ᐁᐠᓴᑕᐢ 15
15
1 #
ᑭᐢᑫᔨᐦᑖᑯᐦᑫᐃᐧᐣ 15:3
ᐁᑯᐢᐱ ᒫᑲ ᒧᓯᐢ ᒥᓇ ᐊᓂᑭ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᓂᑲᒧᐢᑕᐁᐧᐊᐧᐠ ᑳ ᑎᐯᔨᐦᒋᑫᔨᐟ ᐅᒪ ᓂᑲᒧᐣ, ᐁᑯᓯ ᐁ ᑭ ᐱᑭᐢᑫᐧᒋᐠ ᐅᒥᓯ ᐁ ᐃᑌᐧᒋᐠ, ᓂ ᑲ ᓂᑳᒧᐢᑕᐋᐧᐤ ᑳ ᑎᐯᔨᐦᒋᑫᐟ ᒋᑫᒫ ᑭ ᒫᒪᐢᑳᒋ ᓵᑯᑖᐧᐤ; ᒥᐢᑕᑎᒪᐧ ᒥᓇ ᐊᓂᐦᐃ ᑳ ᑌᐦᑕᐱᔨᐟ ᑭ ᐃᓯᐁᐧᐱᓀᐤ ᑭᐦᒋᑲᒥᕽ.
2 #
ᓂᑲᒧᓇ 118:14; ᐊᐩᓵᔭ 12:2 ᑳ ᑎᐯᔨᐦᒋᑫᐟ ᓄᒪᐢᑲᐃᐧᓯᐃᐧᓂᐣ ᒥᓇ ᓄᓂᑲᒧᓂᐣ, ᐃᐧᔭ ᓄᐱᒫᒋᐦᐃᐁᐧᒼ; ᐁᐊᐧᑯ ᐊᐊᐧ ᓂ ᑭᓭᒪᓂᑐᒼ ᐁᑯᓯ ᓂ ᑲ ᒪᒥᐦᒋᒫᐤ; ᓄᑖᐃᐧ ᐅ ᑭᓭᒪᓂᑐᒪ ᓂ ᑲ ᑭᐢᑕᑭᒫᐤ.
3ᑳ ᑎᐯᔨᐦᒋᑫᐟ ᓇᑐᐸᔨᐋᐧᔨᓯᔨᓂᐃᐧᐤ; ᑳ ᑎᐯᔨᐦᒋᑫᐟ ᐃᓯᔨᐦᑳᓱ.
4ᐯᕒᐅ ᐅ ᑎᑎᐱᑖᐹᓈᐢᑯᔨᐊᐧ ᒥᓇ ᐅᓄᑎᓂᑫᒥᔨᐊᐧ ᑭ ᐃᓯᐁᐧᐱᓀᐤ ᐃᐧᓂᐯᑯᕽ; ᑳ ᑭ ᓇᐊᐧᓱᓈᐟ ᐅ ᓯᒫᑲᓂᓯᐃᐧᑭᒫᒪ ᑯᓵᐯᔨᐊᐧ ᒥᐦᑳᐧᑲᒥᐃᐧ ᐃᐧᓂᐯᑯᕽ.
5ᑎᒥᔮᐊᐧ ᑭ ᐊᑲᐧᓇᐅᑲᐧᐠ; ᑭ ᑯᓵᐯᐊᐧᐠ ᐊᑖᒥᕽ ᓂᐱᕽ ᑖᐱᐢᑯᐨ ᐊᓯᓂ.
6ᑭ ᑭᐦᒋᓂᐢᐠ ᑳ ᑎᐯᔨᐦᒋᑫᔭᐣ ᑭᐦᒑᔨᐊᐧᐣ ᑲᐢᑭᐦᐁᐃᐧᓯᐃᐧᓂᕽ; ᑭ ᑭᐦᒋᓂᐢᐠ ᐅᐦᒋ ᑳ ᑎᐯᔨᐦᒋᑫᔭᐣ ᑭ ᐱᑭᓂᐁᐧᐸᐋᐧᐤ ᑳ ᐃᐧ ᓂᓯᐃᐧᓈᒋᐦᐃᐁᐧᐠ.
7ᐁ ᐃᓯ ᑭᐦᒑᔨᐊᐧᕽ ᑭ ᑭᐢᑌᔨᑖᑯᓯᐃᐧᐣ ᑭ ᑭ ᓵᑯᒋᐋᐊᐧᐠ ᐊᓂᑭ ᑳ ᐸᓯᑯᐢᑖᐢᑭᐠ; ᑭ ᓯᐯᐧᑎᓴᐁᐣ ᑭ ᑭᓯᐋᐧᓯᐃᐧᐣ, ᐁᑯᓯ ᒑᑳᐢᑭᓱᑲᐧᐠ ᑖᐱᐢᑯᐨ ᐃᐢᑯᓵᐋᐧᒋᑲᐣ.
8ᐁ ᓱᐦᑭ ᔦᔦᔭᐣ ᑭᑌᔨᑯᒥᕽ ᑭ ᐅᐦᒋ ᒫᒪᐃᐧᐸᔨᐊᐧ ᓂᐱᔭ; ᐊᓂᐦᐃ ᐃᐢᑭᐯᐊᐧ ᑭ ᓴᒪᒋᑳᐸᐃᐧᒪᑲᓇᐧ ᑖᐱᐢᑯᐨ ᐁ ᐱᐢᑲᐧᐢᑌᐠ: ᐊᓂᐦᐃ ᒫᑲ ᑎᒥᔮᐊᐧ ᑭ ᐋᐦᑲᐧᑎᓇᐧ ᑖᐋᐧᔨᕽ ᐃᐧᓂᐯᑯᕽ.
9ᑳ ᐃᐧ ᓂᓯᐊᐧᓈᒋᐦᐃᐁᐧᐟ ᑭ ᐃᑌᐧᐤ, ᓂ ᑲ ᓇᐊᐧᓵᐧᑖᐊᐧᐠ, ᓂ ᑲ ᐊᑎᒫᐊᐧᐠ, ᓂ ᑲ ᒫᑎᓈᐋᐧᐣ ᒪᓂᐊᐧᑌᐃᐧᐣ; ᓂᐟ ᐊᑳᐋᐧᑕᒧᐃᐧᐣ ᓂ ᑲ ᑌᐱᔭᐁᐧᑖᐣ; ᓂ ᑲ ᒧᓯᓱᓀᐣ ᓂᐟ ᐃᓴᐁᐧᑯᒫᐣ, ᓂᒋᐦᒋᔨᐤ ᑭᑕ ᓂᓯᐊᐧᓈᒋᐃᑲᐧᐠ.
10ᑭ ᑭ ᐳᑖᒋᑳᐣ ᑭ ᔪᑎᓄᒼ ᐅᐦᒋ, ᐊᓂᒪ ᐃᐧᓂᐯᐠ ᑭ ᐊᑲᐧᓂᐢᑳᑲᐧᐟ; ᑭ ᑯᓵᐯᐊᐧᐠ ᑖᐱᐢᑯᐨ ᐱᐋᐧᐱᐢᐠ ᑭᐦᒋᓂᐱᐢᑲᕽ.
11ᐋᐁᐧᓇ ᐁᓯ ᐊᔮᐟ ᑖᐱᐢᑯᐨ ᑭᔭ ᑌᐯᔨᐦᒋᑫᔭᐣ ᑳ ᐃᐦᑕᓯᒋᐠ ᒪᓂᑐᐊᐧᐠ? ᐊᐁᐧᓇ ᐁᓯ ᐊᔮᐟ ᑖᐱᐢᑯᐨ ᑭᔭ ᐁ ᑭᐦᒑᔨᐃᐧᔭᐣ ᑲᓈᑎᓯᐃᐧᓂᕽ; ᐁ ᑯᐢᑖᑌᔨᑖᑯᓯᔭᐣ ᒥᐦᒋᒥᐁᐧᐃᐧᓂᕽ, ᐁ ᒪᒫᑖᐃᐧ ᐃᓯᐦᒋᑫᔭᐣ?
12ᑭ ᑭ ᓱᐃᐧᓀᐣ ᑭ ᑭᐦᒋᓂᐢᐠ ᐊᐢᑭ ᑭ ᒥᓯᐁᐧᐸᔨᐃᑲᐧᐠ.
13ᑭᔭ ᒫᑲ ᐃᐧᔭ ᑭ ᑭᓭᐋᐧᑎᓯᐃᐧᓂᕽ ᑭ ᑭ ᐱᒧᑕᐋᐊᐧᐠ ᐊᔨᓯᔨᓂᐊᐧᐠ ᐊᓂᑭ ᑳ ᑭ ᑭᐢᐱᓇᑕᒋᐠ; ᑭ ᑭ ᑭᐢᑭᓄᑕᐋᐊᐧᐠ ᑭ ᒪᐢᑲᐃᐧᓯᐃᐧᓂᕽ ᑭ ᑲᓈᒋᐃᐦᑖᐃᐧᓂᕽ ᐃᓯ.
14ᐊᔨᓯᔨᓂᐊᐧᐠ ᑭᑕ ᐯᐦᑕᒪᐧᐠ ᒥᓇ ᑭᑕ ᓭᑭᓯᐊᐧᐠ; ᒥᐦᒋᔭᐁᐧᓯᐃᐧᐣ ᑭᑕ ᐅᑎᐦᑎᓂᑲᐧᐠ ᐱᓬᐃᐢᑎᔭ ᑳ ᐅᐟ ᐅᐦᑖᐃᐧᓂᒋᐠ.
15ᐁᑲᐧ ᒫᑲ ᐅᑭᒫᑳᓇᐠ ᐃᑕᒥᕽ ᑭ ᐅᓵᒣᔨᑕᒪᐧᐟ; ᑭᐦᒋ ᐊᔨᓯᔨᓂᐊᐧᐠ ᒧᐋᑊ ᐊᐢᑭᕽ ᓇᓇᒥᐸᔨᐃᐧᐣ ᐅᑎᐦᑎᓂᑲᐧᐠ; ᑲᐦᑭᔭᐤ ᑳ ᐅᐟ ᐊᐢᑭᒋᐠ ᑫᓇᓂᕽ ᑭ ᒣᐦᒋᐸᔨᐊᐧᐠ.
16ᓭᑭᓯᐃᐧᐣ ᒥᓇ ᑯᐢᑖᒋᐃᐧᐣ ᐸᑲᒥᐢᑳᑲᐧᐠ; ᐁ ᐃᓯ ᓱᑳᔨᐊᐧᕽ ᑭᐢᐱᑐᐣ ᑭᔮᒥ ᐊᔮᐊᐧᐠ ᑖᐱᐢᑯᐨ ᐊᓯᓂ; ᐃᔨᑯᕽ ᑭᐟ ᐃᔨᓂᒪᐠ ᐁ ᑭ ᐋᓱᐊᐧᐦᐊᑭᐠ ᑌᐯᔨᐦᒋᑫᔭᐣ, ᐃᔨᑯᕽ ᐊᔨᓯᔨᓂᐊᐧᐠ ᐁ ᑭ ᐋᓱᐊᐧᐦᐊᑭᐠ ᑳ ᑭ ᐊᔮᐊᐧᒋᐠ.
17ᑭ ᑲ ᐱᑐᑲᐋᐊᐧᐠ, ᒥᓇ ᑭ ᑲ ᑭᐢᑎᑳᑖᐊᐧᐠ ᐊᐧᒋᕽ ᑳ ᑭ ᐅ ᑎᐯᔨᒋᑲᓂᔭᐣ, ᐊᓂᒪ ᐃᑕ ᑌᐯᔨᐦᒋᑫᔭᐣ ᑳ ᑭ ᐅᓯᐦᑕᒫᓱᔭᐣ ᑭᑕ ᐅᐟ ᐃᐦᑖᐃᐧᓂᔭᐣ, ᐊᓂᒪ ᑲᓈᒋᑲᒥᐠ ᑌᐯᔨᐦᒋᑫᔭᐣ ᑳ ᑭ ᐋᔮᑕᐢᑖᔭᐣ ᑭᒋᐦᒋᔭ ᐅᐦᒋ.
18ᑳ ᑎᐯᔨᐦᒋᑫᐟ ᑭᑕ ᑭᐦᒋ ᐅᑭᒫᑲᑕᒼ ᑳᑭᑫ ᒥᓇ ᑳᑭᑫ.
19ᒋᑫᒫ ᐅ ᒥᐢᑕᑎᒧᒪ ᐯᕒᐅ ᐊᓯᒋ ᐅ ᑎᑎᐱᑖᐹᓈᐢᑲᐧ ᐊᓯᒋ ᐅᑌᑕᐱᐊᐧ ᑭ ᐃᑐᐦᑌᔨᐊᐧ ᐃᐧᓂᐯᑯᕽ, ᑳ ᑎᐯᔨᐦᒋᑫᐟ ᒫᑲ ᑳᐃᐧ ᑭ ᐯ ᑭᐁᐧᐸᔨᑖᐁᐧᐤ ᓂᐱᔭ; ᒫᑲ ᐃᐧᔭ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᒧᐢᑕᐢᑲᒥᑯᑌᐊᐧᐠ ᒣᑳᐧ ᐃᐧᓂᐯᑯᕽ.
20ᒥᕒᐃᔭᒼ ᒫᑲ ᐅᑭᐢᑭᐁᐧᐦᐃᑫᐃᐧᐢᑫᐧᐤ, ᐅᑕᐁᐧᒫᐊᐧ ᐁᕒᐊᐣ, ᑭ ᐅᑎᓇᒼ ᑎᒼᐸᕒᐃᓬ ᐅᒋᐦᒋᕽ; ᑲᐦᑭᔭᐤ ᒫᑲ ᐃᐢᑫᐧᐊᐧ ᑭ ᐊᑎ ᓈᐊᔪᐢᑲᐠ ᐁ ᑕᐦᑯᓇᒥᔨᐟ ᑎᒼᐸᕒᐃᓬᐊ ᒥᓇ ᐁ ᓂᒥᐃᑐᔨᐟ. 21ᒥᕒᐃᔭᒼ ᒫᑲ ᑭ ᓇᐢᑫᐧᐊᐧᓯᒣᐤ,
ᓂᑲᒧᐢᑖᕽ ᑳ ᑎᐯᔨᐦᒋᑫᐟ ᒋᑫᒫ ᑭ ᒫᒪᐢᑳᒋ ᓵᑯᑖᐧᐤ; ᒥᐢᑕᑎᒪᐧ ᒥᓇ ᑳ ᑌᐦᑕᐱᔨᐟ ᑭ ᐃᓯᐁᐧᐱᓀᐤ ᐃᐧᓂᐯᑯᕽ.
22ᒧᓯᐢ ᒫᑲ ᑭ ᓯᐯᐧᑕᐁᐤ ᐃᐢᕒᐁᐃᓬᐊ ᒥᐦᑳᐧᑲᒥᐃᐧ ᐃᐧᓂᐯᑯᕽ ᐅᐦᒋ, ᐁᑯᓯ ᑭ ᐊᑎ ᐃᑐᐦᑌᐊᐧᐠ ᐱᑲᐧᑕᐢᑭᕽ ᓴᕒ; ᓂᐢᑐ ᑭᓯᑳᐤ ᒫᑲ ᑭ ᐱᒧᐦᑌᐊᐧᐠ ᐱᑲᐧᑕᐢᑭᕽ, ᐁᑯᓯ ᓇᒪ ᑫᑲᐧᐩ ᓂᐱ ᑭ ᒥᐢᑲᒪᐧᐠ.
23ᐃᐢᐱ ᒫᑲ ᑌᑯᓯᑭᐠ ᐊᓂᑕ ᒫᕒᐊ, ᓇᒪᐋᐧᐨ ᑭ ᒥᓂᐦᑫᐧᐊᐧᐠ ᒫᕒᐊ ᓂᐱᔭ ᒋᑫᒫ ᑭ ᐃᐧᓴᑲᓇᐧ; ᐁᐊᐧᑯ ᐅᐦᒋ ᒫᑲ ᒫᕒᐊ ᑳ ᑭ ᐃᓯᔨᐦᑳᑌᐠ. 24ᐊᔨᓯᔨᓂᐊᐧᐠ ᒫᑲ ᑭ ᓇᔦᐦᑖᐃᐧ ᐱᑭᐢᑳᑌᐊᐧᐠ ᒧᓯᓴ, ᐅᒥᓯ ᐁ ᐃᑌᐧᒋᐠ, ᑫᑲᐧᐩ ᑫ ᒥᓂᐦᑫᐧᔮᕽ? 25ᑭ ᒪᐃᐧᒧᐢᑕᐁᐧᐤ ᒫᑲ ᑳ ᑎᐯᔨᐦᒋᑫᔨᐟ; ᑳ ᑎᐯᔨᐦᒋᑫᔨᐟ ᒫᑲ ᑭ ᐋᐧᐸᐦᑕᐦᐃᐠ ᒥᐢᑎᑲᐧ, ᐁᑯᓯ ᐃᐢᐱ ᓂᐱᕽ ᑳ ᐸᑲᐢᑕᐁᐧᐋᐟ, ᓂᐱᔭ ᑭ ᐃᐧᑲᓯᓇᐧ; ᐁᑯᑕ ᒫᑲ ᑭ ᐅᔭᐢᑕᒪᐁᐧᐤ ᑲᑫᐢᑫᐧᐃᐧᐣ ᒥᓇ ᐃᓯᑖᐧᐃᐧᐣ, ᒥᓇ ᐁᑯᑕ ᑭ ᑯᑌᔨᒣᐤ. 26ᐅᒥᓯ ᒫᑲ ᑭ ᐃᑌᐤ, ᑭᐢᐱᐣ ᑫ ᐊᐦᑲᒥ ᓇᑐᐦᑕᒧᐊᐧᓂ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᒥᓇ ᑫ ᐃᐦᑐᑕᒧᐊᐧᓀ ᐊᓂᒪ ᑳ ᐃᓯ ᒥᔮᐧᐱᓯᒥᑯᐟ, ᒥᓇ ᐃᐧ ᓇᑐᐦᑕᒪᐧᒋ ᐅᐟ ᐃᑕᓱᐁᐧᐃᐧᓇ, ᒥᓇ ᑲᓀᐧᔨᑕᒪᐧᒋ ᐅ ᑲᑫᐢᑫᐧᐃᐧᓇ, ᓇᒪᐋᐧᐨ ᐯᔭᐠ ᐅᐦᐃ ᐃᑖᐢᐱᓀᐃᐧᓇ ᑭ ᑲ ᐸᑭᑎᓇᒫᑎᐣ ᑳ ᑭ ᐸᑭᑎᓇᒪᐊᐧᑭᐠ ᐃᒋᑊᐟ ᐊᔨᓯᔨᓂᐊᐧᐠ; ᒋᑫᒫ ᓂᔭ ᑳ ᑎᐯᔨᐦᒋᑫᔮᐣ ᑳ ᐃᔨᓂᑲᐦᐃᑖᐣ.
27ᑭ ᐅᑎᐦᑕᒪᐧᐠ ᒫᑲ ᐃᓬᐃᒼ, ᐃᑕ ᑳ ᑭ ᐊᔮᑭ ᒥᑖᑕᐦᐟ ᓂᓱᓵᑊ ᒧᐦᑭᒋᐊᐧᓂᐯᑲᐧ, ᒥᓇ ᑌᐸᑯᐦᐳᒥᑕᓇᐤ ᐹᒼ ᑐᐋᐧᑎᑲᐧᐠ; ᐁᑯᑕ ᒫᑲ ᑭ ᑲᐯᓯᐊᐧᐠ ᒋᑭ ᓂᐱᕽ.
നിലവിൽ തിരഞ്ഞെടുത്തിരിക്കുന്നു:
ᐁᐠᓴᑕᐢ 15: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.
