I Kor 5
5
A vuwoswi
1Kuyingeliwa hinkwaku leswaku amakari kwenu kuni vuwoswi, vuwoswi lebyi byingagamikiki byiva kone nambi amakari ka va-Matiko, byitlhasiki ni lana kakuva kuni lweyi atekiki a nsati wa tatana wakwe#5:1 Nsati wa tatana wakwe, kuhlayiwa a nsati wa vubiri wa tatana wakwe. 2Nambi swili tanu, n'watikukumuxa, n'wiva n'wingasoli, akuva a mhunu lweyi ayentxiki a mhaka leyo asusiwa amakari kwenu!
3Hikuva mine, nambi ningali kone hi miri, kambe ni kone hi moya, niyavanyisi khale a muyentxi wa wumfani byolebyo swanga hiloko nivi kone; 4hi vito dra Hosi yeru Yesu Kriste, na n'wine n'wihlengeletanile, kun'we ni moya wanga, hi ntamu wa Hosi yeru Yesu Kriste, 5ahinyiketeni a mhunu lweyo ku Sathana, akuhohlokeni ka nyama yake, akuva a moya wakwe wuhuluka hi Siku dra Hosi.
6Ahi ntxhumu wunene a kutikukumuxa kwenu. Xana an'wiswitivi leswaku a handrelo yitrongo yibilisa a mbila hinkwayu xana? 7Txukumetani a handrelo ya khale, akuva n'windruluka mbila yimpswha, n'wiva lava vangalikina handrelo, hikuva na drone a Paska drenu dritlhabyiwile, anga Kriste. 8Ke ahihambeni a nkhuvu, angali hi handrelo ya khale, kumbe handrelo ya mona ni ya vubihi, kambe hi makati lawa ya kukala mangana handrelo, ya vunene ni xihlayelamfuri.
9Apapeleni ledri afaka nin'witraleli leswaku n'wingapatrani ni va vumbuye; 10anihlayi leswaku n'witravukana ni va vumbuye, kumbe lava vanavelaka a vukosi bya misava leyi, kumbe vayivi, kumbe vagandreli va swikwembu swakuka-ndlela; hikusa loko afa swilitano an'witasindriseka a kusuka amisaveni leyi. 11Kambe swoswi, nin'witralela akuva n'wingatipatri ni lweyi ahlayiwaka makwenu na kasi i wa vumbuye, kumbe munaveli wa vukosi bya misava leyi, kumbe mugandreli wa swikwembu swakuka-ndlela, kumbe mulumbeti, kumbe mpopswi, kumbe muyivi; a mhunu wa kufana ni lweyo, n'wingapatrani na yene, nambi kudeni. 12Hikuva niyikuma kwini a mfanelo ya kuyavanyisa a va le handle? Ahi va le ndreni lava n'wifanelaka a kuvayavanyisa, xana? 13Kambe a va le handle, Xikwembu Nkulukumba atavayavanyisa. Ke, hlongolani a wa vubihi amakari kwenu.
നിലവിൽ തിരഞ്ഞെടുത്തിരിക്കുന്നു:
I Kor 5: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.