aGalata 6
6
Naapakele yooreera ootheene
1Axunna, mukina amorela mootthekani, nyuwo muneetta ni Munepa Wootteela, munghokoloxere moota woowiiyeviha mphironi yooreera. Mwiipasoope weera muheereriwe. 2Mwaakhelaneke mirindi soolemela, ni hiiho mukwanihere nlamulo na Kristu. 3Mukina iixuupuwela weera ti ootthuneyaxa ahikhanle, oniilokottha muneenaawe. 4Khula mutthu iiwehaweheke mmitekonimwawe, ni vano nakhala nthowa na wiivuwiha, nikhaleke ni muneenaawe paahi ahiilikanxeraka ni akina. 5Khula mutthu ateexeke yooleemelaawe. 6Yoole onghusihiwa masu ooreeraxa akawane itthu sootheene sooreera orinaawe ni muhusihaawe. 7Muhilokottheye – ti woowoopiha omutheya Muluku. Vano yeeyo mutthu onaalaawe, onoohephatho. 8Yoowo onaala sootthuna sa erutthu, anaahephe ophwatiwa, mene yoole onaala mwa Munepa Wooteela, anaahephe okumi woohimala. 9Nihikhulumuwe opaka yooreera, niwoko ehuhu eneeneene nnihephe, hiyo naahiporora. 10Tivawo, ehuhu yootheene naapakeleke yooreera atthu ootheene, otepaxa wa amusi a munroromeloni.
Khoohiyono wiinela, mene ephattuwelo enyowani
11Ngwehe malepa matokotoko kinoolepelaakani ni ntatanaka! 12Yaale antthuna waasiveliha atthu yeereraka woonyesererani weera mwiineliwe, ampaka yeeyo weera ehittharatthariwe niwoko na muttanda wa Kristu. 13Yaawo aniineliwa khaankwanihera nlamulo. Awo antthuna weera nyuwo mwiineliwe, weera awo yiivuwihe mweerutthunimwanyu. 14Wa miyo, nkinono yoowiivuwihera, ohikhanle mwa muttanda wa Apwiyaahu Yeesu Kristu. Vano ti niwoko na muttanda ola elapo ethomeiwalaaya wa miyo, ni miyo wa elapo. 15Vano, etthu entthuneya kheehiyono wiineliwa, hoye hoye ohiineliwa, mene aani, okhala ephattuwelo enyowani. 16Murettele ni ikharari sikhale ni ootheene aneetta ekwaniheraka nlamulo nna, nitho ni aYixrayeli a Muluku. 17Evenyero vaava, ahikhale anaakixupe, niwoko kookhalano mweerutthunimwaka makhwatta a Yeesu. 18Axunna, mahala a Apwiyaahu Yeesu Kristu ekhale ni munepaanyu. Ame*.
നിലവിൽ തിരഞ്ഞെടുത്തിരിക്കുന്നു:
aGalata 6: VMK2021
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.