Yoshuwa 12
12
Bamyene ba kukomiwa kuli Moshesha
1 #
Kul 21:21-35; Nday 2:26; 3:11. Bantu ba Ishalela oho bakomakale na kupukula litunga lya ku mushamuko wa Yondana, ku balika ku Mukulo wa Anoni kukuma naku Mukulo wa Yondana, kukakuma naku ncelele ku Lipili lya Helimoni. Bakomene bamyene babili. 2Umo wengile Shihoni mwene wa Baamoli ou wekalilenga ku Heshimboni. Wene wendi wafungilile shitika sha litunga lya Ngiliyande, kubalika ku Aloya (Ha nkumo ya Mukulo wa Anoni) na munzi wa mukati ka uyo mukulo, kukakuma na Mushinzi wa Yamboki, nginza ya Baamoni. 3Wafungilile na Mukulo wa Yondana, kubalika ku liziba lya Ngalileya kukuma naku Mbeti Yeshimoti ku mabukubuku, kulwa mushamuko wa lukena luli hahepi na Liwate lya Mushele, kami kukatwala na ku nceto ya Lipili lya Pishinga.
4Bakomene kami Ongi mwene wamu Mbashani ou wengile muntu wamamaninino waku Lefwayima, ou wekalilenga ku Ashitaloti naku Endileyi. 5Mwene wafungilile na Lipili lya Helimoni na Shaleka naku Mbashani kukakuma naku nginza ya Ngeshula na Maaka hamo na shitika sha litunga lya Ngiliyande, kukanungako na litunga lya Shihoni mwene wamu Heshimboni.
6 #
Nday 3:12. Moshesha na Baishalela bakomene bamyene aba babili, Moshesha mukamulimo wa Nyambi ya Ngula, wapanikile litunga lyabo ku mishobo ya Lubena na Ngandi na shitika sha mushobo wa Manashe, kwinga likona lyabo.
Bamyene ba kukomiwa kuli Yoshuwa
7Yoshuwa na bantu ba Ishalela bakomene bamyene mu litunga lya ku mponci ya Yondana, kubalika ku Mbaalu Ngandi mu mukulo wa Lembanoni, kutwala naku Lipili lya Halaki ku mabukubuku hahepi na Endoma. Yoshuwa watapile litunga elye hakati ka mishobo na kulipana kukwabo kwinga likona lyabo. 8Eye Mbalila kufungilako na litunga lya binkanda na litunga lya ku mponci lya binyekwa na Mukulo wa Yondana na binyekwa byalyo na ncezumuko yaku mushamuko naku litunga lyanyuminine lya ku mabukubuku. Litunga elye lyengile lya Bahita na Baamoli na Bakenaani na Bapelizi na Bahivi na Bayembushi. 9Aba bamyene bakomiwile ku bantu ba Ishalela bengile ba zinkena eze, mwene waku Yeliko, Ayi hahepi na Mbetele, 10Yelushalema na Hembuloni 11na Yalimuti na Lakishi 12na Engiloni na Ngeza 13na Ndembila na Mbeti Nganda 14na Homa na Alandi 15na Limbina na Andulama 16na Makenda na Mbetele 17na Tapuwa na Hefwa 18na Afweki na Lashaloni 19na Mandoni na Hazola 20na Shimiloni na Meloni na Akishafwi 21na Tanaki na Mengindo 22na Kendeshi na Yokiniyamu (mu Kamela) 23na Ndoli (ha shibumbo sha liwate) na Ngoyima (mu Ngilingale) 24na Tilaza. Bamyene nimwabo bengile makumi ahatu na umo.
Libuka Lya Kuyela © Bible Society of Zambia, 2020.