Ndandililo 12
12
Akunnungu akwaŵilanga che Iblamu
1Ambuje ŵaasalile che Iblamu, “Ntyoche mu chilambo chenu, mwaleche achalongo achinjenu ni ŵandu ŵaali mu nyuumba ja atati ŵenu, njaule ku chilambo kuchinannosye. 2Chinantende mme chilambo chachikulungwa, ni kumpa upile ni kulitenda liina lyenu limanyiche, ni mmwe chimme upile.
3Uchampe upile mmwe, none chinaape upile,
Nambo juchannwesye mmwe, none chinaalwesye.
Ni kutyochela kwenumwe ŵandu wose ŵa ilambo yose chapegwe upile.”
4Kwayele, che Iblamu ŵatyosile mpela iŵatite pakusalilwa ni Ambuje ni che Lutu ŵaliji pamo nawo. Che Iblamu ŵaliji ni yaka sabini na tano paŵatyosile ku Halani. 5Che Iblamu ŵanjigele che Salai ŵankwawo ni che Lutu mwanache jwa mpwakwe, pamo ni ipanje yao yose ni ŵandu wose ŵaŵaapatile ku Halani ni kwaula kuchilambo cha Kanaani. Paŵajinjile mu chilambo cha Kanaani, 6che Iblamu ŵapitile pasikati ja chilambo cho mpaka ŵaiche ku Shekemu, pa chitela chachikulungwa chachikuŵilanjikwa Mole. Kele katema ko Ŵakanaani ni uŵaliji achinsyene chilambo cho. 7Nipele Ambuje ŵankopochele che Iblamu ni kwasalila, “Iŵelesi yenu chinaape chilambo chi.” Pelepo che Iblamu ŵaataŵile chilisa Ambuje juŵankopochele. 8Kutyochela pelepo che Iblamu ŵatyosile ni kwaula mpaka kuchikwesya kungopochelo lyuŵa kwa chilambo cha Beseli ni kweleko ŵataŵile lisakasa lyao, ŵatemi pasikati ja musi wa Beseli wauli upaande wa kumaswelo lyuŵa ni ku Ai wauli upaande wa kungopochelo lyuŵa. Kweleko nombe ŵaataŵile Ambuje chilisa cha maganga ni kwapopelela. 9Ni che Iblamu ŵajendelechele ni ulendo upaande wa kulujenda.
Che Iblamu mu chilambo cha Misili
10Kele katema ko, jakopochele sala ja jajikulungwa pachilambo cha Kanaani. Kwayele che Iblamu ŵatulwiche kwaula kuchilambo cha Misili ni kutama kweleko kwa katema. 11Che Iblamu paŵaŵandichile kwinjila ku Misili, ŵaasalile che Salai ŵankwakwe, “Nguimanyilila kuti mmwe ndi jwankongwe jwakusalala. 12Ŵamisili pachammone chasale, ‘Aŵa ali ŵankwawo,’ nipele chammulaje une ni mmwe kunneka ŵajumi. 13Choonde, mwasalile kuti mmwe nli alumbu ŵangu kuti iŵe yambone kukwangu, aaneche jwanjumi kwaligongo lyenu.” 14Nipele, che Iblamu paŵaiche ku Misili, Ŵamisili ŵaweni che Salai kuti ali jwankongwe jwakusalala nnope. 15Ni achakulu ŵa Falao paŵaweni che Salai, ŵakulapile kusalala kwao kwa Falao. Nipele ŵajawisye che Salai ku nyuumba ja Falao. 16Kwaligongo li che Salai, Falao ŵatendele yambone che Iblamu, ŵapele ngondolo ni ng'ombe ni mbunda ni achikapolo achalume ni achakongwe ni mikolo ja mbunda ni ngamia.
17Nambo Ambuje ŵanlagesye Falao kwa kwaichisya ilwele yakupunda ni achalongo achinjakwe wose ligongo ŵanjigele che Salai, ŵankwakwe che Iblamu. 18Nipele Falao ŵammilasile che Iblamu, ni kwausya, “Kwachichi mundesile yeleyi? Ligongo chi nganimuusalila kuti che Salai ali ŵankwenu? 19Ana kwaligongo chi mwatite ali alumbu ŵenu mpaka naajigele ni kwatenda ŵankwangu? Sambano ŵankwenu aŵapa. Mwajigale njaule!” 20Nipele Falao ŵalajisye ŵandu ŵakwe ŵaajigale che Iblamu ni ŵankwawo ni ipanje yao yose, ŵaakoposye Mmisili.
നിലവിൽ തിരഞ്ഞെടുത്തിരിക്കുന്നു:
Ndandililo 12: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
Ndandililo 12
12
Akunnungu akwaŵilanga che Iblamu
1Ambuje ŵaasalile che Iblamu, “Ntyoche mu chilambo chenu, mwaleche achalongo achinjenu ni ŵandu ŵaali mu nyuumba ja atati ŵenu, njaule ku chilambo kuchinannosye. 2Chinantende mme chilambo chachikulungwa, ni kumpa upile ni kulitenda liina lyenu limanyiche, ni mmwe chimme upile.
3Uchampe upile mmwe, none chinaape upile,
Nambo juchannwesye mmwe, none chinaalwesye.
Ni kutyochela kwenumwe ŵandu wose ŵa ilambo yose chapegwe upile.”
4Kwayele, che Iblamu ŵatyosile mpela iŵatite pakusalilwa ni Ambuje ni che Lutu ŵaliji pamo nawo. Che Iblamu ŵaliji ni yaka sabini na tano paŵatyosile ku Halani. 5Che Iblamu ŵanjigele che Salai ŵankwawo ni che Lutu mwanache jwa mpwakwe, pamo ni ipanje yao yose ni ŵandu wose ŵaŵaapatile ku Halani ni kwaula kuchilambo cha Kanaani. Paŵajinjile mu chilambo cha Kanaani, 6che Iblamu ŵapitile pasikati ja chilambo cho mpaka ŵaiche ku Shekemu, pa chitela chachikulungwa chachikuŵilanjikwa Mole. Kele katema ko Ŵakanaani ni uŵaliji achinsyene chilambo cho. 7Nipele Ambuje ŵankopochele che Iblamu ni kwasalila, “Iŵelesi yenu chinaape chilambo chi.” Pelepo che Iblamu ŵaataŵile chilisa Ambuje juŵankopochele. 8Kutyochela pelepo che Iblamu ŵatyosile ni kwaula mpaka kuchikwesya kungopochelo lyuŵa kwa chilambo cha Beseli ni kweleko ŵataŵile lisakasa lyao, ŵatemi pasikati ja musi wa Beseli wauli upaande wa kumaswelo lyuŵa ni ku Ai wauli upaande wa kungopochelo lyuŵa. Kweleko nombe ŵaataŵile Ambuje chilisa cha maganga ni kwapopelela. 9Ni che Iblamu ŵajendelechele ni ulendo upaande wa kulujenda.
Che Iblamu mu chilambo cha Misili
10Kele katema ko, jakopochele sala ja jajikulungwa pachilambo cha Kanaani. Kwayele che Iblamu ŵatulwiche kwaula kuchilambo cha Misili ni kutama kweleko kwa katema. 11Che Iblamu paŵaŵandichile kwinjila ku Misili, ŵaasalile che Salai ŵankwakwe, “Nguimanyilila kuti mmwe ndi jwankongwe jwakusalala. 12Ŵamisili pachammone chasale, ‘Aŵa ali ŵankwawo,’ nipele chammulaje une ni mmwe kunneka ŵajumi. 13Choonde, mwasalile kuti mmwe nli alumbu ŵangu kuti iŵe yambone kukwangu, aaneche jwanjumi kwaligongo lyenu.” 14Nipele, che Iblamu paŵaiche ku Misili, Ŵamisili ŵaweni che Salai kuti ali jwankongwe jwakusalala nnope. 15Ni achakulu ŵa Falao paŵaweni che Salai, ŵakulapile kusalala kwao kwa Falao. Nipele ŵajawisye che Salai ku nyuumba ja Falao. 16Kwaligongo li che Salai, Falao ŵatendele yambone che Iblamu, ŵapele ngondolo ni ng'ombe ni mbunda ni achikapolo achalume ni achakongwe ni mikolo ja mbunda ni ngamia.
17Nambo Ambuje ŵanlagesye Falao kwa kwaichisya ilwele yakupunda ni achalongo achinjakwe wose ligongo ŵanjigele che Salai, ŵankwakwe che Iblamu. 18Nipele Falao ŵammilasile che Iblamu, ni kwausya, “Kwachichi mundesile yeleyi? Ligongo chi nganimuusalila kuti che Salai ali ŵankwenu? 19Ana kwaligongo chi mwatite ali alumbu ŵenu mpaka naajigele ni kwatenda ŵankwangu? Sambano ŵankwenu aŵapa. Mwajigale njaule!” 20Nipele Falao ŵalajisye ŵandu ŵakwe ŵaajigale che Iblamu ni ŵankwawo ni ipanje yao yose, ŵaakoposye Mmisili.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.