🙏Ekeo tsotra fotsiny

“Fa Petera sy ny Apostoly namaly ka nanao hoe: Andriamanitra no tokony hekena mihoatra noho ny olona.” - Asa 5:29

Mampalahelo fa vao misy zavatra karakaraina matetika dia lasa mitoetra betsaka ny resaka kolikoly. Na aiza na aiza dia tsy nisy tsy mahalala ilay fiteny hoe: “ Mametrà kely aloha fa karakaraiko ianao eee…” Enga anie tsy ianao ilay miteny an’io 😏

Hainao moa fa hàlan’Andriamanitra ny kolikoly? Tsy amin’ny resaka ara-bola ihany fa kolikoly ara-moraly, ny kolikoly amin’ny resaka politika… Mety hiteny ianao hoe aiza no milaza izany ao amin’ny Baiboly dia ireto misy andininy vitsivitsy hanasako anao ho vakiana :

• Amosa 2: 6-7
• Salamo 14:1
• Galatiana 6:8
• 1 Korintiana 15:50

Mbola maro ny andinin-tsoratra masina fa inoako fa nandray ny Baibolinao ianao ary namaky ireo aloha, satria ianao dia olona mpankató.

Tian’Andriamanitra isika handeha amin’ny rariny sy ny hintsiny ary ny fahamarinana. Andriamanitra irery ihany no tokony ekena. Na inona na inona endrika kolikoly, na tsy fandehanana amin’ny fahamarinana dia tokony halavirintsika izany. Isika kristianina no fahazavana, midika hoe: tokony ho ohatra maneho ny fahamarinana. Manomboka anio dia aoka hanalavitra ny ratsy isika, hanalavitra ny endrika fandemen-tsaina hitadiavana tombontsoa manokana, hanalavitra ny fahalóvana rehetra fa HIJORO. Miandry fatratra anao izao tontolo izao (Vakio Romana 8:19). Ary raha atomboka anio eo amin’io sehatra misy anao io?

Fahagagana ianao!