Zakaria 3
3
Fisehoana hita fahefatra: ny nampitafiana an’i Jesosy
1Nasehony ahy i Jesosy#3,1 Rehefa tafatsangana indray i Israely dia misy zavatra roa ilainy hilaminan’ny toe-piainany, dia ny mpisorona sy ny mpanjaka., mpisorona lehibe, nitsangana teo anatrehan’ilay Anjelin’i Iaveh, ary i Satana nitsangana teo ankavanan’io#3,1 I Satana nitsangana teo ankavanana: Teo ankavanana no nijoroan’ny mpiampanga, amin’ny fitsarana. mba hanohitra azy. 2Dia hoy i Iaveh tamin’i Satana: «Aoka hosakanan’i Iaveh ianao, izay nifidy an’i Jerosalema! Tsy forohana nosarihina avy amin’ny afo va ity?»
3Ary nitafy maloto i Jesosy sy nitsangana teo anatrehan’ilay Anjely. 4Ary niteny ilay Anjely ka nilaza tamin’ireo nitsangana teo anatrehany nanao hoe: «Esory ny fitafiana maloto eny aminy.» Dia hoy izy taminy: «Jereo, efa noesoriko taminao ny haratsianao; sady fitafiana fitondra amin’ny fety#3,4 Fitafiana fitondra amin’ny fety: Izany dia manambara ny fahadiovan’ny mpisorona lehibe. no natafiko anao.» 5Ary hoy aho: «Aoka hasiana hamama madio#3,5 Aoka hasiana hamama madio. Tao amin’ny hamaman’ny mpisorona lehibe, eo anoloany, dia nisy takela-bolamena izay nisy teny voasoratra hoe: Fahamasinana an’i Iaveh, manambara fa masina eo anatrehan’i Iaveh ny mpisorona lehibe (Eks 28,36). eo an-dohany.» Dia nasian’izy ireo hamama madio teo an-dohany, sady notafiany izy; ary nitsangana teo ilay Anjelin’i Iaveh.
6Ka izao no fanambaràna nolazain’ilay Anjelin’i Iaveh, tamin’i Jesosy: 7Izao no lazain’i Iavehn’ny tafika: Raha mizotra amin’ny lalako ianao sy mahatoky ianao amin’ny fanaovana ny raharahako, dia hanapaka ny tranoko koa ianao; sy hiambina ny kianjako, sady havelako malalaka hiditra ho isan’ireto izay mitoetra atỳ.
Ny nahatongavan’ilay «Solofo»
8Mihainoa àry, ry Jesosy, mpisorona lehibe,
ianao sy ireo namanao#3,8 Ireo namanao. sns. Ny mpisorona rehetra na ny filohan’ny antoko-mpisorona 24 no lazaina eto. mipetraka eo anoloanao:
- fa olona hatao fambara ireo:
Indro Aho efa hampiavy ilay Solofo#3,8 Indro Aho efa hampiavy ilay Solofo: Ny Mesia no ilay Solofo, taranak’i Davida, sy mpanangana indray ny fanjakany., mpanompoko.
9Fa inty ny vato#3,9 Inty ny vato: Ny vato fehizoro amin’ny tempoly no izy. - Maso fito amin’izany vato tokana izany: ny mason’i Iaveh izany. Hisikotra ny hosokirina aminy, hasiana haingo mba ho tsara sy ho kanto kokoa. napetrako eo anoloan’i Jesosy;
maso fito no amin’izay vato tokana izay;
indro Aho efa hisikotra ny hosokirina aminy,
- teny marin’i Iavehn’ny tafika, -
ary hoesoriko indray andro monja#3,9 Hoesoriko indray andro monja ny helok’ity tany ity: Izany indrindra no asan’ny Mesia Mpamonjy, dia ny hanala ny fahotan’izao tontolo izao.
ny helok’ity tany ity#3,9 Indray andro monja: Toy ny fanaon’ny mpisorona lehibe taloha; fa amin’ny indray andro isan-taona izy dia nanao ny sorona fanonerana, mba hanonerana sy hanesorana ny heloky ny vahoaka rehetra izay ataony mandritra ny taona.!
10Amin’izany andro izany, - teny marin’i Iavehn’ny tafika, -
samy hifanasa avy ianareo, eo ambanin’ny voaloboka sy eo ambanin’ny aviavy.
Voafantina amin'izao fotoana izao:
Zakaria 3: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.