Ndandililo 13
13
Che Iblamu ni che Lutu akulekangana
1Che Iblamu ŵausile kutyochela ku Misili, ŵakwesile kwaula ku lujenda kwa Kanaani. Ŵaliji ni ŵankwawo ni chachilichose chiŵakwete, ni che Lutu ŵajawile pamo ni jwelejo che Lutu. 2Kele katema ko che Iblamu ŵaliji jwa chipanje nnope, ŵakwete ilango yejinji ni madini ga feza ni Sahabu. 3Ŵajendelechele ni ulendo kutyochela ku lujenda mpaka ŵaiche ku Beseli. Ŵaiche peuto paŵataŵile lisakasa kuundanda, pasikati ja ku Beseli ni ku Ai, 4apala peuto paŵataŵile che Iblamu chilisa cha maganga, kweleko ni kuŵaapopelele Ambuje. 5Ni che Lutu juŵaliji pamo ni che Iblamu mu ulendo, nombejo ŵaliji ni ngondolo ni mbusi ng'ombe ni masakasa. 6Ilango yao yaliji yejinji nnope ni chilambo chila chaliji chachinandi, nganichikwana kwa che Iblamu ni che Lutu kutama pamo ni kulisisya ilango. 7Nipele kwatyochele umani sikati ŵakuchinga ŵa che Iblamu ni che Lutu. Katema ko Ŵakanaani ni Ŵapelisi ŵaliji akutama mu chilambo cho.
8Nipele che Ablahamu ŵansalile che Lutu, “Tukatindana mmwe ni une atamuno ŵakuchinga ŵangu ni ŵakuchinga ŵenu ligongo uwe tuli achalongo. 9Uli chilambo chose nganichiŵa mmbujo mwenu? Twende tulekangane, mwajaulaga kunchiji none chinyaule kundyo yaŵaga chinjaule kundyo none chinyaule kunchiji.”
10Che Lutu ŵalolite, ŵaliweni lichemba lya lusulo lwa Yolodani, likwete meesi gamajinji mwamulimose, mpela ngunda wa mwana wa Ambuje ni mpela chilambo cha ku Misili chachili mbande ja Soali. Yeleyi yaliji Ambuje akanaŵe kujijonanga misi ja ku Sodoma ni ku Gomola. 11Kwayele che Lutu ŵalisagulile lichemba lyose lya Yolodani, ŵajawile upaande wa kungopochelo lyuŵa. Yeleyi ni iŵatite kulekangana ŵandu ŵa. 12Che Iblamu ŵasigele ku chilambo cha ku Kanaani ni che Lutu ŵatemi mu misi jajili pa lichemba lya Yolodani, nipele ŵataŵile masakasa gakwe chiŵandika ni ku Sodoma. 13Nambo ŵandu ŵa ku Sodoma ŵaliji ŵachigongomalo kwannope ni ŵaliji nkwatendela Ambuje sambi syasijinji nnope.
Che Iblamu akwaula ku Hebuloni
14Che Lutu paŵamasile kulekangana ni che Iblamu, Ambuje ŵansalile che Iblamu, “Pelepo panli po nnolechesye yambone mbande syose ncheche sya chilambo. 15Chilambo chose chinkuchiwona chi chinampe mmwe ni uŵelesi wenu, chiŵe chenu moŵa gose pangali mbesi. 16Uŵelesi wenu tinauchulusye ni ngauŵalanjika, mpela luundu lwa pachilambo. Ni mpela ila mundu yakuti kulepela kuŵalanga luundu, iyoyo peyo ngapagwa mundu juchakombole kuuŵalanjila uŵelesi wenu. 17Sambano njimuche, njaule nkajimejime mu chilambo chose chanchileu ni chanchijipi, pakuŵa chilambo chose cho chinampe mmwe.” 18Kwayele che Iblamu ŵalityosisye lisakasa lyao, ŵajawile kutama chiŵandi ni itela yekulungwa ya ku Mamle ku Hebuloni ko. Kweleko ŵaataŵile Akunnungu chilisa cha maganga.
നിലവിൽ തിരഞ്ഞെടുത്തിരിക്കുന്നു:
Ndandililo 13: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
Ndandililo 13
13
Che Iblamu ni che Lutu akulekangana
1Che Iblamu ŵausile kutyochela ku Misili, ŵakwesile kwaula ku lujenda kwa Kanaani. Ŵaliji ni ŵankwawo ni chachilichose chiŵakwete, ni che Lutu ŵajawile pamo ni jwelejo che Lutu. 2Kele katema ko che Iblamu ŵaliji jwa chipanje nnope, ŵakwete ilango yejinji ni madini ga feza ni Sahabu. 3Ŵajendelechele ni ulendo kutyochela ku lujenda mpaka ŵaiche ku Beseli. Ŵaiche peuto paŵataŵile lisakasa kuundanda, pasikati ja ku Beseli ni ku Ai, 4apala peuto paŵataŵile che Iblamu chilisa cha maganga, kweleko ni kuŵaapopelele Ambuje. 5Ni che Lutu juŵaliji pamo ni che Iblamu mu ulendo, nombejo ŵaliji ni ngondolo ni mbusi ng'ombe ni masakasa. 6Ilango yao yaliji yejinji nnope ni chilambo chila chaliji chachinandi, nganichikwana kwa che Iblamu ni che Lutu kutama pamo ni kulisisya ilango. 7Nipele kwatyochele umani sikati ŵakuchinga ŵa che Iblamu ni che Lutu. Katema ko Ŵakanaani ni Ŵapelisi ŵaliji akutama mu chilambo cho.
8Nipele che Ablahamu ŵansalile che Lutu, “Tukatindana mmwe ni une atamuno ŵakuchinga ŵangu ni ŵakuchinga ŵenu ligongo uwe tuli achalongo. 9Uli chilambo chose nganichiŵa mmbujo mwenu? Twende tulekangane, mwajaulaga kunchiji none chinyaule kundyo yaŵaga chinjaule kundyo none chinyaule kunchiji.”
10Che Lutu ŵalolite, ŵaliweni lichemba lya lusulo lwa Yolodani, likwete meesi gamajinji mwamulimose, mpela ngunda wa mwana wa Ambuje ni mpela chilambo cha ku Misili chachili mbande ja Soali. Yeleyi yaliji Ambuje akanaŵe kujijonanga misi ja ku Sodoma ni ku Gomola. 11Kwayele che Lutu ŵalisagulile lichemba lyose lya Yolodani, ŵajawile upaande wa kungopochelo lyuŵa. Yeleyi ni iŵatite kulekangana ŵandu ŵa. 12Che Iblamu ŵasigele ku chilambo cha ku Kanaani ni che Lutu ŵatemi mu misi jajili pa lichemba lya Yolodani, nipele ŵataŵile masakasa gakwe chiŵandika ni ku Sodoma. 13Nambo ŵandu ŵa ku Sodoma ŵaliji ŵachigongomalo kwannope ni ŵaliji nkwatendela Ambuje sambi syasijinji nnope.
Che Iblamu akwaula ku Hebuloni
14Che Lutu paŵamasile kulekangana ni che Iblamu, Ambuje ŵansalile che Iblamu, “Pelepo panli po nnolechesye yambone mbande syose ncheche sya chilambo. 15Chilambo chose chinkuchiwona chi chinampe mmwe ni uŵelesi wenu, chiŵe chenu moŵa gose pangali mbesi. 16Uŵelesi wenu tinauchulusye ni ngauŵalanjika, mpela luundu lwa pachilambo. Ni mpela ila mundu yakuti kulepela kuŵalanga luundu, iyoyo peyo ngapagwa mundu juchakombole kuuŵalanjila uŵelesi wenu. 17Sambano njimuche, njaule nkajimejime mu chilambo chose chanchileu ni chanchijipi, pakuŵa chilambo chose cho chinampe mmwe.” 18Kwayele che Iblamu ŵalityosisye lisakasa lyao, ŵajawile kutama chiŵandi ni itela yekulungwa ya ku Mamle ku Hebuloni ko. Kweleko ŵaataŵile Akunnungu chilisa cha maganga.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.