Mnt 14
14
Pawulosi na Barnabasi a Ikoniya
1A mutini wa Ikoniya, Pawulosi na Barnabasi vanhingeni kun'we asinagogeni dra xi-Yuda, kutani vakhanela hi la kakuva a vhanu vanyingi vapfumela: Va-Yuda ni va-Girika. 2Kambe a va-Yuda lava vangapfumelangakiki vapfuxa mona ku va-Matiko ni kuvahlohlotela akuva vahlundrukela a vamakwavu lava vapfumeliki. 3Kambe a vapostola vahangatrhama kone nkama wa kuleha, na vakhanela hi ntamu a Hosini. A Hosi afa yiseketela a ritu dra timpswalu ta Yone, yivanyika akuva hi mavoko yavu, kuyentxeka a swikombisu ni mahlolana. 4A vhanu va muti afa vayavani hi le makari. Van'we afa vayima ni va-Yuda, van'wana vayima ni vapostola. 5Ke leswi afaka kuhumeleli dzolonga dra va-Matiko ni va-Yuda, kun'we ni vakulu vavu, akuva vaxanisa a vapostola ni kuvakhandla hi maribye, 6loko vone vaswitivile, vatrutrumela mitini ya Listra na Derbe, ni le mitini ya Likawoniya ni ya le matlhelweni ya kone, 7lomu na kone afaka vahaxa a Ivangeli.
Kuhanyisiwa ka wa kukhuta a Listra
8A Listra afa kutrhamisa mun'we wa wanuna wa kukhuta, afaka alamali minenge kusukela loko ahumi akhurini dra mamana wakwe, lweyi afaka angasami afamba. 9A wanuna lweyo ayingeli kukhanela ka Pawulosi, lweyi amulavisisiki swinene, amuvona leswaku yene ani kupfumela kakuva angahanyisiwa, 10kutani aku ku yene hi ritu ledri drikulu: Sekeleka uyima, uwololoka! Kutani atlula, asungula kufamba. 11Loko kuvoniwi leswi switiriwiki hi Pawulosi, a vhanu vabandlukana vahlaya hi lidrimi dra Likawoniya, vaku: I swikwembu swihiyendreliki hi swivumbeko swa vhanu! 12Kutani Barnabasi vamutxhula Zewusi, Pawulosi vamutxhula Hermesi, hikusa hi yene afaka arangela a ntiro wa ritu. 13A muhahli wa Zewusi, lweyi afaka a tempele drakwe drili mahlwini ka muti, abuyisa matruna mabiri ya tihomu lawa mangani tihara ta swiluva anyangweni ya muti, adjula kuvatlhavela mhamba kun'we ni switrhungu. 14Kambe loko a vapostola Barnabasi na Pawulosi vayingeli leswo, vahandrula swiyambalu swavu, xikombiso xa kuhlundruka, vatitxukumeta amakari ka switrhungu, vabandlukana vaku: 15Vavanuna va-le-kweru! Xana n'wiyentxela yini leswo? Na hine hi vhanu ntsena lava vanga ha n'wine hi ntumbuluku. Hin'witivisa a Ivangeli, akuva n'witrika a mintxhumu ya kuka-ndlela, n'windrulukela ku Xikwembu Nkulukumba lweyi ahanyaka, lweyi angahamba a tilo ni misava ni likhulu, ni hinkwaswu leswi swinga ku swone, 16Lweyi aminkameni leyi mihundriki apfumeleliki leswaku a matiko hinkwawu matifambela drin'wana ni drin'wana hi ndlela ya drone, 17nambi swili tanu angabyipfumalanga vumboni ku vone hi kuyentxa leswi swinene, an'winyika timpfula ni tinguva ta mihandru, an'wiyandrisela swakuda ava atata timbilu tenu hi kunyoxa.
18Nambi loko vavabyeli leswo, aswivanabyalelanga a kusivela leswaku a tiko drivatlhavela swihari swakuvadrumisa.
Pawulosi akhandliwa hi maribye
19Kolahu kutlhasi va-Yuda vapfa hi le Antiyokiya ni le Ikoniya, vakholwisa switrhungu a kukhandla Pawulosi hi maribye, vamukokela handle ka muti, na vapimisa leswaku afile. 20Kambe, loko a vakriste vamutrandrelile yene apfuka, anhingena mutini. A siku ledri ntlhantamaka, Pawulosi na Barnabasi vaya Derbe.
Kutlhelela Antiyokiya wa Siriya
21Ntrhaku ka kurera a Ivangeli amutini wa Derbe, na vakoti kuyentxa vapfumeli vanyingi, vatlhelela a Listra, ni le Ikoniya ni le Antiyokiya, 22lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba. 23Na swone vahlawuli vakulu akerekeni drin'wana ni drin'wana. Ntrhaku ka kukhongota ni hi kutitrona swakuda, vakombeli akuva vaxireleliwa hi Hosi leyi vabekiki ku yone vupfumeli byavu.
24Kutani na vatremakanyi hi dra Pisidiya, vayitlhasa a Pamfiliya. 25Loko vareri a ritu dra Xikwembu Nkulukumba a Perga, vafulameli ku dra Ataliya; 26kutani vasuka kone vawelela a Antiyokiya, lomu afaka vabekiwi atimpswalwini ta Xikwembu Nkulukumba akuva vakhoma a ntiro lowu afaka vawuhetile. 27Loko vatlhasi Antiyokiya vahlengeleti swiro swa Kereke, kutani vaswidrungulela hinkwaswu leswi Xikwembu Nkulukumba aswiyentxiki ha vone, ni hi laha apfuleliki va-Matiko a swipfalu swa vupfumeli. 28Kutani Pawulosi na Barnabasi vatrhami kone nkama vunyingi ni vamakwavu.
നിലവിൽ തിരഞ്ഞെടുത്തിരിക്കുന്നു:
Mnt 14: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.
Mnt 14
14
Pawulosi na Barnabasi a Ikoniya
1A mutini wa Ikoniya, Pawulosi na Barnabasi vanhingeni kun'we asinagogeni dra xi-Yuda, kutani vakhanela hi la kakuva a vhanu vanyingi vapfumela: Va-Yuda ni va-Girika. 2Kambe a va-Yuda lava vangapfumelangakiki vapfuxa mona ku va-Matiko ni kuvahlohlotela akuva vahlundrukela a vamakwavu lava vapfumeliki. 3Kambe a vapostola vahangatrhama kone nkama wa kuleha, na vakhanela hi ntamu a Hosini. A Hosi afa yiseketela a ritu dra timpswalu ta Yone, yivanyika akuva hi mavoko yavu, kuyentxeka a swikombisu ni mahlolana. 4A vhanu va muti afa vayavani hi le makari. Van'we afa vayima ni va-Yuda, van'wana vayima ni vapostola. 5Ke leswi afaka kuhumeleli dzolonga dra va-Matiko ni va-Yuda, kun'we ni vakulu vavu, akuva vaxanisa a vapostola ni kuvakhandla hi maribye, 6loko vone vaswitivile, vatrutrumela mitini ya Listra na Derbe, ni le mitini ya Likawoniya ni ya le matlhelweni ya kone, 7lomu na kone afaka vahaxa a Ivangeli.
Kuhanyisiwa ka wa kukhuta a Listra
8A Listra afa kutrhamisa mun'we wa wanuna wa kukhuta, afaka alamali minenge kusukela loko ahumi akhurini dra mamana wakwe, lweyi afaka angasami afamba. 9A wanuna lweyo ayingeli kukhanela ka Pawulosi, lweyi amulavisisiki swinene, amuvona leswaku yene ani kupfumela kakuva angahanyisiwa, 10kutani aku ku yene hi ritu ledri drikulu: Sekeleka uyima, uwololoka! Kutani atlula, asungula kufamba. 11Loko kuvoniwi leswi switiriwiki hi Pawulosi, a vhanu vabandlukana vahlaya hi lidrimi dra Likawoniya, vaku: I swikwembu swihiyendreliki hi swivumbeko swa vhanu! 12Kutani Barnabasi vamutxhula Zewusi, Pawulosi vamutxhula Hermesi, hikusa hi yene afaka arangela a ntiro wa ritu. 13A muhahli wa Zewusi, lweyi afaka a tempele drakwe drili mahlwini ka muti, abuyisa matruna mabiri ya tihomu lawa mangani tihara ta swiluva anyangweni ya muti, adjula kuvatlhavela mhamba kun'we ni switrhungu. 14Kambe loko a vapostola Barnabasi na Pawulosi vayingeli leswo, vahandrula swiyambalu swavu, xikombiso xa kuhlundruka, vatitxukumeta amakari ka switrhungu, vabandlukana vaku: 15Vavanuna va-le-kweru! Xana n'wiyentxela yini leswo? Na hine hi vhanu ntsena lava vanga ha n'wine hi ntumbuluku. Hin'witivisa a Ivangeli, akuva n'witrika a mintxhumu ya kuka-ndlela, n'windrulukela ku Xikwembu Nkulukumba lweyi ahanyaka, lweyi angahamba a tilo ni misava ni likhulu, ni hinkwaswu leswi swinga ku swone, 16Lweyi aminkameni leyi mihundriki apfumeleliki leswaku a matiko hinkwawu matifambela drin'wana ni drin'wana hi ndlela ya drone, 17nambi swili tanu angabyipfumalanga vumboni ku vone hi kuyentxa leswi swinene, an'winyika timpfula ni tinguva ta mihandru, an'wiyandrisela swakuda ava atata timbilu tenu hi kunyoxa.
18Nambi loko vavabyeli leswo, aswivanabyalelanga a kusivela leswaku a tiko drivatlhavela swihari swakuvadrumisa.
Pawulosi akhandliwa hi maribye
19Kolahu kutlhasi va-Yuda vapfa hi le Antiyokiya ni le Ikoniya, vakholwisa switrhungu a kukhandla Pawulosi hi maribye, vamukokela handle ka muti, na vapimisa leswaku afile. 20Kambe, loko a vakriste vamutrandrelile yene apfuka, anhingena mutini. A siku ledri ntlhantamaka, Pawulosi na Barnabasi vaya Derbe.
Kutlhelela Antiyokiya wa Siriya
21Ntrhaku ka kurera a Ivangeli amutini wa Derbe, na vakoti kuyentxa vapfumeli vanyingi, vatlhelela a Listra, ni le Ikoniya ni le Antiyokiya, 22lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba. 23Na swone vahlawuli vakulu akerekeni drin'wana ni drin'wana. Ntrhaku ka kukhongota ni hi kutitrona swakuda, vakombeli akuva vaxireleliwa hi Hosi leyi vabekiki ku yone vupfumeli byavu.
24Kutani na vatremakanyi hi dra Pisidiya, vayitlhasa a Pamfiliya. 25Loko vareri a ritu dra Xikwembu Nkulukumba a Perga, vafulameli ku dra Ataliya; 26kutani vasuka kone vawelela a Antiyokiya, lomu afaka vabekiwi atimpswalwini ta Xikwembu Nkulukumba akuva vakhoma a ntiro lowu afaka vawuhetile. 27Loko vatlhasi Antiyokiya vahlengeleti swiro swa Kereke, kutani vaswidrungulela hinkwaswu leswi Xikwembu Nkulukumba aswiyentxiki ha vone, ni hi laha apfuleliki va-Matiko a swipfalu swa vupfumeli. 28Kutani Pawulosi na Barnabasi vatrhami kone nkama vunyingi ni vamakwavu.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.