MATHIU 7-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“Khokhaio, alia süsü neletao hi peilai, phoukhaio, alia neletao nou ngaoloulai; houkhaio, alia süsü neletao hi houthou peilai.

Daiolouzü khoyumai talinou ngaolouwe, alia phouyumai talinou ngaolouwe, alia khou-a buyu puh hisü houthou peilai.

“Südonou Achipaotao chouloua züloumai talihai chuhdu vanou ki soukhai touyu tsü veiyu mai sünaye kheihaoe.

“Südonou neletao nou maikhe maiye panou neletao hi soupei nüyu nasü, neletao-a süzhaibüa puletao hi soupeikhaio; daiolouzü haisü razhai ea rachi paolamaitao vei doupeiyu nasüe.

Ana ahrihi loure romü nasü taih-a taih-e ea ludu süsü tateie, alia süna ngaolouyu maisü chie.

“Romü taihyuna hinou taloulo; daiolouzü ha-kare buh hi loure romü nasü kaa-a kaae ea ludu nasü talae, alia sühi talouyu maisü poushoe.

Südonou shi-a buyu neletao koute-a nele nahmaitaohi avei nakhemai peilou sülouzü, kazhou koute koua rakibu neletao Puonou puh hinou khoyu maitao hisü avei nataonou peilai!

“Neletaoye chi kumore donou maiye chikuso, daiolouzü neletao nou maiye chikuyu zhaibüa neletaoye chikulai, alia neletao nou maiye douyu sünanou neletaoye doulai.

“Ana Achipaotao chouloua züloumo maitaosü vünai phaonou ki souyu avomai sünaye kheihaoe.

Südonou lah ne nghithouhi houngh louyu nasü popare romoa daidonou ne thaihou jürai nghithouhi louyu houngh nasü zhuwe? Kabüa nenou, ne thaihou jüraihi, ‘Eye panou ne nghithou hinou houngh popalouwo,’ tea khuvei-a paoloulai?

“Madayu rachi paolamai taoye leikei-a zhulo; puletao sü vakounou zhukhaie zhaotu zhaibüa neletao hi velai, ana puletao lekhe hiwo louzü chechenou khushoyu nüsei bübaie. Neletao nou puletao vah hinou puletaoye süloulai. Shube vanou darkha shishilou moe, alia shu hinou doushi shimoe.

Südonou süübe avei talinou rashi avei shiwe, alia süübe shinanou rashi ashi shiwe.

Süübe avei nanou rashi ashi shilou hoe, ea süübe ashina nou rashi avei shilou hoe.

Rashi avei shimoyu süübe taliye sü vilaiwu-a meihi polaithouwu baiwe.