ALuka 13
13
Shan yin atsak ke ni wey yin ayi
1Ni izen e yɔng, banet bakak fɛ́ ba kin se azɔng, ba kpa taas aYeso naton banet aGalili bakak fɛ́ aBilatus kin mon nasok bá ni kunang bá sak na Adakunom. 2Wat aYeso fɛ̀ ni ba, “Iyin di yin tɛ anɛn bafɛ́ aGalili me yɔng wat nɛ́ ishɛrɛp bafɛ́ aGalili me fi i sak kawey e yɔng ka ba sɛ yɛ? 3Won in ki tak yin, i se anɔng awo! Ki da i wosong yin anɛn yin awo, ba bi ki fɛlɛ yin bà. 4Ke iyin di yin tɛ banet aSilom kusɔk abe nkara yɔng fi kubat kin di kpa naton ba, ku ka ba fɛɛs, iyin di yin tɛ anɛn bá waat afi ishɛrɛp banet aRushelima yɛ? 5Won in ki tak yin, i se anɔng awo! Ki da i wosong yin anɛn yin awo, ba bi ki fɛlɛ yin bà.”
Igorok icɛɛt naton atafo fɛ́ a rawu dang tes
6Ama anɔng, aYeso ka ba nye igorok icɛɛt yɛ, “Anet akak kin bɛ̀ kakon atafo ni ikɔ wu, a tse a tsɛ tɛsɛng ica atafo me, a tsɛ a sɛ vit ikyɛng ikak. 7Nek anɔng, a fɛ̀ na anet itomong ikɔ me, ‘Di iyɛ ifɛ́ ataat deng fi in bɛ́s itsɛt ica atafo na kakon ka, vit dang i sɛ ikikak. Tɛn ika! Nek akyɛ fɛ́ ka da sɔ narik kyɛk dang kutes ɛ?’
8“Anet iyɛrɛ ikɔ fɛ̀ ni wu, ‘Atekari, ban ka ka barang mo iyɛ izining deng kyɛk, imi da rung afam e, in di ki korok narik. 9Kɛ ka korok kutes ni iyɛ, ka nye gyat! Ke ka raka dang tes, ni tɛn ika.’ ”
AYeso te abining fɛ́ a bɛ̀ igung kyang
10ATuk aSabat akak, aYeso kin tsin tees banet ifɛ̀ Adakunom narɔ inyis baYahuda. 11ABining akak kin se azɔng, fɛ́ a kin bɛ̀ itséng fi i mi ku sɔrɔk ayɛ kusɔk abe nkara. A kana gɔmɔng, a kyem a kana nabak tsik awo. 12Ni izen fɛ́ aYeso ku di, a ku yes sak ashon, a ma fɛ̀ ni wu, “Anyin ari, ba ma da sun iyɔm ngɔn.” 13A di sak kubɔk naton ice abining e, vit ibeseng izen, kurɔm abining e wat ku kana nabak tsik, a kpa nesek Adakunom iratek.
14Akɔk-ashon karɔ inyis baYahuda me, nek ibeseng iyɛ fɛ́ aYeso te anet kyang atuk aSabat, a fɛ̀ nɛ banet, “Nnom se karataat fɛ́ ba di ras ntomong. Bɛ́s yin, ba ki tes yin kyang ni nnom in yɔng, da atuk aSabat awo.”
15ATisa ku bun ni ifɛ̀ yɛ, “Iyin banet nanu nafifa! Angan ayɛt yin fɛ́ a won dang bis ìnyak wu, ni ìtarakey wu ni kukon, na tsɛ na ki di nɔɔk ashi atuk aSabat ɛ? 16Wɛt akyɛ de fi i yet imaan e fɛ́ ba bisik angas aIbrahim yo fɛ́ aShetan mi rosom ayɛ kusɔk abe nkara atuk aSabat ɛ?”
17Ama fɛ́ a fɛrɛng anɔng, nsum yit ngma bafi icuna ni wu, wat ishɛrɛp banet e se ni itɛrɛk iyɛ nek ntomong abes fɛ́ a ras.
Igorok icɛɛt naton kica Amusta
(AMatiyu 13:31-32; AMarkus 4:30-32)
18AYeso fɛ̀, “Anɛ fi igwɔm Adakunom se yɛ? In da mara ide nɛ akyɛ? 19I se ti kica amastat, fɛ́ anet sok, a tsɛ tup ni igɔɔt wu. Ka rasak, ka sot kakon, nanon aza di nok arɛ na ahwyang e.”
20AYeso tɛ fɛ̀ ni ba, “In da mara igwɔm Adakunom na akyɛ? 21I se tɛ ayiis fɛ́ abining bɔ a di moon ni nkpe alikama itsɛn imaas itaat, fɛ́ ayiis e sak alikama me moos fungam.”
Katitu kahyo me
(AMatiyu 7:13-14,21-23)
22Ni izen fɛ́ aYeso yit irèn sak na aRushelima, a teng a gosok ni nwɔp nratek ni nban e, na shara ifɛ̀ Adakunom 23Wɛt anet akak ku rip yɛ, “ATisa, banet gyeet kyɛk fɛ́ ba bi sɛ kutset e yɛ?”
AYeso fɛ̀ ni wu, 24“Te nyɛk yin i da nɔ yin abak atitu kahyo me, nek in tsin ki tak yin, banet dot bi tsɛt ba nɔ, wat ba bi kyem awo. 25Nkum ke atekari mi dorok, a fam katitu, ni yin ma nyeseng yin amatse ni tsot yin katitu me, ni nye yin, ‘Atekari, ki tarak yit katitu me.’
“Awɛt ni wu fɛ̀ ni yin, ‘Imi ki rēn yin awo, in rēn karɔ fi i di ne yin awo.’
26“Wat iyin bi nye yin, ‘Iyit ba fi in kin ya ni in sɔs yit gung ni ngɔn, ngɔn wu fi i kin ras itees nɛ narɔk iwɔp yit kɔ.’
27“Awɛt iwu bi fɛ̀ ni yin, ‘Imi ki rēn yin awo, in rēn karɔ fi i di ne yin awo. Tseng yin azeng, áduk ánet!’
28“Ni izen fi i bi di yin aIbrahim, nɛ aIshaku, nɛ aYakub, ni ishɛrɛp atan ayɛt igwɔm Adakunom, i bi tos yin ni ros yin anyi, nek ba ki ro yin iyin amatse. 29Banet bi nes na narɔ zizɛɛt, bakak bi nɛ abatin, bakak bi ne abace, bakak bi ne ni kukanang, bakak bi ne ni kudaam, ba bi sɛɛs narɔ iyak ni igwɔm Adakunom. 30I bi di yin, bafɛ́ ama bi sot bafɛ́ ashon, bafɛ́ ashon bi sot bafɛ́ ama.”
AYeso nye kafa kawe nek aRushelima
(AMatiyu 23:37-39)
31Ni izen e yɔng, BaFarasi bakak tse narɔ aYeso, ba fɛ̀ ni wu, “Won karɔ kang, bun narɔ kakak. Nek aHiridus shim a da fɛt.”
32AYeso fɛ̀ ni ba, “Tsi tak yin agbayɔrɔ yɔng, ‘Imi yong in da turung itséng, in da tes banet kyang atut, nɛ katson, anuma in bi gang kutomong hom.’ 33Ngma nɛ anɔng, i se gbing-gbing ni in ya kashon ni kutseet atut, nɛ katson, nɛ anuma, nek i se gyat na ba fɛ̀, ba fɛt atan akak amatse aRushelima awo!
34“Ka! Banet aRushelima! Ka! Banet aRushelima! Iyin fi i mi fɛɛs yin batan Adakunom, i mi bara yin bakak na ata, sok kamang fi in mi nye in ki moon yin tɛ anyinyon di monoso nnon wu na akufabak, ni rayin ɛ? 35Di yin nasa yin mi sot abát vit anet. Won in ki tak yin, i bi ti i di di yin awo, ma izen fi i bi fɛ̀ yin, ‘Awɛng se naton ayɔng fɛ́ a bɛ́s ni iyerek aTisa.’ ”
നിലവിൽ തിരഞ്ഞെടുത്തിരിക്കുന്നു:
ALuka 13: IbaasNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.
ALuka 13
13
Shan yin atsak ke ni wey yin ayi
1Ni izen e yɔng, banet bakak fɛ́ ba kin se azɔng, ba kpa taas aYeso naton banet aGalili bakak fɛ́ aBilatus kin mon nasok bá ni kunang bá sak na Adakunom. 2Wat aYeso fɛ̀ ni ba, “Iyin di yin tɛ anɛn bafɛ́ aGalili me yɔng wat nɛ́ ishɛrɛp bafɛ́ aGalili me fi i sak kawey e yɔng ka ba sɛ yɛ? 3Won in ki tak yin, i se anɔng awo! Ki da i wosong yin anɛn yin awo, ba bi ki fɛlɛ yin bà. 4Ke iyin di yin tɛ banet aSilom kusɔk abe nkara yɔng fi kubat kin di kpa naton ba, ku ka ba fɛɛs, iyin di yin tɛ anɛn bá waat afi ishɛrɛp banet aRushelima yɛ? 5Won in ki tak yin, i se anɔng awo! Ki da i wosong yin anɛn yin awo, ba bi ki fɛlɛ yin bà.”
Igorok icɛɛt naton atafo fɛ́ a rawu dang tes
6Ama anɔng, aYeso ka ba nye igorok icɛɛt yɛ, “Anet akak kin bɛ̀ kakon atafo ni ikɔ wu, a tse a tsɛ tɛsɛng ica atafo me, a tsɛ a sɛ vit ikyɛng ikak. 7Nek anɔng, a fɛ̀ na anet itomong ikɔ me, ‘Di iyɛ ifɛ́ ataat deng fi in bɛ́s itsɛt ica atafo na kakon ka, vit dang i sɛ ikikak. Tɛn ika! Nek akyɛ fɛ́ ka da sɔ narik kyɛk dang kutes ɛ?’
8“Anet iyɛrɛ ikɔ fɛ̀ ni wu, ‘Atekari, ban ka ka barang mo iyɛ izining deng kyɛk, imi da rung afam e, in di ki korok narik. 9Kɛ ka korok kutes ni iyɛ, ka nye gyat! Ke ka raka dang tes, ni tɛn ika.’ ”
AYeso te abining fɛ́ a bɛ̀ igung kyang
10ATuk aSabat akak, aYeso kin tsin tees banet ifɛ̀ Adakunom narɔ inyis baYahuda. 11ABining akak kin se azɔng, fɛ́ a kin bɛ̀ itséng fi i mi ku sɔrɔk ayɛ kusɔk abe nkara. A kana gɔmɔng, a kyem a kana nabak tsik awo. 12Ni izen fɛ́ aYeso ku di, a ku yes sak ashon, a ma fɛ̀ ni wu, “Anyin ari, ba ma da sun iyɔm ngɔn.” 13A di sak kubɔk naton ice abining e, vit ibeseng izen, kurɔm abining e wat ku kana nabak tsik, a kpa nesek Adakunom iratek.
14Akɔk-ashon karɔ inyis baYahuda me, nek ibeseng iyɛ fɛ́ aYeso te anet kyang atuk aSabat, a fɛ̀ nɛ banet, “Nnom se karataat fɛ́ ba di ras ntomong. Bɛ́s yin, ba ki tes yin kyang ni nnom in yɔng, da atuk aSabat awo.”
15ATisa ku bun ni ifɛ̀ yɛ, “Iyin banet nanu nafifa! Angan ayɛt yin fɛ́ a won dang bis ìnyak wu, ni ìtarakey wu ni kukon, na tsɛ na ki di nɔɔk ashi atuk aSabat ɛ? 16Wɛt akyɛ de fi i yet imaan e fɛ́ ba bisik angas aIbrahim yo fɛ́ aShetan mi rosom ayɛ kusɔk abe nkara atuk aSabat ɛ?”
17Ama fɛ́ a fɛrɛng anɔng, nsum yit ngma bafi icuna ni wu, wat ishɛrɛp banet e se ni itɛrɛk iyɛ nek ntomong abes fɛ́ a ras.
Igorok icɛɛt naton kica Amusta
(AMatiyu 13:31-32; AMarkus 4:30-32)
18AYeso fɛ̀, “Anɛ fi igwɔm Adakunom se yɛ? In da mara ide nɛ akyɛ? 19I se ti kica amastat, fɛ́ anet sok, a tsɛ tup ni igɔɔt wu. Ka rasak, ka sot kakon, nanon aza di nok arɛ na ahwyang e.”
20AYeso tɛ fɛ̀ ni ba, “In da mara igwɔm Adakunom na akyɛ? 21I se tɛ ayiis fɛ́ abining bɔ a di moon ni nkpe alikama itsɛn imaas itaat, fɛ́ ayiis e sak alikama me moos fungam.”
Katitu kahyo me
(AMatiyu 7:13-14,21-23)
22Ni izen fɛ́ aYeso yit irèn sak na aRushelima, a teng a gosok ni nwɔp nratek ni nban e, na shara ifɛ̀ Adakunom 23Wɛt anet akak ku rip yɛ, “ATisa, banet gyeet kyɛk fɛ́ ba bi sɛ kutset e yɛ?”
AYeso fɛ̀ ni wu, 24“Te nyɛk yin i da nɔ yin abak atitu kahyo me, nek in tsin ki tak yin, banet dot bi tsɛt ba nɔ, wat ba bi kyem awo. 25Nkum ke atekari mi dorok, a fam katitu, ni yin ma nyeseng yin amatse ni tsot yin katitu me, ni nye yin, ‘Atekari, ki tarak yit katitu me.’
“Awɛt ni wu fɛ̀ ni yin, ‘Imi ki rēn yin awo, in rēn karɔ fi i di ne yin awo.’
26“Wat iyin bi nye yin, ‘Iyit ba fi in kin ya ni in sɔs yit gung ni ngɔn, ngɔn wu fi i kin ras itees nɛ narɔk iwɔp yit kɔ.’
27“Awɛt iwu bi fɛ̀ ni yin, ‘Imi ki rēn yin awo, in rēn karɔ fi i di ne yin awo. Tseng yin azeng, áduk ánet!’
28“Ni izen fi i bi di yin aIbrahim, nɛ aIshaku, nɛ aYakub, ni ishɛrɛp atan ayɛt igwɔm Adakunom, i bi tos yin ni ros yin anyi, nek ba ki ro yin iyin amatse. 29Banet bi nes na narɔ zizɛɛt, bakak bi nɛ abatin, bakak bi ne abace, bakak bi ne ni kukanang, bakak bi ne ni kudaam, ba bi sɛɛs narɔ iyak ni igwɔm Adakunom. 30I bi di yin, bafɛ́ ama bi sot bafɛ́ ashon, bafɛ́ ashon bi sot bafɛ́ ama.”
AYeso nye kafa kawe nek aRushelima
(AMatiyu 23:37-39)
31Ni izen e yɔng, BaFarasi bakak tse narɔ aYeso, ba fɛ̀ ni wu, “Won karɔ kang, bun narɔ kakak. Nek aHiridus shim a da fɛt.”
32AYeso fɛ̀ ni ba, “Tsi tak yin agbayɔrɔ yɔng, ‘Imi yong in da turung itséng, in da tes banet kyang atut, nɛ katson, anuma in bi gang kutomong hom.’ 33Ngma nɛ anɔng, i se gbing-gbing ni in ya kashon ni kutseet atut, nɛ katson, nɛ anuma, nek i se gyat na ba fɛ̀, ba fɛt atan akak amatse aRushelima awo!
34“Ka! Banet aRushelima! Ka! Banet aRushelima! Iyin fi i mi fɛɛs yin batan Adakunom, i mi bara yin bakak na ata, sok kamang fi in mi nye in ki moon yin tɛ anyinyon di monoso nnon wu na akufabak, ni rayin ɛ? 35Di yin nasa yin mi sot abát vit anet. Won in ki tak yin, i bi ti i di di yin awo, ma izen fi i bi fɛ̀ yin, ‘Awɛng se naton ayɔng fɛ́ a bɛ́s ni iyerek aTisa.’ ”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.