Mark 9
9
1Ma ke Yɛsə sha hɛ zhɛkwa: «Kaganda ne, ma 'ya sha gheyɛ: kampə kweci hwa mbeli nyi teke nyi keɗema hɛ kenaka kanakɛ Meghea Shala kase le berete we.»
Yɛsə kazhɛre pa
(MAT 17.1-13; LWK 9.28-36)
2Ŋkwaŋe hɛ kwetere wəmbəa ŋkɛ, pa Yɛsə hekakɛ Piyɛre, Zhake ba'a Zhaŋe, pa keleghe hɛ kadzeme kwete ghweme nya biya deke ghenci kaghəa nci, pa Yɛsə zhɛrete pa tagha kwa ntsə ta nci. 3Tɛawetɛa ma lekwesa ta ŋkɛ ke kwacakelɛ, wəndə shɛ kamenete lekwesa tɛawe tɛawe kwake te hɛɗi kala gheŋkɛ we. 4Pa mbeli nyi ketəkwə təkwə nyi mahekene nyighɛ nakɛ yɛ Ɛli le Moyize kageze ghena le Yɛsə. 5Ma ke Piyɛre sha Yɛsə: «Rabi, ndeɗekə nza ta ɓəmə teke, katemɓe cɛ lekwesa n'yɛ mahekene teke, təhə kaŋa ŋa, təhə kaŋa Moyize ba'a təhə kaŋa Ɛli.» 6Keɗepe ghena kegeze ŋkɛ we, kwa nza ŋkɛ ne, shewə hɛ va ghazlənə. 7Pa ləmbə se ba'a zhiɓəaghe geva kənəa hɛ, shave mbe ləmbəa shɛ ne, ma ke kwete ŋwələ: «Nya ya kaWəzege ta ɗa nya ɗehwe 'ya. Fa nda mə ghena.» 8Taghanyɛ, newe ke mbeli nyi ketəkwə təkwə sha ŋkwa nya tagha ne, kenakɛ wəndə hɛ we, deke Yɛsə ya le hɛ.
9Ma kasawa hɛ pelɛ ghweme ne, ma ke Yɛsə gezave nda ke hɛ: «Mba yɛ kegeze nda wəsə nya nakɛ nya yɛ ke kwete wəndə hwa'a te və nya tesame Wəzege ta za kwa kwele le mpi.» 10Nahe hɛ keyɛte fete yitea ghena nya gezete ŋkɛ, ama ma ke hɛ 'yɛwete kwelɛ ghəa nci: «Take ne, wa yaɗe same kwa kwele kageze le wa?»
11Ma ke hɛ 'yɛwete va Yɛsə: «Va wa nda geze ka rafe wəsə mahalegə katese Ɛli kaba wa?» 12Ma ke sha hɛ: «Kaganda ne, katese Ɛli ba'a katehi pɛtɛa wəshi ŋkɛ. Ama va wa rafete geva ŋkɛ katesa titikwə Wəzege ta za kwele kwele ba'a kateɓelama ŋkɛ mbeli wa? 13Ma 'ya le ŋa ɗa ne, ma 'ya sha gheyɛ: Nahe Ɛli kesenyɛ, ama nahe hɛ kemenete nda kala nya ɗe hɛ. Tsagha rafete geva ŋkɛ te ghəa ŋkɛ.»
Yɛsə kambe wəzege nya zhɛ nda 'yi'yɛghwə
(MAT 17.14-21; LWK 9.37-43a)
14Ma kwa se hɛ sha kweci mbeli nyi ketəkwə təkwə ne, kwele kwele mbeli ketsenete geva yitea hɛ, kazhɛne ghəpə ka rafe wəsə mahalegə le hɛ. 15Ma kwa nakɛ Yɛsə mbeli ne, heheɓake hɛ, kweracɛ hɛ le hwɛ kalə kanjiŋwe ŋkɛ. 16Ma ke Yɛsə 'yɛwete va mbeli nyi ketəkwə təkwə: «Te wa zhɛne ghəpə yɛ le hɛ wa?» 17Ma ke wəndəa mbelia shɛhɛ zhɛnete nda: «Nde sleke ɗa, nahe 'ya kekeleke ŋa wəzege ta ɗa kwa nza 'yi'yɛghwə nya kefɛa ŋkɛ kegeze ghena yitea ghə ve. 18Ya tema tema sate ŋkɛ mbe geva ta ŋkɛ ne, kanegha ŋkɛ nde te ŋkwa, kase hwɛfɛ yitea mɛa ŋkɛ ba'a kampeɗe slene ŋkɛ, dzaŋe dzaŋe ntsəte geva ta ŋkɛ, pa 'ya geze nda ke mbeli nyi ketəkwə təkwə ŋa nyi kezha ŋkamte hɛ ne, ama shaŋe hɛ ve.» 19Ma ke Yɛsə sha hɛ: «Ka ndiremia mehele ba'a ka yɛma ghena, pa te nyama və tenza 'ya hwa gheyɛ wa? Hwa'a te nyama və tesəwə ghena ta ŋayɛ 'ya wa? Ndeke ɗa mə wəzegea shɛ.» 20Pa mbeli keleke nda. Ma kwa nakɛ Yɛsə 'yi'yɛghwəa shɛ ne, pa gagəzəte wəzegea shɛ le berete, ŋwəpə ŋkɛ teɗenyɛ te hɛɗi, ntake ŋkɛ kateŋwələŋwə geva te hɛɗi, nda hwɛfɛ yitea mɛ va wəzegea shɛ. 21Ma ke Yɛsə 'yɛwete va yitenyɛ: «Hweŋkwa ghate zhɛ nda ŋkɛ kala nya wa?» Ma ke yita zhɛnete: «Se kawəzege. 22Kwele kwele zhigə nenegheyi ŋkɛ 'yi'yɛghwəa shɛ mbe ghwə ba'a kwa yɛmə kezha pesle ŋkɛ, ama kenza nde wərə na kamenete kwete wəsə ne, zhɛ heli yitea ghen'yɛ ba'a kemane n'yɛ.» 23Ma ke Yɛsə: «Kenza nde kamenete kwete wəsə na, a pa. Ama wəsə shɛ dzawe sha wəndə nya keyɛ we.» 24Taghanyɛ, ma ke yitenyɛa wəzegea shɛ zlapete: «Kayɛ 'ya, kemane ɗa mbe dewə yɛ ta ɗa.»
25Newe ke Yɛsə ne, mbe tsene geva mbeli kwele kwele kase sha hɛ, ma ke sha 'yi'yɛghwə nyagha: «Sefə nya kezhɛre ŋkwa kamədəŋə nya keshɛma sla ghena, ma 'ya sha gha: Shave ŋa mbe wəzege nya, zhɛnema geva kadzembe tɛape ma.» 26Pa 'yi'yɛghwəa shɛ tsate lewela, gagəzəte wəzegea shɛ le berete ba'a shavenyɛ mbe. Nahe ŋkɛ kenza kala wəndə nya kemte mte, ma ke mbeli kwele kwele sha geze: «Nahe ŋkɛ kemte.» 27Ama pa Yɛsə keseve ŋkɛ te dzeve ba'a kesakate ŋkɛ, pa wəzegea shɛ nzanyɛ meghereŋe.
28Ma kwa zhɛneke geva Yɛsə kadzeki ghɛ ne, ma ke ka təkwə təkwə ŋkɛ nyi kaghəa nci 'yɛwete ve: «Va wa ndɛare ghen'yɛ kaŋka 'yi'yɛghwəa shɛ tse wa?» 29Ma ke Yɛsə sha hɛ: «Deke le səkwə ghə nza mbeli kaŋkamte mama ta 'yi'yɛghwəa shɛ.»
Yɛsə kancɛ mte ta ŋkɛ ba'a same ta ŋkɛ kwa kwele kakwa bake zhigə
(MAT 17.22-23; LWK 9.43b-45)
30Pa hɛ slənji tagha ba'a jivenji mbe hɛɗia Galilɛ. Kaɗe Yɛsə kaɗepete ŋkwa nya nza ŋkɛ te mbeli we. 31Ma kwa nza ŋkɛ mbe teke nda wəsə ke mbelia ŋkɛ ne, ma ke sha hɛ: «Katepamte Wəzege ta za mbeli va kweci mbeli ba'a katepesle ŋkɛ hɛ, ama te kwa maheke ta hɛ ne, katesame ŋkɛ kwa kwele le mpi.» 32Ama kefave ghena shɛ mbeli nyi ketəkwə təkwə we, kazhɛ nda ghazlənə ke'yɛwe ve ke hɛ.
Wa ŋkɛ ya kwele ma wa?
(MAT 18.1-5; LWK 9.46-48)
33Ma kwa ntsehe hɛ mbe Kapɛrnawəm ne, pa hɛ dzeki ghɛ, ma ke Yɛsə sha mbeli nyi ketəkwə təkwə: «Te wa zhɛne ghəpə yɛ kwa hweŋkwa mshena wa?» 34Tikə tikə hɛ, kwa nza ŋkɛ te ghəa wəndə nya kwele ma hwa hɛ se hɛ kaghəpə kwa hweŋkwa mshena. 35Ntishɛ Yɛsə, pa hekakɛ mbeli nyi ketəkwə təkwə meŋe bakeghəmbe, ma ke sha hɛ: «Ma keɗe kwete wəndəa ŋayɛ kanza kawəndə nya te kema ma ne, pa ŋkɛ nza kawəndə nya kwa sebe ta pɛtɛa mbeli, kande mene nda slene ke pɛtɛa mbeli.» 36Pa ŋkɛ hekakɛ wəzege, pa ŋkɛ keseve ŋkɛ le dzeve ba'a veyi ŋkɛ te kema ta nci. Ma ke sha hɛ: 37«Ma yayata wəndə nya kekemaneve wəzege nya ɓɛhwɛ kala nya te sləa ɗa ne, 'ya yakemaneve ŋkɛ tsagha. Wəndə nya kekemaneve ɗa ne, deke 'ya yakemaneve ŋkɛ we, ama Nde ghweneke ɗa.»
Nahe wəndə nya kempama le gheɓəmə kenza kaŋa ɓəmə
(LWK 9.49-50)
38Ma ke Zhaŋe sha Yɛsə: «Nde sleke n'yɛ, nahe ghen'yɛ kenakɛ kwete wəndə kaŋka 'yi'yɛghwə te sləa ŋa, kaɗe ghen'yɛ kafɛa ŋkɛ va nya ɗema ŋkɛ hwa gheɓəmə.» 39Ma ke Yɛsə: «Fɛama ŋkɛ yɛ ma, ma yayata wəndə nya kemenete wəsə meŋele te sləa ɗa ne, keɗema ghena ta ɗa ŋkɛ taghanyɛ we. 40Ma wəndə nya keɗema kande jaga ta ɓəmə ne, ŋa ɓəmə ŋkɛ wəndə. 41Kaganda ne, ma 'ya sha gheyɛ: ma yayata wəndə nya kesame ŋayɛ ya deke yɛmə ŋelɛ ɓɛhwɛ va nya nza yɛ kambelia Kriste ne, katekemave zhɛme ta ŋkɛ ŋkɛ.
Ya ghə va jaɗafa
(MAT 18.6-9; LWK 17.1-2)
42Ma keghwetete kwete hwa ŋwale nyi keyɛ ghena ta ɗa nyi wəndə kadzembe jaɗafa ne, ganyɛ ma hwepeyi nda vena nya wəba mbeli kwa welɛ ba'a negheyi ŋkɛ mbeli kwa ndərə. 43Ma kenza nde dzeve ta ŋa nde veyi ŋa mbe jaɗafa ne, tsaslemte ŋkɛ. Megela ma dzembe mpi na le dzeve kwetɛŋe kenya nza dzeve bake te gha kadzembe ghwə nya keɗema kakiɗi. 44Te ŋkwa shɛ ne, kampə menciɗi nyi kezeme yɛ geva we, kamte ghwə tɛape we. 45Ma kenza nde tewəmbəreke seɗa ta ŋa teɗe na mbe jaɗafa ne, tsaslemte ŋkɛ. Megela ma dzembe mpi na le seɗa kwetɛŋe kenya nza seɗa bake te gha kadzembe ghwə nya keɗema kakiɗi. 46Te ŋkwa shɛ ne, kampə menciɗi nyi kezeme yɛ geva we, kamte ghwə tɛape we. 47Ma kenza nde va ntsə ta ŋa teɗe na kadzembe jaɗafa ne, feraɗemte ŋkɛ. Megela ma dzembe Meghea Shala na le ntsə kwetɛŋe kenya dzembe ghwə nya keɗema kakiɗi na le ntsə bake. 48Te ŋkwa shɛ ne, kampə menciɗi nyi kezeme yɛ geva we, kamte ghwə tɛape we. 49Kwa nza ŋkɛ ghwənə ghwənə tenza geva ta yayata wəndə mbe ghwə.
50Ma ghwene ne, wəsə ganyɛ ŋkɛ. Ama keshavenyɛ mele mbe ghwene ne, tsema nza ghwənəghwə kazhɛname geva mbe wa? Nza mə kambeli nyi nza ghwene mbe, nza mə kwelɛŋe kwelɛ ghəa ŋayɛ.»
നിലവിൽ തിരഞ്ഞെടുത്തിരിക്കുന്നു:
Mark 9: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Mark 9
9
1Ma ke Yɛsə sha hɛ zhɛkwa: «Kaganda ne, ma 'ya sha gheyɛ: kampə kweci hwa mbeli nyi teke nyi keɗema hɛ kenaka kanakɛ Meghea Shala kase le berete we.»
Yɛsə kazhɛre pa
(MAT 17.1-13; LWK 9.28-36)
2Ŋkwaŋe hɛ kwetere wəmbəa ŋkɛ, pa Yɛsə hekakɛ Piyɛre, Zhake ba'a Zhaŋe, pa keleghe hɛ kadzeme kwete ghweme nya biya deke ghenci kaghəa nci, pa Yɛsə zhɛrete pa tagha kwa ntsə ta nci. 3Tɛawetɛa ma lekwesa ta ŋkɛ ke kwacakelɛ, wəndə shɛ kamenete lekwesa tɛawe tɛawe kwake te hɛɗi kala gheŋkɛ we. 4Pa mbeli nyi ketəkwə təkwə nyi mahekene nyighɛ nakɛ yɛ Ɛli le Moyize kageze ghena le Yɛsə. 5Ma ke Piyɛre sha Yɛsə: «Rabi, ndeɗekə nza ta ɓəmə teke, katemɓe cɛ lekwesa n'yɛ mahekene teke, təhə kaŋa ŋa, təhə kaŋa Moyize ba'a təhə kaŋa Ɛli.» 6Keɗepe ghena kegeze ŋkɛ we, kwa nza ŋkɛ ne, shewə hɛ va ghazlənə. 7Pa ləmbə se ba'a zhiɓəaghe geva kənəa hɛ, shave mbe ləmbəa shɛ ne, ma ke kwete ŋwələ: «Nya ya kaWəzege ta ɗa nya ɗehwe 'ya. Fa nda mə ghena.» 8Taghanyɛ, newe ke mbeli nyi ketəkwə təkwə sha ŋkwa nya tagha ne, kenakɛ wəndə hɛ we, deke Yɛsə ya le hɛ.
9Ma kasawa hɛ pelɛ ghweme ne, ma ke Yɛsə gezave nda ke hɛ: «Mba yɛ kegeze nda wəsə nya nakɛ nya yɛ ke kwete wəndə hwa'a te və nya tesame Wəzege ta za kwa kwele le mpi.» 10Nahe hɛ keyɛte fete yitea ghena nya gezete ŋkɛ, ama ma ke hɛ 'yɛwete kwelɛ ghəa nci: «Take ne, wa yaɗe same kwa kwele kageze le wa?»
11Ma ke hɛ 'yɛwete va Yɛsə: «Va wa nda geze ka rafe wəsə mahalegə katese Ɛli kaba wa?» 12Ma ke sha hɛ: «Kaganda ne, katese Ɛli ba'a katehi pɛtɛa wəshi ŋkɛ. Ama va wa rafete geva ŋkɛ katesa titikwə Wəzege ta za kwele kwele ba'a kateɓelama ŋkɛ mbeli wa? 13Ma 'ya le ŋa ɗa ne, ma 'ya sha gheyɛ: Nahe Ɛli kesenyɛ, ama nahe hɛ kemenete nda kala nya ɗe hɛ. Tsagha rafete geva ŋkɛ te ghəa ŋkɛ.»
Yɛsə kambe wəzege nya zhɛ nda 'yi'yɛghwə
(MAT 17.14-21; LWK 9.37-43a)
14Ma kwa se hɛ sha kweci mbeli nyi ketəkwə təkwə ne, kwele kwele mbeli ketsenete geva yitea hɛ, kazhɛne ghəpə ka rafe wəsə mahalegə le hɛ. 15Ma kwa nakɛ Yɛsə mbeli ne, heheɓake hɛ, kweracɛ hɛ le hwɛ kalə kanjiŋwe ŋkɛ. 16Ma ke Yɛsə 'yɛwete va mbeli nyi ketəkwə təkwə: «Te wa zhɛne ghəpə yɛ le hɛ wa?» 17Ma ke wəndəa mbelia shɛhɛ zhɛnete nda: «Nde sleke ɗa, nahe 'ya kekeleke ŋa wəzege ta ɗa kwa nza 'yi'yɛghwə nya kefɛa ŋkɛ kegeze ghena yitea ghə ve. 18Ya tema tema sate ŋkɛ mbe geva ta ŋkɛ ne, kanegha ŋkɛ nde te ŋkwa, kase hwɛfɛ yitea mɛa ŋkɛ ba'a kampeɗe slene ŋkɛ, dzaŋe dzaŋe ntsəte geva ta ŋkɛ, pa 'ya geze nda ke mbeli nyi ketəkwə təkwə ŋa nyi kezha ŋkamte hɛ ne, ama shaŋe hɛ ve.» 19Ma ke Yɛsə sha hɛ: «Ka ndiremia mehele ba'a ka yɛma ghena, pa te nyama və tenza 'ya hwa gheyɛ wa? Hwa'a te nyama və tesəwə ghena ta ŋayɛ 'ya wa? Ndeke ɗa mə wəzegea shɛ.» 20Pa mbeli keleke nda. Ma kwa nakɛ Yɛsə 'yi'yɛghwəa shɛ ne, pa gagəzəte wəzegea shɛ le berete, ŋwəpə ŋkɛ teɗenyɛ te hɛɗi, ntake ŋkɛ kateŋwələŋwə geva te hɛɗi, nda hwɛfɛ yitea mɛ va wəzegea shɛ. 21Ma ke Yɛsə 'yɛwete va yitenyɛ: «Hweŋkwa ghate zhɛ nda ŋkɛ kala nya wa?» Ma ke yita zhɛnete: «Se kawəzege. 22Kwele kwele zhigə nenegheyi ŋkɛ 'yi'yɛghwəa shɛ mbe ghwə ba'a kwa yɛmə kezha pesle ŋkɛ, ama kenza nde wərə na kamenete kwete wəsə ne, zhɛ heli yitea ghen'yɛ ba'a kemane n'yɛ.» 23Ma ke Yɛsə: «Kenza nde kamenete kwete wəsə na, a pa. Ama wəsə shɛ dzawe sha wəndə nya keyɛ we.» 24Taghanyɛ, ma ke yitenyɛa wəzegea shɛ zlapete: «Kayɛ 'ya, kemane ɗa mbe dewə yɛ ta ɗa.»
25Newe ke Yɛsə ne, mbe tsene geva mbeli kwele kwele kase sha hɛ, ma ke sha 'yi'yɛghwə nyagha: «Sefə nya kezhɛre ŋkwa kamədəŋə nya keshɛma sla ghena, ma 'ya sha gha: Shave ŋa mbe wəzege nya, zhɛnema geva kadzembe tɛape ma.» 26Pa 'yi'yɛghwəa shɛ tsate lewela, gagəzəte wəzegea shɛ le berete ba'a shavenyɛ mbe. Nahe ŋkɛ kenza kala wəndə nya kemte mte, ma ke mbeli kwele kwele sha geze: «Nahe ŋkɛ kemte.» 27Ama pa Yɛsə keseve ŋkɛ te dzeve ba'a kesakate ŋkɛ, pa wəzegea shɛ nzanyɛ meghereŋe.
28Ma kwa zhɛneke geva Yɛsə kadzeki ghɛ ne, ma ke ka təkwə təkwə ŋkɛ nyi kaghəa nci 'yɛwete ve: «Va wa ndɛare ghen'yɛ kaŋka 'yi'yɛghwəa shɛ tse wa?» 29Ma ke Yɛsə sha hɛ: «Deke le səkwə ghə nza mbeli kaŋkamte mama ta 'yi'yɛghwəa shɛ.»
Yɛsə kancɛ mte ta ŋkɛ ba'a same ta ŋkɛ kwa kwele kakwa bake zhigə
(MAT 17.22-23; LWK 9.43b-45)
30Pa hɛ slənji tagha ba'a jivenji mbe hɛɗia Galilɛ. Kaɗe Yɛsə kaɗepete ŋkwa nya nza ŋkɛ te mbeli we. 31Ma kwa nza ŋkɛ mbe teke nda wəsə ke mbelia ŋkɛ ne, ma ke sha hɛ: «Katepamte Wəzege ta za mbeli va kweci mbeli ba'a katepesle ŋkɛ hɛ, ama te kwa maheke ta hɛ ne, katesame ŋkɛ kwa kwele le mpi.» 32Ama kefave ghena shɛ mbeli nyi ketəkwə təkwə we, kazhɛ nda ghazlənə ke'yɛwe ve ke hɛ.
Wa ŋkɛ ya kwele ma wa?
(MAT 18.1-5; LWK 9.46-48)
33Ma kwa ntsehe hɛ mbe Kapɛrnawəm ne, pa hɛ dzeki ghɛ, ma ke Yɛsə sha mbeli nyi ketəkwə təkwə: «Te wa zhɛne ghəpə yɛ kwa hweŋkwa mshena wa?» 34Tikə tikə hɛ, kwa nza ŋkɛ te ghəa wəndə nya kwele ma hwa hɛ se hɛ kaghəpə kwa hweŋkwa mshena. 35Ntishɛ Yɛsə, pa hekakɛ mbeli nyi ketəkwə təkwə meŋe bakeghəmbe, ma ke sha hɛ: «Ma keɗe kwete wəndəa ŋayɛ kanza kawəndə nya te kema ma ne, pa ŋkɛ nza kawəndə nya kwa sebe ta pɛtɛa mbeli, kande mene nda slene ke pɛtɛa mbeli.» 36Pa ŋkɛ hekakɛ wəzege, pa ŋkɛ keseve ŋkɛ le dzeve ba'a veyi ŋkɛ te kema ta nci. Ma ke sha hɛ: 37«Ma yayata wəndə nya kekemaneve wəzege nya ɓɛhwɛ kala nya te sləa ɗa ne, 'ya yakemaneve ŋkɛ tsagha. Wəndə nya kekemaneve ɗa ne, deke 'ya yakemaneve ŋkɛ we, ama Nde ghweneke ɗa.»
Nahe wəndə nya kempama le gheɓəmə kenza kaŋa ɓəmə
(LWK 9.49-50)
38Ma ke Zhaŋe sha Yɛsə: «Nde sleke n'yɛ, nahe ghen'yɛ kenakɛ kwete wəndə kaŋka 'yi'yɛghwə te sləa ŋa, kaɗe ghen'yɛ kafɛa ŋkɛ va nya ɗema ŋkɛ hwa gheɓəmə.» 39Ma ke Yɛsə: «Fɛama ŋkɛ yɛ ma, ma yayata wəndə nya kemenete wəsə meŋele te sləa ɗa ne, keɗema ghena ta ɗa ŋkɛ taghanyɛ we. 40Ma wəndə nya keɗema kande jaga ta ɓəmə ne, ŋa ɓəmə ŋkɛ wəndə. 41Kaganda ne, ma 'ya sha gheyɛ: ma yayata wəndə nya kesame ŋayɛ ya deke yɛmə ŋelɛ ɓɛhwɛ va nya nza yɛ kambelia Kriste ne, katekemave zhɛme ta ŋkɛ ŋkɛ.
Ya ghə va jaɗafa
(MAT 18.6-9; LWK 17.1-2)
42Ma keghwetete kwete hwa ŋwale nyi keyɛ ghena ta ɗa nyi wəndə kadzembe jaɗafa ne, ganyɛ ma hwepeyi nda vena nya wəba mbeli kwa welɛ ba'a negheyi ŋkɛ mbeli kwa ndərə. 43Ma kenza nde dzeve ta ŋa nde veyi ŋa mbe jaɗafa ne, tsaslemte ŋkɛ. Megela ma dzembe mpi na le dzeve kwetɛŋe kenya nza dzeve bake te gha kadzembe ghwə nya keɗema kakiɗi. 44Te ŋkwa shɛ ne, kampə menciɗi nyi kezeme yɛ geva we, kamte ghwə tɛape we. 45Ma kenza nde tewəmbəreke seɗa ta ŋa teɗe na mbe jaɗafa ne, tsaslemte ŋkɛ. Megela ma dzembe mpi na le seɗa kwetɛŋe kenya nza seɗa bake te gha kadzembe ghwə nya keɗema kakiɗi. 46Te ŋkwa shɛ ne, kampə menciɗi nyi kezeme yɛ geva we, kamte ghwə tɛape we. 47Ma kenza nde va ntsə ta ŋa teɗe na kadzembe jaɗafa ne, feraɗemte ŋkɛ. Megela ma dzembe Meghea Shala na le ntsə kwetɛŋe kenya dzembe ghwə nya keɗema kakiɗi na le ntsə bake. 48Te ŋkwa shɛ ne, kampə menciɗi nyi kezeme yɛ geva we, kamte ghwə tɛape we. 49Kwa nza ŋkɛ ghwənə ghwənə tenza geva ta yayata wəndə mbe ghwə.
50Ma ghwene ne, wəsə ganyɛ ŋkɛ. Ama keshavenyɛ mele mbe ghwene ne, tsema nza ghwənəghwə kazhɛname geva mbe wa? Nza mə kambeli nyi nza ghwene mbe, nza mə kwelɛŋe kwelɛ ghəa ŋayɛ.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.