ALuka 11
11
AYeso nye itees naton awon
(AMatiyu 6:9-13; 7:7-11)
1Atuk akak, aYeso kin se ni ira awon narɔ kakak. Ama fɛ́ a gang, azining ayɛt bafi imɛɛs wu fɛ̀ ni wu, yɛ, “ATisa, ki tees yit ira awon, kpaf kyɔn tɛ aYohana kin di tees bafi imɛɛs wu.”
2AYeso fɛ̀ ni ba, “Izen fi i tsin ra yin awon, fɛ̀ yin,
‘Ada, won iyerek ngɔn ni isot jɛrɛ;
igwɔm ngɔn ni bɛ́.
3Ki nesek yit kuyak nninom.
4Ki fuut yit anɛn yit,
kyɔn ti iyit di fuut yit bayɔng
fɛ́ ba ki ras yit anɛn.
I bi ki won yit in nɔ yit
ayɛt imara awo.’ ”
5AYeso ya kashon ni kucɛɛt yɛ, “Won in fɛ̀ yit ane, akak ayɛt yin bɛ̀ afidang, a tsɛ ari afidang e nate atuk, a da ma fɛ̀ ni wu, ‘Arɔɔ! Di kɔbɔk ágbang akpam ataat, 6nek afidang yin akak fɛ́ a ne kutseet ayɔng a tik ari hom, wat vit imi ni ikyɛng fi in da ku nɔɔk.’
7“Wat na afidang e fɛ́ a se ayɛt itu fɛ̀ ni wu, ‘I bi di daam awo! In mi te kpaf katitu, imi ni nnon in imi men yit, in da kyem in dorok in da nɔɔk ikikak awo.’ 8Won in ki tak yin, kɛ a fɛ́ yet fok a da ku nɔɔk nek a yet afidang wu awo, a da ku nɔɔk ngma ikyɛng fɛ́ a shim nek afidang di ban irisim vit nsum.
9“Nek anɔng, imi fɛ̀ ni yin: Woso risim yin, ba da ki nesek yin; tsɛsɛk yin, i da sɛs yin; ya yin kashon ni itsot e, ba da ki tarak yin e. 10Nek ngma ayɔng fɛ́ a risim, a shashang, ayɔng fɛ́ a tsɛsɛk, a sɛs, ayɔng fɛ́ a tsosok katitu, ba ku tarak e.
11“Akyɛ ada ayɛt yin fɛ ki nnon wu ku rip ìzos, na ka ka nɔɔk ihwyèn ɛ? 12Kɛ na ku rip itsi, na ka ka nɔɔk inyáng ɛ? 13Ki iyin fi iyet yin bafɛ́ anyas, i kyem i nesek yin nnon yin nkyɔrɔk ntek, wɛt Ada yit fɛ́ a se azanɛn da nɔɔk bayɔng fɛ́ ba ku rip Kabik aJɛrɛ!”
AYeso nɛ a agwɔm Itséng
(AMatiyu 12:22-30; AMarkus 3:20-27)
14Atuk akak, aYeso kin se ni tun itséng ni irɔm anet akak fi i ku te da a kyem a cɛɛt awo. Ama fi itséng e wuruk, anet e kpa cɛɛt, ikyɛng e te banet yɔɔt. 15Awɛt bakak ayɛt banet e fɛ̀, “Agyaa, in fɛ ke aBɛɛlzɛbul#11:15 aBɛɛlzɛbul: Yet ikak ifɛ́ aShetan. agwɔm itséng wu a ku nesek agap iturung itséng e ayɛ.” 16Bakak ayɛt bá tsɛt ba ku mara nek anɔng, ba fɛ̀ ni wu yɛ, na a ka ba nye kutomong abes kukak fi ku da tonong fok Adakunom se gung ni wu.
17Wat aYeso rēn kuyiring bá, nek anɔng, a fɛ̀ ni bá, “Kaaki igwɔm fi i ka na kaba asa afaa, i mi beseng. Kpaf anɔng, kasa fɛ́ ka ka na kaba asa afaa, ka da kpa. 18Kɛ aShetan mi ka na kaba asa afaa, a sot a tsin ra itsom ni ice wu, nɛ anɛ fi igwɔm wu da nyeseng ɛ? Iyin fɛ̀ yin fok imi turung itséng ne kukyem aBɛɛlzɛbul. 19Ki imi turung itséng ne kukyem aBɛɛlzɛbul, wat na agap angan wu fɛ́ bafi ikuus yin di turung ide ɛ? Nek anɔng, ikyɛng fi iba ras ide de i ki bunung yin ifɛ̀. 20Ki imi turung itséng na agap Adakunom, idɔng tonong fok igwɔm Adakunom mi bɛ́ ni yin yɔng.
21“Kɛ anet agap ka na nye yɛɛt nɛ ares itsom wu, a di tot kari wu, ikyɛng fɛ́ a bɛ̀ da kɔsɔ kyang. 22Awɛt kɛ anet fɛ́ a ku wat na agap tsɛ a ku kpa, a ku ya agap, na shan ares itsom wu fɛ́ a di tsot kugwɔm, na ma kabasa ares itsom fɛ́ a ya.
23“Ngma anet fɛ́ da a se gung ni mi awo, a se ni ifa ni mi yɔng, ngma ayɔng fɛ́ da a tsin di sɛ mo itusung e awo, a se ni isharatat e yɔng.”
Itsèng e ti ibɛ́s ye
(AMatiyu 12:43-45)
24“Izen fi itsèng e wuruk ni irɔm anet e, ni teng ni kat na narɔ fɛ́ na se vit ashi ni tsɛt karɔ ifɔɔn, kɛ da i sɛ awo, ni fɛ̀ ni ice yɛ, ‘Won in ti in bun ari min fi in kin wosong.’ 25Ki i bi sɛ ba mi yɛs kari me gyat. 26Ni i ti ibun, i tsi iyes itséng ikak kanakataat fi i ki di wat na anyas, ni i tsi i sot azɔng. Ni kudaam anet e wat kufi imɛsɛng e imaan e.”
27Ni izen fɛ́ aYeso gang kucɛɛt e, abining akak fɛrɛng ayɛt banet yɛ, “Awɛng se gung na abining yɔng fɛ́ a da tes, a tɛ a da ta.”
28AYeso ka ba bun ni ifɛ̀ yɛ, “Awɛng se gung na bayɔng fɛ́ ba foos ifɛ̀ Adakunom, na ba nye ide ningya.”
Ikyɛng ite ayisi kuri ifɛ́ aYunana
(AMatiyu 12:38-42)
29Fɛ́ banet bang di barasa narɔ aYeso, a ya kashon ni kucɛɛt yɛ, “Banet nnu nang yet bafɛ́ anyas. Ba tsɛsɛk ikyɛng idi, awɛt vit ikyɛng idi ikak fɛ́ ba da ka ba tonong fi iwaat ikyɛng idi kuri ifɛ́ aYunana. 30Kpaf kyɔn tɛ fɛ́ aYunana kin yet ikyɛng idi sak na banet aNineve, kpaf anɔng fɛ́ Arim Anet da sot sak ni kuzam kang. 31Atuk ishɔt igang azatse, aZɛnɛ aSheba bi dorok gung na banet kuzam kang, nɔng a ka ba tonong kurat bá, nek iwu kin ne narɔ kayik-yik a bɛ́ foos itees kutsitsɛng na nu aSolomon. Wat di yin anet fɛ́ a waat aSolomon azeng! 32Atuk ishɔt igang azatse, banet aNineve bi nyeseng tsik, ba tonong banet kuzam kang kurat bá, nek iba wosong anɛn bá ama fɛ́ ba fok itabak fi i kin ne nanu aYunana. Wat di yin anet fɛ́ a waat aYunana azeng.
AYeso cɛɛt naton mgbɛy irɔm
(AMatiyu 5:15; 6:22-23)
33“Vit anet fɛ́ a ta kurong na agaramun, na ma sak iwu ni nɛt, kɛ na faam iko na katsereng ayi, tit na sak iko narɔ kagarang, nɔng kɛ banet nɔ, na ba di karɔ gbɛy. 34Ayisi yin na a yet mgbɛy irɔm yin. Ke ayisi yin yet atek, kurɔm yin kusum ku da se mgbɛy; awɛt ke ayisi mi beseng, na hwyining yit kurɔm e kusum. 35Nek anɔng, nye yin ikyɛng fi da nye yin, kɔn mgbɛy fi in se ayɛt yin bi bun hwyining. 36Ki nrɔm yin kusum bi mgbɛy, vit kabak kakak fɛ́ ka da se hwyining, kaakyɛ da ron wɛshɛk, kpaf tɛ agaramun di ron gbɛy.”
AYeso tonong kawɛy BaFarasi nɛ bágwɔm irēn ntsi aMusa
(AMatiyu 23:1-36; AMarkus 12:38-40)
37Ama fɛ́ aYeso mi gang kucɛɛt, aFarasi akak ku rini nek na a tsɛ a yas ari wu, a tsɛ a sonong narɔ iyak e. 38Fɛ́ aFarasi me di aYeso kpa kuyak dang kusu mbɔk, a ku te yɔɔt. 39ATisa fɛ̀ ni wu, “Di, iyin BaFarasi, i kus yin kama aridɛ nɛ kama katsereng, awɛt nafa yin se ni ishining ni imak na anyas. 40Áshɔp ákak! Iwu Adakunom yɔng fɛ́ a nye kama me, iwu fɛ́ a nye kayɛt e awɛ? 41Nesek yin bakan ikyɛng fi i bɛ̀ yin, nɔng kaakyi ikyɛng da sot jɛrɛ.
42“Ya kye! Kawɛy se naton yin BaFarasi, nek iyin nesek yin Adakunom kigbasak kamazeng, na alenzut, ni ishɛrɛp ikon ama agɔɔt, ni rayin dang nye yin ikyɛng fi i se yɛɛt ni ishim Adakunom. I se kpaf ki i nye yin ifɛ́ ama, dang won yin ifɛ́ shon e.
43“Kawɛy se naton yin BaFarasi! Iyin shim yin narɔ isosok naratek na narɔ inyis baYahuda, ni itsɛsɛk yin ashow na narɔ ijik.
44“Kawɛy se naton yin! Nek i se yin tɛ arɛk fɛ́ da ba gorok ina na ata awo, fɛ́ banet di gosok naton na dang rēn.”
45Azining ayɛt bágwɔm irēn ntsi aMusa me fɛrɛng nate banet yɛ, “Anet itees, ki ngɔn cɛɛt anɔng, i sot ngɔn tsin ki tosong yit iyit yɔng!”
46AYeso tɛ a fɛ̀, “Kawɛy se naton yin bágwɔm irēn ntsi aMusa bà! Nek iceshek yin banet ni kunanang yɔng fi ku wat agap bá, ni iyin ace yin rayin dang ka ba te yin mo itsambɔk ni icet e.
47“Kawɛy se naton yin! Nek inoos yin batan arɛk atek, fɛ́ badakop yin kin fɛɛs iba. 48Nek iyin ice yin, i run yin kama ikyɛng fɛ́ badakop yin nye; fɛ́ ba fɛɛs batan ni iyin ka ba noos yin arɛk. 49Nek anɔng, Adakunom ayɛt kutsik irēn wu fɛ̀, ‘Imi da ka ba tom nɛ batan nɛ batom; ba da fɛɛs bakak ayɛt bá, na ba nesek bakak ayɛt bá iyɔm.’ 50Nek anɔng, ba bi tsɛt nasok batan fɛ́ ba kin nos neme fɛ́ ba di nye kazatse kang ni mbɔk banet kuzam kang, 51ikyɛng fi isok nkum izen ifɛt aHabila, sak ni ifɛt aZakariya, fɛ́ ba kin fɛt nkum kuta ashosh kunang ni itu aJɛrɛ. Ey, imi fɛ̀ ni yin, ba bi rip banet nnu nang kutsɛt banet yɔng ngma.
52“Kawɛy se naton yin bágwɔm irēn ntsi aMusa! Nek iyin faam yin banet ayisi i sɛ irēn. Iyin ace yin da inɔ yin ayɛt irēn e awo, iroyin ni ku nɔ na bayɔng fɛ́ ba tsɛt irèn inɔ.”
53Ama fɛ́ aYeso won azɔng, bafi itees ntsi aMusa, nɛ BaFarasi, ku te ashon makiyi, ba kpa ku jɔɔt ni nzam-nzam irisim, 54ba tsɛt irèn fɛ́ ba da ku yit mo ni inɛn ayɛt ikyɛng fɛ́ a da fɛ̀.
നിലവിൽ തിരഞ്ഞെടുത്തിരിക്കുന്നു:
ALuka 11: IbaasNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.
ALuka 11
11
AYeso nye itees naton awon
(AMatiyu 6:9-13; 7:7-11)
1Atuk akak, aYeso kin se ni ira awon narɔ kakak. Ama fɛ́ a gang, azining ayɛt bafi imɛɛs wu fɛ̀ ni wu, yɛ, “ATisa, ki tees yit ira awon, kpaf kyɔn tɛ aYohana kin di tees bafi imɛɛs wu.”
2AYeso fɛ̀ ni ba, “Izen fi i tsin ra yin awon, fɛ̀ yin,
‘Ada, won iyerek ngɔn ni isot jɛrɛ;
igwɔm ngɔn ni bɛ́.
3Ki nesek yit kuyak nninom.
4Ki fuut yit anɛn yit,
kyɔn ti iyit di fuut yit bayɔng
fɛ́ ba ki ras yit anɛn.
I bi ki won yit in nɔ yit
ayɛt imara awo.’ ”
5AYeso ya kashon ni kucɛɛt yɛ, “Won in fɛ̀ yit ane, akak ayɛt yin bɛ̀ afidang, a tsɛ ari afidang e nate atuk, a da ma fɛ̀ ni wu, ‘Arɔɔ! Di kɔbɔk ágbang akpam ataat, 6nek afidang yin akak fɛ́ a ne kutseet ayɔng a tik ari hom, wat vit imi ni ikyɛng fi in da ku nɔɔk.’
7“Wat na afidang e fɛ́ a se ayɛt itu fɛ̀ ni wu, ‘I bi di daam awo! In mi te kpaf katitu, imi ni nnon in imi men yit, in da kyem in dorok in da nɔɔk ikikak awo.’ 8Won in ki tak yin, kɛ a fɛ́ yet fok a da ku nɔɔk nek a yet afidang wu awo, a da ku nɔɔk ngma ikyɛng fɛ́ a shim nek afidang di ban irisim vit nsum.
9“Nek anɔng, imi fɛ̀ ni yin: Woso risim yin, ba da ki nesek yin; tsɛsɛk yin, i da sɛs yin; ya yin kashon ni itsot e, ba da ki tarak yin e. 10Nek ngma ayɔng fɛ́ a risim, a shashang, ayɔng fɛ́ a tsɛsɛk, a sɛs, ayɔng fɛ́ a tsosok katitu, ba ku tarak e.
11“Akyɛ ada ayɛt yin fɛ ki nnon wu ku rip ìzos, na ka ka nɔɔk ihwyèn ɛ? 12Kɛ na ku rip itsi, na ka ka nɔɔk inyáng ɛ? 13Ki iyin fi iyet yin bafɛ́ anyas, i kyem i nesek yin nnon yin nkyɔrɔk ntek, wɛt Ada yit fɛ́ a se azanɛn da nɔɔk bayɔng fɛ́ ba ku rip Kabik aJɛrɛ!”
AYeso nɛ a agwɔm Itséng
(AMatiyu 12:22-30; AMarkus 3:20-27)
14Atuk akak, aYeso kin se ni tun itséng ni irɔm anet akak fi i ku te da a kyem a cɛɛt awo. Ama fi itséng e wuruk, anet e kpa cɛɛt, ikyɛng e te banet yɔɔt. 15Awɛt bakak ayɛt banet e fɛ̀, “Agyaa, in fɛ ke aBɛɛlzɛbul#11:15 aBɛɛlzɛbul: Yet ikak ifɛ́ aShetan. agwɔm itséng wu a ku nesek agap iturung itséng e ayɛ.” 16Bakak ayɛt bá tsɛt ba ku mara nek anɔng, ba fɛ̀ ni wu yɛ, na a ka ba nye kutomong abes kukak fi ku da tonong fok Adakunom se gung ni wu.
17Wat aYeso rēn kuyiring bá, nek anɔng, a fɛ̀ ni bá, “Kaaki igwɔm fi i ka na kaba asa afaa, i mi beseng. Kpaf anɔng, kasa fɛ́ ka ka na kaba asa afaa, ka da kpa. 18Kɛ aShetan mi ka na kaba asa afaa, a sot a tsin ra itsom ni ice wu, nɛ anɛ fi igwɔm wu da nyeseng ɛ? Iyin fɛ̀ yin fok imi turung itséng ne kukyem aBɛɛlzɛbul. 19Ki imi turung itséng ne kukyem aBɛɛlzɛbul, wat na agap angan wu fɛ́ bafi ikuus yin di turung ide ɛ? Nek anɔng, ikyɛng fi iba ras ide de i ki bunung yin ifɛ̀. 20Ki imi turung itséng na agap Adakunom, idɔng tonong fok igwɔm Adakunom mi bɛ́ ni yin yɔng.
21“Kɛ anet agap ka na nye yɛɛt nɛ ares itsom wu, a di tot kari wu, ikyɛng fɛ́ a bɛ̀ da kɔsɔ kyang. 22Awɛt kɛ anet fɛ́ a ku wat na agap tsɛ a ku kpa, a ku ya agap, na shan ares itsom wu fɛ́ a di tsot kugwɔm, na ma kabasa ares itsom fɛ́ a ya.
23“Ngma anet fɛ́ da a se gung ni mi awo, a se ni ifa ni mi yɔng, ngma ayɔng fɛ́ da a tsin di sɛ mo itusung e awo, a se ni isharatat e yɔng.”
Itsèng e ti ibɛ́s ye
(AMatiyu 12:43-45)
24“Izen fi itsèng e wuruk ni irɔm anet e, ni teng ni kat na narɔ fɛ́ na se vit ashi ni tsɛt karɔ ifɔɔn, kɛ da i sɛ awo, ni fɛ̀ ni ice yɛ, ‘Won in ti in bun ari min fi in kin wosong.’ 25Ki i bi sɛ ba mi yɛs kari me gyat. 26Ni i ti ibun, i tsi iyes itséng ikak kanakataat fi i ki di wat na anyas, ni i tsi i sot azɔng. Ni kudaam anet e wat kufi imɛsɛng e imaan e.”
27Ni izen fɛ́ aYeso gang kucɛɛt e, abining akak fɛrɛng ayɛt banet yɛ, “Awɛng se gung na abining yɔng fɛ́ a da tes, a tɛ a da ta.”
28AYeso ka ba bun ni ifɛ̀ yɛ, “Awɛng se gung na bayɔng fɛ́ ba foos ifɛ̀ Adakunom, na ba nye ide ningya.”
Ikyɛng ite ayisi kuri ifɛ́ aYunana
(AMatiyu 12:38-42)
29Fɛ́ banet bang di barasa narɔ aYeso, a ya kashon ni kucɛɛt yɛ, “Banet nnu nang yet bafɛ́ anyas. Ba tsɛsɛk ikyɛng idi, awɛt vit ikyɛng idi ikak fɛ́ ba da ka ba tonong fi iwaat ikyɛng idi kuri ifɛ́ aYunana. 30Kpaf kyɔn tɛ fɛ́ aYunana kin yet ikyɛng idi sak na banet aNineve, kpaf anɔng fɛ́ Arim Anet da sot sak ni kuzam kang. 31Atuk ishɔt igang azatse, aZɛnɛ aSheba bi dorok gung na banet kuzam kang, nɔng a ka ba tonong kurat bá, nek iwu kin ne narɔ kayik-yik a bɛ́ foos itees kutsitsɛng na nu aSolomon. Wat di yin anet fɛ́ a waat aSolomon azeng! 32Atuk ishɔt igang azatse, banet aNineve bi nyeseng tsik, ba tonong banet kuzam kang kurat bá, nek iba wosong anɛn bá ama fɛ́ ba fok itabak fi i kin ne nanu aYunana. Wat di yin anet fɛ́ a waat aYunana azeng.
AYeso cɛɛt naton mgbɛy irɔm
(AMatiyu 5:15; 6:22-23)
33“Vit anet fɛ́ a ta kurong na agaramun, na ma sak iwu ni nɛt, kɛ na faam iko na katsereng ayi, tit na sak iko narɔ kagarang, nɔng kɛ banet nɔ, na ba di karɔ gbɛy. 34Ayisi yin na a yet mgbɛy irɔm yin. Ke ayisi yin yet atek, kurɔm yin kusum ku da se mgbɛy; awɛt ke ayisi mi beseng, na hwyining yit kurɔm e kusum. 35Nek anɔng, nye yin ikyɛng fi da nye yin, kɔn mgbɛy fi in se ayɛt yin bi bun hwyining. 36Ki nrɔm yin kusum bi mgbɛy, vit kabak kakak fɛ́ ka da se hwyining, kaakyɛ da ron wɛshɛk, kpaf tɛ agaramun di ron gbɛy.”
AYeso tonong kawɛy BaFarasi nɛ bágwɔm irēn ntsi aMusa
(AMatiyu 23:1-36; AMarkus 12:38-40)
37Ama fɛ́ aYeso mi gang kucɛɛt, aFarasi akak ku rini nek na a tsɛ a yas ari wu, a tsɛ a sonong narɔ iyak e. 38Fɛ́ aFarasi me di aYeso kpa kuyak dang kusu mbɔk, a ku te yɔɔt. 39ATisa fɛ̀ ni wu, “Di, iyin BaFarasi, i kus yin kama aridɛ nɛ kama katsereng, awɛt nafa yin se ni ishining ni imak na anyas. 40Áshɔp ákak! Iwu Adakunom yɔng fɛ́ a nye kama me, iwu fɛ́ a nye kayɛt e awɛ? 41Nesek yin bakan ikyɛng fi i bɛ̀ yin, nɔng kaakyi ikyɛng da sot jɛrɛ.
42“Ya kye! Kawɛy se naton yin BaFarasi, nek iyin nesek yin Adakunom kigbasak kamazeng, na alenzut, ni ishɛrɛp ikon ama agɔɔt, ni rayin dang nye yin ikyɛng fi i se yɛɛt ni ishim Adakunom. I se kpaf ki i nye yin ifɛ́ ama, dang won yin ifɛ́ shon e.
43“Kawɛy se naton yin BaFarasi! Iyin shim yin narɔ isosok naratek na narɔ inyis baYahuda, ni itsɛsɛk yin ashow na narɔ ijik.
44“Kawɛy se naton yin! Nek i se yin tɛ arɛk fɛ́ da ba gorok ina na ata awo, fɛ́ banet di gosok naton na dang rēn.”
45Azining ayɛt bágwɔm irēn ntsi aMusa me fɛrɛng nate banet yɛ, “Anet itees, ki ngɔn cɛɛt anɔng, i sot ngɔn tsin ki tosong yit iyit yɔng!”
46AYeso tɛ a fɛ̀, “Kawɛy se naton yin bágwɔm irēn ntsi aMusa bà! Nek iceshek yin banet ni kunanang yɔng fi ku wat agap bá, ni iyin ace yin rayin dang ka ba te yin mo itsambɔk ni icet e.
47“Kawɛy se naton yin! Nek inoos yin batan arɛk atek, fɛ́ badakop yin kin fɛɛs iba. 48Nek iyin ice yin, i run yin kama ikyɛng fɛ́ badakop yin nye; fɛ́ ba fɛɛs batan ni iyin ka ba noos yin arɛk. 49Nek anɔng, Adakunom ayɛt kutsik irēn wu fɛ̀, ‘Imi da ka ba tom nɛ batan nɛ batom; ba da fɛɛs bakak ayɛt bá, na ba nesek bakak ayɛt bá iyɔm.’ 50Nek anɔng, ba bi tsɛt nasok batan fɛ́ ba kin nos neme fɛ́ ba di nye kazatse kang ni mbɔk banet kuzam kang, 51ikyɛng fi isok nkum izen ifɛt aHabila, sak ni ifɛt aZakariya, fɛ́ ba kin fɛt nkum kuta ashosh kunang ni itu aJɛrɛ. Ey, imi fɛ̀ ni yin, ba bi rip banet nnu nang kutsɛt banet yɔng ngma.
52“Kawɛy se naton yin bágwɔm irēn ntsi aMusa! Nek iyin faam yin banet ayisi i sɛ irēn. Iyin ace yin da inɔ yin ayɛt irēn e awo, iroyin ni ku nɔ na bayɔng fɛ́ ba tsɛt irèn inɔ.”
53Ama fɛ́ aYeso won azɔng, bafi itees ntsi aMusa, nɛ BaFarasi, ku te ashon makiyi, ba kpa ku jɔɔt ni nzam-nzam irisim, 54ba tsɛt irèn fɛ́ ba da ku yit mo ni inɛn ayɛt ikyɛng fɛ́ a da fɛ̀.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2019 The Nigeria Bible Translation Trust and © 2019 Wycliffe Bible Translators, Inc.