ALuka 24
24
Kukom aYeso ti kudorok
(AMatiyu 28:1-10; AMarkus 16:1-8; AYohana 20:1-10)
1Na abɔp adiding kunom imɛsɛng inyim nnom, banyining e, sok nkpe nkɔn ntek fɛ́ ba moon, ba tse ni irɛk e. 2Ba tsɛ ba sɛ ba mi bingiring kuta ikup e ni rɛk e, 3ni izen fɛ́ ba nɔ ayɛt e, ba sɛ vit kukom aTisa aYeso. 4Nɛ ba tsin rēn yiring ikyɛng fi ite, ni izen izining, ba wat ba di banet bafaa ayɛt ares akan fɛ́ a gyɛs ti mgbɛy izá, ba nyeseng bakat ni iba. 5Nek nnyim, banyining e kpa na ayisi aben, awɛt banet e fɛ̀ ni iba, “Akyɛ sak itsɛt yin anet atset ayɛt bafaben ɛ? 6Vit iwu azeng, a mi dorok! Yiring in ni ikyɛng fɛ́ a kin ki tak in, ni wu resek mo na aGalili: 7‘I se gbing-gbing ba bi nabak Arim Anet ni bɔk banet inɛn, ba bi ku tegak, ni kunom kufɛ́ ataat, ba bi tɛ ba ku donong.’ ” 8Banyining e wat ba yiring ni ifɛ̀ wu.
9Ni izen fɛ́ ba ne ni irɛk e, ba tsɛ ba tak bafi imɛɛs wu kusɔk abe azining e, ni ishɛrɛp bafi ikuus wu ikyɛng e. 10Banyining fɛ́ ba kin tak kucɛɛt e, kin yet: aMarya afɛ́ aMagadala, nɛ aJoana, nɛ aMarya nggɔ aYakubu, ni ishɛrɛp banyining fɛ́ ba kin se gung nɛ batom e. 11Awɛt bafi imɛɛs e, raba dang nɔɔk atsak ni kucɛɛt banyining e, nek kucɛɛt banyining e, ka ba se iba tɛ vit ice me. 12Awɛt aBitrus dorok ni itsi, sak ni rɛk e. A tsɛ a kumung, a di nkpin alinɛn na kɔn na, a tseng, na woso yiring ikyɛng fi ite.
Ni irèn sak na aMawus
(AMarkus 16:12-13)
13Atuk e yɔng, bafi ikuus aYeso bafaa kin se ni kutseet sak naban wɔp fɛ́ ba yes ika aMawus, kutseet atak ine azɔng sak na aRushelima se agyip afaa#24:13 kutseet atak ine azɔng sak na aRushelima se agyip afaa: Ku se akilo kusɔk abe afaa sak na aRushelima.. 14Ba se ni kucɛɛt wɔɔn ba naton ngma ikyɛng fi ite. 15Fɛ́ ba se ni kucɛɛt, aYeso ban serek bakat ni iba, a kpa tseng gung ni iba; 16awɛt ba ka ba dɔn ba kyem ba rēn fok aYeso yɔng awo.
17AYeso ka ba rip, yɛ, “Akyɛ fi i tseng, ni cɛɛt yin wɔɔn yin ɛ?”
Ba wat ba nyeseng ting, ayisi ba shesheng na kafa kawe. 18Azining ayɛt bá, fi iyerek wu yet aKeleyopas, ku rip, yɛ, “Ngɔn azingɔn fi i yet atsen ne aRushelima, fi da i rēn nkyɔrɔk fi in te azɔng ni nkɔs nang awɛ?”
19AYeso ka ba rip, yɛ, “Akyɛ de fi ite azɔng ɛ?”
Ba fɛ̀ ni wu, “Naton aYeso anet aNazaret, fɛ́ a yet atan, fi ifɛ̀ wu, ni kutomong wu, yet kufɛ́ agap makiyi ashon Adakunom, na banet ngma kusum. 20Agbat-áware, nɛ bakɔk-ashon yit, ku nabak nɔng ba ku tsɛɛt ishɔt iku, ba ku tegak; 21ngma nɛ anɔng, iyit kin bɛ̀ yit ite iyɛ fok iwu fɛ́ a da sheshek banet aIsrela. Ifi igang e yet, kunom kufɛ́ ataat kang atut neme fi ikyɛng deng te. 22Ama anɔng, banyining bakak ayɛt yit, ki te yit kpɔrɔk. Ba ne ni irɛk e bop na adiding atut, 23awɛt ba tsɛ ba bit kukom e. Ba tɛ ba bun, ba bɛ́ ba ki tak yit fok, ba ka ba tarak ayisi, ba di batomaza, fɛ́ ba fɛ̀ ni ba fok a sɛ ni kutset. 24Ama anɔng, bakak ayɛt yit, tse ni irɛk e, ba tse ba sɛ iko kpaf tɛ banyining e di fɛ̀, da ba ku di awo.”
25AYeso fɛ̀ ni ba, “Akyɛ sak i yet yin ishɔp anɔng ɛ, akyɛ sak i se yin yɔnɔng ni inɔɔk atsak ni ikyɛng fɛ́ batan ki mang fɛ̀ yɛ? 26Iyin rēn in fok i se gbing-gbing Anet-Isheshek e, na a sɔ kuri izot e dɔng, a bi nɛ a nɔ ayɛt ízɔk wu awɛ?” 27AYeso kpa ka ba tonoso ikyɛng fɛ́ batan ki mang jɛk naton wu, a tumung e nkum ne aMusa, sak ni ishɛrɛp batan Adakunom.
28Ni izen fɛ́ ba bɛ́ bakat na kaban wɔp fɛ́ ba shim ba di tse me, aYeso te tɛ a shim a da tatɔk. 29Awɛt iba di ban ni wu fok, “Sot ni iyit, nek kahwyɛ ngmash; kunom e yɔng ku bɛ́ bakat inɔ.” Nek anɔng, a ka ba kuus mo.
30Ni izen fɛ́ a se ni iyas gung ni iba, a sok akpam, a di ra awon naton e, a kpa bushung e, na ka ba nesek. 31Ni izen e yɔng, fɛ́ ayisi ba wat a tarak, ba ma rēn fok iwu yɔng, a te bit narɔ ba. 32Ba kpa risim ace bá yɛ, “Iyit foos yit ni irɔm yit ni izen fɛ́ a se ni icɛɛt ni yit ni irèn, fɛ́ a ki tarak yit ayisi ni ifɛ̀ aFumung aJɛrɛ awɛ?”
33Ba dorok, ziri ziri ba tɛ ba bun sak nɛ aRushelima. Ba tsɛ ba sɛ bafi imɛɛs wu kusɔk abe azining e azɔng, ba mi ka na tusung narɔ kazining, 34ba fɛ̀ ni ba, “I yet atsak! ATisa mi dorok, a mi tonong ice wu sak na aSiman.” 35Ama anɔng, banet bafaa me tak ikyɛng fi ite ni iba ni irèn, ba nɛ ba ku rēn ama fɛ́ a mi ka ba bushung akpam.
AYeso tonong ice wu sak na bafi imɛɛs wu
(AMatiyu 28:16-20; AMarkus 16:14-18; AYohana 20:19-23; Ntomong Batom 1:6-8)
36Nɛ ba rēn se ni kucɛɛt naton nkyɔrɔk nang, aYeso bɛ́ a nyeseng nate ba, a fɛ̀ ni ba, “Kusonong kukyang ni ku se ni yin.”
37Ba wat ba te lot, nnyim ka ba yit, ba wat ba sok fok ba mi di afaben. 38Wɛt aYeso fɛ̀ ni ba, “Akyɛ sak i te yin beke yɛ? Akyɛ sak fɛ́ nasok ki kpas in na ayɛ yɛ? 39Di yin átas mbɔk in, na atak in. A yet imi ice min wu! Bɛ́ di bamang yin, da di yin; afaben bɛ́ kurɔm nɛ akup irɔm ti imi awo.”
40Ama fɛ́ a fɛrɛng anɔng, a ka ba tonoso mbɔk wu, na atak wu. 41Ngma bà ba kyem ba nɔɔk atsak awo, nek ifeng, na ayɔɔt, a ka ba rip, yɛ, “I bɛ̀ yin ikyɛng iya azeng ɛ?” 42Ba ku nɔk icɛk ìzos fɛ́ ba mi shosh, 43a shan iye, a ya iye na ayisi ba.
44A fɛ̀ ni ba, “Ikyɛng deng fi in man ki tak yin ni imi rēn se ni iyin: Ngma nkyɔrɔk fɛ́ ba kin jɛk naton hom ni ijɛk ntsi aMusa, nɛ afɛ́ batan, nɛ abom, da shining.”
45A ban ka ba tarak ayɛ nɔng ba di ki rēn ifɛ̀ aFumung aJɛrɛ. 46A fɛ̀ ni ba, “Ikyɛng de fɛ́ ba kin jɛk: Anet-Isheshek bi sɔ izoot, a bi tɛ a dorok ni kunom kufɛ́ ataat, 47ba bi shara ifɛ̀ fi i bi sak itirik ni iwosong anɛn sak ishan Adakunom, ni ifuut anɛn, ba bi nye ni iyerek wu, na kaakyɛ mben azatse, ba bi tumung ni aRushelima. 48Iyin yet yin banet anu icɛɛt naton nkyɔrɔk nang. 49Imi da ki tom in ikyɛng fɛ́ aDa hom kin fɛ̀ a da nye, sot in ayɛt iwɔp ninyɛn ma ba ki te yin kukyem fi ku ne azanɛn.”
Ba sok aYeso sak azanɛn
(AMarkus 16:19-20; Ntomong Batom 1:9-11)
50Ama anɔng, aYeso wuruk ama iwɔp, sak ayisi aBetani, a sok mbɔk wu, a ka ba te mo awɛng. 51Na tsin ka ba te awɛng, a ka ba wosong, ba ku sok sak azanɛn. 52Ba ma ku ya ntong, ba bun sak ni aRushelima ni iyɛ ikan makiyi. 53Ba ya kashon ni kusot ni itu iya Adakunom ntong, na ba tere Adakunom.
നിലവിൽ തിരഞ്ഞെടുത്തിരിക്കുന്നു:
ALuka 24: IbaasNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.
ALuka 24
24
Kukom aYeso ti kudorok
(AMatiyu 28:1-10; AMarkus 16:1-8; AYohana 20:1-10)
1Na abɔp adiding kunom imɛsɛng inyim nnom, banyining e, sok nkpe nkɔn ntek fɛ́ ba moon, ba tse ni irɛk e. 2Ba tsɛ ba sɛ ba mi bingiring kuta ikup e ni rɛk e, 3ni izen fɛ́ ba nɔ ayɛt e, ba sɛ vit kukom aTisa aYeso. 4Nɛ ba tsin rēn yiring ikyɛng fi ite, ni izen izining, ba wat ba di banet bafaa ayɛt ares akan fɛ́ a gyɛs ti mgbɛy izá, ba nyeseng bakat ni iba. 5Nek nnyim, banyining e kpa na ayisi aben, awɛt banet e fɛ̀ ni iba, “Akyɛ sak itsɛt yin anet atset ayɛt bafaben ɛ? 6Vit iwu azeng, a mi dorok! Yiring in ni ikyɛng fɛ́ a kin ki tak in, ni wu resek mo na aGalili: 7‘I se gbing-gbing ba bi nabak Arim Anet ni bɔk banet inɛn, ba bi ku tegak, ni kunom kufɛ́ ataat, ba bi tɛ ba ku donong.’ ” 8Banyining e wat ba yiring ni ifɛ̀ wu.
9Ni izen fɛ́ ba ne ni irɛk e, ba tsɛ ba tak bafi imɛɛs wu kusɔk abe azining e, ni ishɛrɛp bafi ikuus wu ikyɛng e. 10Banyining fɛ́ ba kin tak kucɛɛt e, kin yet: aMarya afɛ́ aMagadala, nɛ aJoana, nɛ aMarya nggɔ aYakubu, ni ishɛrɛp banyining fɛ́ ba kin se gung nɛ batom e. 11Awɛt bafi imɛɛs e, raba dang nɔɔk atsak ni kucɛɛt banyining e, nek kucɛɛt banyining e, ka ba se iba tɛ vit ice me. 12Awɛt aBitrus dorok ni itsi, sak ni rɛk e. A tsɛ a kumung, a di nkpin alinɛn na kɔn na, a tseng, na woso yiring ikyɛng fi ite.
Ni irèn sak na aMawus
(AMarkus 16:12-13)
13Atuk e yɔng, bafi ikuus aYeso bafaa kin se ni kutseet sak naban wɔp fɛ́ ba yes ika aMawus, kutseet atak ine azɔng sak na aRushelima se agyip afaa#24:13 kutseet atak ine azɔng sak na aRushelima se agyip afaa: Ku se akilo kusɔk abe afaa sak na aRushelima.. 14Ba se ni kucɛɛt wɔɔn ba naton ngma ikyɛng fi ite. 15Fɛ́ ba se ni kucɛɛt, aYeso ban serek bakat ni iba, a kpa tseng gung ni iba; 16awɛt ba ka ba dɔn ba kyem ba rēn fok aYeso yɔng awo.
17AYeso ka ba rip, yɛ, “Akyɛ fi i tseng, ni cɛɛt yin wɔɔn yin ɛ?”
Ba wat ba nyeseng ting, ayisi ba shesheng na kafa kawe. 18Azining ayɛt bá, fi iyerek wu yet aKeleyopas, ku rip, yɛ, “Ngɔn azingɔn fi i yet atsen ne aRushelima, fi da i rēn nkyɔrɔk fi in te azɔng ni nkɔs nang awɛ?”
19AYeso ka ba rip, yɛ, “Akyɛ de fi ite azɔng ɛ?”
Ba fɛ̀ ni wu, “Naton aYeso anet aNazaret, fɛ́ a yet atan, fi ifɛ̀ wu, ni kutomong wu, yet kufɛ́ agap makiyi ashon Adakunom, na banet ngma kusum. 20Agbat-áware, nɛ bakɔk-ashon yit, ku nabak nɔng ba ku tsɛɛt ishɔt iku, ba ku tegak; 21ngma nɛ anɔng, iyit kin bɛ̀ yit ite iyɛ fok iwu fɛ́ a da sheshek banet aIsrela. Ifi igang e yet, kunom kufɛ́ ataat kang atut neme fi ikyɛng deng te. 22Ama anɔng, banyining bakak ayɛt yit, ki te yit kpɔrɔk. Ba ne ni irɛk e bop na adiding atut, 23awɛt ba tsɛ ba bit kukom e. Ba tɛ ba bun, ba bɛ́ ba ki tak yit fok, ba ka ba tarak ayisi, ba di batomaza, fɛ́ ba fɛ̀ ni ba fok a sɛ ni kutset. 24Ama anɔng, bakak ayɛt yit, tse ni irɛk e, ba tse ba sɛ iko kpaf tɛ banyining e di fɛ̀, da ba ku di awo.”
25AYeso fɛ̀ ni ba, “Akyɛ sak i yet yin ishɔp anɔng ɛ, akyɛ sak i se yin yɔnɔng ni inɔɔk atsak ni ikyɛng fɛ́ batan ki mang fɛ̀ yɛ? 26Iyin rēn in fok i se gbing-gbing Anet-Isheshek e, na a sɔ kuri izot e dɔng, a bi nɛ a nɔ ayɛt ízɔk wu awɛ?” 27AYeso kpa ka ba tonoso ikyɛng fɛ́ batan ki mang jɛk naton wu, a tumung e nkum ne aMusa, sak ni ishɛrɛp batan Adakunom.
28Ni izen fɛ́ ba bɛ́ bakat na kaban wɔp fɛ́ ba shim ba di tse me, aYeso te tɛ a shim a da tatɔk. 29Awɛt iba di ban ni wu fok, “Sot ni iyit, nek kahwyɛ ngmash; kunom e yɔng ku bɛ́ bakat inɔ.” Nek anɔng, a ka ba kuus mo.
30Ni izen fɛ́ a se ni iyas gung ni iba, a sok akpam, a di ra awon naton e, a kpa bushung e, na ka ba nesek. 31Ni izen e yɔng, fɛ́ ayisi ba wat a tarak, ba ma rēn fok iwu yɔng, a te bit narɔ ba. 32Ba kpa risim ace bá yɛ, “Iyit foos yit ni irɔm yit ni izen fɛ́ a se ni icɛɛt ni yit ni irèn, fɛ́ a ki tarak yit ayisi ni ifɛ̀ aFumung aJɛrɛ awɛ?”
33Ba dorok, ziri ziri ba tɛ ba bun sak nɛ aRushelima. Ba tsɛ ba sɛ bafi imɛɛs wu kusɔk abe azining e azɔng, ba mi ka na tusung narɔ kazining, 34ba fɛ̀ ni ba, “I yet atsak! ATisa mi dorok, a mi tonong ice wu sak na aSiman.” 35Ama anɔng, banet bafaa me tak ikyɛng fi ite ni iba ni irèn, ba nɛ ba ku rēn ama fɛ́ a mi ka ba bushung akpam.
AYeso tonong ice wu sak na bafi imɛɛs wu
(AMatiyu 28:16-20; AMarkus 16:14-18; AYohana 20:19-23; Ntomong Batom 1:6-8)
36Nɛ ba rēn se ni kucɛɛt naton nkyɔrɔk nang, aYeso bɛ́ a nyeseng nate ba, a fɛ̀ ni ba, “Kusonong kukyang ni ku se ni yin.”
37Ba wat ba te lot, nnyim ka ba yit, ba wat ba sok fok ba mi di afaben. 38Wɛt aYeso fɛ̀ ni ba, “Akyɛ sak i te yin beke yɛ? Akyɛ sak fɛ́ nasok ki kpas in na ayɛ yɛ? 39Di yin átas mbɔk in, na atak in. A yet imi ice min wu! Bɛ́ di bamang yin, da di yin; afaben bɛ́ kurɔm nɛ akup irɔm ti imi awo.”
40Ama fɛ́ a fɛrɛng anɔng, a ka ba tonoso mbɔk wu, na atak wu. 41Ngma bà ba kyem ba nɔɔk atsak awo, nek ifeng, na ayɔɔt, a ka ba rip, yɛ, “I bɛ̀ yin ikyɛng iya azeng ɛ?” 42Ba ku nɔk icɛk ìzos fɛ́ ba mi shosh, 43a shan iye, a ya iye na ayisi ba.
44A fɛ̀ ni ba, “Ikyɛng deng fi in man ki tak yin ni imi rēn se ni iyin: Ngma nkyɔrɔk fɛ́ ba kin jɛk naton hom ni ijɛk ntsi aMusa, nɛ afɛ́ batan, nɛ abom, da shining.”
45A ban ka ba tarak ayɛ nɔng ba di ki rēn ifɛ̀ aFumung aJɛrɛ. 46A fɛ̀ ni ba, “Ikyɛng de fɛ́ ba kin jɛk: Anet-Isheshek bi sɔ izoot, a bi tɛ a dorok ni kunom kufɛ́ ataat, 47ba bi shara ifɛ̀ fi i bi sak itirik ni iwosong anɛn sak ishan Adakunom, ni ifuut anɛn, ba bi nye ni iyerek wu, na kaakyɛ mben azatse, ba bi tumung ni aRushelima. 48Iyin yet yin banet anu icɛɛt naton nkyɔrɔk nang. 49Imi da ki tom in ikyɛng fɛ́ aDa hom kin fɛ̀ a da nye, sot in ayɛt iwɔp ninyɛn ma ba ki te yin kukyem fi ku ne azanɛn.”
Ba sok aYeso sak azanɛn
(AMarkus 16:19-20; Ntomong Batom 1:9-11)
50Ama anɔng, aYeso wuruk ama iwɔp, sak ayisi aBetani, a sok mbɔk wu, a ka ba te mo awɛng. 51Na tsin ka ba te awɛng, a ka ba wosong, ba ku sok sak azanɛn. 52Ba ma ku ya ntong, ba bun sak ni aRushelima ni iyɛ ikan makiyi. 53Ba ya kashon ni kusot ni itu iya Adakunom ntong, na ba tere Adakunom.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.