ALuka 22
22
AYudas fɛ̀ ey iwu da rɛp aYeso
(AMatiyu 26:14-16; AMarkus 14:10-11)
1Fi izen Amok aKpam Vit aYiis fɛ́ ba yes ina, aPasova bɛ́ bakat, 2agbat àware, nɛ bafi itees ntsi aMusa, ba se ni itsɛt irèn fɛ́ ba di ki sok kutset aYeso, nek iba foos nnyim banet e.
3Nek anɔng, aShetan nɔ ayɛt aJudas fɛ́ ba ku yes a aIskariyoti, azining ayɛt bafi imɛɛs kusɔk abe afaa me. 4Wɛt aJudas wuruk sak narɔ agbat àware, nɛ bakɔk-ashon bafi itosok kutu iya Adakunom ntong, a tsɛ a tɔ ni iba irèn fɛ́ a da ka ba rɛp mo aYeso. 5Iba nye iyɛ ikan makiyi, ba fɛ̀ ba da ku nɔk itsɔm. 6AYudas fɛ̀ ey nɛ anɔng e, a kpa tsɛt irèn fɛ́ a da ka ba nabak mo aYeso, ni izen fɛ́ banet se vit.
AYeso sak na ba nye nayak amok
(AMatiyu 26:17-25; AMarkus 14:12-21; AYohana 13:21-30)
7Fi kunom Amok aKpam Vit aYiis e nye, kunom fɛ́ ba di ki tsɛɛt aturuk Amok aPasova. 8AYeso tom aBitrus nɛ aYohana, a fɛ̀ ni ba, “Tseng in, tsi ki nye yit nayak fi in da ya yit na Amok aPasova.”
9Ba ku rip yɛ, “Akɛ wu fi ngɔn shim in tsin di nye yit karɔ me yɛ?”
10A fɛ̀ ni ba, “Ni tsin nɔɔs in ayɛt iwɔp, i da nyim in nɛ anet fɛ́ a mi cet itsung ashi. Ku kuus in mo sak ari yɔng fɛ́ a di ki nɔ, 11fɛ̀ yin nɛ atekari me ane, ‘Anet itees e fɛ̀ in da rip yit: Kutu batsen e si kɛ? Fi in di ki ya nayak amok e nɛ bafi imɛɛs hom ɛ?’ 12Iwu da ki tonong yin kutu aton kuratek, fɛ́ ba mi gang izem iko. Ki nye yit kaakyi ikyɛng azɔng.”
13Ba tsɛ, ba sɛ kaakyi ikyɛng kpaf anɔng, ti iwu di fɛ̀ ni ba. Wɛt iba nye nayak amok e.
14Fi izen e nye, aYeso nɛ batom wu, ba bɛ̀ ba sonong narɔ iyak. 15Wɛt iwu fɛ̀ ni ba, “Neme in foos ikɔk iya nayak Amok Iyiring Ni Ishorosho Nasa aIsrela nang ni yin ninyɛn in da ni in sɔ izoot. 16Nek in tsin ki tak in, in bi ting ya ina awo, ma ba shining ifɛ̀ wu ni iGwɔm Adakunom.”
17Ama fɛ́ a sok kitsɛ̀n ashi me, a nɔɔk ifeng sak na Adakunom, a fɛ̀, “Shan in, kaba yin na ace yin. 18Nek in tsin ki tak in, in bi ting sɔ ashi anap nang awo, ma iGwɔm Adakunom bɛ́.”
19A sok akpam e, a nɔɔk ifeng sak na Adakunom, a bushung iwu, a sok a ka ba nɔɔk, a fɛ̀, “Kurɔm hom kang, fi in nɔɔk nek iyin; nye yin anɔng, ni di yiring yin ni imi.”
20Kpaf anɔng, ama kuyak e, a sok kitsɛ̀n ashi anap e, a fɛ̀, “Itsɛn ashi anap yeng yet kushi kufas, fɛ́ ba moon na nasok hom, fɛ́ ba da nosong nek iyin. 21Wɛt di yin! Kubɔk anet yɔng fɛ́ a di ki rɛp, kuyɔng gung ni imi na tsereng iyak. 22Arim Anet da tseng kpaf tɛ ba di jɛk, awɛt kawɛy se naton ayɔng fɛ́ a bi ku rɛp.” 23Ba kpa ka na risim, “Angan ayɛɛt yit fɛ́ a da nye ikyɛng e dɔng ɛ?”
24Ama anɔng, nanan dorok nate bafi imɛɛs wu, naton angan ayɛɛt bá fɛ́ ba sok awaat ni iratek ɛ. 25Wɛt aYeso fɛ̀ ni ba, “Bágwɔm bafi Ícɛn-iduk, tonoso banet kukyem bá, na bayɔng fi iba ya iratek naton bà, ba ka ba yes, ‘Batsɔn.’ 26Awɛt ifiin se kpaf anɔng awo. Ifiin se, anet fɛ́ a waat ni iratek na a sot tɛ a wosong, ayɔng fɛ́ a yet akɔk-ashon na a sot tɛ asam. 27Angan wu awaat ni iratek ɛ? Ayɔng fɛ́ a sonong a tsin yas a, kɛ ayɔng fɛ́ a tsin nesek nayak e yɛ? A yet ayɔng fɛ́ a sonong a tsin yas wu a waat. Di yin imi yong nate yin tɛ anet ikaba nayak. 28Iyin ba i se yin gung ni imi ni izen mgbang in. 29Kpaf kyɔn tɛ aDa hom di nɔɔk kukyem fi in ya iGwɔm, anɔng fi imi tsin ki nɔɔk in bà. 30Iyin bi ya yin, ni sɔ yin, narɔ iyak in, ni iGwɔm in, i bi sosok in na ata igwɔm, ni ras in izɔrɔk kusɔk abe afaa afi aIsrela ishɔt.”
AYeso tak ibes fok aBitrus bi ra nanan wu
(AMatiyu 26:31-35; AMarkus 14:27-31; AYohana 13:36-38)
31“ASiman, aSiman! Wees ato ni imi! AShetan mi tsɛt irèn imara yin, nɔng a da ki tsɛɛm yin tɛ ba di kam alikama nɛ ahwyɛ me. 32Awɛt imi ma da ra awon aSiman, nɔng inɔɔk atsak ngɔn da se gak. Ni izen fi ibɛ́s ngɔn, ni bang gbinding barunyining.”
33Awɛt aSiman Bitrus fɛ̀ ni wu, “ATisa, imi ma kana nye in da tseng gung ni ngɔn ari inyang, ke ayet iku, ni in ku yit ngma.”
34AYeso fɛ̀ ni wu, “Won in da tak aBitrus, dang atsanyon na a tɛp atut, ngɔn da ra nanan in ite kataat fok da ngɔn di rēn awo.”
35AYeso ma ka ba rip, “Ni izen fi in kin ki tom yin vit amala itsɔm, vit amala, vit akpatak, iyin kin bit in ikikak ɛ?” Ba fɛ̀ ni wu, “Awɛy.”
36A tɛ fɛ̀ ni ba, “Awɛt yɔkɔnɔng, ayɔng fɛ́ a bɛ̀ amala itsɔm na bereng, afɛ́ amala na bereng; ayɔng fɛ́ da a bɛ̀ awal awo, na a rɛp kukpin wu, na a di shan azining. 37I se ni ijɛk aFumung aJɛrɛ: ‘Ba kin ku fa na bafɛ́ anɛn.’ In tsin ki tak in, i se gbing-gbing ma ifɛ̀ dɔng shining naton hom.”
38Bafi imɛɛs e fɛ̀ ni wu, “ATisa, di! Áwal afaa na.” A fɛ̀ ni ba, “I kyem anɔng.”
AYeso ra awon ni Ihwyanang Ifat
(AMatiyu 26:36-46; AMarkus 14:32-42)
39 AYeso wuruk ni iwɔp e, sak ni Ihwyanang Ifat, kyɔn tɛ fɛ́ a mi di mɛɛ, wat bafi imɛɛs wu ku kuus mo. 40Ni izen fɛ́ ba tsɛ ba ta azɔng, a fɛ̀ ni ba, “Ra yin awon, kɔn i bi kpa yin ayɛt imara.” 41A kana kɔrɔk kyɛw ayɛt bá, bakat kuyikyik iworok kuta, a te nyɔk, a ra awon. 42“ADa, ki i shim, di sok kitsɛ̀n ashi izoot kang ashon in. Ngma nɛ anɔng, da kushim hom awo, won ikyɛng fi ngɔn shim ni isot.” 43Atomaza ne azanɛn sak narɔ wu, a ku barang mo agap. 44Nek mgbang fɛ́ a se ayɛt e, a di barang anyɛk ayɛt awon e, kutsin tisik ni rɔm wu sak aben tɛ ágbang nasok.
45Ni izen fɛ́ a dorok ni ira awon e, a tɛ bun a sɛ bafi imɛɛs wu, a ka ba sɛ ni nda, nek ibeseng iyɛ. 46A fɛ̀ ni iba, “Akyɛ sak i se yin ni nda yɛ? Dorok yin, ra yin awon kɔn i bi kpa yin ayɛt imara.”
Ba tekap aYeso
(AMatiyu 26:47-56; AMarkus 14:43-50; AYohana 18:2-11)
47Na tsin rēn cɛɛt, kudyɛng banet wat ba ne. Wɛt azining ayɛt bafi imɛɛs wu kusɔk abe afaa me, fɛ́ ba ku yes aJudas, iwu fɛ́ a se ni i ka ba kɔk kashon. A di berem sak narɔ aYeso a shim a tsɛ a ku nye ashow isak anu#22:47 nye ashow isak anu: A kin yet ashow baYahuda ni izen e yɔng fɛ́ anet da a sak kanu nisek afidang.. 48Awɛt aYeso fɛ̀ ni wu, “AJudas, ngɔn shim irɛp Arim Anet ne ashow isak anu yɛ?”
49Ni izen fɛ́ bafi imɛɛs aYeso di ikyɛng fi i da te, ba fɛ̀ ni wu, “ATisa, ni in tɛm yit iba na àwal yit ɛ?” 50Azining ayɛt bá tɛmɛng kuto asam agbat àware, a tun kufi kubɔk iyak.
51Awɛt aYeso fɛ̀ ni ba, “Won in anɔng!” A yit kuto anet fɛ́ ba tɛmɛng e, a ku te kyang.
52Ama anɔng, aYeso fɛ̀ na agbat àware nɛ bakɔk-ashon banet itosok kutu iya Adakunom ntong nɛ bashɔn iwɔp, fɛ́ ba bɛ́ iyit wu, “Iyin bɛ́ yin, i bi i di yit in na áwal, na ashɛn, imi yet akɔk-ashon banet idoro nhwyɛ yɛ? 53Kaakyi kunom, imi se gung ni yin ni itu iya Adakunom ntong, vit akak in fɛ́ a di sak kubɔk ni mi a di tekap. Izen in yeng i yet iyeng, fi nhwyi na in tsin ya igwɔm.”
ABitrus nye nanan aYeso
(AMatiyu 26:57-58,69-75; AMarkus 14:53-54,66-72; AYohana 18:12-18,25-27)
54Ba samang aYeso, ba ku ta ashon, ba tseng ni wu sak ari agbat-agbat àware. ABitrus ka ba kuus mo ama yik-yik. 55Ni izen fɛ́ ba mi fɛɛp kurong atasa ari me, ba mi sonong narɔ kazining, aBitrus tsɛ sonong gung ni iba. 56Ni izen fɛ́ kanamang kakak fɛ́ ka ra kutomong ari me, di aBitrus ni sonong ni fam irong. Ka di sak ayisi ni wu, ka fɛ̀, “Anet yo, se gung ni iwu.”
57Awɛt aBitrus toone, a fɛ̀, “Agɔɔ! Imi ku rēn awo.”
58Ama kizen shit, anet akak tɛ a bɛ́ a ku di, a fɛ̀, “Ngɔn yet azining ayɛt bá bà.”
ABitrus fɛ̀ ni wu, “Arɔɔ! Imi di se awo.”
59Ama igyip izining, anet akak tɛ bɛ́ a fɛ̀, “Vit nanan, anet yong kin se gung ni iba, nek a yet anet aGalili.”
60Awɛt aBitrus tɛ a bun ni ifɛ̀, “Arɔɔ! Imi rēn ikyɛng fi ngɔn di cɛɛt naton e awo!” Kpaf ni wu tsin rēn cɛɛt, atsanyon wat a kpa itɛp. 61AYeso tirik, a di sak ayisi na aBitrus. ABitrus wat a yiring ikyɛng fɛ́ aTisa kin fɛ̀ ni wu: “Dang atsanyon na a tɛp atut, ngɔn da nye nanan hom ite kataat.” 62ABitrus wuruk amatse, a tsɛ a tos na agap.
Banet itosok arɔ mas aYeso
(AMatiyu 26:59-66; AMarkus 14:55-64; AYohana 18:19-24)
63Banet fɛ́ ba se ni itot aYeso, kpa ku mas, na ba ku tsot. 64Ba ku faam ayisi, na ba nye ni wu, “Tak ibes anet fɛ́ a da rus!” 65Ba ku ras aduk itok makiyi.
Ba tsin ra aYeso ishɔt na azumung baYahuda
(AMatiyu 26:59-66; AMarkus 14:55-64; AYohana 18:19-24)
66Ni izen fɛ́ kadiding nye, kazumung bashɔn iwɔp, agbat àware nɛ bafi itees ntsi aMusa, ba nyim narɔ kazining, ba sok aYeso sak ashon bá. 67Ba fɛ̀ ni wu, “Ki ngɔn wu i yet Anet-Isheshek e, ki tak yit.”
AYeso ka ba bun ni ifɛ̀, “Ki imi ki tak in, i da nɔk in atsak ni imi awo, 68ki in ki nye yin irip, i da fɛ́ yin ikyikak awo. 69Awɛt nkum yɔkɔnɔng sak ashon, Arim Anet da sonong ni bɔk iyak Azɔk-Bazɔk Adakunom.”
70Ngma bá ba fɛ̀, “Ngɔn yet Arim Adakunom ɛ?” Iwu fɛ̀ ni ba, “Iyin mi fɛrɛng yin.”
71Ba tɛ ba fɛ̀, “Akyɛ kucɛɛt fi in ti in tsɛt yit ɛ? A mi fɛrɛng na kanu wu.”
നിലവിൽ തിരഞ്ഞെടുത്തിരിക്കുന്നു:
ALuka 22: IbaasNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.
ALuka 22
22
AYudas fɛ̀ ey iwu da rɛp aYeso
(AMatiyu 26:14-16; AMarkus 14:10-11)
1Fi izen Amok aKpam Vit aYiis fɛ́ ba yes ina, aPasova bɛ́ bakat, 2agbat àware, nɛ bafi itees ntsi aMusa, ba se ni itsɛt irèn fɛ́ ba di ki sok kutset aYeso, nek iba foos nnyim banet e.
3Nek anɔng, aShetan nɔ ayɛt aJudas fɛ́ ba ku yes a aIskariyoti, azining ayɛt bafi imɛɛs kusɔk abe afaa me. 4Wɛt aJudas wuruk sak narɔ agbat àware, nɛ bakɔk-ashon bafi itosok kutu iya Adakunom ntong, a tsɛ a tɔ ni iba irèn fɛ́ a da ka ba rɛp mo aYeso. 5Iba nye iyɛ ikan makiyi, ba fɛ̀ ba da ku nɔk itsɔm. 6AYudas fɛ̀ ey nɛ anɔng e, a kpa tsɛt irèn fɛ́ a da ka ba nabak mo aYeso, ni izen fɛ́ banet se vit.
AYeso sak na ba nye nayak amok
(AMatiyu 26:17-25; AMarkus 14:12-21; AYohana 13:21-30)
7Fi kunom Amok aKpam Vit aYiis e nye, kunom fɛ́ ba di ki tsɛɛt aturuk Amok aPasova. 8AYeso tom aBitrus nɛ aYohana, a fɛ̀ ni ba, “Tseng in, tsi ki nye yit nayak fi in da ya yit na Amok aPasova.”
9Ba ku rip yɛ, “Akɛ wu fi ngɔn shim in tsin di nye yit karɔ me yɛ?”
10A fɛ̀ ni ba, “Ni tsin nɔɔs in ayɛt iwɔp, i da nyim in nɛ anet fɛ́ a mi cet itsung ashi. Ku kuus in mo sak ari yɔng fɛ́ a di ki nɔ, 11fɛ̀ yin nɛ atekari me ane, ‘Anet itees e fɛ̀ in da rip yit: Kutu batsen e si kɛ? Fi in di ki ya nayak amok e nɛ bafi imɛɛs hom ɛ?’ 12Iwu da ki tonong yin kutu aton kuratek, fɛ́ ba mi gang izem iko. Ki nye yit kaakyi ikyɛng azɔng.”
13Ba tsɛ, ba sɛ kaakyi ikyɛng kpaf anɔng, ti iwu di fɛ̀ ni ba. Wɛt iba nye nayak amok e.
14Fi izen e nye, aYeso nɛ batom wu, ba bɛ̀ ba sonong narɔ iyak. 15Wɛt iwu fɛ̀ ni ba, “Neme in foos ikɔk iya nayak Amok Iyiring Ni Ishorosho Nasa aIsrela nang ni yin ninyɛn in da ni in sɔ izoot. 16Nek in tsin ki tak in, in bi ting ya ina awo, ma ba shining ifɛ̀ wu ni iGwɔm Adakunom.”
17Ama fɛ́ a sok kitsɛ̀n ashi me, a nɔɔk ifeng sak na Adakunom, a fɛ̀, “Shan in, kaba yin na ace yin. 18Nek in tsin ki tak in, in bi ting sɔ ashi anap nang awo, ma iGwɔm Adakunom bɛ́.”
19A sok akpam e, a nɔɔk ifeng sak na Adakunom, a bushung iwu, a sok a ka ba nɔɔk, a fɛ̀, “Kurɔm hom kang, fi in nɔɔk nek iyin; nye yin anɔng, ni di yiring yin ni imi.”
20Kpaf anɔng, ama kuyak e, a sok kitsɛ̀n ashi anap e, a fɛ̀, “Itsɛn ashi anap yeng yet kushi kufas, fɛ́ ba moon na nasok hom, fɛ́ ba da nosong nek iyin. 21Wɛt di yin! Kubɔk anet yɔng fɛ́ a di ki rɛp, kuyɔng gung ni imi na tsereng iyak. 22Arim Anet da tseng kpaf tɛ ba di jɛk, awɛt kawɛy se naton ayɔng fɛ́ a bi ku rɛp.” 23Ba kpa ka na risim, “Angan ayɛɛt yit fɛ́ a da nye ikyɛng e dɔng ɛ?”
24Ama anɔng, nanan dorok nate bafi imɛɛs wu, naton angan ayɛɛt bá fɛ́ ba sok awaat ni iratek ɛ. 25Wɛt aYeso fɛ̀ ni ba, “Bágwɔm bafi Ícɛn-iduk, tonoso banet kukyem bá, na bayɔng fi iba ya iratek naton bà, ba ka ba yes, ‘Batsɔn.’ 26Awɛt ifiin se kpaf anɔng awo. Ifiin se, anet fɛ́ a waat ni iratek na a sot tɛ a wosong, ayɔng fɛ́ a yet akɔk-ashon na a sot tɛ asam. 27Angan wu awaat ni iratek ɛ? Ayɔng fɛ́ a sonong a tsin yas a, kɛ ayɔng fɛ́ a tsin nesek nayak e yɛ? A yet ayɔng fɛ́ a sonong a tsin yas wu a waat. Di yin imi yong nate yin tɛ anet ikaba nayak. 28Iyin ba i se yin gung ni imi ni izen mgbang in. 29Kpaf kyɔn tɛ aDa hom di nɔɔk kukyem fi in ya iGwɔm, anɔng fi imi tsin ki nɔɔk in bà. 30Iyin bi ya yin, ni sɔ yin, narɔ iyak in, ni iGwɔm in, i bi sosok in na ata igwɔm, ni ras in izɔrɔk kusɔk abe afaa afi aIsrela ishɔt.”
AYeso tak ibes fok aBitrus bi ra nanan wu
(AMatiyu 26:31-35; AMarkus 14:27-31; AYohana 13:36-38)
31“ASiman, aSiman! Wees ato ni imi! AShetan mi tsɛt irèn imara yin, nɔng a da ki tsɛɛm yin tɛ ba di kam alikama nɛ ahwyɛ me. 32Awɛt imi ma da ra awon aSiman, nɔng inɔɔk atsak ngɔn da se gak. Ni izen fi ibɛ́s ngɔn, ni bang gbinding barunyining.”
33Awɛt aSiman Bitrus fɛ̀ ni wu, “ATisa, imi ma kana nye in da tseng gung ni ngɔn ari inyang, ke ayet iku, ni in ku yit ngma.”
34AYeso fɛ̀ ni wu, “Won in da tak aBitrus, dang atsanyon na a tɛp atut, ngɔn da ra nanan in ite kataat fok da ngɔn di rēn awo.”
35AYeso ma ka ba rip, “Ni izen fi in kin ki tom yin vit amala itsɔm, vit amala, vit akpatak, iyin kin bit in ikikak ɛ?” Ba fɛ̀ ni wu, “Awɛy.”
36A tɛ fɛ̀ ni ba, “Awɛt yɔkɔnɔng, ayɔng fɛ́ a bɛ̀ amala itsɔm na bereng, afɛ́ amala na bereng; ayɔng fɛ́ da a bɛ̀ awal awo, na a rɛp kukpin wu, na a di shan azining. 37I se ni ijɛk aFumung aJɛrɛ: ‘Ba kin ku fa na bafɛ́ anɛn.’ In tsin ki tak in, i se gbing-gbing ma ifɛ̀ dɔng shining naton hom.”
38Bafi imɛɛs e fɛ̀ ni wu, “ATisa, di! Áwal afaa na.” A fɛ̀ ni ba, “I kyem anɔng.”
AYeso ra awon ni Ihwyanang Ifat
(AMatiyu 26:36-46; AMarkus 14:32-42)
39 AYeso wuruk ni iwɔp e, sak ni Ihwyanang Ifat, kyɔn tɛ fɛ́ a mi di mɛɛ, wat bafi imɛɛs wu ku kuus mo. 40Ni izen fɛ́ ba tsɛ ba ta azɔng, a fɛ̀ ni ba, “Ra yin awon, kɔn i bi kpa yin ayɛt imara.” 41A kana kɔrɔk kyɛw ayɛt bá, bakat kuyikyik iworok kuta, a te nyɔk, a ra awon. 42“ADa, ki i shim, di sok kitsɛ̀n ashi izoot kang ashon in. Ngma nɛ anɔng, da kushim hom awo, won ikyɛng fi ngɔn shim ni isot.” 43Atomaza ne azanɛn sak narɔ wu, a ku barang mo agap. 44Nek mgbang fɛ́ a se ayɛt e, a di barang anyɛk ayɛt awon e, kutsin tisik ni rɔm wu sak aben tɛ ágbang nasok.
45Ni izen fɛ́ a dorok ni ira awon e, a tɛ bun a sɛ bafi imɛɛs wu, a ka ba sɛ ni nda, nek ibeseng iyɛ. 46A fɛ̀ ni iba, “Akyɛ sak i se yin ni nda yɛ? Dorok yin, ra yin awon kɔn i bi kpa yin ayɛt imara.”
Ba tekap aYeso
(AMatiyu 26:47-56; AMarkus 14:43-50; AYohana 18:2-11)
47Na tsin rēn cɛɛt, kudyɛng banet wat ba ne. Wɛt azining ayɛt bafi imɛɛs wu kusɔk abe afaa me, fɛ́ ba ku yes aJudas, iwu fɛ́ a se ni i ka ba kɔk kashon. A di berem sak narɔ aYeso a shim a tsɛ a ku nye ashow isak anu#22:47 nye ashow isak anu: A kin yet ashow baYahuda ni izen e yɔng fɛ́ anet da a sak kanu nisek afidang.. 48Awɛt aYeso fɛ̀ ni wu, “AJudas, ngɔn shim irɛp Arim Anet ne ashow isak anu yɛ?”
49Ni izen fɛ́ bafi imɛɛs aYeso di ikyɛng fi i da te, ba fɛ̀ ni wu, “ATisa, ni in tɛm yit iba na àwal yit ɛ?” 50Azining ayɛt bá tɛmɛng kuto asam agbat àware, a tun kufi kubɔk iyak.
51Awɛt aYeso fɛ̀ ni ba, “Won in anɔng!” A yit kuto anet fɛ́ ba tɛmɛng e, a ku te kyang.
52Ama anɔng, aYeso fɛ̀ na agbat àware nɛ bakɔk-ashon banet itosok kutu iya Adakunom ntong nɛ bashɔn iwɔp, fɛ́ ba bɛ́ iyit wu, “Iyin bɛ́ yin, i bi i di yit in na áwal, na ashɛn, imi yet akɔk-ashon banet idoro nhwyɛ yɛ? 53Kaakyi kunom, imi se gung ni yin ni itu iya Adakunom ntong, vit akak in fɛ́ a di sak kubɔk ni mi a di tekap. Izen in yeng i yet iyeng, fi nhwyi na in tsin ya igwɔm.”
ABitrus nye nanan aYeso
(AMatiyu 26:57-58,69-75; AMarkus 14:53-54,66-72; AYohana 18:12-18,25-27)
54Ba samang aYeso, ba ku ta ashon, ba tseng ni wu sak ari agbat-agbat àware. ABitrus ka ba kuus mo ama yik-yik. 55Ni izen fɛ́ ba mi fɛɛp kurong atasa ari me, ba mi sonong narɔ kazining, aBitrus tsɛ sonong gung ni iba. 56Ni izen fɛ́ kanamang kakak fɛ́ ka ra kutomong ari me, di aBitrus ni sonong ni fam irong. Ka di sak ayisi ni wu, ka fɛ̀, “Anet yo, se gung ni iwu.”
57Awɛt aBitrus toone, a fɛ̀, “Agɔɔ! Imi ku rēn awo.”
58Ama kizen shit, anet akak tɛ a bɛ́ a ku di, a fɛ̀, “Ngɔn yet azining ayɛt bá bà.”
ABitrus fɛ̀ ni wu, “Arɔɔ! Imi di se awo.”
59Ama igyip izining, anet akak tɛ bɛ́ a fɛ̀, “Vit nanan, anet yong kin se gung ni iba, nek a yet anet aGalili.”
60Awɛt aBitrus tɛ a bun ni ifɛ̀, “Arɔɔ! Imi rēn ikyɛng fi ngɔn di cɛɛt naton e awo!” Kpaf ni wu tsin rēn cɛɛt, atsanyon wat a kpa itɛp. 61AYeso tirik, a di sak ayisi na aBitrus. ABitrus wat a yiring ikyɛng fɛ́ aTisa kin fɛ̀ ni wu: “Dang atsanyon na a tɛp atut, ngɔn da nye nanan hom ite kataat.” 62ABitrus wuruk amatse, a tsɛ a tos na agap.
Banet itosok arɔ mas aYeso
(AMatiyu 26:59-66; AMarkus 14:55-64; AYohana 18:19-24)
63Banet fɛ́ ba se ni itot aYeso, kpa ku mas, na ba ku tsot. 64Ba ku faam ayisi, na ba nye ni wu, “Tak ibes anet fɛ́ a da rus!” 65Ba ku ras aduk itok makiyi.
Ba tsin ra aYeso ishɔt na azumung baYahuda
(AMatiyu 26:59-66; AMarkus 14:55-64; AYohana 18:19-24)
66Ni izen fɛ́ kadiding nye, kazumung bashɔn iwɔp, agbat àware nɛ bafi itees ntsi aMusa, ba nyim narɔ kazining, ba sok aYeso sak ashon bá. 67Ba fɛ̀ ni wu, “Ki ngɔn wu i yet Anet-Isheshek e, ki tak yit.”
AYeso ka ba bun ni ifɛ̀, “Ki imi ki tak in, i da nɔk in atsak ni imi awo, 68ki in ki nye yin irip, i da fɛ́ yin ikyikak awo. 69Awɛt nkum yɔkɔnɔng sak ashon, Arim Anet da sonong ni bɔk iyak Azɔk-Bazɔk Adakunom.”
70Ngma bá ba fɛ̀, “Ngɔn yet Arim Adakunom ɛ?” Iwu fɛ̀ ni ba, “Iyin mi fɛrɛng yin.”
71Ba tɛ ba fɛ̀, “Akyɛ kucɛɛt fi in ti in tsɛt yit ɛ? A mi fɛrɛng na kanu wu.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.