Proveps-Knare Nomaniza 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Antahintahi hakarema hu'zamo'a, vahe'mofona azeri antepri nehie. Hianagi zmazeri hanaveti ke'ma vahe'ma huzami zamo'a, zamazeri antesga nehige'za muse nehaze.

Azerinte fatgohu kegu'ma avesintemo'a, ama' antahizamofonku avesinente. Hianagi azeri ante fatgohu kegu'ma avesrama hunte'mo'a, neginagi vahe mani'ne.

Antahintahima osuno ame'ama huno hu ke'mo'a, kazimo vahe avufafi reankna nehie. Hianagi, antahintahima huteno keagagama hu vahe'mofo kemo'a, zamaza huno zamazeri neganamare.

Neginagi vahe'mo'zama zamagesama antahizana, zamagrama nehazazamo'a fatgo hu'ne hugahazanagi, ama antahizane vahe'mo'za rumo'zama antahintahima zamiza kea nentahize.

Neginagi vahe'mokizmia zmarimpa he'zamo'a ame huno amate eama hanigenka kegahananagi, ama' antahizane vahe'mo'a, azeri havizama nehinke'no'a, rimpa he'zamo'a eama hanigenka onkegahane.

Hentofa avu'ava'ene a'mo'a, nevena knare agi nemie. Hianagi knare avu'ava osania a'mo'a, neve zaferinafi namu reno kasriankna hugahie.

Ra Anumzamo'a havigema haza vahekura, tusiza huno agotezmanteno avesra hunezamante. Hianagi, tamage'ma nehaza vahekura, tusi muse nehie.

Fatgo vahe'mo'za tava'ozamire'ma nemaniza vahe'mokizmia, knare antahiza zamiza knare kante zmavare'za nevaze. Hianagi kefo zamavu zamavama nehaza vahe'mo'za, zamavre'za havifi nevaze.

Tamage ke'mo'a mevava hugahie. Hianagi havigema hu kemo'a, zazatera omanegahie.