တမၢၼ်ႇ​ၸဝ်ႈ 4-ൽ നിന്നുള്ള പ്രശസ്ത ബൈബിൾ വചനങ്ങൾ

လိူဝ်​သေ​ၸဝ်ႈ​ၼၼ်ႉ ၽူႈ​လႂ်​ဢမ်ႇ​တၢတ်ႈ​ၼိူင်ႇ​တၢင်း​ဢၼ်​ၵႄႇ​ၶျွတ်ႈ​ဢဝ်​လႆႈ။ လိူဝ်​သေ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ၼၼ်ႉ၊ ဢမ်ႇ​မီး​ၼႃႇ​မႃႉ​ၸိုဝ်ႈ​သဵင်​သေ​ၸိူဝ်ႉ​သေ​ပိူင်​ဢၼ်​ၵႄႇ​ၶျွတ်ႈ​ဢဝ်​ႁဝ်း​လႆႈ ဢၼ်​ပေႃႇ​မႃး​ၵႃႈ​ၼႂ်း​ၵူၼ်း​တင်း​လၢႆ​တႂ်ႈ​လုမ်ႈ​ၽႃႉ​ၵၢင်​ႁၢဝ်​ၼႆႉ၊ ဝႃႈ​ၼင်ႇ​ၼႆ​ဢေႃႈ။

ၶဝ်​သူး​တွင်း​ၸိူဝ်ႉ​ၼင်ႇ​ၼၼ်​သေ​ယဝ်ႉ၊ တီႈ​ဢၼ်​ၶဝ်​ၸူႉ​ၵၼ်​တုမ်​ၵၼ်​ၼၼ်ႉ​သၼ်ႇ​ၶွၼ်း​ဝႆ​လႄႈ ၵူၼ်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼၼ်ႉ တဵမ်​ဝႆႉ​တင်း​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​သေ​လႄႈ ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၸဝ်ႈ​ႁတ်း​ႁတ်း​ႁၢၼ်​ႁၢၼ်​ယူႇ​ဢေႃႈ။

ဢူဝ်း​ထႃႇဝရႃႉ​ၽြႃး​တီႈ​ၶႃႈ၊ တေႃႈ​လဵဝ်​ၼႆႉ​ၶႅၼ်း​တေႃႈ​လူ​တူၺ်း တၢင်း​ဢၼ်​ၶဝ်​လွၵ်ႇ​ၶဝ်​ငိုတ်ႈ​ၸိူဝ်း​ၼၼ်ႉ​သေ​ၵမ်း​တီႈ​ၶႃႈ။ လွင်ႈ​ၼင်ႇ​ႁိုဝ်​ၶႃႈ​ၸဝ်ႈ​ႁဝ်း​ၸိူဝ်း​ၼႆႉ တၵ်း​လႆႈ​ႁေႃး​လၢတ်ႈ​ၼုၵ်ႈၵပၢတ်ႈ​တြႃး​ၸဝ်ႈ​ႁဝ်း​ႁတ်း​ႁတ်း​ႁၢၼ်​ႁၢၼ်၊

ၸဝ်ႈ​ၼၼ်ႉ​ၸမ်ႉ၊ ပဵၼ်​မၢၵ်ႇ​ႁိၼ်​ဢၼ်​သူ​ၸိူဝ်း​ဢၼ်​ႁဵတ်း​တိူၵ်ႈ​ပႅတ်ႈ​ဝႆႉ​လႄႈ ၵမ်း​လိုၼ်း​ပဵၼ်​ႁူဝ်​ၸဵင်ႇ​တိူၵ်ႈ​ဢေႃႈ။

ၶဝ်​ၼၼ်ႉ မိူဝ်ႈ​ဢၼ်​ႁၼ်​တၢင်း​ဢၼ်​ႁတ်း​ဢၼ်​ႁၢၼ်​ ပေႇတရူႉ တင်း​ ယူဝ်းႁၢၼ်ႇ ​လႄႈ ႁူႉ​လွင်ႈ​ဢၼ်​ပဵၼ်​ၵူၼ်း​ဢမ်ႇ​ပေႃး​မေႃ​လိၵ်ႈ​တႄႉ​တႄႉ​ဝႃႈ​ဝႃႈ၊ ပဵၼ်​ၵူၼ်း​ပၢၼ်​ၵၢင်​ၵူၺ်း​ၼၼ်ႉ​ၸိုင်၊ ဢၢမ်း​ယူႇ​သေ​လႄႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ်​သွင်​ၶႃ​ၼၼ်ႉ ယၢမ်ႈ​လႆႈ​မီး​ယူႇ​လူၺ်ႈ​ၵၼ်​တင်း​ ယေႇသူႉ ​ယဝ်ႉ​ၼၼ်ႉ​ဢေႃႈ။

ၵူၼ်း​ဢၼ်​ယုမ်ႇ​မၢတ်ႈ​တင်း​သဵင်ႈ​တင်း​လူင်​ၸိူဝ်း​ၼၼ်ႉ မီး​ၸႂ်​ဢၼ်​မိူၼ်​မိူၼ်​ၵၼ်​လႄႈ ၽူႈ​လႂ်​ဢမ်ႇ​ဝႃႈ​ဢုၵ်ႉ​ၸႃႇ​ၶူဝ်း​လဵင်း​မၼ်း​သေ​ၸိူဝ်ႉ​သေ​ပိူင် ပဵၼ်​ဢုၵ်ႉ​ၸႃႇ​ၶူဝ်း​လဵင်း​မၼ်း၊ ၶဝ်​သိူၵ်ႈ​သမ်ႇ​ႁူမ်ႈ​ၵၼ်​ၸၢႆႇ​ၵိၼ်​ဢုၵ်ႉ​ၸႃႇ​ၶူဝ်း​လဵင်း​ၶဝ်​ၵႃႈ​ဢၼ်​မီး​ၸိူဝ်း​ၼၼ်ႉ​ဢေႃႈ။