မႃႇ​ၵူႉ 11-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ပိူဝ်ႈ​ၼႆ​လႄႈ ၵဝ်​ဝႃႈ​တီႈ​သူ​ၸမ်ႉ၊ ၵႃႈ​ဢၼ်​သူ သူး​တွင်း​ယွၼ်း​တင်း​သဵင်ႈ​တင်း​လူင်​ၼၼ်ႉ ပေႃး​သူ​ယုမ်ႇ​မၢတ်ႈ​လႄႈ​ဝႃႈ၊ တၵ်း​လႆႈ​ဢေႃႈ၊ ဝႃႈ​ၼင်ႇ​ၼႆ​ၸိုင်၊ သူ​တၵ်း​လႆႈ​ဢေႃႈ။

ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​လၢတ်ႈ​တီႈ​လွႆ​ၼႆႉ​လႄႈ​ဝႃႈ၊ ၶၢႆႉ​တီႈ​မႂ်း​တႃႉ။ တူၵ်း​ၵႃႈ​ၼႂ်း​ပၢင်ႇ​လၢႆႇ​ပုၼ်ႉ​တႃႉ၊ ဝႃႈ​ၼင်ႇ​ၼႆ​ၼၼ်ႉ​လႄႈ ၵၢင်း​လွတ်ႈ​တင်း​ၸႂ်​ဢၼ် ယုမ်ႇ​ၶိုင်ႈ​ၼိုင်ႈ​ဢမ်ႇ​ယုမ်ႇ​ၶိုင်ႈ​ၼိုင်ႈ​သေ​လႄႈ ယုမ်ႇ​မၢတ်ႈ​တၵ်း​ပဵၼ်​ၸိူဝ်ႉ​ၼင်ႇ​ဢၼ်​တူဝ်​ၸဝ်ႈ​ၵဝ်ႇ​ဝႃႈ​ၼၼ်ႉ​ၸိုင်၊ တီႈ​ၵေႃႉ​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​ဢၼ်​မၼ်း​ဝႃႈ​ၼၼ်ႉ​ဢေႃႈ။

မိူဝ်ႈ​ဢၼ်​သူ​ၸုၵ်း​ယူႇ​သေ​လႄႈ​သူး​တွင်း​ၼၼ်ႉ၊ ပေႃး​သူ​မီး​တီႈ​ဢၼ် တၵ်း​တၢင်ႇ​ဢပႅတ်ႈ တီႈ​ပိူၼ်ႈ​တၢင်ႇ​ၵေႃႉ​ၸိုင်၊ ပွႆႇ​လွတ်ႈ​ဢပႅတ်ႈ​မၼ်း​ၼၼ်ႉ​တႃႉ။ ပေႃး​သူ​ပွႆႇ​လွတ်ႈ​ၸိုင်၊ ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ တၵ်း​ပွႆႇ​လွတ်ႈ​ဢပႅတ်ႈ​သူ​ဢေႃႈ။

ယေႇသူႉ ​ၵေႃႈ ၶိုၼ်း​လၢတ်ႈ​လႄႈ​ဝႃႈ၊ သူ​မီး​တၢင်း​ဢၼ်​ယုမ်ႇ​မၢတ်ႈ ၵႃႈ​ၼႂ်း​ၽြႃး​ပဵၼ်​ၸဝ်ႈ​တႃႉ။

သင်ႇ​သွၼ်​ပၼ်​လႄႈ​ဝႃႈ၊ ႁိူၼ်း​ၵဝ်​ၸိုင် တၵ်း​လႆႈ​ၶၢမ်ႇ​တၢင်း​ဢၼ်​ႁွင်ႉ​ႁဵၵ်ႈ ႁိူၼ်း​တီႈ​ဢၼ်​ၵူၼ်း​ၵူႈ​ၸိူဝ်ႉ​ၵူႈ​မဵဝ်း​သူး​တွင်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ သူ​ႁႂ်ႈ​မၼ်း​ပဵၼ်​ထမ်ႈ​ၸူၼ် ယူႇ​လူင်​ပႄႇ ဝႃႈ​ၼႆ၊ တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​ၸိူဝ်ႉ​ၼင်ႇ​ၼႆ​ယဝ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။

ၵူၼ်း​ဢၼ်​ၵႂႃႇ​ပႃႈ​ၼႃႈ​လႂ် ၵူၼ်း​ဢၼ်​ၸွမ်း​ပႃႈ​လင်​လႂ် ၸိူဝ်း​ၼၼ်ႉ​ၵေႃႈ​ႁွင်ႉ​သႅၼ်ႇ​လႄႈ​ဝႃႈ၊ ႁႂ်ႈ​ပဵၼ် ႁူဝ်းသၼ်ႇၼႃႉ သေ​ၵမ်း​လူၺ်ႈ။ ႁႂ်ႈ​ၸဝ်ႈ​ဢၼ် ပႃး​တင်း​ဢၶႂၢင်ႉ​ထႃႇဝရႃႉ​ၽြႃး​မႃး​ၼႆႉ မီး​မင်ႇၵလႃႇ​သေ​ၵမ်း​လူၺ်ႈ။

ႁႂ်ႈ​မိူင်း​ပေႃႈ​ႁဝ်း​ တႃႇဝိတ်ႈ ဢၼ်​တႄႇ​ပဵၼ်​မႃး​ယူႇ​ၼႆႉ မီး​မင်ႇၵလႃႇ​သေ​ၵမ်း​လူၺ်ႈ။ ႁႂ်ႈ​ပဵၼ် ႁူဝ်းသၼ်ႇၼႃႉ ၵႃႈ​ၼိူဝ်​ၸိၵ်း​ၸွမ်​ၵၢင်​ႁၢဝ်​ပုၼ်ႉ သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။