Osea 7
7
1Fony Aho nitady hanasitrana an’i Israely
no nihariharian’ny haratsian#7,1 Nihariharian’ny haratsiany: Fony Aho nitady hanasitrana an’i Israely, amin’ny fananaran’ny mpaminany azy sy ny famaizana nafitsoko azy, dia niseho ny feriny tamin’izay ka hita fa ratsy tokoa. ’i Efraima
sy ny haratsiam-panahin’i Samaria:
fa ny lainga ataony fanao;
ny mpangalatra miditra an-trano,
ny jiolahy mikarenjy eny ivelany.
2Ary izy ireo tsy misaintsaina akory ao am-pony
fa tsarovako avokoa ny faharatsiany.
Ankehitriny manodidina azy ny heloka be vava nataony,
dia indreo izy eo anatrehako.
Fiokoana
3Ny mpanjaka#7,3 Ny mpanjaka, sns. Ny sasany mihevitra fa ny mpanjaka eto dia i Jehò; nefa ny tokony ho marina dia i Jerôbôama, zanak’i Nabata, izay noho ny oha-pitondran-tena ratsy nasehony, dia nahatonga an’i Israely rehetra sy ny mpanjaka nandimby azy hivadika; sady na ny mpanjaka na ny lehibe tamin’izay, dia tsy nanasazy ny olo-meloka, fa nataony ohatry ny kilalao aza ny fahitana izany., falifaliany amin’ny haratsiany;
ary ny mpifehy amin’ny laingany.
4Izy rehetra mpaka vadin’olona avokoa,
hoatra ny fatana#7,4 Hoatra ny fatana, sns. Izany dia teny enti-manohatra ny fitongilanan’ireo vahoaka amin’ny fahavetavetana. Ny fatana fanaova-mofo dia tsy maintsy rosoana afo mba hafana tsara, satria raha tsy izany dia sady tsy masaka ny mofo no tsy mitombo; nefa rehefa mahamay dia tsy soronana afo intsony, satria efa mirehitra ho azy; toy izany koa ireo vahoaka ireo, na dia tsy misy olona na fakam-panahy mitarika azy eo ivelany aza, dia mandeha tsy voizina amin’ny fijangajangana ihany izy. nampirehetin’ny mpanao mofo afo,
izay mitsahatra tsy misorona afo,
hatramin’ny nametafetany ny koba ka mandra-pivontony.
5Amin’ny andron’ny mpanjakantsika#7,5 Amin’ny andron’ny mpanjakantsika: Izany hoe, ny fetin’ny andria-manjaka izay atao isan-taona; dia hararaotina hanaovana filerana mahatsiravina.,
ny mpanapaka mankarary tena amin’ny hafanan’ny divay;
niara-naninji-tanana tamin’ny mpananihany izy io.
6Fa tamin’ny firaisan-tetik’izy ireo,
nataony toy ny ao anaty fatana ny fony;
ka ny mpanao mofony natory mandritra ny alina,
ary nony maraina nirehitra hoatra ny lelafo midedadeda.
7Mahamay hoatra ny fatana avokoa izy rehetra,
ka ny mpitsara azy no levoniny.
Ny mpanjakany lavo avokoa,
tsy nisy niantso Ahy anefa izy rehetra.
Voa i Israely niantso ny hafa firenena
8Mifangaro amin’ireo firenena i Efraima,
hoatra ny mofomamy#7,8 Mofomamy: Raha kila ny ila-mofo, ary manta indray ny ilany, satria tsy navadika, dia izany no zava-poana, ka tsy misy ilàna azy na kely aza. tsy voavadika i Efraima.
9Levon’ny hafa firenena ny heriny,
nefa tsy fantany akory izany;
efa mipi-bolo ny lohany,
nefa tsy fantany akory izany.
10Mitsangan-ko vavolombelona miampanga azy ny avonavon’i Efraima:
tsy miverina amin’i Iaveh Andriamaniny anefa izy ireo,
na mitady Azy, na dia izany rehetra izany aza.
11I Efraima tonga hoatra ny domohina#7,11 Hoatra ny domohina: Izany hoe, mora ambakaina na arebireby.,
adaladala tsy misy saina;
miantso an’i Ejipta, mankany Asiria.
12Amin’ilay mankany iny izy ireo,
Izaho kosa mamelatra eo amboniny ny fandrika haratoko;
dia hataoko latsaka toy ny voromanidina izy,
ary hamay azy, araka ny efa voalaza rahateo teo amin’ny fiangonany.
Tsy mahay mankasitraka i Israely ka voasazy
13Loza ho an’ireny, fa nandositra lavitra Ahy izy!
Hanjò azy anie ny faharavana satria nivadika tamiko!
Raha Izaho, dia mba te hamonjy azy ireo Aho,
fa izy kosa milaza lainga hamelezana Ahy.
14Tsy mitaraina amiko ao am-pony izy,
raha ilay midradradradra foana eo am-pandriany iny.
Misahirana fatratra izy ny amin’ny vary aman-divay vaovao,
nefa Izaho iambohoany.
15Izaho nampianatra azy sy nankahery ny sandriny;
Izy ireo kosa misaintsain-dratsy hanoherana Ahy.
16Mitodika izy, fa tsy ho any amin’ny ambony;
manahaka ny tsipìka mivaona#7,16 Tsipìka mivaona: Tsy tonga amin’izay nikendrena azy.:
ho lavon’ny sabatra ny mpifehy#7,16 Ho lavon’ny sabatra ny mpifehy. Amin’ny fianteheran’ireo lehibe amin’ny fanampian’i Ejipta, dia hidaondaom-bava amin’ny Asirianina izy, kanjo i Ejipta sady handao no hihomehy azy. azy,
noho ny fisafoaky ny lelany;
ary handatsàny azy izany any amin’ny tany Ejipta.
Voafantina amin'izao fotoana izao:
Osea 7: MBC
Asongadina
Hizara
Mampitaha
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.