Ndandililo 15
15
Akunnungu akutenda lilangano ni che Iblamu
1Pagamasile gelego, liloŵe lya Ambuje lyaichile che Iblamu mu yakwiwona, “Che Iblamu! Nkajogopa! Une chinjingosa. Chinjimpa mbote jekulungwa!” 2Nambo che Iblamu ŵajanjile, “Alakwe Ambuje Akunnungu, chimumbe ichichi akuno ngutama pangali mwanache, ni aju juchalisi indu yangu ali che Eliasali mundu jwa ku Damesika?” 3Nipele che Iblamu ŵatite, “Nnole! Nganimumba mwanache ni kapolo jwapagwile mu nyuumba jangu ni juchalisi indu yangu.”
4Nipele Ambuje ŵaasalile sooni, “Ajuju ngaaŵa juchalisi indu yenu, nambo mwanache juchimummeleche mwasyene, jwelejo ni juchalisi indu yenu.” 5Pelepo Ambuje ŵankopwesye paasa che Iblamu ni kunsalila, “Nnole mwinani! Mmalanje ndondwa, iwaga chinkombole kuŵalanga! Iyoyo peyo uŵelesi wenu ni uchiiŵe wejinji!” 6Che Iblamu ŵaakulupilile Ambuje, nombe Ambuje ŵaŵalanjile kuti ali mundu jwakupanganya yambone paujo pao.
7Nipele Ambuje ŵaasalile che Iblamu, “Une ndili Ambuje junantyosisye ku Ulu, ku chilambo cha Ŵakalidayo, kuti nampe chilambo chi chiŵe chenu.” 8Nambo che Iblamu ŵausisye, “Alakwe Ambuje Akunnungu, chinaimanye chinauli kuti chilambo chi chichiŵe changu?” 9Ambuje Akunnungu ŵaasalile, “Munyigalile nkolo wa ng'ombe ni nkolo wa mbusi ni likambaku lya ngondolo, wose ŵa, julijose jwa yaka itatu pamo ni njuŵa ni likandi lya ngunda.” 10Che Iblamu ŵaajigalile Ambuje Akunnungu wose wo, chinyama chilichose ŵachikatenye ipande iŵili ni kwipanga misitali jiŵili ininkulolegana nambo ijuni nganaikatanya ipande iŵili. 11Ni matumbusi payaikaga pa mitembo jila, che Iblamu ŵaliji nkuiŵinga.
12Palyatiŵilaga lyuŵa, che Iblamu ŵakamwilwe ni lugono lwakutopela, lipamba ni chipi totolo yaunichile. 13Pele Ambuje ŵaasalile che Iblamu, “Mmanyilile kusyene kuti uŵelesi wenu chiutame nti achalendo mu chilambo changaŵa chao, chaŵe achikapolo ni chalaje kwa yaka mia nne. 14Nambo, chinjajamuka ŵandu ŵachachatenda achikapolo ni kumbesi ŵandu ŵangu chatyoche mu chilambo cho ali ni chipanje chachijinji. 15Nambo mmwe mwasyene chintame yaka yejinji, chinchiwa kwa chitendewele ni kunsika yambone. 16Pa uŵelesi wenu wa ncheche, uŵelesi wenu chiuuje apano ligongo ugongomalo wa Ŵaamoli ngaunaŵe kumalila kuti alamulikwe.”
17Palyamasile kutiŵila lyuŵa ni kwinjila chipi, chiteleko chachikututuma lyosi ni lumuli yapite pasikati ja aila ipande ya nyama. 18Lyele lyuŵa Ambuje ŵatesile lilangano ni che Iblamu achitiji, “Uŵelesi wenu chinaape achi chilambo chi, kutandila lusulo lwa Misili mpaka lusulo lwekulungwa lwa Efulati, 19pamo ni chilambo cha Ŵakeni ni Ŵakenisi ni Ŵakadimoni, 20ni Ŵahiti ni Ŵapelisi ni Ŵalefai, 21ni Ŵaamoli ni Ŵakanaani ni Ŵagiligashi ni Ŵayebusi.”
നിലവിൽ തിരഞ്ഞെടുത്തിരിക്കുന്നു:
Ndandililo 15: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
Ndandililo 15
15
Akunnungu akutenda lilangano ni che Iblamu
1Pagamasile gelego, liloŵe lya Ambuje lyaichile che Iblamu mu yakwiwona, “Che Iblamu! Nkajogopa! Une chinjingosa. Chinjimpa mbote jekulungwa!” 2Nambo che Iblamu ŵajanjile, “Alakwe Ambuje Akunnungu, chimumbe ichichi akuno ngutama pangali mwanache, ni aju juchalisi indu yangu ali che Eliasali mundu jwa ku Damesika?” 3Nipele che Iblamu ŵatite, “Nnole! Nganimumba mwanache ni kapolo jwapagwile mu nyuumba jangu ni juchalisi indu yangu.”
4Nipele Ambuje ŵaasalile sooni, “Ajuju ngaaŵa juchalisi indu yenu, nambo mwanache juchimummeleche mwasyene, jwelejo ni juchalisi indu yenu.” 5Pelepo Ambuje ŵankopwesye paasa che Iblamu ni kunsalila, “Nnole mwinani! Mmalanje ndondwa, iwaga chinkombole kuŵalanga! Iyoyo peyo uŵelesi wenu ni uchiiŵe wejinji!” 6Che Iblamu ŵaakulupilile Ambuje, nombe Ambuje ŵaŵalanjile kuti ali mundu jwakupanganya yambone paujo pao.
7Nipele Ambuje ŵaasalile che Iblamu, “Une ndili Ambuje junantyosisye ku Ulu, ku chilambo cha Ŵakalidayo, kuti nampe chilambo chi chiŵe chenu.” 8Nambo che Iblamu ŵausisye, “Alakwe Ambuje Akunnungu, chinaimanye chinauli kuti chilambo chi chichiŵe changu?” 9Ambuje Akunnungu ŵaasalile, “Munyigalile nkolo wa ng'ombe ni nkolo wa mbusi ni likambaku lya ngondolo, wose ŵa, julijose jwa yaka itatu pamo ni njuŵa ni likandi lya ngunda.” 10Che Iblamu ŵaajigalile Ambuje Akunnungu wose wo, chinyama chilichose ŵachikatenye ipande iŵili ni kwipanga misitali jiŵili ininkulolegana nambo ijuni nganaikatanya ipande iŵili. 11Ni matumbusi payaikaga pa mitembo jila, che Iblamu ŵaliji nkuiŵinga.
12Palyatiŵilaga lyuŵa, che Iblamu ŵakamwilwe ni lugono lwakutopela, lipamba ni chipi totolo yaunichile. 13Pele Ambuje ŵaasalile che Iblamu, “Mmanyilile kusyene kuti uŵelesi wenu chiutame nti achalendo mu chilambo changaŵa chao, chaŵe achikapolo ni chalaje kwa yaka mia nne. 14Nambo, chinjajamuka ŵandu ŵachachatenda achikapolo ni kumbesi ŵandu ŵangu chatyoche mu chilambo cho ali ni chipanje chachijinji. 15Nambo mmwe mwasyene chintame yaka yejinji, chinchiwa kwa chitendewele ni kunsika yambone. 16Pa uŵelesi wenu wa ncheche, uŵelesi wenu chiuuje apano ligongo ugongomalo wa Ŵaamoli ngaunaŵe kumalila kuti alamulikwe.”
17Palyamasile kutiŵila lyuŵa ni kwinjila chipi, chiteleko chachikututuma lyosi ni lumuli yapite pasikati ja aila ipande ya nyama. 18Lyele lyuŵa Ambuje ŵatesile lilangano ni che Iblamu achitiji, “Uŵelesi wenu chinaape achi chilambo chi, kutandila lusulo lwa Misili mpaka lusulo lwekulungwa lwa Efulati, 19pamo ni chilambo cha Ŵakeni ni Ŵakenisi ni Ŵakadimoni, 20ni Ŵahiti ni Ŵapelisi ni Ŵalefai, 21ni Ŵaamoli ni Ŵakanaani ni Ŵagiligashi ni Ŵayebusi.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.