ᐁᐠᓴᑕᐢ 12
12
1 #
ᓬᐃᐱᑎᑲᐢ 23:5; ᓇᒼᐸᕒᐢ 9:1-5; 28:16; ᑎᔪᑕᕒᐊᓇᒥ 16:1,2 ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᒥᓇ ᐁᕒᐊᓇ ᐃᒋᑊᐟ ᐊᐢᑭᕽ, ᐅᒥᓯ ᐁ ᐃᑌᐧᐟ, 2ᐊᐊᐧ ᐱᓯᒼ ᐁᐊᐧᑯ ᓂᐢᑕᒼ ᐱᓯᒼ ᑫ ᐃᑕᑭᒫᔦᐠ; ᐁᐊᐧᑯ ᓂᐢᑕᒼ ᐱᓯᒼ ᑫ ᐃᑕᑭᒫᔦᐠ ᑭᐟ ᐊᐢᑭᐊᐧᑭᒋᑫᐃᐧᓂᐋᐧᕽ. 3ᐊᔭᒥᐃᐠ ᑲᐦᑭᔭᐤ ᐊᓂᑭ ᑳ ᒫᒪᐁᐧᔭᑎᒋᐠ ᐃᐢᕒᐁᐃᓬ, ᑭᑕ ᐃᑖᔦᑯᐠ, ᐃᐢᐱ ᒥᑖᑕᐦᐟ ᑭᓯᑳᐤ ᐃᑕᑭᒥᐦᒋ ᐊᐊᐧ ᐱᓯᒼ ᑲᐦᑭᔭᐤ ᐁ ᐃᐦᑕᓯᒋᐠ ᐊᔨᓯᔨᓂᐊᐧᐠ ᑭᑕ ᐅᑎᓇᒫᓱᐊᐧᐠ ᒫᔭᑎᐦᑯᓯᓴ, ᑳ ᐊᔨᑕᑐᑫᔨᐟ ᐅᑖᐃᐧᐋᐧᐊᐧ; ᐯᔭᐠ ᒫᔭᑎᐦᑯᓯᐢ ᐯᔭᐠ ᐋᐧᐢᑳᐦᐃᑲᐣ; 4ᑭᐢᐱᐣ ᒫᑲ ᐁ ᐃᑕᐦᑐᑫᒋᐠ ᐯᔭᐠ ᐋᐧᐢᑳᐦᐃᑲᐣ ᐅᓵᒼ ᒐᑲᐋᐧᓯᓯᑖᐧᐃᐧ ᐯᔭᐠ ᒫᔭᑎᐦᑯᓯᐢ ᑭᑕ ᐋᐸᑎᓯᐟ ᑭᔮᒼ ᐃᐧᔭ ᒥᓇ ᐅᑐᑌᒪ ᑭᓯᐋᐧᐠ ᑳ ᐊᔮᔨᐟ ᑭᑕ ᓂᓱ ᐊᔮᐁᐧᐊᐧᐠ ᐱᑯ ᐁ ᐃᐦᑕᓯᒋᐠ ᐊᐦᒑᐦᑲᐧᐠ, ᑲᐦᑭᔭᐤ ᐊᔨᓯᔨᓂᐤ ᐃᔨᑯᕽ ᑭᑕ ᒥᒋᓱᐟ ᑭ ᑲ ᐃᑕᑭᒋᑳᓈᐋᐧᐤ ᐯᔭᐠ ᒫᔭᑎᐦᑯᓯᐢ. 5ᑭ ᒫᔭᑎᐦᑯᓯᓯᒥᐋᐧᐤ ᓇᒪᐃᐧᔭ ᑭᑕ ᒫᐢᑭᓯᐤ, ᓈᐯᐊᔭ ᐁ ᐊᑎ ᐯᔭᑯᐱᐳᓀᐧᐟ; ᑭ ᑲ ᐅᑎᓈᐋᐧᐤ ᒫᔭᑎᐦᑯᕽ ᐅᐦᒋ ᐊᐦᐳ ᐋᐧᐸᑎᑲᐧᐠ ᐅᐦᒋ. 6ᑭ ᑲ ᑲᓇᐁᐧᔨᒫᐋᐧᐤ ᒫᑲ ᐱᔨᐢ ᒥᑖᑕᐦᐟ ᓀᐅᓵᑊ ᐁ ᐃᑕᑭᒥᐦᐟ ᐁᐊᐧᑯ ᐱᓯᒼ; ᑲᐦᑭᔭᐤ ᒫᑲ ᐁ ᒫᐊᐧᒋᐦᐃᑐᒋᐠ ᑳ ᒫᒪᐁᐧᔭᑎᒋᐠ ᐃᐢᕒᐁᐃᓬ ᑭᑕ ᓂᐸᐁᐊᐧᐠ ᐁ ᐅᑖᑯᓯᓂᔨᐠ. 7ᑭᑕ ᐅᑎᓇᒣᐧᐊᐧᐠ ᒫᑲ ᐅᒥᐦᑯᔨᐤ, ᐁᑯᓯ ᑭᑕ ᓯᓭᐧᐸᔨᑖᐊᐧᐠ ᐋᔨᑕᐤ ᐃᐢᑳᐧᑌᒫᑎᑯᕽ, ᒥᓇ ᐊᓂᑕ ᐃᐢᐱᒥᕽ ᐃᐢᑳᐧᑌᒫᑎᑯᕽ ᐋᐧᐢᑳᐦᐃᑲᓂᕽ ᐃᑕ ᑫ ᒧᐋᐧᒋᐠ. 8ᑭᑕ ᒥᒋᐊᐧᐠ ᒫᑲ ᐅᐃᐧᔮᓯᔨᐤ ᐁᐊᐧᑳᐧᓂᒪ ᐁ ᑎᐱᐢᑳᐠ, ᑭᑕ ᓴᑲᐯᐧᒋᐠ, ᒥᓇ ᐁᑳ ᐁ ᐅᐦᐱᓱᐟ ᐸᐦᑫᐧᓯᑲᐣ ᒥᓇ ᐃᐧᓴᑭᐸᑲᐧ ᑭᑕ ᑭᑭ ᒥᒋᐊᐧᐠ. 9ᐁᑳᐃᐧᔭ ᑭᑲᓯᐢᑭᐳᐠ, ᐊᐦᐳ ᐁᑳᐃᐧᔭ ᑎᐢᐹᒋᐊᐧᓱᕽ, ᒫᑲ ᓴᑲᐯᐧᐠ; ᐅᐢᑎᑳᐧᐣ ᐊᓯᒋ ᐅᐢᑳᑕ ᒥᓇ ᐱᐦᑕᐢᑲᑕᔭ ᐊᓯᒋ. 10ᓇᒪᐃᐧᔭ ᒫᑲ ᑫᑲᐧᐩ ᑭ ᑲ ᐃᐢᑯᐢᑌᓈᐋᐧᐤ ᑫᑭᓭᐹᔮᑭ; ᐊᓂᒪ ᒫᑲ ᑫ ᐃᐢᑯᐢᑕᒣᐠ ᑫᑭᓭᐹᔮᑭ ᑭ ᑲ ᒣᐢᑎᑲᓭᓈᐋᐧᐤ.
11ᐁᑯᓯ ᒫᑲ ᐅᒪ ᑫ ᐃᓯ ᒥᒋᓱᔦᐠ; ᑭ ᑲ ᐸᑲᐧᑌᐦᐅᓈᐋᐧᐤ, ᑭ ᑲ ᑭᑲᐢᑭᓯᓈᓈᐋᐧᐤ, ᒥᓇ ᑭ ᑲ ᑕᐦᑯᓀᓈᐋᐧᐤ ᑭ ᓴᐢᑲᐅᓂᐋᐧᐊᐧ ᑭᒋᐦᒋᐋᐧᕽ; ᒥᓇ ᑲᑫᐧᔮᐅᐃᐧᓂᕽ ᑭ ᑲ ᒥᒋᓈᐋᐧᐤ; ᐁᐊᐧᑯ ᐅᒪ ᑳ ᑎᐯᔨᐦᒋᑫᐟ ᐅ ᒪᔮᐢᑳᑫᐃᐧᐣ. 12ᒋᑫᒫ ᓂ ᑲ ᓵᐳᐢᑫᐣ ᐃᒋᑊᐟ ᐊᐢᑭ ᐊᓄᐦᐨ ᑫ ᑎᐱᐢᑳᐠ, ᐁᑯᓯ ᑭᑕ ᓂᐸᐊᑭᐠ ᑲᐦᑭᔭᐤ ᓂᐢᑕᒧᓵᓇᐠ ᐊᓂᑕ ᐃᒋᑊᐟ ᐊᐢᑭᕽ, ᐊᔨᓯᔨᓂᐤ ᒥᓇ ᐱᓯᐢᑭᐤ; ᒥᓇ ᑲᐦᑭᔭᐤ ᒪᓂᑐᑳᓇᐠ ᐃᒋᑊᐟ ᐊᐢᑭᕽ ᓂ ᑲ ᐅᔭᓱᐋᐧᑖᐊᐧᐠ; ᓂᔭ ᑳ ᑎᐯᔨᐦᒋᑫᔮᐣ. 13ᐊᓂᒪ ᒫᑲ ᒥᐦᑯ ᑭ ᑲ ᑭᐢᑭᓇᐋᐧᒋᐦᐃᑯᓈᐋᐧᐤ ᐋᐧᐢᑳᐦᐃᑲᓂᕽ ᐃᑕ ᐁ ᐊᔮᔦᐠ; ᐃᐢᐱ ᒫᑲ ᐋᐧᐸᐦᑕᒫᓂ ᒥᐦᑯ ᑭ ᑲ ᒪᔮᐢᑳᑎᓈᐋᐧᐤ ᐊᓂᒪ ᒫᑲ ᐃᑖᐢᐱᓀᐃᐧᐣ ᓇᒪᐃᐧᔭ ᑭ ᑲ ᐱᑐᑳᑯᓈᐋᐧᐤ ᑭᑕ ᓂᓯᐊᐧᓈᒋᐦᐃᑯᔦᐠ, ᐃᐢᐱ ᐸᑲᒪᐊᒪᓂ ᐃᒋᑊᐟ ᐊᐢᑭ. 14#ᐁᐠᓴᑕᐢ 23:15; 34:18; ᓬᐃᐱᑎᑲᐢ 23:6-8; ᓇᒼᐸᕒᐢ 28:17-25; ᑎᔪᑕᕒᐊᓇᒥ 16:3-8ᐅᒪ ᒫᑲ ᑭᓯᑳᐤ ᑭ ᑲ ᑭᐢᑭᓇᐋᐧᑌᔨᑌᓈᐋᐧᐤ, ᑭ ᑲ ᑲᓀᐧᔨᑌᓈᐋᐧᐤ ᒫᑲ ᑭᑕ ᐃᐧᑯᑫᐢᑕᐋᐧᔦᐠ ᑳ ᑎᐯᔨᐦᒋᑫᐟ ᐃᔨᑯᕽ ᑫ ᐊᑎ ᐋᔮᓂᐢᑫ ᐱᒫᑎᓯᐁᐧᑫᐧ; ᑭ ᑲ ᑲᓀᐧᔨᑌᓈᐋᐧᐤ ᑭᑕ ᐃᐧᐦᑯᐦᑐᔦᐠ ᑭᑕ ᒪᓂ ᐊᔨᓯᑖᐧᔦᐠ ᑳᑭᑫ. 15ᑌᐸᑯᑊ ᑕᐦᑐ ᑭᓯᑳᐤ ᑭ ᑲ ᒧᐋᐧᐋᐧᐤ ᐁᑳ ᑳ ᐅᐦᐱᓱᐟ ᐸᐦᑫᐧᓯᑲᐣ; ᓂᐢᑕᒼ ᐊᑎ ᑭᓯᑳᑭ ᑭ ᑲ ᐃᑲᑌᐢᑖᓈᐋᐧᐤ ᐅᐦᐱᐦᒋᒋᑲᐣ ᑭᑭᐋᐧᕽ ᐅᐦᒋ; ᒋᑫᒫ ᐊᐃᐧᔭᐠ ᑫ ᒧᐋᐧᑫ: ᐁ ᐅᐦᐱᓱᔨᐟ ᐸᐦᑫᐧᓯᑲᓇ ᓂᐢᑕᒼ ᐁ ᑭᓯᑳᐠ ᐅᐦᒋ ᐱᔨᐢ ᑌᐸᑯᑊ ᐁ ᐊᑎ ᑕᐦᑐ ᑭᓯᑳᐠ ᐁᐊᐧᑯ ᐊᐦᒑᕽ ᑭᑕ ᑭᐢᑭᐁᐧᐸᐋᐧᐤ ᐃᐢᕒᐁᐃᓬ ᐅᐦᒋ. 16ᓂᐢᑕᐣ ᒫᑲ ᐊᑎ ᑭᓯᑳᑭ ᑭᑕ ᑲᓈᒋ ᒫᐊᐧᒋᐦᐃᑐᓈᓂᐊᐧᐣ, ᑌᐸᑯᑊ ᒫᑲ ᑕᐦᑐ ᑭᓯᑳᑭ ᑭ ᑲ ᑲᓈᒋ ᒫᐊᐧᒋᐦᐃᑐᓈᐋᐧᐤ; ᓇᒪ ᑫᑲᐧᐩ ᐊᑐᐢᑫᐃᐧᐣ ᑭᑕ ᑐᒋᑳᑌᐤ ᐁᑯᐢᐱ, ᐱᑯ ᐊᓂᒪ ᐊᔨᓯᔨᓂᐤ ᑫ ᒥᒋᐟ, ᐁᐊᐧᑯ ᐱᑯ ᑫ ᑐᑕᒣᐠ. 17ᐁᑯᓯ ᒫᑲ ᑭ ᑲ ᓈᑲᑕᐁᐧᔨᐦᑌᓈᐋᐧᐤ ᐊᓂᒪ ᐃᐧᐦᑯᐦᑐᐃᐧᐣ ᐁᑳ ᑳ ᐅᐦᐱᓱᐟ ᐸᐦᑫᐧᓯᑲᐣ; ᒋᑫᒫ ᐁᐊᐧᑯ ᐁ ᑭᓯᑳᐠ ᑳ ᑭ ᐯ ᐊᐧᔭᐃᐧᑕᐦᐃᑕᑯᐠ ᐃᒋᑊᐟ ᐊᐢᑭᕽ ᐅᐦᒋ; ᐁᐊᐧᑯ ᒫᑲ ᐅᐦᒋ ᑭ ᑲ ᓇᑲᑕᐁᐧᔨᐦᑌᓈᐋᐧᐤ ᐊᓄᐦᐨ ᑳ ᑭᓯᑳᐠ ᐁ ᐊᑎ ᐊᔮᓂᐢᑫ ᐱᒫᑎᓯᔦᐠ ᑳᑭᑫ.
18ᓂᐢᑕᒼ ᐱᓯᒼ ᒥᑖᑕᐦᐟ ᓀᐅᓴᑊ ᐁ ᐃᑕᑭᒥᐦᐟ ᐱᓯᒼ ᑭ ᑲ ᒧᐋᐧᐋᐧᐤ ᐁᑳ ᐁ ᐅᐦᐱᓱᐟ ᐸᐦᑫᐧᓯᑲᐣ, ᐱᔨᐢ ᓂᓯᑕᓇᐤ ᐯᔭᐠ ᐊᔨᐋᐧᐠ ᐁ ᐃᑕᑭᒥᐦᐟ ᐁᐊᐧᑯ ᐱᓯᒼ ᐁ ᐅᑖᑯᓯᐠ. 19ᑌᐸᑯᑊ ᑭᓯᑳᐤ ᓇᒪᐃᐧᔭ ᑭᑕ ᒥᐢᑭᑳᑌᐤ ᐅᐦᐱᐦᒋᒋᑲᐣ ᑭᑭᐋᐧᕽ; ᒋᑫᒫ ᐊᐃᐧᔭᐠ ᑫ ᒥᒋᑫᐧ ᑳ ᐅᐦᐱᒋᒋᑳᑌᐠ, ᐁᐊᐧᑯ ᐊᐦᒑᕽ ᑭᑕ ᑭᐢᑭᐁᐧᐸᐋᐧᐤ ᐅ ᒫᒪᐁᐧᔭᑎᐃᐧᓂᐋᐧᕽ ᐃᐢᕒᐁᐃᓬ ᐅᐦᒋ, ᑭᐢᐱᐣ ᐁ ᒫᓂᑌᐃᐧᐟ ᐊᐦᐳ ᐁ ᑭ ᓂᐦᑖᐃᐧᑭᐟ ᐁᑯᑕ ᐊᐢᑭᕽ. 20ᓇᒪ ᑫᑲᐧᐩ ᑯᐦᐱᒋᒋᑳᑌᐟ ᑭ ᑲ ᒥᒋᓈᐋᐧᐤ; ᑲᐦᑭᔭᐤ ᑭᐟ ᐃᐦᑖᐃᐧᓂᐋᐧᕽ ᑭ ᑲ ᒧᐋᐧᐋᐧᐤ ᐁᑳ ᑳ ᐅᐦᐱᓱᐟ ᐸᐦᑫᐧᓯᑲᐣ.
21ᐁᑯᐢᐱ ᒫᑲ ᒧᓯᐢ ᑭ ᓇᑐᒣᐤ ᑲᐦᑭᔭᐤ ᐊᓂᐦᐃ ᑳ ᓂᑳᓀᔨᑖᑯᓯᔨᐠ ᐃᐢᕒᐁᐃᓬᐊ, ᐅᒥᓯ ᒫᑲ ᐁ ᑭ ᐃᑖᐟ, ᐃᑐᐦᑌᐠ ᒥᓇ ᐅᑎᓂᑯᐠ ᒫᔭᑎᐦᑯᓯᓴᐠ ᑳ ᐋᔨᑕᐦᑐᑫᔦᐠ, ᐁᑯᓯ ᓂᐸᑖᐠ ᒪᔮᐢᑳᑯᐃᐧ ᐃᐧᐦᑯᐦᑐᐃᐧᐣ. 22ᑭ ᑲ ᐅᑎᓀᓈᐋᐧᐤ ᒫᑲ ᐦᐃᓴᑊ ᐁ ᐊᓴᐱᑌᐠ, ᐁᑯᓯ ᑭ ᑲ ᑭᐦᑖᓀᓈᐋᐧᐤ ᒥᐦᑯᕽ ᐅᔮᑲᓂᕽ ᑳ ᐊᓯᐊᐧᑌᐠ ᐁᑯᓯ ᑭ ᑲ ᐸᑲᒥᑎᑖᓈᐋᐧᐤ ᐊᓂᑕ ᐱᒥᑎᓂᑲᓈᑎᑯᕽ ᒥᓇ ᐋᔨᑕᐤ ᐃᐢᑳᐧᑌᒥᕽ, ᐊᓂᒪ ᐅᐦᒋ ᒥᐦᑯ ᐅᔮᑲᓂᕽ ᑳ ᐊᓯᐊᐧᑌᐠ; ᓇᒪᐃᐧᔭ ᒫᑲ ᐊᐃᐧᔭᐠ ᑭᑕ ᐊᐧᔭᐃᐧᐤ ᐃᐧᑭᕽ ᐅᐦᒋ ᐹᑎᒫ ᑫᑭᓭᐹᔮᑭ. 23#ᐦᐃᐸᕒᐅᐊᐧ 11:28ᒋᑫᒫ ᑳ ᑎᐯᔨᐦᒋᑫᐟ ᑭᑕ ᐱᒥ ᓵᐳᑌᐤ ᑭᑕ ᓂᐸᐦᐋᐟ ᐃᒋᑊᐟ ᐊᔨᓯᔨᓂᐊᐧ; ᐃᐢᐱ ᒫᑲ ᐋᐧᐸᐦᑕᑭ ᒥᐦᑯ ᐱᒥᑎᓂᑲᓈᑎᑯᕽ ᒥᓇ ᐋᔨᑕᐤ ᐃᐢᑳᐧᑌᒫᑎᑯᕽ ᑳ ᑎᐯᔨᐦᒋᑫᐟ ᑭᑕ ᒪᔮᐢᑲᒼ ᐃᐢᑲᐧᑌᒼ ᒥᓇ ᓇᒪᐃᐧᔭ ᑭᑕ ᐃᔨᓇᒪᐁᐧᐤ ᐅᓂᓯᐊᐧᓈᒋᐦᐃᐁᐧᐊᐧ ᑭᑕ ᐱᐦᑐᑫᔨᐟ ᑭᑭᐋᐧᕽ ᑭᑕ ᓂᐸᐦᐃᑯᔦᐠ. 24ᑭ ᑲ ᑲᓀᔨᑌᓈᐋᐧᐤ ᒫᑲ ᐅᒪ ᑭᑕ ᐃᓯᑖᐧᔦᐠ ᒥᓇ ᑭᐟ ᐊᐋᐧᓯᒥᓯᐋᐧᐊᐧᐠ ᑳᑭᑫ. 25ᑭᑕ ᐃᐦᑭᐣ ᐃᐢᐱ ᑭ ᐅᑎᐦᑕᒣᑯ ᐊᓂᒪ ᐊᐢᑭ ᑳ ᐃᐧ ᒥᔨᑯᔦᐠ ᑳ ᑎᐯᔨᐦᒋᑫᐟ, ᒣᐧᐦᒋ ᑳ ᑭ ᐃᓯ ᐊᓱᑕᒫᑯᔦᐠ, ᑭ ᑲ ᑲᓇᐁᐧᔨᑌᓈᐋᐧᐤ ᐅᒪ ᐊᑐᐢᑫᐢᑖᑫᐃᐧᐣ. 26ᑭᑕ ᐃᐦᑭᐣ ᒫᑲ ᐃᐢᐱ ᑭᐟ ᐊᐋᐧᓯᒥᓯᐋᐧᐊᐧᐠ ᐃᑎᑯᔦᑲᐧ ᐃᐧ ᑖᓂᓯ ᐁᑖᐧᑕᒣᐠ ᐅᒪ ᐊᑐᐢᑫᐢᑖᑫᐃᐧᐣ? 27ᐅᒥᓯ ᑭ ᑲ ᐃᑖᐧᓈᐋᐧᐤ, ᐁᐊᐧᑯ ᐅᒪ ᐸᑭᑎᓈᓱᐃᐧᐣ ᑳ ᑎᐯᔨᐦᒋᑫᐟ ᐅ ᒪᔮᐢᑳᑫᐃᐧᐣ ᐊᓇ ᑳ ᑭ ᒪᔮᐢᑲᒫᐧᐟ ᐃᐧᑭᔨᐊᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᒋᑊᑎᕽ, ᐃᐢᐱ ᐁ ᓂᐸᐦᐋᐟ ᐊᓂᐦᐃ ᐃᒋᑊᐟ ᐊᔨᓯᔨᓂᐊᐧ, ᐁᑯᓯ ᐁ ᑭ ᐱᒫᒋᐦᑖᐟ ᓂᑭᓈᓇ. ᐊᓂᑭ ᐊᔨᓯᔨᓂᐊᐧᐠ ᒫᑲ ᑭ ᓈᒥᐢᑫᐧᔨᐊᐧᐠ ᒥᓇ ᑭ ᐅᒋᐦᒋᐦᑲᐧᓂᐊᐧᐠ. 28ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᓯᐯᐧᑌᐊᐧᐠ ᒥᓇ ᐁ ᑭ ᑐᑕᐦᑭᐠ ᐊᓂᒪ ᑳ ᑎᐯᔨᐦᒋᑫᐟ ᑳ ᑭ ᐃᓯ ᓯᑭᒫᐟ ᒧᓯᓴ ᒥᓇ ᐁᕒᐊᓇ, ᐁᑯᓯ ᑭ ᑐᑕᒪᐧᐠ.
29 #
ᐁᐠᓴᑕᐢ 4:22,23 ᑭ ᐊᔨᑭᐣ ᒫᑲ ᐃᐢᐱ ᐁ ᐋᐱᑖᑎᐱᐢᑳᐠ, ᑳ ᑎᐯᔨᐦᒋᑫᐟ ᑭ ᓂᐸᐁᐤ ᑲᐦᑭᔭᐤ ᓂᐢᑕᒧᓵᓇ ᐃᒋᑊᐟ ᐊᐢᑭᕽ, ᐅ ᓂᐢᑕᒧᓵᓇ ᐯᕒᐅ ᑭᐦᒋ ᐅᑭᒫᐊᐧᐱᐃᐧᓂᕽ ᑳ ᐊᐱᐟ ᐅᐦᒋ, ᐱᔨᐢ ᐅ ᓂᐢᑕᒧᓵᓇ ᑭᐸᐦᐅᑐᐃᐧᑲᒥᑯᕽ ᑳ ᐊᔮᐟ, ᒥᓇ ᑲᐦᑭᔭᐤ ᐅ ᓂᐢᑕᒥ ᓂᐦᑖᐃᐧᑭᐦᐋᑲᓂᐋᐧᐊᐧ ᐊᐊᐧᑳᓇᐠ. 30ᐯᕒᐅ ᒫᑲ ᑭ ᐊᐧᓂᐢᑳᐤ ᐁ ᒣᑳᐧ ᑎᐱᐢᑳᔨᐠ, ᐃᐧᔭ ᒥᓇ ᑲᐦᑭᔭᐤ ᐅᐟ ᐊᑐᐢᑫᔮᑲᓇ, ᒥᓇ ᑲᐦᑭᔭᐤ ᐃᒋᑊᐟ ᐊᔨᓯᔨᓂᐊᐧᐠ; ᑭ ᑭᐦᒋ ᒫᑐᓈᓂᐊᐧᐣ ᒫᑲ ᐃᒋᑊᑎᕽ; ᒋᑫᒫ ᓇᒪᐋᐧᐨ ᐯᔭᐠ ᐋᐧᐢᑳᐦᐃᑲᐣ ᐁᑳ ᐯᔭᐠ ᑭᑕ ᓂᐱᐟ.
31ᑭ ᓇᑐᒣᐤ ᒫᑲ ᒧᓯᓴ ᒥᓇ ᐁᕒᐊᓇ ᐁ ᒣᑳᐧ ᑎᐱᐢᑳᔨᐠ, ᐅᒥᓯ ᐁ ᑭ ᐃᑖᐟ, ᐸᓯᑯ ᓯᐯᐧᑌᐠ ᓇᑲᑎᑯᐠ ᓂᐟ ᐊᔨᓯᔨᓂᒪᐠ ᑭᔭᐋᐧᐤ ᒥᓇ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᓇᑕᐃᐧ ᐊᑐᐢᑫᐢᑖᕽ ᑳ ᑎᐯᔨᐦᒋᑫᐟ ᒣᐧᐦᒋ ᑳ ᑭ ᐃᑌᐧᔦᐠ. 32ᐅᑎᓂᑯᐠ ᑭ ᒫᔭᑎᐦᑯᒥᐋᐧᐊᐧᐠ ᒥᓇ ᑭᐟ ᐊᐊᐧᑳᓂᐋᐧᐊᐧᐠ ᒣᐧᐦᒋ ᑳ ᑭ ᐃᑌᐧᔦᐠ, ᒥᓇ ᓯᐯᐧᑌᐠ, ᓴᐁᐧᔨᒥᐠ ᒫᑲ ᓂᔭ. 33ᐃᒋᑊᐟ ᐊᔨᓯᔨᓂᐊᐧᐠ ᒫᑲ ᑭ ᑭᐦᑭᒣᐊᐧᐠ ᐊᔨᓯᔨᓂᐊᐧ, ᑭᔨᐸ ᐅᐟ ᐊᐢᑭᐋᐧᕽ ᑭᑕ ᐅᐦᒋ ᓯᐯᐧᑌᔨᐟ; ᒋᑫᒫ ᑭ ᐃᑌᐧᐊᐧᐠ, ᑲᐦᑭᔭᐤ ᑭ ᑲ ᓂᐱᓈᓇᐤ. 34ᐊᓂᑭ ᒫᑲ ᐊᔨᓯᔨᓂᐊᐧᐠ ᑭ ᑕᐦᑯᓀᐊᐧᐠ ᐅ ᒫᒫᑯᓂᑲᓂᐋᐧᐊᐧ ᒪᐧᔦᐢ ᐅᐦᐱᒋᐦᒋᑳᓱᔨᐟ, ᐅᐟ ᐊᔭᑯᓈᑳᑲᓂᐋᐧᐊᐧ ᐁ ᐊᓯᑕᐱᑌᔨᑭ ᐅᐟ ᐊᔪᐃᐧᓂᓯᐋᐧᕽ ᐁ ᑭ ᐃᐧᐊᐧᐅᒋᐠ. 35#ᐁᐠᓴᑕᐢ 3:21,22ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᑐᑕᒥᔨᐊᐧ ᑳ ᑭ ᐃᑌᐧᔨᐟ ᒧᓯᓴ; ᑭ ᐊᐃᐧᐋᓱᒣᐊᐧᐠ ᐊᓂᐦᐃ ᐃᒋᑊᐟ ᐊᔨᓯᔨᓂᐊᐧ ᐋᐧᐱᐢᑭᓱᓂᔮᐤ ᐊᐧᐁᐧᓯᐃᐧᓇ ᒥᓇ ᐅᓵᐃᐧᓱᓂᔮᐤ ᐊᐧᐁᐧᓯᐃᐧᓇ ᒥᓇ ᑭᑭᐢᑳᒋᑲᐣ. 36ᑳ ᑎᐯᔨᐦᒋᑫᐟ ᒫᑲ ᑭ ᐃᓯ ᒥᔦᐤ ᑭᑕ ᒥᔪ ᑲᓇᐋᐧᐸᒥᑯᔨᐟ ᐃᒋᑊᐟ ᐊᔨᓯᔨᓂᐊᐧ, ᐁᑯᓯ ᑭ ᐊᐃᐧᐃᑲᐧᐠ ᐊᓂᒪ ᑳ ᐃᓯ ᓇᑕᐁᐧᔨᑕᒪᐋᐧᒋᐠ. ᑭ ᒪᓂᐊᐧᑖᑌᐊᐧᐠ ᒫᑲ ᐃᒋᑊᐟ ᐊᔨᓯᔨᓂᐊᐧ.
37ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᓯᐯᐧᔪᑌᐅᐊᐧᐠ ᕒᐋᒥᓯᐢ ᐅᐦᒋ ᓴᑲᐦᐟ ᐃᐢᑯ ᓈᐣᑕᐤ ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᑕᐦᑐ ᑭᐦᒋ ᒥᑖᐦᑐᒥᑕᓇᐤ ᐁ ᒧᐢᑐᑌᒋᐠ ᓈᐯᐊᐧᐠ, ᐁᑯᓯ ᒥᓇ ᐊᐋᐧᓯᓴᐠ. 38ᐁ ᑭᔨᑲᐁᐧᔭᑎᔨᐟ ᒫᑲ ᐊᔨᓯᔨᓂᐊᐧ ᒥᓇ ᑭ ᐃᐧᒉᐃᐧᑲᐧᐠ; ᒥᓇ ᒫᔮᑎᑲᐧ ᒥᓇ ᒧᐢᑐᓴᐧ ᒥᐦᒉᐟ ᒥᑐᓂ ᐊᐊᐧᑳᓇ. 39ᑭ ᑭᓯᓭᐧᐊᐧᐠ ᒫᑲ ᐊᔭᑯᓈᐊᐧ ᐁᑳ ᐁ ᐅᐦᐱᓱᔨᐟ ᐊᓂᐦᐃ ᒫᒫᑯᓂᑲᓇ ᑳ ᑭ ᐯᓯᐋᐧᒋᐠ ᐃᒋᑊᑎᕽ ᐅᐦᒋ, ᒋᑫᒫ ᓇᒪᐃᐧᔭ ᐅᐦᐱᓱ ᐃᐧᔭ ᐁ ᑭ ᓂᓂᑭᐦᐃᐦᒋᐠ ᐃᒋᑊᑎᕽ ᐁ ᐅᐦᒋ ᓯᐯᐧᑎᓴᐅᐦᒋᐠ, ᓇᒪᐃᐧᔭ ᒫᑲ ᑭ ᑕᓯ ᐊᔮᐊᐧᐠ ᒥᓇ ᓇᒪᐃᐧᔭ ᐅᐦᒋ ᑲᐧᔮᒋᐦᑖᐊᐧᐠ ᑭᑕ ᓂᒫᒋᐠ.
40 #
ᒉᓂᓯᐢ 15:13; ᑲᓬᐁᓯᔭᓇ 3:17 ᐃᔨᑭᕽ ᒫᑲ ᑳ ᑭ ᐊᔮᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᒋᑊᑎᕽ ᑳ ᑭ ᐅᐟ ᐊᐢᑭᒋᐠ, ᓀᐋᐧᐤ ᒥᑖᐦᑐᒥᑕᓇᐤ ᓂᐢᑐᒥᑕᓈᐤ ᐊᔨᐋᐧᐠ ᑕᐦᑐ ᐊᐢᑭ. 41ᑭ ᐊᔨᑭᐣ ᒫᑲ ᐃᐢᐱ ᐁ ᐊᑎ ᑭᓯᐱᐸᔨᑭ ᓀᐋᐧᐤ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᑕᐦᑐ ᐊᐢᑭᐃᐧᓇ, ᐁᐊᐧᑳᐧᓂᒪ ᐁ ᑭᓯᑳᐠ ᑭ ᐊᔨᑭᐣ ᑲᐦᑭᔭᐤ ᑳ ᑎᐯᔨᐦᒋᑫᐟ ᐅ ᒫᒪᐁᐧᔭᑎᒪ ᑭ ᓯᐯᐧᑌᐊᐧᐠ ᐃᒋᑊᐟ ᐊᐢᑭᕽ ᐅᐦᒋ. 42ᐁᐊᐧᑯ ᐊᓂᒪ ᐁ ᑎᐱᐢᑳᐠ ᐃᑕᐢᑌᐤ ᑭᑕ ᑭ ᓈᑲᑌᔨᑕᒥᕽ ᑳ ᑎᐯᔨᐦᒋᑫᐟ ᐅᐦᒋ, ᑳ ᑭ ᐊᐧᔭᐃᐧᑕᐦᐋᐟ ᐃᒋᑊᐟ ᐊᐢᑭᕽ ᐅᐦᒋ; ᐁᐊᐧᑳᐧᓂᒪ ᑎᐱᐢᑳᐤ ᑳ ᑎᐯᔨᐦᒋᑫᐟ ᑭᑕ ᐅᐦᒋ ᓈᑲᑌᔨᑕᒫᑯᐟ ᑲᐦᑭᔭᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᔨᑯᕽ ᑫ ᐊᑎ ᐊᔮᓂᐢᑫ ᐱᒫᑎᓯᒋᐠ.
43ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ ᒥᓇ ᐁᕒᐊᓇ, ᐁᐊᐧᑯ ᐅᒪ ᐁᓯ ᐅᔭᑭᑌᐠ ᐅᒪ ᒪᔮᐢᑳᑫᐃᐧᐣ; ᓇᒪᐃᐧᔭ ᐊᐃᐧᔭᐠ ᑳ ᐱᑐᓯᐢᑳᓀᓯᐟ ᑭᑕ ᒥᒋᐤ ᐁᐊᐧᑫᐧᔨᐤ. 44ᒫᑲ ᑕᐦᑐ ᐊᔨᓯᔨᓂᐤ ᐅᐟ ᐊᑐᐢᑫᔮᑲᓇ ᐅ ᓱᓂᔮᒪ ᐁ ᑭ ᐅᐦᒋ ᐊᑖᐁᐧᐟ, ᐃᐢᐱ ᑭ ᓴᕒᑲᒼᓴᐃᓯᐃᐧᐊᒋ ᑭᑕ ᒥᒋᔨᐊᐧ. 45ᑳ ᒧᐢᒋ ᐃᐧᑭᑫᒧᐟ ᒥᓇ ᑳ ᒪᓯᓇᐦᐃᑫᐃᐦᐟ ᓇᒪᐃᐧᔭ ᑭᑕ ᒥᒋᐤ. 46#ᓇᒼᐸᕒᐢ 9:12; ᒑᐣ 19:36ᐱᐦᒑᔨᕽ ᐋᐧᐢᑳᐦᐃᑲᓂᕽ ᑭᑕ ᒥᒋᓈᓂᐊᐧᐣ; ᓇᒪᐃᐧᔭ ᑭ ᑲ ᐊᐧᔭᐃᐧᑕᑖᓈᐋᐧᐤ ᓈᐣᑕᐤ ᐊᓂᒪ ᐃᐧᔮᐢ ᐋᐧᐢᑳᐦᐃᑲᓂᕽ ᐅᐦᒋ; ᓇᒪᐃᐧᔭ ᒥᓇ ᑭ ᑲ ᐱᑯᓀᓈᐋᐧᐤ ᐅᐢᑲᐣ. 47ᑲᐦᑭᔭᐤ ᐁ ᐃᐦᑕᓯᐟ ᐃᐢᕒᐁᐃᓬ ᑭᑕ ᑲᓀᐧᔨᑕᒼ. 48ᐃᐢᐱ ᒫᑲ ᒫᓂᑌᐤ ᐃᐧᒋᐊᔮᒥᐢᑭ, ᒥᓇ ᐃᐧ ᐃᓯᐦᒋᑫᒋ ᑳ ᑎᐯᔨᐦᒋᑫᔨᐟ ᒪᔮᐢᑳᑫᐃᐧᓂᕽ ᑭᑕ ᐊᑐᐢᑲᐋᐧᐟ, ᑭᔮᒼ ᑲᐦᑭᔭᐤ ᑳ ᐃᐦᑕᓯᐟ ᐁ ᓈᐯᐃᐧᔨᐟ ᑭᑕ ᓴᕒᑲᒼᓴᐃᓯᐃᐧᐋᐊᐧᐠ, ᐁᑲᐧ ᒫᑲ ᑭᔮᒼ ᑭᓯᐊᐧᐠ ᑭᑕ ᐯ ᐃᑐᐦᑌᐤ ᑭᑕ ᑎᐱᑐᑕᕽ; ᑖᐱᐢᑯᐨ ᒫᑲ ᐊᓇ ᐁᑯᑕ ᐊᐢᑭᕽ ᑳ ᓂᐦᑖᐃᐧᑭᐟ ᑭᑕ ᐃᑕᑭᒫᐤ; ᒋᑫᒫ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᐁᑳ ᑳ ᓴᕒᑲᒼᓴᐃᓯᐃᐧᐟ ᑭᑕ ᒥᒋᐤ ᐁᐊᐧᑫᐧᔨᐤ. 49ᑭᑕ ᐯᔭᑲᐧᓂᔨᐤ ᑫ ᐃᑕᓱᐋᐧᑎᐦᐟ ᐅᐟ ᐊᐢᑭᕽ ᑳ ᓂᐦᑖᐃᐧᑭᐟ, ᒥᓇ ᒫᓂᑌᐤ ᑳ ᐅᐟ ᐃᐦᑖᐃᐧᓂᐟ ᐃᑕ ᑳ ᐊᔮᔦᐠ. 50ᐁᑯᓯ ᐅᒪ ᑳ ᑐᑕᐦᑭᐠ ᑲᐦᑭᔭᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᒣᐧᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᒧᓯᓴ ᒥᓇ ᐁᕒᐊᓇ, ᐁᑯᓯ ᑭ ᐃᑐᑕᒪᐧᐠ. 51ᑭ ᐊᔨᑭᐣ ᒫᑲ ᐁᑯᐢᐱ ᒣᐧᐦᒋ ᐁ ᑭᓯᑳᐠ ᑳ ᑎᐯᔨᐦᒋᑫᐟ ᑭ ᐯ ᐊᐧᔭᐃᐧᑕᐁᐤ ᐊᓂᐦᐃ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁ ᐃᓯ ᒫᒪᐁᐧᔭᑎᔨᐟ ᐃᒋᑊᐟ ᐊᐢᑭᕽ ᐅᐦᒋ.
നിലവിൽ തിരഞ്ഞെടുത്തിരിക്കുന്നു:
ᐁᐠᓴᑕᐢ 12: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.
