Proveps-Knare Nomaniza 22-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Mofavreka'a knare kantema vuza rempi humigeno knare kante nevuno, rama hanuno'a, ana avu'avara atreno rukrehe osino.

Agra'a avufga anteramino nemanino, Ra Anumzamofonku'ma koro hunteno, agorga'ama mani'zamo'a, rama'a fenoza nentesankeno kagi'a husga nehanagenka, zaza kna manigahane.

Vahe'mo'ma knare kagi'ma kami'zamo'a, rama'a fenoma ante'zana agatere'ne. Hagi vahe'mo'ma kagrima kavesigante zamo'a, koline silvanena agatere'ne.

Arimpa hevava vahera rone huonto, ame huno rimpahe vahe enena tagro oto

Iza'o zamunte'ma omane nagama muse zampintima ne'zama amisia vahera, Ra Anumzamo'a asomu huzamantegahie.

Ankere antahizane vahe'mo'a, hazenke zama ne'esigeno negeno maniganesigeno agateregahianagi, knare antahizama omane vahe'mo'a, hazenkema fore'ma nehanigeno'a, negeno nevuno ana hazenkezana erigahie.

Feno vahe'mo'za zmunte omne vahera, kegva hunezamantaze. Hagi zgoma nofi'ma nehaza vahe'moza, zago'ama nofima haza ne'mofo kazokazo eri'za vahe nemanize.

Feno vahe'ene amunte omane vahe'enena, Ra Anumzamo ana tarega vahera tro huzanantege'ne mani'na'e.

Zamunte omane vahe'mokizmi zana ohanareho, na'ankure zamagra zamunte omane vahe mani'naze. Hagi zamunte omanesige'zama upama hu'nesaza vahera, keagarera zamavrenteta zamazeri havizana osiho. Na'ankure Ra Anumzamo'a, zamunte omane vahera zamahokeno zamazeri havizama hanaza vahe'mokizmia, zamazeri haviza hugahie.