၼ်ႉ မီးၵႃႈတီႈၼႆႈဢေႃႈ။- 7ပေႃးသူႁူႉလွင်ႈဢၼ် ၵႂၢမ်းၵျၢမ်းလိၵ်ႈဢၼ်ဝႃႈ ၵဝ်ၵျိူၵ်ႈတၢင်းႁၵ်ႉၵရူႉၼႃႇလိူဝ်တွၼ်းသေတၢင်းဢၼ် ပုၵ်ႈၸေႃႇယိတ်ႈဢေႃႈ၊ ဝႃႈၼင်ႇၼႆၼၼ်ႉ ပဵၼ်ၸိူဝ်ႉႁိုဝ်ၼၼ်ႉၸိုင်၊ သူတၵ်းဢမ်ႇၸီႇယၢင်ႇၶဝ်ၸိူဝ်းဢၼ်ဢမ်ႇမီးဢပႅတ်ႈၼၼ်ႉယဝ်ႉ။- 8လွင်ႈမၼ်းၸမ်ႉ လုၵ်ႈၵူၼ်းပဵၼ်ၸဝ်ႈဝၼ်းၵမ်သိၼ်ဢေႃႈ၊ ဝႃႈၼင်ႇၼႆဢေႃႈ။
ၵူၼ်းဢၼ်မိုဝ်းႁဵဝ်ႇၶွၼ်ၼိုင်ႈ
(တူၺ်း၊ မႃႇ 3:1-6။ လူႉ 6:6-11)
9မၼ်းၸဝ်ႈၵႂႃႇသေၵႃႈတီႈၼၼ်ႈလႄႈ ၶဝ်ႈၵႃႈၼႂ်းၸရွပ်ႈႁေႃးတြႃးဢေႃႈ။- 10မိူဝ်ႈၼၼ်ႉ မီးၵူၼ်းဢၼ်မိုဝ်းႁဵဝ်ႇၵေႃႉၼိုင်ႈလႄႈ၊ ၶဝ်ၼၼ်ႉၵေႃႈႁႃတီႈတၢင်ႇဢပႅတ်ႈၵႃႈၼိူဝ်မၼ်းၸဝ်ႈလႄႈ လဝ်ႊထၢမ်ဝႃႈ၊ ၼႂ်းဝၼ်းၵမ်သိၼ်ထုၵ်ႇလီႁႂ်ႈတၢင်းၶႆႈတၢင်းပဵၼ်ႁၢႆႁိုဝ်။ ဝႃႈၼင်ႇၼႆဢေႃႈ။- 11မၼ်းၸဝ်ႈၵေႃႈလၢတ်ႈလႄႈဝႃႈ၊ ၵေႃႉဢၼ်ၵႃႈတီႈတူဝ်ၸဝ်ႈၵဝ်ႇမီးသူဝ်းတူဝ်ၼိုင်ႈၵူၺ်းလႄႈ၊ ပေႃးသူဝ်းၼၼ်ႉ တူၵ်းၵႃႈၼႂ်းထၢင်ဝၼ်းၵမ်သိၼ်ၸိုင်၊ ယင်းဢမ်ႇယိပ်းၵမ်တိုတ်ႉၸၼ်ဢဝ်ဢွၵ်ႇလႄႈယူႇၼၼ်ႉ ၼႂ်းသူမီးသေၵေႃႉသေၵူၼ်းႁိုဝ်။- 12ၵူၼ်းယဵင်ႈၶႅၼ်းမျၢတ်ႈၼႃႇသေသူဝ်းဢေႃႈ။ ပိူဝ်ႈၼႆလႄႈ ဝၼ်းၵမ်သိၼ်ထုၵ်ႇလီႁဵတ်းၵျေးၸူးဢေႃႈ၊ ဝႃႈၼင်ႇၼႆယဝ်ႉၸင်ႇ၊ မၼ်းၸဝ်ႈလၢတ်ႈတီႈၵေႃႉၼၼ်ႉလႄႈဝႃႈ၊ ယဵတ်ႇမိုဝ်းမႂ်းတႃႉ၊ ဝႃႈၼင်ႇၼႆဢေႃႈ။- 13မၼ်းယဵတ်ႇမိုဝ်းမၼ်းလႄႈ မိုဝ်းမၼ်းၼၼ်ႉ ပဵၼ်ဢၼ်လီမႃးၸိူဝ်ႉၼင်ႇတၢင်ႇၶွၼ်ဢေႃႈ။
14မိူဝ်ႈၼၼ်ႉ ၽႃႇရီႉသႄးၸိူဝ်းၼၼ်ႉ ဢွၵ်ႇၵႂႃႇသေလႄႈ၊ တၵ်းလႆႈယႃႉမၼ်းၸဝ်ႈၸိူဝ်ႉၼင်ႇႁိုဝ်ဝႃႈၼႆ၊ တိူင်ႇပၢင်ႇလၢတ်ႈၸႃၵၼ်ဢေႃႈ။
ၵူၼ်းၸႂ်ႉသွႆဢၼ်ၽြႃးပဵၼ်ၸဝ်ႈလိူၵ်ႈ
15 ယေႇသူႉၼၼ်ႉႁူႉသေယဝ်ႉ ၶၢႆႉၵႂႃႇတၢင်ႇတီႈတၢင်ႇလႅၼ်သေလႄႈ ၵူၼ်းၼမ်ၼႃႇၵေႃႈ ၸွမ်းပႃႈလင်မၼ်းၸဝ်ႈၵႂႃႇလႄႈ မၼ်းၸဝ်ႈႁႂ်ႈတၢင်းၶႆႈတၢင်းပဵၼ်ၶဝ်ၵႃႈမီးတင်းသဵင်ႈတင်းလူင်ႁၢႆဢေႃႈ။- 16လွင်ႈၼင်ႇႁိုဝ်ၶဝ်ၼၼ်ႉ တၵ်းဢမ်ႇလႆႈႁႂ်ႈသတၢင်းသဵင်ၶၢဝ်ႇမၼ်းၸဝ်ႈဢွၵ်ႇၸိုင် မၼ်းၸဝ်ႈသင်ႇလၢတ်ႈပၼ်တီႈၶဝ်ၼႃႇလူင်လၢင်ဢေႃႈ။- 17လွင်ႈတၢင်းၼႆႉၸမ်ႉ၊ ၼင်ႇႁိုဝ်ၵႂၢမ်းဢၼ်ဢွၵ်ႇသူပ်းပရေႃးၽႅတ်ႈဢီႉသႃႇယႃႉၼၼ်ႉ တၵ်းပျေႉၸုမ်ႇၸိုင် ၸင်ႇပဵၼ်ဢေႃႈ။- 18ၵႂၢမ်းၼၼ်ႉၸမ်ႉ၊ တူၺ်းၶႃႈၵဝ်ဢၼ်ၵဝ်လိူၵ်ႈၵဵပ်း၊ ၵေႃႉဢၼ်ၵဝ်ႁၵ်ႉၼႃႇလႄႈထုၵ်ႇၸႂ်ၵျိူၵ်ႈၸႂ်ၵဝ်ၼၼ်ႉတႃႉ။ ၵဝ်တၵ်းႁႂ်ႈဝီႉၺိၺ်ႇၵဝ်တႄႇယူႇၵႃႈတီႈၼိူဝ်မၼ်းဢေႃႈ။ မၼ်းၼၼ်ႉတၵ်းပၼ်တြႃးၵႃႈတီႈၵူၼ်းၵူႈၸိူဝ်ႉၵူႈမဵဝ်းတင်းလၢႆဢေႃႈ။- 19မၼ်းတၵ်းဢမ်ႇတွပ်ႇဢမ်ႇထဵင်။ တၵ်းဢမ်ႇႁွင်ႉဢမ်ႇသႅၼ်ႇ။ ၽူႈလႂ်တၵ်းဢမ်ႇလႆႈငိၼ်းသဵင်မၼ်းၵႃႈတီႈၼႂ်းသဵၼ်ႈတၢင်းတင်းလၢႆ။- 20မႆႉဢေႃႈဢၼ်ယဵပ်ႇတူပ်ႉၼၼ်ႉၸိုင် မၼ်းတၵ်းဢမ်ႇႁၵ်း။ တဵၼ်းၵႃႈဢၼ်ၵႂၼ်းၽႆးၼမ်ၼႃႇၼၼ်ႉၸိုင် မၼ်းတၵ်းဢမ်ႇမွတ်ႇတေႃႇထိုင်ႁွတ်ႈမၼ်းတၵ်းပွႆႇတၢင်းဢၼ် ၸီႇယၢင်ႇတြႃးၼၼ်ႉႁႂ်ႈပႄႉႁႂ်ႈၼႅင်ႇၵႂႃႇဢေႃႈ။- 21ၼႃႇမႃႉၸိုဝ်ႈသဵင်မၼ်းၼၼ်ႉၵေႃႈ၊ ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ တၵ်းဢိင်ပိုင်ႈဢေႃႈ၊ ဝႃႈၼင်ႇၼႆဢေႃႈ။
ၸဝ်ႈယေႇသူႉတင်းၶုၼ်ၽီႁၢႆႉပေႇလႃႉၸေႇပူႉလႃႉ
(တူၺ်း၊ မႃႇ 3:20-30။ လူႉ 11:14-23)
22မိူဝ်ႈၼၼ်ႉ ၶဝ်ဢဝ်ၵူၼ်းဢၼ်ၽီႁၢႆႉၶဝ်ႈလႄႈ ဢႃႉ၊ တႃမွတ်ႇၵေႃႉၼိုင်ႈ မႃးၵႃႈတီႈမၼ်းၸဝ်ႈလႄႈ၊ မၼ်းၸဝ်ႈပၼ်ၵတ်းယဵၼ်ၶျၢမ်းသႃႇ တီႈၵူၼ်းဢႃႉ၊ တႃမွတ်ႇၼၼ်ႉ ႁႂ်ႈတႃႁၼ်လႄႈလၢတ်ႈၵႂၢမ်းလႆႈဢေႃႈ။- 23ၵူၼ်းဢၼ်ၸူႉဢၼ်တုမ်တင်းသဵင်ႈတင်းလူင် ၵႂင်ၸႂ်ယုင်ႈၸႂ်လႄႈထၢမ်ဝႃႈ၊ ၵေႃႉၼႆႉပဵၼ်လုၵ်ႈတႃႇဝိတ်ႈႁိုဝ်။ ဝႃႈၼင်ႇၼႆဢေႃႈ။- 24မိူဝ်ႈဢၼ်ၽႃႇရီႉသႄးတင်းလၢႆငိၼ်းၸိုင် ၶဝ်လၢတ်ႈလႄႈဝႃႈ၊ ၵေႃႉၼႆႉဢိင်ပိုင်ႈၶုၼ်ၽီႁၢႆႉပေႇလႃႉၸေႇပူႉလႃႉသေလႄႈ ႁေႃႈၽီႁၢႆႉတင်းလၢႆဢွၵ်ႇပႅတ်ႈဢေႃႈ၊ ဝႃႈၼင်ႇၼႆဢေႃႈ။- 25မၼ်းၸဝ်ႈႁူႉၸႅင်ႈတၢင်းၵျၢမ်ႇတၢင်းပွင်ၶဝ်ၼၼ်ႉယူႇသေလႄႈ လၢတ်ႈလႄႈဝႃႈ၊ မိူင်းလႂ်သေဢမ်ႇဝႃႈ ပေႃးဢမ်ႇထုၵ်ႇဢမ်ႇပေႃးၵၼ် ၽၢတ်ႇၽႄၵၼ်တင်းတူဝ်ၸဝ်ႈၵဝ်ႇယူႇၸိုင်၊ တၵ်းႁွတ်ႈထိုင်တၢင်းလူႉတၢင်းလႅဝ်ဢေႃႈ။ မိူင်းလႄႈသင်၊ ႁိူၼ်းလႄႈသင်၊ ပေႃးဢမ်ႇထုၵ်ႇဢမ်ႇပေႃးၵၼ်၊ ၽၢတ်ႇၽႄၵၼ်တင်းတူဝ်ၸဝ်ႈၵဝ်ႇယူႇၸိုင် ဢမ်ႇမၼ်ႈဢမ်ႇၶိူင်ႇလႆႈ။- 26ၸႃႇတၢၼ်ႇၵေႃႈ ပေႃးႁေႃႈ ၸႃႇတၢၼ်ႇဢွၵ်ႇပႅတ်ႈၸိုင် တၵ်းပႅၵ်ႇပိူင်ႈၵၼ်၊ ၽၢတ်ႇၽႄၵၼ်တင်းတူဝ်ၸဝ်ႈၵဝ်ႇလႄႈ၊ မိူင်းမၼ်းၼၼ်ႉ တၵ်းမၼ်ႈၶိူင်ႇလႆႈၸိူဝ်ႉၼင်ႇႁိုဝ်။- 27ပေႃးၵဝ်ဢိင်ပိုင်ႈပေႇလႃႉၸေႇပူႉလႃႉသေလႄႈ ႁေႃႈၽီႁၢႆႉဢွၵ်ႇပႅတ်ႈၸိုင်၊ လုၵ်ႈလၢင်းသူဢိင်ပိုင်ႈၽူႈလႂ်သေလႄႈ ႁေႃႈၽီႁၢႆႉဢွၵ်ႇပႅတ်ႈ။ ပိူဝ်ႈၼႆလႄႈ ၶဝ်ၼၼ်ႉ တၵ်းပဵၼ်ၵေႃႉဢၼ်ၸီႇယၢင်ႇတြႃးတီႈသူဢေႃႈ။- 28ပေႃးၵဝ်ဢိင်ပိုင်ႈဝီႉၺိၺ်ႇၽြႃးပဵၼ်ၸဝ်ႈသေလႄႈ ႁေႃႈၽီႁၢႆႉတင်းလၢႆဢွၵ်ႇပႅတ်ႈၸိုင် မိူင်းၽြႃးပဵၼ်ၸဝ်ႈ ႁွတ်ႈမႃးၵႃႈတီႈသူ ဢမၢၼ်ႇၶၼ်ပဵၼ်ယဝ်ႉ။- 29ပေႃးဢမ်ႇမတ်ႉၽုၵ်ႇၵူၼ်းႁႅင်းဝႆႉဢွၼ်တၢင်းၸိုင်၊ ၽူႈလႂ်တၵ်းၶဝ်ႈၵႃႈၼႂ်းႁိူၼ်းၵူၼ်းႁႅင်းၼၼ်ႉသေလႄႈ ႁိမ်ဢဝ်ၶူဝ်းလဵင်းမၼ်းလႆႈ။ မတ်ႉၽုၵ်ႇၵူၼ်းႁႅင်းဝႆႉယဝ်ႉၸင်ႇ၊ ႁိမ်ဢဝ်ႁိူၼ်းမၼ်းၼၼ်ႉလႆႈဢေႃႈ။- 30ၵေႃႉဢၼ်ဢမ်ႇယူႇၽၢႆႇၵဝ်ၼၼ်ႉ ပဵၼ်ရၢၼ်ႇသူႇၵဝ်ဢေႃႈ။ ၵေႃႉဢၼ်ဢမ်ႇၸူႉဢမ်ႇသိမ်းလူၺ်ႈၵၼ်တင်းၵဝ်ၼၼ်ႉ ပဵၼ်ၵေႃႉဢၼ်ပိုၼ်မိူၵ်ႇပိုၼ်မိူဝ်ပႅတ်ႈဢေႃႈ။
31ပိူဝ်ႈၼႆလႄႈ ၵဝ်ဝႃႈၸမ်ႉ၊ ၵူၼ်းတင်းလၢႆႁွတ်ႈထိုင်တၢင်းဢၼ်ပွႆႇလွတ်ႈဢပႅတ်ႈဢၼ်ၽိတ်းပိူင်ႈ ဢိၵ်ႇတင်းဢပႅတ်ႈဢၼ်သႄႉသွမ်းၽြႃးပဵၼ်ၸဝ်ႈ ၵူႈၸိူဝ်ႉၵူႈပိူင်ၼၼ်ႉလႆႈယူႇဢေႃႈ။ ၵူၼ်းတင်းလၢႆဢမ်ႇႁွတ်ႈထိုင်တၢင်းဢၼ် ပွႆႇလွတ်ႈဢပႅတ်ႈဢၼ်သႄႉသွမ်းဝီႉၺိၺ်ႇၸဝ်ႈလႆႈ။- 32ၽူႈလႂ်သေဢမ်ႇဝႃႈ ၵေႃႉဢၼ်ၽိတ်းသူပ်းၽိတ်းၵႂၢမ်းတီႈလုၵ်ႈၵူၼ်းၼၼ်ႉၵေႃႈ ႁွတ်ႈထိုင်တၢင်းဢၼ် ပွႆႇလွတ်ႈလႆႈယူႇဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ်ၽိတ်းသူပ်းၽိတ်းၵႂၢမ်း တီႈဝီႉၺိၺ်ႇဢၼ်မူတ်းၸၢင်ႇၸဝ်ႈၼၼ်ႉၸိုင်၊ ၸၢတ်ႈၼႆႉၸၢတ်ႈၼႃႈ ဢမ်ႇႁွတ်ႈထိုင်တၢင်းဢၼ်ပွႆႇလွတ်ႈလႆႈ။
လွင်ႈတူၼ်ႈဢိၵ်ႇတင်းမၢၵ်ႇမၼ်း
(တူၺ်း၊ လူႉ 6:43-45)
33ႁႂ်ႈတူၼ်ႈပဵၼ်ဢၼ်လီလႄႈ မၢၵ်ႇမၼ်းပဵၼ်ဢၼ်လီတႃႉ။ ဢမ်ႇၼၼ် ႁႂ်ႈတူၼ်ႈပဵၼ်ဢၼ်ဢမ်ႇလီလႄႈ မၢၵ်ႇမၼ်းပဵၼ်ဢၼ်ဢမ်ႇလီတႃႉ။ လွင်ႈမၼ်းၸမ်ႉ ၵွပ်ႈပိူဝ်ႈမၢၵ်ႇလႄႈ ႁူႉလွင်ႈတူၼ်ႈဢေႃႈ။
34ၸိူဝ်ႉၶိူဝ်းငူးႁၢႆႉၸိူဝ်းၼႆႉဢိူၺ်း၊ သူၼႆႉပဵၼ်ဢၼ်ႁၢႆႉယူႇလႄႈ လၢတ်ႈၵႂၢမ်းဢၼ်လီလႆႈၸိူဝ်ႉၼင်ႇႁိုဝ်။ သူပ်းၸၢင်ႈမွၵ်ႇလၢတ်ႈၸွမ်းၵႃႈၼင်ႇဢၼ် မီးတဵမ်ဝႆႉၵႃႈၼႂ်းႁူဝ်ၸႂ်ၼၼ်ႉဢေႃႈ။- 35ၵေႃႉဢၼ်လီၼၼ်ႉၸိုင်၊ ၸၢင်ႈဢဝ်လွင်ႈတၢင်းဢၼ်လီၵႃႈၼႂ်းတိူၵ်ႈၽၼ်ႇတႃႇ ႁူဝ်ၸႂ်ဢၼ်လီမၼ်းၼၼ်ႉ ဢွၵ်ႇလႄႈၼႄပျႃးဢေႃႈ။ ၵေႃႉဢၼ်ႁၢႆႉၼၼ်ႉၸိုင် ၸၢင်ႈဢဝ်လွင်ႈဢၼ်ႁၢႆႉၵႃႈၼႂ်းတိူၵ်ႈၽၼ်ႇတႃႇ ႁူဝ်ၸႂ်ဢၼ်ႁၢႆႉမၼ်းၼၼ်ႉဢွၵ်ႇလႄႈ ၼႄပျႃးဢေႃႈ။- 36ၵဝ်ဝႃႈတီႈသူၸမ်ႉ၊ ၵႂၢမ်းဢၼ်မဝ်မၢင်လၢႆလၢႆလွၵ်ႇလွၵ်ႇ ဢၼ်ၵူၼ်းတင်းလၢႆလၢတ်ႈၵႃႈမီးတင်းသဵင်ႈတင်းလူင်ၼၼ်ႉၸိုင် တၵ်းလႆႈမွၵ်ႇလၢတ်ႈၽုၺ်ႇၼႄၼႂ်းဝၼ်းဢၼ်ၸီႇယၢင်ႇတြႃးၼၼ်ႉဢေႃႈ။- 37လွင်ႈမၼ်းၸမ်ႉ ၵွပ်ႈပိူဝ်ႈၵႂၢမ်းမႂ်းလႄႈ တၵ်းလႆႈၶၢမ်ႇတၢင်းဢၼ်သိုဝ်ႈတေႃႇဢေႃႈ။ ၵွပ်ႈပိူဝ်ႈၵႂၢမ်းမႂ်းလႄႈ တၵ်းလႆႈၶၢမ်ႇတၢင်းဢၼ်ၸီႇယၢင်ႇဢေႃႈ၊ ဝႃႈၼင်ႇၼႆဢေႃႈ။
လွင်ႈဢၼ်ယွၼ်းႁႂ်ႈႁဵတ်းၼႄတၼ်းၶူဝ်း
(တူၺ်း၊ မႃႇ 8:11-12။ လူႉ 11:29-32)
38မိူဝ်ႈၼၼ်ႉ ၵူၼ်းထုတ်ႇၵျၢမ်းဢိၵ်ႇတင်းၽႃႇရီႉသႄးၵမ်ႈၽွင်ႈလဝ်ႊလၢတ်ႈလႄႈဝႃႈ၊ သြႃႇၸဝ်ႈ၊ ႁဝ်းၶႃႈၶႂ်ႈႁၼ်ၼီႉမိၵ်ႈလၢၵ်ႈၶၼႃႇ ဢၼ်ၸဝ်ႈႁဝ်းၼႄပျႃးသေၸိူဝ်ႉသေပိူင်ၶႃႈဢေႃႈ၊ ဝႃႈၼင်ႇၼႆဢေႃႈ။- 39မၼ်းၸဝ်ႈၵေႃႈၶိုၼ်းလၢတ်ႈလႄႈဝႃႈ၊ ၵူၼ်းမဵဝ်းဢၼ်ႁၢႆႉမိူၵ်ႈလႄႈ လဵၼ်ႈၽူဝ်ဢွၼ်ႇၼႆႉ ယွၼ်းၼီႉမိၵ်ႈလၢၵ်ႈၶၼႃႇလႄႈ၊ လိူဝ်သေၼီႉမိၵ်ႈလၢၵ်ႈၶၼႃႇ ပရေႃးၽႅတ်ႈယူဝ်းၼႃႉၼၼ်ႉ ဢမ်ႇလႆႈၼႄပျႃး ၼီႉမိၵ်ႈလၢၵ်ႈၶၼႃႇဢၼ်လႂ်တီႈၶဝ်။- 40ၸိူဝ်ႉၼင်ႇဢၼ်ယူဝ်းၼႃႉ လႆႈယူႇၵႃႈၼႂ်းတွင်ႉပႃလူင်သၢမ်ဝၼ်းတင်းသၢမ်ၶိုၼ်းၼၼ်ႉ၊ လုၵ်ႈၵူၼ်းတၵ်းလႆႈယူႇၵႃႈၼႂ်းလိၼ် သၢမ်ဝၼ်းတင်းသၢမ်ၶိုၼ်းဢေႃႈ။- 41ၶိင်ႇမိူဝ်ႈဢၼ်ၸီႇယၢင်ႇတြႃးပုၼ်ႉၸိုင်၊ ၵူၼ်းဝဵင်းၼီႉၼေႇဝူၺ်ႇတင်းလၢႆၼၼ်ႉ တၵ်းလုၵ်ႉယူႇၽၢႆႇၼိုင်ႈသေလႄႈ ႁႂ်ႈၵူၼ်းမဵဝ်းၼႆႉ လႆႈၶၢမ်ႇတၢင်းဢၼ်ၸီႇယၢင်ႇဢပႅတ်ႈဢေႃႈ။ လွင်ႈမၼ်းၸမ်ႉ ၶဝ်ၼၼ်ႉ ၵွပ်ႈပိူဝ်ႈၵႂၢမ်းဢၼ်ယူဝ်းၼႃႉ ႁေႃးလၢတ်ႈၼၼ်ႉလႄႈ ၶုၵ်းၸႂ်လႆႈမႆႈၸႂ်ဢေႃႈ။ ၵႃႈတီႈၼႆႈၸမ်ႉ၊ မီးၵေႃႉဢၼ် ယႂ်ႇမျၢတ်ႈၼႃႇသေယူဝ်းၼႃႉၼၼ်ႉဢေႃႈ။- 42ၶိင်ႇမိူဝ်ႈဢၼ် ၸီႇယၢင်ႇတြႃးပုၼ်ႉ၊ ၼၢင်းႁေႃၶမ်းမိူင်းတၢင်းၸၢၼ်း တၵ်းလုၵ်ႉယူႇၽၢႆႇၼိုင်ႈသေလႄႈ ႁႂ်ႈၵူၼ်းမဵဝ်းၼႆႉ လႆႈၶၢမ်ႇတၢင်းဢၼ်ၸီႇယၢင်ႇဢပႅတ်ႈဢေႃႈ။ လွင်ႈမၼ်းၸမ်ႉ ၼၢင်းႁေႃၶမ်းၼၼ်ႉ လုၵ်ႉသေၵႃႈတီႈႁိမ်းလႅၼ်သုတ်းလိၼ်မိူင်းပုၼ်ႉမႃး ႁႂ်ႈလႆႈထွမ်ႇလႆႈငိၼ်းၵႂၢမ်းပိင်ႇၺႃႇၶုၼ်လူင်သေႃးလမုၼ်ႇၼၼ်ႉဢေႃႈ။ ၵႃႈတီႈၼႆႈၸမ်ႉ၊ မီးၵေႃႉဢၼ်ယႂ်ႇမျၢတ်ႈၼႃႇသေ သေႃးလမုၼ်ႇၼၼ်ႉဢေႃႈ။
လွင်ႈဢၼ်ၽီႁၢႆႉၶိုၼ်းၶဝ်ႈထႅင်ႈ
(တူၺ်း၊ လူႉ 11:24-26)
43ၽီဢၼ်ၵူဝ်ႈၵိူၵ်ႇၼၼ်ႉ၊ မိူဝ်ႈဢၼ်ဢွၵ်ႇသေၵႃႈၼႂ်းၵူၼ်းၵႂႃႇၸိုင်၊ ၸၢင်ႈၵႂႃႇလႄႇၵႃႈၼႂ်းတီႈဢၼ်ႁႅင်ႈဢၼ်ႁွင်တင်းလၢႆလႄႈ ႁႃတၢင်းၼိမ်သေၵေႃႈ ဢမ်ႇထူပ်းဢမ်ႇႁၼ်။- 44ၵမ်းၼၼ်ႉမၼ်းဝႃႈ၊ ၵဝ်တၵ်းၶိုၼ်းမိူဝ်းၵႃႈတီႈႁိူၼ်းဢၼ်ၵဝ်ဢွၵ်ႇမႃးသေယဝ်ႉၼၼ်ႉလူးၵွၼ်ႇ၊ ဝႃႈၼင်ႇၼႆသေယဝ်ႉ၊ မိူဝ်ႈဢၼ်မိူဝ်းႁွတ်ႈမိူဝ်းထိုင်ၸိုင်၊ ထူပ်းႁၼ်ႁိူၼ်းၼၼ်ႉ မီးတၢင်းဢၼ်ပဝ်ႇဝႆႉ၊ မႄးပတ်းဝႆႉ၊ မႄးၽဵဝ်ႈဝႆႉယူႇလႄႈ၊- 45သမ်ႉၵႂႃႇႁွင်ႉဢဝ်ၽီဢၼ်ႁၢႆႉမိူၵ်ႈၼႃႇသေမၼ်း ၸဵတ်းၵေႃႉယဝ်ႉၸင်ႇ၊ ၶဝ်ႈၵႃႈၼႂ်းၵူၼ်းၼၼ်ႉသေလႄႈယူႇဢေႃႈ။ ၵေႃႉၼၼ်ႉၸမ်ႉ၊ ဢၼ်ပဵၼ်ၵမ်းလိုၼ်းၼၼ်ႉ ယဵင်ႈၶႅၼ်းႁၢႆႉၼႃႇသေ ဢၼ်ပဵၼ်ဢွၼ်တၢင်းၼၼ်ႉဢေႃႈ။ တီႈၵူၼ်းမဵဝ်းဢၼ်ႁၢႆႉမိူၵ်ႈၼႆႉ တၵ်းပဵၼ်ၸိူဝ်ႉၼင်ႇၼၼ်ဢေႃႈ၊ ဝႃႈၼင်ႇၼႆဢေႃႈ။
လွင်ႈပဵၼ်မႄႈၸဝ်ႈတင်းၼွင်ႉၸၢႆးၸဝ်ႈ
(တူၺ်း၊ မႃႇ 3:31-35။ လူႉ 8:19-21)
46ၼႂ်းမိူဝ်ႈဢၼ်မၼ်းၸဝ်ႈယင်းတိုၵ်ႉႁေႃးလၢတ်ႈတီႈပရဵၵ်ႈသၢတ်ႈၸိူဝ်ႉၼင်ႇၼႆယူႇၼၼ်ႉၸိုင် မႄႈၸဝ်ႈ ဢိၵ်ႇတင်းၼွင်ႉၸဝ်ႈတင်းလၢႆ ၶႂ်ႈတၵ်ႉၶႂ်ႈလၢတ်ႈလႄႈ ၸုၵ်းယူႇၵႃႈၼွၵ်ႈဢေႃႈ။- 47ၵူၼ်းၵေႃႉၼိုင်ႈၵေႃႈလဝ်ႊလၢတ်ႈလႄႈဝႃႈ၊ မႄႈၸဝ်ႈႁဝ်းဢိၵ်ႇတင်းၼွင်ႉၸဝ်ႈႁဝ်းၸိူဝ်းၼၼ်ႉ ၶႂ်ႈတၵ်ႉၶႂ်ႈလၢတ်ႈၸဝ်ႈႁဝ်းလႄႈ ၸုၵ်းယူႇၵႃႈၼွၵ်ႈၶႃႈဢေႃႈ၊ ဝႃႈၼင်ႇၼႆဢေႃႈ။- 48မၼ်းၸဝ်ႈၵေႃႈထၢမ်လႄႈဝႃႈ၊ မႄႈၵဝ်ၸမ်ႉ ပဵၼ်ၽူႈလႂ်။ ၼွင်ႉၵဝ်တင်းလၢႆၸမ်ႉ ပဵၼ်ၽူႈလႂ်၊ ဝႃႈၼင်ႇၼႆယဝ်ႉၸင်ႇ၊- 49ယိုၼ်ႈမိုဝ်းမၼ်းၸဝ်ႈ ၸီႉၼႄတပႄးၸဝ်ႈတင်းလၢႆသေလႄႈလၢတ်ႈလႄႈဝႃႈ၊ ၶဝ်ၸိူဝ်းၼႆႉပဵၼ်မႄႈၵဝ်၊ ၼွင်ႉၵဝ်ဢေႃႈ။- 50ၽူႈလႂ်သေဢမ်ႇဝႃႈ ၵေႃႉဢၼ်ႁဵတ်းၸွမ်းဢလူဝ်ႇပေႃႈၵဝ် ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉၼၼ်ႉ ၵေႃႉၼၼ်ႉ ပဵၼ်ၼွင်ႉၸၢႆးၵဝ်၊ ၼွင်ႉယိင်းၵဝ်၊ မႄႈၵဝ်ဢေႃႈ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
မၢတ်ႈထႄႇ 12: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မၢတ်ႈထႄႇ 12
12
လွင်ႈဝၼ်းၵမ်သိၼ်
(တူၺ်း၊ မႃႇ 2:23-28။ လူႉ 6:1-5)
1ၶိင်ႇၵႃႇလႃႉၼၼ်ႉ၊ ယေႇသူႉၽႃႇလတ်းၵႂႃႇ ၵႃႈၼႂ်းႁႆႊၶဝ်ႈၵျုင်ႇဝၼ်းၵမ်သိၼ်လႄႈ တပႄးၸဝ်ႈတင်းလၢႆ ပိူဝ်ႈဢၼ်တွင်ႉမႆႈလႄႈ ယၵ်းဢဝ်ႁူင်းၶဝ်ႈၵျုင်ႇသေလႄႈၵိၼ်ဢေႃႈ။- 2ၽႃႇရီႉသႄးတင်းလၢႆႁၼ်သေယဝ်ႉ၊ လဝ်ႊလၢတ်ႈလႄႈဝႃႈ၊ တူၺ်းလူး၊ လွင်ႈဢၼ်ဢမ်ႇထုၵ်ႇလီႁဵတ်းၼႂ်းဝၼ်းၵမ်သိၼ်ၸိုင်၊ တပႄးၸဝ်ႈႁဝ်းၸိူဝ်းၼႆႉ ႁဵတ်းလူင်ပႄႇ၊ ဝႃႈၼင်ႇၼႆဢေႃႈ။- 3မၼ်းၸဝ်ႈၵေႃႈလၢတ်ႈလႄႈဝႃႈ၊ လွင်ႈဢၼ်တႃႇဝိတ်ႈႁဵတ်းၼႂ်းမိူဝ်ႈဢၼ် မၼ်းဢိၵ်ႇတင်းၶဝ်ၸိူဝ်းဢၼ်မီးလူၺ်ႈၵၼ်တင်းမၼ်းတင်းလၢႆ ဢိုပ်းတၢင်းၵိၼ်ၼၼ်ႉ၊- 4ဢၼ်ဝႃႈလွင်ႈဢၼ်မၼ်းၶဝ်ႈၵႂႃႇၵႃႈၼႂ်းႁိူၼ်းၽြႃးပဵၼ်ၸဝ်ႈသေလႄႈ ဢဝ်ၶဝ်ႈမုၼ်းၽၢႆႇၼႃႈၸဝ်ႈ ဢၼ်မၼ်းဢမ်ႇထုၵ်ႇလီၵိၼ်၊ ဢၼ်ၶဝ်ၸိူဝ်းဢၼ်မီးလူၺ်ႈၵၼ်တင်းမၼ်း ဢမ်ႇထုၵ်ႇလီၵိၼ်၊ ဢၼ်ယိတ်ႈပရေႃးႁဵၵ်ႈၵူၺ်းၵူၺ်းထုၵ်ႇလီၵိၼ်ၼၼ်ႉ ၵိၼ်ၼၼ်ႉၸိုင်၊ သူဢမ်ႇယၢမ်ႈလႆႈၽတ်းႁိုဝ်။- 5လွင်ႈဢၼ်ယိတ်ႈပရေႃးႁဵၵ်ႈတင်းလၢႆ၊ ပိၵ်ႉသမ်ႉသိၼ်လူႉၼႂ်းပိၵ်ႈမၢၼ်ႇၸဝ်ႈဝၼ်းၵမ်သိၼ်သေၵေႃႈ၊ ဢမ်ႇထုၵ်ႇဢပႅတ်ႈၼၼ်ႉၸိုင်၊ သူဢမ်ႇယၢမ်ႈလႆႈၽတ်းၼႂ်းၵျၢမ်းပိင်းၺၢပ်ႈတီႉႁိုဝ်။- 6ၵဝ်ဝႃႈၸမ်ႉ၊ ဢၼ်ယႂ်ႇမျၢတ်ႈၼႃႇသေပိၵ်ႈမၢၼ်ႇၸဝ်ႈၼၼ်ႉ မီးၵႃႈတီႈၼႆႈဢေႃႈ။- 7ပေႃးသူႁူႉလွင်ႈဢၼ် ၵႂၢမ်းၵျၢမ်းလိၵ်ႈဢၼ်ဝႃႈ ၵဝ်ၵျိူၵ်ႈတၢင်းႁၵ်ႉၵရူႉၼႃႇလိူဝ်တွၼ်းသေတၢင်းဢၼ် ပုၵ်ႈၸေႃႇယိတ်ႈဢေႃႈ၊ ဝႃႈၼင်ႇၼႆၼၼ်ႉ ပဵၼ်ၸိူဝ်ႉႁိုဝ်ၼၼ်ႉၸိုင်၊ သူတၵ်းဢမ်ႇၸီႇယၢင်ႇၶဝ်ၸိူဝ်းဢၼ်ဢမ်ႇမီးဢပႅတ်ႈၼၼ်ႉယဝ်ႉ။- 8လွင်ႈမၼ်းၸမ်ႉ လုၵ်ႈၵူၼ်းပဵၼ်ၸဝ်ႈဝၼ်းၵမ်သိၼ်ဢေႃႈ၊ ဝႃႈၼင်ႇၼႆဢေႃႈ။
ၵူၼ်းဢၼ်မိုဝ်းႁဵဝ်ႇၶွၼ်ၼိုင်ႈ
(တူၺ်း၊ မႃႇ 3:1-6။ လူႉ 6:6-11)
9မၼ်းၸဝ်ႈၵႂႃႇသေၵႃႈတီႈၼၼ်ႈလႄႈ ၶဝ်ႈၵႃႈၼႂ်းၸရွပ်ႈႁေႃးတြႃးဢေႃႈ။- 10မိူဝ်ႈၼၼ်ႉ မီးၵူၼ်းဢၼ်မိုဝ်းႁဵဝ်ႇၵေႃႉၼိုင်ႈလႄႈ၊ ၶဝ်ၼၼ်ႉၵေႃႈႁႃတီႈတၢင်ႇဢပႅတ်ႈၵႃႈၼိူဝ်မၼ်းၸဝ်ႈလႄႈ လဝ်ႊထၢမ်ဝႃႈ၊ ၼႂ်းဝၼ်းၵမ်သိၼ်ထုၵ်ႇလီႁႂ်ႈတၢင်းၶႆႈတၢင်းပဵၼ်ႁၢႆႁိုဝ်။ ဝႃႈၼင်ႇၼႆဢေႃႈ။- 11မၼ်းၸဝ်ႈၵေႃႈလၢတ်ႈလႄႈဝႃႈ၊ ၵေႃႉဢၼ်ၵႃႈတီႈတူဝ်ၸဝ်ႈၵဝ်ႇမီးသူဝ်းတူဝ်ၼိုင်ႈၵူၺ်းလႄႈ၊ ပေႃးသူဝ်းၼၼ်ႉ တူၵ်းၵႃႈၼႂ်းထၢင်ဝၼ်းၵမ်သိၼ်ၸိုင်၊ ယင်းဢမ်ႇယိပ်းၵမ်တိုတ်ႉၸၼ်ဢဝ်ဢွၵ်ႇလႄႈယူႇၼၼ်ႉ ၼႂ်းသူမီးသေၵေႃႉသေၵူၼ်းႁိုဝ်။- 12ၵူၼ်းယဵင်ႈၶႅၼ်းမျၢတ်ႈၼႃႇသေသူဝ်းဢေႃႈ။ ပိူဝ်ႈၼႆလႄႈ ဝၼ်းၵမ်သိၼ်ထုၵ်ႇလီႁဵတ်းၵျေးၸူးဢေႃႈ၊ ဝႃႈၼင်ႇၼႆယဝ်ႉၸင်ႇ၊ မၼ်းၸဝ်ႈလၢတ်ႈတီႈၵေႃႉၼၼ်ႉလႄႈဝႃႈ၊ ယဵတ်ႇမိုဝ်းမႂ်းတႃႉ၊ ဝႃႈၼင်ႇၼႆဢေႃႈ။- 13မၼ်းယဵတ်ႇမိုဝ်းမၼ်းလႄႈ မိုဝ်းမၼ်းၼၼ်ႉ ပဵၼ်ဢၼ်လီမႃးၸိူဝ်ႉၼင်ႇတၢင်ႇၶွၼ်ဢေႃႈ။
14မိူဝ်ႈၼၼ်ႉ ၽႃႇရီႉသႄးၸိူဝ်းၼၼ်ႉ ဢွၵ်ႇၵႂႃႇသေလႄႈ၊ တၵ်းလႆႈယႃႉမၼ်းၸဝ်ႈၸိူဝ်ႉၼင်ႇႁိုဝ်ဝႃႈၼႆ၊ တိူင်ႇပၢင်ႇလၢတ်ႈၸႃၵၼ်ဢေႃႈ။
ၵူၼ်းၸႂ်ႉသွႆဢၼ်ၽြႃးပဵၼ်ၸဝ်ႈလိူၵ်ႈ
15 ယေႇသူႉၼၼ်ႉႁူႉသေယဝ်ႉ ၶၢႆႉၵႂႃႇတၢင်ႇတီႈတၢင်ႇလႅၼ်သေလႄႈ ၵူၼ်းၼမ်ၼႃႇၵေႃႈ ၸွမ်းပႃႈလင်မၼ်းၸဝ်ႈၵႂႃႇလႄႈ မၼ်းၸဝ်ႈႁႂ်ႈတၢင်းၶႆႈတၢင်းပဵၼ်ၶဝ်ၵႃႈမီးတင်းသဵင်ႈတင်းလူင်ႁၢႆဢေႃႈ။- 16လွင်ႈၼင်ႇႁိုဝ်ၶဝ်ၼၼ်ႉ တၵ်းဢမ်ႇလႆႈႁႂ်ႈသတၢင်းသဵင်ၶၢဝ်ႇမၼ်းၸဝ်ႈဢွၵ်ႇၸိုင် မၼ်းၸဝ်ႈသင်ႇလၢတ်ႈပၼ်တီႈၶဝ်ၼႃႇလူင်လၢင်ဢေႃႈ။- 17လွင်ႈတၢင်းၼႆႉၸမ်ႉ၊ ၼင်ႇႁိုဝ်ၵႂၢမ်းဢၼ်ဢွၵ်ႇသူပ်းပရေႃးၽႅတ်ႈဢီႉသႃႇယႃႉၼၼ်ႉ တၵ်းပျေႉၸုမ်ႇၸိုင် ၸင်ႇပဵၼ်ဢေႃႈ။- 18ၵႂၢမ်းၼၼ်ႉၸမ်ႉ၊ တူၺ်းၶႃႈၵဝ်ဢၼ်ၵဝ်လိူၵ်ႈၵဵပ်း၊ ၵေႃႉဢၼ်ၵဝ်ႁၵ်ႉၼႃႇလႄႈထုၵ်ႇၸႂ်ၵျိူၵ်ႈၸႂ်ၵဝ်ၼၼ်ႉတႃႉ။ ၵဝ်တၵ်းႁႂ်ႈဝီႉၺိၺ်ႇၵဝ်တႄႇယူႇၵႃႈတီႈၼိူဝ်မၼ်းဢေႃႈ။ မၼ်းၼၼ်ႉတၵ်းပၼ်တြႃးၵႃႈတီႈၵူၼ်းၵူႈၸိူဝ်ႉၵူႈမဵဝ်းတင်းလၢႆဢေႃႈ။- 19မၼ်းတၵ်းဢမ်ႇတွပ်ႇဢမ်ႇထဵင်။ တၵ်းဢမ်ႇႁွင်ႉဢမ်ႇသႅၼ်ႇ။ ၽူႈလႂ်တၵ်းဢမ်ႇလႆႈငိၼ်းသဵင်မၼ်းၵႃႈတီႈၼႂ်းသဵၼ်ႈတၢင်းတင်းလၢႆ။- 20မႆႉဢေႃႈဢၼ်ယဵပ်ႇတူပ်ႉၼၼ်ႉၸိုင် မၼ်းတၵ်းဢမ်ႇႁၵ်း။ တဵၼ်းၵႃႈဢၼ်ၵႂၼ်းၽႆးၼမ်ၼႃႇၼၼ်ႉၸိုင် မၼ်းတၵ်းဢမ်ႇမွတ်ႇတေႃႇထိုင်ႁွတ်ႈမၼ်းတၵ်းပွႆႇတၢင်းဢၼ် ၸီႇယၢင်ႇတြႃးၼၼ်ႉႁႂ်ႈပႄႉႁႂ်ႈၼႅင်ႇၵႂႃႇဢေႃႈ။- 21ၼႃႇမႃႉၸိုဝ်ႈသဵင်မၼ်းၼၼ်ႉၵေႃႈ၊ ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ တၵ်းဢိင်ပိုင်ႈဢေႃႈ၊ ဝႃႈၼင်ႇၼႆဢေႃႈ။
ၸဝ်ႈယေႇသူႉတင်းၶုၼ်ၽီႁၢႆႉပေႇလႃႉၸေႇပူႉလႃႉ
(တူၺ်း၊ မႃႇ 3:20-30။ လူႉ 11:14-23)
22မိူဝ်ႈၼၼ်ႉ ၶဝ်ဢဝ်ၵူၼ်းဢၼ်ၽီႁၢႆႉၶဝ်ႈလႄႈ ဢႃႉ၊ တႃမွတ်ႇၵေႃႉၼိုင်ႈ မႃးၵႃႈတီႈမၼ်းၸဝ်ႈလႄႈ၊ မၼ်းၸဝ်ႈပၼ်ၵတ်းယဵၼ်ၶျၢမ်းသႃႇ တီႈၵူၼ်းဢႃႉ၊ တႃမွတ်ႇၼၼ်ႉ ႁႂ်ႈတႃႁၼ်လႄႈလၢတ်ႈၵႂၢမ်းလႆႈဢေႃႈ။- 23ၵူၼ်းဢၼ်ၸူႉဢၼ်တုမ်တင်းသဵင်ႈတင်းလူင် ၵႂင်ၸႂ်ယုင်ႈၸႂ်လႄႈထၢမ်ဝႃႈ၊ ၵေႃႉၼႆႉပဵၼ်လုၵ်ႈတႃႇဝိတ်ႈႁိုဝ်။ ဝႃႈၼင်ႇၼႆဢေႃႈ။- 24မိူဝ်ႈဢၼ်ၽႃႇရီႉသႄးတင်းလၢႆငိၼ်းၸိုင် ၶဝ်လၢတ်ႈလႄႈဝႃႈ၊ ၵေႃႉၼႆႉဢိင်ပိုင်ႈၶုၼ်ၽီႁၢႆႉပေႇလႃႉၸေႇပူႉလႃႉသေလႄႈ ႁေႃႈၽီႁၢႆႉတင်းလၢႆဢွၵ်ႇပႅတ်ႈဢေႃႈ၊ ဝႃႈၼင်ႇၼႆဢေႃႈ။- 25မၼ်းၸဝ်ႈႁူႉၸႅင်ႈတၢင်းၵျၢမ်ႇတၢင်းပွင်ၶဝ်ၼၼ်ႉယူႇသေလႄႈ လၢတ်ႈလႄႈဝႃႈ၊ မိူင်းလႂ်သေဢမ်ႇဝႃႈ ပေႃးဢမ်ႇထုၵ်ႇဢမ်ႇပေႃးၵၼ် ၽၢတ်ႇၽႄၵၼ်တင်းတူဝ်ၸဝ်ႈၵဝ်ႇယူႇၸိုင်၊ တၵ်းႁွတ်ႈထိုင်တၢင်းလူႉတၢင်းလႅဝ်ဢေႃႈ။ မိူင်းလႄႈသင်၊ ႁိူၼ်းလႄႈသင်၊ ပေႃးဢမ်ႇထုၵ်ႇဢမ်ႇပေႃးၵၼ်၊ ၽၢတ်ႇၽႄၵၼ်တင်းတူဝ်ၸဝ်ႈၵဝ်ႇယူႇၸိုင် ဢမ်ႇမၼ်ႈဢမ်ႇၶိူင်ႇလႆႈ။- 26ၸႃႇတၢၼ်ႇၵေႃႈ ပေႃးႁေႃႈ ၸႃႇတၢၼ်ႇဢွၵ်ႇပႅတ်ႈၸိုင် တၵ်းပႅၵ်ႇပိူင်ႈၵၼ်၊ ၽၢတ်ႇၽႄၵၼ်တင်းတူဝ်ၸဝ်ႈၵဝ်ႇလႄႈ၊ မိူင်းမၼ်းၼၼ်ႉ တၵ်းမၼ်ႈၶိူင်ႇလႆႈၸိူဝ်ႉၼင်ႇႁိုဝ်။- 27ပေႃးၵဝ်ဢိင်ပိုင်ႈပေႇလႃႉၸေႇပူႉလႃႉသေလႄႈ ႁေႃႈၽီႁၢႆႉဢွၵ်ႇပႅတ်ႈၸိုင်၊ လုၵ်ႈလၢင်းသူဢိင်ပိုင်ႈၽူႈလႂ်သေလႄႈ ႁေႃႈၽီႁၢႆႉဢွၵ်ႇပႅတ်ႈ။ ပိူဝ်ႈၼႆလႄႈ ၶဝ်ၼၼ်ႉ တၵ်းပဵၼ်ၵေႃႉဢၼ်ၸီႇယၢင်ႇတြႃးတီႈသူဢေႃႈ။- 28ပေႃးၵဝ်ဢိင်ပိုင်ႈဝီႉၺိၺ်ႇၽြႃးပဵၼ်ၸဝ်ႈသေလႄႈ ႁေႃႈၽီႁၢႆႉတင်းလၢႆဢွၵ်ႇပႅတ်ႈၸိုင် မိူင်းၽြႃးပဵၼ်ၸဝ်ႈ ႁွတ်ႈမႃးၵႃႈတီႈသူ ဢမၢၼ်ႇၶၼ်ပဵၼ်ယဝ်ႉ။- 29ပေႃးဢမ်ႇမတ်ႉၽုၵ်ႇၵူၼ်းႁႅင်းဝႆႉဢွၼ်တၢင်းၸိုင်၊ ၽူႈလႂ်တၵ်းၶဝ်ႈၵႃႈၼႂ်းႁိူၼ်းၵူၼ်းႁႅင်းၼၼ်ႉသေလႄႈ ႁိမ်ဢဝ်ၶူဝ်းလဵင်းမၼ်းလႆႈ။ မတ်ႉၽုၵ်ႇၵူၼ်းႁႅင်းဝႆႉယဝ်ႉၸင်ႇ၊ ႁိမ်ဢဝ်ႁိူၼ်းမၼ်းၼၼ်ႉလႆႈဢေႃႈ။- 30ၵေႃႉဢၼ်ဢမ်ႇယူႇၽၢႆႇၵဝ်ၼၼ်ႉ ပဵၼ်ရၢၼ်ႇသူႇၵဝ်ဢေႃႈ။ ၵေႃႉဢၼ်ဢမ်ႇၸူႉဢမ်ႇသိမ်းလူၺ်ႈၵၼ်တင်းၵဝ်ၼၼ်ႉ ပဵၼ်ၵေႃႉဢၼ်ပိုၼ်မိူၵ်ႇပိုၼ်မိူဝ်ပႅတ်ႈဢေႃႈ။
31ပိူဝ်ႈၼႆလႄႈ ၵဝ်ဝႃႈၸမ်ႉ၊ ၵူၼ်းတင်းလၢႆႁွတ်ႈထိုင်တၢင်းဢၼ်ပွႆႇလွတ်ႈဢပႅတ်ႈဢၼ်ၽိတ်းပိူင်ႈ ဢိၵ်ႇတင်းဢပႅတ်ႈဢၼ်သႄႉသွမ်းၽြႃးပဵၼ်ၸဝ်ႈ ၵူႈၸိူဝ်ႉၵူႈပိူင်ၼၼ်ႉလႆႈယူႇဢေႃႈ။ ၵူၼ်းတင်းလၢႆဢမ်ႇႁွတ်ႈထိုင်တၢင်းဢၼ် ပွႆႇလွတ်ႈဢပႅတ်ႈဢၼ်သႄႉသွမ်းဝီႉၺိၺ်ႇၸဝ်ႈလႆႈ။- 32ၽူႈလႂ်သေဢမ်ႇဝႃႈ ၵေႃႉဢၼ်ၽိတ်းသူပ်းၽိတ်းၵႂၢမ်းတီႈလုၵ်ႈၵူၼ်းၼၼ်ႉၵေႃႈ ႁွတ်ႈထိုင်တၢင်းဢၼ် ပွႆႇလွတ်ႈလႆႈယူႇဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ်ၽိတ်းသူပ်းၽိတ်းၵႂၢမ်း တီႈဝီႉၺိၺ်ႇဢၼ်မူတ်းၸၢင်ႇၸဝ်ႈၼၼ်ႉၸိုင်၊ ၸၢတ်ႈၼႆႉၸၢတ်ႈၼႃႈ ဢမ်ႇႁွတ်ႈထိုင်တၢင်းဢၼ်ပွႆႇလွတ်ႈလႆႈ။
လွင်ႈတူၼ်ႈဢိၵ်ႇတင်းမၢၵ်ႇမၼ်း
(တူၺ်း၊ လူႉ 6:43-45)
33ႁႂ်ႈတူၼ်ႈပဵၼ်ဢၼ်လီလႄႈ မၢၵ်ႇမၼ်းပဵၼ်ဢၼ်လီတႃႉ။ ဢမ်ႇၼၼ် ႁႂ်ႈတူၼ်ႈပဵၼ်ဢၼ်ဢမ်ႇလီလႄႈ မၢၵ်ႇမၼ်းပဵၼ်ဢၼ်ဢမ်ႇလီတႃႉ။ လွင်ႈမၼ်းၸမ်ႉ ၵွပ်ႈပိူဝ်ႈမၢၵ်ႇလႄႈ ႁူႉလွင်ႈတူၼ်ႈဢေႃႈ။
34ၸိူဝ်ႉၶိူဝ်းငူးႁၢႆႉၸိူဝ်းၼႆႉဢိူၺ်း၊ သူၼႆႉပဵၼ်ဢၼ်ႁၢႆႉယူႇလႄႈ လၢတ်ႈၵႂၢမ်းဢၼ်လီလႆႈၸိူဝ်ႉၼင်ႇႁိုဝ်။ သူပ်းၸၢင်ႈမွၵ်ႇလၢတ်ႈၸွမ်းၵႃႈၼင်ႇဢၼ် မီးတဵမ်ဝႆႉၵႃႈၼႂ်းႁူဝ်ၸႂ်ၼၼ်ႉဢေႃႈ။- 35ၵေႃႉဢၼ်လီၼၼ်ႉၸိုင်၊ ၸၢင်ႈဢဝ်လွင်ႈတၢင်းဢၼ်လီၵႃႈၼႂ်းတိူၵ်ႈၽၼ်ႇတႃႇ ႁူဝ်ၸႂ်ဢၼ်လီမၼ်းၼၼ်ႉ ဢွၵ်ႇလႄႈၼႄပျႃးဢေႃႈ။ ၵေႃႉဢၼ်ႁၢႆႉၼၼ်ႉၸိုင် ၸၢင်ႈဢဝ်လွင်ႈဢၼ်ႁၢႆႉၵႃႈၼႂ်းတိူၵ်ႈၽၼ်ႇတႃႇ ႁူဝ်ၸႂ်ဢၼ်ႁၢႆႉမၼ်းၼၼ်ႉဢွၵ်ႇလႄႈ ၼႄပျႃးဢေႃႈ။- 36ၵဝ်ဝႃႈတီႈသူၸမ်ႉ၊ ၵႂၢမ်းဢၼ်မဝ်မၢင်လၢႆလၢႆလွၵ်ႇလွၵ်ႇ ဢၼ်ၵူၼ်းတင်းလၢႆလၢတ်ႈၵႃႈမီးတင်းသဵင်ႈတင်းလူင်ၼၼ်ႉၸိုင် တၵ်းလႆႈမွၵ်ႇလၢတ်ႈၽုၺ်ႇၼႄၼႂ်းဝၼ်းဢၼ်ၸီႇယၢင်ႇတြႃးၼၼ်ႉဢေႃႈ။- 37လွင်ႈမၼ်းၸမ်ႉ ၵွပ်ႈပိူဝ်ႈၵႂၢမ်းမႂ်းလႄႈ တၵ်းလႆႈၶၢမ်ႇတၢင်းဢၼ်သိုဝ်ႈတေႃႇဢေႃႈ။ ၵွပ်ႈပိူဝ်ႈၵႂၢမ်းမႂ်းလႄႈ တၵ်းလႆႈၶၢမ်ႇတၢင်းဢၼ်ၸီႇယၢင်ႇဢေႃႈ၊ ဝႃႈၼင်ႇၼႆဢေႃႈ။
လွင်ႈဢၼ်ယွၼ်းႁႂ်ႈႁဵတ်းၼႄတၼ်းၶူဝ်း
(တူၺ်း၊ မႃႇ 8:11-12။ လူႉ 11:29-32)
38မိူဝ်ႈၼၼ်ႉ ၵူၼ်းထုတ်ႇၵျၢမ်းဢိၵ်ႇတင်းၽႃႇရီႉသႄးၵမ်ႈၽွင်ႈလဝ်ႊလၢတ်ႈလႄႈဝႃႈ၊ သြႃႇၸဝ်ႈ၊ ႁဝ်းၶႃႈၶႂ်ႈႁၼ်ၼီႉမိၵ်ႈလၢၵ်ႈၶၼႃႇ ဢၼ်ၸဝ်ႈႁဝ်းၼႄပျႃးသေၸိူဝ်ႉသေပိူင်ၶႃႈဢေႃႈ၊ ဝႃႈၼင်ႇၼႆဢေႃႈ။- 39မၼ်းၸဝ်ႈၵေႃႈၶိုၼ်းလၢတ်ႈလႄႈဝႃႈ၊ ၵူၼ်းမဵဝ်းဢၼ်ႁၢႆႉမိူၵ်ႈလႄႈ လဵၼ်ႈၽူဝ်ဢွၼ်ႇၼႆႉ ယွၼ်းၼီႉမိၵ်ႈလၢၵ်ႈၶၼႃႇလႄႈ၊ လိူဝ်သေၼီႉမိၵ်ႈလၢၵ်ႈၶၼႃႇ ပရေႃးၽႅတ်ႈယူဝ်းၼႃႉၼၼ်ႉ ဢမ်ႇလႆႈၼႄပျႃး ၼီႉမိၵ်ႈလၢၵ်ႈၶၼႃႇဢၼ်လႂ်တီႈၶဝ်။- 40ၸိူဝ်ႉၼင်ႇဢၼ်ယူဝ်းၼႃႉ လႆႈယူႇၵႃႈၼႂ်းတွင်ႉပႃလူင်သၢမ်ဝၼ်းတင်းသၢမ်ၶိုၼ်းၼၼ်ႉ၊ လုၵ်ႈၵူၼ်းတၵ်းလႆႈယူႇၵႃႈၼႂ်းလိၼ် သၢမ်ဝၼ်းတင်းသၢမ်ၶိုၼ်းဢေႃႈ။- 41ၶိင်ႇမိူဝ်ႈဢၼ်ၸီႇယၢင်ႇတြႃးပုၼ်ႉၸိုင်၊ ၵူၼ်းဝဵင်းၼီႉၼေႇဝူၺ်ႇတင်းလၢႆၼၼ်ႉ တၵ်းလုၵ်ႉယူႇၽၢႆႇၼိုင်ႈသေလႄႈ ႁႂ်ႈၵူၼ်းမဵဝ်းၼႆႉ လႆႈၶၢမ်ႇတၢင်းဢၼ်ၸီႇယၢင်ႇဢပႅတ်ႈဢေႃႈ။ လွင်ႈမၼ်းၸမ်ႉ ၶဝ်ၼၼ်ႉ ၵွပ်ႈပိူဝ်ႈၵႂၢမ်းဢၼ်ယူဝ်းၼႃႉ ႁေႃးလၢတ်ႈၼၼ်ႉလႄႈ ၶုၵ်းၸႂ်လႆႈမႆႈၸႂ်ဢေႃႈ။ ၵႃႈတီႈၼႆႈၸမ်ႉ၊ မီးၵေႃႉဢၼ် ယႂ်ႇမျၢတ်ႈၼႃႇသေယူဝ်းၼႃႉၼၼ်ႉဢေႃႈ။- 42ၶိင်ႇမိူဝ်ႈဢၼ် ၸီႇယၢင်ႇတြႃးပုၼ်ႉ၊ ၼၢင်းႁေႃၶမ်းမိူင်းတၢင်းၸၢၼ်း တၵ်းလုၵ်ႉယူႇၽၢႆႇၼိုင်ႈသေလႄႈ ႁႂ်ႈၵူၼ်းမဵဝ်းၼႆႉ လႆႈၶၢမ်ႇတၢင်းဢၼ်ၸီႇယၢင်ႇဢပႅတ်ႈဢေႃႈ။ လွင်ႈမၼ်းၸမ်ႉ ၼၢင်းႁေႃၶမ်းၼၼ်ႉ လုၵ်ႉသေၵႃႈတီႈႁိမ်းလႅၼ်သုတ်းလိၼ်မိူင်းပုၼ်ႉမႃး ႁႂ်ႈလႆႈထွမ်ႇလႆႈငိၼ်းၵႂၢမ်းပိင်ႇၺႃႇၶုၼ်လူင်သေႃးလမုၼ်ႇၼၼ်ႉဢေႃႈ။ ၵႃႈတီႈၼႆႈၸမ်ႉ၊ မီးၵေႃႉဢၼ်ယႂ်ႇမျၢတ်ႈၼႃႇသေ သေႃးလမုၼ်ႇၼၼ်ႉဢေႃႈ။
လွင်ႈဢၼ်ၽီႁၢႆႉၶိုၼ်းၶဝ်ႈထႅင်ႈ
(တူၺ်း၊ လူႉ 11:24-26)
43ၽီဢၼ်ၵူဝ်ႈၵိူၵ်ႇၼၼ်ႉ၊ မိူဝ်ႈဢၼ်ဢွၵ်ႇသေၵႃႈၼႂ်းၵူၼ်းၵႂႃႇၸိုင်၊ ၸၢင်ႈၵႂႃႇလႄႇၵႃႈၼႂ်းတီႈဢၼ်ႁႅင်ႈဢၼ်ႁွင်တင်းလၢႆလႄႈ ႁႃတၢင်းၼိမ်သေၵေႃႈ ဢမ်ႇထူပ်းဢမ်ႇႁၼ်။- 44ၵမ်းၼၼ်ႉမၼ်းဝႃႈ၊ ၵဝ်တၵ်းၶိုၼ်းမိူဝ်းၵႃႈတီႈႁိူၼ်းဢၼ်ၵဝ်ဢွၵ်ႇမႃးသေယဝ်ႉၼၼ်ႉလူးၵွၼ်ႇ၊ ဝႃႈၼင်ႇၼႆသေယဝ်ႉ၊ မိူဝ်ႈဢၼ်မိူဝ်းႁွတ်ႈမိူဝ်းထိုင်ၸိုင်၊ ထူပ်းႁၼ်ႁိူၼ်းၼၼ်ႉ မီးတၢင်းဢၼ်ပဝ်ႇဝႆႉ၊ မႄးပတ်းဝႆႉ၊ မႄးၽဵဝ်ႈဝႆႉယူႇလႄႈ၊- 45သမ်ႉၵႂႃႇႁွင်ႉဢဝ်ၽီဢၼ်ႁၢႆႉမိူၵ်ႈၼႃႇသေမၼ်း ၸဵတ်းၵေႃႉယဝ်ႉၸင်ႇ၊ ၶဝ်ႈၵႃႈၼႂ်းၵူၼ်းၼၼ်ႉသေလႄႈယူႇဢေႃႈ။ ၵေႃႉၼၼ်ႉၸမ်ႉ၊ ဢၼ်ပဵၼ်ၵမ်းလိုၼ်းၼၼ်ႉ ယဵင်ႈၶႅၼ်းႁၢႆႉၼႃႇသေ ဢၼ်ပဵၼ်ဢွၼ်တၢင်းၼၼ်ႉဢေႃႈ။ တီႈၵူၼ်းမဵဝ်းဢၼ်ႁၢႆႉမိူၵ်ႈၼႆႉ တၵ်းပဵၼ်ၸိူဝ်ႉၼင်ႇၼၼ်ဢေႃႈ၊ ဝႃႈၼင်ႇၼႆဢေႃႈ။
လွင်ႈပဵၼ်မႄႈၸဝ်ႈတင်းၼွင်ႉၸၢႆးၸဝ်ႈ
(တူၺ်း၊ မႃႇ 3:31-35။ လူႉ 8:19-21)
46ၼႂ်းမိူဝ်ႈဢၼ်မၼ်းၸဝ်ႈယင်းတိုၵ်ႉႁေႃးလၢတ်ႈတီႈပရဵၵ်ႈသၢတ်ႈၸိူဝ်ႉၼင်ႇၼႆယူႇၼၼ်ႉၸိုင် မႄႈၸဝ်ႈ ဢိၵ်ႇတင်းၼွင်ႉၸဝ်ႈတင်းလၢႆ ၶႂ်ႈတၵ်ႉၶႂ်ႈလၢတ်ႈလႄႈ ၸုၵ်းယူႇၵႃႈၼွၵ်ႈဢေႃႈ။- 47ၵူၼ်းၵေႃႉၼိုင်ႈၵေႃႈလဝ်ႊလၢတ်ႈလႄႈဝႃႈ၊ မႄႈၸဝ်ႈႁဝ်းဢိၵ်ႇတင်းၼွင်ႉၸဝ်ႈႁဝ်းၸိူဝ်းၼၼ်ႉ ၶႂ်ႈတၵ်ႉၶႂ်ႈလၢတ်ႈၸဝ်ႈႁဝ်းလႄႈ ၸုၵ်းယူႇၵႃႈၼွၵ်ႈၶႃႈဢေႃႈ၊ ဝႃႈၼင်ႇၼႆဢေႃႈ။- 48မၼ်းၸဝ်ႈၵေႃႈထၢမ်လႄႈဝႃႈ၊ မႄႈၵဝ်ၸမ်ႉ ပဵၼ်ၽူႈလႂ်။ ၼွင်ႉၵဝ်တင်းလၢႆၸမ်ႉ ပဵၼ်ၽူႈလႂ်၊ ဝႃႈၼင်ႇၼႆယဝ်ႉၸင်ႇ၊- 49ယိုၼ်ႈမိုဝ်းမၼ်းၸဝ်ႈ ၸီႉၼႄတပႄးၸဝ်ႈတင်းလၢႆသေလႄႈလၢတ်ႈလႄႈဝႃႈ၊ ၶဝ်ၸိူဝ်းၼႆႉပဵၼ်မႄႈၵဝ်၊ ၼွင်ႉၵဝ်ဢေႃႈ။- 50ၽူႈလႂ်သေဢမ်ႇဝႃႈ ၵေႃႉဢၼ်ႁဵတ်းၸွမ်းဢလူဝ်ႇပေႃႈၵဝ် ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉၼၼ်ႉ ၵေႃႉၼၼ်ႉ ပဵၼ်ၼွင်ႉၸၢႆးၵဝ်၊ ၼွင်ႉယိင်းၵဝ်၊ မႄႈၵဝ်ဢေႃႈ၊ ဝႃႈၼင်ႇၼႆဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship