Mark 7
7
Wəsə keshia ka Zhəwif
(MAT 15.1-9)
1Pa ka Fariziyɛn ba'a kweci ka rafe wəsə mahalegə nyi kesawa pelɛ Zhɛrəzalɛm tsenete geva yitea Yɛsə. 2Pa hɛ nakɛ kweci hwa mbeli nyi ketəkwə təkwə Yɛsə kazeme wəsə kezeme le dzeve nyi wale wale, geze ta ŋkɛ, kaɗema keyaɓemte geva kala nya gezete wəsə keshi.
3Kwa nza ŋkɛ ma ka Fariziyɛn ba'a kweci ka Zhəwif ne, kayɛ fete hɛ yitea wəsə keshia nci. Kazeme wəsə kezeme hɛ keɗema hɛ kepɛkɛ dzeve le hweŋkwa ta ŋkɛ we. 4Ma kese hɛ se te shikwə ne, kazeme wəsə kezeme hɛ keɗema hɛ kepɛkɛ pɛ kaba we. Kwele kwele kweci wəshi keshi nyi mene hɛ kala nya ndeke nda ghə hɛ, kala yaɓe ta yɛ kwalekwə, yɛ ghwelepe ba'a yɛ helape.
5Ma ke ka Fariziyɛn ba'a ka rafe wəsə mahalegə 'yɛwete va Yɛsə: «Wa raberə nda ɗema mbeli nyi ketəkwə təkwə ŋa kamene kala nya gezete wəsə keshia ɓəmə, nda zeme wəsə kezeme hɛ le dzeve nyi wale wale wa?» 6Ka mbəɗəkwəa kɛfi yɛ! Kaganda ya va Ɛzayi vəa ŋkwa nya gezete ghena kelɛŋə ŋkɛ te gheyɛ. Ma ke Shala gezete laka gheŋkɛ:
Ma mbeli nyi ne, le mɛ tsahe ɗa hɛ,
ama cakeɗake wənəa nci yitea 'ya.
7Gəmə hawe mbeli nyi va 'ya.
Ghena nyi gezeke wəndə ŋelɛ yateke nda hɛ ke mbeli
kala ghena ta Shala.
8Pa yɛ sərəakɛ ghena nyi gezete Shala kalə ŋayɛ yitea wəsə keshia mbeli.
9Ma ke Yɛsə mtsehete ghena shɛ: «Pa yɛ neghamte ghena nya gezete Shala, kwa dambeghə ŋayɛ yɛ yitea mene wəsə keshia ŋayɛ. 10Ma ke Moyize: Hawe va yiteyɛ ŋa ba'a meyɛ ŋa. Ma wəndə nya keŋele yitenyɛ ba'a meghekɛ ne, nahe ŋkɛ kehi kapesle ŋkɛ mbeli. 11Ama gheyɛ ne, ma pe yɛ sha teke nda ke mbeli: ma kegeze wəndə sha yitenyɛ keɗema meghekɛ: Ma wəshia ɗa nyi tekemane ŋayɛ 'ya le ne, Korban ŋkɛ, geze ta ŋkɛ, nahe 'ya keveyi tekeleke, a ke ne, 12wərə wəndəa shɛ kanzanyɛ kekemane yitenyɛ ba'a meghekɛ. 13Tsetse bezemte ghena ta Shala yɛ laka wəshi keshi nyi teke nda yɛ ke mbeli. Kwele kwele mene kweci yɛ wəshi nyi kala nyi.»
Wəshi nyi kezhɛre wəndə wale wale
(MAT 15.10-20)
14Pa Yɛsə hekakɛ mbeli zhɛkwa kase shɛ, ma ke sha hɛ: «Fa mə ghena ta ɗa pɛtɛa ŋayɛ, ve mə sleme yitea ghena nya: 15wəsə nya kedzawa kwa mɛa wəndə shɛ kazhɛrete wəndə wale wale we. Ama nya kesame kwa wənə nde zhɛre wəndə wale wale. 16Fave mə megela kenza sleme va gheyɛ kezha fa ghena.»
17Ma kwa slə Yɛsə hwa mbeli kadzeki ghɛ ne, ntake mbelia ŋkɛ ka'yɛwe zeweve ta ghena keyipə pa shɛ ve. 18Ma ke sha hɛ: «Pa le gheyɛ kefavema ghena shɛ perə na? Ashɛ yɛ keɗepe, ma pɛtɛa wəshi nyi zehwe wəndə dzawa kwa mɛ kadzawa hwəa ŋkɛ ne, kazhɛne hɛ kashave mbe geva ta ŋkɛ wəka? 19Kwa nza ŋkɛ ne, kadzawa wənəa ŋkɛ ŋkɛ we, ama kadzawa hwə dzawa ŋkɛ, kwetere wəmbəa ŋkɛ, kasawa ŋkɛ te ŋwela.» Laka ghena nyi ne, nahe Yɛsə kezhɛrete pɛtɛa wəshi kezeme wɛŋe wɛŋe. 20Ma ke zhɛkwa: «Wəsə nya keshave mbe wəndə nde zhɛre ŋkɛ wale wale. 21Kwa nza ŋkɛ same kwa wənəa wəndə ŋelɛ same zəzə nyi ndiremi ndiremi nyi keŋka ŋkɛ yitea mene mefətekwə, ghərə, pesle wəndə, 22vale tahe, sla ntsə, 'yaghwa mehele, mbəɗəkwə, nza wale wale, zlɛ, ŋwashɛ ŋwashɛ, kele ghə ba'a dewə mehele. 23Ma pɛtɛa wəshi nyi ndiremi ndiremia shɛhɛ ne, same kwa wənəa wəndə ŋelɛ same hɛ, ghenci ka zhɛre ŋkɛ wale wale.»
Male mtake kayɛ Yɛsə
(MAT 15.21-28)
24Cape Yɛsə slənyɛ te nyagha ŋkwa shɛ kalə kadzembe meleme nyi dekwede yitea hɛɗia Tir kadzeki ghɛa kwete wəndə ba'a ɗe kawəfərənyɛ yagha mbeli kaɗepe, ama kashɛ ŋkɛ wəfərənyɛ we. 25Pa kwete male nya nza wəzha ta nta shewə va 'yi'yɛghwə fate zləvəa Yɛsə, pɛkwe nde se shɛ kahe kahe ba'a negheyi geva yitea seɗa ta ŋkɛ. 26Ma malea shɛ ne, wəzha ta ka Zhəwif nde we, mbe Fɛnisi te hɛɗia Siri ya nde. Kasəkwə Yɛsə nde kezha ŋkamte 'yi'yɛghwə shave mbe wəzha ta nta. 27Ma ke Yɛsə shɛ: «Ntsagwe kaba behe ŋwale. Kwa nza ŋkɛ ne, megela kele ɗafa ta ŋwale kanegha nda ke kelɛa keti we.» 28Ma ke shɛ: «Kaganda ŋa Nde sleke ŋkwa, ndagwara kwetiɓəa ɗafa nyi kebete yitea ŋwale yazeme kelɛa keti.» 29Ma ke Yɛsə shɛ: «Tewəmbəreke ghena ganyɛ nya zhɛnete nya na ne, kwiɗi sha ghɛ, nahe 'yi'yɛghwə keshave mbe wəzha ta ŋa.» 30Ma se nde sha ghɛ ne, meɓelahe wəzha ta nta te gezle, nahe 'yi'yɛghwə keshave mbe.
Yɛsə kambe mədəŋə nya keshɛma geze ghena
31Pa Yɛsə slənyɛ te hɛɗia Tir kadzeyi laka Sidon, jive mbe hɛɗia kweci Meleme Meŋe kezha dzawa ndərəa Galilɛ. 32Pa mbeli keleke nda kwete wəndə kamədəŋə nya keshɛma geze ghena, kasəkwə ŋkɛ hɛ kezha vaghe dzeve ŋkɛ kənə. 33Pa Yɛsə hekaghe ŋkɛ kalə yite, cakeɗake yitea mbeli, pa heyi nda dzeve kwa sleme ba'a kwaɗakɛ ghɛnia ŋkɛ le ndɛghwɛɗɛa ŋkɛ. 34Pa ŋkɛ kafete kema yitea ghweme, gafete gafe, ma ke sha wəndəa shɛ: «Ɛfata!», geze ta ŋkɛ: «Ghwenemte geva.» 35Te ŋkwa shɛnyɛ ne, pa sleme ta ŋkɛ ghwenemte geva ba'a pa ghɛnia ŋkɛ pelemte geva. Ntake ŋkɛ kageze ghena peɗɛa peɗɛa. 36Pa Yɛsə gezete nda ke mbeli kezha ɗema hɛ kageze nda ghena shɛ ke kwete wəndə. Ama ma kamtsehe geze nda ŋkɛ ke hɛ ne, kamtsehe pesle ghena shɛ hɛ. 37Ma mbeli nyi kefate ghena shɛ ne, heheɓake hɛ. Ma ke hɛ: Nahe pɛtɛa wəshi nyi mene ŋkɛ kenza megela. Kave fa ghena ŋkɛ ke ka mədəŋəa kɛfi ba'a kave nda geze ghena ŋkɛ mbeli nyi keshɛma geze ghena.
നിലവിൽ തിരഞ്ഞെടുത്തിരിക്കുന്നു:
Mark 7: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Mark 7
7
Wəsə keshia ka Zhəwif
(MAT 15.1-9)
1Pa ka Fariziyɛn ba'a kweci ka rafe wəsə mahalegə nyi kesawa pelɛ Zhɛrəzalɛm tsenete geva yitea Yɛsə. 2Pa hɛ nakɛ kweci hwa mbeli nyi ketəkwə təkwə Yɛsə kazeme wəsə kezeme le dzeve nyi wale wale, geze ta ŋkɛ, kaɗema keyaɓemte geva kala nya gezete wəsə keshi.
3Kwa nza ŋkɛ ma ka Fariziyɛn ba'a kweci ka Zhəwif ne, kayɛ fete hɛ yitea wəsə keshia nci. Kazeme wəsə kezeme hɛ keɗema hɛ kepɛkɛ dzeve le hweŋkwa ta ŋkɛ we. 4Ma kese hɛ se te shikwə ne, kazeme wəsə kezeme hɛ keɗema hɛ kepɛkɛ pɛ kaba we. Kwele kwele kweci wəshi keshi nyi mene hɛ kala nya ndeke nda ghə hɛ, kala yaɓe ta yɛ kwalekwə, yɛ ghwelepe ba'a yɛ helape.
5Ma ke ka Fariziyɛn ba'a ka rafe wəsə mahalegə 'yɛwete va Yɛsə: «Wa raberə nda ɗema mbeli nyi ketəkwə təkwə ŋa kamene kala nya gezete wəsə keshia ɓəmə, nda zeme wəsə kezeme hɛ le dzeve nyi wale wale wa?» 6Ka mbəɗəkwəa kɛfi yɛ! Kaganda ya va Ɛzayi vəa ŋkwa nya gezete ghena kelɛŋə ŋkɛ te gheyɛ. Ma ke Shala gezete laka gheŋkɛ:
Ma mbeli nyi ne, le mɛ tsahe ɗa hɛ,
ama cakeɗake wənəa nci yitea 'ya.
7Gəmə hawe mbeli nyi va 'ya.
Ghena nyi gezeke wəndə ŋelɛ yateke nda hɛ ke mbeli
kala ghena ta Shala.
8Pa yɛ sərəakɛ ghena nyi gezete Shala kalə ŋayɛ yitea wəsə keshia mbeli.
9Ma ke Yɛsə mtsehete ghena shɛ: «Pa yɛ neghamte ghena nya gezete Shala, kwa dambeghə ŋayɛ yɛ yitea mene wəsə keshia ŋayɛ. 10Ma ke Moyize: Hawe va yiteyɛ ŋa ba'a meyɛ ŋa. Ma wəndə nya keŋele yitenyɛ ba'a meghekɛ ne, nahe ŋkɛ kehi kapesle ŋkɛ mbeli. 11Ama gheyɛ ne, ma pe yɛ sha teke nda ke mbeli: ma kegeze wəndə sha yitenyɛ keɗema meghekɛ: Ma wəshia ɗa nyi tekemane ŋayɛ 'ya le ne, Korban ŋkɛ, geze ta ŋkɛ, nahe 'ya keveyi tekeleke, a ke ne, 12wərə wəndəa shɛ kanzanyɛ kekemane yitenyɛ ba'a meghekɛ. 13Tsetse bezemte ghena ta Shala yɛ laka wəshi keshi nyi teke nda yɛ ke mbeli. Kwele kwele mene kweci yɛ wəshi nyi kala nyi.»
Wəshi nyi kezhɛre wəndə wale wale
(MAT 15.10-20)
14Pa Yɛsə hekakɛ mbeli zhɛkwa kase shɛ, ma ke sha hɛ: «Fa mə ghena ta ɗa pɛtɛa ŋayɛ, ve mə sleme yitea ghena nya: 15wəsə nya kedzawa kwa mɛa wəndə shɛ kazhɛrete wəndə wale wale we. Ama nya kesame kwa wənə nde zhɛre wəndə wale wale. 16Fave mə megela kenza sleme va gheyɛ kezha fa ghena.»
17Ma kwa slə Yɛsə hwa mbeli kadzeki ghɛ ne, ntake mbelia ŋkɛ ka'yɛwe zeweve ta ghena keyipə pa shɛ ve. 18Ma ke sha hɛ: «Pa le gheyɛ kefavema ghena shɛ perə na? Ashɛ yɛ keɗepe, ma pɛtɛa wəshi nyi zehwe wəndə dzawa kwa mɛ kadzawa hwəa ŋkɛ ne, kazhɛne hɛ kashave mbe geva ta ŋkɛ wəka? 19Kwa nza ŋkɛ ne, kadzawa wənəa ŋkɛ ŋkɛ we, ama kadzawa hwə dzawa ŋkɛ, kwetere wəmbəa ŋkɛ, kasawa ŋkɛ te ŋwela.» Laka ghena nyi ne, nahe Yɛsə kezhɛrete pɛtɛa wəshi kezeme wɛŋe wɛŋe. 20Ma ke zhɛkwa: «Wəsə nya keshave mbe wəndə nde zhɛre ŋkɛ wale wale. 21Kwa nza ŋkɛ same kwa wənəa wəndə ŋelɛ same zəzə nyi ndiremi ndiremi nyi keŋka ŋkɛ yitea mene mefətekwə, ghərə, pesle wəndə, 22vale tahe, sla ntsə, 'yaghwa mehele, mbəɗəkwə, nza wale wale, zlɛ, ŋwashɛ ŋwashɛ, kele ghə ba'a dewə mehele. 23Ma pɛtɛa wəshi nyi ndiremi ndiremia shɛhɛ ne, same kwa wənəa wəndə ŋelɛ same hɛ, ghenci ka zhɛre ŋkɛ wale wale.»
Male mtake kayɛ Yɛsə
(MAT 15.21-28)
24Cape Yɛsə slənyɛ te nyagha ŋkwa shɛ kalə kadzembe meleme nyi dekwede yitea hɛɗia Tir kadzeki ghɛa kwete wəndə ba'a ɗe kawəfərənyɛ yagha mbeli kaɗepe, ama kashɛ ŋkɛ wəfərənyɛ we. 25Pa kwete male nya nza wəzha ta nta shewə va 'yi'yɛghwə fate zləvəa Yɛsə, pɛkwe nde se shɛ kahe kahe ba'a negheyi geva yitea seɗa ta ŋkɛ. 26Ma malea shɛ ne, wəzha ta ka Zhəwif nde we, mbe Fɛnisi te hɛɗia Siri ya nde. Kasəkwə Yɛsə nde kezha ŋkamte 'yi'yɛghwə shave mbe wəzha ta nta. 27Ma ke Yɛsə shɛ: «Ntsagwe kaba behe ŋwale. Kwa nza ŋkɛ ne, megela kele ɗafa ta ŋwale kanegha nda ke kelɛa keti we.» 28Ma ke shɛ: «Kaganda ŋa Nde sleke ŋkwa, ndagwara kwetiɓəa ɗafa nyi kebete yitea ŋwale yazeme kelɛa keti.» 29Ma ke Yɛsə shɛ: «Tewəmbəreke ghena ganyɛ nya zhɛnete nya na ne, kwiɗi sha ghɛ, nahe 'yi'yɛghwə keshave mbe wəzha ta ŋa.» 30Ma se nde sha ghɛ ne, meɓelahe wəzha ta nta te gezle, nahe 'yi'yɛghwə keshave mbe.
Yɛsə kambe mədəŋə nya keshɛma geze ghena
31Pa Yɛsə slənyɛ te hɛɗia Tir kadzeyi laka Sidon, jive mbe hɛɗia kweci Meleme Meŋe kezha dzawa ndərəa Galilɛ. 32Pa mbeli keleke nda kwete wəndə kamədəŋə nya keshɛma geze ghena, kasəkwə ŋkɛ hɛ kezha vaghe dzeve ŋkɛ kənə. 33Pa Yɛsə hekaghe ŋkɛ kalə yite, cakeɗake yitea mbeli, pa heyi nda dzeve kwa sleme ba'a kwaɗakɛ ghɛnia ŋkɛ le ndɛghwɛɗɛa ŋkɛ. 34Pa ŋkɛ kafete kema yitea ghweme, gafete gafe, ma ke sha wəndəa shɛ: «Ɛfata!», geze ta ŋkɛ: «Ghwenemte geva.» 35Te ŋkwa shɛnyɛ ne, pa sleme ta ŋkɛ ghwenemte geva ba'a pa ghɛnia ŋkɛ pelemte geva. Ntake ŋkɛ kageze ghena peɗɛa peɗɛa. 36Pa Yɛsə gezete nda ke mbeli kezha ɗema hɛ kageze nda ghena shɛ ke kwete wəndə. Ama ma kamtsehe geze nda ŋkɛ ke hɛ ne, kamtsehe pesle ghena shɛ hɛ. 37Ma mbeli nyi kefate ghena shɛ ne, heheɓake hɛ. Ma ke hɛ: Nahe pɛtɛa wəshi nyi mene ŋkɛ kenza megela. Kave fa ghena ŋkɛ ke ka mədəŋəa kɛfi ba'a kave nda geze ghena ŋkɛ mbeli nyi keshɛma geze ghena.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.