ALuka 12
12
Ikɔrɔk kuto naton nggɔn nanu nafa
(AMatiyu 10:26-27)
1Ni izen e yɔng, ni kudyɛng banet mi ka na tusung, wat banet teng ba ka na shesh, aYeso kpa cɛɛt na bafi imɛɛs wu yɛ, “Nyeseng yin atsitse ni rayin ayiis BaFarasi, fɛ́ a yet nanu nafifa. 2Vit ikyɛng fi i se ni faam, fɛ́ ba bi won dang tarak ide, kɛ idɔng fi i se ni nɛt, fɛ́ ba bi won dang rēn ide. 3Nek anɔng, kaakye fi imang cɛɛt yin ayɛt ahwyi, ba bi fok ide ni iranom, idɔng fi imang cɛɛt yin kyuk-kyuk ayɛt imyɛ, ba bi tak gbɛrɛy ni ihwyanang.
4“Won in ki tak yin bafidang in, i bi fok yin nnyim bayɔng fɛ́ ba fɛɛs kurɔm, ama anɔng, vit iba ni ikikak fɛ́ ba da tɛ ba nye fi igot idɔng awo. 5Won in ki tonong yin ayɔng fi i da fok yin nnyim wu: fok yin nnyim ayɔng fɛ́ ama fɛ́ a fɛt kurɔm, a tɛ a bi ice na a ki barak yin ayɛt ari irong. Ey, ayɔng wu i se kpaf ni i fok yin nnyim wu. 6Ba res abɔp atoon na abɔk afaa awɛ? Ngma nɛ anɔng, Adakunom te burum na azining ayɛt na awo. 7Atsak e yet fok, a rēn kudot akwey ice yin. Nek anɔng, i bi fok yin nnyim awo. Iyin waat yin abɔp dot ni iratek.
8“In tsin ban ki tak yin, kaangan yɔng fɛ́ a tonong wɛshɛk ashon banet fok iwu yet anaan, Arim Anet bi ku tonong ashon batomaza Adakunom. 9Awɛt ayɔng fɛ́ a nye nanan in ashon banet, imi bi nye nanan wu ashon batomaza Adakunom. 10Ngma ayɔng fɛ́ a nye kucɛɛt ibyɛs naton Arim Anet, ba da kyem ba ku fuut inɛn wu, awɛt ngma ayɔng fɛ́ a beseng iyerek Kabik aJɛrɛ, ba da kyem ba ku fuut inɛn wu awo.
11“Izen fɛ́ ba tse ni yin ashon bakɔk-ashon narɔ inyis baYahuda, kɛ bágwɔm mben ayi, kɛ ashon bayɔng fɛ́ ba bi ice me, nek ba ki ra yin ishɔt, i bi daam yin fok yɛ anɛ fi i da tun yin ice yin ɛ, kɛ akyɛ fi i da fɛ̀ yin ɛ awo, 12nek Kabik aJɛrɛ bi ki tees yin kpaf ni izen e yɔng, ikyɛng fi i bi fɛ̀ yin.”
Igorok icɛɛt naton kushɔp kunet itsɔm kukak
13Anet akak ayɛt kudyɛng banet fɛ̀ ni wu, “Anet itees, fɛ̀ na aruneng, na a ki kaba yit kurúm fɛ́ ada yit ku, a ki won yit e, gung ni imi.”
14AYeso fɛ̀ ni wu, “Arɔɔ! Angan di sak ni in sot anet ishɔt kɛ anet ikabasa kurúm yin ɛ?” 15A ma tɛ fɛ̀ ni ba, “Nye yɛɛt yin! Nyeseng yin atsitse, ni rayin kaakyɛ kuri kuhwye; nek kutset anet se na dot ikyɛng fɛ́ a bɛ̀ awo.”
16A ka ba nye igorok icɛɛt yɛ, “Arum akak kin bɛ̀ ikɔ fi i nye kuyak makiyi. 17A kpa kuyiring yɛ, ‘Akyɛ fi in da nye ɛ? Vit imi na karɔ fi in di ki sak kuyak in.’
18“A ma fɛ̀ ni ice wu, ‘Ikyɛng de fi in da nye. In da fo imyɛ hom deng, in da nok iratek, in di ki saas nayak hom ni nkyɔrɔk hom ayɛt e. 19In da fɛ̀ ni ice hom, “Ngɔn mi sɛ nkyɔrɔk ntek shɛrɛk fi in da ka sok ayɛ dot. Sonong da fɔɔn akɔn ngɔn, i da ya, ni sɔ, ni fok nta ngɔn.” ’
20“Awɛt Adakunom fɛ̀ ni wu, ‘Ngɔn kushɔp kukak! Natuk kang fɛ́ ba da tsɛt kutset ngɔn ni ngɔn. Wat ngma ikyɛng fi i mi tusung da sot ifɛ́ angan kong ɛ?’ ”
21“Idɔng i bi se kpaf anɔng nɛ akaangan fɛ́ a tusung ice wu kurúm azeng azatse, awɛt vit iwu ni kurúm ashon Adakunom.”
I bi fok yin nnyim awo
(AMatiyu 6:25-34)
22AYeso ma fɛ̀ na bafi imɛɛs wu, “Nek anɔng, imi fɛ̀ ni yin, i bi daam yin naton kutset yin awo, naton ikyɛng fi i da ya yin, ke naton ares fi i da te yin ni irɔm awo. 23Nek kutset waat nayak, kurɔm waat ares ite. 24Di yin áhwaak; da a tuus awo, da a tusung awo, vit ina ni imyɛ ke kutu isaas nkyɔrɔk ayi, ngma nɛ anɔng, Adakunom ka ba nesek kuyak iya. Ba da kyem ba mara iratek kutset anet ni ku fɛ́ nanon ɛ? 25Angan ayɛt yin nek kudaam fɛ́ a bɛ̀, fɛ́ a da kyem a di barang agyip azining naton kutset wu yɛ? 26In ki i da kyem i nye yin ikyɛng ibaane ti idɔng awo, akyɛ sak fi idaam yin ice yin naton ishɛrɛp e yɛ?
27“Di yin fɛ́ ashoy ayit di rasak, a ra kutomong ikikak awo, a toos nkpin awo, ngma nɛ anɔng, in ki tak yin, agwɔm aSolomon ngma ni ízɔk fɛ́ a bɛ̀, a kin kyem a zem ice wu ti ina awo. 28Kɛ anɔng wu fɛ́ Adakunom kin zem agam ayit, fɛ́ a bɛ̀ kutset atut, akatson ina ni rong, a da ki te yin ares fɛ́ awaat afuu na awɛ? Ka! Iyin bafi inɔɔk atsak agyeet! 29I bi raas yin naton ikyɛng fi i da ya yin awo, ni idɔng fi i da sɔ yin awo. I bi te yin kudaam naton e awo. 30Nek banet nhwyi ba ba woso tsɛsɛk nkyɔrɔk yɔng, Ada yin rēn fok i shim yin ide. 31Tun tsɛt yin igwɔm Adakunom ninyen, nɔng ba da ki barang yin mo nkyɔrɔk e nang bà.
32“I bi fok yin nnyim awo nabin ítsamang, nek Ada yin bi ifeng na a ki nɔɔk yin igwɔm e. 33Rɛs yin ngma ikyɛng fi i bɛ̀ yin, nɔng i da nɔɔk yin bakan itsɔm e. Sak yin ace yin alabak fɛ́ da akop awo, kurúm azanɛn fɛ da ku beseng awo, karɔ fɛ akpatang tse bakat azɔng awo, fi ize da kyem ibeseng iko awo, 34Nek karɔ fi kurúm ngɔn di se, azɔng fi iyɛ ngɔn di se.
Basam fɛ́ ba se vit karut
35“Rosom yin itang yin gak nek kutomong, won agaramun yin na ya gbɛy, 36tɛ basam fɛ́ ba tsin tot kubɛ́ atekari bá fɛ́ a ne narɔ kuweneng, nek izen fɛ́ a bɛ́ a rus katitu, ba da wat ku tarak e. 37I da se yɛɛt na basam yɔng fɛ́ atekari bá bɛ́s wu, a ka ba sɛ da ba mi men nda awo. In ki tak yin atsak, atekari me, da tun kugbat ikpin wu, na ka ba sak na ba sosok, na ka ba kaba nayak ice wu. 38I da se yɛɛt na basam e yɔng fɛ́ atekari bá bɛ́, a ka ba sɛ na ba tsin ku tot, ke na a bɛ́s wu nate atuk a, ke ni sɛng atson ayi. 39Awɛt fok yin ide, kɛ atekari fɛ́ a rēn akpaf izen fɛ́ akpatang di ki bɛ́ ari wu, ke a kyem a ku won na a ku nɔ ari awo. 40I se yɛɛt, iyin ni kana nye yin gyam nek Arim Anet bi bɛ́ ayɛt izen fi iyin di te yin iyɛ awo.”
41ABitrus ku rip yɛ, “ATisa, ngɔn tsin nye igorok icɛɛt yeng sak ni yit a, ke sak na banet kusum ɛ?”
42AYeso ku bun ni ifɛ̀, “Angan wu fɛ́ a yet atsitsak, atsitsɛng asam me yɔng ɛ? Ke da ayɔng fɛ́ atekari wu ku te na a kuyɛrɛ basam wu awɛ, na a ka ba nesek itsɔm iyak bá na kpaf izen awɛ 43I da se yɛɛt sak na asam e yɔng, fɛ́ atekari wu, bɛ́ a ku sɛ na tsin nye kpaf anɔng. 44Atsak fi in tsin ki tak yin, atekari me, da sak asam me yɔng, na a sot anet iyɛrɛ kurúm wu ngma. 45Awɛt kɛ asam e fɛ̀ ayet iyɛ wu yɛ, ‘Atekari hom tsɛ sha wu ku bɛ́,’ na kpa tsosok nshɛrɛp basam e, batek nɛ banyining, a kpa ya na sɔ, ma a feng. 46Wat na atekari asam e yɔng, nɛ na ne atuk kak fi da iwu di te iyɛ awo, ni izen fi da iwu rēn awo. Atekari wu da ku te nate, na ku moon na bafɛ́ vit inɔɔk atsak.
47“Asam yɔng fɛ́ a rēn kushim atekari wu, na rawu dang nye iko, ke na nye ikyɛng ikak zɛɛt ayi, a da sɔ itsot makiyi. 48Awɛt asam yɔng fɛ́ da a rēn kushim atekari wu awo, fɛ́ nye ikyɛng fi i kyem ba ku tsot, ba da ku tsot geget. Ngma ayɔng fɛ́ ba ku nɔk ikyɛng idot, ba bi tsɛt ikyɛng idot ni bɔk wu, ngma ayɔng fɛ́ ba ku nɔɔk ikyɛng idot makiyi, ba bi tsɛt ikyɛng idot makiyi ni bɔk wu.
AYeso bɛ́ ni ikaba
(AMatiyu 10:34-36)
49“Imi bɛ́ nek itup kurong azatse; a di se ki in mi ta iko! 50Awɛt abatisma di se fɛ́ ba di ki ra ne, a di se ni iyɛ ke ba mi di gang iwu! 51Iyin di yin ti imi bɛ́ nek kazatse di sɛ kusonong kukyang ɛ? Awɛy yo, won in ki tak yin, imi bɛ́ nɔng ba bin ka na kaba ningya. 52Azeng sak ashon, kari fɛ́ ka bɛ̀ banet batoon, ba bi kana kaba; bataat bi raba bafaa, na bafaa raba bataat e bà. 53Ada bi rawu ari wu, ari me bi rawu atek, nggɔ bi rawu angas, angas bi rawu anyining, anekop bi rawu akugon, akugon bi rawu anekop bà.”
Kuyɛrɛ kutsik naton izen
(AMatiyu 16:2-3)
54AYeso tɛ a fɛ̀ ni kudyɛng banet e, “Ni izen fi i di yin anɔk abace, ni wat fɛ̀ yin, ‘Iza yeng i wuruk,’ ni iza me rɔbɔk. 55Izen fi kuwun kpa nes abatin, ni fɛ̀ yin, ‘Ba da nye afɔɔ,’ ni ite kpaf anɔng. 56Ánet nanu nafifa! I rēn yɛrɛ yin ni tonoso yin kazatse nɛ kaza, ngma nɛ anɔng, ni kuyɛrɛ kutsik kufi nnu nang ki gaat yin.
57“Akyɛ ki ro yin ni ikaba ishɔt naton ikyɛng fi iyet itek ice yin ɛ? 58Ki ishɔt da moon na akak, a shim a tsɛ a te kukun ngɔn ni itu ishɔt, di te pang ni wu fok ni inosong yin ashi, ni wu resek mo dang na a tsɛ a ta azɔng. Kɛ da anɔng awo, a da ka nabak sak na agwɔm ishɔt, na agwɔm ishɔt da sok na da nabak ni bɔk nggon ishɛn, ni nggon ishɛn tsɛ ka da barak ari inyang. 59Won in da tak, i da kyem i wuruk azɔng awo, ma itarang ngma itsarang ikyɛng fɛ́ a da bɔ ne.”
നിലവിൽ തിരഞ്ഞെടുത്തിരിക്കുന്നു:
ALuka 12: IbaasNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.
ALuka 12
12
Ikɔrɔk kuto naton nggɔn nanu nafa
(AMatiyu 10:26-27)
1Ni izen e yɔng, ni kudyɛng banet mi ka na tusung, wat banet teng ba ka na shesh, aYeso kpa cɛɛt na bafi imɛɛs wu yɛ, “Nyeseng yin atsitse ni rayin ayiis BaFarasi, fɛ́ a yet nanu nafifa. 2Vit ikyɛng fi i se ni faam, fɛ́ ba bi won dang tarak ide, kɛ idɔng fi i se ni nɛt, fɛ́ ba bi won dang rēn ide. 3Nek anɔng, kaakye fi imang cɛɛt yin ayɛt ahwyi, ba bi fok ide ni iranom, idɔng fi imang cɛɛt yin kyuk-kyuk ayɛt imyɛ, ba bi tak gbɛrɛy ni ihwyanang.
4“Won in ki tak yin bafidang in, i bi fok yin nnyim bayɔng fɛ́ ba fɛɛs kurɔm, ama anɔng, vit iba ni ikikak fɛ́ ba da tɛ ba nye fi igot idɔng awo. 5Won in ki tonong yin ayɔng fi i da fok yin nnyim wu: fok yin nnyim ayɔng fɛ́ ama fɛ́ a fɛt kurɔm, a tɛ a bi ice na a ki barak yin ayɛt ari irong. Ey, ayɔng wu i se kpaf ni i fok yin nnyim wu. 6Ba res abɔp atoon na abɔk afaa awɛ? Ngma nɛ anɔng, Adakunom te burum na azining ayɛt na awo. 7Atsak e yet fok, a rēn kudot akwey ice yin. Nek anɔng, i bi fok yin nnyim awo. Iyin waat yin abɔp dot ni iratek.
8“In tsin ban ki tak yin, kaangan yɔng fɛ́ a tonong wɛshɛk ashon banet fok iwu yet anaan, Arim Anet bi ku tonong ashon batomaza Adakunom. 9Awɛt ayɔng fɛ́ a nye nanan in ashon banet, imi bi nye nanan wu ashon batomaza Adakunom. 10Ngma ayɔng fɛ́ a nye kucɛɛt ibyɛs naton Arim Anet, ba da kyem ba ku fuut inɛn wu, awɛt ngma ayɔng fɛ́ a beseng iyerek Kabik aJɛrɛ, ba da kyem ba ku fuut inɛn wu awo.
11“Izen fɛ́ ba tse ni yin ashon bakɔk-ashon narɔ inyis baYahuda, kɛ bágwɔm mben ayi, kɛ ashon bayɔng fɛ́ ba bi ice me, nek ba ki ra yin ishɔt, i bi daam yin fok yɛ anɛ fi i da tun yin ice yin ɛ, kɛ akyɛ fi i da fɛ̀ yin ɛ awo, 12nek Kabik aJɛrɛ bi ki tees yin kpaf ni izen e yɔng, ikyɛng fi i bi fɛ̀ yin.”
Igorok icɛɛt naton kushɔp kunet itsɔm kukak
13Anet akak ayɛt kudyɛng banet fɛ̀ ni wu, “Anet itees, fɛ̀ na aruneng, na a ki kaba yit kurúm fɛ́ ada yit ku, a ki won yit e, gung ni imi.”
14AYeso fɛ̀ ni wu, “Arɔɔ! Angan di sak ni in sot anet ishɔt kɛ anet ikabasa kurúm yin ɛ?” 15A ma tɛ fɛ̀ ni ba, “Nye yɛɛt yin! Nyeseng yin atsitse, ni rayin kaakyɛ kuri kuhwye; nek kutset anet se na dot ikyɛng fɛ́ a bɛ̀ awo.”
16A ka ba nye igorok icɛɛt yɛ, “Arum akak kin bɛ̀ ikɔ fi i nye kuyak makiyi. 17A kpa kuyiring yɛ, ‘Akyɛ fi in da nye ɛ? Vit imi na karɔ fi in di ki sak kuyak in.’
18“A ma fɛ̀ ni ice wu, ‘Ikyɛng de fi in da nye. In da fo imyɛ hom deng, in da nok iratek, in di ki saas nayak hom ni nkyɔrɔk hom ayɛt e. 19In da fɛ̀ ni ice hom, “Ngɔn mi sɛ nkyɔrɔk ntek shɛrɛk fi in da ka sok ayɛ dot. Sonong da fɔɔn akɔn ngɔn, i da ya, ni sɔ, ni fok nta ngɔn.” ’
20“Awɛt Adakunom fɛ̀ ni wu, ‘Ngɔn kushɔp kukak! Natuk kang fɛ́ ba da tsɛt kutset ngɔn ni ngɔn. Wat ngma ikyɛng fi i mi tusung da sot ifɛ́ angan kong ɛ?’ ”
21“Idɔng i bi se kpaf anɔng nɛ akaangan fɛ́ a tusung ice wu kurúm azeng azatse, awɛt vit iwu ni kurúm ashon Adakunom.”
I bi fok yin nnyim awo
(AMatiyu 6:25-34)
22AYeso ma fɛ̀ na bafi imɛɛs wu, “Nek anɔng, imi fɛ̀ ni yin, i bi daam yin naton kutset yin awo, naton ikyɛng fi i da ya yin, ke naton ares fi i da te yin ni irɔm awo. 23Nek kutset waat nayak, kurɔm waat ares ite. 24Di yin áhwaak; da a tuus awo, da a tusung awo, vit ina ni imyɛ ke kutu isaas nkyɔrɔk ayi, ngma nɛ anɔng, Adakunom ka ba nesek kuyak iya. Ba da kyem ba mara iratek kutset anet ni ku fɛ́ nanon ɛ? 25Angan ayɛt yin nek kudaam fɛ́ a bɛ̀, fɛ́ a da kyem a di barang agyip azining naton kutset wu yɛ? 26In ki i da kyem i nye yin ikyɛng ibaane ti idɔng awo, akyɛ sak fi idaam yin ice yin naton ishɛrɛp e yɛ?
27“Di yin fɛ́ ashoy ayit di rasak, a ra kutomong ikikak awo, a toos nkpin awo, ngma nɛ anɔng, in ki tak yin, agwɔm aSolomon ngma ni ízɔk fɛ́ a bɛ̀, a kin kyem a zem ice wu ti ina awo. 28Kɛ anɔng wu fɛ́ Adakunom kin zem agam ayit, fɛ́ a bɛ̀ kutset atut, akatson ina ni rong, a da ki te yin ares fɛ́ awaat afuu na awɛ? Ka! Iyin bafi inɔɔk atsak agyeet! 29I bi raas yin naton ikyɛng fi i da ya yin awo, ni idɔng fi i da sɔ yin awo. I bi te yin kudaam naton e awo. 30Nek banet nhwyi ba ba woso tsɛsɛk nkyɔrɔk yɔng, Ada yin rēn fok i shim yin ide. 31Tun tsɛt yin igwɔm Adakunom ninyen, nɔng ba da ki barang yin mo nkyɔrɔk e nang bà.
32“I bi fok yin nnyim awo nabin ítsamang, nek Ada yin bi ifeng na a ki nɔɔk yin igwɔm e. 33Rɛs yin ngma ikyɛng fi i bɛ̀ yin, nɔng i da nɔɔk yin bakan itsɔm e. Sak yin ace yin alabak fɛ́ da akop awo, kurúm azanɛn fɛ da ku beseng awo, karɔ fɛ akpatang tse bakat azɔng awo, fi ize da kyem ibeseng iko awo, 34Nek karɔ fi kurúm ngɔn di se, azɔng fi iyɛ ngɔn di se.
Basam fɛ́ ba se vit karut
35“Rosom yin itang yin gak nek kutomong, won agaramun yin na ya gbɛy, 36tɛ basam fɛ́ ba tsin tot kubɛ́ atekari bá fɛ́ a ne narɔ kuweneng, nek izen fɛ́ a bɛ́ a rus katitu, ba da wat ku tarak e. 37I da se yɛɛt na basam yɔng fɛ́ atekari bá bɛ́s wu, a ka ba sɛ da ba mi men nda awo. In ki tak yin atsak, atekari me, da tun kugbat ikpin wu, na ka ba sak na ba sosok, na ka ba kaba nayak ice wu. 38I da se yɛɛt na basam e yɔng fɛ́ atekari bá bɛ́, a ka ba sɛ na ba tsin ku tot, ke na a bɛ́s wu nate atuk a, ke ni sɛng atson ayi. 39Awɛt fok yin ide, kɛ atekari fɛ́ a rēn akpaf izen fɛ́ akpatang di ki bɛ́ ari wu, ke a kyem a ku won na a ku nɔ ari awo. 40I se yɛɛt, iyin ni kana nye yin gyam nek Arim Anet bi bɛ́ ayɛt izen fi iyin di te yin iyɛ awo.”
41ABitrus ku rip yɛ, “ATisa, ngɔn tsin nye igorok icɛɛt yeng sak ni yit a, ke sak na banet kusum ɛ?”
42AYeso ku bun ni ifɛ̀, “Angan wu fɛ́ a yet atsitsak, atsitsɛng asam me yɔng ɛ? Ke da ayɔng fɛ́ atekari wu ku te na a kuyɛrɛ basam wu awɛ, na a ka ba nesek itsɔm iyak bá na kpaf izen awɛ 43I da se yɛɛt sak na asam e yɔng, fɛ́ atekari wu, bɛ́ a ku sɛ na tsin nye kpaf anɔng. 44Atsak fi in tsin ki tak yin, atekari me, da sak asam me yɔng, na a sot anet iyɛrɛ kurúm wu ngma. 45Awɛt kɛ asam e fɛ̀ ayet iyɛ wu yɛ, ‘Atekari hom tsɛ sha wu ku bɛ́,’ na kpa tsosok nshɛrɛp basam e, batek nɛ banyining, a kpa ya na sɔ, ma a feng. 46Wat na atekari asam e yɔng, nɛ na ne atuk kak fi da iwu di te iyɛ awo, ni izen fi da iwu rēn awo. Atekari wu da ku te nate, na ku moon na bafɛ́ vit inɔɔk atsak.
47“Asam yɔng fɛ́ a rēn kushim atekari wu, na rawu dang nye iko, ke na nye ikyɛng ikak zɛɛt ayi, a da sɔ itsot makiyi. 48Awɛt asam yɔng fɛ́ da a rēn kushim atekari wu awo, fɛ́ nye ikyɛng fi i kyem ba ku tsot, ba da ku tsot geget. Ngma ayɔng fɛ́ ba ku nɔk ikyɛng idot, ba bi tsɛt ikyɛng idot ni bɔk wu, ngma ayɔng fɛ́ ba ku nɔɔk ikyɛng idot makiyi, ba bi tsɛt ikyɛng idot makiyi ni bɔk wu.
AYeso bɛ́ ni ikaba
(AMatiyu 10:34-36)
49“Imi bɛ́ nek itup kurong azatse; a di se ki in mi ta iko! 50Awɛt abatisma di se fɛ́ ba di ki ra ne, a di se ni iyɛ ke ba mi di gang iwu! 51Iyin di yin ti imi bɛ́ nek kazatse di sɛ kusonong kukyang ɛ? Awɛy yo, won in ki tak yin, imi bɛ́ nɔng ba bin ka na kaba ningya. 52Azeng sak ashon, kari fɛ́ ka bɛ̀ banet batoon, ba bi kana kaba; bataat bi raba bafaa, na bafaa raba bataat e bà. 53Ada bi rawu ari wu, ari me bi rawu atek, nggɔ bi rawu angas, angas bi rawu anyining, anekop bi rawu akugon, akugon bi rawu anekop bà.”
Kuyɛrɛ kutsik naton izen
(AMatiyu 16:2-3)
54AYeso tɛ a fɛ̀ ni kudyɛng banet e, “Ni izen fi i di yin anɔk abace, ni wat fɛ̀ yin, ‘Iza yeng i wuruk,’ ni iza me rɔbɔk. 55Izen fi kuwun kpa nes abatin, ni fɛ̀ yin, ‘Ba da nye afɔɔ,’ ni ite kpaf anɔng. 56Ánet nanu nafifa! I rēn yɛrɛ yin ni tonoso yin kazatse nɛ kaza, ngma nɛ anɔng, ni kuyɛrɛ kutsik kufi nnu nang ki gaat yin.
57“Akyɛ ki ro yin ni ikaba ishɔt naton ikyɛng fi iyet itek ice yin ɛ? 58Ki ishɔt da moon na akak, a shim a tsɛ a te kukun ngɔn ni itu ishɔt, di te pang ni wu fok ni inosong yin ashi, ni wu resek mo dang na a tsɛ a ta azɔng. Kɛ da anɔng awo, a da ka nabak sak na agwɔm ishɔt, na agwɔm ishɔt da sok na da nabak ni bɔk nggon ishɛn, ni nggon ishɛn tsɛ ka da barak ari inyang. 59Won in da tak, i da kyem i wuruk azɔng awo, ma itarang ngma itsarang ikyɛng fɛ́ a da bɔ ne.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.