Proveps-Knare Nomaniza 17-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Mika zupa knampatimo'za zmavesirantegahaze. Hagi knazampima tza hanagu tafuhe'mokizmia kasezmante'naze.

Musema huno mani'zamo'a, tusazamo vahera azeri so'e higeno maniankna nehie. Hianagi vahe'mofo antahizamo'ma havizama haniana, havi krimo zaferinafi me'neno azeri haviza hiankna hu'ne.

Iza'o havizama huntesimofoma kefo zama'a atrentesimo'a, amu'nozanifina avesinte avu'avazamo'a, meno vugahie. Hianagi arone'amofo havi avu'avazama'agu hugantigama hanimo'a, knare knampa'a azeri atanegahie.

Knare antahintahima me'nea vahe'mo'a, rama'a keaga osugahie. Hagi ama' antahizama me'nenia ne'mo'a, ame huno rimpagna osugahie.

E'ina hu'negu neginagi vahe'mo'ma kema osuno manisia zankura, vahe'mo'za knare antahiza eri'ne hugahaze.

Vahe'mo'ma rimpa frune akoheno manineno naga'anema osia kave'ma ne'zamo'a, tusi'a ne'zama hafra nehuno kreno ne'zana agatere'ne.

Ha' frama hu'zamo'ma agafama nehanigeta, koma eri amne osanunkeno'a, ti anagi atregeno ti hageno eankna huno rama'aza eri haviza hugahie.

Kefo avu'avama nehia vaheku'ma fatgo vahere nehu'za, fatgo zmavu'avazama nehaza vaheku'ma, kefo vahere hu'zama nehaza tare zmavu'zmavakura, Ra Anumzamo'a agoteno avesra hunezmante.