aGalata 2
2
Pawulo onaakheliwa ni arummwa
1Saaviralaaya iyaakha muloko niixexe, kaarowatho oYerusaleemu. Mukwaheene yoole aakihoola Barnaba ni kaamukuxatho Titu. 2Miyo kaarowa niwoko na othupululeliwa, ni kaahaaleela vamaithoniwaya masu ooreeraxa kinaalaleeraaka amalapo. Kaapaka yeeyo wa asitokweene meekhaayaru weera kisuwele miyo kihitthimake, naari kinootthimaka siiyo. 3Awotho khayaamunyesereringhe Titu aaraawe ni miyo weera iineliwe, aarookhalaru muGrego. 4Mwaheene yoola okhumelenle, niwoko axunna akina oowootha yaavolowa variyariwahu weera yoone woopoliwawahu nikhalannaahu mwa Kristu, weera eniphuretho hiyo mookaporoni. 5Khaniwiiwelenle yaawo hata vakhaani weera ekhaikhai ya masu ooreeraxa ekhale ni nyuwo. 6Wa yaale yooniwa ntoko asitokweene – moota yaattharaaya khalayi, miyo nkimpwattha, niwoko Muluku khanthoriha omokoni wa mutthu – asitokweeneene yaawo khayaakaandyeereringhe etthu. 7Ohiyanawaya awo yaahaakhulela weera miyo koovahereriwa muteko woowaalaleera masu ooreeraxa amalapo, ntoko Pedru ovahereriwaawe muteko woowaalaleera masu ooreeraxa aYuda. 8Vano, Muluku aamulipihenraawe Pedru weera akhale murummwa wa atthu oowiineliwa, aakilipiheratho weera kikhale murummwa wa atthu oohiineliwa. 9Yakobe, Pedru ni Yohaane, yaasuweliwe ntoko amarimbu a ekerexa, yaakookolela moono mulopwana miyo ni Barnaba ntoko eneneero ya wiiwanana. Yaapakenle yeeyo niwoko yaahaakhulela mahala Muluku okivanghaawe. Awo yaahiiwanana weera ontthuneya hiyo nirowe wa amalapo ni awo wa atthu oowiineliwa. 10Awo yaanivekela paahi weera niwuupuwelele oohaawa, seiyo kaatthunaaka ni murima wootheene.
Pawulo ni Pedru
11Awaaka Pedru wAntiyokhiya, kaamooperera ekhove ni ekhove, niwoko aaphwanela yeeyo. 12Vano, ehinaaye ophiya akina wa Yakobe, owo aaca ni atthu oohikhala aYuda. Yaaphiyalaaya, aasusa ni aamwalamwala ni atthu oohikhala aYuda, awoovaka atthu oowiineliwa. 13aYuda akina yamuthukumanela yoowo munlokotthoni, moota wooweera mpaka Barnaba aakuxiwa ni olokotthawaya. 14Koonaka weera awo khayeentte ntoko ekhaikhai ya masu ooreeraxa, kaamooperera Pedru variyari wa atthu ootheene: “Nyuwo muYuda, vano khamunkhala ntoko muYuda, mene ntoko oohikhala aYuda. Tivawo, ongwereya hai waanyeserera atthu oohikhala aYuda otthara ekhalelo ya aYuda?” 15Hiyo nri aYuda mooyariwani ni khanihiyono amalapo, anamattheka, 16noosuwela weera mutthu khanaakhuleliwa ni Muluku niwoko na miteko sa nlamulo, mene ni nroromelo mwa Yeesu Kristu. Hiihaawo hiyotho noororomela mwa Kristu Yeesu weera nikhale oowaakhuleliwa ni Muluku niwoko na nroromelonahu mwa Kristu. Khanaakhuleliwe niwoko na miteko sa nlamulo. Mwa yeeyo ni miteko sa nlamulo khaawo anaakhuleliwe ni Muluku. 17Naasaasaka waakhuleliwa ni Muluku niwoko na Kristu, ni hiyo noonelela weera nri anamattheka, weeraka Kristu Murumeiyi a soottheka? Hoye, hata vakhaani! 18Miyo kaatenke yeele kiphwantaaka, eyo enoonihera weera miyo kootupha malamulo a Muluku. 19Niwoko na nlamulo kohookhwa wa nlamulo weera kimukhalele Muluku. 20Kookhomeliwa vamoha ni Kristu. Hiiho nkihiyono miyo kinkhala, mene aani Kristu okhanle mwa miyo. Okumi kinkhalaaka vaanaano mweerutthuni, kinkhala kimuroromelaka Mwaana a Muluku okisivenlaawe ni iixinnyerenraawe wa miyo. 21Miyo nkinkhootta mahala a Muluku niwoko mutthu aakhuleliwaka ni Muluku niwoko na malamulo, Yeesu okhwiiye siiyo.
നിലവിൽ തിരഞ്ഞെടുത്തിരിക്കുന്നു:
aGalata 2: VMK2021
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.