Mɛsɛ́dó 4-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

É ɖokpónɔ géé jɛ́n sixú hwlɛ́n mɛ gán; ɖó, gbɔn gbɛ ɔ́ bǐ mɛ ɔ́, Mawu sɔ́ ná mɛ ɖěvo gbɛtɔ́ lɛ́ɛ ɖo fí ɖěbǔ, bɔ mi ná mɔ hwlɛngán gbɔn jǐ tɔn ǎ.”

Ée yě xo ɖɛ fó ɔ́, fí e yě kplé ɖe ɔ́ dán wǔ. Yɛsinsɛn gɔ́ ayi mɛ nú yě, bɔ yě jɛ Mawuxó jlá jí, kpódó jiɖiɖe kpán.

Din ɔ́, Aklúnɔ, kpɔ́n adǎn e gblɔ́n nú mǐ wɛ yě ɖe é, bó bló bónú mǐ mɛ mɛsɛntɔ́ towe lɛ́ɛ ná ɖó akɔ́nkpinkpan, bó jlá xó towe kpódó jiɖiɖe bǐ kpán.

Jezu énɛ́ sín xó wɛ è ko ɖɔ ɖo Mawuxówéma ɔ́ mɛ ɖɔ jí: ‘Awǐnnya e mi xɔmɛtɔ́ lɛ́ɛ má sɔ́ dó mɔ nǔɖéwanú ǎ, bó xo nyi kɛ́n ɔ́, wá húzú awǐnnya tají ɔ́, awǐnnya zwe jí tɔn ɔ́.’

Mɛ e ɖo toxóɖɔgbɛ́ ɔ́ mɛ lɛ́ɛ mɔ ɖɔ Piyɛ́ɛ kpódó Jǎan kpán ɔ́, gbɛtɔ́ yǎyá ɖé kpowun wɛ yě nyí; yě kún se wěma ɖé ó; lě e yě ka gbó adɔ, bó ɖo xó ɖɔ gbɔn wɛ ɔ́ nyí nǔɖé, bó kpácá yě tlala. Yě ka mɔ nǔ jɛ yě wú ganjí ɖɔ yě mɛ e ko zɔn xá Jezu lɛ́ɛ ɖěe wɛ.

Nǔɖitɔ́ lɛ́ɛ bǐ sésé ɖó jlǒ ɖokpó ɔ́, bó ɖó linlin ɖokpó ɔ́, bɔ mɛ ɖěbǔ sɔ́ nɔ sɔ́ nǔ e nyí étɔn ɔ́ sɔ́ ylɔ́ étɔn ǎ; lo ɔ́, nǔ e ɖo mɛ ɖokpó ɖokpó sí ɔ́ húzú mɛ bǐ tɔn.