Mark 8
8
Yɛsə kabehe mbeli slibə wəfaɗe
(MAT 15.32-39)
1Ma te kwete hɛ zhɛkwa, pa mbeli tsenete geva kwele kwele yitea Yɛsə. Ma kwa ɗema wəsə kezeme va hɛ ne, pa Yɛsə hekakɛ mbeli nyi ketəkwə təkwə, ma ke sha hɛ: 2«Kazhɛ ɗa heli yitea mbeli nyi, kwa nza ŋkɛ mahekene hɛa nci teke yitea 'ya, wəsə kezeme va hɛ ya ɓɛhwɛ we. 3Ma keŋkaghe hɛ 'ya kalə sha ghɛa nci tse le ma ne, kaŋzla kweci kwa hweŋkwa va dewə berete, kwa nza ŋkɛ kwele kwele nyi kese cakeɗake hwa hɛ.» 4Ma ke mbeli nyi ketəkwə təkwə shɛ: «Tema nza wəndə kakemave wəshi kezeme kaketekɛ hɛ te ŋkwa nya kaɓerama nya wa?» 5Ma ke Yɛsə 'yɛwete va hɛ: «Ŋkwini 'yɛmbe dəghwəa ɗafa va gheyɛ wa?» Ma ke hɛ: «Mberefaŋe.»
6Pa ŋkɛ geze nda ke mbeli kantishɛ te hɛɗi. Pa ŋkɛ kelete 'yɛmbe dəghwəa ɗafa nyi mberefaŋea shɛhɛ ba'a tsate nda ŋ'wese ke Shala, pa neheve hɛ mbe, pa ŋkɛ ndeke nda hɛ ke mbeli nyi ketəkwə təkwə kezha nehe nda ke mbelia shɛhɛ. Pa hɛ menete tsagha. 7Kweci kelepe ya shɛ tagha zhɛkwa ɓɛhwɛ. Pa Yɛsə tsate nda ŋ'wese ke Shala kezha kelepea shɛhɛ, pa geze nda ke mbeli nyi ketəkwə təkwə kanehe hɛ perə. 8Pa hɛ zehwe behe behe, pa mbeli nyi ketəkwə təkwə tsenete kwetiɓəa ɗafa nyi ketene kakwaciga mberefaŋe. 9Ndagwara gare slibə wəfaɗe mbelia shɛhɛ. Kwa sebe ta ŋkɛ, pa Yɛsə zhɛneghe hɛ kalə sha ghɛ. 10Shilimə ŋkɛ kwa kwambelə taghanyɛ le mbeli nyi ketəkwə təkwə kalə kadzete hɛɗia Dalmanəwta.
Ka Fariziyɛn ka'yɛwe wəsə kencɛ wəsə
(MAT 16.1-4)
11Pa kweci ka Fariziyɛn se kazhɛne ghəpə le Yɛsə kezha ŋa nda keleŋa. Pa hɛ 'yɛwete wəsə kencɛ wəsə ve kezha newe kenza nde sawa pelɛ ghweme va Shala sawa berete ta ŋkɛ. 12Pa Yɛsə gafete gafe le berete, ma ke: «Kezha wa 'yɛwe wəsə kencɛ wəsə mbeli nyi tsetse ŋkwa nyi wa? Kaganda ne, ma 'ya sha gheyɛ: wəsə kencɛ wəsə shɛ katenakɛ hɛ we.» 13Pa ŋkɛ slənyɛ yitea hɛ ba'a dzawanyɛ kwa kwambelə kezha jive kwete hələbəa ndərə.
Tenjɛne ta ka Fariziyɛn ba'a ŋa Hɛrode
(MAT 16.5-12)
14Pa mbeli nyi ketəkwə təkwə Yɛsə zaghəyite kele ɗafa, deke 'yɛmbe dəghwəa ɗafa kwetɛŋe ya va hɛ kwa kwambelə. 15Ma ke Yɛsə gezete nda ghena ke hɛ: «Ntsehwele mə yitea ghəa ŋayɛ va tenjɛne ta ka Fariziyɛn ba'a ŋa Hɛrode.» 16Ntake mbeli nyi ketəkwə təkwə kaghəpə kwelɛ ghəa nci va nya ɗema hɛ kekelete ɗafa. 17Nahe Yɛsə keɗepe ghena nyi geze hɛ, ma ke 'yɛwete va hɛ: «Tewəmbəreke wa geze yɛ, va nya ɗema ɗafa va gheɓəmə, pe yɛ wa? Kenaka yɛ kafa wəsə kaba wəka? Kefave wəsə yɛ kaba wəka? Ntɛaŋe ntɛaŋe ghəa ŋayɛ tsape ka? 18Ntsə ya kwa ghə va gheyɛ, kanewe ŋkwa yɛ wəka? Sleme ya va ghə va gheyɛ, kafa ghena yɛ wəka? Nahe yɛ kezaghəyite ghena: 19ma 'yɛmbe dəghwəa ɗafa nyi mcɛfe nyi nehave nda 'ya ke mbeli slibə mcɛfe ne, ŋkwini pɛrekɛ kwaciga yɛ le kwetiɓəa ŋkɛ wa?» Ma ke hɛ: «Meŋe bakeghəmbe.» 20Ma ke Yɛsə zhɛkwa: «Ma kwa nehave nda 'yɛmbe dəghwəa ɗafa 'ya mberefaŋe ke mbeli slibə wəfaɗe ne, ŋkwini kwaciga pɛrekɛ yɛ le kwetiɓəa ŋkɛ wa?» Ma ke hɛ: «Mberefaŋe.» 21Tagha gɛ, ma ke Yɛsə sha hɛ: «Tsema ɗema yɛ kazəzəte wəsə wa?»
Yɛsə kambe ghwələ mbe Bɛtsayida
22Ma kwa ntsehe hɛ mbe Bɛtesayida ne, pa mbeli keleke nda kwete wəndə kaghwələ ke Yɛsə, ntake hɛ kampi nda dzeve kezha kwaɗe wəndəa shɛ ŋkɛ. 23Pa Yɛsə keseve wəndəa shɛ te dzeve ba'a shavenyɛ mbe meleme le, pa ntifəyi ndɛghwɛɗɛ te ntsə ta ŋkɛ, pa vaghe dzeve kənə, ma ke 'yɛwete ve: «Kanewe ŋkwa na tse yi?» 24Wereɗɛŋe ke sha ntsə, ma ke: «Mbe newe mbeli 'ya ngərə ngərə kala wəfe, ama mbe dzeghwa hɛ.» 25Pa Yɛsə zhɛne kaveyi dzeve te yɛ ntsə ta ŋkɛ, ntake wəndəa shɛ kanewe ŋkwa tiɗiɗi te kema ta ŋkɛ: nahe ŋkɛ kenza pələsə, ghwɛaɗɛaɗɛa newe ŋkwa ŋkɛ. 26Ma ke Yɛsə shɛ: «Kwiɗi kata kata sha ghɛa ŋa, mba na kegeze nda ke kwete wəndə.»
Piyɛre kancɛ nza ta Yɛsə kaMɛsi
(MAT 16.13-20; LWK 9.18-21)
27Ma kwa sebe ta ŋkɛ ne, cape yɛ Yɛsə le mbeli nyi ketəkwə təkwə kalə kadzembe meleme nyi ɓɛhwɛ ɓɛhwɛ nyi dzeyi yitea hɛɗia ka Sɛzarɛ Filipe. Ma kwa hweŋkwa hɛ, pa 'yɛwete va mbeli nyi ketəkwə təkwə: «Wa ŋkɛ 'ya ke mbeli sha geze tse wa?» 28Ma ke hɛ shɛ: «Zhaŋe Batiste na, a ke kweci, Ɛli na, a ke kweci ɓiyitsa, kwete ŋkɛ nde mɛ ŋkwa, a ke kweci.» 29Ma ke Yɛsə sha hɛ: «Yewə, take yɛ le ŋa ŋayɛ, wa ŋkɛ 'ya pe yɛ wa?» Ma ke Piyɛre shɛ: «Gha ya kaMɛsi.» 30Pa Yɛsə meɗekɛ hɛ kezha ɗema hɛ kageze nda ke kwete wəndə.
Yɛsə kageze mte ta ŋkɛ ba'a same ta ŋkɛ kwa kwele
(MAT 16.21-28; LWK 9.22-27)
31Ma kwa sebe ta ŋkɛ, ntake Yɛsə kateke nda wəshi ke mbeli nyi ketəkwə təkwə, ma ke: «Nda Wəzege ta za kasahwe yaka kwele kwele, katenegha ŋkɛ mbelia jama, mbeli nyi te ghəa ka dzeghe Shala ba'a ka rafe wəshi mahalegə. Katepesle ŋkɛ mbeli, ama kwetere wəmbəa hɛ mahekene ne, katesame ŋkɛ kwa kwele le mpi.» 32Darahwe rahwe gezete nda ŋkɛ ke hɛ, pa Piyɛre hekaghe ŋkɛ kadzeyi kwetere ŋkwa kezha fɛa kegeze kala nyagha. 33Tewətelɛwe Yɛsə sha geva kanewe mbeli nyi ketəkwə təkwə, ntake kaŋele Piyɛre, ma ke: «Slə ŋa cakeɗake kwetere wəmbəa ɗa Satan, kwa nza ŋkɛ zəzə ta Shala ya va gha we, ama zəzə ta wəndə ŋelɛ.»
34Kwa sebe ta ŋkɛ, pa Yɛsə hekakɛ mbeli ba'a mbeli nyi ketəkwə təkwə, ma ke sha hɛ: «Ma keɗe wəndə katəkwə təkwə ɗa ne, zaghəyite ghə ŋkɛ yitea ghəa ŋkɛ, heyite ghə ŋkɛ yitea sheghwə kwa zleŋkwa ta ŋkɛ ba'a təkwə təkwə ɗa ŋkɛ. 35Ma wəndə nya keɗe kambele mpia ŋkɛ le ghəa ŋkɛ ne, kateza ŋkɛ. Ama wəndə nya kezamte mpia ŋkɛ tewəmbəreke 'ya ba'a kezha Ghena kwatenca nya ganyɛ ne, katembele ŋkɛ. 36Wa yakete wəndə kemave pɛtɛa mcɛlə nyi te hɛɗi lema kezamte mpia ŋkɛ ŋkɛ wa? 37Wa wəsə nya nza wəndə kambeɗeke mpi te wa? 38Kwa nza ŋkɛ, ma yayata wəndə nya zhɛ nda hawe va 'ya ba'a ghena ta ɗa tsetsenya teke hwa mbeli nyi keɗema Shala, nyi kaka jaɗafa nyi ne, tsagha tezhɛ nda hawe ke Wəzege ta za ve perə, vəa ŋkwa nya tesawa ŋkɛ mbe zləvəa Yitenyɛ le ka ghwene ta Shala nyi ganji.»
നിലവിൽ തിരഞ്ഞെടുത്തിരിക്കുന്നു:
Mark 8: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Mark 8
8
Yɛsə kabehe mbeli slibə wəfaɗe
(MAT 15.32-39)
1Ma te kwete hɛ zhɛkwa, pa mbeli tsenete geva kwele kwele yitea Yɛsə. Ma kwa ɗema wəsə kezeme va hɛ ne, pa Yɛsə hekakɛ mbeli nyi ketəkwə təkwə, ma ke sha hɛ: 2«Kazhɛ ɗa heli yitea mbeli nyi, kwa nza ŋkɛ mahekene hɛa nci teke yitea 'ya, wəsə kezeme va hɛ ya ɓɛhwɛ we. 3Ma keŋkaghe hɛ 'ya kalə sha ghɛa nci tse le ma ne, kaŋzla kweci kwa hweŋkwa va dewə berete, kwa nza ŋkɛ kwele kwele nyi kese cakeɗake hwa hɛ.» 4Ma ke mbeli nyi ketəkwə təkwə shɛ: «Tema nza wəndə kakemave wəshi kezeme kaketekɛ hɛ te ŋkwa nya kaɓerama nya wa?» 5Ma ke Yɛsə 'yɛwete va hɛ: «Ŋkwini 'yɛmbe dəghwəa ɗafa va gheyɛ wa?» Ma ke hɛ: «Mberefaŋe.»
6Pa ŋkɛ geze nda ke mbeli kantishɛ te hɛɗi. Pa ŋkɛ kelete 'yɛmbe dəghwəa ɗafa nyi mberefaŋea shɛhɛ ba'a tsate nda ŋ'wese ke Shala, pa neheve hɛ mbe, pa ŋkɛ ndeke nda hɛ ke mbeli nyi ketəkwə təkwə kezha nehe nda ke mbelia shɛhɛ. Pa hɛ menete tsagha. 7Kweci kelepe ya shɛ tagha zhɛkwa ɓɛhwɛ. Pa Yɛsə tsate nda ŋ'wese ke Shala kezha kelepea shɛhɛ, pa geze nda ke mbeli nyi ketəkwə təkwə kanehe hɛ perə. 8Pa hɛ zehwe behe behe, pa mbeli nyi ketəkwə təkwə tsenete kwetiɓəa ɗafa nyi ketene kakwaciga mberefaŋe. 9Ndagwara gare slibə wəfaɗe mbelia shɛhɛ. Kwa sebe ta ŋkɛ, pa Yɛsə zhɛneghe hɛ kalə sha ghɛ. 10Shilimə ŋkɛ kwa kwambelə taghanyɛ le mbeli nyi ketəkwə təkwə kalə kadzete hɛɗia Dalmanəwta.
Ka Fariziyɛn ka'yɛwe wəsə kencɛ wəsə
(MAT 16.1-4)
11Pa kweci ka Fariziyɛn se kazhɛne ghəpə le Yɛsə kezha ŋa nda keleŋa. Pa hɛ 'yɛwete wəsə kencɛ wəsə ve kezha newe kenza nde sawa pelɛ ghweme va Shala sawa berete ta ŋkɛ. 12Pa Yɛsə gafete gafe le berete, ma ke: «Kezha wa 'yɛwe wəsə kencɛ wəsə mbeli nyi tsetse ŋkwa nyi wa? Kaganda ne, ma 'ya sha gheyɛ: wəsə kencɛ wəsə shɛ katenakɛ hɛ we.» 13Pa ŋkɛ slənyɛ yitea hɛ ba'a dzawanyɛ kwa kwambelə kezha jive kwete hələbəa ndərə.
Tenjɛne ta ka Fariziyɛn ba'a ŋa Hɛrode
(MAT 16.5-12)
14Pa mbeli nyi ketəkwə təkwə Yɛsə zaghəyite kele ɗafa, deke 'yɛmbe dəghwəa ɗafa kwetɛŋe ya va hɛ kwa kwambelə. 15Ma ke Yɛsə gezete nda ghena ke hɛ: «Ntsehwele mə yitea ghəa ŋayɛ va tenjɛne ta ka Fariziyɛn ba'a ŋa Hɛrode.» 16Ntake mbeli nyi ketəkwə təkwə kaghəpə kwelɛ ghəa nci va nya ɗema hɛ kekelete ɗafa. 17Nahe Yɛsə keɗepe ghena nyi geze hɛ, ma ke 'yɛwete va hɛ: «Tewəmbəreke wa geze yɛ, va nya ɗema ɗafa va gheɓəmə, pe yɛ wa? Kenaka yɛ kafa wəsə kaba wəka? Kefave wəsə yɛ kaba wəka? Ntɛaŋe ntɛaŋe ghəa ŋayɛ tsape ka? 18Ntsə ya kwa ghə va gheyɛ, kanewe ŋkwa yɛ wəka? Sleme ya va ghə va gheyɛ, kafa ghena yɛ wəka? Nahe yɛ kezaghəyite ghena: 19ma 'yɛmbe dəghwəa ɗafa nyi mcɛfe nyi nehave nda 'ya ke mbeli slibə mcɛfe ne, ŋkwini pɛrekɛ kwaciga yɛ le kwetiɓəa ŋkɛ wa?» Ma ke hɛ: «Meŋe bakeghəmbe.» 20Ma ke Yɛsə zhɛkwa: «Ma kwa nehave nda 'yɛmbe dəghwəa ɗafa 'ya mberefaŋe ke mbeli slibə wəfaɗe ne, ŋkwini kwaciga pɛrekɛ yɛ le kwetiɓəa ŋkɛ wa?» Ma ke hɛ: «Mberefaŋe.» 21Tagha gɛ, ma ke Yɛsə sha hɛ: «Tsema ɗema yɛ kazəzəte wəsə wa?»
Yɛsə kambe ghwələ mbe Bɛtsayida
22Ma kwa ntsehe hɛ mbe Bɛtesayida ne, pa mbeli keleke nda kwete wəndə kaghwələ ke Yɛsə, ntake hɛ kampi nda dzeve kezha kwaɗe wəndəa shɛ ŋkɛ. 23Pa Yɛsə keseve wəndəa shɛ te dzeve ba'a shavenyɛ mbe meleme le, pa ntifəyi ndɛghwɛɗɛ te ntsə ta ŋkɛ, pa vaghe dzeve kənə, ma ke 'yɛwete ve: «Kanewe ŋkwa na tse yi?» 24Wereɗɛŋe ke sha ntsə, ma ke: «Mbe newe mbeli 'ya ngərə ngərə kala wəfe, ama mbe dzeghwa hɛ.» 25Pa Yɛsə zhɛne kaveyi dzeve te yɛ ntsə ta ŋkɛ, ntake wəndəa shɛ kanewe ŋkwa tiɗiɗi te kema ta ŋkɛ: nahe ŋkɛ kenza pələsə, ghwɛaɗɛaɗɛa newe ŋkwa ŋkɛ. 26Ma ke Yɛsə shɛ: «Kwiɗi kata kata sha ghɛa ŋa, mba na kegeze nda ke kwete wəndə.»
Piyɛre kancɛ nza ta Yɛsə kaMɛsi
(MAT 16.13-20; LWK 9.18-21)
27Ma kwa sebe ta ŋkɛ ne, cape yɛ Yɛsə le mbeli nyi ketəkwə təkwə kalə kadzembe meleme nyi ɓɛhwɛ ɓɛhwɛ nyi dzeyi yitea hɛɗia ka Sɛzarɛ Filipe. Ma kwa hweŋkwa hɛ, pa 'yɛwete va mbeli nyi ketəkwə təkwə: «Wa ŋkɛ 'ya ke mbeli sha geze tse wa?» 28Ma ke hɛ shɛ: «Zhaŋe Batiste na, a ke kweci, Ɛli na, a ke kweci ɓiyitsa, kwete ŋkɛ nde mɛ ŋkwa, a ke kweci.» 29Ma ke Yɛsə sha hɛ: «Yewə, take yɛ le ŋa ŋayɛ, wa ŋkɛ 'ya pe yɛ wa?» Ma ke Piyɛre shɛ: «Gha ya kaMɛsi.» 30Pa Yɛsə meɗekɛ hɛ kezha ɗema hɛ kageze nda ke kwete wəndə.
Yɛsə kageze mte ta ŋkɛ ba'a same ta ŋkɛ kwa kwele
(MAT 16.21-28; LWK 9.22-27)
31Ma kwa sebe ta ŋkɛ, ntake Yɛsə kateke nda wəshi ke mbeli nyi ketəkwə təkwə, ma ke: «Nda Wəzege ta za kasahwe yaka kwele kwele, katenegha ŋkɛ mbelia jama, mbeli nyi te ghəa ka dzeghe Shala ba'a ka rafe wəshi mahalegə. Katepesle ŋkɛ mbeli, ama kwetere wəmbəa hɛ mahekene ne, katesame ŋkɛ kwa kwele le mpi.» 32Darahwe rahwe gezete nda ŋkɛ ke hɛ, pa Piyɛre hekaghe ŋkɛ kadzeyi kwetere ŋkwa kezha fɛa kegeze kala nyagha. 33Tewətelɛwe Yɛsə sha geva kanewe mbeli nyi ketəkwə təkwə, ntake kaŋele Piyɛre, ma ke: «Slə ŋa cakeɗake kwetere wəmbəa ɗa Satan, kwa nza ŋkɛ zəzə ta Shala ya va gha we, ama zəzə ta wəndə ŋelɛ.»
34Kwa sebe ta ŋkɛ, pa Yɛsə hekakɛ mbeli ba'a mbeli nyi ketəkwə təkwə, ma ke sha hɛ: «Ma keɗe wəndə katəkwə təkwə ɗa ne, zaghəyite ghə ŋkɛ yitea ghəa ŋkɛ, heyite ghə ŋkɛ yitea sheghwə kwa zleŋkwa ta ŋkɛ ba'a təkwə təkwə ɗa ŋkɛ. 35Ma wəndə nya keɗe kambele mpia ŋkɛ le ghəa ŋkɛ ne, kateza ŋkɛ. Ama wəndə nya kezamte mpia ŋkɛ tewəmbəreke 'ya ba'a kezha Ghena kwatenca nya ganyɛ ne, katembele ŋkɛ. 36Wa yakete wəndə kemave pɛtɛa mcɛlə nyi te hɛɗi lema kezamte mpia ŋkɛ ŋkɛ wa? 37Wa wəsə nya nza wəndə kambeɗeke mpi te wa? 38Kwa nza ŋkɛ, ma yayata wəndə nya zhɛ nda hawe va 'ya ba'a ghena ta ɗa tsetsenya teke hwa mbeli nyi keɗema Shala, nyi kaka jaɗafa nyi ne, tsagha tezhɛ nda hawe ke Wəzege ta za ve perə, vəa ŋkwa nya tesawa ŋkɛ mbe zləvəa Yitenyɛ le ka ghwene ta Shala nyi ganji.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.