ᐁᐠᓴᑕᐢ 13
13
1ᑳ ᑎᐯᔨᐦᒋᑫᐟ ᒫᑲ ᑭ ᑭᑐᑌᐤ ᒧᓯᓴ ᐅᒥᓯ ᐁ ᐃᑖᐟ, 2#ᓇᒼᐸᕒᐢ 3:13; ᓬᐅᐠ 2:23ᑲᓈᒋᑕᒪᐃᐧᐣ ᑲᐦᑭᔭᐤ ᓂᐢᑕᒧᓵᓇᐠ, ᐱᑳᐧᓇ ᓂᐢᑕᒼ ᐁ ᓂᐦᑖᐃᐧᑭᐟ ᐃᑕ ᐁ ᐊᔮᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐊᔨᓯᔨᓂᐤ ᐊᐦᐳ ᐱᓯᐢᑭᐤ; ᓂᔭ ᓂᐟ ᐊᔮᐣ.
3ᒧᓯᐢ ᒫᑲ ᐅᒥᓯ ᑭ ᐃᑌᐤ ᐊᔨᓯᔨᓂᐊᐧ, ᑲᓄᑭᐢᑭᓯᐠ ᐅᒪ ᑳ ᑭᓯᑳᐠ, ᐃᒋᑊᑎᕽ ᑳ ᐯ ᐅᐦᒋ ᐊᐧᔭᐃᐧᔦᐠ, ᐊᐊᐧᑳᑎᑯᐃᐧᓂᕽ ᐅᐦᒋ; ᒋᑫᒫ ᐁ ᒪᐢᑲᐃᐧᓯᒪᑲᓂᔨᐠ ᐅᒋᐦᒋ ᑳ ᑎᐯᔨᐦᒋᑫᔨᐟ ᐅᑕ ᑭ ᑭ ᐯ ᐅᐦᒋ ᐊᐧᔭᐃᐧᑕᐦᐃᑯᐋᐤ; ᓇᒪᐃᐧᔭ ᑭᑕ ᒧᐋᐧᐤ ᐁ ᐅᐦᐱᓱᐟ ᐸᐦᑫᐧᓯᑲᐣ. 4ᐊᓄᐦᐨ ᑳ ᑭᓯᑳᐠ ᑭ ᑭ ᐯ ᐊᐧᔭᐃᐧᓈᐋᐧᐤ ᒣᑳᐧᐨ ᐁ ᐱᒪᑭᒥᐦᐟ ᐊᓇ ᐱᓯᒼ ᐁᐱᑊ.
5ᑭᑕ ᐃᐦᑭᐣ ᒫᑲ ᐃᐢᐱ ᑳ ᑎᐯᔨᐦᒋᑫᐟ ᐯᓯᑯᔦᑯ ᐊᓂᑕ ᐅᐟ ᐊᐢᑭᐋᐧᕽ ᐊᓂᑭ ᑫᓇᓇᐃᑕᐠ, ᒥᓇ ᐦᐃᑕᐃᑕᐠ, ᒥᓇ ᐋᒪᕒᐊᐃᑕᐠ, ᒥᓇ ᐦᐊᐃᐸᐃᑕᐠ ᒥᓇ ᒉᑊᔪᓴᐃᑕᐠ ᐊᓂᒪ ᑳ ᑭ ᐊᓱᑕᒪᐋᐧᐟ ᑯᑖᐃᐧᔭ ᑭᑕ ᒥᔨᐢᐠ, ᐊᓂᒪ ᐊᐢᑭ ᑳ ᐱᒥᒋᐊᐧᕽ ᑐᑐᓵᐳ ᒥᓇ ᐊᒧᓯᓯᐹᐢᑲᐧᐟ, ᑭᑕ ᑎᐱᑐᑕᒣᐠ ᐅᒪ ᐃᓯᑖᐧᐃᐧᐣ ᐊᐊᐧ ᐱᓯᒼ ᐁ ᐱᒪᑭᒥᐦᐟ. 6ᑌᐸᑯᑊ ᑭᓯᑳᐤ ᑭ ᑲ ᒧᐋᐧᐤ ᐁᑳ ᐁ ᐅᐦᐱᓱᐟ ᐸᐦᑫᐧᓯᑲᐣ, ᑌᐸᑯᑊ ᒫᑲ ᐊᑎ ᑕᐦᑐᑭᓯᑳᑭ ᑭᑕ ᐃᐧᑯᑫᐢᑕᐋᐧᐤ ᑳ ᑎᐯᔨᐦᒋᑫᐟ. 7ᐁᑳ ᐁ ᐅᐦᐱᓱᐟ ᐸᐦᑫᐧᓯᑲᐣ ᑭᑕ ᒧᐋᐧᐤ ᑌᐸᑯᑊ ᑭᓯᑳᐤ; ᓇᒪᐃᐧᔭ ᒫᑲ ᑭ ᑲ ᐋᐧᐸᒥᑲᐃᐧᐣ ᑭᑕ ᐊᔮᐊᐧᐟ ᐁ ᐅᐦᐱᓱᐟ ᐸᐦᑫᐧᓯᑲᐣ; ᐊᐦᐳ ᓇᒪᐃᐧᔭ ᑭ ᑲ ᑭᑭᐋᐧᐸᒥᑲᐃᐧᐣ ᐅᐦᐱᐦᒋᒋᑲᐣ ᒥᓯᐁᐧ ᑭᐟ ᐃᐦᑖᐃᐧᓂᕽ.
8ᑭ ᑲ ᐋᐧᐸᑎᐋᐤ ᒫᑲ ᑭᑯᓯᐢ ᐁᑯᐢᐱ ᑭᓯᑳᑭ, ᐅᒥᓯ ᑭ ᑲ ᐃᑖᐤ, ᐅᒪ ᑐᒋᑳᑌᐤ ᐊᓂᒪ ᐅᐦᒋ ᑳ ᑎᐯᔨᐦᒋᑫᐟ ᑳ ᑭ ᑐᑕᐃᐧᐟ ᐃᐢᐱ ᐃᒋᑊᑎᕽ ᐁ ᐯ ᐅᐦᒋ ᐊᐧᔭᐃᐧᔮᐣ. 9ᐁᐊᐧᑯ ᒫᑲ ᑭ ᑲ ᐅ ᑭᐢᑭᓇᐋᐧᒋᐦᒋᑲᓂᐣ ᑭᒋᐦᒋᕽ, ᒥᓇ ᑭᑕ ᐋᒋᒧᐢᑖᑯᔭᐣ ᑕᐢᑕᐃᐧᐨ ᑭᐢᑭᓯᑯᕽ; ᑳ ᑎᐯᔨᐦᒋᑫᐟ ᐅᔭᓱᐁᐧᐃᐧᐣ ᑭᑐᓂᕽ ᑭᑕ ᐊᔮᐠ; ᒋᑫᒫ ᐁ ᒪᐢᑲᐃᐧᓯᒪᑲᕽ ᒥᒋᐦᒋ ᐅᐦᒋ ᑳ ᑎᐯᔨᐦᒋᑫᐟ ᑭ ᑭ ᐯ ᐊᐧᔭᐃᐧᑕᐦᐃᐠ ᐃᒋᑊᑎᕽ ᐅᐦᒋ. 10ᑭ ᑲ ᑎᐱᑐᑌᐣ ᒫᑲ ᐅᒪ ᐃᓯᑖᐧᐃᐧᐣ ᑕᐦᑖᐧᐤ ᐁᐧᑎᐦᒋᐸᔨᑭ ᑕᐦᑐ ᐊᐢᑭ.
11ᑭᑕ ᐃᐦᑭᐣ ᒫᑲ ᐃᐢᐱ ᑳ ᑎᐯᔨᐦᒋᑫᐟ ᐯᓯᐢᑭ ᐊᓂᑕ ᐅᐟ ᐊᐢᑭᐋᐧᕽ ᑫᓇᓇᐃᑕᐠ, ᑳ ᑭ ᐃᓯ ᑭᐦᒋᐃᑎᐢᐠ ᒥᓇ ᐊᓂᐦᐃ ᑯᑖᐁᐧᔭ, ᐁᑯᓯ ᒫᑲ ᒥᔨᐢᑭ. 12#ᐁᐠᓴᑕᐢ 34:19,20; ᓬᐅᐠ 2:23ᑭᑕ ᐱᐢᑭᑕᐢᑕᒪᐊᐧᐟ ᑳ ᑎᐯᔨᐦᒋᑫᐟ ᑲᐦᑭᔭᐤ ᓂᐢᑕᒼ ᑳ ᓂᐦᑖᐃᐧᑭᐟ, ᒥᓇ ᑕᐦᑐ ᓂᐢᑕᒼ ᐁ ᓄᑯᓯᐟ ᐱᓯᐢᑭᕽ ᐅᐦᒋ ᑳ ᐊᔮᐊᐧᐟ; ᓈᐯᐊᔭ ᑭᑕ ᐅᐟ ᐊᔮᓂᐤ ᑳ ᑎᐯᔨᐦᒋᑫᐟ. 13ᒥᓇ ᑕᐦᑐ ᓂᐢᑕᒼ ᑳ ᓂᐦᑖᐃᐧᑭᐟ ᓱᓱᒥᐢᑕᑎᒼ ᑭ ᑲ ᒥᐢᑯᑕᔮᐤ ᒫᔭᑎᐦᑯᓯᓴ ᐅᐦᒋ, ᑭᐢᐱᐣ ᒫᑲ ᓇᒪᐃᐧᔭ ᑭ ᐃᐧ ᒥᐢᑯᑕᔮᐤ ᑭ ᑲ ᑲᐢᑭᑫᐧᓈᐤ; ᑲᐦᑭᔭᐤ ᒫᑲ ᐅᓂᐢᑖᒧᓵᓇ ᐊᔨᓯᔨᓂᐤ ᐁ ᐅᑯᓯᓯᔭᐣ ᑭ ᑲ ᒥᐢᑯᑕᔮᐤ.
14ᑭᑕ ᐃᐦᑭᐣ ᒫᑲ ᐃᐢᐱ ᑭᑯᓯᐢ ᑲᑫᐧᒋᒥᐢᑭ ᓈᐣᑕᐤ ᐃᔨᑯᕽ, ᐅᒥᓯ ᐃᑌᐧᒋ, ᑫᑲᐧᐩ ᐅᒪ? ᐅᒥᓯ ᑭ ᑲ ᐃᑖᐤ, ᐁ ᒪᐢᑲᐃᐧᓯᒪᑲᓂᔨᐠ ᐅᒋᐦᒋ ᑳ ᑎᐯᔨᐦᒋᑫᐟ ᓂ ᑭ ᐯ ᐊᐧᔭᐃᐧᑕᐦᐃᑯᓈᐣ ᐃᒋᑊᑎᕽ ᐅᐦᒋ, ᐊᐊᐧᑳᑎᑯᐃᐧᑲᒥᑯᕽ ᐅᐦᒋ. 15ᑭ ᐊᔨᑭᐣ ᒫᑲ, ᐃᐢᐱ ᐯᕒᐅ ᐁᑕᑕᐤ ᐱᑯ ᐁ ᐃᐧ ᐸᑭᑎᓂᑯᔮᕽ, ᑳ ᑎᐯᔨᐦᒋᑫᐟ ᑭ ᓂᐸᐁᐤ ᑲᐦᑭᔭᐤ ᓂᐢᑕᒧᓵᓇ ᐃᒋᑊᐟ ᐊᐢᑭᕽ, ᐁ ᓂᐢᑕᒧᓵᓂᐃᐧᔨᐟ ᐊᔨᓯᔨᓂᐊᐧ, ᒥᓇ ᐁ ᓂᐢᑕᒥᓂᑖᐃᑭᔨᐟ ᐱᓯᐢᑭᐊᐧ; ᐁᐊᐧᑯ ᒫᑲ ᐅᐦᒋ ᑳ ᐸᑭᑎᓈᓱᐢᑕᐋᐧᐠ ᑳ ᑎᐯᔨᐦᒋᑫᐟ ᑲᐦᑭᔭᐤ ᐊᓂᐦᐃ ᑳ ᓂᐢᑕᒼ ᓂᐦᑖᐃᐧᑭᒋᐠ ᐁ ᓈᐯᐊᔭᐋᐃᐧᒋᐠ; ᒫᑲ ᐃᐧᔭ ᑲᐦᑭᔭᐤ ᑳ ᓂᐢᑕᒧᓵᓂᐃᐧᒋᐠ ᓂᐟ ᐊᐋᐧᓯᒥᓴᐠ ᒥᐢᑯᒋ ᐸᑭᑎᓂᑫᐢᑕᒪᐋᐧᐊᐧᐠ. 16ᐁᐊᐧᑯ ᒫᑲ ᑫ ᑭᐢᑭᓇᐋᐧᒋᐦᐃᑯᔭᐣ ᑭᒋᐦᒋᕽ ᒥᓇ ᑫ ᓂᑳᓇᒧᐠ ᑕᐢᑕᐃᐧᐨ ᑭᐢᑭᓯᑯᕽ; ᒋᑫᒫ ᐁ ᒪᐢᑲᐃᐧᓯᒪᑲᓂᔨᐠ ᒥᒋᐦᒋ ᑳ ᑎᐯᔨᐦᒋᑫᐟ ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᑯᔮᕽ ᐃᒋᑊᑎᕽ ᐅᐦᒋ.
17ᑭ ᐊᔨᑭᐣ ᒫᑲ ᐃᐢᐱ ᐯᕒᐅ ᑳ ᐸᑭᑎᓈᐟ ᐊᔨᓯᔨᓂᐊᐧ, ᓇᒪᐃᐧᔭ ᐱᓬᐃᐢᑎᓇ ᐅᐟ ᐊᐢᑭᔨᕽ ᐃᑌᐦᑫ ᑭ ᐃᑐᑕᐁᐤ, ᐋᑕ ᐁᐊᐧᑯ ᐁ ᑭᓯᐋᐧᑭᐊᐧᕽ; ᒋᑫᒫ ᑭ ᐃᑌᐧᐤ ᑭᓭᒪᓂᑐ, ᒫᐢᑯᐨ ᐊᔨᓯᔨᓂᐊᐧᐠ ᑭᑕ ᑫᐧᐢᑫᔨᑕᒪᐧᐠ ᓄᑎᓂᑐᐃᐧᐣ ᐋᐧᐸᐦᑕᑳᐧᐃᐧ, ᐁᑯᓯ ᐃᒋᑊᑎᕽ ᑭᑕ ᐃᓯ ᑭᐁᐧᐊᐧᐠ. 18ᒫᑲ ᑭᓭᒪᓂᑐ ᑭ ᐋᐧᔪᓄᑕᐁᐤ ᐊᓂᐦᐃ ᐊᔨᓯᔨᓂᐊᐧ, ᐁ ᓵᐳᑕᐋᐟ ᐱᑲᐧᑕᐢᑭᕽ ᒥᐦᑳᐧᑲᒥᐃᐧ ᐃᐧᓂᐯᑯᕽ; ᐊᓂᑭ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᓯᐯᐧᑌᐊᐧᐠ ᐁ ᑭᑲᓱᐃᐧᓀᒋᐠ ᐃᒋᑊᐟ ᐊᐢᑭᕽ ᐅᐦᒋ. 19#ᒉᓂᓯᐢ 50:25; ᒑᐢᔪᐊ 24:32ᒧᓯᐢ ᒫᑲ ᑭ ᓯᐯᐧᑕᑖᐤ ᐅᐢᑲᓂᔨᐊᐧ ᒍᓯᐸ; ᒋᑫᒫ ᑭ ᐋᔮᒋ ᑭᐦᒋᐃᑌᐧᐦᐁᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓯᔨᐊᐧ, ᐅᒥᓯ ᐁ ᐃᑌᐧᐟ, ᑭᓭᒪᓂᑐ ᑫᐦᒋᓈ ᑭ ᑲ ᓇᑕᐋᐧᐯᓈᑯᐋᐧᐤ, ᑭ ᑲ ᓯᐯᐧᑕᑖᓈᐋᐧᐤ ᒫᑲ ᓂᐢᑲᓇ.
20ᐊᓂᑕ ᒫᑲ ᓴᑲᐦᐟ ᑭ ᐅᐦᒋ ᓯᐯᐧᐱᒋᐊᐧᐠ, ᐁᑯᓯ ᐁ ᑭ ᑲᐯᓯᒋᐠ ᐃᐦᑖᒼ ᑳ ᐃᓯᔨᐦᑳᑌᐠ, ᑭᓯᐋᐧᐠ ᐱᑲᐧᑕᐢᑭᕽ. 21ᑳ ᑎᐯᔨᐦᒋᑫᐟ ᒫᑲ ᑭ ᓂᑳᓄᑕᐁᐧᐤ ᐁ ᒣᑳᐧ ᑭᓯᑳᔨᐠ ᐁ ᓴᒪᑕᐢᑯᐊᐧᕽ ᑭᑕ ᑭᐢᑭᓄᑕᐃᑯᒋᐠ ᑫ ᐊᑎ ᐃᑐᐦᑌᒋᐠ; ᒥᓇ ᐁ ᑎᐱᐢᑳᔨᐠ ᐁ ᓴᒪᑕᑯᔦᐠ ᐃᐢᑯᑌᐤ ᑭᑕ ᐋᐧᓭᐢᑲᒫᑯᒋᐠ; ᑭᑕ ᑭ ᐱᒧᐦᑌᒋᐠ ᐁ ᑭᓯᑳᔨᐠ ᒥᓇ ᐁ ᑎᐱᐢᑳᔨᐠ. 22ᐊᓂᒪ ᐁ ᓴᒪᑕᐢᑯᐊᐧᕽ ᐁ ᒣᑳᐧ ᑭᓯᑳ, ᒥᓇ ᐁ ᓴᒪᑕᑯᔦᐠ ᐃᐢᑯᑌᐤ ᐁ ᑎᐱᐢᑳᔨᐠ ᓇᒪᐃᐧᔭ ᓇᑲᑎᑲᐧᐠ ᐅ ᓂᑳᓂᒥᐋᐧᕽ ᐊᔨᓯᔨᓂᐊᐧᐠ.
നിലവിൽ തിരഞ്ഞെടുത്തിരിക്കുന്നു:
ᐁᐠᓴᑕᐢ 13: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.
