ᐁᐠᓴᑕᐢ 14
14
1ᑳ ᑎᐯᔨᐦᒋᑫᐟ ᒫᑲ ᑭ ᑭᑐᑌᐤ ᒧᓯᓴ ᐅᒥᓯ ᐁ ᐃᑖᐟ. 2ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᑕ ᑫᐧᐢᑭᒋᐠ ᐁᑯᓯ ᑭᑕ ᑲᐯᓯᒋᐠ ᑎᐱᐢᑯᐨ ᐸᐃᐦᐋᐦᐃᕒᐋᐦᐟ, ᑕᐢᑕᐋᐧᔨᕽ ᒥᐠᑖᓬ ᒥᓇ ᑭᐦᒋᑲᒥ, ᐅᐦᑎᐢᑲᐤ ᐯᐊᓬᓯᐹᐣ; ᑭᓯᐋᐧᐠ ᐁᑯᑕ ᑭ ᑲ ᑲᐯᓯᓈᐋᐧᐤ ᓯᓱᒑᔨᕽ ᐃᐧᓂᐯᑯᕽ. 3ᒋᑫᒫ ᐯᕒᐅ ᑭᑕ ᐃᑌᐧᐤ, ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐋᒋᓯᓇᐧᐠ ᐅᐢᑭᕽ, ᐱᑲᐧᑕᐢᑭ ᑭᐸᐦᐅᑲᐧᐠ. 4ᓂ ᑲ ᒪᐢᑲᐃᐧᑖᐋᐧᐣ ᒫᑲ ᐯᕒᐅ ᐅᑌᐦ, ᑭᑕ ᐱᒥᑎᓴᐋᐧᐟ, ᓂ ᑲ ᐅᐦᒋ ᑭᐢᑌᔨᑖᑯᐃᓱᐣ ᒫᑲ ᐯᕒᐅ ᒥᓇ ᑲᐦᑭᔭᐤ ᐅ ᓄᑎᓂᑭᒪ; ᐊᓂᑭ ᐃᒋᑊᐟ ᐊᔨᓯᔨᓂᐊᐧᐠ ᑭᑕ ᑭᐢᑫᔨᑕᐦᑭᐠ ᐁ ᑎᐯᔨᐦᒋᑫᔮᐣ. ᐁᑯᓯ ᒫᑲ ᑭ ᑐᑕᒪᐧᐠ.
5ᑭ ᐃᐧᐦᑕᒪᐋᐧᐤ ᒫᑲ ᐃᒋᑊᐟ ᑭᐦᒋ ᐅᑭᒫᐤ ᐊᓂᑭ ᐊᔨᓯᔨᓂᐊᐧᐠ ᐁ ᑕᐸᓯᒋᐠ; ᐁᑲᐧ ᒫᑲ ᐅᑌᐦ ᐯᕒᐅ ᒥᓇ ᐅᐟ ᐊᑐᐢᑫᔮᑲᓇ ᑭ ᑫᐧᐢᑭᐸᔨᔨᐤ ᑳ ᑭ ᐃᑌᔨᒫᒋᐠ ᐊᓂᐦᐃ ᐊᔨᓯᔨᓂᐊᐧ, ᐅᒥᓯ ᒫᑲ ᑭ ᐃᑌᐧᐊᐧᐠ, ᑖᓀᐦᑭ ᐅᒪ ᑳ ᑭ ᑐᑕᒪᕽ? ᑳ ᑭ ᐸᑭᑎᓈᔭᑯᐠ ᐃᐢᕒᐁᐃᓬ ᐁ ᐊᑐᐢᑳᑯᔭᑯᐠ? 6ᑭ ᑲᐧᔮᒋᐁᐤ ᒫᑲ ᐅ ᑎᑎᐱᑖᐹᓈᐢᑲᐧ, ᐁᑯᓯ ᐁ ᑭ ᓯᐯᐧ ᐃᐧᒉᐋᐧᐟ ᐅᐟ ᐊᔨᓯᔨᓂᒪ. 7ᑭ ᓇᐊᐧᓱᓀᐤ ᒫᑲ ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᑎᑎᐱᑖᐹᓈᐢᑲᐧ, ᒥᓇ ᑲᐦᑭᔭᐤ ᑎᑎᐱᑖᐹᓈᐢᑲᐧ ᐊᓂᑕ ᐃᒋᑊᑎᕽ ᐁᑯᓯ ᓯᒫᑲᓂᓯᐃᐧᑭᒪᐊᐧ ᐁ ᑭ ᑖᑎᐯᔨᐦᑕᒧᐋᐟ ᑲᐦᑭᔭᐤ. 8ᑳ ᑎᐯᔨᐦᒋᑫᐟ ᒫᑲ ᑭ ᒪᐢᑲᐃᐧᑖᐁᐧᐤ ᐅᑌᐦᐃᔨᐤ ᐯᕒᐅᐊᐧ ᐃᒋᑊᐟ ᑭᐦᒋ ᐅᑭᒫᐊᐧ, ᑭ ᓇᐋᐧᐢᐋᐧᑌᐤ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓯᔨᐊᐧ; ᐊᓂᑭ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᓯᐯᐧᑌᐊᐧᐠ ᑭᐦᒋ ᒥᒋᐦᒋ ᑭᑭ. 9ᒫᑲ ᐃᒋᑊᐟ ᐊᔨᓯᔨᓂᐊᐧᐠ ᑭ ᐱᒥᑎᓴᐁᐧᐊᐧᐠ, ᑲᐦᑭᔭᐤ ᐅ ᒥᐢᑕᑎᒧᒪ ᒥᓇ ᐅ ᑎᑎᐱᑖᐹᓈᐢᑲᐧ ᐯᕒᐅ ᒥᓇ ᐅᑌᐦᑕᐱᐊᐧ ᒥᓇ ᐅᓄᑎᓂᑫᒪ, ᐁᑯᓯ ᐁ ᑭ ᐊᑎᒥᓀᐋᐧᐟ ᐁ ᑲᐯᓯᔨᐠ ᒋᑭ ᐃᐧᓂᐯᑯᕽ ᒋᑭ ᐸᐃᐦᐋᐦᐃᕒᐋᐦᐟ ᑎᐱᐢᑯᐨ ᐯᐊᓬᓯᐹᐣ.
10ᐃᐢᐱ ᒫᑲ ᐯᕒᐅ ᑭᓯᐋᐧᐠ ᐁᑎ ᐃᐦᑖᐟ, ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐃᑖᐱᐊᐧᐠ ᐁᑯᓯ ᐳᑎ ᐃᒋᑊᐟ ᐊᔨᓯᔨᓂᐊᐧ ᑭ ᐱᒥᑎᓴᐅᑲᐧᐠ; ᓈᐢᐱᐨ ᒫᑲ ᑭ ᓭᑭᓯᐊᐧᐠ; ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᒪᐃᐧᒧᐢᑕᐁᐧᐊᐧᐠ ᑳ ᑎᐯᔨᐦᒋᑫᔨᐟ. 11ᐅᒥᓯ ᒫᑲ ᑭ ᐃᑌᐊᐧᐠ ᒧᓯᓴ, ᐁᑳ ᒋ ᐁ ᐃᐦᑕᑲᐧᑭ ᔨᑲᐧᐦᐊᐢᑳᓇ ᐃᒋᑊᑎᕽ ᑳ ᑭ ᐅᐦᒋ ᓯᐯᐧᑕᐃᔮᕽ ᑭᑕ ᓂᐱᔮᕽ ᐱᑲᐧᑕᐢᑭᕽ? ᑖᓀᐦᑭ ᐅᒥᓯ ᑳ ᑭ ᑐᑕᐃᐧᔮᕽ, ᐁ ᑭ ᐯ ᐊᐧᔭᐃᐧᑕᐦᐃᔮᕽ ᐃᒋᑊᑎᕽ ᐅᐦᒋ? 12ᓇᒪ ᒋ ᐁᐊᐧᑯ ᐅᒪ ᑳ ᑭ ᐃᑎᑖᕽ ᐃᒋᑊᑎᕽ, ᐁ ᐃᑌᐧᔮᕽ, ᐁᑳᑐᑕᐃᐧᓈᐣ, ᑭᔮᒼ ᓂ ᑲ ᐊᑐᐢᑲᐋᐧᓈᓇᐠ ᐃᒋᑊᐟ ᐊᔨᓯᔨᓂᐊᐧᐠ? ᒋᑫᒫ ᓇᐊᐧᐨ ᑭᑕ ᑭ ᒥᔮᐧᓯᓄᐸᐣ ᑭᑖ ᐊᑐᐢᑲᐋᐧᔮᐦᑭᐠ ᐃᒋᑊᐟ ᐊᔨᓯᔨᓂᐊᐧᐠ? ᐃᐢᐱᐦᐨ ᑭᑕ ᓂᐱᔮᕽ ᐱᑲᐧᑕᐢᑭᕽ?
13ᒧᓯᐢ ᒫᑲ ᐅᒥᓯ ᑭ ᐃᑌᐤ ᐊᔨᓯᔨᓂᐊᐧ, ᐁᑳᐃᐧᔭ ᓭᑭᓯᐠ, ᑭᔮᒥᑳᐸᐃᐧᐠ, ᒥᓇ ᐋᐧᐸᐦᑕᒧᐠ ᑳ ᑎᐯᔨᐦᒋᑫᐟ ᐅ ᐱᒫᒋᐦᐃᐁᐧᐃᐧᐣ, ᐊᓂᒪ ᑫ ᐋᐧᐸᐦᑕᐦᐃᑯᔦᐠ ᐊᓄᐦᐨ ᑳ ᑭᓯᑳᐠ; ᒋᑫᒫ ᐊᓂᑭ ᐃᒋᑊᐟ ᐊᔨᓯᔨᓂᐊᐧᐠ ᑳ ᑭ ᐋᐧᐸᒫᔦᑯᐠ ᐊᓄᐦᐨ ᑳ ᑭᓯᑳᐠ ᓇᒪᐃᐧᑳᒥᓇ ᑭ ᑲ ᐋᐧᐸᒫᐊᐧᐊᐠ ᓈᐢᐱᒋ. 14ᑳ ᑎᐯᔨᐦᒋᑫᐟ ᒫᑲ ᑭ ᑲ ᓈᑕᒪᑯᐋᐧᐤ ᐁᑯᓯ ᑭᔮᐋᐧᐤ ᓇᒪ ᓈᐣᑕᐤ ᑭ ᑲ ᐃᑖᐧᓈᐋᐧᐤ.
15ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᑖᓀᐦᑭ ᑳ ᑌᐹᐧᓯᔭᐣ? ᐃᐧᐦᑕᒪᐃᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᔭᑯᑎᒋᐠ. 16ᒫᑲ ᐅᐦᐱᓇ ᑭᔭ ᑭ ᓴᐢᑲᐅᐣ, ᒥᓇ ᓱᐃᐧᓂᐢᑫᐢᑕ ᐃᐧᓂᐯᐠ ᐁᑯᓯ ᑕᐃᐧᓇ; ᐊᓂᑭ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᒧᐢᑕᐢᑲᒥᑯᑌᐊᐧᐠ ᐊᓂᑕ ᒣᑳᐧ ᐃᐧᓂᐯᑯᕽ. 17ᐁᑯᓯ ᓂᔭ, ᒫᑎᑲ, ᓂ ᑲ ᒪᐢᑲᐃᐧᐦᑖᐋᐧᐣ ᐅᑌᐦᐃᐋᐧᐊᐧ ᐃᒋᑊᐟ ᐊᔨᓯᔨᓂᐊᐧᐠ; ᐁᑯᓯ ᒫᑲ ᑭᑕ ᐱᒥᑎᓴᐁᐧᐊᐧᐠ; ᓂ ᑲ ᐅᑎᓇᒫᓱᐣ ᒫᑲ ᑭᑕ ᑭᐢᑌᔨᒥᐟ ᐯᕒᐅ, ᒥᓇ ᑲᐦᑭᔭᐤ ᐅ ᓄᑎᓂᑫᒪ, ᒥᓇ ᐅ ᑎᑎᐱᑖᐹᓈᐢᑲᐧ ᒥᓇ ᐅᑌᑕᐱᒪ. 18ᐃᒋᑊᐟ ᐊᔨᓯᔨᓂᐊᐧᐠ ᒫᑲ ᑭᑕ ᑭᐢᑫᔨᑕᒪᐧᐠ ᓂᔭ ᐁ ᑎᐯᔨᐦᒋᑫᔮᐣ, ᐃᐢᐱ ᑭ ᑲᐢᑭᑕᒫᓱᔮᓂ ᑭᑕ ᑭᐢᑌᔨᒥᐟ ᐯᕒᐅ ᐅ ᑎᑎᐱᑖᐹᓈᐢᑲᐧ ᒥᓇ ᐅᑌᑕᐱᒪ.
19ᑭᓭᒪᓂᑐ ᒫᑲ ᐅᑭᓯᑯᒪ ᑳ ᓂᑳᓄᑕᐋᐧᐟ ᐃᐢᕒᐁᐃᓬᐊ, ᑭ ᐋᐦᑐᐦᑌᐤ ᐁ ᑭ ᐅᑖᑫᐢᑲᐋᐧᐟ, ᐊᓂᒪ ᒫᑲ ᐁ ᓴᒪᑕᐢᑯᐊᐧᕽ ᑳ ᓂᑳᓇᑖᑯᒋᐠ ᑭ ᐋᐦᒋᐸᔨᐤ ᐁ ᐅᑖᐦᑫᐢᑳᑯᒋᐠ. 20ᑭ ᐊᔮᐤ ᒫᑲ ᑕᐢᑕᐋᐧᔨᕽ ᐃᑕ ᐁ ᐊᔮᒋᐠ ᐃᒋᑊᐟ ᐊᔨᓯᔨᓂᐊᐧᐠ ᒥᓇ ᐃᐢᕒᐁᐃᓬ; ᐁᑯᓯ ᒫᑲ ᑭ ᐊᐧᐢᑯᐊᐧᐣ ᒥᓇ ᑭ ᐊᐧᓂᑎᐱᐢᑭᐢᑳᑲᐧᐠ ᐁᐊᐧᑯᓂᐠ, ᒫᑲ ᐃᐧᔭ ᐅᑭ ᑭ ᐋᐧᓭᐢᑲᒫᑲᐧᐠ ᐁ ᒣᑲᐧ ᑎᐱᐢᑳᔨᐠ; ᐁᑯᓯ ᒫᑲ ᓇᒪᐃᐧᔭ ᑭᓯᐋᐧᐠ ᑭ ᓈᑎᑐᐊᐧᐠ ᑲᐯᑎᐱᐢᐠ. 21ᒧᓯᐢ ᒫᑲ ᑭ ᓱᐃᐧᓂᐢᑫᐢᑕᒼ ᐃᐧᓂᐯᐠ; ᑳ ᑎᐯᔨᐦᒋᑫᐟ ᒫᑲ ᑭ ᐃᓯᑖᐤ ᑭᑕ ᑭᐁᐧᐸᔨᐠ ᓱᐦᑭ ᐁ ᐋᐧᐸᓂᔪᑎᕽ ᐁᑯᐢᐱ ᑲᐯᑎᐱᐢᐠ ᐁᑯᓯ ᐁ ᑭ ᐹᐢᑌᐃᐧᐢᑲᒥᑭᑖᐟ ᐃᐧᓂᐯᑯᕽ, ᐊᓂᐦᐃ ᒫᑲ ᓂᐱᔭ ᑭ ᓂᓱᑖᐸᔨᐊᐧ. 22#1 ᑲᕒᐃᐣᑎᔭᓇ 10:1,2; ᐦᐃᐸᕒᐅᐊᐧ 11:29ᐃᐢᕒᐁᐃᓬ ᒫᑲ ᐅᐟ ᐊᐋᐧᓯᒥᓴ ᑭ ᐱᒧᐦᑌᐊᐧᐠ ᒣᑳᐧ ᐃᐧᓂᐯᑯᕽ ᐁ ᐹᑲᐧᐢᑲᒥᑳᔨᐠ; ᐊᓂᐦᐃ ᒫᑲ ᓂᐱᔭ ᑭ ᒣᓂᑲᓂᐢᑳᑲᐧᐠ ᐅ ᑭᐦᒋᓂᐢᑭᐋᐧᕽ ᒥᓇ ᐅ ᓇᒪᐦᑎᓂᐋᐧᕽ.
23ᐃᒋᑊᐟ ᐊᔨᓯᔨᓂᐊᐧᐠ ᒫᑲ ᑭ ᐱᒥᑎᓴᐁᐧᐊᐧᐠ, ᒥᓇ ᒣᑳᐧ ᐃᐧᓂᐯᑯᕽ ᐁ ᑭ ᐃᓯ ᐱᒥᑎᓴᐋᐧᒋᐠ ᑲᐦᑭᔭᐤ ᐯᕒᐅ ᐅ ᒥᐢᑕᑎᒧᒪ, ᐅ ᑎᑎᐱᑖᐹᓈᐢᑲᐧ, ᒥᓇ ᐅᑌᑕᐱᐊᐧ. 24ᑭ ᐊᔨᑭᐣ ᒫᑲ ᐃᐢᐱ ᐁ ᐯᑖᐸᕽ ᑳ ᑎᐯᔨᐦᒋᑫᐟ ᑭ ᓵᐳ ᑲᓄᐋᐧᐸᒣᐤ ᐃᒋᑊᐟ ᐅᓄᑎᓂᑫᐊᐧ ᐁ ᓴᒪᑕᑯᔦᐠ ᐃᐢᑯᑌᐤ ᐅᐦᒋ ᒥᓇ ᐊᐧᐢᑯ, ᐁᑯᓯ ᐁ ᑭ ᐊᐧᓈᐋᐟ ᐃᒋᑊᐟ ᐅᓄᑎᓂᑫᐊᐧ. 25ᒥᓇ ᐁ ᑭ ᑫᒋᑯᓇᒫᐧᐠ ᐅ ᑎᑎᐱᑖᐹᓈᐢᑯᔨᕽ ᐅᐦᒋ ᑳ ᑎᑎᐱᐸᔨᓂᔨᑭ, ᐁᑯᓯ ᒫᑲ ᑭ ᑯᓯᑯᐸᔨᔨᐊᐧ; ᐃᒋᑊᐟ ᐊᔨᓯᔨᓂᐊᐧᐠ ᒫᑲ ᑭ ᐃᑌᐧᐊᐧᐠ, ᑭᔮᒼ ᑕᐸᓯᐋᑖᓂᐠ ᐃᐢᕒᐁᐃᓬᐊᐠ; ᒋᑫᒫ ᑳ ᑎᐯᔨᐦᒋᑫᐟ ᓄᑎᓂᑫᐢᑕᒪᐁᐧᐤ ᐁ ᓄᑎᓈᐟ ᐃᒋᑊᐟ ᐊᔨᓯᔨᓂᐊᐧ.
26ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᓱᐃᐧᓂᐢᑫᐢᑕ ᑭᐦᒋ ᐃᐧᓂᐯᐠ ᓂᐱ ᑭᑕ ᐊᑲᐧᓂᐢᑳᑯᒋᐠ ᐃᒋᑊᐟ ᐊᔨᓯᔨᓂᐊᐧᐠ, ᐅ ᑎᑎᐱᑖᐸᓈᐢᑯᐋᐧᐊᐧ, ᒥᓇ ᐅᑌᑕᐱᐊᐧ. 27ᒧᓯᐢ ᒫᑲ ᑭ ᓱᐃᐧᓂᐢᑫᐢᑕᒼ ᐃᐧᓂᐯᐠ, ᐊᓂᒪ ᒫᑲ ᐃᐧᓂᐯᐠ ᑭ ᓱᑳᓀᒋᐊᐧᐣ ᐁ ᑭᐁᐧᐸᔨᐠ ᐃᐢᐱ ᐁ ᐯᑖᐸᕽ; ᐃᒋᑊᐟ ᐊᔨᓯᔨᓂᐊᐧᐠ ᒫᑲ ᑭ ᑕᐸᓯᑖᐊᐧᐠ, ᐁᑯᓯ ᑳ ᑎᐯᔨᐦᒋᑫᐟ ᑭ ᓂᓯᐊᐧᓈᒋᐁᐤ ᐃᒋᑊᐟ ᐊᔨᓯᔨᓂᐊᐧ ᒣᑳᐧ ᐃᐧᓂᐯᑯᕽ. 28ᓂᐱᔭ ᒫᑲ ᑭ ᑭᐁᐧᐸᔨᐊᐧ, ᐁ ᑭ ᐊᔨᐃᐧᐯᒋᐠ ᑎᑎᐱᑖᐹᓈᐢᑲᐧᐠ, ᒥᓇ ᐅᑌᑕᐱᐊᐧᐠ, ᑲᐦᑭᔭᐤ ᐯᕒᐅ ᐅ ᓄᑎᓂᑫᒪ ᐃᐧᓂᐯᑯᕽ ᑳ ᑭ ᐯ ᐃᓯ ᐱᒥᑎᓴᐋᐧᒋᐠ; ᓇᒪᐋᐧᐨ ᐯᔭᐠ ᑭ ᐸᐢᐱᐤ. 29ᒫᑲ ᐃᐧᔭ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐱᒧᐦᑌᐊᐧᐠ ᐁ ᒧᐢᑕᐢᑲᒥᑳᔨᐠ ᑭᐦᒋᑲᒥᕽ; ᐊᓂᐦᐃ ᒫᑲ ᓂᐱᔭ ᑭ ᒣᓂᑫᐢᑳᑲᐧᐠ ᐅ ᑭᐦᒋᓂᐢᑭᐋᐧᕽ ᒥᓇ ᐅ ᓇᒪᑎᓂᐋᐧᕽ. 30ᐁᑯᓯ ᐅᒪ ᑳ ᑎᐯᔨᐦᒋᑫᐟ, ᑳ ᑭ ᐃᓯ ᐱᒫᒋᐦᐋᐟ ᐃᐢᕒᐁᐃᓬ ᐁᑯᐢᐱ ᐁ ᑭᓯᑳᔨᐠ, ᐅᒋᐦᒋᔨᕽ ᐅᐦᒋ ᐃᒋᑊᐟ ᐊᔨᓯᔨᓂᐊᐧ; ᐊᓂᑭ ᒫᑲ ᐃᐢᕒᐁᐃᓬ ᑭ ᐋᐧᐸᒣᐊᐧᐠ ᐃᒋᑊᐟ ᐊᔨᓯᔨᓂᐊᐧ ᐁ ᓂᐱᔨᐟ ᐁ ᐊᑳᐧᔮᐅᑯᔨᐟ ᓯᓱᓀ ᐃᐧᓂᐯᑯᕽ. 31ᐃᐢᕒᐁᐃᓬ ᒫᑲ ᑭ ᐋᐧᐸᐦᑕᒪᐧᐠ ᐊᓂᒪ ᑭᐦᒋ ᐊᑐᐢᑫᐃᐧᐣ ᑳ ᑭ ᑐᑕᐋᐧᐟ ᑳ ᑎᐯᔨᐦᒋᑫᐟ ᐃᒋᑊᐟ ᐊᔨᓯᔨᓂᐊᐧ; ᐊᓂᑭ ᒫᑲ ᐊᔨᓯᔨᓂᐊᐧᐠ ᑭ ᑯᓯᑫᐧᔨᒣᐊᐧᐠ ᑳ ᑎᐯᔨᐦᒋᑫᔨᐟ, ᐁᑯᓯ ᐁ ᑭ ᑖᐯᐧᑕᐋᐧᒋᐠ ᑳ ᑎᐯᔨᐦᒋᑫᔨᐟ, ᒥᓇ ᐅᐟ ᐊᑐᐢᑫᔮᑲᓂᔨᐊᐧ ᒧᓯᓴ.
നിലവിൽ തിരഞ്ഞെടുത്തിരിക്കുന്നു:
ᐁᐠᓴᑕᐢ 14: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.
