Mark 10
10
Ghena ta Yɛsə te nehe geva ta yɛ za le male
(MAT 19.1-12; LWK 16.18)
1Pa Yɛsə slə tagha kalə kadzete hɛɗia Zhəwdɛ, pelɛ kwete kema ta hələa Zhəwrdɛŋe. Zhɛne ne, pa mbeli tsenete geva yite, ntake ŋkɛ kateke nda wəshi ke hɛ kala nya mene ŋkɛ ghalanza.
2Pa kweci ka Fariziyɛn hendave nda geva kezha ŋa nda keleŋa. Ma ke hɛ 'yɛwete ve: «Take ne, nahe wəsə mahalegəa ɓəmə kendeke nda hweŋkwa keŋka male ta ŋkɛ ke wəndə na?» 3Ma ke Yɛsə zhɛnete nda ke hɛ le 'yɛwe: «Wa ghena nya gezete ŋayɛ Moyize wa?» 4Ma ke hɛ: «Nahe Moyize kendeke hweŋkwa ke wəndə karafe nda palepa ta nehe ba'a kaŋka male ta ŋkɛ.» 5Yewə, ma ke Yɛsə sha hɛ: «Ma nda rafete ŋayɛ ghena nya Moyize ne, va nya nza ghəa ŋayɛ ntɛaŋe ntɛaŋe. 6Ama kaghate ne, nahe Shala kepate yɛ za le male. 7Vatse nda nza za kasərəakɛ yɛ yitenyɛ le meghekɛ kezha ndeɓe geva vare male ta ŋkɛ, 8yitea nza hɛ kageva nya kwetɛŋe. Tsagha ne, mba hɛ bake ɓiyitsa we, ama geva kwetɛŋe hɛ. 9Mba wəndə kenehe wəsə nya jikəte Shala.»
10Ma kwa dzeki ghɛ hɛ ne, pa mbeli nyi ketəkwə təkwə 'yɛwete va Yɛsə te ghəa ghena nya. 11Ma ke sha hɛ: «Ma yayata wəndə nya keŋkamte male ta ŋkɛ kezha wəme kwete ne, vale tahe yamenete ŋkɛ laka kwa ghate nyagha. 12Tsagha male perə, kesərəakɛ za nta nde kalə kawəme kwete za ne, vale tahe yamenete nde.»
Yɛsə kawəpi ŋwalea fəshi
(MAT 19.13-15; LWK 18.15-17)
13Pa kweci mbeli fəke nda ŋwale ke Yɛsə kezha dape dzeve ŋkɛ kwa ghəa nci. Kaɗe mbeli nyi ketəkwə təkwə Yɛsə kafɛa hɛ. 14Ma kwa nakɛ Yɛsə kala nya ne, pa hwepete wənə, ma ke sha hɛ: «Pelakɛ mə ŋwale kase sha 'ya, fɛama hɛ yɛ ma, kwa nza ŋkɛ kezha mbeli nyi nza mehele ta nci kala ŋa ŋwale veyi geva Meghea Shala. 15Kaganda ne, ma 'ya sha gheyɛ: ma keɗema wəndə kekemaneve Meghea Shala le mehele kala ŋa wəzege ne, katedzembe ŋkɛ we.» 16Pa ŋkɛ həməwəve ŋwale ba'a wəpikɛ hɛ laka dape dzeve kwa ghəa nci.
Wəndə nya kande mcɛlə
(MAT 19.16-30; LWK 18.18-30)
17Ma kwa hweŋkwa Yɛsə kaslə ne, pa kwete wəndə se le hwɛ ba'a gwəɗəŋə mbe hwəa ŋkɛ, ma ke shɛ: «Nde sleke ɗa ganyɛ, wa yanza 'ya kamenete kezha kemave mpi nya kaghala ghala tse wa?» 18Ma ke Yɛsə shɛ: «Yitea wa heka ɗa na kawəndə ganyɛ wa? Wəndə ganyɛ shɛ keɗema Shala kwetɛŋe we. 19Nahe na keɗepe wəshi mahalegə: Peslema wəndə na ma, valema na tahe ma, ghərəma na ma, sla nda ma tseŋwə na ke wəndə ma, mene nda ma wəsə kwa ndiremi wəndə ma, hawe va yiteyɛ ŋa ba'a meyɛ ŋa.» 20Ma ke wəndəa shɛ zhɛnete: «Nde sleke ɗa, nahe 'ya keyate pɛtɛa wəshi nyi se kawəzege.» 21Pa Yɛsə newakɛ wəndəa shɛ le ɗe, ma ke shɛ: «Wəsə kwetɛŋe yatene na kamene: kwiɗi pamte wəshia ŋa, ndeke nda cɛdɛ nya kese te hɛ ke ka titikwəa kɛfi. Ma tsagha ne, kwele kwele tekemave mcɛlə na pelɛ ghweme. Ma kwa sebe ta ŋkɛ, se ba'a təkwə təkwəte ɗa.» 22Ma kwa fate ghena nyagha wəndəa shɛ, kazhɛ nda wənəa ŋkɛ, cape ŋkɛ le kema teheɗe, va nya nza ŋkɛ kande mcɛlə.
23Newe ke Yɛsə sha mbeli nyi ketəkwə təkwə tagha yite, ma ke sha hɛ: «Dzawe ŋkɛ sha ka mcɛləa kɛfi kadzembe Meghea Shala.» 24Heheɓake mbeli nyi ketəkwə təkwə va ghena shɛ, ma ke sha hɛ zhɛkwa: «Ŋwalea ɗa, dzawe dzembe Meghea Shala. 25Dzawe ŋkɛ nda nza zlegwemə kajive mbe wəfela ta zhɛliɓə, ama dzawe ma nza ŋkɛ sha nde mcɛlə kadzembe Meghea Shala ɓiyitsa.» 26Heheɓake ka təkwə təkwə Yɛsə za ma ɓiyitsa va ghena shɛ, ma ke hɛ 'yɛwete kwelɛ ghəa nci: «Ama wa nde tenza kambele tsagha wa.» 27Newe ke Yɛsə sha hɛ, ma ke: «Wəsə nya dzawe ŋkɛ sha wəndə ŋelɛ, ama kenza sha Shala we, kwa nza ŋkɛ pɛtɛa wəshi dekwede sha Shala.»
28Ma ke Piyɛre shɛ: «Fa gi, nahe ghen'yɛ kesərəakɛ pɛtɛa wəshia n'yɛ kezha təkwə təkwə ŋa.» 29Ma ke Yɛsə sha hɛ: «Kaganda ne, ma 'ya sha gheyɛ: ma kesərəakɛ ghɛa ŋkɛ, ka kesaka meghekɛ, ŋwalea kwɛa meghekɛ, meghekɛ, yitenyɛ, ŋwale ba'a yɛ wəvea ŋkɛ wəndə tewəmbəreke 'ya ba'a Ghena kwatenca nya ganyɛ ne, 30katekemave hɛ ŋkɛ gwəmsə zhigə tsetsenya te hɛɗi nya: yɛ ghɛ, ka kesaka ma, ŋwalea kwɛa ma, yɛ mehɛ, ŋwale, yɛ wəve le yɛ ghweze mɛ perə. Ma te və nya ketese ne, katekemave mpi nya kaghala ghala ŋkɛ. 31Ama kwele kwele mbeli nyi kaka ghate tsetsenya nyi ketenza kaka keɗaŋe ba'a kwele kwele mbeli nyi kaka keɗaŋe tsetsenya nyi ketenza kaka ghate.»
Yɛsə kancɛ mte ta ŋkɛ ba'a same kwa kwele kakwa maheke zhigə
(MAT 20.17-19; LWK 18.31-34)
32Kwa hweŋkwa hɛ kadzeme Zhɛrəzalɛm, nahe Yɛsə kenza te kema ta nci, kaghazlənə mbelia ŋkɛ kwele kwele. Pa Yɛsə hekakɛ ka təkwə təkwə meŋe bakeghəmbe kaghəa nci zhɛkwa, ntake ŋkɛ kageze nda ghena ke hɛ te wəsə nya takwa takwa katemene nda geva. 33Ma ke sha hɛ: «Fa mə, wa nya mə gheɓəmə nyi kadzeme Zhɛrəzalɛm. Katepamte nda Wəzege ta za mbeli ke mbeli nyi te ghəa ka dzeghe Shala ba'a ke ka rafe wəsə mahalegə. Kateve nda fete kemte hɛ te ghwə, kateve nda ŋkɛ hɛ ke kweci hwelefefi. 34Kateŋ'wəshi hɛ, katenciɗi ndɛghwɛɗɛ hɛ te, kateɗa ŋkɛ hɛ le ghweɗa, katepesle ŋkɛ hɛ. Ma kwetere wəmbəa hɛ mahekene ne, katesame ŋkɛ kwa kwele le mpi.»
'Yɛwe ta yɛ Zhake le Zhaŋe
(MAT 20.20-28)
35Kwa sebe ta ŋkɛ, pa yɛ Zhake le Zhaŋe, ŋwalea Zɛbɛdɛ hendave nda geva ke Yɛsə, ma ke hɛ shɛ: «Nde sleke n'yɛ, kaɗe n'yɛ ka'yɛwe kwete ghena va gha, kamawe n'yɛ kezha yɛte na.» 36Ma ke Yɛsə 'yɛwete va hɛ: «Wa yaɗe yɛ kamene ŋayɛ 'ya wa?» 37Ma ke hɛ zhɛnete: «Ma vəa ŋkwa nya tenza na mbe meghea ŋa nya nza zləvə te ne, pelakɛ n'yɛ kantishɛ yitea gha, laka bela kwa zeme ta ŋa kwete, laka bela kwa gwela ta ŋa kwete.» 38Ma ke Yɛsə sha hɛ: «Keɗepe wəsə nya 'yɛwe yɛ yɛ we, kapesle yɛ yitea sa yaka nya tesa 'ya na? Kakemave batɛme nya tekema 'ya yɛ na?» 39Ma ke hɛ zhɛnete nda: «Kapesle ghen'yɛ yite.» Ma ke Yɛsə sha hɛ: «Kaganda ne, wərə yɛ kasahwe yaka nya tesa 'ya, wərə yɛ kakemave batɛme nya tekema 'ya. 40Ama 'ya nde nta wəndə nya kentishɛ laka bela kwa zeme ta ɗa ba'a nya laka bela kwa gwela ta ɗa we. Ma ŋkwa shɛ ne, kaŋa mbeli nyi hite nda Shala ke hɛ ŋkɛ.»
41Ma kwa fate ghena shɛ kweci ka təkwə təkwə nyi meŋe ne, pa hɛ hwepete wənə va yɛ Zhake le Zhaŋe. 42Pa Yɛsə hekakɛ hɛ pɛtɛ, ma ke sha hɛ: «Nahe yɛ keɗepe, ma mbeli nyi newe mbeli kambeli nyi te ghəa mbeli ne, kala ka sleke ŋkwa sleke hɛ hɛ. Kamene kwelea nci mbelia jama te hɛ. 43Kahi ŋkɛ tsagha kwelɛ gheyɛ we. Ma wəndəa ŋayɛ nya keɗe kanza te ghə ne, zhɛrete ghəa ŋkɛ ŋkɛ kande mene slene ta ŋayɛ. 44Ma wəndəa ŋayɛ nya keɗe kanza kande ghate ne, zhɛrete ghəa ŋkɛ ŋkɛ kamava ta mbeli pɛtɛ. 45Kwa nza ŋkɛ ne, kese Wəzege ta za kezha mene nda slene mbeli we, ama nahe ŋkɛ kese kezha mene nda slene ke mbeli ba'a kezha ve mpia ŋkɛ kambeɗe mbeli kwele kwele.»
Yɛsə kambe Bartimɛ nya kaghwələ
(MAT 20.29-34; LWK 18.35-43)
46Pa yɛ Yɛsə le ka təkwə təkwə ntsehe mbe Zhɛriko, kwa sebe ta ŋkɛ pa hɛ shave mbe melemea shɛ le mbeli kwele kwele. Nahe kwete ghwələ nya nza sləa ŋkɛ kaBartimɛ, wəzege ta Timɛ, kenza mentishɛ mɛa hweŋkwa kasəkwə. 47Ma kwa fa ŋkɛ Yɛsə nde Nazarɛt nde se ne, ma ke zlapete: «Yɛsə, wəzege ta David, zhɛ heli yitea 'ya.» 48Kwele kwele mbeli nyi keŋele ŋkɛ kezha nza ŋkɛ divə. Ama ma ke sha zlape ŋkɛ le berete: «Wəzege ta David, zhɛ heli yitea 'ya.» 49Ghereŋe Yɛsə, ma ke: «Heka ɗa mə ŋkɛ.» Pa hɛ heka ghwələa shɛ, ma ke hɛ shɛ: «Ntsə geva, sate te ŋkwa, wa nya ŋkɛ kaheka ŋa.» 50Fɛke ŋkɛ neghakɛ gwada ta ŋkɛ, pelɛhetɛme ŋkɛ kahe kahe kase sha Yɛsə. 51Ma ke Yɛsə 'yɛwete ve: «Wa yaɗe na kamene ŋa 'ya wa?» Ma ke ghwələa shɛ shɛ: «Nde sleke ɗa, kezha nakɛ ŋkwa 'ya ɓiyitsa.» 52Ma ke Yɛsə shɛ: «Kwiɗi, nahe yɛ ta ŋa kembete ŋa.» Taghanyɛ ne, kanewe ŋkwa ŋkɛ, cape ŋkɛ kwa hweŋkwa yitea Yɛsə.
നിലവിൽ തിരഞ്ഞെടുത്തിരിക്കുന്നു:
Mark 10: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Mark 10
10
Ghena ta Yɛsə te nehe geva ta yɛ za le male
(MAT 19.1-12; LWK 16.18)
1Pa Yɛsə slə tagha kalə kadzete hɛɗia Zhəwdɛ, pelɛ kwete kema ta hələa Zhəwrdɛŋe. Zhɛne ne, pa mbeli tsenete geva yite, ntake ŋkɛ kateke nda wəshi ke hɛ kala nya mene ŋkɛ ghalanza.
2Pa kweci ka Fariziyɛn hendave nda geva kezha ŋa nda keleŋa. Ma ke hɛ 'yɛwete ve: «Take ne, nahe wəsə mahalegəa ɓəmə kendeke nda hweŋkwa keŋka male ta ŋkɛ ke wəndə na?» 3Ma ke Yɛsə zhɛnete nda ke hɛ le 'yɛwe: «Wa ghena nya gezete ŋayɛ Moyize wa?» 4Ma ke hɛ: «Nahe Moyize kendeke hweŋkwa ke wəndə karafe nda palepa ta nehe ba'a kaŋka male ta ŋkɛ.» 5Yewə, ma ke Yɛsə sha hɛ: «Ma nda rafete ŋayɛ ghena nya Moyize ne, va nya nza ghəa ŋayɛ ntɛaŋe ntɛaŋe. 6Ama kaghate ne, nahe Shala kepate yɛ za le male. 7Vatse nda nza za kasərəakɛ yɛ yitenyɛ le meghekɛ kezha ndeɓe geva vare male ta ŋkɛ, 8yitea nza hɛ kageva nya kwetɛŋe. Tsagha ne, mba hɛ bake ɓiyitsa we, ama geva kwetɛŋe hɛ. 9Mba wəndə kenehe wəsə nya jikəte Shala.»
10Ma kwa dzeki ghɛ hɛ ne, pa mbeli nyi ketəkwə təkwə 'yɛwete va Yɛsə te ghəa ghena nya. 11Ma ke sha hɛ: «Ma yayata wəndə nya keŋkamte male ta ŋkɛ kezha wəme kwete ne, vale tahe yamenete ŋkɛ laka kwa ghate nyagha. 12Tsagha male perə, kesərəakɛ za nta nde kalə kawəme kwete za ne, vale tahe yamenete nde.»
Yɛsə kawəpi ŋwalea fəshi
(MAT 19.13-15; LWK 18.15-17)
13Pa kweci mbeli fəke nda ŋwale ke Yɛsə kezha dape dzeve ŋkɛ kwa ghəa nci. Kaɗe mbeli nyi ketəkwə təkwə Yɛsə kafɛa hɛ. 14Ma kwa nakɛ Yɛsə kala nya ne, pa hwepete wənə, ma ke sha hɛ: «Pelakɛ mə ŋwale kase sha 'ya, fɛama hɛ yɛ ma, kwa nza ŋkɛ kezha mbeli nyi nza mehele ta nci kala ŋa ŋwale veyi geva Meghea Shala. 15Kaganda ne, ma 'ya sha gheyɛ: ma keɗema wəndə kekemaneve Meghea Shala le mehele kala ŋa wəzege ne, katedzembe ŋkɛ we.» 16Pa ŋkɛ həməwəve ŋwale ba'a wəpikɛ hɛ laka dape dzeve kwa ghəa nci.
Wəndə nya kande mcɛlə
(MAT 19.16-30; LWK 18.18-30)
17Ma kwa hweŋkwa Yɛsə kaslə ne, pa kwete wəndə se le hwɛ ba'a gwəɗəŋə mbe hwəa ŋkɛ, ma ke shɛ: «Nde sleke ɗa ganyɛ, wa yanza 'ya kamenete kezha kemave mpi nya kaghala ghala tse wa?» 18Ma ke Yɛsə shɛ: «Yitea wa heka ɗa na kawəndə ganyɛ wa? Wəndə ganyɛ shɛ keɗema Shala kwetɛŋe we. 19Nahe na keɗepe wəshi mahalegə: Peslema wəndə na ma, valema na tahe ma, ghərəma na ma, sla nda ma tseŋwə na ke wəndə ma, mene nda ma wəsə kwa ndiremi wəndə ma, hawe va yiteyɛ ŋa ba'a meyɛ ŋa.» 20Ma ke wəndəa shɛ zhɛnete: «Nde sleke ɗa, nahe 'ya keyate pɛtɛa wəshi nyi se kawəzege.» 21Pa Yɛsə newakɛ wəndəa shɛ le ɗe, ma ke shɛ: «Wəsə kwetɛŋe yatene na kamene: kwiɗi pamte wəshia ŋa, ndeke nda cɛdɛ nya kese te hɛ ke ka titikwəa kɛfi. Ma tsagha ne, kwele kwele tekemave mcɛlə na pelɛ ghweme. Ma kwa sebe ta ŋkɛ, se ba'a təkwə təkwəte ɗa.» 22Ma kwa fate ghena nyagha wəndəa shɛ, kazhɛ nda wənəa ŋkɛ, cape ŋkɛ le kema teheɗe, va nya nza ŋkɛ kande mcɛlə.
23Newe ke Yɛsə sha mbeli nyi ketəkwə təkwə tagha yite, ma ke sha hɛ: «Dzawe ŋkɛ sha ka mcɛləa kɛfi kadzembe Meghea Shala.» 24Heheɓake mbeli nyi ketəkwə təkwə va ghena shɛ, ma ke sha hɛ zhɛkwa: «Ŋwalea ɗa, dzawe dzembe Meghea Shala. 25Dzawe ŋkɛ nda nza zlegwemə kajive mbe wəfela ta zhɛliɓə, ama dzawe ma nza ŋkɛ sha nde mcɛlə kadzembe Meghea Shala ɓiyitsa.» 26Heheɓake ka təkwə təkwə Yɛsə za ma ɓiyitsa va ghena shɛ, ma ke hɛ 'yɛwete kwelɛ ghəa nci: «Ama wa nde tenza kambele tsagha wa.» 27Newe ke Yɛsə sha hɛ, ma ke: «Wəsə nya dzawe ŋkɛ sha wəndə ŋelɛ, ama kenza sha Shala we, kwa nza ŋkɛ pɛtɛa wəshi dekwede sha Shala.»
28Ma ke Piyɛre shɛ: «Fa gi, nahe ghen'yɛ kesərəakɛ pɛtɛa wəshia n'yɛ kezha təkwə təkwə ŋa.» 29Ma ke Yɛsə sha hɛ: «Kaganda ne, ma 'ya sha gheyɛ: ma kesərəakɛ ghɛa ŋkɛ, ka kesaka meghekɛ, ŋwalea kwɛa meghekɛ, meghekɛ, yitenyɛ, ŋwale ba'a yɛ wəvea ŋkɛ wəndə tewəmbəreke 'ya ba'a Ghena kwatenca nya ganyɛ ne, 30katekemave hɛ ŋkɛ gwəmsə zhigə tsetsenya te hɛɗi nya: yɛ ghɛ, ka kesaka ma, ŋwalea kwɛa ma, yɛ mehɛ, ŋwale, yɛ wəve le yɛ ghweze mɛ perə. Ma te və nya ketese ne, katekemave mpi nya kaghala ghala ŋkɛ. 31Ama kwele kwele mbeli nyi kaka ghate tsetsenya nyi ketenza kaka keɗaŋe ba'a kwele kwele mbeli nyi kaka keɗaŋe tsetsenya nyi ketenza kaka ghate.»
Yɛsə kancɛ mte ta ŋkɛ ba'a same kwa kwele kakwa maheke zhigə
(MAT 20.17-19; LWK 18.31-34)
32Kwa hweŋkwa hɛ kadzeme Zhɛrəzalɛm, nahe Yɛsə kenza te kema ta nci, kaghazlənə mbelia ŋkɛ kwele kwele. Pa Yɛsə hekakɛ ka təkwə təkwə meŋe bakeghəmbe kaghəa nci zhɛkwa, ntake ŋkɛ kageze nda ghena ke hɛ te wəsə nya takwa takwa katemene nda geva. 33Ma ke sha hɛ: «Fa mə, wa nya mə gheɓəmə nyi kadzeme Zhɛrəzalɛm. Katepamte nda Wəzege ta za mbeli ke mbeli nyi te ghəa ka dzeghe Shala ba'a ke ka rafe wəsə mahalegə. Kateve nda fete kemte hɛ te ghwə, kateve nda ŋkɛ hɛ ke kweci hwelefefi. 34Kateŋ'wəshi hɛ, katenciɗi ndɛghwɛɗɛ hɛ te, kateɗa ŋkɛ hɛ le ghweɗa, katepesle ŋkɛ hɛ. Ma kwetere wəmbəa hɛ mahekene ne, katesame ŋkɛ kwa kwele le mpi.»
'Yɛwe ta yɛ Zhake le Zhaŋe
(MAT 20.20-28)
35Kwa sebe ta ŋkɛ, pa yɛ Zhake le Zhaŋe, ŋwalea Zɛbɛdɛ hendave nda geva ke Yɛsə, ma ke hɛ shɛ: «Nde sleke n'yɛ, kaɗe n'yɛ ka'yɛwe kwete ghena va gha, kamawe n'yɛ kezha yɛte na.» 36Ma ke Yɛsə 'yɛwete va hɛ: «Wa yaɗe yɛ kamene ŋayɛ 'ya wa?» 37Ma ke hɛ zhɛnete: «Ma vəa ŋkwa nya tenza na mbe meghea ŋa nya nza zləvə te ne, pelakɛ n'yɛ kantishɛ yitea gha, laka bela kwa zeme ta ŋa kwete, laka bela kwa gwela ta ŋa kwete.» 38Ma ke Yɛsə sha hɛ: «Keɗepe wəsə nya 'yɛwe yɛ yɛ we, kapesle yɛ yitea sa yaka nya tesa 'ya na? Kakemave batɛme nya tekema 'ya yɛ na?» 39Ma ke hɛ zhɛnete nda: «Kapesle ghen'yɛ yite.» Ma ke Yɛsə sha hɛ: «Kaganda ne, wərə yɛ kasahwe yaka nya tesa 'ya, wərə yɛ kakemave batɛme nya tekema 'ya. 40Ama 'ya nde nta wəndə nya kentishɛ laka bela kwa zeme ta ɗa ba'a nya laka bela kwa gwela ta ɗa we. Ma ŋkwa shɛ ne, kaŋa mbeli nyi hite nda Shala ke hɛ ŋkɛ.»
41Ma kwa fate ghena shɛ kweci ka təkwə təkwə nyi meŋe ne, pa hɛ hwepete wənə va yɛ Zhake le Zhaŋe. 42Pa Yɛsə hekakɛ hɛ pɛtɛ, ma ke sha hɛ: «Nahe yɛ keɗepe, ma mbeli nyi newe mbeli kambeli nyi te ghəa mbeli ne, kala ka sleke ŋkwa sleke hɛ hɛ. Kamene kwelea nci mbelia jama te hɛ. 43Kahi ŋkɛ tsagha kwelɛ gheyɛ we. Ma wəndəa ŋayɛ nya keɗe kanza te ghə ne, zhɛrete ghəa ŋkɛ ŋkɛ kande mene slene ta ŋayɛ. 44Ma wəndəa ŋayɛ nya keɗe kanza kande ghate ne, zhɛrete ghəa ŋkɛ ŋkɛ kamava ta mbeli pɛtɛ. 45Kwa nza ŋkɛ ne, kese Wəzege ta za kezha mene nda slene mbeli we, ama nahe ŋkɛ kese kezha mene nda slene ke mbeli ba'a kezha ve mpia ŋkɛ kambeɗe mbeli kwele kwele.»
Yɛsə kambe Bartimɛ nya kaghwələ
(MAT 20.29-34; LWK 18.35-43)
46Pa yɛ Yɛsə le ka təkwə təkwə ntsehe mbe Zhɛriko, kwa sebe ta ŋkɛ pa hɛ shave mbe melemea shɛ le mbeli kwele kwele. Nahe kwete ghwələ nya nza sləa ŋkɛ kaBartimɛ, wəzege ta Timɛ, kenza mentishɛ mɛa hweŋkwa kasəkwə. 47Ma kwa fa ŋkɛ Yɛsə nde Nazarɛt nde se ne, ma ke zlapete: «Yɛsə, wəzege ta David, zhɛ heli yitea 'ya.» 48Kwele kwele mbeli nyi keŋele ŋkɛ kezha nza ŋkɛ divə. Ama ma ke sha zlape ŋkɛ le berete: «Wəzege ta David, zhɛ heli yitea 'ya.» 49Ghereŋe Yɛsə, ma ke: «Heka ɗa mə ŋkɛ.» Pa hɛ heka ghwələa shɛ, ma ke hɛ shɛ: «Ntsə geva, sate te ŋkwa, wa nya ŋkɛ kaheka ŋa.» 50Fɛke ŋkɛ neghakɛ gwada ta ŋkɛ, pelɛhetɛme ŋkɛ kahe kahe kase sha Yɛsə. 51Ma ke Yɛsə 'yɛwete ve: «Wa yaɗe na kamene ŋa 'ya wa?» Ma ke ghwələa shɛ shɛ: «Nde sleke ɗa, kezha nakɛ ŋkwa 'ya ɓiyitsa.» 52Ma ke Yɛsə shɛ: «Kwiɗi, nahe yɛ ta ŋa kembete ŋa.» Taghanyɛ ne, kanewe ŋkwa ŋkɛ, cape ŋkɛ kwa hweŋkwa yitea Yɛsə.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.