Mnt 15
15
A nhlengeletanu ya vapostola a Yerusalema
1Van'we vakukari vapfiki Yudeya afa vadondrisa vamakwavu vaku: Loko n'wingasokiwanga swanga hi kuleleta ka Moxe an'wina kuswikota kuhuluka. 2Kahangahumelela kukhanela ni kukanetana kukulu ka Pawulosi na Barnabasi kun'we na vone. Kutani vatiyisa leswaku, Pawulosi na Barnabasi, ni van'wana va-kwavu, vaya Yerusalema ku vapostola ni vakulu va Kereke dra muti lowuya hinkonta ya kukhanela loku. 3Kutani vone, na varumiwi hi Kereke, vatremakanya hi matikwana ya Fenikiya na Samariya, vatlhavukanyisa a kundruluka ka va-Matiko, vatrhavisa ngopfu a vamakwavu hinkwavu.
4Loko vatlhasi Yerusalema, vayamukeliwi hi Kereke ni vapostola ni vakuluku va Kereke, kolahu vavadrungulela hinkwaswu leswi Xikwembu Nkulukumba aswiyentxiki ha vone. 5Kambe kusekeleka van'we va ntlawa wa vafarisi lava vandrulukiki vapfumeli, vaku: Swifanekeli kuvasokiwa a vapfumeli ni kubekisa a nawu wa Moxe. 6Kolahu a vapostola ni vakulu vahangahlengeletana kutata vona mhaka leyo. 7Ntrhaku ka kukanetana kukulu, Petrosi asekeleka aku ku vone: Vamakweru, n'waswitiva swinene n'wine leswaku, kusukela khale, Xikwembu Nkulukumba anihlawulile amakari kwenu, akuva niyativisa Ivangeli ku va-Matiko akuva vayamukela vapfumeli. 8Na swone, Xikwembu Nkulukumba lweyi ativaka timbilu ta hinkwavu akombisi vumbilu ku vone hi kuvanyika Moya wa Kuxwenga swanga hi leswi angahinyika na hine. 9Mfuri angahambanisanga ntxhumu ni mun'we amakari kweru na vone, hikusa avadrivaleli swidoho na vone, hi kupfumela. 10Loko swili xileswi, xana n'wilwela yini ni Xikwembu Nkulukumba, hi kusindrisa vapfumeli lava kuyentxa ntxhumu lowu nambi vatatana veru, nambi hine, ahawukotanga ku wurwala? 11Kasi hine hipfumela leswaku hihanyisiwi hi timpswalu ta Hosi Yesu, swanga ha vone.
12Hinkwavu vamiyela na xileswi vayingela loko Pawulosi na Barnabasi loko vadrungula hita mahlolana ni swikombisu leswi Xikwembu Nkulukumba aswitiriki ha vone amakari ka va-Matiko. 13Loko vaheti kukhanela, Yakobe avayangula aku: Vamakweru, niyingelani: 14Simoni Petrosi aheti kuhidrungulela hi laha Xikwembu Nkulukumba kusukela kusunguleni akombisi kutivonela kwake kuhlawula amakari ka matiko, a tiko drakwe! 15Leswi swiyingelana ni leswi switraliwiki hi vaprofeta. A Matralwa ya kuxwenga maliki:
16Antrhaku ka swone nitabuya,
akutatapfuxa na kone a yindlu ya Davida leyi yiwiki;
nitayaka marumbi ya yone, kutani nitlhela niyiyimisa.
17Akuva matiko man'wana matadjula Hosi,
swanga hi matiko hinkwawu,
lawa nimavitaniki akuva mava yanga.
Kuhlaya Hosi,
18leyi yinyikiki kutibyiwa mintxhumu leyi
kusukela minkama ya khale.
19Hileswo-ke a mavonela yanga hileswaku akuna mfanelo ya kuva kukaratiwa lava, amakari ka va-Matiko, vandrulukelaka ku Xikwembu Nkulukumba, 20kambe vatraleliwa leswaku akuva vadrela a swinyamiso swa swikwembu, ni vumbuye, ni ngati ya swihari leswi swifiki hi xihluku. 21Hikusa kusukela minkameni ya khale, amutini mun'wana-ni-mun'wana, a nawu wa Moxe wuni lava vawuhaxaka amasinagogeni, lomu wuhlayiwaka Savata drin'wana ni drin'wana.
Kutivisiwa a makereke leswi switrimbiwiki.
22Kolahu a vapostola ni vakulu va Kereke kun'we ni Kereke hinkwadru vavona leswaku kuhlawuliwa a vavanuna amakari kwavu, vavaruma kun'we na Pawulosi na Barnabasi a Antiyokia. Kuhlawuliwi Yuda lweyi atxhuliwiki Barsabasi na Silasi, vavanuna lava vakhensiwaka amakari ka vamakwavu. 23Vahangatrala papela ha vone, vaku:
Hine vamakwenu, vapostola ni vakulu, ku n'wine vamakweru amakari ka va-Matiko le Antiyokiya, ni le tikweni dra Siriya, na Kilikiya, xawani!
24Leswi hitiviki leswaku van'we va-kweru vatitan'wiganaganekisa hi maritu, van'wiyentxela ni mpfilu-mpfilu amimoyeni, na hine hingavapfumelelanga; 25hivoni na swili swin'we, ku hine, hitlhangani hiva hiyingelana, hihlawula a vavanuna hi varumelela kun'we ni varandriwa veru Pawulosi na Barnabasi, 26vanga vavanuna lava vanyiketiki vutomi byavu hinkonta ya Hosi Yesu Kriste. 27Hileswo-ke hin'wirumeli Yuda na Silasi, vone vatakan'witlhamuxela hinkwaswu leswi. 28Hikusa swi voneki swili swinene ku Moya wa Kuxwenga ni le ku hine leswaku, n'wingayengeseliwi kubindra loku kutlulisaka, handle ka leswi fanekeliki, swinga leswaku: 29N'widrela a mintxhumu leyi mihahleliwiki swikwembu, ngati ya swihari swakufa hi xihluku, ni kuyentxa vumbuye. Loko n'witivonela ku mintxhumu leyo, n'witava n'wiyentxa swone. Hambanini!
30Kolahu-ke, loko vone valelelile, vafulamela a Antiyokiya; Kutani loko vahlengeleti kone a xitrhungu, vanyikela a papela. 31Ntrhaku kakuva vadrihlayile, vatrhavi ngopfu hi kutxhaveleliwa loko vakuyamukeliki. 32Yuda na Silasi, leswi na vone afaka vali vaprofeta, vatxhaveleli ni kutiyisa a vamakwavu hi maritu manyingi. 33Ntrhaku kakuva vatrhami na vone ankamanyana, vahangalelelana hi kurula ni vamakwavu, kutani vatlhelela ku lava vavarumiki. [ 34Kambe Silasi avona swili swa hombe akuva ahasalanyana.] 35Pawulosi na Barnabasi, vone vatrhami a Antiyokiya hi nkama wa kuleha, vadondrisa ni kurera a ritu dra Hosi, kun'we ni van'wana vanyingi.
Pawulosi na Barnabasi vatravukana
36Ntrhaku ka masikunyana, Pawulosi aku ku Barnabasi: Ahitlheli hiyendrela a vamakweru, a mitini hinkwayu leyi ku yone hihaxiki a ritu dra Hosi, akuva hiyavona leswaku voyini. 37Barnabasi afa arandra kuteka na Yohana lweyi atxhuliwaka Marka kufamba navu. 38Kambe Pawulosi apimisa leswaku aswifaneli leswaku atekiwa, lweyi angatravukana navu Pamfiliya, matrhan'wini ya kuya mahlweni kutlhasa vugan'wini bya liyendro. 39Kavini kukanetana loku kukulu, lakakuva vakota vatravukana mun'wana-ni-mun'wana atlhelweni drakwe. Barnabasi ateka Yohana Marka kutani awelela Kipra. 40Pawulosi hi tlhelo drakwe atihlawulela Silasi, asuka, na anaveleliwi kuxireleliwa hi Hosi hi vamakwavu. 41Ahangatremakanya Siriya na Kilikiya, atiyisa makereke a kupfumeleni.
നിലവിൽ തിരഞ്ഞെടുത്തിരിക്കുന്നു:
Mnt 15: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.
Mnt 15
15
A nhlengeletanu ya vapostola a Yerusalema
1Van'we vakukari vapfiki Yudeya afa vadondrisa vamakwavu vaku: Loko n'wingasokiwanga swanga hi kuleleta ka Moxe an'wina kuswikota kuhuluka. 2Kahangahumelela kukhanela ni kukanetana kukulu ka Pawulosi na Barnabasi kun'we na vone. Kutani vatiyisa leswaku, Pawulosi na Barnabasi, ni van'wana va-kwavu, vaya Yerusalema ku vapostola ni vakulu va Kereke dra muti lowuya hinkonta ya kukhanela loku. 3Kutani vone, na varumiwi hi Kereke, vatremakanya hi matikwana ya Fenikiya na Samariya, vatlhavukanyisa a kundruluka ka va-Matiko, vatrhavisa ngopfu a vamakwavu hinkwavu.
4Loko vatlhasi Yerusalema, vayamukeliwi hi Kereke ni vapostola ni vakuluku va Kereke, kolahu vavadrungulela hinkwaswu leswi Xikwembu Nkulukumba aswiyentxiki ha vone. 5Kambe kusekeleka van'we va ntlawa wa vafarisi lava vandrulukiki vapfumeli, vaku: Swifanekeli kuvasokiwa a vapfumeli ni kubekisa a nawu wa Moxe. 6Kolahu a vapostola ni vakulu vahangahlengeletana kutata vona mhaka leyo. 7Ntrhaku ka kukanetana kukulu, Petrosi asekeleka aku ku vone: Vamakweru, n'waswitiva swinene n'wine leswaku, kusukela khale, Xikwembu Nkulukumba anihlawulile amakari kwenu, akuva niyativisa Ivangeli ku va-Matiko akuva vayamukela vapfumeli. 8Na swone, Xikwembu Nkulukumba lweyi ativaka timbilu ta hinkwavu akombisi vumbilu ku vone hi kuvanyika Moya wa Kuxwenga swanga hi leswi angahinyika na hine. 9Mfuri angahambanisanga ntxhumu ni mun'we amakari kweru na vone, hikusa avadrivaleli swidoho na vone, hi kupfumela. 10Loko swili xileswi, xana n'wilwela yini ni Xikwembu Nkulukumba, hi kusindrisa vapfumeli lava kuyentxa ntxhumu lowu nambi vatatana veru, nambi hine, ahawukotanga ku wurwala? 11Kasi hine hipfumela leswaku hihanyisiwi hi timpswalu ta Hosi Yesu, swanga ha vone.
12Hinkwavu vamiyela na xileswi vayingela loko Pawulosi na Barnabasi loko vadrungula hita mahlolana ni swikombisu leswi Xikwembu Nkulukumba aswitiriki ha vone amakari ka va-Matiko. 13Loko vaheti kukhanela, Yakobe avayangula aku: Vamakweru, niyingelani: 14Simoni Petrosi aheti kuhidrungulela hi laha Xikwembu Nkulukumba kusukela kusunguleni akombisi kutivonela kwake kuhlawula amakari ka matiko, a tiko drakwe! 15Leswi swiyingelana ni leswi switraliwiki hi vaprofeta. A Matralwa ya kuxwenga maliki:
16Antrhaku ka swone nitabuya,
akutatapfuxa na kone a yindlu ya Davida leyi yiwiki;
nitayaka marumbi ya yone, kutani nitlhela niyiyimisa.
17Akuva matiko man'wana matadjula Hosi,
swanga hi matiko hinkwawu,
lawa nimavitaniki akuva mava yanga.
Kuhlaya Hosi,
18leyi yinyikiki kutibyiwa mintxhumu leyi
kusukela minkama ya khale.
19Hileswo-ke a mavonela yanga hileswaku akuna mfanelo ya kuva kukaratiwa lava, amakari ka va-Matiko, vandrulukelaka ku Xikwembu Nkulukumba, 20kambe vatraleliwa leswaku akuva vadrela a swinyamiso swa swikwembu, ni vumbuye, ni ngati ya swihari leswi swifiki hi xihluku. 21Hikusa kusukela minkameni ya khale, amutini mun'wana-ni-mun'wana, a nawu wa Moxe wuni lava vawuhaxaka amasinagogeni, lomu wuhlayiwaka Savata drin'wana ni drin'wana.
Kutivisiwa a makereke leswi switrimbiwiki.
22Kolahu a vapostola ni vakulu va Kereke kun'we ni Kereke hinkwadru vavona leswaku kuhlawuliwa a vavanuna amakari kwavu, vavaruma kun'we na Pawulosi na Barnabasi a Antiyokia. Kuhlawuliwi Yuda lweyi atxhuliwiki Barsabasi na Silasi, vavanuna lava vakhensiwaka amakari ka vamakwavu. 23Vahangatrala papela ha vone, vaku:
Hine vamakwenu, vapostola ni vakulu, ku n'wine vamakweru amakari ka va-Matiko le Antiyokiya, ni le tikweni dra Siriya, na Kilikiya, xawani!
24Leswi hitiviki leswaku van'we va-kweru vatitan'wiganaganekisa hi maritu, van'wiyentxela ni mpfilu-mpfilu amimoyeni, na hine hingavapfumelelanga; 25hivoni na swili swin'we, ku hine, hitlhangani hiva hiyingelana, hihlawula a vavanuna hi varumelela kun'we ni varandriwa veru Pawulosi na Barnabasi, 26vanga vavanuna lava vanyiketiki vutomi byavu hinkonta ya Hosi Yesu Kriste. 27Hileswo-ke hin'wirumeli Yuda na Silasi, vone vatakan'witlhamuxela hinkwaswu leswi. 28Hikusa swi voneki swili swinene ku Moya wa Kuxwenga ni le ku hine leswaku, n'wingayengeseliwi kubindra loku kutlulisaka, handle ka leswi fanekeliki, swinga leswaku: 29N'widrela a mintxhumu leyi mihahleliwiki swikwembu, ngati ya swihari swakufa hi xihluku, ni kuyentxa vumbuye. Loko n'witivonela ku mintxhumu leyo, n'witava n'wiyentxa swone. Hambanini!
30Kolahu-ke, loko vone valelelile, vafulamela a Antiyokiya; Kutani loko vahlengeleti kone a xitrhungu, vanyikela a papela. 31Ntrhaku kakuva vadrihlayile, vatrhavi ngopfu hi kutxhaveleliwa loko vakuyamukeliki. 32Yuda na Silasi, leswi na vone afaka vali vaprofeta, vatxhaveleli ni kutiyisa a vamakwavu hi maritu manyingi. 33Ntrhaku kakuva vatrhami na vone ankamanyana, vahangalelelana hi kurula ni vamakwavu, kutani vatlhelela ku lava vavarumiki. [ 34Kambe Silasi avona swili swa hombe akuva ahasalanyana.] 35Pawulosi na Barnabasi, vone vatrhami a Antiyokiya hi nkama wa kuleha, vadondrisa ni kurera a ritu dra Hosi, kun'we ni van'wana vanyingi.
Pawulosi na Barnabasi vatravukana
36Ntrhaku ka masikunyana, Pawulosi aku ku Barnabasi: Ahitlheli hiyendrela a vamakweru, a mitini hinkwayu leyi ku yone hihaxiki a ritu dra Hosi, akuva hiyavona leswaku voyini. 37Barnabasi afa arandra kuteka na Yohana lweyi atxhuliwaka Marka kufamba navu. 38Kambe Pawulosi apimisa leswaku aswifaneli leswaku atekiwa, lweyi angatravukana navu Pamfiliya, matrhan'wini ya kuya mahlweni kutlhasa vugan'wini bya liyendro. 39Kavini kukanetana loku kukulu, lakakuva vakota vatravukana mun'wana-ni-mun'wana atlhelweni drakwe. Barnabasi ateka Yohana Marka kutani awelela Kipra. 40Pawulosi hi tlhelo drakwe atihlawulela Silasi, asuka, na anaveleliwi kuxireleliwa hi Hosi hi vamakwavu. 41Ahangatremakanya Siriya na Kilikiya, atiyisa makereke a kupfumeleni.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.