Mark 11
11
Yɛsə kadzembe Zhɛrəzalɛm
(MAT 21.1-11; LWK 19.28-40; ZHŊ 12.12-19)
1Ma kwa nza hɛ takwa takwa yitea Zhɛrəzalɛm, terasle yitea yɛ Bɛtfazhɛ le Bɛtani ne, pa hɛ ntsehe pelɛ ghweme ta yɛ Bekele. Pa Yɛsə ghwenakɛ mbeli nyi ketəkwə təkwə bake kalə te kema ta ŋkɛ, ma ke sha hɛ: 2«Kwiɗi mə kalə kadzembe meleme nya te kema ta ŋayɛ. Dzembema ta ŋayɛ ne, katenewe leve ta kwara yɛ tehwepe, kegha wəndə kase pelɛ we. Pelemte mə ŋkɛ ba'a ŋkake ɗa mə ŋkɛ. 3Ma kegeze ŋayɛ kwete wəndə: kawa yɛ le wa, a ke ne, Nde sleke ŋkwa nza kaɗe, pe yɛ shɛ. Taghanyɛ teghwene ŋkɛ kase teke.» 4Ntəŋə hɛ tsagha, pa hɛ nakɛ kwara te ŋwela, kwa rəki, tehwepe mɛa degha. Pa hɛ peleve ŋkɛ. 5Ma ke kweci mbeli nyi tagha 'yɛwete va hɛ: «Wa wəsə nya mene yɛ wa? Kezha wa pele leve ta kwara shɛ yɛ wa?» 6Pa hɛ zhɛnete nda ke hɛ kala nya gezete nda Yɛsə ke hɛ, pa mbelia shɛhɛ sərəakɛ hɛ kaslə le. 7Pa hɛ keleke nda leve ta kwara shɛ ke Yɛsə, pa hɛ pelakeyi lekwesa ta nci te, ntishɛ Yɛsə pelɛ. 8Kwele kwele mbeli nyi kepelakeyi lekwesa ta nci kwa hweŋkwa, dzeve ta wəfe nyi tsasleke hɛ hwa gamba yapelake kweci. 9Mbeli nyi te kema ta ŋkɛ le nyi kwa sebe ta ŋkɛ ne, ma ke hɛ tsate lewela: «Tsahe ɓəmə Shala, kewəpi wəpi nza wəndə nya kese te sləa Mahwətə. 10Wəpikɛ hɛɗi meghe nya ketese Shala, hɛɗi meghea David, yiteyɛ ɓəmə. Tsahe Shala nya pelɛ ghweme mbeli.»
11Pa Yɛsə dzembe Zhɛrəzalɛm ba'a dzembe ghɛa Shala. Ma kwa newemte ŋkwa nya dzeyi yite ŋkɛ ne, cape hɛ le mbeli nyi ketəkwə təkwə meŋe bakeghəmbe kadzembe Bɛtani kwa senyɛ tɛhwɛɗi.
Yɛsə kabezla dasekwa
(MAT 21.18-19)
12Ma te hendɛ ta ŋkwa kaslə Yɛsə mbe Bɛtani ne, pa ma keseve ŋkɛ. 13Pa ŋkɛ nakɛ dasekwa cakeɗake gwəzləmə, ntəŋə ŋkɛ kalə kadzeyite nda kwete kakemave ya ŋkɛ. Ma kwa se ŋkɛ takwa takwa yite ne, kenakɛ ya ŋkɛ te we, kwa nza ŋkɛ ne, kenaka və keya ta dasekwa we. 14Yewə, ma ke Yɛsə sha dasekwa: «Mba wəndə kandɛamakɛ ya ta ŋa tɛape we.» Kafefa mbeli nyi ketəkwə təkwə.
Yɛsə mbe ghɛa Shala
(MAT 21.12-17; LWK 19.45-48; ZHŊ 2.13-22)
15Pa hɛ zhɛneke geva kadzembe Zhɛrəzalɛm zhɛkwa. Shilimə Yɛsə mbe ghɛa Shala, ntake kaŋka pɛtɛa mbeli nyi kepamte wəshi ba'a nyi kepa shave mbe. Pa ŋkɛ tsetsəkwəate tabelea ka mbeɗe cɛdɛ ba'a tsəkwələa ka pamte gheɗepe te hɛɗi. 16Kesərəakɛ wəndə ŋkɛ kakele wəsə dzeyi mbe ghɛa Shala ŋkɛ we. 17Kwa sebe ta ŋkɛ, ma ke tekete nda wəsə ke hɛ: «Ma mbe Ghena ta Shala ne, ma ke Shala gezete: Kateheka ghɛa ɗa mbeli kaghɛ kesəkwə ghə. Ama gheyɛ ne, nahe yɛ kezhɛrete ŋkɛ kazlera ta ka ghərəa kɛfi.»
18Ma kwa fate ghena shɛ mbeli nyi te ghəa ka dzeghe Shala ba'a ka rafe wəsə mahalegə ne, ntake hɛ kazele hweŋkwa kepesle Yɛsə, ama kazhɛ nda ghazlənə ke hɛ kwa nza mbeli heheɓake va ntsehwelea ŋkɛ kateke nda wəsə ke mbeli.
19Ma kwa se tɛhwɛɗi ne, pa yɛ Yɛsə le mbelia ŋkɛ shavenji mbe meleme.
Yɛsə ba'a dasekwa nya kemte mte
(MAT 21.20-22)
20Masheke masheke kadzeyi hɛ kwa hweŋkwa ne, pa hɛ nakɛ dasekwa shɛ kemte mte pa te slərəa ŋkɛ. 21Pa Piyɛre zəzəte ghena nya kemenete geva, ma ke sha Yɛsə: «Rabi, newema dasekwa nya bezlakɛ nya na keghwele ghwele gi!» 22Ma ke Yɛsə sha mbeli nyi ketəkwə təkwə: «Kaganda ne, ma 'ya sha gheyɛ: Yɛte mə Shala. 23Ma kegeze kwete wəndə sha ghweme nya: Slə ŋa tagha, negheyi ghəa ŋa kwa ndərə, ke shɛ, kaɗema ghəa ŋkɛ bake bake, ama nahe ŋkɛ keyɛte katemene wəsə nya gezete ŋkɛ ne, tsagha shɛ temene geva ŋkɛ. 24Vatse gɛ, ma 'ya sha gheyɛ: ma yayata wəsə nya 'yɛwe yɛ le səkwə ghə ne, yɛte mə kala wəsə nya kemave wəsəa shɛ yɛ, kateve ŋayɛ geva ŋkɛ. 25Ma kenza yɛ meslete kasəkwə Shala nda zəzəte wəsə nya kwelɛ gheyɛ yɛ le kwete wəndə ne, kelemte mə ghena shɛ te wənəa ŋa kezha kelemte ŋayɛ jaɗafa ta ŋayɛ Yiteyɛ ŋayɛ nya pelɛ ghweme te wənə perə. 26Ama keɗema yɛ kekelemte ghena nya bezemte ŋayɛ kweci mbeli te wənə ne, katekelemte ŋayɛ jaɗafa ta ŋayɛ Yiteyɛ ŋayɛ nya pelɛ ghweme te wənə perə we.»
Tema se berete ta Yɛsə wa?
(MAT 21.23-27; LWK 20.1-8)
27Pa hɛ dzeme Zhɛrəzalɛm zhɛkwa, ma mbe dzeghwa Yɛsə mbe ghɛa Shala ne, pa mbeli nyi te ghəa ka dzeghe Shala, ka rafe wəsə mahalegə ba'a mbelia jama se shɛ. 28Ma ke hɛ 'yɛwete ve: «Le berete ta wa mene wəshi nyi na wa? Wa nde ndeke ŋa hweŋkwa kamene kala nya wa?» 29Ma ke Yɛsə zhɛnete nda ke hɛ: «'Ya kate'yɛwe ghena kwetɛŋe va gheyɛ, ma kezhɛnete ɗa yɛ, kategeze ŋayɛ 'ya le nyama nyama berete mene wəshia shɛhɛ 'ya. 30Wa nde ghweneke Zhaŋe kamene batɛme wa? Shala na, na mbeli na? Zhɛnete ɗa mə.» 31Ntake hɛ kazele ghena kezhɛne kwelɛ ghəa nci, ma ke hɛ: «Ma kezhɛnete mə: Shala nde ghweneke ŋkɛ, ke gheɓəmə ne, ma ke sha te'yɛwe va gheɓəmə: Va wa ɗema yɛ keyɛte ghena ta Zhaŋe tsagha wa? 32Ama kegeze gheɓəmə: Mbeli nde ghweneke ŋkɛ, ke gheɓəmə ne, tagha gɛ...» Kazhɛ nda ghazlənə ke hɛ va mbeli kwa nza ŋkɛ nahe mbeli pɛtɛ keɗepe Zhaŋe kande mɛ ŋkwa nya kaganda. 33Tagha gɛ, ma ke hɛ zhɛnete nda ke Yɛsə: «Keɗepe n'yɛ we.» Ma ke Yɛsə sha hɛ: «Yawa, ma 'ya perə ne, kageze ŋayɛ 'ya le nyama nyama berete mene wəshia shɛhɛ 'ya we.»
നിലവിൽ തിരഞ്ഞെടുത്തിരിക്കുന്നു:
Mark 11: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Mark 11
11
Yɛsə kadzembe Zhɛrəzalɛm
(MAT 21.1-11; LWK 19.28-40; ZHŊ 12.12-19)
1Ma kwa nza hɛ takwa takwa yitea Zhɛrəzalɛm, terasle yitea yɛ Bɛtfazhɛ le Bɛtani ne, pa hɛ ntsehe pelɛ ghweme ta yɛ Bekele. Pa Yɛsə ghwenakɛ mbeli nyi ketəkwə təkwə bake kalə te kema ta ŋkɛ, ma ke sha hɛ: 2«Kwiɗi mə kalə kadzembe meleme nya te kema ta ŋayɛ. Dzembema ta ŋayɛ ne, katenewe leve ta kwara yɛ tehwepe, kegha wəndə kase pelɛ we. Pelemte mə ŋkɛ ba'a ŋkake ɗa mə ŋkɛ. 3Ma kegeze ŋayɛ kwete wəndə: kawa yɛ le wa, a ke ne, Nde sleke ŋkwa nza kaɗe, pe yɛ shɛ. Taghanyɛ teghwene ŋkɛ kase teke.» 4Ntəŋə hɛ tsagha, pa hɛ nakɛ kwara te ŋwela, kwa rəki, tehwepe mɛa degha. Pa hɛ peleve ŋkɛ. 5Ma ke kweci mbeli nyi tagha 'yɛwete va hɛ: «Wa wəsə nya mene yɛ wa? Kezha wa pele leve ta kwara shɛ yɛ wa?» 6Pa hɛ zhɛnete nda ke hɛ kala nya gezete nda Yɛsə ke hɛ, pa mbelia shɛhɛ sərəakɛ hɛ kaslə le. 7Pa hɛ keleke nda leve ta kwara shɛ ke Yɛsə, pa hɛ pelakeyi lekwesa ta nci te, ntishɛ Yɛsə pelɛ. 8Kwele kwele mbeli nyi kepelakeyi lekwesa ta nci kwa hweŋkwa, dzeve ta wəfe nyi tsasleke hɛ hwa gamba yapelake kweci. 9Mbeli nyi te kema ta ŋkɛ le nyi kwa sebe ta ŋkɛ ne, ma ke hɛ tsate lewela: «Tsahe ɓəmə Shala, kewəpi wəpi nza wəndə nya kese te sləa Mahwətə. 10Wəpikɛ hɛɗi meghe nya ketese Shala, hɛɗi meghea David, yiteyɛ ɓəmə. Tsahe Shala nya pelɛ ghweme mbeli.»
11Pa Yɛsə dzembe Zhɛrəzalɛm ba'a dzembe ghɛa Shala. Ma kwa newemte ŋkwa nya dzeyi yite ŋkɛ ne, cape hɛ le mbeli nyi ketəkwə təkwə meŋe bakeghəmbe kadzembe Bɛtani kwa senyɛ tɛhwɛɗi.
Yɛsə kabezla dasekwa
(MAT 21.18-19)
12Ma te hendɛ ta ŋkwa kaslə Yɛsə mbe Bɛtani ne, pa ma keseve ŋkɛ. 13Pa ŋkɛ nakɛ dasekwa cakeɗake gwəzləmə, ntəŋə ŋkɛ kalə kadzeyite nda kwete kakemave ya ŋkɛ. Ma kwa se ŋkɛ takwa takwa yite ne, kenakɛ ya ŋkɛ te we, kwa nza ŋkɛ ne, kenaka və keya ta dasekwa we. 14Yewə, ma ke Yɛsə sha dasekwa: «Mba wəndə kandɛamakɛ ya ta ŋa tɛape we.» Kafefa mbeli nyi ketəkwə təkwə.
Yɛsə mbe ghɛa Shala
(MAT 21.12-17; LWK 19.45-48; ZHŊ 2.13-22)
15Pa hɛ zhɛneke geva kadzembe Zhɛrəzalɛm zhɛkwa. Shilimə Yɛsə mbe ghɛa Shala, ntake kaŋka pɛtɛa mbeli nyi kepamte wəshi ba'a nyi kepa shave mbe. Pa ŋkɛ tsetsəkwəate tabelea ka mbeɗe cɛdɛ ba'a tsəkwələa ka pamte gheɗepe te hɛɗi. 16Kesərəakɛ wəndə ŋkɛ kakele wəsə dzeyi mbe ghɛa Shala ŋkɛ we. 17Kwa sebe ta ŋkɛ, ma ke tekete nda wəsə ke hɛ: «Ma mbe Ghena ta Shala ne, ma ke Shala gezete: Kateheka ghɛa ɗa mbeli kaghɛ kesəkwə ghə. Ama gheyɛ ne, nahe yɛ kezhɛrete ŋkɛ kazlera ta ka ghərəa kɛfi.»
18Ma kwa fate ghena shɛ mbeli nyi te ghəa ka dzeghe Shala ba'a ka rafe wəsə mahalegə ne, ntake hɛ kazele hweŋkwa kepesle Yɛsə, ama kazhɛ nda ghazlənə ke hɛ kwa nza mbeli heheɓake va ntsehwelea ŋkɛ kateke nda wəsə ke mbeli.
19Ma kwa se tɛhwɛɗi ne, pa yɛ Yɛsə le mbelia ŋkɛ shavenji mbe meleme.
Yɛsə ba'a dasekwa nya kemte mte
(MAT 21.20-22)
20Masheke masheke kadzeyi hɛ kwa hweŋkwa ne, pa hɛ nakɛ dasekwa shɛ kemte mte pa te slərəa ŋkɛ. 21Pa Piyɛre zəzəte ghena nya kemenete geva, ma ke sha Yɛsə: «Rabi, newema dasekwa nya bezlakɛ nya na keghwele ghwele gi!» 22Ma ke Yɛsə sha mbeli nyi ketəkwə təkwə: «Kaganda ne, ma 'ya sha gheyɛ: Yɛte mə Shala. 23Ma kegeze kwete wəndə sha ghweme nya: Slə ŋa tagha, negheyi ghəa ŋa kwa ndərə, ke shɛ, kaɗema ghəa ŋkɛ bake bake, ama nahe ŋkɛ keyɛte katemene wəsə nya gezete ŋkɛ ne, tsagha shɛ temene geva ŋkɛ. 24Vatse gɛ, ma 'ya sha gheyɛ: ma yayata wəsə nya 'yɛwe yɛ le səkwə ghə ne, yɛte mə kala wəsə nya kemave wəsəa shɛ yɛ, kateve ŋayɛ geva ŋkɛ. 25Ma kenza yɛ meslete kasəkwə Shala nda zəzəte wəsə nya kwelɛ gheyɛ yɛ le kwete wəndə ne, kelemte mə ghena shɛ te wənəa ŋa kezha kelemte ŋayɛ jaɗafa ta ŋayɛ Yiteyɛ ŋayɛ nya pelɛ ghweme te wənə perə. 26Ama keɗema yɛ kekelemte ghena nya bezemte ŋayɛ kweci mbeli te wənə ne, katekelemte ŋayɛ jaɗafa ta ŋayɛ Yiteyɛ ŋayɛ nya pelɛ ghweme te wənə perə we.»
Tema se berete ta Yɛsə wa?
(MAT 21.23-27; LWK 20.1-8)
27Pa hɛ dzeme Zhɛrəzalɛm zhɛkwa, ma mbe dzeghwa Yɛsə mbe ghɛa Shala ne, pa mbeli nyi te ghəa ka dzeghe Shala, ka rafe wəsə mahalegə ba'a mbelia jama se shɛ. 28Ma ke hɛ 'yɛwete ve: «Le berete ta wa mene wəshi nyi na wa? Wa nde ndeke ŋa hweŋkwa kamene kala nya wa?» 29Ma ke Yɛsə zhɛnete nda ke hɛ: «'Ya kate'yɛwe ghena kwetɛŋe va gheyɛ, ma kezhɛnete ɗa yɛ, kategeze ŋayɛ 'ya le nyama nyama berete mene wəshia shɛhɛ 'ya. 30Wa nde ghweneke Zhaŋe kamene batɛme wa? Shala na, na mbeli na? Zhɛnete ɗa mə.» 31Ntake hɛ kazele ghena kezhɛne kwelɛ ghəa nci, ma ke hɛ: «Ma kezhɛnete mə: Shala nde ghweneke ŋkɛ, ke gheɓəmə ne, ma ke sha te'yɛwe va gheɓəmə: Va wa ɗema yɛ keyɛte ghena ta Zhaŋe tsagha wa? 32Ama kegeze gheɓəmə: Mbeli nde ghweneke ŋkɛ, ke gheɓəmə ne, tagha gɛ...» Kazhɛ nda ghazlənə ke hɛ va mbeli kwa nza ŋkɛ nahe mbeli pɛtɛ keɗepe Zhaŋe kande mɛ ŋkwa nya kaganda. 33Tagha gɛ, ma ke hɛ zhɛnete nda ke Yɛsə: «Keɗepe n'yɛ we.» Ma ke Yɛsə sha hɛ: «Yawa, ma 'ya perə ne, kageze ŋayɛ 'ya le nyama nyama berete mene wəshia shɛhɛ 'ya we.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.