LUKE 23-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Aru Jisu he koise, “Pitri, tarkhan ke khyama koribi, kilemane tarkhan pora ki kori ase, eitu tarkhan pora najane.” Aru Tar laga kapoor bhag koribole tarkhan pora shithi-khel khelise.

Aru Jisu he tar ke koise, “Hosa moi tumi ke koi ase, aji he tumi paradise te Moi logot thakibo.”

Aru tar pora Jisu ke koise, “Jisu, Apuni laga rajyo ahha homoi te, moi ke bhi yaad koribi.”

Tetiya Jisu he dangor awaz di kene koise, “Pitri, Moi laga Atma Apuni laga haat te di ase!” Aru eitu kua pasot te Tar hekh sans loi kene mori jaise.

Aru tarkhan ketiya Matha Hardi eneka kua jaga tu pongchi ahhise, tate tarkhan pora Jisu kros te morai dise, aru dusera dacoit duijon bhi, ekjon Tar laga daina phale aru ekjon Tar laga banya phale morai dise.

Etiya eitu soi ghonta homoi nisna thakise, aru eitu jaga sob te andhera hoi kene noh ghonta homoi tak thakise, tetiya surjyo laga puhor haraise. Aru girja ghor laga porda kapoor tu duita hoi kene majot te phati jaise.

Ketiya senapoti pora ki ki hoise, eitu khan dekhise, tar Isor ke stuti kori kene koise,“Hosa bhi eitu manuh logot te eku galti thaka nai!”