မႃႇ​ၵူႉ 10-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

လွင်ႈ​မၼ်း​ၸမ်ႉ လုၵ်ႈ​ၵူၼ်း​မႃး ႁႂ်ႈ​လႆႈ​ၸႂ်ႉ​ၵိၼ်​ပိူၼ်ႈ​ဢမ်ႇ​ၸႂ်ႈ၊ မႃး​ႁႂ်ႈ​လႆႈ​ၶၢမ်ႇ​တၢင်း​ဢၼ်​ပိူၼ်ႈ​ၸႂ်ႉ ဢိၵ်ႇ​တင်း​ႁႂ်ႈ​လႆႈ​ၸုၼ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ​သေ​လႄႈ ထုတ်ႇ​ဢဝ်​ၵူၼ်း​ၼမ်​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ​တူၺ်း​ၶဝ်​သေ​လႄႈ​လၢတ်ႈ​လႄႈ​ဝႃႈ၊ လွင်ႈ​တၢင်း​ၼႆႉ​ၸိုင် ၵူၼ်း​ဢမ်ႇ​တၢတ်ႈ​ၼိူင်ႇ​လႆႈ။ ၼႂ်း​ဝႃႈ​ၼၼ်​သေ​ၵေႃႈ ၽြႃး​ပဵၼ်​ၸဝ်ႈ​ဢမ်ႇ​တၢတ်ႈ​ၼိူင်ႇ​လႆႈ​ဢမ်ႇ​ၸႂ်ႈ၊ ၽြႃး​ပဵၼ်​ၸဝ်ႈ​တၢတ်ႈ​ၼိူင်ႇ​လွင်ႈ​တၢင်း​တင်း​သဵင်ႈ​တင်း​လူင်​လႆႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ မီး​ဢမိင်ႉ​လႄႈ​ဝႃႈ၊ ၵႂႃႇ​တႃႉ။ တၢင်း​ယုမ်ႇ​မၢတ်ႈ​မႂ်း ၵႄႇ​ၶျွတ်ႈ​ဢဝ်​မႂ်း​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။ မိူဝ်ႈ​ၼၼ်ႉ​ၵမ်း​လဵဝ်၊ ၵေႃႉ​ၼၼ်ႉ မၢၵ်ႇ​တႃ​ႁၼ်​မႃး​လႄႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ ၵႃႈ​တီႈ​ၼႂ်း​သဵၼ်ႈ​တၢင်း​ၼၼ်ႉ​ဢေႃႈ။

ၵူၼ်း​ယႃႇ​ပေ​ႁႂ်ႈ​ဢဝ်​လွင်ႈ​တၢင်း​ဢၼ်​ၽြႃး​ပဵၼ်​ၸဝ်ႈ ဢဝ်​ၽၢၵ်ႈ​ဢဝ်​ႁွမ်း​ၵၼ်​ၼၼ်ႉ ၽၢတ်ႇ​ၵၼ်​ယၢၼ်​ၵၼ်၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​တူၺ်း​ၵေႃႉ​ၼၼ်ႉ​သေ​ယဝ်ႉ၊ မီး​ၸႂ်​ဢၼ်​ႁၵ်ႉ​လႄႈ​ဝႃႈ၊ မႂ်း​လူဝ်ႇ​ထႅင်ႈ​ဢၼ်​ၼိုင်ႈ​ဢေႃႈ။ ၵႂႃႇ​ၶၢႆ​ဢုၵ်ႉ​ၸႃႇ​ၶူဝ်း​လဵင်း​မႂ်း ၵႃႈ​မီး​တင်း​သဵင်ႈ​တင်း​လူင်​သေ​လႄႈ ပၼ်​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​တင်း​လၢႆ​ၼၼ်ႉ​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ တၵ်း​လႆႈ​ၽၼ်ႇတႃႇ ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။ ႁဵတ်း​ၸိူဝ်ႉ​ၼင်ႇ​ၼၼ်​ယဝ်ႉ​ၸင်ႇ၊ မႃး​ႁၢပ်ႇ​သဝ်​လၵ်း​ဝႃး​ၵၢပ်ႈ​သေ​လႄႈ ၸွမ်း​ပႃႈ​လင်​ၵဝ်​တႃႉ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ​ထၢမ်​လႄႈ​ဝႃႈ၊ ၶႂ်ႈ​ႁႂ်ႈ​ၵဝ်​ႁဵတ်း​တီႈ​မႂ်း​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၵူၼ်း​တႃ​မွတ်ႇ​ၼၼ်ႉ​ၵေႃႈ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ႁဵတ်း​ႁႂ်ႈ​မၢၵ်ႇ​တႃ​ၵဝ်​ၶႃႈ ႁၼ်​မႃး​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊

ၼႂ်း​သူ​ၸမ်ႉ၊ ဢမ်ႇ​လႆႈ​ပဵၼ်​ၸိူဝ်ႉ​ၼင်ႇ​ၼၼ်။ ၼႂ်း​သူ​ၼႆႉ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၶႂ်ႈ​ပဵၼ်​ၵူၼ်း​ယႂ်ႇ​သူ​ၼၼ်ႉ၊ ၵေႃႉ​ၼၼ်ႉ တၵ်း​လႆႈ​ပဵၼ်​ၵူၼ်း​ၸႂ်ႉ​ၵူၼ်း​သွႆ​သူ​ဢေႃႈ။

ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢမ်ႇ​ၶၢမ်ႇ​ဢဝ် မိူင်း​ၽြႃး​ပဵၼ်​ၸဝ်ႈ မိူၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ၼႆႉ​ၼၼ်ႉ၊ ၵေႃႉ​ၼၼ်ႉ ဢမ်ႇ​လႆႈ​ၶဝ်ႈ​ၵႃႈ​ၼႂ်း​မိူင်း​ၸဝ်ႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊

ၶဝ်​ၸိူဝ်း​ဢၼ်​တူၵ်း​ဢွၼ်​တၢင်း​ၼမ်​ၼႃႇ တၵ်း​တူၵ်း​လိုၼ်း​ဢေႃႈ။ ၶဝ်​ၸိူဝ်း​ဢၼ်​တူၵ်း​လိုၼ်း​ၼမ်​ၼႃႇ တၵ်း​တူၵ်း​ဢွၼ်​တၢင်း​ဢေႃႈ။

မိူဝ်ႈ​ၵေႃႇၸႃႉ​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ၊ ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ် ၵူၼ်း​ၸၢႆး​တင်း​ၵူၼ်း​ယိင်း​သွင်​ၵေႃႉ​ၵူၺ်း​ဢေႃႈ။- ၵွပ်ႈ​ပိူဝ်ႈ​လွင်ႈ​တၢင်း​ၼၼ်ႉ​လႄႈ၊ ၵူၼ်း​ၸၢႆး​တၵ်း​လႆႈ​ၽၢတ်ႇ​ၵၼ်​တင်း​ပေႃႈ​မႄႈ​မၼ်း​သေ​လႄႈ ၸပ်း​ၸွမ်း​ၽၢႆႇ​မေး​မၼ်း​ဢေႃႈ။- ၶဝ်​သွင်​ၵေႃႉ​ၼၼ်ႉ ပဵၼ်​ၼိူဝ်ႉ​ပဵၼ်​လိူတ်ႈ​ဢၼ်​လဵဝ်​ၵၼ်​ဢေႃႈ။ ပိူဝ်ႈ​ၼႆ​လႄႈ ၽူဝ်​တင်း​မေး ပဵၼ်​သွင်​ၵေႃႉ​ဢမ်ႇ​ၸႂ်ႈ၊ ပဵၼ်​ၵေႃႉ​လဵဝ်​ၵူၺ်း​ဢေႃႈ။