ALuka 23
23
ABilatus tsin ra aYeso ishɔt
(AMatiyu 27:1-2,11-14; AMarkus 15:1-5; AYohana 18:28-38)
1Ngma banet azumung e dorok, ba ku ta ashon sak narɔ aBilatus. 2Ba kpa te kukun wu, yɛ, “Iyit sɛ yit anet yong na tsin doro kuhwyɛ banet yit. A fɛ̀ ni ba yɛ da na ba tarasa itsɔm mben sak na aKaisar awo, a nye fok yi iwu yet Anet-Isheshek, agwɔm.”
3Nek anɔng, aBilatus ku rip, a fɛ̀ ni wu, “Ngɔn yet agwɔm baYahuda yɛ?”
AYeso fɛ̀ ni wu, “Ey, ngɔn fɛrɛng yɛɛt.”
4Wɛt aBilatus fɛ̀ na agbat àware, ni kudyɛng banet e, “Imi kyem in sɛ anet e ni inɛn fi ishɔt da ku ya mo awo.”
5Awɛt banet e di ban, “Anet yong ruk banet kaakyɛ ni mben aJudiya ni itees wu. A kin san iye na aGalili, a mi bɛ́ a ta ni iye sak azeng.”
6Ni ifok anɔng, aBilatus ka ba rip, ye, “Anet e yong yet anet aGalili yɛ?”
AHiridus tsin ra aYeso ishɔt
7Fɛ́ a sɛ kurēn fok aYeso ne ni mben fɛ́ aHiridus di ya igwɔm, a sak na ba tse ni wu narɔ wu, fɛ́ a kin se nɛ aRushelima ni izen e yɔng.
8Ni izen fɛ́ aHiridus di aYeso, a nye iyɛ ikan makiyi, nek a mi sok izen a shim ku di wu. Nek nkyɔrɔk fɛ́ a mi fok naton wu, a shim a ku di na tsin ra ibes. 9A ku nyes nzam irisim, da aYeso fɛ̀ ni wu ikikak awo. 10Agbat àware nɛ bafi itees ntsi aMusa kin se ni nyeseng azɔng, na ba woso tes kukun aYeso. 11AHiridus, na batsom wu, ba ku tonong ibyɛs, ba ku te a sot ikyɛng iro bá. Ba ma ku te kugboo kukpin, ba tɛ ba bun ni wu sak narɔ aBilatus. 12Atuk ke yɔng, aHiridus nɛ aBilatus wat ba bɔ ifidang, nek ba kin tsang bɛ̀ imaan e nate bà.
13ABilatus tusung agbat-áware nɛ bágwɔm, nɛ banet, 14a fɛ̀ ni iba, “Iyin bɛ́ yin na anet yong ashon in, tɛ ayɔng fɛ́ a tees banet ice gup. Imi mi ku nyes irisim azeng na yisi yin, imi kyem in sɛ ikikak izining ayɛt ikyɛng fi iyin fɛ̀ yin awo. 15AHiridus ice wu da a ku sɛ ni inɛn awo, nek anɔng wu fɛ́ a tɛ ku yirik sak azeng ni yit; di yin, vit ikyɛng fɛ́ a mi ra fi i kyem ba di sok kutset wu. 16Nek anɔng, in da ku nye ahwyereng, in da ni in ku won.”#23:16 Afumung akak fɛ́ ba kin jɛk ni mbɔk, a bɛ̀ ibyat ifɛ́ 17 ane: “Ni izen amok iyiring ni ishorosho nasa nnon aIsrela, i se gbing-gbing na ba te washak anet inyang azining.”
ABilatus nabak aYeso na ba ku tegak
18Ngma banet wat ba ta nkun, yɛ, “Na ba fɛt anet yong! Na ba ki te washak yit aBarabas!” 19(ABarabas yet anet fɛ́ ba kin ku te ari inyang, nek ba kin shim ba te gup iGwɔm iwɔp e, a kin yet anet ifɛs banet.)
20ABilatus di ban na banet e, nek a kin shim a te washak aYeso. 21Banet e ban tang nkun, yɛ, “Ku tegak yin! Ku tegak in!”
22ABilatus ban tɛ a cɛɛt ni ba ite kataat: “Akyɛ bɛ́ na anɔng ɛ? Akyɛ inɛn fɛ́ anet yong nye yɛ? Imi mi di inɛn ikak fɛ́ a ra fɛ́ ba da ku fɛt mo awo. Nek anɔng, in da sak ba ku hwyereng, in da ni in ku won.”
23Ba tɛ ba ta nkun, ba nyeseng na agap fok ma ba ku tegak, ni igang e, a fok kanak bá. 24Wɛt aBilatus ka ba tsɛɛt ishɔt fɛ́ ba shim. 25A te washak anet yɔng fɛ́ ba kin ku te ni nyang nek inɛn ite gup iGwɔm, ni isok kutset, a ka ba nabak aYeso, na ba tsɛ ba nye ikyɛng fɛ́ ba shim ni iwu.
Itegak aYeso ni kum
(AMatiyu 27:32-44; AMarkus 15:21-32; AYohana 19:17-27)
26Ni izen fɛ́ batsom ku ta ashon, ba wat ba nyim na anet akak fɛ́ ba ku yes aSiman, anet mben aSirin, a mi ne ayit, a tseng sak ayɛt iwɔp. Ba di te nyɛn ni wu, ba ku cet kukum itegak e, a run kukum e, na di kuus aYeso ama. 27Kudyɛng banet se ni iku kuus mo, na banyining bakak fɛ́ ba se na kafa kawe, na kanak nek iwu. 28AYeso tirik, a fɛ̀ ni ba, “Banyas aRushelima! I bi tos in nek imi awo, tos in mok ace yin, ni nnon in. 29Nek izen bi nye fi i bi fɛ̀ yin, ‘Awɛng se gung ni iyin bakuma, awɛng se gung nɛ abining fɛ́ da a mang tes awo, fɛ́ a kin mang ngasa nggon awo!’ 30Ni izen e yɔng fɛ́, banet bi fɛ̀ na ata,
‘Kpa naton yit!’
Na ahwyanang,
‘Ki fam yit!’
31“Kɛ banet da kyem ba nye anɔng na kakon fɛ́ ka yet kashirim, anɛ fɛ́ ba da nye ni ika kɛ ka koot ɛ?”
32Ba tse na banet bakak bafaa, ngma bá bafi inɛn, ba tse ni iba, ba da tsɛ ba ka ba fɛɛs bà. 33Ni izen fɛ́ ba tsɛ ba ta narɔ fɛ́ ba yes ika Kukup-Ice, ba ku tegak azɔng gung na bafi inɛn e, azining, ni bɔk iyak, azining, ni bɔk imen. 34AYeso fɛ̀, “ADa, ka ba fuut anɛn bá, nek iba rēn ikyɛng fɛ́ ba tsin nye awo.” Ba kabasa ares wu, ba di bara icang ni na.
35Banet nyeseng azɔng, na ba yɛrɛ, bakɔk-ashon ku tonong ibyɛs. Ba nye ni iwu, “A sheshek bakak; won na a sheshek ice wu, ki iwu fɛ́ a yet Anet-Isheshek, anet fɛ́ Adakunom myak e.”
36Batsom e, tsɛ ba ku tonong ibyɛs bà. Ba ku nɔk ashi ajatang, 37ba fɛ̀ ni wu, “Ki ngɔn wu i yet agwɔm baYahuda, sheshek ice ngɔn.”
38Ba tup ijɛk abak ice wu, yɛ, “Agbat agwɔm baYahuda Yo.”
39Azining ayɛt bafi inɛn fɛ́ ba ku tegak azɔng, a korok aYeso itok gyet awo, fok yɛ, “Ngɔn wu i yet Anet-Isheshek e awɛ? Sheshek ice ngɔn, da ki sheshek yit bà!”
40Anet inɛn azining e, ku gyɔng, a fɛ̀ ni wu, “Ngɔn fok nnyim Adakunom awɛ? Ngɔn fi ishɔt da ya ti iwu. 41Iyit, ba ki tsɛɛt yit ishɔt kpaf ni inɛn fi in ra yit. Wɛt anet yɔng, vit inɛn fɛ́ a ra.”
42Ama fɛ̀, “AYeso, yiring ni imi, izen fi i da kpa ya igwɔm ngɔn!”
43AYeso fɛ̀ ni iwu, “Won in da tak atsak, atut, ngɔn da se gung ni imi narɔ ifɔɔn.”
Iku aYeso
(AMatiyu 27:45-56; AMarkus 15:33-41; AYohana 19:28-30)
44Kpaf nate kunom, karɔ me te hwyining sak ni itsɔm itaat, 45nek kunom wat ku rako dang te gbɛy. Wɛt kutaà fɛ́ ba di famasa karɔ iya ntong, wat ku sarak asa afaa. 46AYeso yes ni kutɔ kuratek, yɛ, “ADa! In tsin won kutset hom ni bɔk ngɔn!” Ama fɛ́ a mi fɛrɛng anɔng, a kɔrɔk nsong igang wu.
47Ni izen fɛ́ agbat batsom e, di ikyɛng fi ite, a tere Adakunom, a fɛ̀, “Na tsak e, anet yong yet anet atsak.” 48Ni izen fɛ́ bayɔng fɛ́ ba ka na tusung nek iyɛrɛ ikyɛng fi i da te, di ikyɛng fi ite azɔng, ba bushun ari, ba nye kafa kawe makiyi. 49Awɛt ngma bayɔng fɛ́ ba tsang rēn aYeso, ngma na banyining yɔng fɛ́ ba ku kuus mo, fɛ́ ba ne na aGalili, ba nyeseng yik-yik, ba yɛrɛ ikyɛng fi ite.
Kunɛt aYeso
(AMatiyu 27:57-61; AMarkus 15:42-47; AYohana 19:38-42)
50Anet akak kin se fɛ́ ba ku yes aYusufu, azining ayɛt bafɛ́ azumung, anet nhwyɛ, anet ishim atsak. 51Iwu kin rawu ifɛ̀ kazumung e, ni ikyɛng fɛ́ ba kin nye. Iwu yet anet kuwɔp Arimatiya afɛ́ aJudiya, a se ni itot ku bɛ́ igwɔm Adakunom. 52A tse narɔ aBilatus, a rip fok na ba ku nɔɔk kukom aYeso. 53A tsɛ a tik iko aben, a karam iko ni kukpin alinɛn, a tsɛ a mees iko ni kurɛk fɛ́ ba sɛp iko ni kuta, kuyɔng fɛ́ ba kin man di nɛt akak ni ko awo. 54Kunom e yɔng, kin yet Kunom Inyes nkyɔrɔk gyam, kunom aSabat ngmash ni ku nye.
55Banyining fɛ́ ba kin ne gung nɛ aYeso na aGalili, ba di kuus aYusufu, ba tsɛ ba di kurɛk e, ba di fɛ́ ba mees kukom me. 56Ba ma tseng sak ari, ba tsɛ ba nye nkyɔrɔk, ni ikyɛng nkɔn ntek fɛ́ ba di ki te ni kukom e. Ba fɔɔn atuk aSabat kpaf ti ntsi aMusa di fɛ̀.
നിലവിൽ തിരഞ്ഞെടുത്തിരിക്കുന്നു:
ALuka 23: IbaasNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.
ALuka 23
23
ABilatus tsin ra aYeso ishɔt
(AMatiyu 27:1-2,11-14; AMarkus 15:1-5; AYohana 18:28-38)
1Ngma banet azumung e dorok, ba ku ta ashon sak narɔ aBilatus. 2Ba kpa te kukun wu, yɛ, “Iyit sɛ yit anet yong na tsin doro kuhwyɛ banet yit. A fɛ̀ ni ba yɛ da na ba tarasa itsɔm mben sak na aKaisar awo, a nye fok yi iwu yet Anet-Isheshek, agwɔm.”
3Nek anɔng, aBilatus ku rip, a fɛ̀ ni wu, “Ngɔn yet agwɔm baYahuda yɛ?”
AYeso fɛ̀ ni wu, “Ey, ngɔn fɛrɛng yɛɛt.”
4Wɛt aBilatus fɛ̀ na agbat àware, ni kudyɛng banet e, “Imi kyem in sɛ anet e ni inɛn fi ishɔt da ku ya mo awo.”
5Awɛt banet e di ban, “Anet yong ruk banet kaakyɛ ni mben aJudiya ni itees wu. A kin san iye na aGalili, a mi bɛ́ a ta ni iye sak azeng.”
6Ni ifok anɔng, aBilatus ka ba rip, ye, “Anet e yong yet anet aGalili yɛ?”
AHiridus tsin ra aYeso ishɔt
7Fɛ́ a sɛ kurēn fok aYeso ne ni mben fɛ́ aHiridus di ya igwɔm, a sak na ba tse ni wu narɔ wu, fɛ́ a kin se nɛ aRushelima ni izen e yɔng.
8Ni izen fɛ́ aHiridus di aYeso, a nye iyɛ ikan makiyi, nek a mi sok izen a shim ku di wu. Nek nkyɔrɔk fɛ́ a mi fok naton wu, a shim a ku di na tsin ra ibes. 9A ku nyes nzam irisim, da aYeso fɛ̀ ni wu ikikak awo. 10Agbat àware nɛ bafi itees ntsi aMusa kin se ni nyeseng azɔng, na ba woso tes kukun aYeso. 11AHiridus, na batsom wu, ba ku tonong ibyɛs, ba ku te a sot ikyɛng iro bá. Ba ma ku te kugboo kukpin, ba tɛ ba bun ni wu sak narɔ aBilatus. 12Atuk ke yɔng, aHiridus nɛ aBilatus wat ba bɔ ifidang, nek ba kin tsang bɛ̀ imaan e nate bà.
13ABilatus tusung agbat-áware nɛ bágwɔm, nɛ banet, 14a fɛ̀ ni iba, “Iyin bɛ́ yin na anet yong ashon in, tɛ ayɔng fɛ́ a tees banet ice gup. Imi mi ku nyes irisim azeng na yisi yin, imi kyem in sɛ ikikak izining ayɛt ikyɛng fi iyin fɛ̀ yin awo. 15AHiridus ice wu da a ku sɛ ni inɛn awo, nek anɔng wu fɛ́ a tɛ ku yirik sak azeng ni yit; di yin, vit ikyɛng fɛ́ a mi ra fi i kyem ba di sok kutset wu. 16Nek anɔng, in da ku nye ahwyereng, in da ni in ku won.”#23:16 Afumung akak fɛ́ ba kin jɛk ni mbɔk, a bɛ̀ ibyat ifɛ́ 17 ane: “Ni izen amok iyiring ni ishorosho nasa nnon aIsrela, i se gbing-gbing na ba te washak anet inyang azining.”
ABilatus nabak aYeso na ba ku tegak
18Ngma banet wat ba ta nkun, yɛ, “Na ba fɛt anet yong! Na ba ki te washak yit aBarabas!” 19(ABarabas yet anet fɛ́ ba kin ku te ari inyang, nek ba kin shim ba te gup iGwɔm iwɔp e, a kin yet anet ifɛs banet.)
20ABilatus di ban na banet e, nek a kin shim a te washak aYeso. 21Banet e ban tang nkun, yɛ, “Ku tegak yin! Ku tegak in!”
22ABilatus ban tɛ a cɛɛt ni ba ite kataat: “Akyɛ bɛ́ na anɔng ɛ? Akyɛ inɛn fɛ́ anet yong nye yɛ? Imi mi di inɛn ikak fɛ́ a ra fɛ́ ba da ku fɛt mo awo. Nek anɔng, in da sak ba ku hwyereng, in da ni in ku won.”
23Ba tɛ ba ta nkun, ba nyeseng na agap fok ma ba ku tegak, ni igang e, a fok kanak bá. 24Wɛt aBilatus ka ba tsɛɛt ishɔt fɛ́ ba shim. 25A te washak anet yɔng fɛ́ ba kin ku te ni nyang nek inɛn ite gup iGwɔm, ni isok kutset, a ka ba nabak aYeso, na ba tsɛ ba nye ikyɛng fɛ́ ba shim ni iwu.
Itegak aYeso ni kum
(AMatiyu 27:32-44; AMarkus 15:21-32; AYohana 19:17-27)
26Ni izen fɛ́ batsom ku ta ashon, ba wat ba nyim na anet akak fɛ́ ba ku yes aSiman, anet mben aSirin, a mi ne ayit, a tseng sak ayɛt iwɔp. Ba di te nyɛn ni wu, ba ku cet kukum itegak e, a run kukum e, na di kuus aYeso ama. 27Kudyɛng banet se ni iku kuus mo, na banyining bakak fɛ́ ba se na kafa kawe, na kanak nek iwu. 28AYeso tirik, a fɛ̀ ni ba, “Banyas aRushelima! I bi tos in nek imi awo, tos in mok ace yin, ni nnon in. 29Nek izen bi nye fi i bi fɛ̀ yin, ‘Awɛng se gung ni iyin bakuma, awɛng se gung nɛ abining fɛ́ da a mang tes awo, fɛ́ a kin mang ngasa nggon awo!’ 30Ni izen e yɔng fɛ́, banet bi fɛ̀ na ata,
‘Kpa naton yit!’
Na ahwyanang,
‘Ki fam yit!’
31“Kɛ banet da kyem ba nye anɔng na kakon fɛ́ ka yet kashirim, anɛ fɛ́ ba da nye ni ika kɛ ka koot ɛ?”
32Ba tse na banet bakak bafaa, ngma bá bafi inɛn, ba tse ni iba, ba da tsɛ ba ka ba fɛɛs bà. 33Ni izen fɛ́ ba tsɛ ba ta narɔ fɛ́ ba yes ika Kukup-Ice, ba ku tegak azɔng gung na bafi inɛn e, azining, ni bɔk iyak, azining, ni bɔk imen. 34AYeso fɛ̀, “ADa, ka ba fuut anɛn bá, nek iba rēn ikyɛng fɛ́ ba tsin nye awo.” Ba kabasa ares wu, ba di bara icang ni na.
35Banet nyeseng azɔng, na ba yɛrɛ, bakɔk-ashon ku tonong ibyɛs. Ba nye ni iwu, “A sheshek bakak; won na a sheshek ice wu, ki iwu fɛ́ a yet Anet-Isheshek, anet fɛ́ Adakunom myak e.”
36Batsom e, tsɛ ba ku tonong ibyɛs bà. Ba ku nɔk ashi ajatang, 37ba fɛ̀ ni wu, “Ki ngɔn wu i yet agwɔm baYahuda, sheshek ice ngɔn.”
38Ba tup ijɛk abak ice wu, yɛ, “Agbat agwɔm baYahuda Yo.”
39Azining ayɛt bafi inɛn fɛ́ ba ku tegak azɔng, a korok aYeso itok gyet awo, fok yɛ, “Ngɔn wu i yet Anet-Isheshek e awɛ? Sheshek ice ngɔn, da ki sheshek yit bà!”
40Anet inɛn azining e, ku gyɔng, a fɛ̀ ni wu, “Ngɔn fok nnyim Adakunom awɛ? Ngɔn fi ishɔt da ya ti iwu. 41Iyit, ba ki tsɛɛt yit ishɔt kpaf ni inɛn fi in ra yit. Wɛt anet yɔng, vit inɛn fɛ́ a ra.”
42Ama fɛ̀, “AYeso, yiring ni imi, izen fi i da kpa ya igwɔm ngɔn!”
43AYeso fɛ̀ ni iwu, “Won in da tak atsak, atut, ngɔn da se gung ni imi narɔ ifɔɔn.”
Iku aYeso
(AMatiyu 27:45-56; AMarkus 15:33-41; AYohana 19:28-30)
44Kpaf nate kunom, karɔ me te hwyining sak ni itsɔm itaat, 45nek kunom wat ku rako dang te gbɛy. Wɛt kutaà fɛ́ ba di famasa karɔ iya ntong, wat ku sarak asa afaa. 46AYeso yes ni kutɔ kuratek, yɛ, “ADa! In tsin won kutset hom ni bɔk ngɔn!” Ama fɛ́ a mi fɛrɛng anɔng, a kɔrɔk nsong igang wu.
47Ni izen fɛ́ agbat batsom e, di ikyɛng fi ite, a tere Adakunom, a fɛ̀, “Na tsak e, anet yong yet anet atsak.” 48Ni izen fɛ́ bayɔng fɛ́ ba ka na tusung nek iyɛrɛ ikyɛng fi i da te, di ikyɛng fi ite azɔng, ba bushun ari, ba nye kafa kawe makiyi. 49Awɛt ngma bayɔng fɛ́ ba tsang rēn aYeso, ngma na banyining yɔng fɛ́ ba ku kuus mo, fɛ́ ba ne na aGalili, ba nyeseng yik-yik, ba yɛrɛ ikyɛng fi ite.
Kunɛt aYeso
(AMatiyu 27:57-61; AMarkus 15:42-47; AYohana 19:38-42)
50Anet akak kin se fɛ́ ba ku yes aYusufu, azining ayɛt bafɛ́ azumung, anet nhwyɛ, anet ishim atsak. 51Iwu kin rawu ifɛ̀ kazumung e, ni ikyɛng fɛ́ ba kin nye. Iwu yet anet kuwɔp Arimatiya afɛ́ aJudiya, a se ni itot ku bɛ́ igwɔm Adakunom. 52A tse narɔ aBilatus, a rip fok na ba ku nɔɔk kukom aYeso. 53A tsɛ a tik iko aben, a karam iko ni kukpin alinɛn, a tsɛ a mees iko ni kurɛk fɛ́ ba sɛp iko ni kuta, kuyɔng fɛ́ ba kin man di nɛt akak ni ko awo. 54Kunom e yɔng, kin yet Kunom Inyes nkyɔrɔk gyam, kunom aSabat ngmash ni ku nye.
55Banyining fɛ́ ba kin ne gung nɛ aYeso na aGalili, ba di kuus aYusufu, ba tsɛ ba di kurɛk e, ba di fɛ́ ba mees kukom me. 56Ba ma tseng sak ari, ba tsɛ ba nye nkyɔrɔk, ni ikyɛng nkɔn ntek fɛ́ ba di ki te ni kukom e. Ba fɔɔn atuk aSabat kpaf ti ntsi aMusa di fɛ̀.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.