မႃႇ​ၵူႉ 9-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ မႂ်း​ဝႃႈ၊ ပေႃး​တၢတ်ႈ​ၼိူင်ႇ​လႆႈ၊ ဝႃႈ​ၼင်ႇ​ၼႆ​လူင်​ပႄႇ။ တီႈ​ၵေႃႉ​ဢၼ်​ယုမ်ႇ​မၢတ်ႈ​ၼၼ်ႉ​ၸမ်ႉ၊ တၢတ်ႈ​ၼိူင်ႇ​လႆႈ​ယူႇ​ၵူႈ​ၸိူဝ်ႉ​ၵူႈ​ပိူင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ပေႃႈ​လုၵ်ႈ​ဢွၼ်ႇ​ၼၼ်ႉ​ၵေႃႈ ႁွင်ႉ​သႅၼ်ႇ​ၵမ်း​လဵဝ်​လႄႈ ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၵဝ်​ၶႃႈ​ယုမ်ႇ​မၢတ်ႈ​ယူႇ​ၶႃႈ​ဢေႃႈ။ ၸွႆႈ​ထႅမ်​တၢင်း​ဢၼ်​ၵဝ်​ၶႃႈ ဢမ်ႇ​ယုမ်ႇ​မၢတ်ႈ​ၼၼ်ႉ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​ၶဝ်ႈ​ၵႃႈ​ၼႂ်း​ႁိူၼ်း​ယဝ်ႉ​ၸင်ႇ၊ တပႄး​ၸဝ်ႈ​ၸိူဝ်း​ၼၼ်ႉ တဵတ်ႇ​တဵတ်ႇ​လဝ်ႊ​ထၢမ်​လႄႈ​ဝႃႈ၊ ႁဵတ်း​သင်​လႄႈ ႁဝ်း​ၶႃႈ ဢမ်ႇ​ႁေႃႈ​ၽီ​ၼၼ်ႉ ဢွၵ်ႇ​ပႅတ်ႈ​လႆႈ​ၼင်ႇ​ႁိုဝ်​ၶႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊- မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ လိူဝ်​သေ​ၵွပ်ႈ​ပိူဝ်ႈ​တၢင်း​ဢၼ် သူး​တွင်း​လႄႈ ၵမ်​တၢင်း​ၵိၼ်​ၼၼ်ႉ​ၵူၺ်း၊ ၵွပ်ႈ​ပိူဝ်ႈ​ၵႃႈ​သင်​သေ​ဢမ်ႇ​ဝႃႈ၊ မဵဝ်း​ၼၼ်ႉ​ဢမ်ႇ​ဢွၵ်ႇ​လႆႈ၊ ဝႃႈ​ၼင်ႇ​ၼႆ​ဢေႃႈ။

ၵိူဝ်​ၸိုင်​လီ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ပေႃး​ဢၼ်​ၸဵမ်း​မၼ်း​ၼၼ်ႉ​ႁၢႆ​ၵႂႃႇ​ယဝ်ႉ​ၸိုင်၊ တၵ်း​ၶိုၼ်း​လႆႈ​ဢၼ်​ၸဵမ်း​မၼ်း​ၸိူဝ်ႉ​ၼင်ႇ​ႁိုဝ်။ ၵႃႈ​ၼႂ်း​သူ ႁႂ်ႈ​မီး​ၵိူဝ်​တႃႉ။ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ယူႇ​ထုၵ်ႇ​ထုၵ်ႇ​ၵၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢိင်​ပိုင်ႈ​ၸိုဝ်ႈ​သဵင်​ၵဝ်​သေ​လႄႈ ႁပ်ႉ​တုင်း​ဢဝ်​လုၵ်ႈ​ဢွၼ်ႇ​ၸိူဝ်ႉ​ၼင်ႇ​ၼႆ သေ​ၵေႃႉ​သေ​ၵူၼ်း​ၼၼ်ႉ၊ ၵေႃႉ​ၼၼ်ႉ ႁပ်ႉ​တုင်း​ဢဝ်​ၵဝ်​ဢေႃႈ။ ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ႁပ်ႉ​တုင်း​ဢဝ်​ၵဝ်​ၼၼ်ႉ​ၵေႃႈ ၵေႃႉ​ၼၼ်ႉ ႁပ်ႉ​တုင်း​ဢဝ်​ၵဝ်​ၵူၺ်း​ဢမ်ႇ​ၸႂ်ႈ၊ ႁပ်ႉ​တုင်း​ဢဝ်​ၵေႃႉ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ် ဢိင်​ပိုင်ႈ​ၸိုဝ်ႈ​သဵင်​ၵဝ်​သေ​လႄႈ​ဝႃႈ၊ သူ​ၸၢပ်ႈ​သႅင်ႇ​ၵၼ်​တင်း​ၸဝ်ႈ​ၶရိၸ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ပၼ်​ၼမ်ႉ​ၵွၵ်း​ၼိုင်ႈ​တီႈ​သူ​ၼၼ်ႉ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵေႃႉ​ၼၼ်ႉ​ဢမ်ႇ​လႆႈ​ဢၵျူဝ်း​လႄႈ တၵ်း​ဢမ်ႇ​လႆႈ​ယူႇ။

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ႁႂ်ႈ​လုၵ်ႈ​ဢွၼ်ႇ​ဢၼ်​ယုမ်ႇ​မၢတ်ႈ​ၵဝ် သေ​ၵေႃႉ​သေ​ၵူၼ်း​ၼႆႉ ၶီႈ​လိုတ်း​လႄႈ​လူမ်ႉ​ၼၼ်ႉ၊ တီႈ​ၵေႃႉ​ၼၼ်ႉ၊ ပေႃး​မၼ်း​လႆႈ​ၶၢမ်ႇ​တၢင်း​ဢၼ် ဢဝ်​မၢၵ်ႇ​ႁိၼ်​လူၺ် ႁွႆႈ​သႂ်ႇ​ၵႃႈ​တီႈ​ၶေႃး​သေ​လႄႈ ၶျႃး​တူၵ်း​ၵႃႈ​ၼႂ်း​ၼမ်ႉ​ပၢင်ႇ​လၢႆႇ​ၼၼ်ႉ​ၸိုင်၊ ယဵင်ႈ​ၶႅၼ်း​တၵ်း​လီ​ဢေႃႈ။

မၢၵ်ႇ​တႃ​မႂ်း​ၵေႃႈ၊ ပေႃး​ႁႂ်ႈ​မႂ်း​ၶီႈ​လိုတ်း​လႄႈ​လူမ်ႉ​ၸိုင်၊ ၶွၵ်း​ဢွၵ်ႇ​ပႅတ်ႈ​သေ​တႃႉ။ တၢင်း​ဢၼ်​မီး​တႃ​ၶွၼ်​ၼိုင်ႈ​လႄႈ လႆႈ​ၶဝ်ႈ​ၵႃႈ​ၼႂ်း​မိူင်း​ၽြႃး​ပဵၼ်​ၸဝ်ႈ​ပုၼ်ႉ​ၼၼ်ႉ ယဵင်ႈ​ၶႅၼ်း​တၵ်း​လီ​သေ​တၢင်း​ဢၼ် မီး​တႃ​သွင်​ၶွၼ်​လႄႈ လႆႈ​ၶၢမ်ႇ​တၢင်း​ဢၼ်​ၶျႃး​တူၵ်း​သႂ်ႇ​ၵႃႈ​ၼႂ်း​ငရၢႆး၊