Ndandililo 14
14
Che Iblamu akwakulupusya che Lutu
1Kele katema ko, che Amulafeli juŵaliji mwenye jwa ku Shinali ni che Alioki juŵaliji mwenye jwa ku Elasali ni che Kedolilaoma juŵaliji mwenye jwa ku Elamu ni che Tidali juŵaliji mwenye jwa ku Goiimu, 2ŵajawile kuputana ngondo ni che Bela mwenye jwa ku Sodoma ni che Bilisha mwenye jwa ku Gomola. Che Shinabu mwenye jwa ku Adima ni che Shemebeli mwenye jwa ku Seboimu ni mwenye jwa ku Bela pane jikuŵilanjikwa Soali. 3Mamwenye wose nsano ŵasimene ni kwalumbikanya ŵangondo wao pa lichemba lya Sidimu, kweleko sambano kukuŵilanjikwa Bahali ja njete. 4Kwa yaka kumi ni mbili ŵaliji nkwatumichila mwenye che Kedolilaoma, nambo pa chaka cha kumi ni tatu ŵalesile kwatumichila. 5Pa chaka cha kumi na nne mwenye che Kedolilaoma ni mamwenye achinjakwe ŵaŵalumbikene pamo ŵajawile kukwaputa Ŵalefaimu ako ku Ashitalosi Kanaliamu ni Ŵasusi ako ku Hamu ni Ŵaemi ako ku Shawe Kiliasaimu, 6ni Ŵaholi ku chilambo cha ikwesya ya Seili, ŵaatopwele mpaka ku Elipalani, mumpika mwa lipululu. 7Nipele ŵausile panyuma mpaka ku Enimishipati, sooni pakuŵilanjikwa ku Kadeshi, ni kwaputa Ŵaamaleki wose ni kwapunda, iyoyo peyo ŵaaputile Ŵaamoli ŵaakutama ku Hazazoni Tamali ni kwapunda.
8Mwenye jwa ku Sodoma ni mwenye jwa ku Gomola ni mwenye jwa ku Adima ni mwenye jwa ku Seboimu ni mwenye jwa ku Bela, ŵatesile ngondo pa lichemba lya Sidimu, 9aputane ni che Kedolilaoma mwenye jwa ku Elamu ni che Tidali mwenye jwa ku Goimu ni che Amlafeli mwenye jwa ku Shinali ni che Alioko mwenye jwa ku Elasali. Mamwenye ncheche ŵaputene ngondo ni mamwenye nsano. 10Lichemba lya Sidimu lyagumbele masimbo ga lami, kwayele mamwenye ŵa ku Sodoma ni ku Gomola paŵautukaga ngondo ŵatumbuchile mwelemo, nambo ŵaŵasigele ŵautuchile ku itumbi. 11Mamwenye ncheche ŵala ŵajigele chipanje chose cha ku Sodoma ni ku Gomola pampepe ni yakulya yao yose ni kwaula. 12Iyoyopeyo ŵaajigele ni che Lutu mwana jwa mpwakwe che Iblamu juŵatamaga ku Sodoma pampepe ni chipanje chakwe chose chiŵakwete ni kwaula.
13Nambo mundu jumpepe juŵakulupwiche ŵajawile kukwasalila che Iblamu juŵaliji Mwebulania jwatamaga chiŵandi ni itela yekulungwa ya che Mamle Mwamoli jula. Che Mamle jwaliji mpwakwe che Eshikoli ni che Aneli, wose ŵakamulene ni che Iblamu. 14Che Iblamu paŵapilikene mwipwa jwao akamwilwe, ŵajawile ni ŵandu ŵao mia tatu ni kumi na nane ŵajiganyikwe kuputana ngondo ŵaŵapagwile mu nyuumba jao, ŵaakuiye mpaka ku Dani. 15Chilo che Iblamu ŵasapwile ŵangondo ŵao mipingo mipingo, ŵaaputile ŵammagongo ŵao, ŵaapundile ni kwatopola mpaka ku Hoba, kumpoto kwa musi wa ku Damasika. 16Yele ni iŵatite che Iblamu pakuiwombola ipanje yose ni iyoyopeyo ŵawombwele che Lutu mwipwagwe ni chipanje chao pamo ni achakongwe ni ŵandu ŵane.
Che Melekisedeki akwapa upile che Iblamu
17Che Iblamu paŵausile pakumala kwaputa che Kedolilaoma ni mamwenye achinjakwe, mwenye jwa ku Sodoma ŵatyosile ni kusimana nao pa lichemba lya Shawe, iyoyo likuŵilanjikwa Lichemba lya Mwenye. 18Nipele che Melikisedeki mwenye jwa ku Salemu, iyoyo peyo ŵaliji jwambopesi jwa Akumanani ŵaapelechele che Iblamu mkate ni divai, 19ŵampele upile achitiji, “Che Iblamu nkwete upile ni Akunnungu Ŵakulu, Jwakugumba kwinani ni chilambo! 20Ajinichilwe Akunnungu Ŵakulu, ŵankamwisye kwapunda ŵamagongo ŵenu!” Nombe che Iblamu ŵapele che Melekisedeki liunjili lya kakumi lya indu iyaisumwiile kungondo.
21Mwenye jwa ku Sodoma ŵasaalile che Iblamu, “Njigale ipanje yose nambo mumbe ŵandu wo.” 22Nambo che Iblamu ŵanjanjile mwenye jwa ku Sodoma, “Ngulumbila kwa Ambuje, Akunnungu Ŵakulu, juŵagumbile kwinani ni chilambo, 23kuti ngunyigala chindu chilichose chenu mmwe, iŵeje usi atamuno ngonji sya ilatu, nkajila kuti mundendekasisye me jwakusichila. 24Ngunyigala chilichose ikaŵe aila pe yalile achachanda ŵangu ni ŵane mwa ŵeŵala uŵaliji pamo none, yaani che Aneli ni che Eshikoli ni che Mamle, ŵanyaŵa akwete liunjili mu indu yo.”
നിലവിൽ തിരഞ്ഞെടുത്തിരിക്കുന്നു:
Ndandililo 14: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
Ndandililo 14
14
Che Iblamu akwakulupusya che Lutu
1Kele katema ko, che Amulafeli juŵaliji mwenye jwa ku Shinali ni che Alioki juŵaliji mwenye jwa ku Elasali ni che Kedolilaoma juŵaliji mwenye jwa ku Elamu ni che Tidali juŵaliji mwenye jwa ku Goiimu, 2ŵajawile kuputana ngondo ni che Bela mwenye jwa ku Sodoma ni che Bilisha mwenye jwa ku Gomola. Che Shinabu mwenye jwa ku Adima ni che Shemebeli mwenye jwa ku Seboimu ni mwenye jwa ku Bela pane jikuŵilanjikwa Soali. 3Mamwenye wose nsano ŵasimene ni kwalumbikanya ŵangondo wao pa lichemba lya Sidimu, kweleko sambano kukuŵilanjikwa Bahali ja njete. 4Kwa yaka kumi ni mbili ŵaliji nkwatumichila mwenye che Kedolilaoma, nambo pa chaka cha kumi ni tatu ŵalesile kwatumichila. 5Pa chaka cha kumi na nne mwenye che Kedolilaoma ni mamwenye achinjakwe ŵaŵalumbikene pamo ŵajawile kukwaputa Ŵalefaimu ako ku Ashitalosi Kanaliamu ni Ŵasusi ako ku Hamu ni Ŵaemi ako ku Shawe Kiliasaimu, 6ni Ŵaholi ku chilambo cha ikwesya ya Seili, ŵaatopwele mpaka ku Elipalani, mumpika mwa lipululu. 7Nipele ŵausile panyuma mpaka ku Enimishipati, sooni pakuŵilanjikwa ku Kadeshi, ni kwaputa Ŵaamaleki wose ni kwapunda, iyoyo peyo ŵaaputile Ŵaamoli ŵaakutama ku Hazazoni Tamali ni kwapunda.
8Mwenye jwa ku Sodoma ni mwenye jwa ku Gomola ni mwenye jwa ku Adima ni mwenye jwa ku Seboimu ni mwenye jwa ku Bela, ŵatesile ngondo pa lichemba lya Sidimu, 9aputane ni che Kedolilaoma mwenye jwa ku Elamu ni che Tidali mwenye jwa ku Goimu ni che Amlafeli mwenye jwa ku Shinali ni che Alioko mwenye jwa ku Elasali. Mamwenye ncheche ŵaputene ngondo ni mamwenye nsano. 10Lichemba lya Sidimu lyagumbele masimbo ga lami, kwayele mamwenye ŵa ku Sodoma ni ku Gomola paŵautukaga ngondo ŵatumbuchile mwelemo, nambo ŵaŵasigele ŵautuchile ku itumbi. 11Mamwenye ncheche ŵala ŵajigele chipanje chose cha ku Sodoma ni ku Gomola pampepe ni yakulya yao yose ni kwaula. 12Iyoyopeyo ŵaajigele ni che Lutu mwana jwa mpwakwe che Iblamu juŵatamaga ku Sodoma pampepe ni chipanje chakwe chose chiŵakwete ni kwaula.
13Nambo mundu jumpepe juŵakulupwiche ŵajawile kukwasalila che Iblamu juŵaliji Mwebulania jwatamaga chiŵandi ni itela yekulungwa ya che Mamle Mwamoli jula. Che Mamle jwaliji mpwakwe che Eshikoli ni che Aneli, wose ŵakamulene ni che Iblamu. 14Che Iblamu paŵapilikene mwipwa jwao akamwilwe, ŵajawile ni ŵandu ŵao mia tatu ni kumi na nane ŵajiganyikwe kuputana ngondo ŵaŵapagwile mu nyuumba jao, ŵaakuiye mpaka ku Dani. 15Chilo che Iblamu ŵasapwile ŵangondo ŵao mipingo mipingo, ŵaaputile ŵammagongo ŵao, ŵaapundile ni kwatopola mpaka ku Hoba, kumpoto kwa musi wa ku Damasika. 16Yele ni iŵatite che Iblamu pakuiwombola ipanje yose ni iyoyopeyo ŵawombwele che Lutu mwipwagwe ni chipanje chao pamo ni achakongwe ni ŵandu ŵane.
Che Melekisedeki akwapa upile che Iblamu
17Che Iblamu paŵausile pakumala kwaputa che Kedolilaoma ni mamwenye achinjakwe, mwenye jwa ku Sodoma ŵatyosile ni kusimana nao pa lichemba lya Shawe, iyoyo likuŵilanjikwa Lichemba lya Mwenye. 18Nipele che Melikisedeki mwenye jwa ku Salemu, iyoyo peyo ŵaliji jwambopesi jwa Akumanani ŵaapelechele che Iblamu mkate ni divai, 19ŵampele upile achitiji, “Che Iblamu nkwete upile ni Akunnungu Ŵakulu, Jwakugumba kwinani ni chilambo! 20Ajinichilwe Akunnungu Ŵakulu, ŵankamwisye kwapunda ŵamagongo ŵenu!” Nombe che Iblamu ŵapele che Melekisedeki liunjili lya kakumi lya indu iyaisumwiile kungondo.
21Mwenye jwa ku Sodoma ŵasaalile che Iblamu, “Njigale ipanje yose nambo mumbe ŵandu wo.” 22Nambo che Iblamu ŵanjanjile mwenye jwa ku Sodoma, “Ngulumbila kwa Ambuje, Akunnungu Ŵakulu, juŵagumbile kwinani ni chilambo, 23kuti ngunyigala chindu chilichose chenu mmwe, iŵeje usi atamuno ngonji sya ilatu, nkajila kuti mundendekasisye me jwakusichila. 24Ngunyigala chilichose ikaŵe aila pe yalile achachanda ŵangu ni ŵane mwa ŵeŵala uŵaliji pamo none, yaani che Aneli ni che Eshikoli ni che Mamle, ŵanyaŵa akwete liunjili mu indu yo.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.